Në një vend ku zjarret kanë shkatërruar qindra mijëra hektarë tokë në dekadën e fundit, premtimet politike për përforcimin e flotës ajrore me avionë zjarrfikës nuk janë çështje retorike, por çështje jetike. Megjithatë premtimi i bërë nga kryeministri Edi Rama gjatë fushatës elektorale të vitit 2025, se Shqipëria do të kishte dy avionë zjarrfikës të gatshëm për sezonin veror, rezulton i pambajtur.

“Flota jonë ajrore do të ketë në dispozicion duke filluar nga kjo verë, janë bërë marrëveshjet, dy avionë zjarrfikës në gatishmëri për ne pa pritur që të vijnë nga një vend apo nga një vend tjetër” , tha kryeministri gjatë fushatës elektorale në 29 Mars 2025.

Vera erdhi, zjarret nisën, por Shqipëria ende nuk ka asnjë avion zjarrfikës.

Një kërkesë për informacion që Faktoje i drejtoi Ministrisë së Mbrojtjes konfirmon zyrtarisht se, ndryshe nga sa u premtua, Forcat e Armatosura të Republikës së Shqipërisë nuk disponojnë asnjë avion zjarrfikës. Në përgjigjen e kthyer zyrtarisht, ministria njofton thjesht:

“Ju informojmë se Forcat e Armatosura të Republikës së Shqipërisë (FARSH) aktualisht nuk disponojnë avionë zjarrfikës.”

E në fakt për zjarret aktive në vend avionët zjarrfikës erdhën nga vendet e Bashkimit Europian në kuadër të programit EU Solidarity.

Gjatë ditëve të fundit flakët kanë përfshirë zona të ndryshme të Shqipërisë si Delvina, Bulqiza, Borshi, Lukova, Kanina, Berati dhe Pusteci. Agjencia Kombëtare e Mbrojtjes civile njoftoi më 28 Korrik se “gjatë 24 orëve të fundit janë evidentuar 34 vatra zjarri nga të cilat 17 janë ende aktive, 6 janë nën monitorim dhe 11 janë shuar”.

Mungesa e avionëve zjarrfikës është denoncuar edhe nga kreu i institutit për Bashkitë e Shqipërisë, Agron Haxhimali, sipas të cilit Shqipëria është i vetmi vend në rajon që nuk disponon asnjë avion apo helikopter të dedikuar për shuarjen e zjarreve nga ajri.

Premtimi i ricikluar për avionë zjarrfikës

Premtimi për avionë zjarrfikës nuk është i ri për qeverinë socialiste. Ai është një riciklim i deklaratave të mëparshme.

Në janar të vitit 2023, ministri i atëhershëm i Mbrojtjes, Niko Peleshi, njoftoi publikisht se Shqipëria po përgatiste dokumentacionin për blerjen e dy avionëve shumëfunksionalë, të përshtatshëm për ndërhyrje në raste zjarresh dhe për mbështetje agrokulturore.

“Janë disa mjete më modeste në kosto, më të manovrueshme dhe më të përshtatshme për situatat tona të zjarreve,” u shpreh ministri Peleshi asokohe.

Pyetjet që ngrihen nga kjo mospërputhje mes deklaratave politike dhe realitetit janë disa. Sa ka kushtuar dështimi për të pajisur vendin me avionë zjarrfikës në kohë? Sa sipërfaqe mund të ishte shpëtuar? Sa jetë njerëzish dhe burimesh janë vënë në rrezik për shkak të mungesës së logjistikës ajrore?

Në mungesë të transparencës, publiku nuk ka mundësi të gjykojë nëse vonesat janë për arsye financiare, burokratike apo thjesht për mungesë vullneti politik. Asnjë informacion për tendera, kontrata apo faza të prokurimit nuk është bërë publik deri më sot.

Nisur nga të dhënat, premtimi i bërë gjatë fushatës zgjedhore për vendosjen e dy avionëve zjarrfikës në dispozicion të flotës ajrore shqiptare konsiderohet i pambajtur.

The post Shqipëria nuk ka asnjë avion zjarrfikës, ndonëse u premtuan të paktën dy appeared first on Faktoje.al.

Qeveria ka vendosur të bëjë disa ndryshime në lidhjen e kontratave për blerjen e pajisjeve ose mjeteve ushtarake, si dhe për blerjen e armëve, municioneve apo materialeve luftarake për qëllime operacionale. Në kuadër të ringritjes së industrisë ushtarake, gjatë vitit të kaluar u vendos krijimi i kompanisë shtetërore KAYO për prodhimin dhe tregtimin e armëve, […]

The post Pajisjet ushtarake, ku dhe si do i blejë Shqipëria? Marrëveshje me disa shtete appeared first on BoldNews.al.

TIRANË, 10 korrik /ATSH/ Ministri për Evropën dhe Punët e Jashtme, Igli Hasani ndodhet në një vizitë zyrtare në Letoni.

Gjatë vizitës së tij, Hasani ka vizituar edhe kontingjentin e Forcave të Armatosura të Shqipërisë në Kampin “Adazi”, në Letoni.

“Krenar për secilin prej 22 burrave dhe grave që shërbejnë me profesionalizëm dhe përkushtim – të vlerësuar nga partnerët tanë letonezë dhe përfaqësues të angazhimit të palëkundur të Shqipërisë ndaj NATO-s dhe mbrojtjes kolektive”, shkruan Hasani.

Një ditë më parë Hasani u mirëprit nga ministrja e Jashtme, Baiba Braze, ku u diskutua për mundësitë konkrete për bashkëpunim më të ngushtë në fusha si arsimi, siguria kibernetike, turizmi dhe shkëmbimet kulturore.

Këtë vit shënohen 97 vite nga vendosja e marrëdhënieve diplomatike mes Shqipërisë dhe Letonisë, dhe 33 vite nga rivendosja e tyre. Shqipëria mbetet e përkushtuar për të thelluar partneritetin me Letoninë dhe për të kontribuar në paqen dhe sigurinë në Evropë dhe më gjerë.

Hasani, vizitë në kontingjentin e FA në Kampin Adazi

1 nga 26

/m.q//a.f//r.e/

The post Hasani me kontingjentin e FA në Kampin “Adazi”: Shembull i angazhimit të Shqipërisë ndaj NATO-s appeared first on Agjencia Telegrafike Shqiptare.

TIRANË, 4 korrik /ATSH/ Shefi i Shtabit të Përgjithshëm të Forcave të Armatosura, Arben Kingji mori pjesë në ceremoninë e ndërrimit të Komandës së SACEUR/ USEUCOM të mbajtur në Mons të Belgjikës.

“Kisha nderin të marr pjesë në ceremoninë zyrtare e të marrjes së detyrës së Gjeneral Alexus G. Grynkeëich në krye të Komandës Supreme Aleate (SACEUR) dhe Komandës Evropiane të SHBA (USEUCOM), duke pasuar gjeneral Christopher G. Cavoli”, u shpreh Kingji, në një postim në rrjetet sociale.

Kingji shprehu falënderimin dhe mirënjohjen për gjeneralin Cavoli për lidershipin e tij të jashtëzakonshëm, përkushtimin ndaj sigurisë euroatlantike dhe mbështetjen e vazhdueshme për Shqipërinë dhe Forcat e Armatosura.

Ai u shpreh i bindur se ky bashkëpunim i ngushtë do të vijojë edhe më tej nën drejtimin e gjeneralit Grynkewich.

“Shqipëria mbetet plotësisht e angazhuar për paqen, sigurinë dhe vlerat e përbashkëta të Aleancës dhe bashkëpunimit strategjik me SHBA”, theksoi Kingji.

1 nga 7

/gj.m//r.e//a.f/

The post Kingji në Belgjikë: Shqipëria, plotësisht e angazhuar për paqen, sigurinë dhe vlerat e përbashkëta të NATO-s appeared first on Agjencia Telegrafike Shqiptare.

Një turmë e madhe njerëzish është mbledhur në qendër të Teheranit për të shprehur solidaritet me forcat e armatosura të Iranit, sipas mediave shtetërore.

Agjencitë iraniane të lajmeve IRNA, Fars dhe Mehr raportojnë për një pjesëmarrje të gjerë qytetarësh në Sheshin e Revolucionit, ku janë shfaqur shenja të mbështetjes publike ndaj ushtrisë iraniane.

Sipas këtyre burimeve, pjesëmarrësit kanë shprehur mbështetjen e tyre për “përgjigjen shkatërruese” të forcave iraniane ndaj veprimeve të fundit të Izraelit dhe Shteteve të Bashkuara.

Demonstruesit, thuhet se janë zotuar të qëndrojnë “krah për krah me ushtrinë deri në fund”.

Pamjet e transmetuara nga televizionet iraniane tregojnë qytetarë që valëvitin flamuj kombëtarë dhe mbajnë postera të Udhëheqësit Suprem, Ajatollah Ali Khamenei, ndërsa brohorasin në mbështetje të autoriteteve.

Aktualisht nuk ka informacion të konfirmuar nëse tubimi është organizuar drejtpërdrejt nga autoritetet iraniane apo është zhvilluar në mënyrë spontane.

The post Marshim i madh në Teheran në mbështetje të forcave të ushtrisë appeared first on Lapsi.al.

Pas një ndërhyrjeje nga forcat zjarrfikëse dhe Forcat e Armatosura, është vënë nën kontroll zjarri që përfshiu malin e Krastës në Elbasan.

Ministria e Mbrojtjes bëri të ditur se aktualisht po vijon puna për izolimin dhe shuarjen përfundimtare të vatrave të mbetura, ndërsa monitorohet terreni për të parandaluar riaktivizimin e flakëve për shkak të erës.

Aktualisht, forcat zjarrfikëse dhe strukturat e përfshira në operacion vazhdojnë punën intensive për izolimin e plotë dhe shuarjen përfundimtare të vatrave të mbetura. Po ashtu, vijon monitorimi i terrenit për të parandaluar çdo riaktivizim të mundshëm për shkak të erës.

Në këtë operacion morën pjesë 12 efektivë të Forcave të Armatosura dhe një mjet zjarrfikës nga Detashmenti i Mbrojtjes Rajonale Mengël.

Ndërkohë, strukturat e mbrojtjes civile, në bashkëpunim me autoritetet lokale dhe Agjencinë Kombëtare të Mbrojtjes Civile, mbeten në gatishmëri të plotë për të mbrojtur komunitetin dhe pasuritë natyrore të zonës.

The post Vihen nën kontroll flakët në Krastë të Elbasanit appeared first on Lapsi.al.

Ndërsa Ushtria festoi 250-vjetorin e saj me një paradë, Presidenti Donald Trump vlerësoi Ushtrinë e Shteteve të Bashkuara si “forcën luftarake më të madhe, më të egër dhe më të guximshme” në përfundim të një shfaqjeje madhështore të fuqisë ushtarake në kryeqytetin e vendit të shtunën.

“Herë pas here, armiqtë e Amerikës kanë mësuar se nëse kërcënoni popullin amerikan, ushtarët tanë do të vijnë kundër jush. Disfata juaj do të jetë e sigurt, rënia juaj do të jetë përfundimtare dhe rënia juaj do të jetë totale dhe e plotë”, tha Trump të shtunën, duke ofruar një mesazh të ashpër në mes të një kohe konflikti në të gjithë globin.

“Ushtria na mban të lirë, ju na bëni të fortë dhe sonte i keni bërë të gjithë amerikanët shumë krenarë”, u tha Trump ushtarëve të Ushtrisë Amerikane të mbledhur në National Mall.

Parada ushtarake përkoi me ditëlindjen e 79-të të presidentit dhe u zhvillua ndërsa turma njerëzish në të gjithë vendin morën pjesë në protestat “Pa Mbretër”, duke denoncuar atë që organizatorët e përshkruan si politikat autoritare të Trump. Presidenti u prit në paradën e tij me pompozitet, rrethana dhe një festë të improvizuar ditëlindjeje. Ai mbërriti në një përshëndetje me 21 armë – dhe ndërsa topat qëlluan, anëtarët e turmës filluan të këndonin “Gëzuar ditëlindjen”.

Parada paraqiti disa miliona paund pajisje ushtarake, duke përfshirë dhjetëra tanke M1-A1 Abrams dhe automjete luftarake Bradley dhe Stryker që lëviznin nëpër rrugët e Uashingtonit, si dhe obusë dhe armë të tjera artilerie.

Gati 7,000 ushtarë ishin gati të merrnin pjesë në paradën më të madhe ushtarake që qyteti ka parë në dekada, të cilën zyrtarët e kanë vlerësuar se mund të kushtojë deri në 45 milionë dollarë. Eventi tregoi historinë e Ushtrisë përmes historisë së saj 250-vjeçare, duke filluar me Luftën Revolucionare dhe duke ndjekur konfliktet e mëdha.

Festimi i Ushtrisë ka qenë në përgatitje për dy vjet, megjithëse planifikimi i paradës, e cila ishte ide e Shtëpisë së Bardhë të Trump, filloi disa muaj më parë. Dëshira e Trump për një paradë të madhe ushtarake – ku do të merrnin pjesë të gjitha shërbimet ushtarake – daton që nga mandati i tij i parë . Por ajo u anulua në atë kohë për shkak të shqetësimeve në lidhje me çmimin dhe pamjen e një shfaqjeje të tillë pushteti.

The post “Shpirti luftarak” i forcave të armatosura/ 250-vjetori i Ushtrisë Amerikane, Presidenti Trump feston gjatë paradës… appeared first on Sot News | Lajme.

Këshilli i Ministrave miratoi të mërkurën ndryshime në ligjin “Për pushtetet dhe autoritetet e drejtimit e të komandimit të Forcave të Armatosura”, duke i hapur rrugën dhënies me qira apo investimeve për arsye infrastrukturore dhe ekonomike në pronat e Forcave të Armatosura.

Sipas vendimit të Këshillit të Ministrave, në ligj shtohen një sërë nenesh të reja që kornizojnë kompetencat për hartimin dhe rishikimin e planit të vendosjes, përhapjes dhe administrimin e pronave të FA-ve, duke parashikuar rishikimin e këtij plani në mënyrë periodike çdo 5 vite dhe në çdo kohë në rastet e “investimeve me rëndësi të veçantë për zhvillimin ekonomik të vendit apo ndërtimeve, përmirësimeve të infrastrukturës publike…“.

Po ashtu, dispozitat e reja parashikojnë që këto prona të ushtrisë “mund të jepen për përdorim të dyfishtë…” jo vetëm në funksion të veprimtarisë së ushtrisë por “..edhe në funksion të zhvillimit dhe rritjes së vlerës ekonomike të saj”.

Për përdorimin e pronave të ushtrisë për dhënie me qira, enfiteozë, përdorim të dyfishtë apo forma të tjera do të vendosë Këshilli i Ministrave.

Ndryshimet ligjore shihen me shqetësim nga njohësit e legjislacionit të Forcave të Armatosura për cenimin e karakterit strategjik që ka plani i vendosjes së Ushtrisë përballë hapjes së derës derës për ndërtim hotelesh apo çdolloj investimi për interes afatshkurtër të qeverisë.

Duke analizuar këto ndryshime, Artur Meçollari, ish-zv.komandant i Forcës Detare, i tha BIRN se ato janë antikushtetuese dhe cënojnë karakterin strategjik që ka plani i vendosjes së Forcave të Armatosura dhe në këtë mënyrë, lehtëson dhënien e pronave të ushtrisë për rrugë, hotele apo çfarëdo interesi momental të qeverisë.

“Kur flasim për pronat e ushtrisë, ato kanë karakter strategjik, nuk nënkuptojnë nevoja aktuale, por të një prespektive afatgjatë për vendin,” tha Meçollari, duke shtuar se “ky ligj i kushtëzon pronat sipas nevojave aktuale duke u hequr atyre konceptin strategjik”.

Nga ana tjetër, Meçollari këmbëngul se dispozitat e reja bien ndesh me një interpretim të vitit 2015 të Gjykatën Kushtetuese, i cili përcakton se plani i vendosjes ka karakter strategjik për Forcat e Armatosura.

“Ky kriter strategjik cënohet, pasi lejohet të ndryshohet plani i vendosjes për ndërtime infrastrukturore apo investime të tjera,” shtoi ai.

Dispozitat e reja ligjore, sipas Meçollarit do të lejojnë ndërtime me karakter më të parëndësishëm do të cënojnë planin e vendosjes së ushtrisë që ka karakter shumë më të rëndësishëm në nivel strategjik për vendin.

Edhe rishikimi i planit në çdo moment apo në mënyrë periodike 5-vjeçare, për Meçollarin është antikushtetuese. “Koncepti strategjik nuk është me afat 5 vjeçar, por në nevojat strategjike të vendit,” tha ai.

Pronat e Forcave të Armatosura të trashëguara nga regjimi komunist janë bërë shpeshherë objekt i debatit politik apo i hetimeve penale, për shkak të tjetërsimit të tyre përgjatë tre dekadave të fundit. /Marrë nga Reporter.al

The post BIRN: Qeveria hap një shteg ligjor për investime në pronat e Ushtrisë appeared first on Lapsi.al.

TIRANË, 26 maj /ATSH/ Gjatë vitit 2024, Forcat e Armatosura dhe Agjencia Kombëtare e Mbrojtjes Civile kanë ndërmarrë qindra ndërhyrje në të gjithë territorin e vendit, duke ndihmuar banorët dhe parandaluar dëme të mëdha materiale.

Ministri i Mbrojtjes, Pirro Vengu ndau sot në rrjetet sociale shifrat e angazhimit të Forcave të Armatosura për Emergjencat Civile në vitin 2024.

Forcat e Armatosura kanë marrë pjesë në 250 operacione të emergjencave civile, teksa janë angazhuar 6 738 trupa dhe 996 mjete.

Vengu nënvizoi se, falë trajnimit të vazhdueshëm, stërvitjeve dhe modernizimit me mjete dhe pajisje, sot jemi më të përgatitur për të përballuar çdo situatë emergjente.

Por, shtoi ai, siguria nuk është vetëm detyrë e institucioneve, ajo fillon me ndërgjegjësimin dhe bashkëpunimin e çdo qytetari.

“Parandalimi është arma jonë më e fortë për të shmangur rreziqet dhe për të mbrojtur jetën, mjedisin dhe pronën”, theksoi Vengu.

/r.e/a.f/

The post Vengu: 6 738 trupa dhe 996 mjete të angazhuara në 250 operacione të Emergjencave Civile appeared first on Agjencia Telegrafike Shqiptare.

TIRANË, 19 maj /ATSH/ Presidenti i Republikës, Bajram Begaj priti sot në një takim Kursin e Lartë të Sigurisë dhe Mbrojtjes, ku marrin pjesë ushtarakë nga Forcat e Armatosura të Republikës së Shqipërisë, Turqisë, Italisë, Hungarisë, Kroacisë, Kosovës, si edhe përfaqësues nga institucionet e sigurisë kombëtare.

Presidenti Begaj e vlerësoi Kursin e Lartë për Studime të Sigurisë dhe Mbrojtjes për qëllimin që ai ka përtej natyrës akademike, siç është forcimi i marrëdhënieve mes ushtarakëve nga vende të ndryshme të NATO-s dhe atyre partnere që i shërbejnë fuqizimit të lidhjeve të vendeve të cilave u përkasin. Duke folur për zhvillimet gjeostrategjike dhe sfidat e paqes dhe të sigurisë, Begaj theksoi rëndësinë e rritjes së investimeve në fushën e mbrojtjes.

“Institucionet shqiptare”, u shpreh Presidenti Begaj, “janë të angazhuara për të vijuar me rritjen e shpenzimeve në mbrojtje”. Kreu i Shtetit i njohu studentët me politikat e Shqipërisë në rajon dhe në arenën ndërkombëtare, të bazuara në bashkëpunim, marrëdhënie dy e shumëpalëshe, në forcimin e miqësisë.

“Ndërtimi i urave dhe jo i mureve, janë në themel të politikës së jashtme të Shqipërisë, plotësisht e linjëzuar me atë të Bashkimit Evropian”, tha Presidenti.

“Si shqiptarë, ne besojmë në promovimin e paqes, stabilitetit, mirëqenies dhe zhvillimit të qëndrueshëm për vendin tonë, për fqinjët dhe për të gjithë miqtë tanë, u shpreh Kreu i Shtetit në këtë takim.

Gjatë bashkëbisedimit me kursantët, Presidenti Begaj iu përgjigj interesimit të tyre në lidhje me sfidat për sigurinë e Ballkanit Perëndimor. Kreu i Shtetit theksoi rëndësinë e anëtarësimit të këtyre vendeve në Bashkimin Evropian, duke nënvizuar faktin e rizgjimit të vëmendjes së vendeve të Evropës ndaj rajonit me nisjen e agresionit rus në Ukrainë.

“Unë mendoj se vendet e Ballkanit Perëndimor po përballen me të njëjtat sfida, sfidat për një sistem demokratik më të konsoliduar, të sundimit të ligjit, luftës kundër korrupsionit dhe krimit të organizuar, të forcimit të institucioneve, rritjen e zhvillimit ekonomik, përshtatjen me agjendën e gjelbër, si dhe çështjet e komunikimit dhe përballja me disinformimin. Që të arrijmë suksesin në këto fusha, duhet të punojmë së bashku në unitet dhe solidaritet”, deklaroi Presidenti Begaj.

Gjatë këtij takimi, këshilltarët e Presidentit Begaj i njohën studentët me funksionin e Institucionit të Presidentit të Republikës, si dhe rolin e Kreut të Shtetit në një Republikë Parlamentare dhe si Komandant i Përgjithshëm i Forcave të Armatosura.

Presidenti Begaj pret Kursin e Lartë të Sigurisë dhe Mbrojtjes

1 nga 10

/r.e/a.f/

The post Begaj pret Kursin e Lartë të Sigurisë dhe Mbrojtjes: Me rëndësi rritja e investimeve në fushën e mbrojtjes appeared first on Agjencia Telegrafike Shqiptare.

Pjesë ushtarakë nga Forcat e Armatosura të Republikës së Shqipërisë, Turqisë, Italisë, Hungarisë, Kroacisë, Kosovës, si edhe përfaqësues nga institucionet e sigurisë kombëtare, Presidenti Bajram Begaj i priti sot në një takim në Institucionin e Presidentit Kursin e Lartë të Sigurisë dhe Mbrojtje. Presidenti i Republikës e vlerësoi Kursin e Lartë për Studime të Sigurisë dhe Mbrojtjes për qëllimin që ai ka përtej natyrës akademike, siç është forcimi i marrëdhënieve mes ushtarakëve nga vende të ndryshme të NATO-s dhe atyre partnere që i shërbejnë fuqizimit të lidhjeve të vendeve të cilave u përkasin.

Duke folur për zhvillimet gjeostrategjike dhe sfidat e paqes dhe të sigurisë, Presidenti Begaj theksoi rëndësinë e rritjes së investimeve në fushën e mbrojtjes.

“Institucionet shqiptare janë të angazhuara për të vijuar me rritjen e shpenzimeve në mbrojtje”, u shpreh Presidenti. Kreu i Shtetit i njohu studentët me politikat e Shqipërisë në rajon dhe në arenën ndërkombëtare, të bazuara në bashkëpunim, marrëdhënie dy e shumëpalëshe, në forcimin e miqësisë.

“Ndërtimi i urave dhe jo i mureve, janë në themel të politikës së jashtme të Shqipërisë, plotësisht e linjëzuar me atë të Bashkimit Evropian. Si shqiptarë, ne besojmë në promovimin e paqes, stabilitetit, mirëqenies dhe zhvillimit të qëndrueshëm për vendin tonë, për fqinjët dhe për të gjithë miqtë tanë”, u shpreh Kreu i Shtetit në këtë takim. Gjatë bashkëbisedimit me kursantët, Presidenti Begaj iu përgjigj interesimit të tyre në lidhje me sfidat për sigurinë e Ballkanit Perëndimor.

Kreu i Shtetit theksoi rëndësinë e anëtarësimit të këtyre vendeve në Bashkimin Evropian, duke nënvizuar faktin e rizgjimit të vëmendjes së vendeve të Evropës ndaj rajonit me nisjen e agresionit rus në Ukrainë.

“Unë mendoj se vendet e Ballkanit Perëndimor po përballen me të njëjtat sfida, sfidat për një sistem demokratik më të konsoliduar, të sundimit të ligjit, luftës kundër korrupsionit dhe krimit të organizuar, të forcimit të institucioneve, rritjen e zhvillimit ekonomik, përshtatjen me agjendën e gjelbër, si dhe çështjet e komunikimit dhe përballja me disinformimin. “Që të arrijmë suksesin në këto fusha, duhet të punojmë së bashku në unitet dhe solidaritet”, deklaroi Presidenti. Gjatë këtij takimi, Këshilltarët e Presidentit Begaj i njohën studentët me funksionin e Institucionit të Presidentit të Republikës, si dhe rolin e Kreut të Shtetit në një Republikë Parlamentare dhe si Komandant i Përgjithshëm i Forcave të Armatosura.

The post “Institucionet tona, të angazhuara për rritjen e…”/ Presidenti Begaj takon Kursin e Lartë të Sigurisë dhe Mbrojtjes appeared first on Sot News | Lajme.

Ministri i Jashtëm i Shqipërisë, Igli Hasani, tha se jetojmë në kohë interesante, kur u pyet mbi “krisjen” e raporteve të Aleancës Euroatlantike, ku Shqipëria bën pjesë, pas rikthimit të Donald Trump në Shtëpinë e Bardhë.

Hasani ndër të tjera vlerësoi punën e Shqipërisë për të arritur që 2% të prodhimit të brendshëm bruto ta investojë për të modernizuar Forcat e Armatosura dhe për të plotësuar kriterin e NATO-s mbi shpenzimet.

“Marrëdhënia euroatlantike është shumë e fortë. Europa e sotme është produkt i kontributit amerikan pas Luftës së Dytë Botërore dhe që do të vazhdojë të jetë evident dhe po kaq i fortë, megjithëse ka kërkesa që ne në Europën e vjetër po përpiqemi ti përtypim dhe përshtatemi”.

“Një nga bisedat e rëndësishme në këtë konfigurim është pjesa e kontributit në buxhetin e mbrojtjes në raport me prodhimin e brendshëm bruto. Administrata e parë Trump i detyroi vendet anëtare të NATO-s që të paktën të plotësonin 2% dhe të vazhdojë ky trend. Unë ndihem mirë kur shoh që ne kemi qenë në gjendje që 2.03% të PPB t’ia dedikojmë mbrojtjes, që të plotësojmë jo vetëm detyrimet në raport me Aleancën por edhe të modernizojmë Forcat e Armatosura”, tha Hasani në A2 CNN.

Riarmatosjen e BE dhe Ballkanit, e në veçanti Shqipërisë që do të rikthejë në punë uzinat e saj të prodhimit të armëve, Hasani e sheh si “çështje progresi, evolucioni, miradministrimi” dhe me vlerë për “pastrimin e atij stoku të vjetër që jo vetëm i ka kaluar të gjitha afatet e përdorimit, por edhe nuk i përshtatet më teknologjisë dhe zhvillimit”.

“Janë procese që kanë qenë gjithmonë. Në NATO para viteve 90 kur ekzistonte akoma Muri i Berlinit dhe Traktati i Varshavës, kriteri i raportit të shpenzimeve të mbrojtjes ka qenë gjithmonë mbi 3 përqind. Nuk kemi një situatë ku të gjithë mendojmë njësoj, kemi një betejë të demokracive dhe demokraturave, ku këndvështrimet janë diametralisht të kundërta”, deklaroi kryediplomati shqiptar.

The post Si po armatoset Shqipëria “deri në dhëmb”? Ministri Hasani zbulon detajet appeared first on Telegrafi.

TIRANË, 5 prill /ATSH/ Kryeministrit Edi Rama, vizitoi këtë të shtunë Komandën e Forcës Tokësore, në Zall-Herr, së bashku me Ministrin e Mbrojtjes Pirro Vengu dhe Shefin e Shtabit të Përgjithshëm të FA-ve Gjenerallejtënant Arben Kingji.

Rama ndau në rrjetet sociale një fotoalbum nga vizita e sotme teksa u shpreh “krenar për Forcat tona të Armatosura”.

Kryeministri Rama u takua me ushtarakë, oficerë e nënoficerë, si dhe studentë dhe të rinj të interesuar për t’u rekrutuar në radhët e Forcave të Armatosura Shqiptare.

Gjatë vizitës, e cila përkon me 16-vjetorin e anëtarësimit të Shqipërisë në NATO, si dhe 76 vjetorin e krijimit të Aleancës, Kryeministri Rama ndoqi edhe një demonstrim nga Regjimenti i Operacioneve Speciale, të cilët stërviten me forcat amerikane, që ndodhen aty çdo ditë, që prej 1 viti.

Pjesë e demonstrimit ishte edhe ekspozita me kapacitetet logjistike, pajisje dhe mjete ushtarake të Forcave tona të Armatosura. /j.p/

The post Rama ndan fotoalbumin: Krenar për Forcat tona të Armatosura appeared first on Agjencia Telegrafike Shqiptare.

Kryeministri Edi Rama ka bërë një deklaratë të rëndësishme gjatë një takimi në Zall Herr, ku njoftoi një sërë iniciativash për forcimin e Forcave të Armatosura të Shqipërisë.

Ai theksoi se paga e pjesëtarëve të Forcave të Armatosura do të jetë në nivelin e mesatares së rrogave të vendeve të NATO-s, si një pjesë e përpjekjeve për të rritur motivimin dhe standardet e ushtrisë shqiptare. Rama gjithashtu tha se Shqipëria do të bëhet një vend eksportues i prodhimeve ushtarake brenda një dekade dhe se po punohet për krijimin e një industrie kombëtare të mbrojtjes.

Pjesë e këtij plani është dhe mbështetje për familjet e ushtarakëve dhe një rritje e numrit të vajzave në ushtri, që tashmë ka arritur në 20%. Kryeministri theksoi gjithashtu nevojën për të aktivizuar asetet e Forcave të Armatosura dhe për të zhvilluar pronat që FA zotëron.

Kryeministri Edi Rama në Zall Herr: Numri i vajzave në Forcat e Armatosura është rritur në 20 përqind. Do krijojmë industrinë tonë kombëtare të mbrojtjes. FA do paguhen sa mesatarja e vendeve të NATO-s. Kemi program mbështetës për familjet e pjesëtarëve të Forcave të Armatosura. Shqipëria do jetë vend eksportues i prodhimeve ushtarake brenda dekadës. Jemi në dialog me kompani botërore për këtë gjë. Ushtria shqiptare ka shumë esete të fjetura, që as nuk vihen në punë, një situatë që duhet ta adresojmë. Duhet të zhvillohen pronat, që janë të FA-së. Ky drejtim ka mundësi që të bëjë para.

The post “Forcat e Armatosura do kenë pagën sa mesatarja e rrogave të NATO-s”, Rama: Shqipëria do jetë vend eksportues i… appeared first on Sot News | Lajme.

Kryeministri Edi Rama, gjatë një vizite në Zall Herr për të prezantuar arritjet në fushën e mbrojtjes, theksoi se Shqipëria ka kaluar një periudhë të vështirë dhe të harresës për Forcat e Armatosura. Ai e cilësoi këtë si një periudhë të braktisjes së fushës së mbrojtjes, ku shteti i kishte kthyer kurrizin Forcave të Armatosura.

Rama shpjegoi se pas këtij procesi ka pasuar një rritje të ndjeshme të investimeve në këtë sektor. Ai njoftoi se investimet në fushën e mbrojtjes janë 10-fishuar, duke u rritur nga niveli ku investohej dikur për gjithë ushtrinë.

Kryeministri gjithashtu njoftoi se rekrutimet për Forcat e Armatosura janë 5-fishuar, duke theksuar se Forca e Armatosur e Shqipërisë po tërheq një numër gjithnjë e më të madh të rinjve. Ai po ashtu u shpreh se ushtria shqiptare është ndër më të paguarat në rajon, me një pagë mesatare prej 1550 euro, duke shtuar se kjo nuk është paga e fundit dhe se ka ende mundësi për rritje të mëtejshme.

Kryeministri Edi Rama në Zall Herr në prezantimin e arritjeve në fushën e mbrojtjes: Shqipëria ra në humnerë dhe më pas kishte braktisje shumë të gjatë të fushës së mbrojtjes. Shteti ia ktheu kurrizin Forcave të Armatosura. Ne kemi 10-fishuar investimet në fushën e mbrojtjes. Dikur investohej për gjithë ushtrinë aq sa sot investojmë vetëm për Mbrojtjen Civile. Sot kemi një Forcë të Armatosur të Republikës së Shqipërisë, drejt së cilës të rinjtë po hedhin sytë. Rekrutimet janë 5-fishuar. Në rajon, kemi ushtrinë më të paguar. Jemi sot në pagë mesatare 1550 euro dhe nuk është stacioni ynë i fundit. Do kemi një ushtri të paguar, aq sa mesatarja e vendeve të NATO-s. Ushtria do ketë pajisje të avancuar të kohës. Shumë rekrutë do kenë akses në kredi të butë.

The post “Shteti i kishte kthyer kurrizin Forcave të Armatosura”/ Rama: 10-fishuam investimet në fushën e mbrojtjes appeared first on Sot News | Lajme.

Kryeministri i Shqipërisë, Edi Rama dhe ministri i Mbrojtjes Pirro Vengu në Zall Herr, folën mbi prezantimin e arritjeve dhe sfidat e të ardhmes në fushën e mbrojtjes.

Ai theksoi se do kemi në fokus qëllimin e të qenurit një vend eksportues i prodhimeve ushtarake. Më tej, shton me rëndësi është shfrytëzimi i industrisë mbrojtëse për krijimin e një baze për të rinjtë, duke iu plotësuar kërkesat e tyre.

“Ne do të jemi një vend eksportues i prodhimeve ushtarake brenda kësaj dekade, ky është qëllimi. Jemi në rrugën e realizimit duke parë sesi po ecin diskutimet me kompani të mëdha të ekselencës botërore që duan të na bashkohen në këtë aventurë të re.

Qëllimi ynë është të shfrytëzojmë industrinë mbrojtëse për të krijuar një bazë tërheqëse për vajza dhe djem të talentuar, profesionistë që jo vetëm të mos largohen nga vendi, por dhe të kthehen nga jashtë duke kontribuar në këtë industri. Do të kenë paga dinjitoze, të arsyeshme për kërkesat e tyre”, tha ai.

Rama ka nënvizuar dhe faktin se duhet bërë një hap i rëndësishëm edhe në aspektin e pronave të ushtrisë.

“Për një kohë të gjatë ushtria shqiptare është zhveshur nga shumë prona në mënyrë spontane, kaotike, ndërsa sot ushtria shqiptare disponon ushtri të fjetura që janë aty dhe nuk vihen në punë. Ministria e Mbrojtjes duhet të bëhet qendër edhe e këtij aspekti, pra ai i zhvillimit të pronave të cilat nuk do përdoren nga Forcat e Armatosura për qëllime ushtarake por të cilat janë të Forcave të Armatosura.

Duke ndërtuar siç bëjnë të gjitha vendet e NATO-s, duke ndërtuar partneritete edhe në këtë drejtim , në mënyrë që Ministria e Mbrojtjes dhe Forcat e Armatosura të mund të marrin të ardhura, pasi ushtria sot kërkon shumë para dhe të gjithë po rrisin buxhetet”, tha kryeministri Rama.

The post Rama: Do të jemi vend eksportues i prodhimeve ushtarake brenda kësaj dekade appeared first on Telegrafi.

TIRANË, 5 prill /ATSH/ Kryeministri Edi Rama dhe ministri i Mbrojtjes Pirro Vengu ishin sot në Zall Herr, në prezantimin e arritjeve dhe sfidave të së ardhmes në fushën e mbrojtjes në 16-vjetorin e hyrjes në NATO.

Në fjalën e tij në këtë aktivitet, Rama vuri në dukje se aktualisht Shqipëria ka ushtrinë më të mirëpaguar të rajonit të Ballkanit Perëndimor, ndërkohë që siç vuri në dukje ai, “kur morëm detyrën kishim ushtrinë më të keqpaguar dhe më të keqtrajtuar në të gjithë rajonin tonë, se pastaj po të vazhdojmë më tutje me Evropën as nuk kemi ҫfarë krahasimi të bëjmë”.

“Sot kemi një Forca të Armatosur të Republikës së Shqipërisë ndaj të cilës të rinjtë dhe të rejat nuk janë më të mbyllur, por përkundrazi drejt të cilës kanë filluar dhe po i hedhin gjithnjë e më shumë sytë dhe këtë e tregon edhe 5-fishimi i rekrutimeve dhe arritja e përmbushjes së objektivit për numër rekrutësh të vendosur nga Shtabi i Përgjithshëm, gjë që më parë ishte e pamundur”, u shpreh Rama

Nga ana tjetër, shtoi Rama, “është fakt edhe i konfirmuar në vazhdimësi nga aleatët tanë që cilësia e mësimdhënies ushtarake është rritur në mënyrë të ndjeshme”.

“Praktikisht jemi sot në një pagë mesatare 1550 euro që më lejoni t’ju garantoj nuk është stacioni ynë i fundit, por është vetëm një nga stacionet për të shkuar drejt objektivit që e kemi ndarë me ju në krye të herës edhe kemi mirëkuptuar mosbesimin tuaj total kur ju kam thënë që ne do të arrijmë të kemi një ushtri shqiptare të paguar në mesataren e FA të NATO-s. Jemi duke iu afruar ndjeshëm asaj mesatareje, por kemi ende hapa për të bërë”, tha Rama.

Gjatë fjalës së tij, kryeministri theksoi se janë bërë investime të rëndësishme, megjithatë nënvizoi se ka ende shumë punë për të bërë.

“Më vjen mirë që investimi madhor që po bëhet për transformimin e të gjithë kampusit, në një kampus ultramord ka nisur të duket dhe do të vazhdojë. Do të jetë një qendër krenarie për Forcat e Armatosura, dhe ambicia jonë është që të tejkalojë ambiciet tona”, tha Rama duke iu referuar kampusit në Zall Herr. /j.p/

The post Rama: Ushtria shqiptare më e mirëpaguara në rajon, po i afrohemi mesatares së NATO-s appeared first on Agjencia Telegrafike Shqiptare.

TIRANË, 5 prill /ATSH/ Kryeministri Edi Rama u ndal sot tek mbështetja ndaj Forcave të Armatosura ndërsa ishte në Zall Herr në prezantimin e arritjeve dhe sfidave të së ardhmes në fushën e mbrojtjes në 16-vjetorin e hyjres në NATO.

Rama u shpreh se, ka nisur një program mbështetjeje për familjet e efektivëve, i cili do të vazhdojë.

“Sot janë 179 efektivë që kanë përfituar nga një kredi me zero interes për shtëpi dhe ky program do të zgjerohet dhe do të jenë të mirëseardhur të gjithë dhe sidomos rekrutët dhe rekrutet e reja për të pasur akses në këtë program”, tha Rama.

Rama tha se, “është shumë pozitive që është 5-fishuar numri i studentëve në Akademi dhe më vjen shumë mirë që investimi madhor që po bëhet për transformimin e të gjithë kampusit apo gjithë territorit të Akademisë në një Kampus ultramodern ka filluar të duket, por do të vazhdojë dhe do të jetë një qendër krenarie për FA dhe ambicia jonë është që të jetë një qendër stërvitore, mësimore që t’i tejkalojë kufijtë e Republikës sonë”. /j.p/

The post Rama: 179 efektivë kredi me zero interes për shtëpi, zgjerojmë programin appeared first on Agjencia Telegrafike Shqiptare.

Zall Herr- Kryeministri Edi Rama dhe ministri i Mbrojtjes Pirro Vengu kanë qenë të pranishëm në Zall Herr, ku është bërë prezantimi i arritjeve në fushën e Mbrotjes.

Në këtë prezantim, Rama është njohur me kapacitetet e Ushtrisë.

Forcat e Armatosura është shprehur kryeministri, janë në rrugën e një transformimi historik.

“Në aspektin e integrimit të ushtrisë tonë në komunitetin euroatlantik, të gjithë bënë përpjekjet e tyre, në aspektin e përkujdesjes dhe mbështetjes të ushtrisë tonë, Shqipërisë i ndodhi ajo që nuk i ka ndodhur asnjë vendi tjetër. Një rënie në humnerë dhe më pas një braktisje shumë e gjatë. Nëse sot ne kemi një trupë që mbështetet mbi kapacitete të rëndësishme njerëzore, ky është i vetmi aset i trashëguar nga e shkuara, që është kapaciteti i drejtuesve, falë të cilëve, këto forca i mbijetuan me shumë vështirësi një sfide si rezultat i shëmbjes së shtetit dhe më pas i kthimit të kurrizit nga ana e shtetit ndaj Forcave të Armatosura. Nga njëra anë është krenari të them se në 10 vite kemi 10-fishuar investimet në fushën e mbrojtjes, por është dramatike të mendosh se kur morëm detyrën FA mbështeteshin me  28 milion euro investime. Sot është shumë më e vogël se shifra që kemi investuar vetëm për emergjencat civile”, u shpreh Rama

TIRANË, 4 prill /ATSH/ Në qarkun e Gjitokastrës ka një trend në rritje të interesit nga ana e të rinjve për t’u rekrutuar në Forcat e Armatosura të Shqipërisë.

Joan Dhandili, shef i Qendrës së Personel-Rekrutimit në Gjirokastër, shpjegon në një intervistë për RTSH se, djemtë dhe vajzat tani e shohin rekrutimin ushtarak si një mundësi të artë për zhvillimin profesional, duke ofruar mundësi të shumta për rritje karriere dhe stabilitet ekonomik.

“Forcat e Armatosura ofrojnë një sërë mundësish dhe përfitime të jashtëzakonshme për të gjithë të rinjtë dhe të rejat që zgjedhin të bëhen pjesë e këtij institucioni të rëndësishëm. Disa nga këto përfitime janë programet e studimit, si teknologjia e informacionit në fushën e mbrojtjes dhe teknologji komunikimi. Gjatë programit të studimit ofrojmë akomodim dhe ushqim me tre vakte për të gjithë fituesit e ciklit”, thotë ai.

Dhandili gjithashtu vë në dukje se kjo tendencë po i jep ushtrisë një imazh të ri dhe po e forcon atë.

“Zakonisht numrat për çdo fazë variojnë nga 20 në 30 aplikantë, ku përfshihen djem dhe vajza. Është vënë re një interes i madh i gjinisë femërore për t’u bërë pjesë e kësaj strukture të rëndësishme”, tregon shefi i Qendrës së Personel-Rekrutimit.

Për këtë vit janë zhvilluar dy faza rekrutimi, ndërkohë faza e tretë do të mbahet në muajin maj, duke ofruar mundësi të reja për ata që dëshirojnë të bëhen pjesë e Forcave të Armatosura.

/r.e//a.f/

The post Rekrutimi në FA, Dhandili: Interes i lartë nga të rinjtë e Gjirokastrës appeared first on Agjencia Telegrafike Shqiptare.