Policia bashkiake, Policia e Shtetit dhe IKMT janë parë pasditen e sotme me forcat e tyre përqark stadiumit “Air Albania” në Tiranë në kuadër të aksionit për lirimin e hapësirave publike.

Fokusi i tyre janë subjektet jashtë stadiumit të cilat kanë të vendosura karrige dhe tavolina në pjesën e jashtme.

Si nisi çështja e hapësirave publike?

Në ditët e para të muajit korrik kryeministri Edi Rama bërë një vizitë të befasishme në bashkinë e Vlorës duke kërkuar shkarkimin e drejtorëve në këtë bashki për moskompetencë e që lidhej kryesisht me atë që e cilësoi më vonë si zaptimin e hapësirave publike.

Gjatë vizitës Rama u ka bërë thirrje deputetëve në largim e atyre të zgjedhur dhe drejtuesve vendorë të dalin në terren dhe t’ju japin zgjidhjeve problemeve të qytetarëve, duke i takuar nga afër.

Gjithashtu ai iu ka dhënë ultimatum që brenda dy javëve të kenë gati raportin me punën e bërë.

Ndërkohë më 8 korrik Rama ka kërkuar dorëheqjen e drejtorëve të bashkisë së Fierit dhe Durrësit në institucionet që sipas tij nuk kanë përmbushur detyrën.

Gjithashtu raportohet se ka shprehur kritika të ashpra për menaxhimin e hapësirave publike të zaptuara.

Po në këto ditë të para të korrikut 2025 nisi dhe një aksion në fshatin turistik Theth në veri të vendit për prishjen e ndërtesave pa leje.

Në këtë rast Rama akuzon prokuroren Elsa Gjeli se refuzoi të hapte një çështje penale kundër një biznesmeni të kallëzuar nga Policia e Shtetit për ndërtimin e një fshati të tërë turistik pa asnjë leje.

Ai theksoi se lugina e Thethit do të pastrohet nga betoni dhe do të kthehet në gjendjen e mëparshme.

Gjithashtu Rama ka deklaruar se i ka kërkuar Ministrisë së Drejtësisë të paraqesë një kërkesë në Këshillin e Lartë të Prokurorisë për shkarkimin e saj.

The post Aksion te stadiumi “Air Albania”, IKMT zbarkon për lirimin e hapësirave publike appeared first on Albeu.com.

TIRANË, 16 korrik /ATSH/ Inspektorati Kombëtar i Mbrojtjes së Territorit ka vijuar sot operacionin për lirimin e hapësirave publike.

Mjete të IKMT, të shoqëruara nga forca të shumta të policisë bashkiake dhe Policisë së Shtetit kanë liruar sot hapësirat publike të zëna nga subjektet pranë stadiumit kombëtar “Air Albania”.

Autoritetet kanë rrethuar me shirit pjesën pranë stadiumit të futbollit, ku janë të vendosura karrige dhe tavolina të lokaleve e restoranteve që ndodhen në katin e parë të godinës.

/gj.m//a.f//r.e/

The post IKMT liron hapësirat publike tek stadiumi “Air Albania” appeared first on Agjencia Telegrafike Shqiptare.

Udhëtimet me charter, që kushtojnë dhjetra mijëra euro, të kryeministrit të vendit me të ardhurat më të pakta për frymë në Europë, janë rikthyer sërish në qendër të vëmendjes në vendin tonë. Shkak u bë një raportim i pak ditëve më parë, ku mediat publikuan videon teksa Edi Rama zbriste nga një avion privat në […]

The post “Air Albania” drejt falimentimit, por mbulon fluturimet me charter të Ramës? SPAK “fle gjumë” appeared first on BoldNews.al.

Pas shfaqjes së kryeministrit Edi Rama në një avion të ndryshëm privat nga ai qeveritar në udhëtimin drejt samitit të NATO-s, zyra e tij e shtypit pretendon se fluturimi mbulohet nga e njëjta marrëveshje kuadër me kompaninë Air Albania. Një video e shkurtër e publikuar nga Dosja.al më 26 qershor shfaqte kryeministrin Edi Rama teksa zbriste nga një avion […]

The post 36 mijë euro fluturimi me charter/ Kryeministria: Udhëtimi i Ramës u mbulua nga “Air Albania” appeared first on BoldNews.al.

Një video e shkurtër e publikuar nga Dosja.al më 26 qershor shfaqte kryeministrin Edi Rama teksa zbriste nga një avion privat në aeroportin e Hagës gjatë udhëtimit të tij drejt Samitit të NATO-s. Avioni ishte i ndryshëm nga ai qeveritar që përdor zakonisht Rama në udhëtimet e tij zyrtare të viteve të fundit dhe i […]

The post Kryeministria thotë se udhëtimi me avion privat i Ramës u mbulua nga Air Albania appeared first on Reporter.al.

Një qytetar ka denoncuar anulimin e fluturimit nga kompania Air Albania 10 minuta para nisjes. Qytetari shkruan për JOQ se në aeroportin e Malpensës, kompania Air Albania ka anuluar fluturimin drejt Tiranës pak para nisjes, teksa shton se pasagjerët, përfshirë gra, fëmijë të vegjël dhe të moshuar, janë lënë pa asnjë zgjidhje konkrete, me arsyetimin […]

The post Air Albania braktis pasagjerët 10 minuta para nisjes nga Malpensa në Tiranë appeared first on BoldNews.al.

Çdo vit kur temperaturat nxehen dhe lajmërohet çelja e sezonit turistik, shqiptarët e dy anëve të kufirit takohen masivisht në bregdet dhe një valë paragjykimesh pushton rrjetet sociale. Ndryshe ndodhi këtë vit, kur mospajtimeve të fillimverës ia lanë vendin emocionet e ndeshjes me Serbinë. Shkak u bënë masat e rrepta të policisë, që nuk pranoi asnjë kompromis dhe largoi çdo simbol me natyrë politike, ushtarake e nacionaliste në shkallët e stadiumit.

Filmimet e celularëve dëshmuan për ndërhyrjen e dhunshme të policëve ndaj disa djemve të rinj që mbanin veshje me simbolet e UÇK-së.

Qindra mijëra shikime në rrjetet sociale u shoqëruan me komente plot mllef, që e shndërruan temën e simboleve të UÇK-së në një debat paralel me atë të performancës së kombëtares në fushë.

Kuptohet se shënjestër e sharjeve dhe ofendimeve ishte policia dhe kryeministri Edi Rama, edhe pse ky si rrallëherë nuk ishte në stadium.

Në veçanti domethënës ishte reagimi i Organizatës së Veteranëve të Luftës së Ushtrisë Çlirimtare të Kosovës (OVL UÇK), që prekjen e flamurit kuqezi e krahason me prekjen e gjakut të dëshmorëve.

“Kur preket flamuri i UÇK-së, preket gjaku i Dëshmorëve tanë, amaneti i tyre, liria për të cilën ata ranë. Ai flamur është varri i atyre që s’u kthyen kurrë, është kujtimi i atyre që jetojnë përherë në ndërgjegjen tonë. Të na thuhet se nuk ka vend për të në tokë shqiptare, është një therje në shpirt për çdo familje Dëshmori, për çdo luftëtar, për çdo zemër që rreh shqip”, thuhet në reagim.

Organizata e Veteranëve kërkoi sqarime për arsyet dhe motivet e ndalimit të flamurit të UÇK-së në një vend ku, sipas tyre, “nuk duhet të ketë kufij për gjakun që është derdhur për liri”.
“Rama&Duka jane te perkohshem. Kosova zemra e Shqipërisë është e përjetshme” ishte një ndër komentet që shoqërojnë mesazhin e veteranëve.

“Rregullat jan veç për Shqipërinë apo për të gjithë? Se Serbia në çdo ndeshje që luan ka një shënim “Kosova është Serbi” ose “Shqiptari i mirë ëshë shqiptar i vdekur” Apo këto nuk llogariten?” shkruan një tjetër komentues.

Kësaj radhe, kryeministri i Kosovës Albin Kurti preferoi të tregohej më i ftohtë se shumë bashkëqytetarë të tij dhe në reagimin për ndeshjen, foli vetëm për ç’ka ndodhi në fushën e blertë, por jo në shkallët e stadiumit.

“Me pak më shumë fat në fund të pjesës së parë, mund të kishim marrë të tri pikët nga ndeshja. Andaj, barazimi na la të pakënaqur me rezultatin, por jo me kombëtaren, e cila luajti më mirë se kundërshtari i saj” u shpreh Kurti, duke shmangur incidentet për të mos hapur debate për sjelljen e policisë shqiptare.

Nuk ishte kaq indiferent kreu i Partisë Demokratike, Sali Berisha që shpërndau një video të një tifozi shqiptar që tërhiqej nga policia, sepse mbante veshur simbolet e UÇK-së.

“As në Beograd nuk ndodh! E nxjerrin tifozin nga stadiumi se kishte një bluze me stampë të UÇK! Dënoj me neveri një akt të tillë të shëmtuar antidemokratik prej vasali të Edi Ramës dhe narko-regjimit të tij!” ka shkruar Berisha.

Që ndeshja me Serbinë do të ishte nën monitorim të rreptë nga policia shqiptare, kjo ishte bërë e qartë nga masat e forta të publikuara më parë. Jo më kot, për herë të parë në 21 vjet ishin përjashtuar nga furnizimi me bileta edhe Tifozët Kuqezi.

“Absurdi i kësaj ndeshjeje qëndron te hipokrizia e vazhdueshme e FSHF-së, e cila predikon gjithpërfshirje, por në realitet përjashton tifozët e vërtetë, ata që e kanë ndjekur Kombëtaren për më shumë se 21 vite. Futbolli është kthyer nga një aktivitet popullor në një event ekskluziv për të pasurit, ku çmimet e biletave variojnë nga 150 deri në 1000 euro” shkruan tifozët kuqezi. Duke akuzuar FSHF për “politika përjashtuese” “nëse nuk je i pasur, nuk ke vend në stadium”

Një eksperiencë e ngjashme, tepër e hidhur për tifozët kuqezi ka qenë përballja me Serbinë në stadiumin e Elbasanit në vitin 2015. Edhe atëherë, ata e panë veten nën kontrolle të rrepta dhe presione nga policia për të dorëzuar çdo send që mund të përdorej për të sulmuar lojtarët në fushë dhe çdo veshje me simbole nacionaliste. Shkallët e stadiumit në ndeshjen me Serbinë ku humbëm 0-2 ngjanin me sallën e një teatri.

Por këtë vit, qeveria shqiptare ka pasur edhe një arsye më tepër për të qenë e ashpër me tifozët e kombëtares. Dy federatat, ajo e Shqipërisë dhe ajo e Serbisë janë bërë bashkë për të organizuar kampionatin europian të futbollit U21 në vitin 2027.
Ky organizim pritet të sjellë një vëmëndje të shtuar të qytetarëve europianë drejt Shqipërisë. Ai nuk është vetëm një aktivitet sportiv, por edhe një shans politik, një mundësi për t’i treguar Europës se qytetaria shqiptare nuk ka shumë diferenca me ata europianë.

Prandaj në Air Albania s’kishte vend as për atmosferën dhe as për inatet e luftrave ballkanike. Sepse më së pari ishte e rëndësishme të dukemi sikur jemi “europianë”. Edhe pse mbi kokë qëndron shkopi i gomës së një polici./Lapsi.al

The post Debati/ Pse i zhveshi policia simbolet e UÇK-së në Air Albania appeared first on Lapsi.al.

Të shtunën në mbrëmje Shqipëria do të presë Serbinë në një sfidë për kualifikueset e Botërorit të ardhshëm në stadiumin “Air Albania”. Mediat serbe po i kushtojnë rëndësi çdo detaji në prag të kësaj sfide. Një prej tyre është edhe forma e stadiumit me kullë. “Kurir.rs” shkruan se Serbia do të nisë kualifikimet për Kupën e Botës në një stadium modern, por shumë të çuditshëm në Tiranë.

“Stadiumi “Air Albania” është padyshim stadiumi më modern i futbollit në Shqipëri dhe një nga ndërtesat sportive më moderne në Ballkan. Ndodhet në qendër të Tiranës, ndërtimi i tij filloi në shtator 2016 dhe u hap zyrtarisht më 17 nëntor 2019 me ndeshjen Shqipëri – Francë (0:2) në kualifikueset e Kupës së Botës. Megjithatë, ndeshja e parë që u luajt në këtë fushë ishte një ndeshje miqësore midis klubeve të futbollit të femrave Vllaznia dhe Apollonia” – nis shkrimi i “Kurir”.

Më pas thuhet se “pamja nga jashtë nuk të jep përshtypjen se është një stadium, sepse ka restorante dhe kafene të shumta, një hotel, dyqane me rroba dhe këpucë të markave të njohura, si dhe një kazino që punon pa ndërprerje. Reflektorët nuk janë të dukshëm dhe duket më shumë si një qendër tregtare, gjë që nuk do të ishte një pohim i gabuar.

Muzeu i Futbollit Shqiptar ndodhet në katin e pestë, dhe i gjithë kompleksi ka salla konferencash, një qendër spa dhe një garazh nëntokësor. Mund ta krahasojmë këtë me stadiumin në çatinë e qendrës tregtare në Beograd, ku luan Voždovac, me një koncept dhe plan të ndryshëm. Kulla unike brenda stadiumit është 112 metra e lartë dhe është ndërtesa më e lartë në Shqipëri.

Ndërtimi i stadiumit nuk kushtoi 10 milionë, por ishte e nevojshme që Federata e Futbollit e Shqipërisë të mbështeste kompaninë private “Albstar”, e cila shtoi edhe 65 milionë euro të tjera. Në këmbim, kompania mori të drejtën për të menaxhuar hapësirën në kompleks, domethënë hapësirën ku ndodhet e gjithë përmbajtja.

Vetëm një ekip serb ka luajtur në këtë stadium. “Cervena Zvezda” e kujton me nostalgji “Air Albania”, pasi më 25 gusht 2020, në raundin e dytë të Ligës së Kampionëve, ata mundën Tiranën 1:0. Goli i vetëm i ndeshjes u shënua nga Tomane në minutën e 60-të, dhe meqenëse ndeshja u luajt sipas “rregullave të koronavirusit” të atëhershme, nuk kishte tifozë dhe as ndeshje rikthimi, por një ndeshje vendosi se kush do të shkonte në raundin tjetër.

Në stadiumin ku Serbia do të luajë të shtunën, u luajt një ndeshje për trofeun në garat evropiane. Roma e mposhti Feyenoordin 1:0 në finalen e Ligës së Konferencës në vitin 2022. Ajo ndeshje konsiderohet më e rëndësishmja që është luajtur në stadiumin “Air Albania”, por edhe një nga ngjarjet më të mëdha sportive të mbajtura ndonjëherë në Shqipëri” – shkruan “Kurir”.

Stadiumi Air Albania
Kapaciteti: 22,000 vende
Ndërtimi: nga viti 2016 deri në vitin 2019
Çmimi: 75 milionë euro
Hapja zyrtare: Shqipëri – Francë (0:2)
Përmban: Hotel, dyqane veshjesh të markave të njohura, Restorante luksoze, Kazino, Qendër spa.

/Përgatiti në shqip LAPSI.al

The post Gazetarët serbë habiten me “Air Albania”/ Nuk do ta besonit se aty luhej futboll appeared first on Lapsi.al.

Policia e Shtetit ka bërë me dije se rruga nga hoteli ku është akomoduar ekipi i Serbisë deri te stadiumi “Arena Kombëtare” do të ketë bllokime të pjesshme sot në orën 16:30 dhe nesër në orën 18:45, për shkak të eskortës së ekipit serb gjatë stërvitjes dhe ndeshjes.

Kufizimet do të zgjasin deri në 25 minuta gjatë secilit kalim. Autoritetet kërkojnë mirëkuptimin e qytetarëve dhe respektimin e udhëzimeve të policisë për të siguruar mbarëvajtjen e aktivitetit, duke paralajmëruar tolerancë zero ndaj çdo shkeljeje të rendit dhe sigurisë publike.

NJOFTIMI I POLICISË SË SHTETIT

Në vijim të njoftimit të dhënë për planin e masave të hartuar nga Drejtoria e Përgjithshme e Policisë së Shtetit, me qëllim garantimin e rendit dhe sigurisë gjatë zhvillimit të ndeshjes së futbollit “Shqipëri–Serbi”, ju informojmë se:

Rruga nga hoteli ku është akomoduar ekipi i futbollit të Serbisë që ndodhet në bulevardin “Gjergj Fishta”, deri në drejtim të stadiumit “Arena Kombëtare”, përmes bulevardit “Bajram Curri”, pasditen e sotme në orën 16:30 dhe ditën e nesërme në orën 18:45, do ketë kufizime të pjesëshme deri ne 25 minuta në momentin që do eskortohet ekipi për në stadium për stërvitje mbasditen e sotme dhe nesër për të zhvilluar ndeshjen.

Policia e Shtetit është angazhuar maksimalisht që i gjithë aktiviteti të përfundojë me sukses porsa i përket masave të sigurisë, dhe në këtë kuadër me qëllim shmangien e incidenteve, apelojmë për mirëkuptim nga ana e qytetarëve, si dhe respektim të udhëzimeve të strukturave të policisë në terren.

Çdo sjellje apo veprim që cenon rendin dhe sigurinë publike do të trajtohet në përputhje me ligjin dhe me tolerancë zero.

The post Ndeshja Shqipëri-Serbi/ Bllokohet zona përreth Air Albania appeared first on Lapsi.al.

Federata Shqiptare e Futbollit ka arritur marrëveshjen e re për të drejtat e emërtimit të Stadiumit Kombëtar në Tiranë.

Për pesë vitet e ardhshme, stadiumi do të vijojë të mbajë emrin “Air Albania Stadium”, në kuadër të një partneriteti të ri me kompaninë ajrore kombëtare.

Marrëveshja u firmos sot në Shtëpinë e Futbollit nga Presidenti i FSHF-së, Armand Duka dhe Administratori i kompanisë “Air Albania”, Sinan Isik.

Për Presidentin Duka kjo marrëveshje e re dëshmon vazhdimësinë e bashkëpunimit të ngushtë mes Qendrës Sportive Kuq e Zi dhe Air Albania, një markë kombëtare me të cilën ndajmë të njëjtin vizion për promovimin e vlerave shqiptare.

“Jemi sot këtu për të ritheksuar një bashkëpunim që i ka dhënë vlerë jo vetëm sportit, por edhe një modeli të ri për mënyrën sesi futbolli shqiptar ndërvepron me botën e biznesit. Emri ‘Air Albania Stadium’ nuk është vetëm një emër komercial i vendosur mbi një impiant sportiv. Ai është dëshmi e një filozofie moderne, ku sporti, ekonomia dhe identiteti kombëtar ecin krah për krah.
Ky stadium ishte i pari në Shqipëri dhe ndër të parët në rajon që u pagëzua me një emër tregtar. Ishte një vendim novator, një hap i guximshëm, që tregoi se edhe në Shqipëri ka hapësirë për modele të qëndrueshme marketingu sportiv. Sot, me rinovimin e kësaj marrëveshjeje për pesë vitet e ardhshme, po tregojmë se ky treg jo vetëm që ekziston, por po zhvillohet.

‘Air Albania’ ka qenë dhe vijon të jetë një partner strategjik një kompani që e ka kuptuar rëndësinë e të qenë pjesë e emocioneve të përbashkëta, pjesë e imazhit ndërkombëtar të vendit tonë, pjesë e përfaqësimit të flamurit kuqezi brenda dhe jashtë fushës. Në emër të FSHF-së dhe QSKZK-së, dua ta falënderoj z. Sinan Isik dhe të gjithë bashkëpunëtorët e tij për këtë marrëveshje të re, për këtë akt besimi, për këtë angazhim afatgjatë”,- u shpreh Presidenti i FSHF-së.

Për administratorin e “Air Albania”, Sinan Isik ruajtja e këtij partneriteti garanton stabilitet dhe prestigj për impiantin më të rëndësishëm sportiv në Shqipëri, që mirëpret ndeshjet e Kombëtares, finalet e kompeticioneve kombëtare dhe sfida ndërkombëtare.

“Një moment i veçantë për ne si kompani, por edhe si qytetarë që ndjejnë përgjegjësi dhe krenari për të mbështetur futbollin shqiptar dhe vlerat që ai përfaqëson. Përmes kësaj marrëveshjeje me Qendrën Kombëtare Kuq e Zi dhe Federatën Shqiptare të Futbollit, Air Albania konfirmon përkushtimin e saj për të qenë më shumë se një kompani transporti ajror për të qenë një partner aktiv në jetën shoqërore, kulturore dhe sportive të vendit. Vendimi për të vijuar mbështetjen ndaj futbollit shqiptar dhe për ta lidhur sërish emrin e kompanisë sonë me stadiumin më të rëndësishëm të vendit është një tregues i qartë i besimit që kemi në të ardhmen e sportit shqiptar dhe në zhvillimin e shoqërisë sonë. Air Albania po ecën me hapa të sigurt drejt zgjerimit, duke rritur flotën, destinacionet dhe cilësinë e shërbimit, dhe me këtë bashkëpunim ne tregojmë se themeli ynë është i qëndrueshëm dhe synimi ynë është zhvillimi afatgjatë”, tha Sinan Isik.

The post Risi në prag të duelit me Serbinë, FSHF zyrtarizon emrin e ri të stadiumit “Arena Kombëtare” appeared first on Albeu.com.

TIRANË, 19 maj/ATSH/ Nis sot turneu i finaleve të “Euro U-17” dhe për herë të parë Shqipëria do të jetë mikpritëse e një kompeticioni të tillë. Turneu çel sot siparin, për ta mbyllur më 1 qershor.

Ky turne do të jetë i pari me formatin e ri, ku Shqipëria do të bashkohet në fazën finale me shtatë skuadra të tjera që do të kualifikohen nga raundi i dytë i eliminatoreve. Shorti u hodh të hënën, më 31 mars, në Shtëpinë e Futbollit në Tiranë.

Shqipëria, si vend mikpritës, u shortua në Grupin A përkrah Francës, Gjermanisë dhe Portugalisë, ndërsa kampionët në fuqi, Italia, do të përballen me Belgjikën, Anglinë dhe Çekinë në Grupin B.

Grupet e turneut:

Grupi A: Shqipëri (pritëse), Francë, Gjermani, Portugali

Grupi B: Itali (kampionë në fuqi), Belgjikë, Angli, Çeki

Stadiumet ku do të luhen ndeshjet:

“Arena Kombëtare”, Tiranë;

“Elbasan Arena”, Elbasan;

“Arena Egnatia”, Rrogozhinë;

“Niko Dovana”, Durrës.

/a.f/r.e/

The post Organizohet për herë të parë në Shqipëri, nis sot Euro U-17 appeared first on Agjencia Telegrafike Shqiptare.

TIRANË, 13 maj/ATSH/ Pasagjerët që planifikojnë të udhëtojnë nga Aeroporti ndërkombëtar Nënë Tereza” më 15 dhe 16 maj do të duhet të mbërrijnë në aeroportit të paktën 4 orë para orarit të fluturimit të tyre.

Kjo për shkak se Tirana do të mirëpresë Samitin Europian. Kompania “Air Albania” bën të ditur se në këto dy ditë pritet trafik i rënduar, ndërsa janë planifikuar edhe kufizime për disa segmente rrugore në kryeqytet.

“Planifikoni të mbërrini në TIA të paktën 4 orë para fluturimit tuaj. Qëndroni të informuar përmes e-mail dhe kanaleve tona zyrtare”, informoi Air Albania.

Më herët kompania TIA që menaxhon Aeroportin e Rinasit informoi se mund të ketë edhe ndryshime orari për këto ditë, duke u kërkuar pasagjerëve të kontrollojnë rregullisht email-et apo mesazhet për çdo informacion të ri.

/a

/a.f/

The post Samiti Europian në Tiranë, Air Albania: Pasagjerët të jenë në aeroport 4 orë para fluturimit appeared first on Agjencia Telegrafike Shqiptare.

Rama: Ky aeroport nisi me një objektiv të caktuar dhe masë të caktuar pasagjerësh të parashikuar dhe më pas procesi I detajimit të projektit, dhe gjithë procesi mëparshëm I përzgjedhjes së kompanisë morë disa kohë dhe në atë kohë u rrit ambicia. Sot aeroporti ka përmasën e kësaj ambicieje të rritur në këto vite. U fol për punësimin e 1 mijë njerëzve brenda aeroportit por gjithë ky territor do të jetë nën presionin e kërkesës për punonjës, kra të kualifikuar pune, ndërkohë këtu do të bëhet mirëmbajtje avionësh, për herë të parë do të ketë edhe avionë kargo. Kemi patur shprehje interesi për Tiranën dhe Vlorën nga kompani të mëdha të transporteve postare. Rrotull do ketë zhvillime të reja, edhe të logjistikës jo vetëm turizmit. Ambicia është që ky zhvillim mos jetë thjesht një zhvillim më tepër në hartën e industrisë së turizmit por të udhëheqë si model, të ketë një forcë që të vendoset në majë në nivelit të të gjithë Mesdheut. Zhvillimin ne Sazan dhe territorin përballë të krijojë një magnet dhe një fuqi të jashtëzakonshme për Vlorën dhe gjithë Shqipërinë dhe të na japë një mjet të ri për të tërhequr turistët që sjellin të ardhura por që kur vijnë vijnë me sytë e hapur për të parë cfarë të bëjnë tjetër në këtë vend. E ardhmja është shumë premtuese për Vlorën.

Air Albania pati një fazë të vështirë tranzicioni, tanimë ka hyrë në një rrugë të re. së shpejti do të vijnë edhe dy avionë të tjerë, dhe numri do të shkojë në 5. Do të kemi 7 avionë dhe po ashtu Air Albania po punon për krijimin e një flote të dedikuar të avionëve të biznesit, një vlerë e shtuar. Tirana po bëhet gati për të pritur avionët përtej oqeanit. Është edhe një shtysë për rritjen ekonomike të Shqipërisë. Është vetëm fillimi i një rritje edhe më të fuqishme, parashikimi ynë është minimum i asaj që do të arrijmë./abcnews.al

Dikur në opozitë, Edi Rama deklaronte me gojën plot se ata që u thonë se do ngremë aeroporte të reja në një vend aq të vogël sa Shqipëria iu gënjejnë, ndërsa tani po e përdor të njëjtën fabul për fushatë elektorale. Njësoj siç u veprua katër vite më parë me aeroportin e Kukësit sot po bëhet me atë të Vlorës.

“Aeroporti ndërkombëtar i Vlorës do të hapet në ditët e para të maji” ka deklaruar së fundi zv kryeministrja Belinda Balluku, duke theksuar se gjithçka po bëhet gati për fluturimin inagurues që do të kryhet prej kompanisë shqiptare “Air Albania”.

Videot stok të fushatës/ Rama tregon në 3D sa i bukur do jetë aeroporti i Vlorës

“Sot, jemi vetëm pak ditë larg nga ulja e avionit të parë në aeroportin e Vlorës. Në ditët e para të majit, Airalbania do bëjë fluturimin inaugurues duke prekur pistën më të madhe në Ballkan, 3.2 kilometra dhe 22 mijë metra katrorë terminal” tha ajo.

Por sipas të gjithë specialistëve aeroporti i Vlorës ende nuk është gati. Fluturimi që do të bëhet nga kompania ajrore që e përdor edhe Edi Rama për çareterin e tij privat, duket se do të ketë qëllime elektorale. E njëjta fabul, si tani me Vlorën, u përsërit edhe në prag të zgjedhjeve të vitit 2021 me aeroportin e Kuksit.

Zbulohet kontrata/ Si gënjeu Rama për 137 fluturimet me çarter

Atëhere një avion i kompanisë Wiz Air, u nis nga Londra në Tiranë dhe pasi ndaloi aty sepse kaq i lejohej për një fluturim ndërkombëtar bëri edhe një rrugëtim tjetër Tiranë- Kukës. Rama e përdori këtë zbritje të sforcuar, në 18 prill 2021, për të thënë se ata emigrantë tifozë të PD-së që e kishin akuzuar si gënjeshtar po e shihnin këtë ëndër të bëhej realitet.

⇑Edi Rama në prill 2021 në linjën Tirane Kukës me një pasagjer qe e paraqiti si opozitar qe nuk i kishte besuar kësaj endërre. Poshte pergatitjet e kesaj ceremonie elektorale⇓.

Natyrisht udhëtimi qe një fallcitet propogandistik që u organizua vetëm si shou për zgjedhjet. Atëherë kryeministri e justifikoi këtë fakt me rregullin se aeroportet e reja fillimisht provojnë me linja lokale për të kaluar më pas tek ato ndërkombëtare.

Rama sqaron fluturimin nga Rinasi në Kukës, pse avionët nuk ulen dot te aeroporti i ri

Por fama e atij që kryeministri e konsideronte me mburje si Porta e dytë ajrore e Shqipërisë zgjati pak. Pasi ibëri edhe një inagurim tjetër dhe Zbriti në shkurt 2022 bashkë me ministret në Kukës ku u tha se do kishte nga dy fluturime në javë me destinacion Gjermaninë Austrinë dhe Zvicrën, ky aeroport sot nuk funksionon më. Prej tij nuk ngrihet apo ulet asnjë kompani ndërkombëtare. Ai më tepër shërbeu si shou për fushatën e katër viteve më parë për të gënjyer emigrantët nga veriu, sidomos çunat e Londrës, se do të vinin më lehtë pranë shtëpive të tyre.

E njëjta fabul po përdoret edhe tani në prag të 11 majit, kur Belinda Balluku, në rakordim me Air Albania po oganizojnë një udhëtim të vetëm sa për efekt të fushatës. Sipas parashikimeve më realiste fluturimet reale nga ky aeroport nuk mund të fillojn përpara nëntorit të këtij viti dhe ajo që do të organizohet para zgjedhjeve është thjeshtë një spektakël.

Euronatur: Bashkia e Mynihut të tërheqë mbështetjen për Aeroportin e Vlorës

Ky njoftim vjen pas përhapjes së lajmit se kompania Munich Airport International (MAI), një degë e Flughafen München GmbH, ka vendosur të tërhiqet nga angazhimi i saj në projektin e ndërtimit të aeroportit ndërkombëtar në Vlorë. U pretendua se gjermanët e ndërprenë bashkëpunimin  kritikave të shumta nga organizatat mjedisore dhe institucione ndërkombëtare, të cilat kanë shprehur shqetësime për ndikimin e mundshëm negativ të aeroportit në zonën e mbrojtur të Vjosës dhe lagunës së Nartës, një habitat i rëndësishëm për shpendët e rrallë.

VOA: Vijojnë punimet në Aeroportin e Vlorës mes kundërshtimeve nga mbrojtës të mjedisit

Dhe që asgjë të mos njollosë punët madhështore të qeverisë është rekrutuar kompania me flamur shqiptar që të kryejë një fluturim simbolik para zgjedhjeve.

©Lapsi.al

The post Shou me aeroportin e Vlorës, si ai i zbarkimit të Ramës para katër vitesh në Kukës appeared first on Lapsi.al.

Qeverisja e Bashkisë së Tiranës do të ishte më pak e përfolura në media. Në vend të kullave dhe betonit që po pushtonte kryeqytetin, në ekranet e televizioneve kryebashkiaku do të identifikohej me mbjelljen e pemëve. Pasqyrimin e një realiteti tjetër dhe mungesën e llogaridhënies pa dalë asnjëherë në konferencë për shtyp, Erion Veliaj do […]

The post Klientët e Gogel të njëjtë me ata të Bashkisë/ Si u fuqizua në treg kompania e vëllait të Veliajt appeared first on BoldNews.al.

TIRANË, 31 mars /ATSH/ Kryeministri Edi Rama ndau sot pamje nga panairi “Automotive Fair Albania”, i cili u mbajt në Tiranë.

“Magjike 4 ditët e Automotive Fair Albania, AFA III”, shkruan Rama në rrjetet sociale.

Automotive Fair Albania, eventi më i madh për të apasionuarit pas makinave hapi siparin më 27 mars në sheshin “Nënë Tereza” dhe sheshin “Italia” në Tiranë.

Automotive Fair Albania” është një event sportiv që vjen me aktivitete risi për promovimin e mëtejshëm të transportit të gjelbër, lëvizshmërinë e sigurt dhe argëtimin.

Në kuadër të këtij aktiviteti u zhvilluan minigara, parada dhe shfaqje automotive, ekspozime mjetesh me interes të lartë historik RETRO dhe nuk do të mungojnë aktivitetet edukative për të gjitha grupmoshat. /j.p/

The post Rama: Magjike 4 ditët e Automotive Fair Albania appeared first on Agjencia Telegrafike Shqiptare.

TIRANË, 27 mars /ATSH/ Automotive Fair Albania, eventi më i madh për të apasionuarit pas makinave, nis sot në kryeqytet dhe do të zgjasë deri në datën 30 mars.

Aktiviteti organizohet te Sheshi “Nënë Tereza” dhe Sheshi “Italia” në Tiranë.

Ky event sportiv vjen me aktivitete risi për promovimin e mëtejshëm të automotivit dhe transportin e gjelbër, lëvizshmërinë e sigurt dhe argëtimin.

Do të zhvillohen minigara, parada dhe shfaqje automotive, ekspozime mjetesh me interes të lartë historik RETRO dhe nuk do mungojnë aktivitetet edukative për të gjitha grupmoshat.

Programi i plotë:

/a.f/

The post Nis sot Automative Fair Albania, event unik për adhuruesit e makinave appeared first on Agjencia Telegrafike Shqiptare.

TIRANË, 21 mars/ATSH/- Automotive Fair Albania, eventi më i madh për të apasionuarit pas makinave, rikthehet në datat 27-30 mars në kryeqytet.

Kryeministri Edi Rama fton të gjithë që të bëhen pjesë e adrenalinës së Automotive Fair Albania, më 27-30 Mars te Sheshi “Nënë Tereza” dhe Sheshi “Italia” në Tiranë.

Ky event sportiv vjen me aktivitete risi për promovimin e mëtejshëm të automotivit dhe transportin e gjelbër, lëvizshmërinë e sigurt dhe argëtimin.

Do të zhvillohen minigara, parada dhe shfaqje automotive, ekspozime mjetesh me interes të lartë historik RETRO dhe nuk do mungojnë aktivitetet edukative për të gjitha grupmoshat.

The post Rama fton të gjithë të bëhen pjesë e adrenalinës së Automotive Fair Albania appeared first on Agjencia Telegrafike Shqiptare.

TIRANË, 9 mars/ATSH/ Automotive Fair Albania rikthehet në datat 27-30 mars me një sërë aktivitetesh e risish, si një mundësi për promovim të mëtejshëm për automotivin dhe transportin e gjelbër, lëvizshmërinë e sigurt dhe argëtimin.

Ky panair do të ofrojë minigara, parada dhe shfaqje automotive, ekspozime mjetesh me interes të lartë historik RETRO dhe ku nuk mungojnë aktivitetet edukative për të gjitha grupmoshat.

Ministri i Ekonomisë, Kulturës dhe Inovacionit, Blendi Gonxhja ndau në rrjetet sociale videon promovuese të këtij panairi.

“Eventi më i madh për të apasionuarit pas makinave. E kaluara, e tashmja dhe e ardhmja e industrisë automobilistike të gjitha në një vend. 27-30 Mars – 4 ditë plot adrenalinë, shpejtësi dhe emocione. Përgatituni për surpriza, gara dhe inovacion si kurrë më parë”, shkruan Gonxhja.

Qëllimi i këtij panairi lidhet me promovimin e industrisë automotive drejt krijimit të një ekosistemi nxitës e të qëndrueshëm, përmes qasjes bashkëpunuese nga qeverisja, qendrore e vendore, në sinergji me tërë faktorët e aktorët e tregut, brenda dhe jashtë vendit, në arritjen e një realiteti konkurrues për ekonominë automotive si edhe njohjen dhe afrimin e investitorëve potencialë.

/k.s//a.f/

The post Rikthehet “Automotive Fair Albania”, Gonxhja: Garë dhe inovacion si kurrë më parë appeared first on Agjencia Telegrafike Shqiptare.

Nga Klodian Tomorri Në fillim të muajit të kaluar, një kompani e quajtur I.B.N iu drejtua Gjykatës së Shkallës së Parë në Tiranë për nxjerrjen e një urdhri sekuestroje. Kompania për të cilën kërkohej sekuestroja ishte flamuri i qiellit shqiptar, Air Albania. Sipas vendimit të Gjykatës, krenaria kombëtare siç e pati quajtur kryeministri, i detyrohej […]

The post Air Albania/ Si u shndërrua krenaria kombëtare në një nga borxhlinjtë më të këqinj të vendit appeared first on BoldNews.al.