Analisti Ergys Mërtiri ka bërë një koment të drejtpërdrejtë dhe kritik lidhur me situatën e brendshme në Partinë Demokratike dhe figurën e liderit historik të saj, Sali Berisha. Në një intervistë për “Tirana Live” në ABC News, Mërtiri analizoi zhvillimet e fundit politike në PD, duke theksuar se Berisha ka qenë gjithmonë në qendër të vendimmarrjes, edhe kur formalisht nuk ka qenë në krye të partisë.

Sipas tij, Berisha ka ndërtuar një model të qëndrueshëm kontrolli personal mbi strukturat e PD-së dhe nuk ka treguar asnjë shenjë vullneti për t’u tërhequr nga skena politike, madje edhe në kushtet kur, sipas statutit të vetë partisë, ai konsiderohet i shkarkuar.

“Berisha ka qenë dhe do që të jetë i përjetshëm edhe kur vendosi Bashën kryetar ka qenë gjithmonë pas perdes. Berisha po tregohet qartë që është një lider që nuk pranon që të ikë nga politika në asnjë mënyrë, ai pranon të jetë edhe kur shkatërron partinë e vet. Nuk mund të ketë nen statuti që e largon, kur nuk e largojnë kushtet reale, nuk ka nen që e largon.”

Mërtiri solli në vëmendje edhe paradokset në qëndrimet e Berishës, të cilat sipas tij ndryshojnë në varësi të rrethanave politike, si dhe mungesën e reformës dhe modernizimit në parti për gati katër dekada. Ai theksoi se Partia Demokratike sot ndodhet në një krizë të thellë identiteti dhe funksionaliteti, pikërisht për shkak të qëndrimit të gjatë të një lideri të vetëm në krye.

“Statuti u fut në vitin 2021 kur futi Lulzim Bashën, dhe këtë gjë e tha me idenë që lideri i ardhshëm të mos ankohej për vjedhjen e zgjedhjeve, kurse tani që është vetë thotë që Bashës nuk ia vodhën dhe mua mi vodhën. Berisha nuk largohet edhe sikur zgjedhjet të ishin më të mirat që janë bërë ndonjëherë. Këto janë thjeshte sebepe, sepse statuti e thotë qartë. Praktikisht sot Berisha është i shkarkuar sipas statutit.  Berisha në 35 vite ka thënë që do e modernizojë partinë dhe këtë gjë nuk e ka bërë në 35 vite. Kjo është sindroma e një lideri që nuk ndryshon, ndërkohë që gjërat dhe koha ka ndryshuar. Këtu tregon që kjo parti ka një problem të madh reformimi, dhe sigurisht që nuk mund të reformohet kur mban për 35 vite të njëjtin lider. Kjo parti është zhytur në një pikë ku pikësëpari ka humbur arsyen.”

Në vijim, analisti trajtoi edhe tendencën e Berishës për të etiketuar si “armiq” apo “të shitur” çdo figurë që del jashtë rrethit të tij të ngushtë, përfshirë edhe persona apo institucione që në të kaluarën kanë qenë në favor të Partisë Demokratike. Si shembull, Mërtiri përmendi kryetarin e KQZ-së, Ilirjan Celibashi, për të cilin tha se ka marrë disa vendime që kanë përmbushur kërkesat e PD-së, por që gjithsesi është bërë objekt sulmesh nga Berisha.

“Berisha bën atë që ka bërë gjithmonë, akuzon këdo që i del përpara, këdo që nuk është në oborrin e tij dhe e konsideron të shitur. Në fakt Celibashi më shumë ka qenë në krah të PD, në çdo vendim që ka marrë. Celibashi hoqi votimin elektronik vetëm se e kërkoi PD. Po, Berisha këtë gjë ka bërë gjithmonë, ka sulmuar gjithmonë ata që i kanë shërbyer.”/abcnews.al

Gjatë një interviste me moderatorin dhe ish-banorin e Big Brother VIP Albania, Ronaldo Sharka, Krisa Çaushi ka folur pa doreza për raportin e saj me Tirin.

Ata kanë prekur një temë që shpesh ngjall diskutim: vajzat e ekranit dhe zgjedhjet e tyre romantike në raport me pasurinë.

Pjesë nga biseda në studio

Ronaldo Sharka: A është i pasur Tiri?

Krisa Çaushi: Po. Është.

Ronaldo Sharka: Zakonisht ka një trend që vajzat e bukura të ekranit, nuk dua të jem paragjykues, por pjesa dërrmuese e tyre zgjedhin meshkuj me Lamborghini që kushtojnë 500 mijë euro.

Krisa Çaushi: Kam zgjedhur një njeri që i përshtatemi. Unë dhe ai i përshtatemi stilit të jetesës së njëri-tjetrit. Unë kurrë nuk i kam parë meshkujt nga ana financiare, asnjëherë. Gjithmonë kam qenë me këmbë në tokë dhe kam thënë që leku shkon ke leku.

Krisa Çaushi: Mos mendo që edhe ato vajza që zgjedhin djemtë me lekë të babait të jenë aq të pjekura mendërisht. Zgjedh një njeri që është për familjen dhe di të menaxhojë lekun. Unë mendoj që këta individë nuk dinë ta menaxhojnë dhe thjesht e shpërdorojnë.

Ronaldo Sharka: Të ndodh shpesh të takosh nga këto vajza, a janë të lumtura?

Krisa Çaushi: Për mendimin tim, ato mendojnë që janë të qeta. Ato e shikojnë vetëm nga ana materiale, jetojnë për rrjete sociale.

Në këtë bisedë, Krisa ndan pa komplekse qëndrimin e saj kundër klisheve që shpesh i vendosen vajzave të ekranit, duke theksuar se për të, vlerat si përshtatja në stil jetese, maturia mendore dhe aftësia për të ndërtuar familje kanë më shumë rëndësi sesa aspekti financiar.

The post Vajzat e bukura të ekranit zgjedhin meshkuj të pasur? Krisa Çaushi flet për lidhjen me Tiri Gjocin appeared first on Albeu.com.

Andi Bushati dhe Ergys Mërtiri kanë debatuar në emisionin “Të Paekspozuarit” në MCN TV, lidhur me SPAK dhe hetimet për politikanët e lartë. Bushati tha se SPAK duhet të mbyllet nëse nuk heton Edi Ramën, ndërsa Mërtiri deklaroi se ka vend për kritika, por SPAK ka goditur politikanë nga të dy krahët politikë, madje tha se ka goditur më shumë te qeveria.

Debati:

Ergys Mërtiri: Për mua ndikon, edhe hetimi i Berishës në zgjedhje ka ndikuar, por ka ndikuar edhe hetimi i njerëzve të Ramës. Nuk mund të themi që SPAK ndikon kur heton Berishën, por nuk ndikon kur heton Veliajn. Ajo që ka provuar SPAK, është që kemi të bëjmë me dy palë hajdutë, të vjetërit dhe të rinjtë. Ky është mesazhi që ka nxjerrë publiku nga kjo. Kush ia ka fajin opozitës, që nuk reformohet dhe nuk largon ata persona që janë në hetim?

Andi Bushati: Jo nuk po flasim për opozitën, i ka të gjithë fajet opozita, por nuk po flasim për opozitën.

Ergys Mërtiri: Mos ta hetojë SPAK Berishën vetëm se është në krye të opozitës?

Andi Bushati: Në çdo studio, kur nuk ka argument thuhet “opozitë e poshtër”.

Ergys Mërtiri: Ne po themi që SPAK ka ndikuar në zgjedhje duke arrestuar. Nuk e mohoj që patjetër që hetimi që i bëhet kreut të opozitës ndikon në zgjedhje.

Andi Bushati: Shkatërroi parti me 100 e ca mijë vota. Ilir Metën, që parti personale është ajo.

Ergys Mërtiri: Unë nuk e quaj shkatërrim të opozitës që hetohet Meta.

Andi Bushati: Ikën ato vota.

Ergys Mërtiri: Të gjithë te Rama shkojnë këto? Ajo parti po vajti lideri në burg, këta pastaj shkojnë te Rama? Po ajo nuk qenka parti. Pra SPAK ka ndikuar që një klient i opozitës të ikë.

Andi Bushati: Po godite vetëm klientelistët e njërës palë, fiton ky klientelisti tjetër, kaq bën SPAK-u.

Ergys Mërtiri: Po godet më shumë klientelistët e palës në pushtet, ka futur me dhjetëra, qindra njerëz të Ramës në burg.

Andi Bushati: A e pe çfarë bëri Belinda Balluku në Fier? U dobësua pushteti? Rezultati i Fierit është korruptimi i opozitës dhe paaftësia e saj për t’u rinovuar, nuk është Belinda Balluku? Hajde hajdeeeee….. Mirë, po shkuam deri këtu…

Ergys Mërtiri: Jam dakord që mund të bësh kritika.

Andi Bushati: Unë nuk bëj kritika, se kritika është kur e respekton, unë them është mashë e Ramës, nuk e kritikoj, e denoncoj.

Ergys Mërtiri: Elementet që ti kap i merr si fakte të shitjes, ndërkohë unë po them që SPAK ka goditur të dy dhe më shumë qeverinë, por në kushtet kur qeveria dhe opozita janë të dyja të kompromentuara, fiton qeveria, sepse luhet mes dy palëve të korruptuara, pa moral dhe fiton ai që ësht ënë pushtet. SPAK nuk mundet ti lejojë vetes të mos e hetojë opozitën vetëm që ta lërë balancën nga krahu tjetër. Si do të hetohet Berisha, kur ai rri gjithë jetën në pushtet?

Andi Bushati: Kjo opozitë, e korruptuar, e parinovuar dhe me një fashist si Beleri fitoi zgjedhjet. Hyri SPAK, ia mori, bënë zgjedhje pas një viti e gjysëm dhe fitoi Rama. Këto janë zgjedhjet në Shqipëri.

***

Andi Bushati: Është skandal inceneratori? SPAK mund ta merrte Ramën një herë në pyetje? Gjënë më të thjeshtë.

Ergys Mërtiri: Supozojmë se SPAK ka frikë ta marrë.

Andi Bushati: Mbyllet! Mbyllet! Sepse ai është kryehajduti, po nuk kape kryebanditin, të mbyllet!

Ergys Mërtiri: Ti thua po nuk godite Ramën, je i shitur te Rama? Ç’është kjo? A ke shkallë të mesme ti nga e bardha te e zeza?

Andi Bushati: E di që jetojmë në një shoqëri që ësht tabu të mendosh se mund të merret Rama nën hetim. Për nderin e tij, thjesht ta merrte njehëre në pyetje, atë që i kërkon Albin Kurti, të mos e thërrasin në SPAK, t’i shkojnë në zyrë, ta respektojnë, por ta pyesin.

Ergys Mërtiri: Mendoj se mund të ketë edhe përshkallëzim, mund të shkojnë te Rama, por supozojmë se kanë frikë.

Andi Bushati: Janë minj bodrumesh pra.

Ergys Mërtiri: Ti thua ose je hero, ose mi bodrumesh, nuk ka asgjë midis heroit dhe frikacakut.

Andi Bushati: Bëj detyrën, ti si gazetar, po pate frikë të kritikosh Ramën, unë prap mi bodrumesh do të them, sepse njeriu kur del të bëjë një punë…

Ergys Mërtiri: Nuk është kështu, ai ka patur kurajon që shokët e Ramës, njerëzit e Ramës, projektet e Ramës, i ka çuar në burg.

Andi Bushati: Ahmetajn që i dha urdhër Rama.

The post Debati për SPAK/ Bushati: Janë minj bodrumesh, nëse nuk kapet kryebanditi, të mbyllet! Mërtiri: SPAK ka goditur qeverinë! appeared first on Albeu.com.

Manastiri i Shën Antonit në Egjipt, themeluar rreth vitit 356 pas Krishtit, konsiderohet manastiri më i vjetër i krishterë dhe ende në funksion në botë.

Manastiri i Shën Antonit, i njohur si një prej manastireve më të vjetër në botë, ka një histori të pasur dhe një ndikim të thellë në jetën religjioze kristiane. Manastiri i Shën Antonit u ndërtua midis viteve 298 dhe 300 gjatë mbretërimit të Constantius Chlorus. Në vendbanimin fillestar, ithtarët e tij ngritën vetëm ndërtesat më thelbësore. Theks i veçantë iu vu izolimit. Ata jetonin në qeli të vetmuara të rrethuara nga një qendër e përbashkët lutjeje ku kryenin Liturgjinë Hyjnore. I vendosur në Zemër të Shkretëtirës Lindore të Egjiptit, ky manastir është një oazë e vërtetë ku monakët kanë kërkuar mbrojtje, paqe dhe lidhje të thellë me besimin gjatë shekujve, përcjellë KultPlus.
Gjatë shekujve të 6-të dhe 7-të, shumë monakë nga manastiret e Scetes u detyruan të largoheshin për t’i shpëtuar sulmeve të përsëritura nga beduinët. Ata gjetën strehë tek Manastiri i Shën Antonit, dhe që atëherë u bë një vend ku bashkëjetonin herë pas here si monakë kopthë ashtu edhe melkitë nga lindja. Një moment i veçantë historik ishte në vitin 615, kur patriarku melkit John, i dërgoi ndihma financiare kryetarit të manastirit, Anastasius të Persisë, duke i kërkuar që të pranojë disa monakë melkitë të përndjekur nga persët, të cilët menaxhuan manastirin deri në fund të shekullit të 8-të.

Megjithëse i vendosur në një zonë të largët, Manastiri i Shën Antonit nuk ishte pa sfida. Ai u sulmua disa herë nga beduinët e Shkretëtirës Lindore dhe u dëmtua në shekullin e 11-të. Gjithashtu përjetoi trazira gjatë rebelimeve kurde dhe turke, përfshirë plaçkitjen nga ushtria e Nasir al-Dawla. Megjithatë, manastiri u rindërtua në shekullin e 12-të dhe njohu periudha të lulëzimit gjatë shekujve të mëvonshëm. Për t’u mbrojtur nga sulmet, rreth manastirit u ndërtuan edhe mure.

Abu al-Makarim, një udhëtar dhe historian i shekullit të 13-të, e përshkruan manastirin si një vend unik dhe të pasur me prona në Egjipt, me kopshtet e tij të mëdha plot pemë fruta, burime uji që rrjedhin përgjithmonë, një vresht dhe një kala madhështore. Ai vlerësonte se asnjë manastir tjetër në Egjipt nuk i afrohej këtij përmasave dhe bukurie.

Manastiri i Shën Antonit përfaqëson një qendër të rëndësishme të krishterimit dhe monakizmit, ku tradita e thellë asketike ka mbijetuar dhe është përshtatur me kohën. Si një nga manastiret më të vjetër në botë, ai ka shërbyer jo vetëm si strehë për besimtarët dhe monakët, por edhe si një dëshmi e qëndrueshmërisë dhe pasurisë kulturore e shpirtërore të Egjiptit. Historia e tij e përplotë me sfida dhe mbijetesë, si dhe vlera unike arkitektonike dhe artistike e bëjnë atë një destinacion të domosdoshëm për besimtarët dhe vizitorët nga e gjithë bota./KultPlus.com

Për ditë me radhë një re e madhe tymi përfshiu qytetin e Elbasanit. Në vendepozitimin e mbetjeve, pjesë e objektit të inceneratorit, flakë të mëdha shkrumbuan plehrat e grumbulluara prej muajsh, të supozuara që të diferencoheshin e një pjesë e tyre të digjeshin në incinerator.  Mbetjet e 7 bashkive të këtij qarku u dogjën, me […]

The post Elbasani, Fieri e Tirana në prag të emergjencës mjedisore/ Si u zhdukën 150 mln euro të inceneratorëve appeared first on BoldNews.al.

Në një intervistë për “Tirana Live” në ABC Neës, analisti politik Ergys Mërtiri komentoi zhvillimet e fundit në Partinë Demokratike dhe rolin e Sali Berishës pas zgjedhjeve të 11 majit.

Sipas Mërtirit, Berisha pritet të ndjekë të njëjtin skenar si katër vite më parë, me thirrje për protesta dhe bllokime rrugësh, por tashmë me një mbështetje shumë më të vogël.

Ai theksoi se Berisha ka dhjetëfishuar humbjen dhe se argumentet për vjedhje votash nuk e ndryshojnë realitetin e humbjes. Mërtiri e përshkroi PD-në si një parti të kthyer në “shoqatë”, ku mungon analiza reale e humbjes dhe mbizotërojnë figura pa kredenciale që varen nga Berisha për mbijetesë politike.

“Berisha do bëjë atë që ka bërë katër vite më parë, do të bëjë thirrje, do të bëjë protesta, do të bllokojë rrugët, por me shumë më pak veta sepse shumë pak besojnë tek ai. Ka dhjetëfishuar humbjen. Nuk ka rëndësi se sa vota mund të jenë vjedhur, kjo nuk ndryshon humbjen e Berishës.

Besoj se shumica e deputetëve janë në krah të Berishës, kjo është no sens. Ata që i shkojnë nga pas nuk kanë hall që të bëjnë PD-në fituese, por shikojnë interesin e vet. Berisha e ka marrë në rrugë qorre PD, po e kthen në një shoqatë.

PD nuk bën analizën reale, që është analiza e humbjes dhe jo ajo e vjedhjes. Sepse janë figura pa kredenciale, janë të varur nga Berisha sepse vetëm ashtu munde të mbijetojnë. Berisha ka qenë dhe është e keqja e kësaj opozite”, tha analisti./abcnews.al

Analisti dhe sociologu Ergys Mërtiri ka folur lidhur me debatin në në distancë mes kryeministrit Rama dhe deputetit populist britanik, Farage. Ai tha se nuk është problem se po prishet imazhi i shqiptarëve, por se problemi është se krimi favorizohet nga qeveria dhe ai eksportohet në vendet e tjera, siç është edhe Britania e Madhe. Mërtiri u shpreh se Rama po sillet sikur mbron shqiptarët, ndërsa ajo që duhet ta shqetësojë është fenomeni, rritja e kriminalitetit.

“Ky nuk është problem britanik, është problem i shqiptarëve, pse ne eksportojmë kriminalitet, sepse kjo lidhet me krimin këtu brenda dhe me mungesën e perspektivës për shumë të rinj.

Kryeministri shqiptar para se të hyjë në polemikë populiste, Rama po i përgjigjet populizmit të Farage me populizmin e vet. Rama po sillet sikur mbron shqiptarët, sikur po përleshet me albanofobët britanikë, ndërkohë që në thelb ajo që duhet të na shqetësojë është se a duhet të na shqetësojë ky fenomen. Ky fenomen nuk mund të jetë nëse krimi nuk gjen favorizim këtu në Shqipëri.

Kemi rritje të kriminalitetit këtu pa eksportojmë në vendet e tjera dhe kjo nuk ka të bëjë me imazhin e shqiptarëve, sepse shumica nuk shkojnë në Britani për të bërë shtëpi bari, apo për të vjedhur, por shkojnë për të punuar, për të marrë djersën e tyre. Krimi këtu nuk luftohet nga shteti dhe ky është problemi, thelbi”, tha Mërtiri.

The post Debati me Farage për emigrantët, analisti: Rama bën sikur mbron shqiptarët, nuk e shqetëson rritja e kriminalitetit appeared first on Sot News | Lajme.

Analisti dhe sociologu Ergys Mërtiri e vlerësoi me nota të larta nisjen e procesit gjyqësor ndaj ish-kryeministrit Sali Berisha për dosjen e ish-kompleksit “Partizani”. Sipas tij,  Berisha ka qenë i paprekshëm edhe kur ka qenë në opozitë dhe personi më i rëndësishëm i tranzicionit gjatë këtyre 35 viteve dhe kur nëse shkon ai përpara drejtësisë hapet rruga edhe për të tjerët.

“Së pari është goditur një i paprekshëm. Sali Berisha ka qenë i paprekshëm edhe kur ka qenë në opozitë, jo më kur ka qenë në opozitë dhe ka qenë personi më i rëndësishëm i tranzicionit gjatë këtyre 35 viteve dhe kur shkon ai përpara drejtësisë ky është një lajm i mirë, sepse hapet rruga edhe për të tjerët. Nëse dënohet Berisha hapet rruga që të dënohet edhe Rama. Nëse shpëton Berisha edhe Rama i ka mbyllur rrugët që ai të shkojë përpara drejtësisë.

Kjo është epokale për Shqipërinë. Në këto 35 vite kur nuk është dënuar asnjë drejtor dhe kur s’kanë patur mbështetje.

Është edhe precedenti se ti do të dënohesh edhe kur krijon skema korruptive. Rasti i ngjashëm është Erion Veliaj, që është kapur për një skemë korruptive me shumë aktorë.

Për SPAK-un është e rëndësishme sepse tregon besueshmëri se godet nga të dyja palët. Deri tani kemi parë një sërë njerëz nga Edi Rama dhe SPAK duhet të tregojë se është i paanshëm dhe tregon se SPAK e ka fuqinë t’i shkojë deri në fund”-tha Mërtiri.

The post “SPAK e ka fuqinë t’i shkojë deri në fund”, Mërtiri: Rënia e Berishës hap rrugën për dënimin e Ramës appeared first on Sot News | Lajme.

Manastiri 400-vjeçar i Spilesë në zonën e Lunxhërisë i është nënshtruar restaurimit dhe kthimit në identitet të vlerave religjioze dhe të trashëgimisë kulturore.

Ky objekt prej vitesh ishte gjysmë i rrënuar ndërkohë që projekti i restaurimit mundëson rijetësimin e elementëve dhe artefakteve, pjesë e arkitekturës së veçante të manastirit.

“Ky manastir daton në shekullin e XVII, ka përfunduar restaurimi i çatisë së hajatit dhe po punohet në çatinë e narteksit, problematikat kanë qenë të mëdha, ky manastir rrezikonte deri dhe shembjen por  kjo ndërhyrje po e sjell në identitet”, thotë Ardis Duka, drejtor i Drejtorisë së Trashëgimisë Kulturore.

Krahas evidentimit dhe rijetësimit të vlerave historike dhe ndërtimore të manastirit restaurimi synon kthimin e tij në një pikë të vizitueshme nga turistët të cilët shprehin interes dhe kërshëri për këtë objekt me moshë mbi 400-vjeçare.

“Ka ngjallur shpesh interesimin e vizitorëve por gjendja e këtij objekti ka qenë deri diku për të dëshiruar, aktualisht me këtë ndërhyrje këtij manastiri do ti kthehen dhe vlerat të cilat i ka pasur, por ka pasur rrezikshmëri për vizitorët, kërkesat dhe interesi i vizitorëve është i madh për këtë objekt por duke pasur parasysh largësinë e tij gjeografike nga rruga kryesore normalisht numri i vizitorëve është i ulët”, shprehet ai.

Përgjatë kësaj periudhe në rajonin e Gjirokastrës është ndërhyrë për restaurimin e objekteve të kultit që prezantojnë vlera historike dhe të trashëgimisë kulturore, si Xhamia e Pazarit apo edhe Teqeja e Melanit.

Tashmë turizmi religjioz po tërheq gjithmonë e më shumë të interesuar në rajonin e Gjirokastrës duke i kthyer objektet e kultit në pika të preferuara për turistët vendas dhe të huaj.

LEXONI GJITHASHTU:

• KFOR shton masat për mbrojtjen e Manastirit të Deçanit
• Manastiri i 40 shenjtorëve, një thesar arkeologjik që vizitohet nga turistët

The post Restaurohet manastiri 400-vjeçar në Lunxhëri, rijetësohen artefaktet appeared first on Euronews Albania.

Ekspertja për marrëdhëniet ndërkombëtare, Juxhina Sotiri e cilëson historik samitin e NATO-s në Hagë.

Në emisionin “Ballkan Update” në ABC News, Sotiri u shpreh se vendet aleate u dakordësuan për rritje të shpenzimeve të mbrojtjes në 5 përqind, teksa në botë ka disa vatra konflikti.

“Ky është një samit historik, që do rrisë buxhetet e mbrojtes në vendet aleate. Ky dakordësim vjen pikërisht edhe në vijim të mbledhjes së ministerialit të ministrive të Mbrojtjes. Mbrojtja është një nga diskutimet më të rëndësishme të kohës, teksa në glob kemi disa vatra konflikti. Ky do jetë transformimi më i madh që do pësojë NATO që pas Luftës së Ftohtë. Mënyra se si është shpërndarë 5 përqindshi, është tepër interesante. 3.5 përqind do shpenzohen për armatime, ndërsa 1.5 përqind për sektorë të lidhura me mbrojtjen. Me Trump, çdo gjë është e parashikueshme. Deklaratat e tij kanë edhe shumë retorikë brenda. Armëpushimi duket real për të dyja palët, Izraelin dhe Iranin. Khamenei nuk e ka të sigurt regjimin, duke parë pakënaqësitë nga poshtë.”, theksoi ai./abcnews.al

Deputeti i LVV-së, Agim Bahtiri ka reaguar rreth situatës politike në vend.

Bahtiri në një postim në Facebook, ka shkruar se mjaft është mjaft dhe se Kuvendi është kthyer në peng.

“Peng i inatit. Peng i llogarive. Peng i atyre që s’i dhimbset shteti. Mjaft më! Qytetarët nuk kanë votuar për bllokadë, por për shpresë. Jo për heshtje, por për zë të fuqishëm. Jo për pazare, por për shtet”, ka shkruar Bahtiri.

Deputeti iu drejtua partive tjera që në legjislaturën e kaluar ishin në opozitë.

“Reflektoni ose bëhuni përgjegjës për këtë turp historik! A ka më turp se sa një Kuvend me 100 deputetë shqiptarë që nuk arrin të zgjedhë institucionet e shtetit të vet?”, ka shkruar Bahtiri.

Bahtiri ka theksuar se Kosova nuk është lodër politike.

“Kosova është amanet i të parëve tanë, që kanë vdekur syhapur për të parë lirinë e kësaj toke që e kanë larë me gjak”, tha ai. /Telegrafi/

The post Bahtiri reagon ndaj ngërçit politik: Mjaft më, Kuvendi është kthyer në peng të inatit dhe pazareve politike appeared first on Telegrafi.

Pas një hetimi disa mujor, të martën u zhvillua operacioni anti-drogë i koduar “Qielli i Thyer”, i realizuar mbi bazën e urdhrit të Gjykatës Themelore në Prishtinë dhe me kërkesë të Prokurorisë Speciale të Republikës së Kosovës.

Si rezultat, u arrestuan 22 persona, mes tyre edhe Shemsi Bahtiri.

Ky arrestim shkaktoi reagime politike. Partia Demokratike e Kosovës (PDK) akuzoi Lëvizjen Vetëvendosje (LVV), duke e cilësuar Bahtirin si eksponent të kësaj partie dhe njeri të afërt me ministrin në detyrë, Xhelal Sveçla.

Edhe nga LVV reaguan duke e përjashtuar Bahtirin nga partia.

Lexo po ashtu PDK: Arrestimet në aksionin “Qielli i Thyer”, tregojnë lidhjet e krimit me VV-në

Ndërkohë, avokati i Shemsi Bahtirit, Fanol Krasniqi, reagoi përmes një postimi në Facebook, duke kritikuar mënyrën si është trajtuar ky rast në opinionin publik. Ai u shpreh se ndjen detyrimin profesional dhe etik për të kundërshtuar manipulimet dhe padrejtësitë që, sipas tij, janë bërë nga institucionet dhe një pjesë e mediave.

Krasniqi theksoi se Prokuroria Speciale, në kërkesën për caktimin e paraburgimit, nuk ka paraqitur asnjë provë konkrete që ta lidhë drejt për drejtë Bahtirin me ndonjë aktivitet kriminal.

“Për më tepër, përshkrimi i kërkesës së Prokurorisë është i përgjithshëm dhe i paqëndrueshëm në substancë. Megjithatë, një pjesë e mediave, me një papërgjegjësi të madhe profesionale, kanë shpërndarë tituj  të pavërtetë, duke e paraqitur Bahtiri si ‘boss të një grupi kriminal’. Dua të jem shumë i qartë: ky pretendim nuk ekziston askund në dyshimet-zyrtare të Prokurorisë. Është një shpikje e pastër mediatike që synon linçimin publik dhe njollosjen e imazhit të një qytetari për të cilin nuk ekziston asnjë provë konkrete”, tha ai.

Tutje avokati theksoi se bazuar në analizën e tij si avokat i Bahtirit dhe në përmbajtjen e kërkesës së Prokurorisë, konstaton se paraburgimi ndaj tij është vendosur në mënyrë INDIREKTE mbi dy lidhje që nuk mund të konsiderohen as provë, as argument juridik:

Që është baba i një të dyshuari me emër Brilant Bahtiri në këtë rast;

Që është shok dhe i afërt me disa anëtarë të Lëvizjes Vetëvendosje, pa qenë vetë pjesë apo aktivist i këtij subjekti.

“Nëse gjatë ndonjë hetimi ndaj djalit të tij Brilant Bahtiri – i cili është subjekt i veçantë në këtë çështje – z. Bahtiri është takuar me të, qoftë edhe nën masa të fshehta të ndjekjes, atëherë shtrohet pyetja thelbësore: Ku është krimi këtu? A është bërë ndonjë veprim i jashtëligjshëm vetëm pse një baba është takuar me birin e tij(Brilant Bahtiri)? A mund t’i mohohet një babai e drejta për të takuar fëmijën e vet, pa ditur nëse ai është apo jo nën hetim? “, ka shkruar ai.

Lexo po ashtu Vetëvendosje e përjashton nga partia aktivistin i cili u arrestua për trafikim droge

Sipas tij, askush nuk ka të drejtë ta deformojë apo ndalojë marrëdhënien natyrore, njerëzore dhe të pandashme mes babait dhe birit.

“Kjo është një lidhje që as ligji, as morali, as shoqëria nuk mund ta bëjnë objekt ndëshkimi. Nuk po kërkoj trajtim të veçantë. Po kërkoj drejtësi, drejtësi të pastër, pa paragjykime politike, pa presion publik dhe pa shtremberime mediatike. Nëse ndonjëherë provohet me fakte dhe prova reale përfshirja e z. Shemsi Bahtiri në ndonjë vepër penale, unë publikisht do të tërhiqem nga përfaqësimi i tij dhe do të shqyrtoj seriozisht tërheqjen nga profesioni i avokatit. Por derisa nuk ka asnjë provë, dhe derisa po trajtohet vetëm si baba i dikujt dhe shok i dikujt, ky rast është një dështim i rëndë i sistemit të drejtësisë dhe një abuzim mediatik i dëmshëm. Të jesh baba nuk është krim. Të jesh mik i dikujt nuk është bazë për ndalim. Të jesh i pafajshëm, derisa të vërtetohet e kundërta – kjo është e drejtë themelore, jo privilegj”, ka shkruar Krasniqi në Facebook.

Ndryshe, Gjykata Themelore në Prishtinë, Departamenti Special ka vendosur lidhur me kërkesën e Prokurorisë Speciale të Republikës së Kosovës, për caktimin e masës së paraburgimit në çështjen penale ndaj 22 të pandehurve, të dyshuar për përfshirje në vepra penale.

Lexo po ashtu U arrestuan gjatë operacionit "Qielli i thyer", caktohet masa e paraburgimit për 22 të dyshuarit për drogë dhe vepra tjera penale

Të pandehurit: R.N., A.K., R.B., A.I., A.Gj., E.I., Sh.B., A.V., B.Sh., E.E., R.V., R.B., A.R., E.B., A.M., K.D., O.V., L.T., K.B., K.A., Y.M. dhe S.L., të dyshuar për veprat penale Pjesëmarrja ose organizimi i grupit kriminal të organizuar nga neni 277 paragrafi 1 të KPRK, lidhur me veprën penale Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge nga neni 267 paragrafi 2 lidhur me paragrafin 1 të KPRK- së dhe veprën penale Shpërlarja e parave nga neni 302 lidhur me nenin 31 të KPRK, lidhur me nenin 56 paragrafi 1 të LPPPFT. /Telegrafi/

The post Paraburgim ndaj 22 personave nën dyshime për trafikim me drogë, reagon avokati i njërit prej tyre appeared first on Telegrafi.

Greqia dhe Egjipti kanë rënë dakord të mbrojnë statusin e njërit prej vendeve më të vjetra të adhurimit të krishterë në botë, thanë ministrat e jashtëm të të dy vendeve vonë të mërkurën, pasi një vendim i gjykatës egjiptiane javën e kaluar, hodhi pasiguri mbi të ardhmen e tij.

Manastiri i Shën Katerinës, në rrëzë të malit Sinai të Egjiptit, u themelua në shekullin e 6-të dhe është manastiri më i vjetër i krishterë që përdoret ende për funksionin e tij origjinal, thotë UNESCO, e cila e ka listuar zonën si një vend të Trashëgimisë Botërore.

I nderuar nga të krishterët, myslimanët dhe hebrenjtë, manastiri ndodhet në vendin ku sipas traditës biblike, Moisiu mori ‘Dhjetë Urdhëresat’.

Por javën e kaluar, një vendim gjykate egjiptiane, i parë nga Reuters, urdhëroi murgjit ortodoksë të lironin disa parcela toke që murgjit i kanë përdorur për vite me radhë, duke përfshirë vreshta dhe kopshte ngjitur me kompleksin e manastirit, me arsyetimin se ato ishin sekuestruar në mënyrë të paligjshme, duke shkaktuar një stuhi diplomatike midis Kajros dhe Athinës, lidhur me statusin e vendit.

“Ne ramë dakord që në të ardhmen e afërt të punojmë për mbrojtjen e të drejtave të manastirit, si dhe statusin e tij ligjor”, tha Ministri i Jashtëm Grek, George Gerapetritis, pasi u takua me homologun e tij egjiptian, Badr Abdelatty, në Kajro.

“Si Egjipti ashtu edhe Greqia synojnë të ecin përpara, bazuar në traditën e gjatë dhe statusin tashmë të vendosur të një manastiri emblematik për karakterin e tij ortodoks grek të adhurimit”.

Abdelatty tha se vendimi ruan vlerën e thellë shpirtërore dhe qëndrimin fetar të manastirit, dhe konfirmoi se murgjit do të vazhdojnë të kenë qasje dhe të përdorin manastirin dhe vendet e tij fetare dhe historike, sipas një deklarate të ministrisë së jashtme.

Me një histori të gjatë të marrëdhënieve diplomatike, Greqia dhe Egjipti kanë thelluar bashkëpunimin në vitet e fundit .
Shën Katerina është një kompleks i gjerë dhe sipas traditës u ndërtua rreth një kaçubeje që digjej, ku thuhet se Zoti i foli Moisiut, siç përshkruhet në Librin e Eksodit. Biblioteka e saj është një nga më të gjerat në botë, duke përmbajtur disa nga dorëshkrimet më të hershme të krishtera në botë./ Reuters.

The post Pjesë e UNESCO-s/ Egjipti dhe Greqia bien dakord të mbrojnë statusin e manastirit të Malit Sinai appeared first on Albeu.com.

Analisti Ergys Mërtiri, i ftuar në një emision televiziv, deklaroi se kontradiktat kanë qenë gjithmonë pjesë e mënyrës së veprimit të Sali Berishës dhe vazhdojnë të bashkëjetojnë me të edhe sot. Sipas tij, këto kundërthënie nuk shkaktojnë më asnjë reagim brenda Partisë Demokratike.

Duke komentuar qëndrimet e Adriana Kalasë, e cila ka sugjeruar largimin nga PD pas pretendimeve për manipulim të votave preferenciale, Mërtiri u shpreh se një tjetërsim i tillë nuk mund të ndodhte pa dijeninë e Berishës.
“Nëse janë vjedhur vota, janë vjedhur nga Berisha dhe njerëzit e tij. Kalaja po kërkon hakun e vet, sepse ajo ka bërë për Berishën atë që rrallëkush ka bërë. Fakti që ajo çuditet është se pse Berisha e flaku jashtë. Por Berisha këtë punë ka bërë për më shumë se 30 vjet”, tha ai.

Mërtiri theksoi gjithashtu se demokratët nuk mund të presin një reformim të vërtetë të partisë pa një ndarje të qartë me figurën e ish-kryeministrit.
“PD nuk mund të pastrohet pa u larguar Berisha. Ai është personi që i mban të gjitha lidhjet dhe influencat. Nëse janë vjedhur vota për një kandidat apo një tjetër, kjo nuk ka ndodhur pa dijeninë dhe miratimin e tij”, u shpreh analisti.

Ai kritikoi gjithashtu mungesën e reagimit të Kalasë në drejtim të vetë Berishës, duke e konsideruar të paplotë analizën e saj mbi situatën në PD.

The post ‘PD nuk pastrohet pa largimin e Berishës’, Mërtiri: Nëse ka patur vjedhje votash, nuk janë bërë pa “bekimin” e tij appeared first on Sot News | Lajme.

Analisti Ergys Mërtiri thotë se PD ndodhet në krizë të vazhdueshme.

Në një intervistë për “Tirana Live” në ABC News, Mërtiri u shpreh se PD, nëse nuk do të reformohet, do të shkojë drejt shkatërrimit.

“Kjo është shfaqje e krizës, e bllokuar. Berisha, para zgjedhjeve, vuan psikologjinë e armikut, ai që ngre zërin para zgjedhjeve, konsiderohet se i shërben armikut. Tani, njerëzit kërkojnë llogaritë e veta. Është një parti në krizë të vazhdueshme. Gjasat që kjo parti të fitojë, janë të pamundura. A do ketë njerëz brenda, të ketë kurajo, vlen ta shohim. Por me Berishën në krye, nuk mund të fitohet kurrë. Është frika se mos Berisha i përjashton nga partia. Berisha kërkon të shmangë përgjegjësitë dhe nuk pranon të largohet. Ai po kërcënon tashme, me idenë e një beteje, për votën e lirë. Ai nuk bën protesta, e sheh që nuk ka pjesëmarrje”, theksoi ai./abcnews.al

Që pas pjesëmarrjes në “Big Brother VIP 4”, Tiri Gjoci dhe Krisa Caushi kanë fituar shumë popullaritet dhe fansa.

Këngëtari i njohur është mjaft aktiv në rrjetet sociale, ku promovon projektet e tij të reja muzikore dhe jo vetëm. Ai poston edhe foto e video nga përditshmëria e tij.

Së fundmi, ish-banori i shtëpisë më të famshme në Shqipëri ka bërë një bashkëbisedim virtual me ndjekësit e tij në “Instagram”. Pyetjet kanë qenë të shumta dhe sigurisht nuk kanë munguar ato në lidhje me BBV apo për partneren e tij, Krisën.

“A do e kishe zëvendësuar Krisën me një vajzë shumë të pasur?”.

E këngëtari i ka kthyer përgjigjen më të bukur që një vajzë do donte të dëgjonte nga partneri i saj.

“Krisa është vajza më e pasur që njoh”, i është përgjigjur Tiri pyetjes së ndjekësit.

The post FOTO/ “A do e zëvendësoje Krisën me një vajzë shumë të pasur?” Ja si përgjigjet Tiri appeared first on Albeu.com.

Këngëtari i njohur shqiptar, Tiri Gjoci, ka bërë së fundmi një bashkëbisedim me ndjekësit në Instagram.

Fansat kanë patur mundësinë që t’i bëjnë pyetje të ndryshme dhe në mënyrë anonime.
E sigurisht që nuk mund të mungonin as pyetjet në lidhje me rrugëtimin e tij në Big Brother VIP 4 dhe raportin me ish-banorët e shtëpisë më të famshme në Shqipëri.

Një ndjekës e ka pyetur këngëtarin nëse ka kontakt me Gjestin, fituesin e këtij edicioni.

“A ke kontakt me Gjestin? Ai të ka vlerësuar gjithmonë për artin që ti bën në Big, ju të dy na keni kënaqur mbrëmjeve kur këndonit”, ishte pyetja që iu parashtrua.

Ndërkohë ish-banori iu përgjigj: “Jemi kënaqur dhe ne bashkë me ju. Për momentin secili po merret me planet individuale”.

Gjesti nga ana tjetër ka vazhduar me koncerte nëpër vende të ndryshme në Evropë.

The post “A ke kontakt me Gjestin?”, flet Tiri Gjoci për raportet pas Big Brother VIP Albania appeared first on Albeu.com.

Fitorja e socialistëve në zgjedhjet e majit në Shqipëri nuk ishte aspak surprizë; megjithatë, pak veta mund ta imagjinonin se demokratët do të humbisnin kaq keq. Partia Demokratike fitoi 50 nga 140 vendet e parlamentit, shumë larg socialistëve të kryeministrit Edi Rama, të cilit me 83 vende, i duhet vetëm një shumicë e madhe për […]

The post Pas zgjedhjeve në Shqipëri: Partia Demokratike ka nevojë për “njerëz të rinj” appeared first on Reporter.al.

Një prej personave për të cilin autoritetet italiane lëshuan masën “arrest në burg”, pas operacionit “Ura”, ishte edhe shtetasi Redi Tusha, vëllai i Ervis Tushës, nga Shijaku.

Tusha është njëri prej truprojave të Sali Berishës, i cili shihet shpesh në daljet e tij publike, sidomos gjatë protestave.

Analisti Ergys Mërtiri në emisionin “Real Story” në ABC News, u shpreh se ish-kryeministri Sali Berisha sipas tij ka lidhje me grupet kriminale. Ndërsa për zgjedhjet parlamentare të mbajtur më 11 majit, ai tha se ka qenë një proces i qetë për ndryshim nga viti 2021 ku theksoi se niveli i përfshirjes së grupeve kriminale ka qenë më i lartë.

“Që Berisha ka lidhje me grupet kriminale kjo ka dalë edhe tek arsyer përse është non grata te Britania e Madhe. Dhe kjo nuk të habit. Ndërsa për zgjedhjet mund të them se kanë qenë më të qeta edhe për shkak se SPAK ka qenë nëpër këmbë. Por edhe fakti se rezultati ishte i dukshëm dhe i qartë. Të bëjmë dallimin me vitin 2021 ku ka qenë niveli më i lartë i përfshirjes së grupeve kriminale në zgjedhje. Pati përplasje…Në Elbasan pati edhe të vrarë. Pra këtë herë nuk pamë situata të tilla. Unë bëj habi që edhe këto raste që po hetohen nuk duhet të ishin për shkak se edhe rezultati ishte i qartë”, tha Mërtiri.

/abcnews.al/

Analisti Ergys Mërtiri foli për hetimet për krimet zgjedhore.

Gjatë intervistës në emisionin “Real Story” në ABC News, ai tha se SPAK është një institucion që heton vjedhjen.

Gjithashtu nënvizoi se ka dhjetëra raste që SPAK po heton sa i përket krimeve zgjedhore.

“SPAK nuk është institucion që të pengojë vjedhje votash. Por në thelb është ai që heton vjedhjen. Masa parandaluese ka të bëjë me frikësimin. Por ka dhjetëra raste që SPAK po heton. Edhe nga PS ka individë edhe nga PD. Nuk shoh që SPAK është treguar selektiv. Por them që SPAK do hetojë edhe në bazë të kallëzimeve që ka…”, tha mes të tjerash ai.

/abcnews.al/