Për herë të parë, Sali Berisha pranoi krimin shtetëror të 21 janarit 2011.

Nga oborri i Spak, ku u paraqit në zbatim të masës së sigurisë për aferën “Partizani” kryedemokrati foli për vrasjen e katër protestuesve poshtë zyrës së tij, vetëm pak ditë pasi kreu i Spak, Altin Dumani, zbuloi se po bëhen hetime intensive për ngjarjen e ndodhur gati 15 vite me parë.

“Unë nuk mund të them që ata nuk u vranë nga njerëz të shtetit. Ata u vranë nga armët e shtetit, por nuk ishte qëllim vrasja. Por krimi shtetëror është krim shtetëror me dashje dhe krim shtetëror pa dashje. Ka klasifikim krimi shtetëror. Krimi shtetëror me dashje ka rregullat e veta kur quhet, kur shteti e merr të pafajshëm dhe e pushkaton. Kur shteti jep urdhër këtë, kur s’duhet ta bëjë kurrë atë.”

Në një kohë që hetimet për 21-janarin janë cilësuar prioritet për SPAK, këto ditë të nxehta të gushtit, Berisha duhet ti shfryzojë për të përgatitur mbrojtjen. Pasi edhe Gjykata Europiane për të Drejtat e Njeriut, në nëntor të 2023, kërkoi nga institucionet e drejtësisë që të zbulojnë përgjegjësit e vërtetë të krimit shtetëror.

“Krim shtetëror pa dashje është kur ndodh nga rikosheta, ndodh nga detyra, sepse garda ka patur një ligj. Në rastin e krimit shtetëror, dëmshpërblimi nga shteti i viktimës është më i madh. Nuk ka patur absolutisht asnjë urdhër. Aq sa është përgjegjës Edi Rama direkt që i solli aty. Ka një deklaratë të qeverisë amerikane aty, që thotë të hetohet nga polici, tek organizatori.”

Në 21 janar të 2011, Hekuran Deda, Ziver Veizi, Faik Myrtaj dhe Aleks Nika u vranë në Bulevardin “Dëshmorët e Kombit, ndërsa ishin duke protestuar kundër qeverisë së Sali Berishës, asokohe në koalicion me Ilir Metën. Një proteste thirrur nga socialistët, pikërisht pas publikimit të një përgjimi të ish kreut të LSI, i cili shfaqej duke i bërë presion ministrit të tij për një leje hidrocentrali për të cilin ai thoshte se I ishin premtuar 700 mijë dollarë.

Aktualisht, dosja e 21-janarit po hetohet nga Spak, ku në procedimin penal janë regjistruar tre akuza; vrasje në rrethana të tjera cilësuese, shpërndorim detyre dhe kryerje të veprimeve që pengojnë zbulimin e së vertetës./abcnews.al

Nga Skënder Minxhozi

Në nëntor të këtij viti do të mbushen gjashtë vjet nga fillimi i funksionimit të Strukturës së Posaçme kundër krimit të organizuar dhe korrupsionit ose siç njihet ndryshe SPAK. Megjithatë, edhe pas kaq shumë kohe gjatë të cilës SPAK ka arritur rezultate të pamohueshme në luftën ndaj korrupsionit e krimit të organizuar, kreu i tij Altin Dumani deklaron se hetimi i vrasjeve të 21 janarit 2011, ngjarjes më të bujshme të dekadës së shkuar, ndodhet “në fazë paraprake”. Në 30 korrik ai deklaroi publikisht se “çështja është në fazën e hetimit paraprak. SPAK ka marrë në konsideratë edhe vendimin e Gjykatës së Lartë dhe Strasburgut. Prokurori është ai që vendos si do të hetojë dhe radhën se si do të merren në pyetje personat. Është një nga dosjet prioritare”. Me një lexim të vetëm kuptojmë se kemi të bëjmë me një përgjigje shabllon nga ato që jepen për t’i dhënë përgjigje gazetarëve e për të kaluar radhën.

Vrasjet e 21 janarit janë ndër kapitujt më të dhimbshëm e njëherësh më të debatuar, të studiuar e të analizuar në 35 vite tranzicion. Elita politike, mediat e opinioni publik kanë debatuar pafundësisht në lidhje me rrethanat, përgjegjësitë e fajet që prodhuan vrasjen e katër njerëzve të pafajshëm në dyert e selisë së qeverisë shqiptare. Mijëra orë televizive janë harxhuar e kushedi sesa tonelata bojë e letër është konsumuar për të hedhur dritë mbi një ngjarje e cila u konsumua në transmetim të drejpërdrejtë televiziv në sytë e qindra mijë shqiptarëve. Si rrallëherë, teksa gjaku u derdh “live”, krerët e qeverisë dolën dhe u mburrën përsa kishte ndodhur, duke kërcënuar se do ta përsërisnin sjelljen e tyre pikë për pikë nëse do të ishte nevoja.

21 janari me katër të vrarët e tij Aleks Nika, Ziver Veizi, Faik Myrtaj e Hekuran Deda provokoi më së pari fshirjen gjatë errësirës së natës që pasoi, të të gjitha regjistrimeve video që ndërtesa e kryeministrisë dispononte. Ende nuk ka asnjë shpjegim shterrues sesi kjo ndodhi, kush dha urdhër dhe kush e ekzekutoi këtë fshehje gjurmësh të nilelit të lartë shtetëror. Më tej akoma, kjo është ngjarja e parë e përmasave të mëdha ku qeveria prishi provat dhe ndaloi prokurorin e përgjithshëm të ekzekutojë urdhërat e arrestit për anëtarët e Gardës së Republikës (imagjinoni sikur Rama të rrethonte godinat e shtetit e të mos dorëzonte ministrat e bashkiakët tek prokurorët e SPAK). As për këtë refuzim të shtetit asokohe nuk ka ende asnjë të dënuar, megjithëse urdhëri gjendet shumë lehtë se nga doli dhe sesi u ekzekutua. Njerëzit janë të gjithë gjallë dhe madje vazhdojnë të rrahin gjoksin që shteti të cilin drejtonin derdhi gjak në bulevardin e Tiranës.

Në vitin e 14-të që na ndan nga ajo ditë e përgjakshme janari, si dhe në vitin e gjashtë pas fillimit të punës së Prokurorisë së Posaçme, vrasjet e 21 janarit 2011 vazhdojnë të jenë një hetim “në fazë paraprake”. Një tallje cinike dhe një neglizhencë (në rastin më të mirë), e cila vendos një minus të madh mbi punën dhe imazhin e SPAK si bartësi i vullnetit popullor për drejtësi. Sepse kjo strukturë është krijuar pikërisht për të hyrë aty ku drejtësia e djeshme nuk guxoi: tek ngjarjet e bujshme, vrasjet politike, korrupsioni i nivelit të lartë dhe krimi i organizuar.

Është surprizuese sesi SPAK ka mundur të hyjë me kurajo në dy komponentet e fundit, korrupsioni i elitës politike dhe krimi i organizuar, por është stepur me kokëfortësi përballë një ngjarjeje ku shteti vrau në dyert e godinës së tij më të lartë. Një ngjarje e cila nëse do të zbardhej me paanësi, potencialisht mund të ribënte nga e para konceptin që kemi sot mbi shtetin dhe sjelljen e qeveritarëve në këtë vend.

Fakti që SPAK i ktheu pas si padinë e PS në janar 2023, ashtu edhe tentativat e familjarëve të Aleks Nikës për një rihapje të procesit një muaj më vonë (shkurt 2023), duke e kthyer dosjen tek prokuroria e Tiranës, dëshmon vullnetin e qartë për ta mbajtur larg duarve dosjen e vrasjeve më të shëmtuara shtetërore të tranzicionit shqiptar.

Në 14 nëntor 2023 Gjykata Evropiane e të Drejtave të Njeriut në Strasburg i dha një përgjigje të ashpër në distancë këtij refuzimi të SPAK. Teksa dha vendimin për dosjen e Aleks Nikës, gjykata kërkoi kryerjen e një hetimi të plotë mbi ngjarjet e 21 janarit. “Rruga tjetër e korrigjimit të nevojshëm përbëhet nga detyrimi i shtetit për të kryer një hetim efektiv që mund të çojë në identifikimin dhe ndëshkimin e personave përgjegjës”, shkruhet në faqen 21 të vendimit të Gjykatës.

Në vazhdën e kësaj kërkese të qartë për të hedhur dritë mbi masakrën shtetërore të 21 janarit, Gjykata e Lartë e detyroi në 12 mars 2024 SPAK që të rimerrte në shqyrtim mbrapsht dosjen e dërguar në prokurorinë e Tiranës, aty ku kishte fjetur për mbi një dekadë. Një gjest logjik dhe normal, në mesin e një bjerrjeje pafund të këtij hetimi.

E megjithatë që nga marsi i vitit 2024 kjo dosje e marrë në ngarkim nga Prokuroria e Posaçme nuk ka prodhuar thuajse asnjë të re. Janë thirrur për dëshmi disa persona, por sërish rrethi i ngushtë i zyrtarëve të nivelit të lartë të lidhur me atë ngjarje mbetet i paprekur dhe sfidues. Kësisoj deklarata e Altin Dumanit se 21 janari ndodhet në fazë paraprake hetimi është konkluzioni logjik i vegjetimit total dhe letargjisë me të cilën SPAK po e trajton prej vitesh 21 janarin. Dhe kjo është dëshpëruese.

Kreu i SPAK, Altin Dumani në një takim që zhvilloi me gazetarët me dyer të mbyllura  është pyetur edhe në lidhje me hetimin për dosjen “21 janari”.

Dumani tha se çështja është në fazën e hetimit paraprak dhe se është një nga dosjet prioritare.

Ai tha se SPAK ka marrë në konsideratë edhe vendimin e Gjykatës së Lartë dhe Strasburgut. Kreu i SPAK sqaroi se është prokurori ai që vendos si do të hetoj dhe radhën se si do të merren në pyetje personat.

“Çështja është në fazën e hetimit paraprak. SPAK ka marrë në konsideratë edhe vendimin e Gjykatës së Lartë dhe Strasburgut. Prokurori është ai që vendos si do të hetoj dhe radhën se si do të merren në pyetje personat. Është një nga dosjet prioritare”, tha Dumani.

I pyetur për hetmet ndaj kryebashkiakut të Tiranës, Erion Veliajn dhe pyetjet që ai shtroi publikiusht per spakj,Dumani tha se dosja në ngarkim të Veliajt është ndarë në një fraksion tjetër. ndërsa shtoi se nuk u përgjigjet pyetjeve të të pandehurve

“Ka një fraksion tjetër hetimor për Erion Veliajn. Po hetohen disa fakte penale”, është shprehur Dumani. Ndërkohë për shtatë pyetjet që Veliaj i drejtoi publikisht, kreu i sPAK është shprehur nuk i përgjigjet të pandehurve.“Nuk i përgjigjemi të pandehurve, vetëm në rrugë ligjore kur ka pretendime, kur sillen memo nga avokatet, kjo është forma proceduriale.”,

Takimin që u zhvillua neë spak, Dumani e nisi me krimet zgjedhore duke u shprehur se strategjia e SPAK kishte efekt parandalues, ndërsa shtoi se në total ka pasur 193 materiale të administruara nga prokuroria, nga 56 subjekte kallëzuese.

Kryeprokurori i Posaçëm ka bërë me dije se janë regjistruar 43 procedime penale ku një është dërguar për gjykim, ndërsa 39 procedime mbeten në hetim. Gjithashtu është shprehur se ka pasur 17 vendime për kontrolle banesash, zyrash apo kontrolle personale, ku janë gjetur prova të vlefshme materiale. Lidhur me tipologjinë e kallëzimeve nga subjektet politike, Dumani ka thënë se shumica ishin për shpërdorimi i asfaltit elektoral.

Edhe pse periudha zgjedhore ka përfunduar, prokurorët kanë në prioritet këto hetime. Janë 43 materiale mosfillimi që u janë komunikuar denoncuesve. Vetëm tre prej tyre janë ankimuar në gjykatë, ku gjykata ka gjetur të drejta vendimet e mosfillimit nga prokurori, tha Dumani./abcnews.al

TIRANË, 31 korrik /ATSH/ Drejtuesi i Prokurorisë së Posaçme Kundër Korrupsionit dhe Krimit të Organizuar, Altin Dumani bëri të ditur sot se po kryhen hetime intensive dhe të pandërprera për dosjen e vrasjes së 4 protestuesve para Kryeministrisë në protestën e 21 Janarit 2011.

Gjatë një bashkëbisedimi informal me gazetarët, kreu i SPAK tha se dosja e 21 Janarit është prioritare.

“Po kryhen hetime intensive për 2 vrasje, 3 plagosje dhe pengim të zbardhjes sa të vërtetës.  Është administruar kaseta audiovizive. Ajo është çështje prioritare”, është shprehur Dumani siç dhe raportojnë në medie gazetarët e pranishëm gjatë këtij takimi informal.

Ai theksoi se Prokuroria e Posaçme ka në vëmendje vendimin e Gjykatës Evropiane për të Drejtat e Njeriut në rastin e Aleks Nikës.

“SPAK ka marrë në konsideratë edhe vendimin e Gjykatës së Lartë dhe Strasburgut. Prokurori është ai që vendos si do të hetojë dhe radhën se si do të merren në pyetje personat. Është një nga dosjet prioritare”, tha Dumani.

Në 21 Janar të vitit 2011 gjatë protestës që u zhvillua përpara Kryeministrisë u vranë katër qytetarë: Aleks Nika, Ziver Veizi, Faik Myrtaj dhe Hekuran Dedaj.

Në nëntor të vitit 2023 Gjykata Ndërkombëtare për të Drejtat e Njeriut, në Strasburg, e cilësoi 21 Janarin si “krim shtetëror” dhe që duhet hetuar si i tillë.

Pas urdhrit të Gjykatës së Lartë, në korrik 2024, Prokuroria e Posaçme (SPAK) nisi zyrtarisht hetimet për 21 Janarin.

/m.q/r.e/

The post 21 Janari, Dumani: Dosje prioritare, hetime intensive për vrasjet dhe pengimin e zbardhjes së të vërtetës appeared first on Agjencia Telegrafike Shqiptare.

Kreu i SPAK, Altin Dumani, deklaroi se po zhvillohen hetime intensive në lidhje me ngjarjet e 21 janarit 2011, konkretisht për dy vrasje, tre plagosje dhe pengim të zbardhjes së të vërtetës. Ai theksoi se Prokuroria e Posaçme ka në vëmendje vendimin e Gjykatës Evropiane për të Drejtat e Njeriut në rastin e Aleks Nikës, […]

The post “21 Janari”/ Dumani: Hetime intensive për vrasjet dhe pengimin e zbardhjes së të vërtetës appeared first on BoldNews.al.

Kreu i SPAK-ut, Altin Dumani thotë se po zhvillohen hetime intensive në lidhje me ngjarjet e 21 Janarit 2011, konkretisht për dy vrasje, tre plagosje dhe pengim të zbardhjes së të vërtetës. Ai theksoi se Prokuroria e Posaçme ka në vëmendje vendimin e Gjykatës Evropiane për të Drejtat e Njeriut në rastin e Aleks Nikës, një prej viktimave të protestës së asaj dite. ”Po kryhen hetime intensive për…

Source

TIRANË- Avokati i njohur Idajet Beqiri, i ftuar në “Ora e Fundit” në ABC News pohoi se shtetit i së drejtës në Shqipëri nuk po funksionon siç duhet pasi sipas tij po bën goditje selektive.

Ai u ndal te ngjarjet e “21 janarit”, ku katër qytetarë të pafajshëm, protestues në bulevard, u ekzekutuan para godinës së kryeministrisë.

Sipas Beqirit, kjo dosje është e kopsitur me prova dhe fakte, ndërsa shtoi se urdhëruesi i vrasjeve të qytetarëve në bulevard është ish-kryeministri, Sali Berisha.

“Shteti i së drejtës nuk po funksion siç duhet dhe organet e drejtësisë, duket sikur kanë kaluar në ekstrem, që është e rrezikshme për shtetin e së drejtës. Goditjet po i bëjnë selektive, po marrin dosjen “Partizani” dhe po lënë çështje të tjera, që janë të rënda dhe më pasoja dhe për korrupsion shtetëror me miliarda euro. Po përdoren metodat e frikësimit.  Berisha ka lumë akuzash. Ai ka afera të rënda korruptive.  SHBA dhe BE duhet të ndërhyjnë. 21 janari është dosja e kopsitura me prova. Nuk ka dosja më të hetuar bukur, me prova kaq të shumta që e implikojnë si urdhërues dhe vrasës Sali Berishën, por nga ana tjetër është një dosje nga më të pastra”, tha ai.

Ai foli dhe për lidhjet e Sali Berishës me Damir Fazlliç, ndërsa shtoi se kjo dosje fakton rrethanat se si agjentura serbe arriti të korruptonte ish-kryeministrin e Shqipërisë dhe personat e tjerë të lidhur me familjen e Sali Berishës.

“Dosja e Fazlliç, ajo mund të quhet dosja e pastër serbe në Shqipëri, pra se si Serbia me agjenturën saj korruptoi jo vetëm kryeministrin e vendit, por edhe persona të tjerë të lidhur me familjen e Berishës, dhe i përdori ata në disa plane: si grup i strukturuar kriminal për të ndërtuar dosjet ndaj ish-udhëheqësve të UÇK dhe ashtu i bën provat siç i donin serbët.  Sali Berishën e pret burgu i përjetshëm.”, pohoi ai./abcnews.al

Në emisionin “Real Story” në ABC News, analisti Skënder Minxhozi ka shprehur shqetësimin për mënyrën se si po zhvillohet drejtësia në Shqipëri, duke e cilësuar atë si një “lojë statistikash” dhe një sistem të ngadalshëm dhe burokratik.

Minxhozi u shpreh se, në rastin e akuzave ndaj kryebashkiakut të Tiranës, Erion Veliaj, dhe ish-presidentit Ilir Meta, drejtësia duket se po bëhet gjithnjë e më personale dhe ka humbur fokusin nga akuza e saktë.

Ai ka kritikuar gjithashtu mungesën e përparimit në hetimet për ngjarjen e 21 Janarit, duke theksuar se është turp që, pas gjashtë vitesh nga krijimi i SPAK, kjo çështje ende nuk ka marrë drejtimin e duhur në gjykatë. Minxhozi e ka cilësuar sistemin aktual të drejtësisë si burokratik dhe të papërshtatshëm për të adresuar çështjet e rëndësishme për shoqërinë.

“Kam përshtypjen se drejtësia po i drejtohet një loje statistikash me Veliajn dhe Metën të marrë peng pa akuza. Se si mund ta burgosësh tjetrin që në shkurt e ta komunikosh akuzën në mbarim. Rasti i Veliajt është një qëndrim krejt mbi rreshtat dhe duket se ka kaluar në një gjë personale. Unë nuk mendoj se këto raste do t’i bënte më të mira ose jo Amerika, thjesht shtyn përpara proceset. Drejtësia e re më të madhe historike dhe një obligim moral edhe ndaj shqiptarëve do të kishte dosjet e përgjakura, të cilat ende vijon të mos i prekë. Është turp që pas 6 vitesh SPAK, ne nuk kemi asnjë pikë në horizont për 21 Janarin dhe nuk kemi asnjë shenjë se kur kjo çështje do të shkojë për gjykim. Nuk e dimë se kur do të thirren dëshmitarët dhe kur do të shkojë për gjykim. Është një drejtësi burokratike,” tha analisti Minxhozi./acbnews.al

TIRANË- Ish-shefi i Shërbimit Informativ Kombëtar, Fatos Klosi, i ftuar në “Tirana Live” tha se dosja “Partizani” nuk është asgjë në krahasim me ngjarjet e tjera tragjike si “Gërdeci” apo “21 Janari”.

Ai theksoi se këto ngjarje tregojnë egon politik të Sali Berishës. Gjatë diskutimit në studio, Klosi theksoi se më 21 janar qytetarët u vranë në kohën kur sheshi po boshatisej.

“Kam qenë dëshmitar i 21 janarit dhe e pashë si u vranë ata njerëz. Ata u vranë pasi bulevardi u boshatis. 21 janari, shembull se çfarë është i aftë të bëjë Berisha. Ishte mesazh për perëndimorët se në këtë vend vendosi vetë”, tha ai.

Ai komentoi dhe zgjedhjet e 11 majit, ndërsa theksoi se të gjithë e dinin se Sali Berisha nuk do kishte asnjë shans të merrte shumicën e votave.

Sipas Klosit, njerëzit tashmë e kanë braktisur totalisht Sali Berishës, sepse e kanë provuar si në postin e presidenti ashtu dhe të kryeministrit të vendit. Ai theksoi se nuk e priste që PS-ja të merrte 83 mandate.

“Me thënë të drejtën jo. Ishte shumë qartë edhe për Berishën se nuk do fitonte dot. Unë dua që ata njerëz të mendojë. Për mua njerëzit nuk i besonin më Berishës.

Ky rezultati i dyfishtë nuk del kurrë përtej vullnetit të popullit. Nuk beson më njëri te Berisha, e kanë provuar. Ishte 5 vjet president absolut, 8 vjet kryeministër absolut. Në 2013 kur iku ishte një gropë financiare.

Rama ishte një njeri që ka vizion dhe që bëri plot. Berishës i ka kaluar koha e vet. Ai mburret se theu diktaturën bashkë me rininë, solli demokracinë, janë llafe.

Ishte koha që duhej të ndodhte. Foltorja ishte një marifet për të mbrojtur veten dhe familjarët e tij.

Ngjarjet e 21 janarit, u zhdukën të gjithë të dhënat që kishte sistemi i kamerave të sigurisë në kryeministri.

Ai është skandali më i madh. Pastaj dhe Gërdeci nuk është gjë e vogël. Pastaj korrupsioni në rrugën e kombit. Drejtësia duhet të japë mesazhe se nuk ka më të padënueshëm”, shtoi ai./abcnews.al

Kolegji i Pavarur i Kualifikimit ka shkarkuar përfundimisht nga detyra gjyqtaren e Tiranës, Ardiana Bera.

Vendimi u mor ditën e sotme nga trupa gjykuese Rezarta Schuetz kryesuese, Mimoza Tasi relatore, Albana Shtylla, Natasha Mulaj, Sokol Çomo anëtarë. Ardiana Bera u konfirmua në detyrë më datë 26.04.2024, vendim i cili më pas u ankimua nga institucioni i Komisionerëve Publikë për gjetje në kriterin e pasurisë dhe profesionalizmin.

Gjyqtarja e Tiranës nuk arriti të justifikonte të ardhurat financiare me burime të ligjshme, si dhe nuk ka mundur të arsyetojë blerjen e një apartamenti në Tiranë. Bera nuk mundi as të justifikonte huanë prej 2 milionë lekësh të marra nga vëllezërit, burim për të cilat ishte shprehur se ishte emigracioni.

Sakaq, për anën profesionale, Bera ka qenë anëtare e trupës gjykuese për dosjen e 21 janarit teksa ka shpallur të pafajshëm dy gardistët e akuzuar për vrasjen e protestuesëve të protestës së 21 Janarit, Ndrea Prendi dhe Agim Llupi.

The post Pjesë e trupës gjykuese të dosjes së “21 Janarit”, KPA shkarkon nga detyra gjyqtaren e Tiranës appeared first on Albeu.com.

TIRANË, 15 mars/ATSH/ Drejtuesi Politik i Partisë Socialiste për Diasporën, Taulant Balla, u kërkoi sot bashkëqytetarëve në Librazhd dhe mbarë Shqipërinë të mos harrojnë se kush është Sali Berisha.

“Sot bëhen 17 vite që shpërthimi i tmerrshëm i korrupsionit të familjes së Sali Berishës dhe të ministrave të tij vrau 26 shqiptarë të pafajshëm. Dhe kur shoh në këto studiot e darkës që guxojnë të vënë barazi mes dosjeve të ndonjë ish-ministri socialist me ato të Berishës, kjo është e pandershme. Sali Berisha në këto 30 vite është politikani që me korrupsionin e vet ka vrarë njerëz. Me korrupsionin në Gërdec vrau 26 shqiptarë të pafajshëm, plagosi shumë të tjerë dhe shkatërroi një zonë të Shqipërisë.”, tha Balla

Balla po ashtu kujtoi edhe viktimat e 21 Janarit 2011.

“Me korrupsionin e vet, bashkë me Ilir Metën, vrau 4 protestues më 21 Janar. Prandaj, motra e vëllezër, s’duhet të harrojmë kurrë që ai është politikani që vrau dhe mund të vrasë përsëri për të mbrojtur korrupsionin e vet. E dëgjova një ditë që tha se e kanë përzënë në Librazhd. Po ti shko njëherë në Tropojë po ta mbajti pa anti-plumb, se e ke mbjellë vëllavrasjen aty ku të buron familja jote. Ne kemi qenë të majtë e të djathtë, por kur kemi mbyllur fushatën kemi qenë librazhdjotë,” deklaroi Balla nga asambleja e Partisë Socialiste të Librazhdit, ku së bashku me drejtuesin e qarkut Elbasan për Partinë Socialiste, Arbian Mazniku, prezantuan kandidaturën e Olsi Komicit, jurist dhe ish-komisioner në Komisionin e Pavarur të Kualifikimit.

“Ajo që ka më rëndësi për dikë që ka qenë dhe vazhdon të jetë pjesë e politikës është cilësia që të punosh për të lënë prapa njerëz ndoshta edhe më të mirë se ti vetë. Unë jam shumë krenar sot që Librazhdi do të përfaqësohet në Kuvendin e Shqipërisë në legjislaturën e re, në mandatin e ri 2025-2029, jo nga një, por nga dy: edhe nga Bora, edhe nga Olsi. Asnjëherë më parë, nga këto 30 vite, ne nuk kemi pasur një përfaqësim kaq të denjë dhe kaq të fortë në Kuvendin e Shqipërisë. Prandaj thashë dy, sepse kësaj radhe edhe demokrati më i paepur i Librazhdit duhet të votojë për Olsi Komicin, duhet të votojë për Partinë Socialiste të Shqipërisë, për Edi Ramën.”, vijoi Balla.

Falë mandatit të tij, tha Balla, kemi sot një drejtësi të re të pavarur, që e shpëtoi nga kanceri që kishte mbjellë ai që zotohet sot para shqiptarëve se po i dhatë votën do shkrijë SPAK-un.

“Sa pretendues ish-pronarë ka në Shqipëri që duan të marrin pronat? Si ka mundësi që i mori dhëndri i Sali Berishës mes Tiranës, ku fushën e futbollit e bënë pallat? Të çosh në prokurori Sali Berishën. duhet të durosh lloj-lloj balte dhe sulmesh, por për mua rëndësi ka që populli i Librazhdit më do dhe do më votojë duke votuar për Olsi Komicin, për Edi Ramën.”

Balla i kërkoi socialistëve të Librazhdit që të arrijnë targetin e 75% të votave madje edhe më shumë, sepse Partia Socialiste i ka mbajtur premtimet në Librazhd duke e shndërruar në një lagje të Tiranës vetëm 40 minuta larg falë investimeve infrastrukturore.

“Objektivi kësaj radhe është 75%. Prapë të parët në Shqipëri, gjallë a vdekur, duhet të dalim përsëri të parët në Shqipëri. Këtu ka shumë prej jush që kanë qenë pjesë e rrugëtimit tim që ditën e parë. Ka prej jush që në fushatën e referendumit 1994. Në 2005 kemi qenë zona me rezultatin më të mirë për PS. Prandaj 75% është objektiv me mik, se mund të shkojmë edhe më shumë.”, theksoi Balla.

Balla i kërkoi elektoratit që t’i japë 1 milion shuplaka Partisë Demokratike, e cila hyn në garën e 11 Majit me lista të vjetra dhe të njëjtin kapiten.

The post Balla: 17 vite më parë, korrupsioni i Sali Berishës vrau 26 shqiptarë appeared first on Agjencia Telegrafike Shqiptare.

Kryeministri Edi Rama komentoi në rubrikën “Sy më Sy” reformën në drejtësi duke u ndalur tek “21 janari”.

Kryeministri Rama u shpreh se më parë nuk mund të imagjinohej të kishte një drejtësi të pavarur, dhe se reforma në drejtësi dhe SPAK sot, u realizuar vetëm nga mbështetja e PS.

Rama u shpreh: “Pra nga 1912 dhe deri kur unë dhe PS bëmë reformën në drejtësi, asnjë nga ata që ka jetuar në këtë vend, nuk e kanë parë asnjë gjë të tillë siç po shohim sot. Dhe pyetja është si ka mundësi që nga 1912 deri kur filloi puna e institucioneve dhe reforma në drejtësi, nuk u çua një njeri me pushtet politik përpara një gjyqtari të pavarur. Unë po flas për prokurorë e gjykatës të pavarur. Kjo shpjegohet se unë dhe skuadra ime vendosëm t’i dorëzojmë drejtësisë shpatën e ndëshkimit që ka qenë historikisht në duart e pushtetit politik që e ka përdorur për të bërë “drejtësi” duke goditur kë ka pasur oreks të mbrojë. Imagjino të ndodhte sot, që të mblidhej këtu poshtë dritares sime një popull i tërë dhe nga kjo zyrë të jepej urdhër për të qëlluar me plumba të vërtetë njerëzit dhe të vdisnin… katër vetë të pafajshëm…dhe prokurori SPAK në këtë rast të lëshonte urdhra arresti për një numër personash përgjegjës për gjithë procesin e administrimit të protestës dhe unë t’i jepja urdhër drejtorit të përgjithshëm të Policisë “Nuk arrestohet askush”. E imagjinon dot t’i këtë të ndodhë sot?…Kjo ka ndodhur miku im, shumë pak kohë më parë, përpara se unë të vija në këtë zyrë…Si shpjegohet kjo, na ra nga qielli, apo e solli Amerika me aeroplan? Këtë e bëri ky që sheh këtu bashkë me ata që e votuan me vullnet të plotë dhe jo ata që erdhën zvarrë për ta votuar.”, tha ai.

/abcnews.al/

Gjykata e Posaçme Kundër Krimit të Organizuar dhe Korrupsionit (GJKKO) vendosi të martën 24 masa sigurie për punonjësit e Universitetit Bujqësor të Tiranës, me kërkesë të Prokurorisë së Posaçme SPAK. Ende pa dalë njoftimi zyrtar i SPAK, kryeministri Edi Rama njoftoi organizimin e një seance dëgjimore me grupin parlamentar të Partisë Socialiste dhe rektorin e […]

The post ‘Keqkuptimi i madh’: Rama mohon ‘gjyqin politik’ por vë në pikëpyetje urdhrat e gjykatës appeared first on Reporter.al.

TIRANË, 18 shkurt /ATSH/ Kryeministri Edi Rama deklaroi sot se “për 21 Janarin presim nga drejtësia të bëjë drejtësi”.

Në rubrikën “Sy m’sy” në bashkëbisedimin me qytetarët në platformat sociale, Rama iu përgjigj një qytetari, i cili e pyeti se “përse nuk arrestohet kreu i Partisë Demokratike, Sali Berisha, apo keni frikë?”.

“Jetojmë në demokraci. Në demokraci pushtetet janë të ndara. Lavdi Zotit në demokraci nuk arreston qeveria, nuk arreston kryeministria, nuk arreston partia, nuk arreston politika, pavarësisht se në raste të caktuara, arrestimet që bën drejtësia mund të mbajnë erë jo të mirë”, sqaroi Rama.

Por, shtoi kryeministri, kemi arritur në një fazë të re të historisë tonë.

“Deri dje kështu ndodhte dhe ti s’ke faj, sepse ish kryetarin e opozitës së deridjeshme, pasardhësin tim, themeluesin e PS-së, Fatos Nanon e futi në burg ish-kryeministri, “bufi i kënetës”. E futi në burg vetë, me prokurorët e vet dhe kështu ka ndodhur që kur është krijuar shteti shqiptar e deri kur u bë reforma në drejtësi.”

Kjo ka marrë fund, shtoi Rama, “kështu që këto historitë, keni frikë, s’keni frikë është mirë që të mos ia thoni vetes se janë qesharake. Këtu nuk është as çështje frike, as çështje trimërie. Këtu është çështje drejtësie dhe këto punë i di drejtësia”.

Rama foli edhe për 21 Janarin.

“Është më e qartë sa s’ka, rasti i 21 Janarit. Çfarë mund të bënim ne për 21 Janarin si parti politike, si shumicë qeverisëse? Çfarë mund të bëja unë si udhëheqës i shumicës parlamentare, reformën në drejtësi? Sepse një drejtësi e kapur nuk do të mund të bëjë drejtësi për 21 Janarin. Shumë e thjeshtë.

Dhe nëse nuk do të kishte të qenë reforma në drejtësi së pari, do të duhej që ne të përsërisnim të njëjtat gjëra që kanë bërë ata përpara nesh me në krye “bufin e kënetës”, por ne nuk jemi ata.

Diferenca mes nesh është e jashtëzakonshme. Është diferenca midis Evropës, BE-së dhe bajraktarizmit ballkanik, provincial. Kështu që në këto kushte, të një ndryshimi tërësor, në frymë dhe në filozofi, në qasje ndaj tjetrit. Që nuk është një ndryshim tërësor që e kam sjellë unë, është një ndryshim tërësor që është në ADN-në e PS-së.”

PS, u shpreh Rama, “u rikthye në qeveri në 1997-ën me një kryeministër që doli nga burgu politik, i cili nuk u hakmor, por përkundrazi kaloi një tjetër fazë shumë të vështirë. Gati e vranë këtu në këtë godinë ku jam unë sot, pikërisht sepse nuk zgjodhi rrugën e hakmarrjes, por zgjodhi rrugën e pajtimit, në sensin e bashkëjetesës demokratike, jo e pajtimit në sensin e martesës me kundërshtarin. Dhe në këto kushte, çfarë mund të bëjë një forcë politike tjetër, përveç se të bëjë një reformë dhe t’i thotë drejtësisë “je e pavarur” dhe ta mbrojë pavarësinë e drejtësisë me trupin e vet?! Duke pranuar edhe koston e kafshimit në trupin e vetë për shkak se korrupsioni dhe problematikat e korrupsionit nuk janë problematika që lidhen me një palë. Janë problematika që lidhen me një shoqëri të tërë. Janë problematika që lidhen me të gjithë pjesët e sistemit shoqëror, sistemit administrativ, sistemit politik të Shqipërisë dhe në këto kushte vetëm një sakrificë e tillë politike mund ta krijonte pavarësinë e një institucioni dhe natyrisht shoqëruar pastaj edhe me angazhimin dhe me kurajën e një sërë protagonistësh aty”.

Por, shtoi Rama, “çfarë mund të përgjigjemi ne sot, si mund të përgjigjem unë sot për 21 Janarin, përveç se presim nga drejtësia të bëjë drejtësi. Sepse unë besoj që pavarësia është e mjaftueshme për të trajtuar çështjen e 21 Janarit në mënyrë të drejtë. Nuk mund të trajtohej çështja e 21 Janarit kur kryeministri me dhunë pengoi ekzekutimin e urdhrave të ndalimit nga ana e asokohe Prokurores së Përgjithshme. Parafytyrojeni ju sot sikur unë të ndaloja me dhunë ekzekutimin e urdhrave të ndalimit të SPAK-ut”.

“Jam kundër ndalimit të kryetarit të Bashkisë së Tiranës. Është i gabuar, është disproporcional, është i panevojshëm për të vazhduar hetimet e për të bërë një gjyq të drejtë, por ama si mund të ndaloj unë ekzekutimin”, tha ai.

“E, pra në këtë vend ka ndodhur nuk ka ndodhur para 100 vjetësh dhe këtë ndalim të ekzekutimit nuk e ka bërë dikush që është në librat e historisë, e ka bërë dikush që e shikoni që vjen vërdallë përditë, një buf kënete, që ulërin: “Do shkrij SPAK-un, do shkrij SPAK-un”. Do shkrijë “Noc Rrokun””, tha Rama.

“Ne duam një drejtësi të pavarur, ne duam një drejtësi që të bëjë drejtësi pa parë majtas dhe djathtas, por duke parë vetëm drejt, por ama patjetër duam një drejtësi evropiane, një drejtësi ku të gjitha palët janë të garantuara, ku prokurori bën detyrën e vet dhe ku gjykatësi bën arbitrin, jo ortakun e prokurorit. Ku i akuzuari prezumohet i pafajshëm jo me fjalë, por prezumohet i pafajshëm edhe në mënyrën se si krijohet mundësia gjatë gjithë hetimit dhe procesit gjyqësor që të sjelli të vërtetat e veta. Dhe në fund është gjykata që vendos. Patjetër kjo është parimore, kjo nuk ka të bëjë me elementët konkretë të çështjes”, theksoi Rama.

/r.e/a.f/

The post Rama: Për 21 Janarin presim nga drejtësia të bëjë drejtësi appeared first on Agjencia Telegrafike Shqiptare.

Kryeministri Edi Rama u shpreh se reforma në drejtësi ka pasur mbështetjen më të madhe të PS. Në “sy më sy”, Rama u ndal edhe tek çështja e 21 janarit, duke thënë se e vetmja gjë që mund të bëhej ishte krijimi i një drejtësie të pavarur. Po ashtu theksoi se Pavarësia është e mjaftueshme për të trajtuar çështjen e 21 janarit në mënyrë të drejtë.

“Jetojmë në demokraci dhe pushtetet janë të ndara, nuk arreston qeveria, partia apo politika. Pavarësisht se në raste të caktuara arrestimet që bën drejtësia mund të mbajnë erë jo të mirë, por kemi arritur në një fazë të re të drejtësisë tonë. Pavarësisht se bufi kënetës me prokurorët e vet, futi në burg Fatos Nanon. Kjo ka marrë fund. Pra këto historitë keni frikë janë qesharake dhe këtu është vetëm çështje drejtësie. Këto punë i di vetëm drejtësia. 21 janari, çfarë mund të bënin ne? Vetëm reformën në drejtësi. Sepse një drejtësi e kapur nuk bën dot drejtësi për 21 janarin. Ne nuk jemi ata, diferenca mes nesh është e jashtëzakonshme. Është diferenca mes Europës BE dhe bajraktarizmit ballkanik provincial. Në kushtet e një ndryshimi tërësor në frymë e filozofi  që është në ADN e PS. Partia Socialiste u rikthye në qeveri në ’97 me një kryeministër që doli nga burgu politik i cili nuk u hakmor, por kaloi një fazë të vështirë, gati e vranë në këtë godinë ku jam unë sot sepse nuk zgjodhi rrugën e hakmarrjes, por të bashkëjetesës demokratike. Pra çfarë mund të bëjë një forcë politike veçse një reformë dhe t’i thotë drejtësisë je e pavarur, duke pranuar edhe koston e kafshimit në trupin e vet, për shkak se problematikat e korrupsionit nuk lidhet vetëm me një palë, por të gjithë pjesët e sistemit. Pra vetëm një sakrificë e tillë politike mund ta krijonte pavarësinë në institucion. Si mund të përgjigjem sot për 21 janarin veçse të them që presim nga drejtësia të bëjë drejtësi. Pavarësia është e mjaftueshme për të trajtuar çështjen e 21 janarit në mënyrë të drejtë”, tha ai.

TIRANË, 13 shkurt /ATSH/ Kryeministri  Edi Rama foli sot gjatë bashkëbisedimit “Sy m’sy” me ndjekësit virtualë në rrjetet sociale preku edhe hetimet për 21 janarin.

Rama tha se njerëzit duhet t’ia kërkojnë SPAK-ut hetimin për 21 janarin dhe jo atij si kryeministër.

“Çfarë më kërkoni për 21 janarin? Çfarë duhet të bëj unë? E shikoni, tani duhet të jesh idiot, si idioti noterik i Shvejkut ose një ligësirë me dy këmbë që të vazhdosh të thuash që SPAK-un e kontrollon Edi Rama ose vepron politikisht. SPAK ka një politikë të caktuar në vendimmarrje, por nuk është vegël e askujt. Kërkojani SPAK-ut 21 janarin, jo mua! E premtova, nuk ikën 21 janari pa u ndëshkuar, por nuk them unë se kur, se nuk jam unë që e bëj këtë. 21 janari është nga ato çështje ku drejtësia vonon, po nuk harron. Urgjencë e madhe për të paraburgosur kryetarin e bashkisë, po pse pse s’ka urgjencë për 21 janarin për një krim monstruoz, janë vrarë 4 njerëz.  Do e bëjë qeveria drejtësinë, partia? Ka vdekur ajo kohë”, tha Rama.

Kreu i qeverisë, tha në fjalën e tij se ka “vdekur” koha kur partia, qeveria, kryeministri kontrollonin drejtësinë, prokurorinë, gjykatën dhe merrnin në mbrojtje gjithë horrat. “Ka vdekur sepse pllakën e varrit të asaj kohe ia kam vënë unë me Partinë Socialiste, kjo është e vërteta historike”, tha Rama.

“Përtej dasive politike, tifozllëkut apo budallallëkut që të bën të verbër, e vërteta historike nuk shlyhet, thjesht merr kohën e vet. Është në të gjitha dokumentet e shkruar, në të gjitha dëshmitë e kujtesës, që pa mua dhe PS nuk vinte kjo kohë. Kjo kohë ka dallgët e veta! Me çdo kosto, me çdo çmim, për lëkurën dhe brinjët tona. E kemi ditur që do kishte probleme, nëse unë do kisha filluar të flisja si sot, pa e lënë SPAK-un të merrte vetëbesimin e plotë , nuk do arrihej kjo”, theksoi kryeministri Rama.

Rama u ndal sërish te arrestimi i kryebashkiakut Veliaj, ku sipas tij nuk duhet të ketë një linçim publik për persona të caktuar që hidhen si mish ku turren gjithë qenëria e kënetës politike dhe mediatike.

“Çfarë kuptimi ka në fund për dikë që degjenerohet, shkatërrohet dhe në fund del i pafajshëm? Ne duam të shkojmë drejt BE-së apo te vendet jashtë BE me të cilët jemi bashkë atje në krye të klasifikimit për torturën, për numrin e të paraburgosurve?”, vijoi Rama.

“Unë dua të shkojmë në Bashkimin Evropian 2030 dhe nuk dua që nesër BE të thotë se vullneti për të luftuar korrupsionin është i qartë, është  i plotë, drejtësia është e pavarur dhe goditjet ndaj individëve me profil të lartë janë me vullnet të plotë, por standardet nuk i keni të mjaftueshme për t’u pranuar si një vend në BE. Po pse këtu do të përfundojmë ne?”, tha Rama. /j.p/

The post Rama: Urgjencë për të paraburgosur kryetarin e bashkisë, por jo për 21 Janarin appeared first on Agjencia Telegrafike Shqiptare.

Agim Deda, vëllai i Hekuran Dedës, një prej viktimave të “21 Janarit”, është paraqitur këtë të mërkurë në Prokurorinë e Posaçme (SPAK).

Ai është thirrur për të dhënë sqarime, si familjar i Hekuran Dedës.

Ndërkaq, të martën u paraqit në SPAK vëllai tjetër i Hekuran Dedës, Zabit Deda, i cili qëndroi për më shumë se 1 orë e 30 minuta në prokurori ku dha sqarime mbi hertimet për zbardhjen e vrasjeve të ndodhura 14 vite më parë.

Prej korrikut të kaluar, SPAK po kryen veprime hetimore për zbardhjen e 21 janarit mbi tre vepra penale duku nisur nga ajo e vrasjes në rrethana cilësuese, shpërdorim detyre dhe veprime që pengojnë zbulimin e së vërtetës.

Pasi gjykata e lartë ia kaloi dosjen per kompetencë, SPAK ka marrë në pyetje edhe ish-zyrtarë të lartë të policisë, por edhe deputete e ish-ligjvenes të mazhorancës aktuale ne ate kohe në opozite.

Ndërsa familjarët e viktimave pretendojnë se urdhëruesit e vrasjes së të afërmeve të tyre janë ish-kryeministri Sali Berisha, ish-ministri I brëndshëm Lulzim Basha si dhe ish-drejtuesi I gardës Ndrean Prendi.

Më 21 janar humbën jetën Aleks Nika, Ziver Veizi, Hekuran Deda dhe Faik Myrtaj./abcnews.al

TIRANË- Të martën në Prokurorinë e Posaçme është paraqitur vëllai i Hekuran Dedës, një nga 4 protestuesit që mbeti I vrarë në protestën e 21 janarit. Zabit Deda qëndroi për më shumë se 1 orë e 30 minuta në prokurori ku dha sqarime mbi hetimet për zbardhjen e vrasjeve të ndodhura 14 vite më parë.

Të mërkurën pritet të japin sqarime në cilësinë e personit që ka dijeni për një vepër penale edhe vëllai tjetër i Hekuran Dedës, vrasja e të cilit ka mbetur ende pa autor.

Avokati Idajet Beqiri i ftuar “Ora e Fundit” në Abc News tha se ka dërguar prova, që sipas tij e bëjnë më të qartë rolin e Berishës si “porositës” i vrasjeve në bulevard. Ai pohoi se ka qenë vetë ai që i ka kërkuar SPAK, që në listën e dëshmitarëve, të jenë dhe dy vëllezërit e Hekuran Dedës për të dëshmuar për krimin shtetëror.

Ai theksoi se Sali Berisha ditën e mortit të Hekuran Dedës ka dërguar shoqëruesin e tij me një çantë prej 300 mijë euro, për të “blerë gjakun e derdhur” të Dedës dhe familja të mos e kërkonte gjakun e djalit të tyre te Sali Berisha. Ai theksoi se familja Deda nuk e ka pranuar një gjë të tillë.

“Kam depozituar prova të reja, që kanë të bëjnë me 21 janarin. Kam theksuar se kush duhet të ishin dëshmitarët për ngjarjen dhe kam thënë dhe për dy vëllezërit e Hekuran Dedës, që njëri u mor në pyetje sot dhe tjetri nesër. Ata kanë shumë gjera për të deklaruar se kush është urdhëruesi, çfarë kanë marrë vesh ata, kush u ka shkuar në familje, çfarë u kanë thënë për urdhëruesit. Sali Berisha ka dërguar ditën e mortit, janë thirrur dy vëllezërit e Hekura Dedës, ka shkuar shoqëruesi i Sali Berishës me valixhen me 300 mijë euro dhe ju ka thënë “që të sjellë Saliun të bëjë ngushëllimin dhe ju të mos e kërkoni gjakun te Saliu”. Ata e kanë konsideruar atë si një krim të dytë dhe nuk e kanë pranuar. Porositësi i vrasjes është Sali Berisha.  Ai e ka thënë se është vrasësi dhe shqiptarët e dinë shumë mirë këtë punë dhe janë me dhjetëra prova direkte dhe indirekte”, theksoi ai.

Ai theksoi se Sali Berisha rrezikon burgim të përjetshëm për atë krim shtetëror. Sipas Beqirit, SPAK po e çon drejt fundit dosjen hetimore pëR 21 janarin.

“Nuk ka shumë punë, ka pak për të thirrur dhe pastaj duhet t’ua komunikojë akuzat. Në këtë drejtim, dëshmitarët dhe provat më të rëndësishme janë grupuar dhe SPAK i ka në dosje.”, tha ai./abcnews.al

Ditën e sotme janë paraqitur në SPAK për të dhënë deklarime Agim dhe Zabit Deda, vëllezërit e Hekuran Dedës, një prej viktimave të “21 janarit”. Zabiti u pyet për llogari të hetimeve qe kryesohen nga Alfred Shehu. Kurse Agim Deda që gjendet jashtë ambienteve, do të pyetet ditën e nesërme. “Shpresoj se ngjarja do zbardhet. […]

The post “21 janari”/ Vëllai i Hekuran Dedës pas daljes nga SPAK: Kishte përparim me hetimet appeared first on BoldNews.al.

TIRANË, 28 janar /ATSH/ Dy vëllezërit e Hekuran Dedës, i vrarë në protestën e 21 janarit të vitit 2011, në kohën kur Sali Berisha ishte kryeministër i vendit, janë paraqitur sot në Prokurorinë e Posaçme kundër Korrupsionit dhe Krimit të Organizuar për të dhënë deklarimet e tyre në lidhje me hetimet që po kryhen për këtë çështje.

Zabit dhe Hamit Deda u paraqitën mëngjesin e sotëm në ambientet e SPAK. Sipas medieve në pyetje në kuadër të hetimeve sot është marrë Zabit Deda, ndërsa ditën e nesërme pritet që të merret Agim Deda.

Pasi doli nga ambientet e SPAK ku qëndroi për rreth 1 orë e 30 minuta, Zabit Deda tha për mediet se shpreson se ngjarja do të zbardhjet.

“SPAK kishte përparuar me hetimet. Janë thirrur dhe vëllezër ë tjerë, të gjithë do të dëshmojnë”, tha ai.

Në 21 Janar të vitit 2011 gjatë protestës që u zhvillua përpara Kryeministrisë u vranë katër qytetarë: Aleks Nika, Ziver Veizi, Faik Myrtaj dhe Hekuran Dedaj.

Pas urdhrit të Gjykatës së Lartë, në korrik të këtij viti Prokuroria e Posaçme (SPAK) nisi zyrtarisht hetimet për 21 Janarin.

Drejtuesi i SPAK Altin Dumani tha gjatë një komunikimi me gazetarët pak ditë më parë se janë kryer veprime të shumta hetimore sa i takon dosjes së vrasjes së 4 protestuesve para kryeministrisë në protestën e 21 janarit 2011.

/a.f/

The post “21 janari”, dy vëllezërit e Hekuran Dedës paraqiten në SPAK appeared first on Agjencia Telegrafike Shqiptare.