Një qytetar nga Tirana ka denoncuar një skandal të vërtetë përsa i takon faturimit abuzues të energjisë elektrike. Qytetari në denoncimin e tij thekson se punonjësit e KESH dhe OSHEE nuk kontrollojnë më sahatet në terren por vendosin faturime me shifra të paimagjinueshme. Sipas tij, në muajin maj fatura e energjisë ka arritur deri në […]

The post Drejtorët e Ballukut “vjedhin” shqiptarët, qytetari: Abuzim! Më erdhi 500 mijë fatura e energjisë për majin appeared first on BoldNews.al.

Ish-kandidati i PD-së, Shemsi Prençi thotë se në 11 Maj qeveria Rama kreu një masakër zgjedhore, e cila sipas tij ishte parapërgatitur më herët. Ai shprehet se është dakord me të gjitha denoncimet që ka bërë kryedemokrati Sali Berisha për masakrën zgjedhore. Prençi shton gjithashtu se edhe vetë kryeministri nuk e donte një fitore të tillë, pasi super-pushteti krijon kriza, të cilat do të dalin në…

Source

Asambleja Parlamentar e OSBE-së ka ngritur alarmin për problemet në zgjedhjet e 11 Majit në Shqipëri. Farah Karimi, Koordinatore e Posaçme dhe drejtuese e vëzhguesve afatshkurtër të OSBE-së lexoj disa nga gjetjet e raportit paraprak për të informuar Asamblenë e OSBE-së, ku ndër shqetësimet kryesore, renditi përdorimin e pushtetit nga Edi Rama për të krijuar […]

The post Koordinatorja e vëzhguesve të OSBE-së për 11 Majin: Rama përdori pushtetin për avantazh appeared first on BoldNews.al.

Hapja sërish e kutive i uli dhjetëra vota kandidatit demokrat, Ilir Alimehmeti pasi u vlerësuan si të pavlefshme. Por Alimehmeti akuzon Komisionin e Ankesave dhe Sanksioneve në KQZ se është bërë pjesë e manipulimit të rezultatit, me leximin e gabuar të fletëve të votimit. “Ata që janë mësuar të fusin duart, vazhdojnë të ndikojnë numëruesit. […]

The post Alimehmeti akuzon KAS pas rinumërimit: Sistemi të reformohet, duhet analizë brenda PD appeared first on BoldNews.al.

I ftuar në një studio televizive Himçi solli rastin më të fundit të konstatimit të këtij fenomeni në një nga QV në Gramsh.

Deputeti i zgjedhur i PD në Qarkun e Elbasanit, Blendi Himçi e konsideron fenomenin e famshëm ‘ treni bullgar’ jo një legjendë, por tanimë një realitet i ndodhur në disa qendra votimi në këtë qark.

Sipas Himçit, gjatë ankimit në KAS, referuar edhe ‘provave’ të copëzuara të vëna në dispozicion nga KQZ, janë konstatuar një sërë problematikash tejet skandaloze, që për ligjvënësin e dalë nga zgjedhjet e 11 majit, ato ishin ‘vrastare’ për vetë procesin zgjedhor në tërësi, ende pa nisur.

Për Himçin, pamjet video të copëzuara e të prera në QV më 11 maj, tregojnë shkelje flagrante, dhe si i tillë, procesi i votimit nuk mund të quhet i vlefshëm dhe është nul.

Blendi Himçi: 

Treni bullgar, s’është legjendë, është realitet dhe ka ndodhur në disa qendra votimi. Para disa orësh konstatuam ‘trenin bullagr’ në Gramsh, ku komisioneri e fut fletën në fundshpinë e më pas del nga QV së bashku me fletën. Mjafton të dalë një fletë votimi nga QV, me dy vula, del jashtë dhe ata që kontrollojnë procesin, votojnë PS, ia japin votuesit në dorë karshi pagesës, votuesi e merr fletën shkon në QV me fletën në xhep dhe merr fletën tjetër, fletën e vet që ka, e nxjerr jashtë, ndërsa atë që i ka dhënë komisioni e nxjerr jashtë. Kjo kalon pastaj dorë më dorë, vota totalisht të kontrolluara.

Kemi hasur një sërë problematikash. Nga dyshimet e ‘trenit bullgar’ dhe deformimin e votës, kemi kërkuar pamjet filmike në Qarkun e Elbasanit. Kemi kërkuar që pamjet të kenë orën dhe minutën. Nga KQZ na janë dhënë të prera të gjitha, i ka prerë administrata më format 20 min, dhe ato nuk janë të plotë. Argumentet para KAS, sipas KQZ, mund të ketë ndodhur që s’ka pasur energji elektrike. Bien vetë më këmbët e veta brenda, nëse këto kamera kanë pasur bateri që mbajnë mbi dy orë. Unë s’di të ketë pasur ndërprerje të energjisë. Kjo situatë është në të gjitha QV, që s’kemi pamje të plota të pamjeve filmike.

Nëse më 2023 formati i kameras ka qenë 16.9, por është në formatin e shkurtuar, 4-3, që mos t’i japë rezolucion pamjes së mbulimit. Mbi 40% të pamjeve filmike, gjejmë gjëra skandaloze. Këtu janë shkelje flagrante dhe si mund të quhet i vlefshëm ai proces votimi që ka ndodhur në Qarkun e Elbasanit apo gjithë Shqipërinë. Ka ndodhur rëndom në të gjitha qarqet e Shqipërisë. Kërkesa jonë në KAS, s’është rinumërimi, që është kërkuar nga kandidatët. Qëndrimi ynë si subjekt është pavlefshmëria e zgjedhjeve. Procesi është nul, është ‘vrarë’ procesi zgjedhor ende pa nisur. Ka humbur fshehtësia e votës.

The post 11 maji, procesi i rinumërimit/ Reagon deputeti: Treni bullgar, jo më legjendë realitet appeared first on Sot News | Lajme.

Kreu i Grupit Parlamentar të PD-së, Gazment Bardhi shpjegoi në emisionin “Log.” në News24 arsyet pse u shkoi në qarkun e Fierit si drejtues politik. Bardhi pranoi se lufta 4-vjeçare brenda PD-së kishte lënë pasojë në Fier për shkak të shkëputjes nga kjo forcë të disa individëve që sipas tij vlerësohen si faktorë elektoralë

“Qarku i Fierit ka qenë qarku më kompleks, qoftë për zhvillimet e jashtme por dhe të brendshme. Edhe lufta 4-vjecare kishte lënë pasojë në Fier për shkak të shkëputjes nga PD të disa individëve që vlerësohen si faktorë elektoralë. Unë kam qenë i ndërgjegjshëm për ku po shkoja dhe çfarë vështirësish kishte Fieri. Nuk ka qenë kërkesa ime për të shkuar drejtues politik i PD në qarkun e Fierit.

Për shkak të mënyrës si rrodhën ngjarjet në PD, sigurisht mund të kisha zgjedhur rehatinë time, duke thënë “dua të rri në Tiranë, apo të isha kandidat në qytetin tim të lindjes në Kavajë. Por nuk i jam shmangur kurrë asnjë përgjegjësie që më është ngarkuar nga partia. Dhe qarku i Fierit ishte qartësisht një përgjegjësi që mu ngarkua, kam qenë i përgjegjshëm për kë kisha përballë dhe u përpoqa të bëj maksimumin, një kandidat për deputet isha si ju njeri normal. Nuk kisha para korrupsioni për ti hedhur në fushatë, nuk kam të fortë pas meje që të bëja fushatë. Po ti shihni fotot e mia janë me të rinj, me ata e bëra fushatën” – tha Bardhi.

Ai bëri akuza të forta se zgjedhjet e 11 majit nuk ishin të ndershme dhe të barabarta. Sipas tij, Partia Demokratike ishte përballë jo vetëm pushtetit politik, por edhe strukturave të tjera që, sipas tij, janë në funksion të Partisë Socialiste.

Bardhi theksoi se kandidatët e PD-së janë intimiduar nga politika dhe grupe kriminale, duke përmendur konkretisht rastin në qarkun e Fierit, por sipas tij kjo është reflektuar në të gjithë vendin. Ai akuzoi segmente të Prokurorisë për bashkëpunim edhe me bandat.

“PD kishte përballë shtetin dhe anët e tjera të errëta të tij. Gara nuk ishte e ndershme. Nuk përballohet të qenit bashkë krimi, policia dhe segmente të caktuara të Prokurorisë. Nuk bëhet garë në këto kushte.

Nëse kisha përballë një bandë, duhet t’i drejtohem institucionit dhe institucioni nuk përgjigjet, sepse është palë përballë meje. Vetëm imagjinoni çfarë gare ka qenë më 11 maj. Kemi telefonuar policinë dhe ata nuk janë përgjigjur. Policia ishte në shërbim të PS. Kandidatët tanë janë intimiduar nga policia, por edhe krimi. Po flas për qarkun Fier, por besoj se ka ndodhur edhe në rang kombëtar” – tha Bardhi. ©LAPSI.al

The post Bardhi: Për humbjen e PD në Fier ndikoi edhe përçarja e brendshme appeared first on Lapsi.al.

Asambleja Parlamentare e Këshillit të Europës vuri në pikëpyetje demokracinë bazuar në zgjedhjet e 11 Majit. Në raportin e lexuar në sesionin e sotëm u ngrit alarmi mbi përdorimin e pushtetit nga qeveria e Edi Ramës, presionet ndaj administratës nga patronazhistët, lidhjet me krimin apo frikësimin e votuesve. Në fjalën e saj deputetja Albana Vokshi […]

The post Vokshi denoncon “masakrën elektorale” në KiE: Kriminelët më kërcënuan së bashku me vajzën appeared first on BoldNews.al.

Kreu i PD-së ka publikuar një video që tregon se çfarë ndodhi në qendrat e votimit në disa fshatra të Elbasanit dhe të Peqinit. Nga pamjet duken komisionerë që nxjerrin fletë votimi nga kutitë, të tjerë që votojnë 4 herë, të tjerë që shoqërojnë votuesit në momentin e përzgjedhjes së partisë apo kandidatit të preferuar duke shkelur të drejtën e fshehtësisë së votës.

Me pak fjalë në video shihet qartë se ditën e 11 Majit në disa qendra votimi, kutitë janë mbushur përmes një procesi fals, të paligjshëm dhe kriminal.

Berisha tha se video u shfaq edhe në seancën e komitetit të Stabilizim Asociimit mes Shqipërisë dhe BE nga deputetja Albana Vokshi dhe e shokoi audiencën.

“Zonja Albana Vokshi, e pranishme në grupin parlamentar të Partisë Popullore, paraqiti që në mëngjes një video shokuese, shokuese për audiencën, e cila tregoi se pse zgjedhjet në Shqipëri, ishin një farsë e tipit të Zimbabeve të 30 viteve më parë” u shpreh Berisha. Video e plotë më poshtë:

The post Berisha: Kur panë këtë video në Strasburg e krahasuan Shqipërinë me Zimbabven appeared first on Lapsi.al.

Kreu i Parisë Demokratike, Sali Berisha, në konferencën e sotme me gazetarët, ka deklaruar se PD ka të dokumentuar që në disa qendra votimit për zgjedhjet e 11 majit është votuar nga komisionerët në favor të deputetet socialiste Sara Mile. Berisha se i kanë të dokumentuara provat dhe se do t’i dëshmojnë. “Aty ku Sara […]

The post “Në qendrat e votimeve munguan komisionerët”/ Berisha: Votat shkonin për Sara Milën appeared first on BoldNews.al.

Këtë të hënë, kryetari i PD-së Sali Berisha, mbajti konferencën e radhës me gazetarët nga selia blu.

Kryedemokrati theksoi edhe një herë se, vijon beteja e forcës që drejton për votën e lirë të shqiptarëve. Berisha u ndal sërish tek manipulimet sipas tij më 11 maj.

Tashmë beteja është zhvendosur në Strasburg, në asamblenë e KiE dhe Partive Popullore Evropiane.

Albana Vokshi, shton Berisha, paraqiti sot një video në PPE, që siç shprehet ai i shokoi të gjithë, prej manipulimit të kapur nga kamerat në 11 maj.

Berisha: Vijon lufta e PD për votën e lirë të shqiptarëve. Java që kaloi ishte një javë jashtëzakonisht e rëndësishme për këtë front. Në një sintoni të plotë, përfaqësuesit e PD në komisionin e stabilizim asocimit, në PE, nënkryetarët Bylykbashi, Gjekmarkaj, kreu i grupit parlamentar Bardhi, Tabaku, kryetarja e komisionit të kulturës, Ina Zhupa, deputeti Koreshi, paraqitën në aurën e tempullit të demokracisë të vërtetën e zgjedhjeve të cilat edhe një herë, siç i theksoi miku i shquar gjerman si zgjedhje në Zimbabve 30 vite më parë.

Përfaqësuesit e PD-së, me fjalët e tyre, me argumentet që paraqitën dëshmuan se Edi Rama është një armik i vërtetë i lirive dhe të drejtave të shqiptarëve, armik i rrezikshëm i vlerave themelore të shoqërisë së lirë.

Sot, beteja vazhdon po në Strasburg, por kësaj radhe në Asamblenë parlamentare të KiE. Theksoj se si parlamenti dhe Këshilli, patën si vëzhgues në këto zgjedhje delegacionet më të mëdha. Sot, në KiE, do paraqitet nga kryetari i delegacionit të KiE për zgjedhjet, raporti i parlamentarëve europianë. Ky raport, është diskutuar në grupet parlamentare dhe do diskutohet në seancën plenare të kësaj asambleje, për të marrë formën përfundimtare.

Zonja Albana Vokshi e pranishme në grupin e PPE paraqiti që në mëngjes një video shokuese, për audiencën, e cila tregoi pse zgjedhjet në Shqipëri ishin një farsë e tipit të Zimbabve të 30 viteve më parë. Pamjet në tempullin, e grupit PPE, ishin shokuese për audiencën. Tani zhvillohet debati në të cilat zgjedhjet janë zgjedhje që nuk kanë të bëjnë me standardet evropiane. Rrjeshtohen një listë të gjerë problemesh, manipulimesh, blerje vote.

The post Sali Berisha: Vijon lufta e PD për votën e lirë, sot paraqitëm në PPE, 11 maji farsë e tipit të Zimbabves 30 vite më parë appeared first on Albeu.com.

Sekretari për Çështjet Ligjore dhe Zgjedhore në Partinë Demokratike, Ivi Kaso deklaroi se opozita nuk po synonte marrjen e një mandati të 14 në Tiranë. Sipas tij kërkesa për rivlerësimin dhe rinumërimin e votave nuk është bërë për këtë arsye, por nëse kandidatët brenda PD-së pretendojnë se mund të arrijnë mandatin e tyre, sipas tij […]

The post “Nuk kishim si objektiv mandatin e 14”, Kaso: Ja pse e kërkuam rinumërimin e votave appeared first on BoldNews.al.

Ka shkuar në 200 numri i kutive të hapura dhe të rinumëruara të qarkut të Tiranës nga 1282 që janë gjithsej. Rinumërimi ka nxjerrë disa parregullsi.

Kështu PS rezulton të ketë marrë padrejtësisht në 11 maj 96 vota më shumë nga sa i takonin. Edhe PD-së i janë hequr nga rinuëmrimi 66 vota që i ka marrë më shumë në numërimin e parë pas zgjedhjeve. “Lëvizja Bashkë” ka marrë 11 vota më shumë, koalicioni “Shqipëria Bëhet” 10 vota dhe PSD ka 4 vota më shumë nga sa i takojnë.

Nga ata që “u është ngrënë haku” deri tani zbulohet se “Koalicionit Euroatlantik” të Lulzim Bashës i janë hequr 8 vota dhe koalicionit “Djathtas për zhvillim” të Dash Shehit dhe Enkelejd Alibeajt me 3 vota.

Sa i takon garës mes kandidatëve brenda partive duket se tek të dy kampet ka lëvizje të votash që deri tani nuk i lëkundin mandatet. Ilir Alimehmeti që kërkoi t’i hapen kutitë rezulton se i janë dhënë padrejtësisht 19 vota më shumë ndërsa “rivales” së tij Jorida Tabaku po ashtu i janë dhënë 2 vota më tepër.

Lëvizje ka edhe në kampin e socialistëve. Diferenca mes Olta Xhaçka dhe Blerina Gjylametit mbetet pak a shumë e njëjtë. Nga rinumërimi shihet se Xhaçka ka marrë në 11 maj ka marrë 12 vota më shumë ndërsa Gjylametit i janë hequr padrejtësisht 4 vota. ©LAPSI.al

The post Rinumërohen 200 kuti në Tiranë, shikoni si kanë ndryshuar votat e 11 majit appeared first on Lapsi.al.

TIRANË, 19 qershor/ATSH/ Kreu i Partisë Demokratike, Sali Berisha, u shpreh sot gjatë një konference me gazetarët, se zgjedhjet e 11 majit ishin një farsë elektorale, duke paralajmëruar, sipas tij, fakte të reja.

Berisha tha se, Partia Demokratike nuk do ta njohë kurrë rezultatin e këtyre zgjedhjeve, të cilat i konsideroi si një farsë të mbështetur në krim dhe drogë.

“Deklaroj edhe njëherë se rezultati i këtyre zgjedhjeve të bazuara në krimin, drogën dhe farsën nuk do njihet kurrë. Denoncoj përsëri njoftimin që bëri paraprakisht klani Troplini për t’u larguar, njeriu që mbajti në xhep për 20 ditë, urdhër-arrestin ndërkombëtar të tyre, të firmosur nga gjykatësi dhe që pranoi të ndryshojë edhe mbiemrin dhe të quhet jo më Duman, por Troplin”, tha Berisha.

Berisha u shpreh se raporti për farsën elektorale është në tërësi gati, shkeljet i janë dërguar institucioneve që vëzhguan zgjedhjet

“95 për qind e tij është dërguar pranë institucioneve që vëzhguan zgjedhjet. Pastaj kjo do kompletohet dhe do dërgohet si libër”, deklaroi Berisha.

I pyetur nga gazetarët në lidhje me procesin e rinumërimit të votave, kreu i PD, theksoi se, kjo nuk është një kërkesë primare e PD-së, por një kërkesë e bërë nga kandidatët dhe e mbështetur nga partia.

Sipas Berishës, kjo është një nevojë e ngritur nga qytetarët dhe kandidatët për transparencë. Sipas tij, Partia Demokratike është e përqendruar në kontrollin e legjitimitetit të zgjedhjeve, të cilat i cilësoi si një farsë të shëmtuar dhe të parapërgatitur. Ai përmendi tre linja hetimi që, sipas tij, po ndjek PD: pamjet filmike që zbulojnë manipulime, mënyra e administrimit të qendrave të votimit dhe materialeve zgjedhore, si dhe shqyrtimi i kërkesave të kandidatëve opozitarë.

Gjatë konferencës, Berisha paralajmëroi publikimin e të tjera fakteve lidhur me zgjedhjet e 11 majit.

“Treni bullgar është mekanizëm universal. Dy janë mekanizmat me fletën e votimit, treni bullgar dhe ai që përdor Putini që shpërndan fletën e votimit para votimeve dhe ata vijnë me fletë në xhep dhe votojnë. Pastaj, mos harroni se nuk ka filluar akoma të flas laptopi”, tha Berisha.

/e.i/j.p/

The post Berisha: Raporti për farsën elektorale gati, shkeljet tek institucionet vëzhguese të 11 majit appeared first on Agjencia Telegrafike Shqiptare.

Berisha tha se rinumërimi i votave është kërkesë e kandidatëve e mbështetur nga PD për transparencë. Kreu i Partisë Demokratike, Sali Berisha, foli sot në konferencën për mediat lidhur me procesin e rinumërimit të votave nga zgjedhjet e 11 Majit.
Sakaq ai theksoi se rinumërimi nuk është një kërkesë primare e PD.

“Kërkesa e PD ka të bëjë me legjitimitetin e zgjedhjeve dhe unë mund tu them se 3 janë linjat kryesore të kontrollit që ne bëjmë”, theksoi kryedemokrati.

Sali Berisha:

Numërimi i votave është kërkesë e kandidatëve e mbështetur nga PD për transparencë. Nuk është një kërkesë primare e PD, jo dhe jo, ta ketë të qartë çdo njeri. Kërkesa e PD ka të bëjë me legjitimitetin e zgjedhjeve dhe unë mund tu them se 3 janë linjat kryesore të kontrollit që ne bëjmë.

Së pari kamerat, që kanë zbuluar në mënyrë të përsëritur trenin bullgar. Kanë zbuluar akte më të shëmtuara që damkosin farsën, një proces i paligjshëm. 

E dyta janë administrimi i qendrave të votimit, kutive të votimit, materialeve të votimit dhe proces verbaleve të votimit.

E treta janë plotësimi i kërkesa të kandidatëve tanë që kanë pretendimet e tyre dhe ne kurrë nuk mund që të mos mbështesim transparencën. Çdo ditë do faktojmë para jush se çfarë farsë e shëmtuar është bërë më 11 maj.

The post “Në mbështesim kërkesën e kandidatëve”/ Rinumërimi i votave, flet Berisha: Procesi nuk është kërkesë primare e PD-së appeared first on Sot News | Lajme.

Kandidati për deputet i PD-së, Ilir Alimehmeti, theksoi se nga videot që KQZ i ka dërguar shtabit të PD, del se ka pasur problematika në çdo qendër votimi në Qarkun e Tiranës për zgjedhjet e 11 majit. I ftuar në një intervistë në SYRI TV, Alimehmeti tha se zgjedhjet e 11 majit nuk kanë se si të jenë të besueshme pasi sipas tij, pamje të shumta të kamerave në çdo KZAZ tregojnë persona që marrin fletë që i nxjerrin jashtë dhe futin fletë të sjella nga jashtë.

“Duhet të jemi të qartë që provat e vërtetë janë videot e KQZ të parat se pastaj se çfarë ka ndodhur me fletët e votimit, kanë mbetur aty një muaj. Na vijnë pamje nga qendra e votimit që ne shohim, shumë njerëz të pranishëm me njerëz që futen brenda kutisë, me fletë që dalin me disa, që merr katër, hedh tre me disa që merr dy e me radhë. Patjetër që besueshmëria në këtë proces është tejet i ulët. Kështu që në këtë aspekt patjetër edhe Tirana nuk ka se si të jetë e përjashtuar, por është akoma shumë herët sepse është Qark shumë i madh.

Dhe të flasësh për një KZAZ të caktuar siç është Bashkia e Kamzës dhe kjo s’ka mbaruar dhe duhet të vijojë akoma në numërimin në zona e Paskuqanit, është shumë herët për të nxjerrë një përfundim, po themi nga kjo pjesë këtu. Ajo që është vënë re është që ka gabime plus minus pra çdo qendër votimi na rezulton me problematika, pse kanë ardhur do një analizë. Kur të na vijë në fund fare do një analizë të plotë. Të them të drejtën duhet të kishte më shumë vëzhgues nga forca politike, jo vetëm një sa është lejuar një për monitor, është shumë pak për procese të tilla, pra do të kishte nevojë të kishte më shumë. Njëkohësisht kujtoj se po numërohen dhe mandatet dhe kandidatët e listës së hapur, që do të thotë që vështirësia është më e madhe si për grupin e numërimit si për vrojtues. Ishin të gjitha mundësitë.

Numërues ishin vetëm dy nuk ishin katër dhe numri i vëzhguesve vetëm 8, pra kemi reduktim nga forcat politike. Unë mendoj se kjo ka një arsye se pse kjo është bërë kaq e reduktuar. Fare mirë mund të kishin qenë dy vetë, nga çdo forcë politike për secilën kuti për secilën tavolinë. Unë besoj se ka një bazë arsyeje në këtë drejtim, sepse jep mundësi të qëndrosh, sepse një njeri nuk mund të qëndrojnë dhe faleminderit të gjithëve vëzhguesve tanë, që po qëndrojnë aty po bëhet 10 orë në këtë moment. Ka nevojë një njeri gjatë ditës që të lëvizë pak, ka nevojë për një pausë të vogël.” tha Alimehmeti. /Syri.net

The post Alimehmeti: Rinumërimi tregon probleme në çdo qendër votimi në Tiranë appeared first on Lapsi.al.

Nisi këtë të mërkurë rinumërimin i plotë i të gjitha votave të qarkut të Tiranës. Në ditën e parë u rinumëruan 85 kuti nga 1282 që janë gjithsej. Rinumërimi ka nxjerrë edhe disa parregullsi.

Kështu PS ka marrë 42 vota më shumë nga sa i takonin, PD dhe koalicioni i saj ka përfituar 19 vota më shumë, PSD 7 vota më shumë dhe “Levizja Bashkë” ka marrë padrejtësisht 2 vota më shumë.

Deri tani zbulohet se “Koalicionit Euroatlantik” të Lulzim Bashës i është “ngrënë haku” nga numërimi i 11 majit me 5 vota më pak, Partisë “Mundësia” të Agron Shehajt me 3 vota dhe koalicionit “Djathtas për zhvillim” të Dash Shehit dhe Enkelejd Alibeajt më 1 votë.

Sa i takon garës mes kandidatëve brenda partive duket se tek të dy kampet ka lëvizje të votash që deri tani nuk i lëkundin mandatet. Ilir Alimehmeti që kërkoi t’i hapen kutitë pa se deri tani i kanë marrë padrejtësisht 4 vota, por edhe “rivales” së tij Jorida Tabaku po ashtu i janë vjedhur 11 vota.

Të tjerë demokrateve që u janë “vjedhur votat” janë Ilda Zhulali me 13 vota më pak, Asllan Dogjanii i janë ngrënë 10 vota, Salvador Kaçajt 6 vota, etj.

Lëvizje ka edhe në kampin e socialistëve. Diferenca mes Olta Xhaçka dhe Blerina Gjylametit mbetet pak a shumë e njëjtë. Nga rinumërimi shihet se Xhaçka ka marrë në 11 maj ka marrë 1 votë më shumë ndërsa Gjylametit i janë hequr padrejtësisht 2 vota. Bie në sy se Fatmir Xhafaj ka marrë 32 vota padrejtësisht nga numërimi i parë, apo Kejsi Elezi që kishte marrë 22 vota që nuk i takonin. ©LAPSI.al

The post Hapen 85 kuti në Tiranë/ Ndryshojnë votat e Tabakut, Alimehmetit, Xhaçkës, Gjylametit appeared first on Lapsi.al.

Kreu i Komisionit Qendror të Zgjedhjeve, Ilirjan Celibashi, ka bërë të ditur se të martën, më 17 qershor 2025, do të nisë procesi i rinumërimit të votave të zgjedhjeve të 11 majit në qarqet Tiranë, Fier, Durrës dhe Elbasan.

Në një postim në Facebook, Celibashi deklaron se do të rinumërohen gjithsej 2.323 qendra votimi, përfshirë edhe 85 kuti votimi nga jashtë vendit. Procesi do të zhvillohet nga 24 grupe numërimi me gjithsej 63 punonjës të administratës, nga të cilët 48 janë numërues dhe 15 zëvendësues.

Rinumërimi do të bëhet në 24 tavolina të vendosura në Pallatin e Sportit “Farie Hoti” në Tiranë, me praninë e vëzhguesve të autorizuar nga tre subjektet ankimuese: Koalicioni PD-ASHM, Partia Socialiste dhe Partia Mundësia. I gjithë procesi do të transmetohet live në rrjetet sociale të KQZ-së, sipas Celibashit.

Postimi i plotë

Procesi i RINUMËRIMIT nis nesër në datë 17 Qershor 2025. Vendimi i Komisionit të Ankimimeve dhe Sanksioneve (KAS) ka vënë në lëvizje KQZ dhe një nga operacionet më të rëndësishme zgjedhore pas votimit: rinumërimin e kutive të votimit. Ky proces garantohet nga profesionalizmi i administratës së KQZ-së dhe transparenca ndaj publikut duke transmetuar direkt online çdo veprim të kryer!

Çfarë përfshin rinumërimi?
Në total, do të hapen 2.323 qendra votimi, përfshirë edhe 85 kutitë e votimit nga jashtë vendit.

Procesi zhvillohet nga 24 grupe numërimi, me 63 punonjës të administratës (48 numërues + 15 zëvendësues).

Rinumërimi realizohet në 24 tavolina, ku janë të pranishëm vëzhgues të autorizuar nga 3 subjektet ankimuese: Koalicioni PD-ASHM, PS dhe Partia Mundësia.

Ku po zhvillohet rinumërimi? I gjithë procesi realizohet në Pallatin e Sportit Farie Hoti në Tiranë dhe transmetohet live në rrjetet sociale të KQZ

Për cilat qarqe zhvillohet rinumërimi?

QARKU TIRANË
Të gjitha kutitë e votimit brenda vendit
18 KZAZ
1.282 qendra votimi

QARKU FIER
Të gjitha kutitë për subjektet dhe kandidatët
9 KZAZ
587 qendra votimi

QARKU DURRËS
Rinumërim i plotë për:
111 QV të KZAZ nr. 21 dhe 22
126 QV të listuara nga PD-ASHM
60 QV të kërkuara nga PLL
Përfshirë edhe 85 kuti nga votimi jashtë vendit
Në total: 360 kuti për rinumërim (275 brenda vendit + 85 jashtë)

QARKU ELBASAN
94 QV të KZAZ nr. 45 dhe 52 (fletë votimi dhe materiale zgjedhore)

Transparencë edhe për buxhetin:
• 7.858.600 lekë për sistemin e regjistrimit dhe transmetimit online të rezultateve
• 8.480.000 lekë për infrastrukturën logjistike
• 4.775.450 lekë për zarfe dhe materiale ndihmëse

Procesi i rinumërimit është një tjetër dëshmi e përkushtimit të KQZ-së për zgjedhje transparente, të besueshme dhe gjithëpërfshirëse.

The post Celibashi jep detaje/ Cilat kuti të 11 majit do të rinumërohen të martën appeared first on Lapsi.al.

TIRANË, 16 qershor/ATSH/ Deputeti i Partisë Demokratike, Flamur Noka foli sot për zgjedhjet e 11 majit, duke risjellë në vëmendje disa nga pikat e rezolutës së Parlamentit Evropian për Shqipërinë.

Noka tha, se sipas kësaj rezolute, zgjedhjet e 11 majit në Shqipëri konsiderohen një farsë zgjedhore që do të turpëronte çdo qeveri gjysmë demokratike, jo më demokratike.

“Një farsë e tillë bën krenarë vetëm regjistrimet dhe narkoshtetet. Makthet e lënies së pushtetit duke marrë në konsideratë atë që do ndodhë pastaj e bën një regjim që zgjedhjet t’i shndërrojë në farsë, por farsë si kjo as ishte menduar ndonjëherë. Më e turpshmja, shteti që duhet të funksionojë për qytetarët u shndërrua në shtet elektoral. Bandat u lartësuan në shkallën sipërore të tyre dhe u shndërruan në kartele për t’i shërbyer farsës dhe tjetërsimit të votës”, tha ai.

Sipas Nokës, “patronazhimi si skemë kriminale, u aplikua tërësisht dhe të gjitha këto shkatërruan zgjedhjet”, ndërsa shtoi se detyra e opozitës është që të bëjë transparencë dhe të demaskojë shkeljet.

“Kur ne demaskojmë, ju thoni po dëmtoni imazhin e Shqipërisë, por nuk jemi vetëm ne. Rezoluta që kaloi në Komisionin e Jashtëm të Parlamentit Evropian me unanimitet dhe që pritet të kalojë brenda korrikut në Parlament thotë që mediat u përdorën si tam-tame kundër opozitës dhe i shërbyen pushtetit”, vijoi Noka.

“Ju e keni futur këtë Parlament në destabilitet duke mohuar çdo dialog dhe duke e konsideruar kundërshtarin si armik. I vërsulni opozitës SKAP-in, GJKKO etj. Parlamenti evropian thekson në rezolutë nevojën për mbikëqyrje efektive parlamantare. Parlamenti është shndërruar në një noter qorr të çdo akti të qeverisë”, pohoi Noka.

Deputeti i opozitës u ndal edhe në një tjetër pikë të rezolutës, që sipas thekson faktin se zgjedhjet u zhvilluan në një mjedis thellësisht të polarizuar dhe garuesit nuk kishin kushte të barabarta.

Ndër të tjera, Noka tha se sipas së njëjtës rezolutë, nënvizohet fakti se Shqipëria duhet të mbrojë të drejtën e pronës. “Gjipeja tokë publike u kthye në tokë private. Ndërhyrje dhe presione të vazhdueshme nda sistemit gjyqësor, ndërsa PE-ja fshikullon drejtësinë si një drejtësi politike”, tha Noka në Kuvend.

/e.i/ /a.g/

The post Noka: Zgjedhjet në Shqipëri u zhvilluan në mjedis thellësisht të polarizuar sipas PE-së appeared first on Agjencia Telegrafike Shqiptare.

Rihapja e kutive në disa qarqe të vendit pas ankesave të subjekteve zgjedhore opozitare rrezikon që të njollosë më tej integritetin e zgjedhjeve dhe të sjellë pasoja ligjore, duke theksuar sipas ekspertëve nevojën për reformë të re zgjedhore.

Në Komisionin Qendror të Zgjedhjeve u rinumëruan të mërkurën 42 kutitë e qarkut Dibër në bazë të ankesës së kandidatit demokrat, Xhemal Gjunkshi me pretendimet për tjetërsim të votës preferenciale nga numëruesit.

Në fund të rinumërimit, diferenca mes tij dhe kandidatit Përparim Spahiu të renditur para tij në listën preferenciale të PD-së u ngushtua nga 120 vota në 54 vota, duke vërtetuar pretendimet e tij dhe pse në finale nuk e ndryshon renditjen.

Këto janë të dhënat e para nga një proces i gjatë rinumërimi që sapo ka nisur dhe do të përfshijë disa qarqe pas vendimeve të marra nga Komisionit i Ankimimeve dhe Sanksioneve, KAS, për të rihapur kutitë.

Rezultatet paraprake të zgjedhjeve parlamentare të 11 majit që i dhanë Partisë Socialiste edhe një mandat tjetër qeverisës me 83 deputetë, një shumicë shumë më e lartë se tre mandatet pararendëse, po kundërshtohen gjërësisht nga koalicioni kryesor opozitar, Partia Demokratike-Aleanca për Shqipërinë Madhështore, parti të tjera të vogla dhe kandidatët e listave të hapura.

Ankesat e depozitura në KQZ ngrenë pretendime për parregullsi në procesin e votimit dhe të numërimit të votave.

Deri më tani, KAS marrë vendim për rinumërimin e të gjitha kutive në qarkun Tiranë dhe Fier, në disa qendra votimi në Durrës si dhe votat preferenciale të kandidatëve në Dibër.

Në Tiranë, koalicioni PD-ASHM shpreson të marrë mandatin e 14-të deputetit, një garë që bëhet mes kandidatit demokrat, Ilir Alimehmeti dhe kandidatit të dytë në listë të partisë Mundësia. , Erald Kapri, i cili rezulton fitues. Gjithsesi, nga rinumërimi mund të rezultojnë skenarë të tjerë që lidhen me votën preferenciale brenda mazhorancës, ku Blerina Gjylameti humbi mandatin për një grusht votash përballë Olta Xhaçkës, por u tërhoq nga kontestimi pas “tërheqjes së veshit” nga kryeministri Edi Rama.

Në Fier, shpresat për të fituar një mandat i ka Lëvizja Shqipëria Bëhet dhe betejën e ka me Partinë Socialiste. Në qarkun e Durrësit është kandidati i ASHM-së, Aulon Kalaja i cili ashtu si Gjunkshi ka ngritur pretendime për manipulim të votave preferenciale brenda llojit.

Ndërkohë që rinumërimet mund të sjellin ndryshim të papërfillshëm të rezultateve finale, ekspertët paralajmërojnë se ky proces do të jetë një matës për integritetin e administrimit zgjedhor, që mund të sjellë pasoja penale për komisionerët dhe ekipet e numërimit nëse konstatohen parregullsi, dhe të nxisë një reformë të re zgjedhore.

Erida Skëndaj, drejtore e Komitetit Shqiptar të Helsinkit, i tha BIRN se “integriteti i zgjedhjeve cenohet nëse nga rinumërimi vërehen rezultate të ndryshme që janë substanciale në diferencat midis subjekteve zgjedhore apo kandidatëve, dhe që dukshëm kanë avantazhuar në rezultat njërën apo tjetrën palë, pra nuk janë thjeshtë gabime minimale njerëzore në rinumërim”.

Për rrjedhojë, shton ajo, “kjo do përforconte urgjencën më së pari në reformën e ardhshme zgjedhore, të depolitizimit të administratës zgjedhore në të gjitha nivelet, paralelisht me çështje të tjera thelbësore që janë objekt ankimi nga subjektet/kandidatët”.

Edhe drejtuesit e dy organizatave të tjera që monitorojnë procesin zgjedhore, Qendresa Qytetare dhe Instituti i Studimeve Politike, e shohin procesin e rinumërimit si një proces që do të nxjerr në pah nevojën për një reformë zgjedhore për një administrim apolitik të procesit.

Afrim Krasniqi nga Instituti i Studimeve Politike nuk beson se do të ketë pasoja në ndarjen e mandateve nga ky proces, por do të ketë pasoja të tjera. “Pritshmëritë janë të pakta, sepse u bënë disa procese zgjedhore që vota devijohet përpara votimit, jo në ditën e votimit apo në numërim,” i tha ai BIRN, ndërsa shton se “nëse ka devijim qoftë edhe një vote, individët përgjegjës duhet të përballen me pasojat e ligjit”.

Edhe Rigels Xhemollari, drejtor ekzekutiv i “Qëndresa Qytetare” beson se, “nëse hetimi i parregullsive që mund të konstatohen do të thellohet realisht, mund të çojë në pasoja penale për shumë komisionerë që kanë abuzuar me detyrën”.

“Po aq e rëndësishme është edhe krijimi i precedentëve të rrezikshëm si trafikimi i votës apo transferimi i saj, që mund të përdoren për të justifikuar kalimin drejt një procesi totalisht elektronik në vitin 2027 apo 2029,” shton ai.

Nga ana tjetër, Xhemollari mendon se fokusimi i opozitës tek kontestimi i rezultateve, “në vend që të forcojë kauzën për integritetin zgjedhor, rrezikon ta delegjitimojë betejën e opozitës dhe të kthejë farsën elektorale në një justifikim të brendshëm për të mos pranuar realitetin”.

“Në fund, ky debat i shërben vetëm qeverisë: për të kaluar ligje dhe akte abuzive pa zhurmë, pa debat dhe me konsensus në heshtje,” thekson Xhemollari.

Kodi Zgjedhor, i cili ka pësuar disa herë ndryshime ndër vite është formuluar në bazë të një administrimi bipartizan të gjithë procesit zgjedhor, që nga përbërja e Komisionit Qendror të Zgjedhjeve, Komisionet Zonale dhe deri tek grupet e numërimit të votave.

Pavarësisht rekomandimeve të përsëritura nga organizmat ndërkombëtarë, OSBE-ODIHR që monitorojnë proceset zgjedhore, për të krijuar një administrim zgjedhor apolitik, partitë kanë këmbëngulur të vijojnë të mbajnë kontrollin mbi procesin, duke treguar mosbesimin e tyre tek një administratë zgjedhore e paemëruar nga partitë.

Afrim Krasniqi fokusohet tek kjo problematikë duke sjellë në vëmendje se Shqipëria është vendi i fundit në Europë që operon me këtë sistem administrimi politik të zgjedhjeve.

“Kemi të bëjmë me një proces në të cilin partitë vetë pranojnë se ka dështuar praktika e administrimit bipartiak të zgjedhjeve, PS duke urdhëruar kandidatet të tërheqin ankimimet dhe PD duke i lejuar ato”- thotë ai, ndërsa sugjeron që gjetjen mekanizma të tjerë më të besueshëm dhe më efektivë.

Ai cek dhe një aspekt tjetër të procesit të rinumërimit të votave, duke sugjeruar që kostot financiare të tij të paguhen nga subjektet zgjedhore. “Nuk ka sens që qytetarët të paguajnë miliona euro për komisionerët dhe numëruesit e partive dhe pastaj edhe për kontrollin e tyre, pra rinumërimin e votave të numëruesve partiakë,” përfundoi Krasniqi. /Marrë nga Reporter.al

The post BIRN: Hapja e kutive mund të sjellë pasoja për integritetin e procesit zgjedhor appeared first on Lapsi.al.

Shkrimtari dhe publicisti Fatos Lubonja, i ftuar në emisionin “Log.” në News24, shprehet se procesi i rinumërimit është një devijim nga problemi kryesor, që është sistemi politik që kemi ngritur, që nuk lejon më rotacion. 

Lubonja përmendi rastin e Austrisë, ku për një gjë që nuk ndikon fare në rezultat, anuluan zgjedhjet. Sipas analistit, këtë duhet të bëjmë ne, të edukohemi që për 5 prova të kthejmë të gjithën mbrapsht.

“Procesi i rinumërimit është një devijim nga problemi kryesor, që është sistemi politik që kemi ngritur, që nuk lejon më rotacion. Kjo është një çështje kulture 30-vjeçare. Pra, ne në vend që ta bëjmë votën të shenjtë, vullnetin e individit të shenjtë, mendojmë se si të vjedhim votën.

Vullneti për të vjedhur njëri-tjetrin shfaqet në shumë forma. Çështja është: si mundemi ta ndalojmë këtë? Në Austri janë anuluar zgjedhjet nga Gjykata Kushtetuese vetëm se dy qendra nuk u mbyllën në kohën e duhur, teksa nuk prishej kurrsesi rezultati, por nuk ishte korrekt procesi. Këtë duhet të bëjmë ne, të edukohemi që për 5 prova të kthejmë të gjithën mbrapsht.

Rinumërimi në Tiranë do të tregojë kulturën e përgjithshme që kanë vjedhur. Duhet të bëhet mësim. Këtu flitet për vjedhje votash, nuk dëgjoj as në Kosovë, as në Maqedoni dhe nuk mendoj se mund të ketë vend në Evropë që të ndodhë kjo” – u shpreh Lubonja /BW

The post Lubonja: Flitet vetëm për vjedhje votash, mjaftojnë 5 prova për të kthyer procesin appeared first on Lapsi.al.