Në një deklaratë të fundit, grupi militant palestinez Hamas është shprehur se ata janë të gatshëm të bashkëpunojnë me Kryqin e Kuq Ndërkombëtar për të ofruar ushqim për pengjet Izraelite që mbahen në gaza duke I vën kusht Tel Avivit hapjen e Korridoreve Humanitare dhe ndalimin e sulmeve ajrore përgjatë shpërndarjes së ndihmave.

Presioni I grupit militant vjen pas publikimit të një videoje tronditëse të pengut Evyatar David i cili shfaqet i dërrmuar nga Uria the thoshte se po gërmonte varrin e tij.

Videoja ngjalli reagime të ashpra nga fuqitë perëndimore si Franca, Gjermania, Mbretëria e Bashkuar dhe Shtetet e Bashkuara, ndërsa Ministria e Jashtme izraelite njoftoi se Këshilli i Sigurimit i OKB-së do të zhvillojë një seancë të posaçme për çështjen e pengjeve këtë të martë.

Sipas autoriteteve izraelite, në Gaza ndodhen ende 50 pengje, nga të cilët besohet se vetëm 20 janë ende gjallë. Deri më tani, Hamas ka ndaluar organizatat humanitare të kenë qasje tek pengjet, ndërsa familjarët kanë pak ose aspak informacion për gjendjen e tyre.

Kryeministri izraelit Benjamin Netanyahu tha të dielën se i ka kërkuar Kryqit të Kuq që të ofrojë ndihmë humanitare për pengjet, në një bisedë me drejtuesin e delegacionit lokal të Komitetit Ndërkombëtar të Kryqit të Kuq (ICRC). Mediat Izraelite thonë se Netanyahu është zotuar përballë koalicionit të tij se kjo luftë do të përfundojë me shkatërrimin e Hamas, grupi militant I cili qeveris Rripin e Gazës dhe është konsideruar organizatë terroriste nga dhjetëra vende perëndimore përfshirë SHBA.

Forumi i Familjeve të Pengjeve e quajti deklaratën e Hamasit një përpjekje për të fshehur faktin se “ka mbajtur njerëz të pafajshëm në kushte të pamundura për më shumë se 660 ditë” dhe kërkoi lirimin e menjëhershëm të tyre. “Derisa të lirohen,” thuhet në deklaratë, “Hamas ka detyrimin t’u sigurojë gjithçka që u nevojitet. Çdo peng që vdes është përgjegjësi e Hamasit.”
Ndërkohë, Ministria e Shëndetësisë në Gaza njoftoi se gjashtë persona të tjerë kanë vdekur nga uria apo kequshqyerja në 24 orët e fundit, duke e çuar numrin total të viktimave nga uria në 175 që nga fillimi i luftës, përfshirë 93 fëmijë.

Përballë presionit ndërkombëtar në rritje, Izraeli ka premtuar rritje të ndihmave dhe pezullime të përkohshme të luftimeve në zona të caktuara për të lehtësuar shpërndarjen e tyre. Sidoqoftë, OKB-ja thekson se dërgesat ajrore janë të pamjaftueshme dhe se duhet lejuar ndihma tokësore në shkallë të gjerë për të shmangur urinë masive në mesin e 2.2 milionë banorëve të Gazës, shumica e të cilëve janë të zhvendosur.

Qeveria e Hamasit në Gaza tha se që nga fundi i korrikut kanë hyrë rreth 1,600 kamionë me ndihma, por dëshmitarët dhe burime nga Hamasi raportojnë se shumë prej tyre janë plaçkitur nga njerëz të dëshpëruar dhe banda të armatosura.

Lufta në Gaza nisi më 7 tetor 2023, kur Hamasi vrau mbi 1,200 njerëz dhe mori 251 pengje gjatë një sulmi në Izraelin jugor. Që atëherë, ofensiva izraelite ka shkaktuar mbi 60,000 viktima palestineze, sipas autoriteteve shëndetësore në territorin e rrethuar./abcnews.al

Kremlini zyrtar reagoi këtë të hënë për here të parë pas vendimit të Presidentit Amerikan Donlad Trump për të zhvendosur dy nëndetëse bërthamore pranë Rusisë. Moska zyrtare minimizoi rëndësinë e deklaratave dhe veprimeve të Presidentit Amerikan duke thënë se nuk dëshironin të përfshiheshin në polemika.

Zëdhënësi i Kremlinit, Dmitry Peskov, deklaroi se nëndetëset amerikane janë gjithsesi në gadishmëri luftarake dhe hodhi poshtë idenë e një përshkallëzimi të situatës. “Çështje shumë komplekse dhe të ndjeshme po diskutohen, të cilat shumë njerëz i përjetojnë me emocione. Megjithatë, duhet të jemi shumë të kujdesshëm me retorikën bërthamore,” tha Peskov.

Trump, javën e kaluar, urdhëroi vendosjen e dy nëndetëseve në “rajonet e duhura”, si përgjigje ndaj komenteve që i cilësoi si “shumë provokuese” nga ish-presidenti rus Dmitry Medvedev.

Medvedev, i njohur për retorikën e tij gjithnjë e më ekstreme në rrjetet sociale, e akuzoi Trump për “lojë ultimatumesh” ndaj Rusisë, pasi ky i fundit caktoi një afat të ri për përfundimin e luftës në Ukrainë.

Pa e përmendur drejtpërdrejt ish presidentin Medvedev, zëdhënësi I Kremlinidt Dimitry Peskov deklaroi se “në çdo vend, anëtarët e lidershipit mund të kenë qëndrime të ndryshme, por politika e jashtme ruse përcaktohet vetëm nga presidenti Putin.”

Ndërkohë, i dërguari i SHBA-së për çështjet në rajon, Steve Witkoff, pritet të vizitojë Moskën përgjatë të mërkurës dhe të enjtes, vetëm një ditë përpara përfundimit të ultimatumit që Donald Trump i ka vënë Moskës për ti dhënë fund luftës ose në të kundert do të ketë sanksione ekonomike ndaj Ruisë. Zëdhënësi I Kremlinit tha se vlerësojnë këtë vizitë duke e quajtur atë të rëndësishme dhe të dobishme.

Trump ka kërcënuar se nëse deri më 8 gusht nuk arrihet një armëpushim, ai do të vendosë tarifa ndëshkuese ndaj eksporteve ruse të naftës dhe mallrave të tjera, si dhe sanksione dytësore për shtetet që kane bashkëpunim tregtar me Moskën.

Megjithatë, ai pranoi se Rusia “është mjaft e aftë në shmangien e sanksioneve”.

Në një deklaratë të fundit për Gazetarët ku konfirmoi vizitëne  Wittkof Trump tha se Rusia është shumë e aftë ti shmanget sanksioneve.

Tre raunde bisedimesh mes Rusisë dhe Ukrainës që nga pranvera nuk kanë sjellë përparim të dukshëm drejt paqes. Presidenti Putin ka përsëritur javën e kaluar se qëllimi i Rusisë është “eliminimi i shkaqeve të krizës në Ukrainë dhe garantimi i sigurisë së saj.”

Kushtet politike dhe ushtarake të vendosura nga Moska për paqen – përfshirë neutralitetin e Ukrainës, uljen drastike të kapaciteteve të saj ushtarake dhe braktisjen e aspiratave për anëtarësim në NATO – mbeten të papranueshme për Kievin dhe aleatët perëndimorë./abcnews.al

Fermerët në Fier kanë nisur aplikimet për  të përfituar mbështetje financiare  nga shteti për të investuar në bujqësi.

Të shumtë janë ata që kanë  kërkuar sqarime për përgatitjen e dosjeve pranë Agjencisë për Zhvillimin Bujqësor dhe Rural  këtë fillim gushti.

Kërkesat me të shumta janë për makineri bujqësore,   ndërtim  të serave dhe  stallave.

Fermerët thonë se  rimbursimi i gjysmës së  vlerës së investimit ndihmon në uljen e kostove të shërbimeve dhe zgjerimin e aktivitetit bujqësor.

Përvec financimit me 50% të vlerës së investimit, qeveria po ofron edhe  kredi te bute.

Gjithsej janë  9 skema mbeshtetese me financim nga shteti që bashkë  me  me skemat kombetare te subvencioneve mbulojne ne total 17 sektore bujqesore.

Aplikimet e nisura  me  30 korrik përfundojnë në shtator.

Skema financuese per bujqesine po aplikohet per te dytin vit rradhazi.

Për herë të parë, Sali Berisha pranoi krimin shtetëror të 21 janarit 2011.

Nga oborri i Spak, ku u paraqit në zbatim të masës së sigurisë për aferën “Partizani” kryedemokrati foli për vrasjen e katër protestuesve poshtë zyrës së tij, vetëm pak ditë pasi kreu i Spak, Altin Dumani, zbuloi se po bëhen hetime intensive për ngjarjen e ndodhur gati 15 vite me parë.

“Unë nuk mund të them që ata nuk u vranë nga njerëz të shtetit. Ata u vranë nga armët e shtetit, por nuk ishte qëllim vrasja. Por krimi shtetëror është krim shtetëror me dashje dhe krim shtetëror pa dashje. Ka klasifikim krimi shtetëror. Krimi shtetëror me dashje ka rregullat e veta kur quhet, kur shteti e merr të pafajshëm dhe e pushkaton. Kur shteti jep urdhër këtë, kur s’duhet ta bëjë kurrë atë.”

Në një kohë që hetimet për 21-janarin janë cilësuar prioritet për SPAK, këto ditë të nxehta të gushtit, Berisha duhet ti shfryzojë për të përgatitur mbrojtjen. Pasi edhe Gjykata Europiane për të Drejtat e Njeriut, në nëntor të 2023, kërkoi nga institucionet e drejtësisë që të zbulojnë përgjegjësit e vërtetë të krimit shtetëror.

“Krim shtetëror pa dashje është kur ndodh nga rikosheta, ndodh nga detyra, sepse garda ka patur një ligj. Në rastin e krimit shtetëror, dëmshpërblimi nga shteti i viktimës është më i madh. Nuk ka patur absolutisht asnjë urdhër. Aq sa është përgjegjës Edi Rama direkt që i solli aty. Ka një deklaratë të qeverisë amerikane aty, që thotë të hetohet nga polici, tek organizatori.”

Në 21 janar të 2011, Hekuran Deda, Ziver Veizi, Faik Myrtaj dhe Aleks Nika u vranë në Bulevardin “Dëshmorët e Kombit, ndërsa ishin duke protestuar kundër qeverisë së Sali Berishës, asokohe në koalicion me Ilir Metën. Një proteste thirrur nga socialistët, pikërisht pas publikimit të një përgjimi të ish kreut të LSI, i cili shfaqej duke i bërë presion ministrit të tij për një leje hidrocentrali për të cilin ai thoshte se I ishin premtuar 700 mijë dollarë.

Aktualisht, dosja e 21-janarit po hetohet nga Spak, ku në procedimin penal janë regjistruar tre akuza; vrasje në rrethana të tjera cilësuese, shpërndorim detyre dhe kryerje të veprimeve që pengojnë zbulimin e së vertetës./abcnews.al

Një ngjarje e pazakontë ka tërhequr vëmendjen e mjekëve dhe njerëvze në mbarë botën: një foshnjë e shëndetshme ka lindur nga një embrion i ngrirë që nga viti 1994, duke u bërë kështu foshnja më “e vjetër” në botë në kuptimin e kohëzgjatjes së ruajtjes së embrionit përpara lindjes.

Embrioni ishte ngrirë për plot 30 vjet përpara se të përdorej këtë vit për një procedurë të suksesshme të fekondimit in vitro.

Foshnja, gjinia e të cilit ishte djalë Lindi në Ohio të Shteteve të Bashkuara të Amerikës nga Lindsey Pierce 35 vjec dhe bashkeshorti i saj Tim Pierce 34 vjec. Çifti I cili ka rrefyer se femija I tyre gezon shendet te plote kane thene per mediat nderkombetare se e gjitha kjo iu duket nje film fantastiko shkencor.

Prindërit e djalit te porsalindur kishin tentuar prej 7 vitesh që të sillnin një fëmijë në jetë përpara se të vendosnin të merrnin embrionin e një gruaje 62 vjecare që e kishte krijuar atë në vitin 1994 me ish bashkëshortin e saj.

Sipas shkencëtarëve në fushën e mjeksisë , kjo ngjarje shënon një moment historik për teknologjinë e ruajtjes së embrioneve dhe mund të ndikojë ndjeshëm në mënyrën si mendohet planifikimi familjar në të ardhmen. Edhe pse ka pasur lindje të tjera nga embrione të ngrirë për periudha të gjata, ky rast vendos një rekord të ri, duke kaluar rastet e mëparshme të ngjashme që kanë ndodhur me embrione të ruajtura për rreth 27 apo 29 vjet.

Mjekët theksojnë se ngrirja afatgjatë e embrioneve nuk duket të ketë ndikuar në zhvillimin apo shëndetin e foshnjës, çka tregon për sigurinë dhe qëndrueshmërinë e teknikave të ruajtjes me azot të lëngshëm.

Insistimit të presidentes së Kosovës muaj më parë për të hequr tarifat ndaj produkteve amerikane që futen në vend, si një sinjal që i dërgohet SHBA-ve dhe administratës Trump për bashkëpunim, më në fund i është përgjigjur kryeministri në detyrë.

Njoftimin, kryeministri qe i ka cuar marredheniet me SHBA-në në pikën më të ulët në 35 vitet e fundit, e dha nga mbledhja e qeverisë këtë të premte.

“Tjetër vendim shumë të rëndësishëm që po marrim sot është largimi i tarifës doganore me Shtetet e Bashkuara të Amerikës. Kështu tani e tutje të gjitha produktet me origjinë nga SHBA-të do të kenë tarifë zero për qind kur të hyjnë në vendin tonë.

Kosova i mirëpret produktet amerikane në tregun e saj dhe besojmë fuqishëm që kjo të ndikojë në rritjen e këmbimit tregtar si dhe shtimin e investimeve.” deklaron Kurti, i cili ndoshta po e kupton se pa SHBA-te Kosova eshte ne renie te lire, mbitegjitha ekonomikisht.

Gjithesesi Kurti nuk pati hezitim ta shpallte kete vendim si një hap te radhës që dëshmon për marrëdhëniet shumë të mira ndërmjet dy vendeve, pretendim i rrezuar poshte disa here nga i zgjedhuri i Trump per misione te posacme Richard Grenell.

Vendimi i Kurtit ka ardhur një ditë pasi presidenti amerikan, Donald Trump, ka prezantuar tarifat e reja ndaj 69 vendeve me të cilat bën tregti SHBA-ja, me arsyetimin se ato kanë qenë të padrejta ndaj ekonomisë amerikane.

Me urdherin e Trump, që do të zbatohet prej 7 gushtit, vendet e tjera të Ballkanit janë goditur me tarifa te larta: Maqedonia e Veriut 15 për qind, Bosnje-Hercegovina 30 për qind dhe Serbia 35 për qind./abcnews.al

Avokati i popullit ka nisur verifikimet për mënyrën si është shoqëruar Erion Veliaj nga paraburgimi i Durrësit në ambjetet e klinikës private, ku ju nënshtrua analizave.

Pas deklaratve publike të Veliajt, për trajtim jo te drejtë, Komisioneri për parandalimin e Torturës Ahmet Prenci ka shkuar në paraburgimin e Durrësit për të bërë verifikimet, në lidhje me rastin.

Më 17 korrik la ambjentet e qelisë së paraburgimit të Durrësit për të kryer disa ekzaminime për shëndetin. Mësohet se Veliaj u dërgua në një klinikë private, i shoqëruar nën masa të rrepta sigurie, ku ka kryer analizat e nevojshme. Më pas është dërguar sërish në qeli.

Prej datës 10 shkurt kryetari i bashkisë së Tiranës mbahet i arrestuar me dyshimin se është i përfshirë në korrupsion dhe pastrim parash dhe fshehje pasurie.

Shqipëria rreshtohet krah SHBA dhe Perëndimit duke dënuar kërcënimet e Iranit. Tirana zyrtare ka nënshkruar një deklaratë të Departamentit Amerikan të Shtetit, që i bën thirrje autoriteteve iraniane për të ndaluar aktivitetet e paligjshme në territoret e tyre, ndërsa vendet firmetare angazhohen për bashkëpunim kundër kërcënimeve të mundshme.

Shqipëria është rreshtuar krah Shteteve të Bashkuara të Amerikës, Kanadasë, Britanisë së Madhe dhe dhjetë shteteve europiane, të cilat dënojnë sulmet dhe kërcënimet e Iranit në territoret respektive.

Në deklaratën e Departamentit Amerikan të Shtetit thuhet se përpjekja e inteligjencës iraniane për të goditur individë në Europë apo Amerikën e Veriut cënon sovranitetin e shteteve, pavarësisht se kush është objektivi.

“Ne jemi të bashkuar në kundërshtimin tonë ndaj përpjekjeve të shërbimeve iraniane të inteligjencës për të vrarë, rrëmbyer dhe ngacmuar njerëz në Evropë dhe Amerikën e Veriut, në shkelje të qartë të sovranitetit tonë. Këto shërbime po bashkëpunojnë gjithnjë e më shumë me organizata ndërkombëtare kriminale për të sulmuar gazetarë, disidentë, qytetarë hebrenj si dhe zyrtarë aktualë dhe të mëparshëm në Evropë dhe Amerikën e Veriut.” 

Të gjitha shtetet firmëtare i bëjnë thirrje autoriteteve iraniane që ta ndalojnë aktivitetet e paligjshme në territoret e tyre ndërsa angazhohen për bashkëpunim kundër kërcënimeve të mundshme.

“Ne jemi të përkushtuar të punojmë së bashku për të parandaluar që këto veprime të ndodhin dhe i bëjmë thirrje autoriteteve iraniane që të ndalojnë menjëherë këto aktivitete të paligjshme në territoret tona përkatëse.”

Në shtator të 2022, Shqipëria ndërpreu marrëdhëniet diplomatike me Iranin pas sulmeve kibernetike që goditen infrastrukturën kritike të institucioneve shtetërore në korrik të po atij viti. I gjithë përsoneli diplomatik la territorin shqiptar brenda 24 orëve ndërsa asokohe, sulmi kibernetik kundër një aleati të NATO-s u dënua edhe nga Shtëpia e Bardhë./abcnews.al

Mirlind Daku e ka nisur mbarë këtë sezon me fanellën e Rubin Kazan, duke qenë protagonist absolut i fazës sulmuese të ekipit të tij.

Kjo, si në kampionat, ashtu edhe në Kupën e Rusisë, ku sot ekipi i tij luajti ndeshjen e parë në fazën në grupe.

Rubin Kazan u përballe me Orenburg dhe Daku la shenjë që në pjesën e parë të duelit.

Ishte pikërisht një penallti e Dakut në minutën e 29-të, ajo e cila i dha avantazhin ekipit të sulmuesit shqiptar i cili ishte i pagabueshëm nga pika e bardhë.

Ky ishte goli i dytë sezonal për Dakun, i cili kishte shënuar pak ditë më parë edhe në kampionat përballë skuadrës së Zenit Shën Petersburgut./abcnews.al

Vllanznia largohet nga Kupat e Europës, por skuadra shkodrane duhet të mbajë kokën pas dhe të jetojë me shumë pengje për mënyrën si u eliminua nga Konferencë Ligë.

Pas fitores 2-1 në “Loro Boriçi”, formacioni I drejtuar nga Edi Martini u mund 4-2 në transfertën islandeze kundër Vikingur Rekjavik.

Rezultati përfundimtar u vendos vetëm në shtesë, ndërsa në kohën e rregullt, Vllaznia kishte në dorë kualifikimin.

Ndeshja nisi keq për shkodranët, që në minutën e 10-të e panë veten në dizavantazh.

Epërsia e vendasve zgjati deri në minutën e 26-të. Nga pika e penalltisë, Balaj goditi saktë, ndërsa pjesa e parë u mbyllnë barazim 1-1, një rezultat që kualifikonte Vllazninë.

Fraksioni i dytë i ndeshjes kishte në njëjtën pamje. Islandezët shënuan sërish të parët me Handsen në të 55-ën. Vetëm 5 minuta nga fundi I kohës së rregullt, Bekim Balaj shënoi edhe një herë nga pika e penalltisë atë që mund të ishte goli i suksesit.

Pas festa e Vllaznisë dhe tifozëve të saj zgjati pak. Pa u plotësuar një minutë, Vikingur kaloi edhe një herë në epërsi, duke barazuar rezultatin e përgjithshëm, ndërsa sfida shkoi në shtesë.

Të besuarit e Martinit rezistuan pak.

Të zotët e shtëpisë shënuan golin e katërt dhe atë të “KO” për shkodranët në minutën e 94, duke vulosur kualifikimin e tyre dhe zhgënjimin e Vllaznisë në Konferencë Ligë./abcnews.al

Ministrja e Kurtit, Rozeta Hajdari, ndryshe nga shefi i saj qe nuk pyet per institucionet e drejtesise, eshte paraqitur edhe kete te enjte ne zyrat e Prokurorise Speciale.

Ajo perfundoj aty marrjen ne pyetje ne lidhje me hetimet për rezervat shtetërore, një çështje që shpërtheu si skandal publik në gusht të vitit 2023, kur disa zyrtarë të kësaj ministrie përfunduan në pranga për dyshime për keqpërdorim te detyres dhe abuzim me fondet e rezervave. Pas intervistimit, Hajdari reagoi ashpër ndaj mënyrës së zhvillimit të hetimeve dhe nuk harroj te uslmonte organet e drejtesise.

“Sot isha e ftuar nga Prokuroria Speciale për intervistë, për kontraktimin e rezervave shtetërore proces jetik për të gjithë ne, proces i rëndësishëm për popullatën tonë. Ministria ka bërë blerjen e rezervave shtetërore në kohën kur ishim të pambrojtur, në shkurt 2022 dhe mars 2022. Për këtë proces jetik tani pyetem nga Prokuroria Speciale, por një pyetje vjen se a është ky proces i ligjshëm dhe si prokuroria hyri në ministri për të marrë dokumente të klasifikuara si sekret të rezervave shtetërore. Asnjë person nuk mund të ketë qasje në rezervën klasifikuar sekret pa një procedurë të qartë ligjore sipas udhëzime të AKI-së dhe Agjencisë për mbrojtje të klasifikuara.”

Ajo nuk eshte treguar e kursyer as ndaj prokurorit te ceshtjes.

“Më vjen turp edhe për veprimet e Gashit për shkeljen e ligjit. Për më shumë, ne si ministri kemi inicuar një hetim të Agjencisë për Parandalimin e Korrupsionit për të inciuar një hetim dhe për të ardhur në konstatim të kësaj shkeljeje të këtij konflikti të interesit, sepse e kemi te dokumentuar në raportin e Inspektoratit Policor në emailin e dokumentar, ku prokurori Gashi pranon konfliktin e interesit për të shqyrtuar këtë raport të IP-së, për më keq Prokuroria Speciale vetë i njëjti prokuror mbyll rastin. Unë e di që pas këtij hetimi nga Agjencia për Parandalimin e konfliktit ne do të përballemi në gjykatë.”

Po teksa parlajmeronte perballjen ne gjykate ministrja e Kurtit nuk shfaq asnje shenje pendimi per shkeljen e ligjeve ne kurriz te qytetareve dhe abuzim me rezervat shteterore, njejt si eproret apo koleget e saj ne Vetevendosje./abcnews.al

Mastercard ka sjellë Apple Pay për mbajtësit e kartave në Shqipëri. Një mënyrë që iu mundëson qytetarëe dhe bizneseve të kryejnë pagesa të shpejta, të sigurta dhe pa kontakt duke përdorur pajisjet e tyre Apple.

Shërbimi inovativ Apple pay i njohur globalisht do të pranohet për të kryer pagesa të ndryshme në farmaci, restorante, supermarkete, kafene apo edhe në shumë biznese të tjera të cilat pranojnë pagesa pa kontakt.

Shërbimi i pagesave Apple pay iu mundëson klientëve blerje më të shpejta në aplikacione apo faqe të ndryshme pa pasur nevojë që të krijojnë llogari apo të vendosin të dhënat e kartës bankare në mënyrë të vazhdueshme.

Aktivizimi i Apple Pay kryhet lehtësisht duke hapur aplikacionin Wallet dhe duke plotësuar të dhënat e kartës së kreditit apo debitit.

Në thelb të këtij shërbimi qëndron siguria dhe privatësia e klientëve. Numri real i kartës së kreditit apo debitit që do të përdoret prej tyre nuk ruhet në pajisje dhe as në serverët e Apple, por caktohet një numër unik llogarie e pajisjes që ruhet në mënyrë të sigurt.

Klientët kanë mundësi që ta përdorin Apple Pay qoftë përmes telefonave Iphone, në iPad apo Mac për të realizuar blerjet dhe pagesat për shërbimet e tyre.

Kjo shënon një tjetër hap të rëndësishëm drejt modernizimit të sistemit të pagesave, rritjes së përfshirjes financiare të qytetarëve por edhe përafrimit me standardet europiane për pagesat dixhitale./abcnews.al

Kreu i SPAK, Altin Dumani në një takim që zhvilloi me gazetarët me dyer të mbyllura  është pyetur edhe në lidhje me hetimin për dosjen “21 janari”.

Dumani tha se çështja është në fazën e hetimit paraprak dhe se është një nga dosjet prioritare.

Ai tha se SPAK ka marrë në konsideratë edhe vendimin e Gjykatës së Lartë dhe Strasburgut. Kreu i SPAK sqaroi se është prokurori ai që vendos si do të hetoj dhe radhën se si do të merren në pyetje personat.

“Çështja është në fazën e hetimit paraprak. SPAK ka marrë në konsideratë edhe vendimin e Gjykatës së Lartë dhe Strasburgut. Prokurori është ai që vendos si do të hetoj dhe radhën se si do të merren në pyetje personat. Është një nga dosjet prioritare”, tha Dumani.

I pyetur për hetmet ndaj kryebashkiakut të Tiranës, Erion Veliajn dhe pyetjet që ai shtroi publikiusht per spakj,Dumani tha se dosja në ngarkim të Veliajt është ndarë në një fraksion tjetër. ndërsa shtoi se nuk u përgjigjet pyetjeve të të pandehurve

“Ka një fraksion tjetër hetimor për Erion Veliajn. Po hetohen disa fakte penale”, është shprehur Dumani. Ndërkohë për shtatë pyetjet që Veliaj i drejtoi publikisht, kreu i sPAK është shprehur nuk i përgjigjet të pandehurve.“Nuk i përgjigjemi të pandehurve, vetëm në rrugë ligjore kur ka pretendime, kur sillen memo nga avokatet, kjo është forma proceduriale.”,

Takimin që u zhvillua neë spak, Dumani e nisi me krimet zgjedhore duke u shprehur se strategjia e SPAK kishte efekt parandalues, ndërsa shtoi se në total ka pasur 193 materiale të administruara nga prokuroria, nga 56 subjekte kallëzuese.

Kryeprokurori i Posaçëm ka bërë me dije se janë regjistruar 43 procedime penale ku një është dërguar për gjykim, ndërsa 39 procedime mbeten në hetim. Gjithashtu është shprehur se ka pasur 17 vendime për kontrolle banesash, zyrash apo kontrolle personale, ku janë gjetur prova të vlefshme materiale. Lidhur me tipologjinë e kallëzimeve nga subjektet politike, Dumani ka thënë se shumica ishin për shpërdorimi i asfaltit elektoral.

Edhe pse periudha zgjedhore ka përfunduar, prokurorët kanë në prioritet këto hetime. Janë 43 materiale mosfillimi që u janë komunikuar denoncuesve. Vetëm tre prej tyre janë ankimuar në gjykatë, ku gjykata ka gjetur të drejta vendimet e mosfillimit nga prokurori, tha Dumani./abcnews.al

Ka perfunduar procesi i intervistimit te drejtuesve te Bashkise se Fierit. Burime nga bashkia konfirmuan për ABC News se te gjithe drejtoret e dorehequr do te largohen nga detyra.

Ndersa te pakten 5 nga 13 drejtues te njesive administrative do te vazhdojne detyren.

Faza e intervistimit nga komisioni i vleresimit ne Partine Socialiste te Fierit perfundoi te merkuren.

Tashme pritet qe drejtuesve te cilet do te largohen nga detyra t’u mberrijne shkresat zyrtare ku u komunikohet largimi. Ndersa drejtuesve qe do te qendrojne ne pune do tu komunikohet se nuk iu eshte pranuar doreheqja.

Doreheqjet kolektive ne Bashkine e Fierit dhe drejtorite rajonale u bene pas urdherit te kryeministrit Edi Rama ne funksion te vetepastrimit te adminsitrates publike.

Te enjten ka perfunduar procesi I vleresimit te drejtoreve dhe ne Bashkine e Durresit.

Ne bashki ka nisur konkursi per 85 aplikantet qe I jane pergjigjur thirrjes per tu bere pjese e ketij institucioni.

Pjesa tjeter e aplikanteve do te intervistohen ditet ne vijim.

Edhe kreu i Prokurorisë së Posaçme, Altin Dumani është i mendimit se drafti i prezantuar për Kodin e ri Penal ka nevojë për ndryshime. Në një takim informal me gazetarët Dumani u shpreh se drafti ende nuk i është dorëzuar zyrtarisht për shqyrtim, duke theksuar se nuk ka marrë pjesë në hartimin e tij.

“Po, unë e kam ndjekur diskutimin që është bërë për këtë temë, me të drejtë pasi pas kushtetusës, vjen kodi penal praa është shumë e rëndësishme. Ne vet, nuk kemi qenë pjesë sepse sjemi njoftuar, por une vet kam mendimin se do duhej të nisnim fillimisjt me pyetjen, a na duhet te ndryshojmë kodin penal?”

Unë mendoj se kodi ka nevojë për disa rishikime, përshembull sa i takon dënimeve për lëndët narkotike ne smund të kemi të njëjtin dënim edhe për një person që është kapur me kokainë, edhe për një që është kapur me kanabis apo nje tjetër me drogra sintetike./abcnews.al

Është autori i të dy golave tanë në këto eliminatore. Rej Manaj ka një statistikë impresionuese në Kupën e Botës me dy rrjeta në tri ndeshje, e ndoshta kjo ka luajtur një rol për ta bërë një nga lojtarët më të paguar të kombëtares shqiptare.

Sulmuesi 28-vjeçar braktisi Europën për ta vazhduar karrierën në Gjirin Persik, kundrejt një rroge që jepet 2.5 milionë euro në sezon.

Klubi Al Sharjah nga Emiratet e Bashkuara Arabe, nënkampion në fuqi I vendit, lajmëroi zyrtarisht arritjen e marrëveshjes me klubin turk, Sivaspor, duke e shoqëruar edhe me një video.

Sipas mediave turke dhe arabe, Al Sharjah pagoi 2 milionë euro për kartonin e Manajt, ndërsa sulmuesi ka firmosur kontratë dy vjeçare, deri në 2027.

Në këtë skuadër është edhe shqiptari tjetër, Feta Fetai, I huazuar nga Lokomotiva e Zagrebit. Lojtari I Shqipërisë ishte për dy sezone radhazi në Turqi, dhe për Sivasporin pati gjithsej 34 gola e 8 asistë në 63 ndeshje, kryesisht në Superligën turke, por edhe në Kupën e Turqisë.

Në 2024, ai ishte shënuesi I tretë më I mirë I elitës turke, pra Këpuca e Bronzit pas Ikardit e Xhekos. Gjithsesi, raportet e tij me drejtuesit e klubit dhe trajnerit u përkeqësuan derisa erdhi largimi.

Më herët në karrierë, Manaj luajti për Interin, Peskarën, Kremonezen, Pizën e Specian në Itali, për Albaseten, Granadën e Barcelonën B në Spanjë, si dhe për Uatfordin në Angli.

Skuadra e tij e re, Al Sharjah, është më e mira në Emiratet e Bashkuara Arabe, me 6 tituj kampionm 10 kupa e 3 Superkupa, ndërsa këtë sezon do të marrë pjesë në Championsin e Azisë, pasi vjet fitoi Championsin e nivelit të dytë./abcnews.al

Teksa Ballkani dhe Europa janë në luftë me zjarret që kanë shkrumbuar mijëra hektarë dhe kanë detyruar mijëra njerëz të evakuohen, Rumania përballet me një situatë të pazakontë të motit për këtë stinë.

Të paktën tre persona kanë humbur jetën në Rumaninë lindore për shkak të përmbytjeve. Ndërkohë qindra njerëz u evakuuan teksa autoritetet po kërkojnë për persona të zhdukur.

Rreth 25 fshatra në nëntë rajone u goditën nga shirat e rrëmbyeshëm dhe erërat e forta që shkatërruan çatitë dhe shkulën pemët, duke bllokuar qarkullimin në rrugët kombëtare.

Qarqet më të goditura në Rumaninë veriore ishin Neamt dhe Suceava, ku dy lumenj dolën nga shtrati, duke lënë të vdekur një 66-vjeçar dhe duke detyruar qindra njerëz të evakuoheshin.

Agjencia e emergjencave tha gjithashtu se dy gra, të moshës 85 dhe 83-vjeç, gjithashtu humbën jetën si pasojë e përmbytjeve.

Agjencia e menaxhimit të ujërave e Ministrisë së Mjedisit tha se niveli i ujit në dia lumenj u rrit në nivele rekord dhe po vijon puna për riparimin e urave të shembura.

SHBA dhe BE kanë arritur atë që po cilësohet si marrëveshja më e madhe tregtare në histori, pas bisedimeve në Skoci. Në fakt, ajo i ngjan kornizës për një marrëveshje dhe jo një marrëveshjeje të plotë tregtare, me detaje ende të paqarta.

Por shifrat kryesore të njoftuara nga Presidenti Donald Trump dhe shefja e BE-së Ursula von der Leyen ofrojnë të dhëna se cilët sektorë dhe grupe mund të goditen më rëndë ose kanë më shumë për të fituar, shkruan BBC.

Trump – fitues
Pasi premtoi marrëveshje të reja tregtare me dhjetëra vende, Trump sapo ka siguruar marrëveshjen më të madhe prej të gjithave. Shumica e komentuesve u duket se BE-ja ka hequr dorë nga më shumë, me një analizë të menjëhershme nga Capital Economics që sugjeron një rënie prej 0.5% të PBB-së. Gjithashtu, dhjetëra miliarda dollarë do të derdhen në arkat e SHBA-së në taksat e importit. Por titujt kryesorë për Trump mund të mos zgjasin shumë nëse një mori të dhënash ekonomike që do të dalin këtë javë tregojnë se riformësimi i tij radikal i ekonomisë amerikane po kthehet mbrapsht. Shifrat mbi inflacionin, vendet e punës, rritjen dhe besimin e konsumatorit do të japin një pamje më të qartë nëse tarifat e Trump po sjellin humbje apo fitim.

Konsumatorët amerikanë – humbës
Qytetaret e thjeshte amerikanë janë tashmë të pakënaqur nga rritja e kostos së jetesës dhe kjo marrëveshje mund të shtojë barrën duke rritur çmimet e mallrave të BE-së. Ndërsa jo aq e vështirë sa mund të kishte qenë, pengesa e përfaqësuar nga një normë tarifore prej 15% është ende e rëndësishme, dhe është shumë më e theksuar se pengesat që ekzistonin para se Trump të kthehej në detyrë. Tarifat janë taksa që aplikohen për mallrat e blera nga vendet e tjera. Zakonisht, ato janë një përqindje e vlerës së një produkti. Pra, një tarifë prej 15% do të thotë që një produkt prej 100 dollarësh i importuar në SHBA nga BE-ja do të ketë një taksë prej 15 dollarësh të shtuar – duke e çuar koston totale për importuesin në 115 dollarë. Kompanitë që sjellin mallra të huaja në SHBA duhet t’ia paguajnë taksën qeverisë dhe shpesh ia kalojnë një pjesë ose të gjithë koston shtesë klientëve.

Tregjet – fitues
Tregjet e aksioneve në Azi dhe Evropë u rritën të hënën pas publikimit të lajmit për kuadrin e marrëveshjes. Sipas kuadrit, SHBA-të do të vendosin një tarifë prej 15% për mallrat e importuara nga BE-ja. Ndërsa kjo normë është e konsiderueshme, është më e ulët se ajo që mund të kishte qenë dhe të paktën ofron siguri për investitorët. Marrëveshja është “qartësisht miqësore me tregun dhe duhet të sjellë potencial të mëtejshëm rritjeje në euro”, tha për AFP-në Chris Weston në Pepperstone, një ndërmjetës australian.

Solidariteti evropian – humbës
Marrëveshja do të duhet të nënshkruhet nga të gjithë 27 anëtarët e BE-së, secili prej të cilëve ka interesa dhe nivele të ndryshme varësie nga eksporti i mallrave në SHBA. Ndërsa disa anëtarë e kanë pritur marrëveshjen me kujdes, të tjerë kanë qenë kritikë – duke aluduar në përçarjet brenda bllokut, i cili po përpiqet gjithashtu t’i përgjigjet krizave të tjera si lufta e vazhdueshme në Ukrainë. Kryeministri francez Francois Bayrou komentoi: “Është një ditë e errët kur një aleancë popujsh të lirë, të bashkuar për të afirmuar vlerat e tyre të përbashkëta dhe për të mbrojtur interesat e tyre të përbashkëta, i dorëzohet nënshtrimit.” Atij iu bashkuan të paktën dy ministra të tjerë të qeverisë franceze, si dhe Viktor Orban, udhëheqësi hungarez, i cili tha se Trump “e hëngri von der Leyen për mëngjes”.

Prodhuesit e makinave në Gjermani – humbës
Tarifa me të cilën përballen importuesit që sjellin makina të BE-së në SHBA është pothuajse përgjysmuar, nga norma prej 27.5% që u vendos nga Trump në prill në një normë të re prej 15%. Makinat janë një nga eksportet kryesore të BE-së në SHBA. Dhe si prodhuesi më i madh i makinave në BE – falë VW, Mercedes dhe BMW – Gjermania do të ketë qenë duke vëzhguar nga afër. Udhëheqësi i saj, Friedrich Merz, e ka mirëpritur paktin e ri, ndërsa pranoi se do të kishte mirëpritur një “lehtësim të mëtejshëm të tregtisë transatlantike”. Kjo ndjenjë pesimiste u pasqyrua nga organi gjerman i tregtisë së makinave, VDA, i cili paralajmëroi se edhe një normë prej 15% do t’i “kushtonte industrisë gjermane të automobilave miliarda çdo vit”.

Prodhuesit e makinave në SHBA – fitues
Trump po përpiqet të rrisë prodhimin e automjeteve në SHBA. Prodhuesit amerikanë të makinave morën një nxitje kur mësuan se BE po ulte tarifën e vet për makinat e prodhuara në SHBA nga 10% në 2.5%. Teorikisht, kjo mund të rezultojë në blerjen e më shumë makinave amerikane në Evropë. Kjo mund të jetë e mirë për shitjet amerikane jashtë vendit, por pakti nuk është vetëm një lajm i mirë kur bëhet fjalë për shitjet vendase. Kjo për shkak të mënyrës komplekse se si montohen makinat amerikane. Shumë prej tyre në fakt montohen jashtë vendit – në Kanada dhe Meksikë – dhe Trump i nënshtron ato një tarife prej 25% kur ato sillen në SHBA. Kjo krahasohet me një normë më të ulët tarife prej 15% për automjetet e BE-së. Pra, prodhuesit amerikanë të makinave tani mund të kenë frikë se do të ulen nga prodhuesit evropianë.

Produktet farmaceutike të BE-së – humbëse
Ekziston konfuzion rreth normës së tarifës që do të vendoset për ilaçet e prodhuara në Evropë që blihen në SHBA. BE dëshiron që ilaçet t’i nënshtrohen normës më të ulët të mundshme, për të përfituar shitjet. Trump tha se produktet farmaceutike nuk mbuloheshin nga marrëveshja e shpallur të dielën, sipas së cilës norma për një numër produktesh u ul në 15%. Por Von der Leyen tha se ato ishin përfshirë, dhe një burim nga Shtëpia e Bardhë e konfirmoi të njëjtën gjë për BBC-në.

Secili skenar do të përfaqësojë zhgënjim për farmaceutikën evropiane, e cila fillimisht shpresonte për një përjashtim të plotë nga tarifat. Industria aktualisht gëzon ekspozim të lartë në tregun amerikan falë produkteve si Ozempic, një ilaç yll për diabetin e tipit 2 i prodhuar në Danimarkë. Kjo është theksuar në Irlandë, ku partitë opozitare kanë theksuar rëndësinë e industrisë dhe kanë kritikuar efektin dëmtues të pasigurisë.

Energjia amerikane – fituese
Trump tha se BE do të blejë 750 miliardë dollarë (558 miliardë paund, 638 miliardë euro) në energji amerikane, përveç rritjes së investimeve të përgjithshme në SHBA me 600 miliardë dollarë.

“Ne do ta zëvendësojmë gazin dhe naftën ruse me blerje të konsiderueshme të LNG-së (gazit natyror të lëngshëm) amerikan, naftës dhe karburanteve bërthamore”, tha Von der Leyen. Kjo do të thellojë lidhjet midis sigurisë energjetike evropiane dhe SHBA-së në një kohë kur ajo është larguar nga importimi i gazit rus që nga pushtimi i plotë i Ukrainës.

Industria e aviacionit në BE dhe SHBA – fituese
Von der Leyen tha se disa “produkte strategjike” nuk do të tërheqin asnjë tarifë, duke përfshirë pjesët e avionëve dhe aeroplanëve, kimikate të caktuara dhe disa produkte bujqësore. Kjo do të thotë që firmat që prodhojnë pjesë për aeroplanë do të kenë tregti pa fërkime midis blloqeve të mëdha tregtare. Ajo shtoi se BE-ja ende shpreson të arrijë më shumë marrëveshje “zero për zero”, veçanërisht për verërat dhe pijet alkoolike, në ditët në vijim./abcnews.al

Read More...

Këshilli Europian miratoi këtë të hënë paketën e dytë të ndihmës dypalëshe për Shqipërinë në kuadër të Mekanizmit Evropian të Paqes.

Vendimi i marrë nga Bashkimi Europian parashikon një mbështetje financiare prej 15 milionë eurosh për të fuqizuar kapacitetet e Forcave të Armatosura Shqiptare.

Sipas njoftimit zyrtar të Delegacionit të Bashkimit Evropian në Shqipëri, qëllimi i kësaj ndihme është të përmirësojë efektivitetin operacional të ushtrisë shqiptare, me theks të veçantë në fushat e lëvizshmërisë, mbrojtjes, logjistikës dhe ndërveprimit me partnerët ndërkombëtarë.

Kjo mbështetje përfshin pajisje taktike, mjete transporti, sisteme mbrojtëse dhe pajisje të komunikimit që do të rrisin aftësinë e Shqipërisë për të marrë pjesë në operacionet e përbashkëta të sigurisë dhe mbrojtjes të Bashkimit Evropian, por edhe në misionet e NATO-s dhe koalicioneve ndërkombëtare.

Paketa e dytë vjen si vazhdimësi e ndihmës së parë të miratuar nga BE në korrik të vitit 2024 dhe është pjesë e një strategjie afatgjatë të Brukselit për të forcuar kapacitetet mbrojtëse të vendeve partnere në Ballkanin Perëndimor.

Bashkimi Europian e ka bërë të qartë se e Konsideron vendin tone partnerin kyç sa I përket stabilitetit rajonal. Brukseli zyrtar ka vlerësuat vazhdimisht kontributin e çmuar të Shqipërisë në misionet paqeruajtëse ndaj për Uninonin 27 anëtarësh, mbështetja për modernizimin e ushtrisë shqiptare shihet si një investim në sigurinë e përbashkët europiane.

Zyrtarët evropianë kanë deklaruar se bashkëpunimi me Shqipërinë në fushën e sigurisë do të thellohet edhe më tej në vitet në vijim, si pjesë e procesit të integrimit dhe angazhimit të vendit në arkitekturën e mbrojtjes kolektive të kontinentit./abcnews.al