Ndërsa Komisioni Qendror i Zgjedhjeve (KQZ) po shtyn për përmbylljen e numërimit brenda afatit zyrtar – mesnata e 15 majit – rezultati i partive të reja tashmë është qartësuar për mandatet që do të mbajnë në katër vitet e ardhshme të qeverisjes.

Deri tani, në shkallë kombëtare, “Lëvizja Bashkë” ka siguruar një mandat me rreth 20 mijë vota (1.44%); Partia “Mundësia” ka fituar dy mandate me rreth 43 mijë vota (3%); ndërsa Koalicioni “Nisma-Shqipëria Bëhet” (3.9%) po lufton për një mandat të dytë në Fier me rreth 50 mijë vota të grumbulluara.

Partitë e tjera si “Koalicioni Euroatlantik” (1.33%), “Koalicioni Djathtas për Zhvillim” (0.39%), Aleanca Kombëtare Shqiptare (0.22%), Lëvizja Atdheu (0.15%) dhe Aleanca Demokracia e Re (0.07%) nuk kanë fituar asnjë mandat.

Partia Socialiste fitoi thellë me 83 mandate (52.33%) duke lënë prapa koalicionin e Partisë Demokratike “Aleanca për Shqipërinë Madhështore” me 50 mandate (33.74%).

Pas tyre, me numrin më të lartë të mandateve vjen Partia Socialdemokrate (3.19%), e cila konfirmoi tre mandate – dy në Shkodër dhe një në Tiranë – ngjashëm si në zgjedhjet e shkuara.

Lista e mbyllur, vetëm në letër

Risia e këtyre zgjedhjeve është zhvlerësimi i listave të mbyllura dhe kalimi i mandateve kandidatëve më të votuar, një praktikë e vendosur si parim mes koalicionit “Nisma-Shqipëria Bëhet”, “Koalicionit Euroatlantik” (edhe pse nuk siguruan mandate), por deri diku dhe PSD-së.

Sipas rezultateve dhe renditjes në listat e mbyllura, Ana Dajko (Tiranë, Nisma-Shqipëria Bëhet), Sabina Jorgo (Shkodër, PSD) dhe Albana Pëllumbi (Tiranë, PSD) kanë fituar mandatin e deputetit – këta të fundit krah Tom Doshit, i listuar i pari në Shkodër.

Mirëpo Dajko, Jorgo dhe Pëllumbi – dhe pjesa vijuese në listën e mbyllur të partive përkatëse – duket se do t’ia lënë mandatet më të votuarve në listat e hapura.

Drejtuesi i “Nismës Thurje”, Endri Shabani, konfirmoi për Citizens se përmes një marrëveshjeje të brendshme, kandidati me më shumë vota në koalicionin me “Shqipëria Bëhet” të Adriatik Lapajt, do të marrë mandatin, pavarësisht renditjes në listë.

Aktualisht më i votuari në listën e parapëlqyer është Lapaj (mbi 3,400 vota). Pas tij vjen Shabani (mbi 1,900 vota). Mirëpo nëse “Shqipëria Bëhet” do ta mbyllë procesin me vetëm një mandat të siguruar, deputet do të bëhet Shabani.

“Adriatiku, si angazhim personal, ka thënë publikisht dhe privatisht, në çdo takim me ne, si aleatë, që nëse [koalicioni] do të ketë vetëm një mandat, do të tërhiqet. Nëse ruhet ky trend, unë do të jem përfaqësuesi për Tiranën në Kuvend,” tha Shabani.

Citizens.al iu drejtua Lapajt për një koment lidhur me mandatin e Tiranës, por ai tha se nuk mund të komentonte pa u mbyllur procesi.

Me këtë parim, në Fier, nëse “Nisma-Shqipëria Bëhet” siguron mandatin e dytë, ai do t’i kalojë Azmer Duleviçit, i cili ka marrë mbi 1050 vota dhe jo Lefter Thomës, i pari në listë.

Edhe PSD duket se ka vendosur të ndjekë këtë logjikë. Burime të Citizens.al thanë se nga kjo parti në Tiranë, deputet do të bëhet më i votuari në listën e hapur dhe jo Albana Pëllumbi – e listuara në krye të listës së mbyllur. Aktualisht më i votuari nga PSD në Tiranë është Tedi Mula, i cili ka marrë mbi 2,100 vota.

Nëse ky parim ndiqet edhe në Shkodër – duke marrë të mirëqenë se nuk do të aplikohet për kryetarin Tom Doshi – ai që mund ta marrë mandatin pritet të jetë Besnik Brahimi, i cili ka marrë mbi 3,400 vota.

Ky parim, edhe pse duket se vlerëson demokracinë, shkel kuotën gjinore, pasi u heq të drejtën për t’u përfaqësuar në parlament tre grave.

Presioni ndaj partive të reja

Sipas Redi Muçit, i cili pritet të marrë mandatin e vetëm parlamentar nga Lëvizja Bashkë, zgjedhjet e 11 majit u karakterizuan nga “influenca masive” dhe presioni i të ashtuquajturve “patronazhistë të votës” – një strukturë brenda PS-së e denoncuar që gjatë zgjedhjeve të vitit 2021.

Ai pohon se kandidatë të Lëvizjes Bashkë janë përballur me presion për t’u tërhequr nga listat zgjedhore.

“Por sidoqoftë […] jemi të kënaqur që kemi hyrë në parlament dhe nga ky moment, nga ky hap i parë, thjesht do ndërtojmë mbi këtë,” theksoi Muçi.

Për kandidaten e Koalicionit Euroatlantik në qarkun e Elbasanit, Mirela Karabina, gara ishte e pabarabartë. Ajo tha se votuesit ishin frikësuar, ndërsa maxhoranca përdori administratën dhe mësuesit për qëllime elektorale.

“[Qytetarët] janë të frikësuar, përderisa nuk dilnin dot një foto [me mua], edhe pse u thosha që nuk është e thënë se do të votonin për ne,” shpjegon Karabina.

“Elbasani po vdes ngadalë, ndotja kancerogjene dhe sëmundjet janë në rritje. Nuk e di kur do të zgjohet vota popullore,” tha Karabina sipas së cilës partia në pushtet, PS-ja, kishte prapa edhe sipërmarrës të fuqishëm me fonde për fushatën.

Sfida e opozitës në parlamentin e ri

Erald Kapri, i cili pritet të marrë mandatin e deputetit për partinë “Mundësia” shprehet i kënaqur me rezultatin, ndonëse priste më shumë.

Partia e themeluar nga Agron Shehaj, ish-deputet i PD-së njëherësh edhe ish-kandidat për kreun e saj, grumbulloi mbi 20 mijë vota në Tiranë, duke marrë mundësinë e dy mandateve në parlament, një numër i kënaqshëm në raport me rezultatin që morën dhe partitë e tjera të reja, por që sidoqoftë është i pamjaftueshëm për të krijuar një grup parlamentar.

Përballë një “supermaxhorance” me 83 mandate, opozita duket e brishtë për të gjetur instrumentat që do të mund ta pengonin PS-në për të ndërhyrë në ligjet apo reformat që kërkojnë shumicë të cilësuar.

Nisur nga kjo, Kapri theksoi se sfida e parë për opozitën e re do të jetë “mbrojtja e institucioneve të drejtësisë”.

“Ne dyshojmë që një nga shtysat e Ramës në legjislaturën e ardhshme do të jetë kufizimi i rolit të SPAK. Kjo do jetë një sfidë e madhe për opozitën, që të ruaj pavarësinë e institucioneve të drejtësisë” citoi ai.

“Mesazhi me mbi 200 mijë vota për partitë e reja është i qartë: qytetarët kërkojnë ndryshim,” përfundoi Kapri.

The post Zgjedhjet 2025: Kush do t’i marrë mandatet e partive të vogla? appeared first on Citizens.al.

Mandatet e kandidatëve në zgjedhjet parlamentare të 11 majit nuk janë certifikuar ende. Megjithatë, sipas rezultateve të deritanishme, në parlamentin e ardhshëm pritet të hyjnë deputetë nga tre parti të reja – Partia “Mundësia”, Lëvizja Bashkë dhe koalicioni Nisma – Shqipëria Bëhet. Së bashku, këto tre grupime politike morën mbi 112 mijë vota brenda vendit, […]

The post Media online ‘injoroi’ fushatën e partive të reja në zgjedhjet parlamentare appeared first on Reporter.al.

Drejtuesi politik i Koalicionit Euroatlantik, Lulzim Basha, u ndal sot në Njësinë 11 në Tiranë ku zhvilloi takime me qytetarë dhe biznese. Basha thotë se qytetarët janë të lodhur nga tranzicioni i pafund dhe korrupsioni, por tashmë po rikthejnë shpresën dhe besimin përmes alternativës së Koalicionit Euroatlantik.

Ai gjithashtu tha se qytetarët refuzojnë një mandat të katërt me Edi Ramën dhe “rrangallat e tranzicionit”.

Sipas tij, vota për numrin 4 është votë për ndëshkimin e të korruptuarve dhe për kthimin e parave në xhepat e qytetarëve. Basha u bëri thirrje qytetarëve që të dielën të votojnë masivisht për Koalicionin Euroatlantik.

“Edhe ditën e sotme me të gjithë qytetarët që jam takuar, agonia e 4 viteve prap me Edi Ramën, apo rrefuzimi i riciklimit të rrangallave të tranzicionit dhe korrupsionit, i kanë lënë vend shpresës dhe besimit, se vota për numrin 4 fhe Koalicionin Euroatlantik, është votë për familjet shqiptare, për fëmijët shqiptarë, për prindërit shqiptarë, është votë për veten e tyre. Vota për numrin 4, është votë kundër korrupsionit, është votë për fundin e pandëshkueshmërisë, është votë për paratë në xhepat e qytetarëve shqiptarë dhe jo në xhepat e të korruptuarve. Ndaj, u bëj thirrje të gjithë qytetarëve, të dielën masivisht në kutitë e votimit për numrin 4, Koalicionin Euroatlantik” – tha ai.

Basha më tej foli edhe për programin i cili jo vetëm do t’u vij në ndihmë familjeve shqiptare, të rinjve dhe pensionistëve, por u lehtëson bizneset dhe sipërmarrjet.

Për sipërmarrësit:
• Vendosja e taksës së sheshtë në masën 9%
• Heqja e TVSH për biznesin e vogël
• Lehtësira reale për hapjen dhe formalizimin e çdo iniciative të ndershme

Për familjet shqiptare:
• Subvencione për strehimin e çifteve të reja
• Dyfishim i ndihmës për nënat kryefamiljare
• Deri në 20 mijë euro bonus për fëmijën e tretë

Për të rinjtë:
• 100 milionë euro investime për programin NextGen në 4 vite
• Praktika të paguara, mbështetje për start-up-et dhe bursa për vajzat
• Shkolla me orar të zgjatur, drekë të garantuar dhe kushte që i japin vlerë arsimit publik

Në përfundim të takimeve, Basha theksoi se Shqipëria ndodhet përballë një zgjedhjeje të qartë:
Ose Shqipëria e 313-s dhe korrupsionit të pandëshkuar, ose Shqipëria e ndershme që zhvillohet dhe garanton një të ardhme më të mirë për çdo familje.

The post ‘Qytetarët e kanë kuptuar agoninë e Ramës dhe rrangallave të tranzicionit’, Basha: Votoni Koalicionin Euroatlantik appeared first on Sot News | Lajme.

Kandidati për deputet i Koalicionit Euroatlantik, Joni Myshketa, ka shpalosur një mesazh të fortë dhe reflektues në kuadër të fushatës zgjedhore. Duke vënë në pah zhgënjimin e qytetarëve nga sistemi politik aktual, ai u bëri thirrje të gjithëve të mbështesin alternativën e re, të ndërtuar mbi ndershmërinë, profesionalizmin dhe përkushtimin ndaj shërbimit publik. Myshketa kritikoi ashpër dy partitë e mëdha, të cilat sipas tij, ndajnë pushtetin si trashëgimi dhe jo si përgjegjësi, ndërkohë që qytetarët vuajnë mungesën e drejtësisë, pasigurinë ekonomike dhe shpopullimin.

Në deklaratën e tij, ai u ndal edhe tek sulmet dhe paragjykimet që hasin partitë e reja dhe kandidatët e rinj, duke e quajtur këtë një paradoks të shoqërisë shqiptare që kërkon ndryshim, por shpesh nuk e mbështet kur ai shfaqet realisht.

“Nuk kemi frikë nga politika — por nga indiferenca. Jemi këtu për të ndezur një fije shprese. Për ta kthyer këtë vend në një hapësirë ku qytetari ka fjalën e fundit — jo klani, jo partia,” tha Myshketa, duke e mbyllur thirrjen me një apel të qartë për votë në numrin 4, Koalicioni Euroatlantik.

POSTIMI I PLOTË NGA JONI MYSHKETA:

Prej dekadash në Shqipëri na është thënë se “s’ka zgjidhje”, se “nuk ka alternativë”. Se jemi të dënuar të zgjedhim mes dy partive të mëdha që ndajnë pushtetin si trashëgimi, jo si përgjegjësi. Nga njëra anë, Partia Socialiste, e cila ende ruan frymën e Partisë së Punës. Nga ana tjetër, një Parti Demokratike e lodhur, që në 30 vite nuk arriti t’i përmbushë premtimet e saj më themelore — duke filluar nga drejtësia për të përndjekurit politikë dhe pronarët që ikën nga kjo jetë pa parë drejtësi, pa parë tokat e shtëpitë e tyre të kthehen.

Sot na thonë se politika është plakur. Se nuk ka vend për të rinjtë. Por më 11 maj, përballë jush do të dalin katër parti të reja — me njerëz të ndershëm, profesionistë, punëtorë, mjekë, juristë, ekonomistë, qytetarë të lagjeve tona. Janë njerëz që nuk vijnë me premtime boshe apo me hijet e së shkuarës, por me energji të pastër, me përvojë reale dhe me një dëshirë të vërtetë për të shërbyer. Dhe si shpërblim? Një lumë sharjesh. Një helmosje e opinionit publik nga njerëz pa emër, por me tastierë. Që e sulmojnë çdo nismë të re si “të shitur”, si “vegël e dikujt tjetër”. A nuk ishit ju që kërkuat parti të reja? A nuk i kërkuat njerëzit e ndershëm të përfshihen? E tani që dalin përballë jush, ju i mbyllni derën. Madje i përgojoni. I baltosni.

A jeni ulur ndonjëherë të pyesni veten: çfarë duam vërtet? Ne duam t’i kthejmë politikën njerëzores. Te familja. Te ndershmëria. Te fjala e dhënë. Ne nuk kemi frikë nga politika — por nga indiferenca. Dhe po, ka një kontradiktë të thellë mes asaj që themi dhe asaj që bëjmë. Na pëlqen guximi në vende të tjera, por e përçmojmë tek ne. Jemi të dashuruar me pushtetin që na dhunon, që na vjedh, dhe arrijmë deri aty sa të justifikojmë: po mirë, vjedhin, por vjedhin më pak… Por ne jemi këtu për t’i thënë mjaft. Ne jemi këtu për të ndezur një fije shprese. Për ta kthyer këtë vend në një hapësirë ku qytetari ka fjalën e fundit — jo klani, jo partia.

The post “Larg hijes së së shkuarës”/ Joni Myshketa: Më 11 Maj, qytetarët kanë një alternativë reale, Koalicionin Euroatlantik appeared first on Sot News | Lajme.

Nga Marinela Ziu

Korça ka qenë qendra më e madhe tregtare dhe arsimore, pas Voskopojës, kryesisht pas viteve 1800. Arsimi i lartë në Shqipëri është sektori i shënjestruar nga qeveria për t’u shkatërruar, degraduar dhe shbërë. Qeveritë Rama 1, Rama 2, Rama 3, armike të dijes ia arritën qëllimit për ta shndërruar arsimin, fondamentin e kombit dhe shtetit, në një sektor grosist degësh dhe diplomash pa vlerë, të rankuara ndër të fundit në nivel botëror.

Kemi një shtet të vogël, me më pak se 1.9 milionë banorë dhe me universitet thuajse në çdo qytet, si asnjë vend tjetër në Europë dhe në botë, në raport 1 universitet shtetëror për 130 mijë banorë, së bashku me universitetet private 1 universitet për 85 mijë banorë. Koalicioni Euroatlantik ka një program për arsimin në Shqipëri, me fokus Korçën!

Idea jonë konsiston në Krijimin e Qendrës së Dytë Universitare në Shqipëri, në qytetin e Korçës. (Ndërsa në Elbasan planifikojmë të funksionojë për traditë Pedagogjiku dhe në Durrës Shkolla e Lartë e Marinës.) Shqipëria kështu, bëhet vend/shtet me dy qendra universitare dhe 2 satelitë universitarë të profilizuar. Korça duhet dhe e ka kapacitetin për të qenë Qendra e Dytë Universitare në Shqipëri. Në kapacite godinash dhe infrastrukture Universiteti i Korçës është i pari në Shqipëri, pas vlerësimit të fundit të Minsitrisë së Arsimit dhe komisionit të akreditimit.

Ka konvikte dhe terren shtojcë përreth, që jep mundësinë e krijimit të një zone rezidencash studentore (përveç se ka më shumë se 1.000 apartamente bosh në qytet). Ky projekt i jep frymë qendrës më të madhe të arsimit në Shqipëri, atje ku shqipja mori trajtë dhe formë, atje ku u shkrua dhe u çertifikua si gjuhë, mes të tjerash. Pse Korça duhet të jetë Qendra e dytë Universitare në Shqipëri?

Sepse Korça është vazhdim i Voskopojës.
Në vitet 1700-1800 Akademi në Ballkan, kishte vetëm Athina dhe Voskopoja.
Dhe Akademia e Voskopojës konsiderohet institucioni i parë i arsimit të lartë në kufijtë e shtetit shqiptar.

Ndaj dhe bazuar tek programi ynë, Universiteti i Korçës, dy degë të tij Filozofinë dhe Historinë do i shtrijë në Voskopojë dhe studentët do të qëndrojnë atje përgjatë ciklit Bachelor, me auditore dhe mjedise akomodimi. Gjithashtu, në kampusin e Voskopojës do të funksionojnë disa cikle të nivelit Master.

Korça e shpopulluar dhe e degraduar, me një prurje të re studentore prej 7 apo 8 mijë studentësh, ndryshon fizionominë e saj dhe merr jetë sërish.

8 mijë studentë janë 8 mijë rezidentë, individë që kontribuojnë në ekonominë e Qarkut.
8 mijë më shumë burime humane.

Prezenca dhe funksionimi i QDU Korçë, rrit tregtinë, prodhimin, rriten të ardhurat, sistemi i ciklit ekonomik fillon të qarkullojë dhe funksionojë. Nj nismë e tillë incentivuese do të risjellë jetën në Qarkun e Korçës dhe do e bëjë atë ashtu siç e ka ndërmend çdo shqiptar.

Dhe nëse disa nga diplomat do të fillojnë të jenë gradualisht të njehsuara me diploma universitetesh në BE (Greqi, Itali etj.), në Korçë do të vijnë edhe studentë nga Maqedonia, nga Kosova, por edhe vetë shqiptarë me banim në Greqi, do të dërgojnë fëmijët me studime në QDU Korçë.

Dhe dy fjalë prej meje personalisht:
Femrat e para shqiptare, që u diplomuan në universitet e botës janë korçare.
Pedagoget e para në nivelin universitar në Shqipëri, janë korçare.
E para anëtare e Akademisë së Shkencave është korçare.

Për këto dhe për 1001 arsye të tjera Korça mund dhe duhet të jetë, pas Tiranës metropol, Qendra e Dytë Universitare në Shqipëri.

Beso te Shqipëria
Voto4⃣ Koalicioni Euroatlantik
Voto Marinela Ziu

The post Kandidatja e Koalicionit Euroatlantik, Marinela Ziu: Korça ka qenë dhe duhet të jetë qyteti i tregtisë dhe i arsimit appeared first on Sot News | Lajme.

Drejtuesi politik i Koalicionit Euroatlantik, Lulzim Basha, ka publikuar një video-mesazh drejtuar demokratëve të zhgënjyer, ku shprehet se idealet e Partisë Demokratike po përdoren për interesa personale dhe për të shpëtuar nga drejtësia figura të inkriminuara si Ilir Meta.

“Partia Demokratike ishte shpresë për të gjithë ne. Por sot, ajo shpresë është zbehur. Me votën tuaj duan të nxjerrin Ilir Metën nga burgu. Kjo nuk është ajo për të cilën luftuam. Dhe nuk është ajo në të cilën beson shumica dërrmuese e demokratëve”, shprehet Basha.

Ai thekson se zgjedhja në 11 maj është e qartë, ose me Shqipërinë pa korrupsion ose me ata që përdorin votën tuaj për të shpëtuar Ilir Metën nga drejtësia. Basha u bën thirje të bashkohen me Koalicionin Euroatlantik, pasi këtu ndodhen demokratët e vërtetë që kanë qëndruar gjithmonë në krah të qytetarëve.

“Më 11 maj, zgjedhja është e qartë: ose me Shqipërinë pa korrupsion, ose me ata që përdorin votën tuaj për të shpëtuar Ilir Metën nga drejtësia,” thotë Basha.

 

The post Basha mesazh demokratëve: Vota juaj s’duhet të përdoret për të shpëtuar Ilir Metën nga burgu appeared first on Sot News | Lajme.

Drejtuesi politik i Koalicionit Euroatlantik, Lulzim Basha, i ftuar në emisionin “Review” në Euronews Albania me gazetaren Jonida Shehu, u bëri thirrje qytetarëve që të reflektojnë përpara se të votojnë më 11 maj, duke theksuar se çdo votë ka pasoja për katër vitet e ardhshme.

“Votimi nuk është një akt momental, por një vendim që ndikon në 1460 ditë të jetës sonë. Katër vite më parë u mor një vendim dhe pasojat e tij i kemi ndjerë të gjithë: varfëri, korrupsion dhe një qeveri që punon vetëm për shokët e vet”, deklaroi Basha.

Ai akuzoi qeverinë aktuale për mbrojtjen e personave të inkriminuar dhe paralajmëroi se vota për numrin 5 do të thotë “nxjerrje nga burgu e shokëve të Edi Ramës të dënuar për korrupsion”, ndërsa vota për numrin 1 do të thotë “nxjerrja e Ilir Metës nga burgu”. “Propozimi për të luftuar korrupsionin me Rroshin dhe Metën është një tallje e hidhur me demokratët”, shtoi ai.

Sipas Bashës, vota e vetme që garanton një luftë të vërtetë kundër korrupsionit, mbështetje për SPAK-un dhe kthimin e parave publike te qytetarët, është vota për numrin 4 – Koalicioni Euroatlantik.

Pjesë nga fjala e Bashës;

Në datën 11 maj, është mundësi, është vendim që e merrni një herë në katër vjet. Para katër vitesh, e keni marrë këtë vendim, dhe 1460 ditë, katër vjet, jetoni me pasojat e atij vendimi. Keni parë vendin të varfërohet, keni parë korrupsionin të rritet, keni luftuar për të mbijetuar për të mbyllur muajin ndërkohë që qeveria merrej vetëm me mbrojtjen e shokëve të vet dhe mbushjen e xhepave në kurrizin tuaj. E gjitha kjo, për një vendim të gabuar, qoftë ky për një votë të gabuar apo mosmarrjen e këtij vendimi, mos shkuarje në votime.
Më 11 maj, të gjithë neve kemi një votë. Një votë ka gjithësecili prej jush. Merrni vendimin e duhur për veten tuaj dhe familjet tuaja. Padiskutim vota për numrin pesë, është votë për të nxjerrë nga burgu shokët e Edi Ramës, tek 7×7=313, që janë atje për korrupsion se ju kanë vjedhur. E them, me dhimbje por voto për numrin një, kësaj rradhe shkon me nxjerr Ilir Metën nga Burgu. Propozimi që të luftosh krimin dhe korrupsionin me Elvis Rroshin dhe Ilir Metën, është tallje me demokratët. Shumë prej jush kanë reflektuar. E vetmja votë për luftë deri në fund korrupsionit, për mbështetje SPAK-ut, dhe paratë në xhepat tuaja jo në xhepat e të korruptuarve, është vota për numrin 4, Koalicionin Euroatlantik. Kjo është ftesa që ju bëj, për të djelën një javë, më 11 Maj, merrni pak kohë, dilni votoni numrin 4, Koalicionin Euroatlantik.

The post Basha: Vota më 11 maj është vendim për 1460 ditë – Zgjidh numrin 4, jo për t’i nxjerrë nga burgu të korruptuarit appeared first on Sot News | Lajme.

Drejtuesi politik i Koalicionit Euroatlantik, Lulzim Basha, në emisionin “Review”, tha se prioriteti i parë dhe kryesor i forcës politike që drejton është lufta kundër korrupsionit. Ai tha se ndryshe nga partitë e tjera që e kanë retorikë, Euroatlantikët e kanë me vepra. Sipas tij, ato janë amendamentet e propozuara në Parlament dhe që janë bllokuar prej dy vitesh si mbështetjen financiare dhe burime njerëzore për SPAK, projektligji për vettingun e politikanëve dhe amendamenti për heqjen e imunitetit të parlamentarëve.

“Mbështetja ndaj SPAK duhet të vazhdojë dhe duhet forcohet. Dhe kjo nuk mund të mjaftohet thjesht dhe vetëm me mbështetjen e partnerëve tanë Euroatlantik, por duhet të jetë dhe mbështetje nga vet qeveria dhe legjislativi shqiptar. Ky është qëndrimi ynë kryesor, mbështetje totale ndaj SPAK. Ka dhe parti të tjera që e kanë këtë retorikë, por Euroatlantikët e kanë me vepra. Prej më shumë se dy vitesh në parlamentin e Shqipërisë ndodhen iniciativat tona për mbështetjen financiare dhe burime njerëzore për SPAK, që jo të frenohet por të vazhdojë luftën kundër korrupsionit, të vazhdojë t’i ojë shokët e korruptuar të kryeministrit dhe shoqet para drejtësisë. Dhe projektligji tjetër i depozituar prej pothaujse dy vitesh po kështu në parlament është projektligji për vettingun e politikanëve, që parashikon kontrollin e imtësishëm të përvitshëm të pasurisë të 140 deputetëve, 61 kryetarëve të bashkive, qeverisë, presidentit, drejtorëve kryesor të shtetit, me të njëjtin parim që është bërë vetingu i gjyqtarëve dhe i prokurorëve. Dhe padiskutuim edhe amendamenti që po kështu ka mbetur i bllokuar prej dy vitesh, për heqjen për imunitetin e parlamentarëve. Ne flasim me vepra kur vjen puna te lufta kundër korrupsionit” – tha ai.

Basha u pyet për pikën e tij më të dobët si politikan, ku u përgjigj duke thënë se është kur njerëzit i thonë “je më europian seç duhet”. Por sipas tij, këtë e shikon si vlerësim pasi me këtë qytetarët kanë parasysh një kulturë të ndryshme politike nga ajo që ka dominuar vendin dhe sot njihet gjerësisht si Trekëndëshi i Bermudës, nga vendosja me do kusht e interesit, e karrierës, e interesit personal të liderve me kosto të madhe mbi shoqëri dhe nga trajtimi i politikës si një sport mundje.

“Pika e dobët?! Njerëzit më vënë në pah që je më europian se duhet. Unë nuk e shoh si një pikë të dobët, e shoh si një vlerësim. Kanë parasysh një kulturë të ndryshme politike nga ajo që ka dominuar vendin dhe sot njihet gjerësisht si Trekëndëshi i Bermudës, nga vendosja me do kusht e interesit, e karrierës, e interesit personal të liderve me kosto të madhe mbi shoqëri dhe nga trajtimi i politikës si një sport mundje që bëhet për të fituar njëri e për të humbur tjetri dhe jo si një shërbim ndaj qytetarëve. Ndërkoh që qytetarët i shohin fëmijët e tyre në vendet e Europës ku ka me të vërteë një kulturë europiane si ajo që unë e kam për nder dhe e shoh si vlerësim ta mishëroj në politikën shqiptare, ajo e ballafaqimit të ideve, e debatit thelbësor, e ikjes nga përpjekjet për t’u justifikuar nga përgjegjësitë e papërmbushura dhe e mbajtjes së përgjegjësive të të plota politike dhe përgjegjësive penale që vjen vetëm përmes një drejtësie të pavarur dhe një lufte të vërtetë ndaj korrupsionit” – tha Basha.

The post Basha: Prioriteti i parë dhe kryesor i Koalicionit Euroatlantik mbështetja e SPAK dhe lufta kundër korrupsionit appeared first on Sot News | Lajme.

Gjatë takimit në Laprakë, drejtuesi politik i Koalicionit Euroatlantik, Lulzim Basha, theksoi se taksat e shqiptarëve, që aktualisht përfundojnë në xhepat e shokëve të kryeministrit Rama, do t’i kthehen qytetarëve. Basha u shpreh se programi i koalicionit fokusohet në zhvillimin ekonomik, rritjen e pensioneve dhe mbështetje për rininë, duke krijuar 25 mijë vende pune në sektorin e teknologjisë së informacionit me paga dinjitoze.

Ai gjithashtu theksoi mbështetje të plotë për SPAK dhe betejën kundër korrupsionit, duke shtuar se kjo është ajo që i diferencon nga forcat e tjera politike.

“Taksat e shqiptarëve, taksat tuaja që i paguani ditë për ditë më të larta në Ballkan, se si përpihen këto para dhe përfundojnë në xhepat e shokëve të Ramës, apo do ia kthejmë këto taksa shqiptarëve. Programi jonë bazën e ka zhvillimin ekonomik, rritja e pensioneve, mbështetja e rinisë, hapja e vendeve të punës në sektorin e teknologjisë së informacionit me paga dinnjitoze për të rinjtë shqiptarë, për 25 mijë të rinj dhe të reja shqiptare, siç e kemi ne investimin më të madh publik në buxhetin që parashikojmë për katër vitet e ardhshme për Shqipërinë. Të gjitha këto bazën e kanë te diçka që na diferencon dhe na dallon 100% nga çdo forcë tjetër politike në këto zgjehdje: mbështetja totale dhe pa rezerva ndaj SPAK. Me vepra, jo me fjalë. Sepse synimi ynë nuk është t’i servirim shqiptarëve byrekun e vjetër të premtimeve bajate elektorale”, u shpreh ai.

Basha më tej tha se Rama dhe Berisha nuk e duan SPAK-un sepse SPAK dhe beteja që ka nisur kundër korrupsionit është kërcënim për të gjithë të korruptuarit. Sipas tij, kjo shihet edhe me kandidatët që kanë në lista, tek 5-sa është vazhdim i korrupsionit me shokët e 7×7=313 dhe 1-shi që do luftojë korrupsionin me Ilir Metën, e krimin me Elvis Roshin.

“E dimë fare mirë as 5-sa, as 1-shi nuk e duan SPAK-un, e shohin si kërcënim dhe kanë të drejtë sepse SPAK dhe beteja që ka nisur kundër korrupsionit është kërcënim për të gjithë të korruptuarit, është kërcënim për shokët e Ramës të cilët ai do t’i nxjerr nga burgu. Është kërcënim për shoqet valltare me rripa 1600 euro që hedhin vallen nga belaja dhe sigurisght për ata që ta vënë mendjen në punë më 11 maj. Kjo është thirrja jonë, të vendosim mendjen në punë e të votojnë me zemër për veten e tyre me dhembshuri për familjet e tyre, për fëmijët e tyre. Është e qartë që propozimi që të luftojmë korrupsionin me Ilir Metën deputet, e të luftojmë krimin me Elvis Roshin deputet, është një gënjeshtër e mirëfillt. 5-sa është dështim, është vazhdim i korrupsionit, 1-shi është riciklim i rrangallave të korrupsionit. E vetmja shpresë për ndryshim të vërtetë që nis nga lufta kundër korrupsionit dhe çlirimi i milionave dhe miliardave që korrupsioni iu kushton shqiptarëve, është vota për Koalicionin Euroatlantik, për numrin 4”, tha Basha.

The post “Nuk luftohet korrupsioni me shokët e Ramës dhe me Metën e Roshin”, Basha: Programi i Koalicionit Euroatlantik e ka… appeared first on Sot News | Lajme.

Orjola Pampuri, kandidate për deputete e Koalicionit Euroatlantik në qarkun e Tiranës, ka vijuar fushatën elektorale me takime të drejtpërdrejta me qytetarë dhe përfaqësues të bizneseve të vogla. Ajo ka zhvilluar sot në zonën e rrugës “Myslym Shyri”, një nga arteriet kryesore tregtare të kryeqytetit, ku është pritur me interes nga banorët dhe tregtarët e zonës.

Pampuri ka shpërndarë materiale informuese dhe ka zhvilluar biseda të hapura me qytetarët për të prezantuar programin e Koalicionit Euroatlantik, duke u ndalur veçanërisht te masat në mbështetje të biznesit të vogël dhe forcimit të lidhjes së Shqipërisë me strukturat perëndimore.

Në një postim në rrjetet sociale, Pampuri shkruan:

“Së bashku me Edin dhe Irsidën, takuam përfaqësues të bizneseve të vogla e qytetarë përgjatë rrugës ‘Myslym Shyri’ Tiranë, për t’i prezantuar me programin tonë dhe për t’i ftuar të votojnë më 11 Maj Koalicionin Euroatlantik.”

Fushata e saj duket se përqendrohet në komunikimin e drejtpërdrejtë me njerëzit, duke synuar të afrojë politikën me qytetarin e zakonshëm dhe t’i japë zë shqetësimeve reale të përditshmërisë.

Beso te Shqipëria. Voto 4.
ORJOLA PAMPURI

The post Orjola Pampuri vijon fushatën në Tiranë: Takime me qytetarët dhe biznesin e vogël në rrugën “Myslym Shyri” (Video) appeared first on Sot News | Lajme.

I ftuar në studion e emisionit “Review”, drejtuesi Politik i Koalicionit Euroatlantik, Lulzim Basha, foli për programin elektoral dhe theksoi se lufta kundër korrupsionit është prioritet kryesor i këtij koalicioni.

Basha shpalosi gjithashtu synimet e Koalicionit Euroatlantik, në rast se ai bëhet pjesë e qeverisjes pas zgjedhjeve të 11 majit ndërsa përjashtoi mundësinë e një bashkëpunimi me Edi Ramën dhe Sali Berishën, pas zgjedhjeve.

“Do të qeverisim me të gjithë faktorët politikë që ndajnë parimet dhe bindjet tona themelore për të ardhmen e vendit, sidomos për luftën kundër korrupsionit. Sigurisht, preferojmë ata që ndajnë dhe qëllimet tona programore. Nuk qeverisim me Ramën, nuk qeverisim me Berishën, sepse ne përjashtojmë automatikisht persona të korruptuar, persona që nuk mbështesin 100% SPAK-un dhe persona që nuk janë 100% në sinkron me SHBA, BE dhe Britaninë e Madhe,” tha Basha.

Basha thumboi PD dhe Partinë e lirisë ku theksoi se vota për koalicionin “Aleanca për Shqipërinë Madhështore” është votë për të nxjerrë Ilir Metën nga burgu. Basha shtoi se koalicioni Euroatlantik ka për qëllim të imponojë programin e tij në qeverisjen e ardhshme dhe se nuk janë të interesuar për karrige, por për të ofruar një alternativë qeverisëse për shqiptarët. Ai deklaroi se Shqipëria mund të arrijë objektivat e saj ekonomikë vetëm duke luftuar korrupsionin.

“Koalicioni Euroatlantik është nisur për të qeverisur vendin. Sa i përket mandateve që presim të marrim, kemi kalkulimet tona brendshme dhe ato janë shumë më tepër se sa japin sondazhet, por numra nuk mund të them për momentin. Gjithsesi, shoh një rritje të madhe të mbështetjes dhe qytetarët do ta garantojnë me votën e tyre fuqinë për të realizuar programin tonë në qeverisjen e ardhshme. Ne presim mbështetje më të madhe në qarkun e Tiranës,” tha Basha.

Basha gjithashtu foli për votën e diasporës, duke thënë se do të ishte shumë mirë që ajo të bëhej përmes votimit elektronik. Ai shtoi se procesi i votimit të diasporës, siç u bë këtë vit, është plot me kurthe dhe të papritura, dhe nuk është shumë optimist por pranoi se pret mbështetje edhe nga diaspora.

LEXONI GJITHASHTU:

• Altin Qori: Lëvizja Bashkë synon një shtet social dhe luftë kundër korrupsionit
• Rama nga Saranda: Partitë e reja, cikli i dytë i së ndjerës LSI, mos ujisni…

The post Basha: S’bashkëpunoj me Ramën e Berishën, vota për PD për të nxjerrë Metën nga burgu appeared first on Euronews Albania.

TIRANË, 3 maj /ATSH/ Drejtuesi politik i Koalicionit Euroatlantik, Lulzim Basha zhvilloi një takimi me qytetarët në zonën e Laprakës nga ku u bëri thirrje votuesve të reflektojnë mbi rëndësinë e votës së tyre më 11 maj.

Në fjalën e tij, Basha theksoi se ky proces zgjedhor nuk është thjesht një moment formal demokratik, por një akt me pasoja afatgjata që do të përcaktojë drejtimin e vendit për katër vitet e ardhshme.

“Vota nuk është një copë letër,” u shpreh Basha. “Është një çelës që hap një portë. Pyetja që duhet t’i bëjmë vetes është: cilën portë do hapim? Do hapim portën e burgut 313, që të dalin të korruptuarit dhe të vazhdojnë të zhvasin shqiptarët? Apo do hapim portën e shpresës, të mirëqenies dhe të sigurisë për familjet shqiptare?”

Në mesazhin e tij, Basha kritikoi kundërshtarët politikë, duke i akuzuar për përpjekje për të bllokuar drejtësinë dhe për të mbrojtur korrupsionin.

Ai theksoi se Koalicioni Euroatlantik mbështet fuqimisht punën e Strukturës së Posaçme Antikorrupsion (SPAK) dhe do të punojë për të ndëshkuar zyrtarët e korruptuar.

“Ne nuk do t’i mbrojmë të korruptuarit. Ne do t’i ndëshkojmë. Paratë që iu janë vjedhur shqiptarëve do të kthehen në politika që ndihmojnë të rinjtë, pensionistët dhe familjet e ndershme”, tha ai.

Basha prezantoi disa prej pikave kyçe të programit të Koalicionit Euroatlantik për “familjet shqiptare si Kredi të subvencionuara nga shteti për 30 mijë çifte të reja për të ndihmuar në themelimin e familjes. Bonusi i bebes: ndihmë financiare për lindjen e fëmijës së parë. 20 mijë euro për fëmijën e tretë, si mbështetje për rritjen e natalitetit”.

Ai ironizoi qëndrimet e kundërshtarëve ndaj këtyre propozimeve, duke thënë se ata talleshin me idenë e bonusit për bebet, sepse për ta është më normale të vjedhin 20 mijë euro në ditë sesa t’ia japin ato një familjeje që sjell jetë të re në vend.

“Me programin tonë familjet dhe çiftet e reja do të përfitojnë – 30 mijë prej tyre – kredi me interesa të marra dhe të paguara nga qeveria për të themeluar një familje, bonuesin e bebes, që këta talleshin, është e mundur për qeverinë e ardhshme shqiptare që të paguajë për fëmijën e parë dhe 20 mijë euro për fëmijën e tretë. Ju kujtohet si qeshnin. Pse? Sepse për ta është normale të vjedhësh 20 mijë euro në ditë dhe nuk është normale të japësh bonus 20 mijë euro për fëmijën e tretë”, tha Basha.

The post Basha: Kredi të subvencionuara nga shteti për 30 mijë çifte të reja appeared first on Agjencia Telegrafike Shqiptare.

Kandidati për deputet i Koalicionit Euroatlantik, Ismail Ferraj, ka bërë thirrje për ndryshim në mënyrën si përfaqësohet qyteti i Vlorës në Kuvend. Në një mesazh drejtuar qytetarëve, ai theksoi se ka ardhur koha që vota e tyre të mos shkojë më për politikanë që zhduken menjëherë pas fitores.

“E vetmja rrugë për Vlorën është të votojë të riun që lufton traditën ku deputetët, sapo fitojnë, harrojnë qytetin që i votoi dhe nuk hapin më as telefonin,” tha Ferraj, duke u distancuar nga praktikat që kanë dëmtuar besimin qytetar në politikë.

Sipas tij, qyteti duhet të zgjedhë mes risisë dhe rinisë, jo mes figurave të vjetra që janë mësuar me privilegjet, ndërsa problematikat konkrete si kanalet e bllokuara apo rrugët e paasfaltuara vazhdojnë të mbeten pa zgjidhje.

Ferraj kërkon një shans për t’i dhënë fund këtij realiteti:

“Për t’i dhënë fund kësaj, më duhet një dorë nga ju të dielën e 11 majit, duke votuar në kolonën e numrit 4 – Ismail Ferraj,” tha ai.

Duke u distancuar nga politika e vjetër e “flamujve dhe tifozerive”, kandidati vlonjat bën thirrje për një votë të ndërgjegjshme, për dikë që është vetë pjesë e problemeve të qytetit dhe jo i larguar nga realiteti i përditshëm i Vlorës.

Postimi i plotë:

 E VETMJA RRUGË – për Vlorën të votojë të riun që lufton traditën ku deputetët pas zgjedhjeve ikin larg Vlorës pasi fitojnë, përtojnë të hapin telefonin njerëzve të cilët i votuan, apo dhe deputetëve që janë të ardhur në Vlorë aq kohë sa është fushata.

Vlora duhet të zgjedhë mes risisë dhe rinisë, apo mes disave që duan karrigen e ngrohur në 8 a 12 vite me rradhë duke lene kanalet e sesa e sesa lagjeve që shkaktojnë përmbytje, që lene rrugicat e lagjeve pashtruar me probagandën që shoqërohet me lutjet për disa vota.

Ne këtë e refuzojmë kategorikisht, dhe për ti dhënë fund më duhet një dorë nga ju të dielën e 11 majit, duke votuar në kolonën e numrit 4 – Ismail Ferraj në fletën e votimit!

 Vlora përfaqësohet më mirë me vlonjatët e rinj, larg politikës së vjetër 35 – vjeçare me flamujt nën efektin e ekzaltimit, larg ngjyrave dhe tifozerisë, voto atë që është vetë pjesë e problematikave të Vlorës, mos e digjni votën tek ata që shpresojnë që me debutimin e parë në këtë lojë, do marrin mandat në Vlorë me premtimin e spektakleve paszgjdhore.

#votoismailferraj4

#KoalicioniEuroatlantik

#VloraMeritonMëShumë

#EVETMJARRUGË

The post Zgjedhjet e 11 majit/ Ferraj: Vlora ka nevojë për përfaqësim të ri, jo për deputetë që harrojnë qytetin pas zgjedhjeve appeared first on Sot News | Lajme.

Drejtuesi Politik i Koalicionit Euroatlantik, Lulzim Basha, i shoqëruar nga kandidatët për deputet Abaz Tafa dhe Orsela Aga, zhvilluan takime me qytetarë dhe biznese në Njësitë 4 dhe 12 në Tiranë. Në fokus të bisedave ishin shqetësimet ekonomike, pensionet dhe korrupsioni.

Ai pati një mesazh të drejtpërdrejtë për qytetarët, duke thënë se rritja e pensioneve, ndihma për të rinjtë dhe krijimi i vendeve të punës me paga dinjitoze janë prioritete e forcës politike që drejton. Sipas tij, këto nuk realizohen pa luftën kundër korrupsionit dhe paratë që sot shkojnë në xhepat e të korruptuarve të qeverisë, do të kthehen në investime për qytetarët.

Basha më tej përsëriti se vetëm Koalicioni Euroatlantik ka një plan të qartë dhe vullnetin për ta zbatuar atë. Vota për numrin 4 është votë për të ardhmen, për fëmijët tuaj dhe për një Shqipëri pa korrupsion.

“Edhe gjatë ditës së sotme në ecje nëpër tregjet e Tiranës në lagjet e ndryshme, ajo që prekim është shqetësimi i madh i qytetarëve për ekonominë, për plagët sociale, për pensionet dhe padiskutimpyetja është se si do të kurohen këto plagë. Përgjigjja e Koalicionit euroatlantik është që këto plagë mund të kurohen me politikamt tona, të rritjes së pensioneve, të zhvillimit të ekonomisë, të ndihmës për rininë, për t’u punësuar në vende pune me paga dinjitoze. Por padiskutim këto politika, ndryshe nga premtimet piramidale të forcave të tjera politike, e kanë bazën tek një dhe vetëm një zotim me vepra dhe jo me fjalë, Koalicioni euroatlantik, numri 4, që është lufta kundër korrupsionit. Vetëm duke luftuar korrupsionin, duke mundësuar që paratë mos të jenë më në xhepat e shokëve të Ramës tek 7×7=313, do të mundësojmë që këo para të kthehen në in vestime për ekonominë, në vende pune për shqiptarët, në rritje pensionesh, subvencione për fermerët, pra paratë në dobi të shqiptarëve.
Vota për Koalicionin Euroatlantik, numri 4 është e vetmja votë e cila do të mundësojë që qytetarët shqiptarë, paratë që sot ua merr korrupsioni, ua marrin shokët e Edi Ramës tek 7×7=313, t’i gëzojnë për veten e tyre dhe familjet e tyre. Vota për Koalicionin Euroatlantik, numri 4 është votë për familjet tuaja, është votë për fëmijët tuaj, është votë për Shqipërinë”, tha ai.

Gjatë takimeve në lagje dhe tregjet e këtyre zonave, Basha tha se të moshuarit ndihen të braktisur nga qeveria. Ai theksoi se Koalicioni Euroatlantik ofron një plan konkret që propozon rritjen e pensionit minimal në 250 mijë lekë, kompensim për energjinë për pensionet nën 300 mijë lekë dhe rimbursim të plotë të ilaçeve për të moshuarit.

“Të ftoj të votosh për numrin 4, se për pensionet flisnim. E vetmja forcë që ka një plan serioz për pensionet, është Koalicionin Euroatlantik. Plani jonë është që pensioni minimal të shkojë 250 mijë lekë, dhe për pensionet nën 300 mijë lekë të ketë kompensim për energjinë elektrike. Kurse ilacet të jenë 100% të rimbursueshme. Ka një faturë, por është një faturë që duhet paguar për moshën e tretë. Se ju e shkritë jetën në kushte shumë të vështira” – tha ai

Basha foli me qytetarë për çështjen e pronës, duke premtuar zgjidhje të menjëhershme për kthimin e pronës aty ku është e lirë dhe kompensim me vlerë tregu për pronat e zëna.

“Ne e kemi marrë përsipër ta zgjidhim këtë problem, me dy parime: ku është prna e zënë, kompensim me vlerë tregu, ku është prona e lirë, ia kthejmë pronarit. Kompensim me vlerë tregu, për të gjithë pronat e zënme nga shteti ose nga privati. Sepse disa i ka zënë privati ose me 7501, ose me legalizime. E vetmja forcë politike që e njeh problemin e pronës dhe merr përsipër me ezgjidh jemi ne. Nesër një javë, e ke ti në dorë. Se unë një votë kam nesër një javë, ti një votë. Kështu që dotë jap këtë mos të harrosh, ja ku e ke reforma e pronës, kthimi i menjëhershëm i pronës aty ku është e lirë, kompensim me vlerë tregu ku prona është e zënë” – tha ai.

Në vijim, Basha tha se Koalicioni Euroatlantik është i vetmi që realizimin e programit e bazon në luftën kundër korrupsionit. Sipas tij, numri 4 është i vetmi që mbështet SPAK që paratë të shkojnë në xhepat e qytetarëve dhe jo në xhepat e shokëve tek 7×7=313.

Gjatë takimeve ai takoi edhe një demokrate e cila ishte hequr nga puna nga Ilir Meta kur ishte në koalicion me PD. Duke u bazuar në historinë e saj, Basha tha se kjo është një nga arsyet se pse vota nuk duhet të shkojë për numrin 1, pasi sipas tij për fat të keq votohet për Ilir Metën.

“Edhe të tjerët premtojnë rritje pensionesh, por gënjejnë. Pse? Ata nuk kanë plan të mbështesin SPAK-un. Ata duan të nxjerrin shokët e tyre nga burgu. Paratë o do jenë në xhepat e shokëve të tyre, o do shkojnë për rritje pensionesh. Se para nuk mund të shkojë edhe në xhepat e shokëve, edhe rritje pensionesh. Të vetmit që mbështesim SPAK-un jemi ne. Prandaj them unë 7×7=313. Se vetëm lufta kundër korrupsionit na jep mundësi të rrisim pensionet.
Demokrate që e ka hequr Ilir Meta nga puna në ministri të Jashtme, kur ishte gjoja akoma në koalicion me ne. Vota për numrin 1, është votë për Ilir Metën, vetëm 4. Se kësaj radhe, 1-shi për fat të keq është votë për Ilir Metën, shiheni e keni në listë” – tha ai.

The post “Mos i çoni me votën tuaj paratë tek të korruptuarit e 7×7=313”, Basha: Programi i Koalicionit Euroatlantik për… appeared first on Sot News | Lajme.

Në një studim të realizuar në vitin 2024 mbi mekanizmat publikë të financimit për artet pamore, shqetësimet kryesore të artikuluara nga komuniteti artistik ishin: niveli i ulët i financimit, mungesa e transparencës në menaxhimin e fondeve dhe centralizimi i vendimmarrjes. Buxheti i vitit 2024 për “Artin dhe Kulturën” ishte rreth 2.9 miliardë lekë ose gati […]

The post Kultura në hije: Sa dhe si po flitet gjatë fushatës zgjedhore? appeared first on Reporter.al.

TIRANË, 1 maj/ATSH/ Drejtuesi Politik i Koalicionit Euroatlantik, Lulzim Basha zhvilloi sot takime me qytetarë dhe biznese në Njësinë 5 në Tiranë.

Gjatë takimeve, Basha tha se me programin e Koalicionit Euroatlantik, çështja e minatorëve do të adresohet përmes statusit të minatorit. Ndërsa për ish-të përndjekurit, tha se përveç shpërblimit financiar që ka munguar në këto 35 vite, ata do të trajtohen të barabartë si personat me statusin e ish-ushtarakut.

“Ne duhet t’i japim fund korrupsionit në mënyrë që të kemi mundësinë që të rrisim pensionet në tërësi e të adresojmë çështjen e punëve të vështira të minatorëve. Shtresa e ish-të përndjekurve, iu kemi hyrë në hak 35 vite. Ka ardhur në fushatë tek ju, kemi ardhur në qeveri ju kemi harruar. Ata që kanë vuajtur meritojnë në radhë të parë dëmshpërblimin financiar dhe dëmshpërblimin moral. Përfshirë statusin me vlerë financiare të barabartë si statusi i ish-ushtarakut”, tha Basha.

Basha gjithashtu foli për disa nga pikat kryesore të programit siç janë ato për familjet shqiptare, pensionistët dhe biznesin.

Kreu i Koalicionit Euroatlantik u shpreh se për familjet shqiptare do të ketë subvencione për strehimin e çifteve të reja, dyfishim i ndihmës për nënat kryefamiljare dhe deri në 20 mijë euro bonus për fëmijën e tretë.

Basha tha se për pensionistët brenda katër viteve pensioni minimal do të jetë 250 mijë lekë, pensioni mesatar 450 mijë lekë. “Për çdo pensionist nën 300 mijë lekë një shumë fikse për të kompensuar çdo muaj faturën e energjisë, si dhe sa i takon barnave, rimbursim 100% i barnave”, tha ai.

Më tej, Basha u ndal te programi i Koalicionit Euroatlantik për sipërmarrësit, ku pohoi se do të vendoset taksë e sheshtë në masën 9%, do të ketë heqje të TVSH-së për biznesin e vogël dhe lehtësi reale për hapjen dhe formalizimin e çdo iniciative të ndershme.

Në përfundim të takimeve, Basha theksoi se Shqipëria ndodhet përballë një zgjedhjeje të qartë, ose Shqipëria e korrupsionit të pandëshkuar, ose Shqipëria e ndershme që zhvillohet dhe garanton një të ardhme më të mirë për çdo familje. /j.p/

The post Basha: Koalicioni Euroatlantik, alternativa që buxheti t’u kthehet qytetarëve appeared first on Agjencia Telegrafike Shqiptare.

TIRANË, 30 prill /ATSH/ Drejtuesi Politik i Koalicionit Euroatlantik, Lulzim Basha, bashkë me kandidatët për deputetë Hysen Xhura, Pëllumb Seferi dhe Orsela Aga, zhvilluan sot takime me qytetarë dhe biznese në Njësitë 3 dhe 8 në Tiranë.

Gjatë takimeve Basha tha se, programi i Koalicionit Euroatlantik ndër të tjera parashikon krijimin e kushteve të mira për sipërmarrjen dhe rritjen e fuqisë blerëse.

“Dy gjëra do bëjmë, ku është prona e lirë do t’i kthehet të zotit, ku është e zënë prona, do t’i kompensohet me vlerë tregu plus interesa”, tha Basha.

Gjithashtu ai u shpreh se një problem i madh i Shqipërisë është se ka rënë numri i bebeve në mënyrë dramatike.

“Pjesë e angazhimit tonë është që 2 mijë euro për çdo bebe, për fëmijën e tretë 20 mijë euro. Politika europiane me nxit çiftet e reja që të kenë më shumë fëmijë, sepse plakja është problem kryesor i vendit sot”, tha ai.

Për sipërmarrësit Basha premtoi, vendosjen e taksës së sheshtë në masën 9%, heqjen e TVSH për biznesin e vogël si dhe lehtësira reale për hapjen dhe formalizimin e çdo iniciative të ndershme

Për familjet shqiptare, ai premtoi, subvencione për strehimin e çifteve të reja, dyfishim i ndihmës për nënat kryefamiljare, deri në 20 mijë euro bonus për fëmijën e tretë.

Për të rinjtë, Basha premtoi “100 milionë euro investime për programin NextGen në 4 vite, praktika të paguara, mbështetje për startup-et dhe bursa për vajzat, shkolla me orar të zgjatur, drekë të garantuar dhe kushte që i japin vlerë arsimit publik”.

Në përfundim të takimeve, Basha theksoi se “Shqipëria ndodhet përballë një zgjedhjeje të qartë ose Shqipëria e 313-s dhe korrupsionit të pandëshkuar, ose Shqipëria e ndershme që zhvillohet dhe garanton një të ardhme më të mirë për çdo familje”.

/r.e/a.f/

The post Basha: Programi ynë për ekonominë, familjen dhe pronën siguron ndryshim real appeared first on Agjencia Telegrafike Shqiptare.

Në kuadër të zgjedhjeve të 11 majit, kandidati për deputet i Koalicionit Euroatlantik në qarkun e Elbasanit, Endri Hasa, bën thirrje për një ndryshim rrënjësor në Shqipëri. Me një ton të vendosur dhe mesazhe të qarta, ai kërkon hapjen e një kapitulli të ri në jetën politike të vendit, ku korrupsioni dhe padrejtësia të mos kenë më vend.

Hasa thekson domosdoshmërinë për ndalimin e shpopullimit të vendit dhe ndërtimin e një shteti të së drejtës, duke i dhënë mbështetje të plotë strukturave të drejtësisë si SPAK, për të larguar nga skena politike figurat e korruptuara. Kandidati i Koalicionit Euroatlantik i drejtohet qytetarëve me një thirrje për vetëdijesim dhe pjesëmarrje aktive në zgjedhje, duke e parë votën si një akt vendimtar për të ardhmen e Shqipërisë.

Ai kërkon nga qytetarët që të besojnë tek e ardhmja europiane e vendit, duke zgjedhur njerëz me integritet dhe vizion për të ndërtuar një Shqipëri të drejtë dhe të zhvilluar.

Deklarata e plotë e Endri Hasës:

“A jemi gati të hapim një kapitull të ri në Shqipërinë Ti themi mjaft korrupsionit Të ndalim shpopullimin Të krijojmë një shtet të së drejtës pa banorë të 313 Në 11 Maj zgjidhni numrin 4⃣ Të mbështesim SPAK për të larguar të korruptuarit nga skena politike

Beso te Shqipëria
Voto Nr. 4⃣ – Koalicioni Euroatlantik
Voto Endri Hasa”

The post Endri Hasa thirrje për ndryshim rrënjësor në Shqipëri/ Koalicioni Euroatlantik ofron drejtësi dhe luftë kundër… appeared first on Sot News | Lajme.

Kandidati për deputet i Koalicionit Euroatlantik në Elbasan, Naim Meta, u ka bërë thirrje qytetarëve që më 11 maj të votojnë për ndryshim dhe shpresë të re. Në një deklaratë publike, ai thekson rëndësinë e kësaj date si një moment vendimtar për të ardhmen e Shqipërisë.

Sipas Metës, qarku i Elbasanit ka qenë ndër më të goditurit nga keqqeverisja dhe padrejtësitë e viteve të fundit. Ai shprehet se është koha për të ndëshkuar neglizhencën dhe për t’i dhënë fund pushtetit që, sipas tij, i shërben një pakice të korruptuar.

Në fund të deklaratës, Naim Meta i bën thirrje qytetarëve të Elbasanit që të mbështesin Koalicionin Euroatlantik dhe të votojnë për një vizion të ri dhe zhvillim të qëndrueshëm.

Deklarata e plotë e Naim Metës:

“Ndërsa afrohet data 11 Maj, çdo qytetar ka në dorë fatin e vendit dhe të brezave që vijnë. Është momenti për të zgjedhur jo thjesht një emër, por një vizion të ri për Shqipërinë, për një qeveri që punon për njerëzit dhe jo për oligarkët. Qarku i Elbasanit, një nga më të goditurit nga keqqeverisja, ka vuajtur padrejtësitë dhe neglizhencën e një pushteti që i shërben vetëm një pakice të korruptuar.

Por ky 11 Maj nuk është thjesht një datë, është një mundësi për ndryshim. Populli i Elbasanit është i mençur dhe i vendosur që me votën e tij të ndëshkojë padrejtësinë dhe të hapë një kapitull të ri. Koalicioni EuroAtlantik ‘Kolona 4’, me Naim Metën si përfaqësues, është alternativa që ofron shpresë, zhvillim dhe drejtësi. Votoni për ata që duan të ndërtojnë, jo të shkatërrojnë. Votoni për të ardhmen.

VOTO KOALICIONIN EUROATLANTIK ‘KOLONA 4’ – VOTO NAIM METËN
Miqësisht,
Naim Meta”

The post Zgjedhjet parlamentare/ Naim Meta: 11 Maji, dita për të rikthyer shpresën në Elbasan appeared first on Sot News | Lajme.

Kandidatja për zgjedhjet e 11 majit në Tiranë, Taulanda Jupi, ka publikuar sot në faqen e saj zyrtare në Facebook një opinion editorial të titulluar “SPAK foli, në 11 maj flet Shqipëria”, ku shpalos mesazhin e saj të fortë për drejtësinë, përgjegjësinë qytetare dhe të ardhmen e vendit.

Në këtë shkrim, Jupi thekson se pas dekadash pritjeje dhe zhgënjimesh, qytetarët më në fund po shohin shenja reale të drejtësisë falë punës së SPAK. “SPAK e bëri të vetën. E tregoi se drejtësia është e mundur edhe në Shqipëri,” shkruan ajo, duke përgëzuar arrestimet e figurave të larta publike dhe dëshminë se askush nuk është mbi ligjin.

Sipas Jupit, momenti aktual nuk është thjesht një përballje politike, por një referendum historik për drejtësinë dhe qeverisjen e ndershme. Ajo nënvizon se:
“Tani fjala është e qytetarëve. Është momenti që shqiptarët të tregojnë se duan që SPAK të vazhdojë punën i pashqetësuar dhe i pakërcënuar nga politika e korruptuar.”

Duke u bërë thirrje shqiptarëve për një angazhim të vendosur, ajo shkruan:
“Tranzicioni i gjatë, 34-vjeçar, i korrupsionit dhe i keqqeverisjes duhet të marrë fund. Kemi përgjegjësinë historike të ndërtojmë një epokë të re, të guximit, të ligjit dhe të respektit për punën dhe sakrificën.”

Në përmbyllje, Taulanda Jupi i fton qytetarët të zgjedhin midis së shkuarës së mbushur me korrupsion dhe një të ardhmeje të ndërtuar mbi punë, barazi dhe shpresë:
“Historia nuk pret. Dhe as drejtësia.”

Postimi i plotë:

SPAK foli, në 11 maj flet Shqipëria

Për shumë kohë, drejtësia në Shqipëri ka qenë një premtim i pambajtur, një aspiratë më shumë sesa një realitet. Por sot, falë punës së palëkundur të SPAK, shqiptarët kanë parë se ligji mund të zbatohet edhe për më të pushtetshmit. Janë arrestuar ministra, kryebashkiakë, madje edhe ish-kryeministra e ish-presidentë. SPAK nuk ka kursyer as njeriun e dytë më të pushtetshëm në vend, duke dëshmuar se askush nuk është mbi ligjin.

SPAK e bëri të vetën. E tregoi se drejtësia është e mundur edhe në Shqipëri. Tani fjala është e qytetarëve. Është momenti që shqiptarët të tregojnë se duan që SPAK të vazhdojë punën i pashqetësuar dhe i pakërcënuar nga politika e korruptuar e 34 viteve tranzicion. Është momenti ynë për të mos lejuar që Shqipëria të rrëshqasë sërish në duart e atyre që e kanë mbajtur peng për dekada.

Këto zgjedhje janë më shumë se një përballje partish. Ato janë një referendum për të ardhmen e Shqipërisë. Është koha të tregojmë se e meritojmë një Shqipëri pa korrupsion. Një Shqipëri ku puna, jo nepotizmi dhe miqësitë personale, janë çelësi i suksesit. Një vend ku qeverisja nuk i shërben më një rrethi të vogël të privilegjuarish, por shumicës së ndershme që punon, që përpiqet, që nuk kërkon favore, por vetëm mundësi të barabarta.

Tranzicioni i gjatë, 34-vjeçar, i korrupsionit dhe i keqqeverisjes duhet të marrë fund. Kemi pëgjegjësinë historike të ndërtojmë një epokë të re, një epokë të guximit, të ligjit dhe të respektit për punën dhe sakrificën.

Shqipëria nuk ka nevojë për premtime boshe, por ka nevojë për vendime të guximshme. Nuk ka nevojë për justifikime, por për rezultate. Nuk ka nevojë për sundimtarë të rinj, por për shërbëtorë të përkushtuar të qytetarëve.

Sot është momenti që çdo shqiptar të zgjedhë: ose të vazhdojmë të ecim në batakun e të shkuarës, ose të nisim të ndërtojmë Shqipërinë e ëndrrave të fëmijëve shqiptarë. Historia nuk pret. Dhe as drejtësia.

 Voto Taulanda Jupi
 Voto Koalicioni Euroatlantik

#vototaulandajupi
#voto4
#votokoalicionieuroatlantik
#11maj
#syte4ne11maj

The post Zgjedhjet parlamentare/ Taulanda Jupi: SPAK foli, në 11 maj flet Shqipëria appeared first on Sot News | Lajme.