Analisti Ergys Mërtiri u shpreh se figurat e votuara në PD si Ilir Alimehmeti apo edhe Jorida Tabaku duke qëndruar pas Sali Berishës, nuk kanë për të fituar kurrë.

Gjatë intervistës, në emisionin “Real Story” në ABC News u shpreh se duhet një “Foltore” kundër doktorit.

“Duke qëndruar pas doktori nuk kanë për të fituar kurrë. Alimehmeti nuk ka për të fituar kurrë. Duhet të bashkohen kundër doktorrit…Kështu si janë, janë thjesht vartës së një kauzë të humbur. Duhet foltore kundër doktorit”, tha Mërtiri.

Nga ana e tij eksperti ligjor Indrit Sefa, tha se i detyrohen demokratëve që të mbajnë një qëndrim dhe të bëjnë bashkë Partinë Demokratike që presin demokratët.

Ndërsa analisti Roland Bejko u shpreh se në rast se do të prevalonte ideali, atëherë figurat që morën më shumë vota nga demokratët, do të dilnin edhe kundër Berishës që shihet si figura që po e dëmton PD.

Pjesë nga biseda në studio:

Bejko: U mbështetën mbi parime, mbi moralin, ndërkombëtarët, moralin. Humbëm na mundi. Ne ikëm me njollën se u ndamë nga Saliu. Ndërsa Lapaj kishte avantazhin se ishin të rinj.

Mërtiri: Berisha nuk është i fortë. Në momentin që njerëzit perceptojnë se nuk e mund dot Ramës, atëherë nuk vlen. Ndaj duhet që forca të reja duhet të grumbullojnë të gjithë votat që mos shkojnë te Berisha.

Sefa: A i ke parë të gjithë eksponentët dhe që kanë marrë vota në listë të hapur. Thonë të ikin të gjithë, por ai jo (Berisha). Ai duhet të reformojë PD.

Bejko: Ky kontigjent votuesish nëse nuk do gjente Joridën, Alimehmetit, apo Aulon Kalanë, ose do qëndronin në shtëpi, por vota Berishës nuk do i jepnin. Pra në rast se këto vota që i kanë shkuar Lapaj dhe Shabanit për shkak se donin një figurë të re…po të ndodhë në zgjedhjet e ardhshme Berisha po ndryshoi strategji, mund të kthehen votat, lëre pastaj po të ikën Berisha, mund të jetë edhe më mirë. Ata kanë marrë vota të demokratëve që janë për PD, por jo për Saliun. Po të prevalojnë interesat e idealit, del kundër Berishës, por kërkon këllqe dhe besim te vetja. Ata nuk kanë besim te vetja.

Sefa: Edhe për detyrimin që i kanë demokratëve, duhet të mbajnë një qëndrim për atë që ka ndodhur. Por ata kanë detyrimin të dalin përballë dhe të bëjnë PD.

/abcnews.al/

Analisti Ergys Mërtiri ka bërë një koment të drejtpërdrejtë dhe kritik lidhur me situatën e brendshme në Partinë Demokratike dhe figurën e liderit historik të saj, Sali Berisha. Në një intervistë për “Tirana Live” në ABC News, Mërtiri analizoi zhvillimet e fundit politike në PD, duke theksuar se Berisha ka qenë gjithmonë në qendër të vendimmarrjes, edhe kur formalisht nuk ka qenë në krye të partisë.

Sipas tij, Berisha ka ndërtuar një model të qëndrueshëm kontrolli personal mbi strukturat e PD-së dhe nuk ka treguar asnjë shenjë vullneti për t’u tërhequr nga skena politike, madje edhe në kushtet kur, sipas statutit të vetë partisë, ai konsiderohet i shkarkuar.

“Berisha ka qenë dhe do që të jetë i përjetshëm edhe kur vendosi Bashën kryetar ka qenë gjithmonë pas perdes. Berisha po tregohet qartë që është një lider që nuk pranon që të ikë nga politika në asnjë mënyrë, ai pranon të jetë edhe kur shkatërron partinë e vet. Nuk mund të ketë nen statuti që e largon, kur nuk e largojnë kushtet reale, nuk ka nen që e largon.”

Mërtiri solli në vëmendje edhe paradokset në qëndrimet e Berishës, të cilat sipas tij ndryshojnë në varësi të rrethanave politike, si dhe mungesën e reformës dhe modernizimit në parti për gati katër dekada. Ai theksoi se Partia Demokratike sot ndodhet në një krizë të thellë identiteti dhe funksionaliteti, pikërisht për shkak të qëndrimit të gjatë të një lideri të vetëm në krye.

“Statuti u fut në vitin 2021 kur futi Lulzim Bashën, dhe këtë gjë e tha me idenë që lideri i ardhshëm të mos ankohej për vjedhjen e zgjedhjeve, kurse tani që është vetë thotë që Bashës nuk ia vodhën dhe mua mi vodhën. Berisha nuk largohet edhe sikur zgjedhjet të ishin më të mirat që janë bërë ndonjëherë. Këto janë thjeshte sebepe, sepse statuti e thotë qartë. Praktikisht sot Berisha është i shkarkuar sipas statutit.  Berisha në 35 vite ka thënë që do e modernizojë partinë dhe këtë gjë nuk e ka bërë në 35 vite. Kjo është sindroma e një lideri që nuk ndryshon, ndërkohë që gjërat dhe koha ka ndryshuar. Këtu tregon që kjo parti ka një problem të madh reformimi, dhe sigurisht që nuk mund të reformohet kur mban për 35 vite të njëjtin lider. Kjo parti është zhytur në një pikë ku pikësëpari ka humbur arsyen.”

Në vijim, analisti trajtoi edhe tendencën e Berishës për të etiketuar si “armiq” apo “të shitur” çdo figurë që del jashtë rrethit të tij të ngushtë, përfshirë edhe persona apo institucione që në të kaluarën kanë qenë në favor të Partisë Demokratike. Si shembull, Mërtiri përmendi kryetarin e KQZ-së, Ilirjan Celibashi, për të cilin tha se ka marrë disa vendime që kanë përmbushur kërkesat e PD-së, por që gjithsesi është bërë objekt sulmesh nga Berisha.

“Berisha bën atë që ka bërë gjithmonë, akuzon këdo që i del përpara, këdo që nuk është në oborrin e tij dhe e konsideron të shitur. Në fakt Celibashi më shumë ka qenë në krah të PD, në çdo vendim që ka marrë. Celibashi hoqi votimin elektronik vetëm se e kërkoi PD. Po, Berisha këtë gjë ka bërë gjithmonë, ka sulmuar gjithmonë ata që i kanë shërbyer.”/abcnews.al

Andi Bushati dhe Ergys Mërtiri kanë debatuar në emisionin “Të Paekspozuarit” në MCN TV, lidhur me SPAK dhe hetimet për politikanët e lartë. Bushati tha se SPAK duhet të mbyllet nëse nuk heton Edi Ramën, ndërsa Mërtiri deklaroi se ka vend për kritika, por SPAK ka goditur politikanë nga të dy krahët politikë, madje tha se ka goditur më shumë te qeveria.

Debati:

Ergys Mërtiri: Për mua ndikon, edhe hetimi i Berishës në zgjedhje ka ndikuar, por ka ndikuar edhe hetimi i njerëzve të Ramës. Nuk mund të themi që SPAK ndikon kur heton Berishën, por nuk ndikon kur heton Veliajn. Ajo që ka provuar SPAK, është që kemi të bëjmë me dy palë hajdutë, të vjetërit dhe të rinjtë. Ky është mesazhi që ka nxjerrë publiku nga kjo. Kush ia ka fajin opozitës, që nuk reformohet dhe nuk largon ata persona që janë në hetim?

Andi Bushati: Jo nuk po flasim për opozitën, i ka të gjithë fajet opozita, por nuk po flasim për opozitën.

Ergys Mërtiri: Mos ta hetojë SPAK Berishën vetëm se është në krye të opozitës?

Andi Bushati: Në çdo studio, kur nuk ka argument thuhet “opozitë e poshtër”.

Ergys Mërtiri: Ne po themi që SPAK ka ndikuar në zgjedhje duke arrestuar. Nuk e mohoj që patjetër që hetimi që i bëhet kreut të opozitës ndikon në zgjedhje.

Andi Bushati: Shkatërroi parti me 100 e ca mijë vota. Ilir Metën, që parti personale është ajo.

Ergys Mërtiri: Unë nuk e quaj shkatërrim të opozitës që hetohet Meta.

Andi Bushati: Ikën ato vota.

Ergys Mërtiri: Të gjithë te Rama shkojnë këto? Ajo parti po vajti lideri në burg, këta pastaj shkojnë te Rama? Po ajo nuk qenka parti. Pra SPAK ka ndikuar që një klient i opozitës të ikë.

Andi Bushati: Po godite vetëm klientelistët e njërës palë, fiton ky klientelisti tjetër, kaq bën SPAK-u.

Ergys Mërtiri: Po godet më shumë klientelistët e palës në pushtet, ka futur me dhjetëra, qindra njerëz të Ramës në burg.

Andi Bushati: A e pe çfarë bëri Belinda Balluku në Fier? U dobësua pushteti? Rezultati i Fierit është korruptimi i opozitës dhe paaftësia e saj për t’u rinovuar, nuk është Belinda Balluku? Hajde hajdeeeee….. Mirë, po shkuam deri këtu…

Ergys Mërtiri: Jam dakord që mund të bësh kritika.

Andi Bushati: Unë nuk bëj kritika, se kritika është kur e respekton, unë them është mashë e Ramës, nuk e kritikoj, e denoncoj.

Ergys Mërtiri: Elementet që ti kap i merr si fakte të shitjes, ndërkohë unë po them që SPAK ka goditur të dy dhe më shumë qeverinë, por në kushtet kur qeveria dhe opozita janë të dyja të kompromentuara, fiton qeveria, sepse luhet mes dy palëve të korruptuara, pa moral dhe fiton ai që ësht ënë pushtet. SPAK nuk mundet ti lejojë vetes të mos e hetojë opozitën vetëm që ta lërë balancën nga krahu tjetër. Si do të hetohet Berisha, kur ai rri gjithë jetën në pushtet?

Andi Bushati: Kjo opozitë, e korruptuar, e parinovuar dhe me një fashist si Beleri fitoi zgjedhjet. Hyri SPAK, ia mori, bënë zgjedhje pas një viti e gjysëm dhe fitoi Rama. Këto janë zgjedhjet në Shqipëri.

***

Andi Bushati: Është skandal inceneratori? SPAK mund ta merrte Ramën një herë në pyetje? Gjënë më të thjeshtë.

Ergys Mërtiri: Supozojmë se SPAK ka frikë ta marrë.

Andi Bushati: Mbyllet! Mbyllet! Sepse ai është kryehajduti, po nuk kape kryebanditin, të mbyllet!

Ergys Mërtiri: Ti thua po nuk godite Ramën, je i shitur te Rama? Ç’është kjo? A ke shkallë të mesme ti nga e bardha te e zeza?

Andi Bushati: E di që jetojmë në një shoqëri që ësht tabu të mendosh se mund të merret Rama nën hetim. Për nderin e tij, thjesht ta merrte njehëre në pyetje, atë që i kërkon Albin Kurti, të mos e thërrasin në SPAK, t’i shkojnë në zyrë, ta respektojnë, por ta pyesin.

Ergys Mërtiri: Mendoj se mund të ketë edhe përshkallëzim, mund të shkojnë te Rama, por supozojmë se kanë frikë.

Andi Bushati: Janë minj bodrumesh pra.

Ergys Mërtiri: Ti thua ose je hero, ose mi bodrumesh, nuk ka asgjë midis heroit dhe frikacakut.

Andi Bushati: Bëj detyrën, ti si gazetar, po pate frikë të kritikosh Ramën, unë prap mi bodrumesh do të them, sepse njeriu kur del të bëjë një punë…

Ergys Mërtiri: Nuk është kështu, ai ka patur kurajon që shokët e Ramës, njerëzit e Ramës, projektet e Ramës, i ka çuar në burg.

Andi Bushati: Ahmetajn që i dha urdhër Rama.

The post Debati për SPAK/ Bushati: Janë minj bodrumesh, nëse nuk kapet kryebanditi, të mbyllet! Mërtiri: SPAK ka goditur qeverinë! appeared first on Albeu.com.

Për ditë me radhë një re e madhe tymi përfshiu qytetin e Elbasanit. Në vendepozitimin e mbetjeve, pjesë e objektit të inceneratorit, flakë të mëdha shkrumbuan plehrat e grumbulluara prej muajsh, të supozuara që të diferencoheshin e një pjesë e tyre të digjeshin në incinerator.  Mbetjet e 7 bashkive të këtij qarku u dogjën, me […]

The post Elbasani, Fieri e Tirana në prag të emergjencës mjedisore/ Si u zhdukën 150 mln euro të inceneratorëve appeared first on BoldNews.al.

Në një intervistë për “Tirana Live” në ABC Neës, analisti politik Ergys Mërtiri komentoi zhvillimet e fundit në Partinë Demokratike dhe rolin e Sali Berishës pas zgjedhjeve të 11 majit.

Sipas Mërtirit, Berisha pritet të ndjekë të njëjtin skenar si katër vite më parë, me thirrje për protesta dhe bllokime rrugësh, por tashmë me një mbështetje shumë më të vogël.

Ai theksoi se Berisha ka dhjetëfishuar humbjen dhe se argumentet për vjedhje votash nuk e ndryshojnë realitetin e humbjes. Mërtiri e përshkroi PD-në si një parti të kthyer në “shoqatë”, ku mungon analiza reale e humbjes dhe mbizotërojnë figura pa kredenciale që varen nga Berisha për mbijetesë politike.

“Berisha do bëjë atë që ka bërë katër vite më parë, do të bëjë thirrje, do të bëjë protesta, do të bllokojë rrugët, por me shumë më pak veta sepse shumë pak besojnë tek ai. Ka dhjetëfishuar humbjen. Nuk ka rëndësi se sa vota mund të jenë vjedhur, kjo nuk ndryshon humbjen e Berishës.

Besoj se shumica e deputetëve janë në krah të Berishës, kjo është no sens. Ata që i shkojnë nga pas nuk kanë hall që të bëjnë PD-në fituese, por shikojnë interesin e vet. Berisha e ka marrë në rrugë qorre PD, po e kthen në një shoqatë.

PD nuk bën analizën reale, që është analiza e humbjes dhe jo ajo e vjedhjes. Sepse janë figura pa kredenciale, janë të varur nga Berisha sepse vetëm ashtu munde të mbijetojnë. Berisha ka qenë dhe është e keqja e kësaj opozite”, tha analisti./abcnews.al

Analisti dhe sociologu Ergys Mërtiri ka folur lidhur me debatin në në distancë mes kryeministrit Rama dhe deputetit populist britanik, Farage. Ai tha se nuk është problem se po prishet imazhi i shqiptarëve, por se problemi është se krimi favorizohet nga qeveria dhe ai eksportohet në vendet e tjera, siç është edhe Britania e Madhe. Mërtiri u shpreh se Rama po sillet sikur mbron shqiptarët, ndërsa ajo që duhet ta shqetësojë është fenomeni, rritja e kriminalitetit.

“Ky nuk është problem britanik, është problem i shqiptarëve, pse ne eksportojmë kriminalitet, sepse kjo lidhet me krimin këtu brenda dhe me mungesën e perspektivës për shumë të rinj.

Kryeministri shqiptar para se të hyjë në polemikë populiste, Rama po i përgjigjet populizmit të Farage me populizmin e vet. Rama po sillet sikur mbron shqiptarët, sikur po përleshet me albanofobët britanikë, ndërkohë që në thelb ajo që duhet të na shqetësojë është se a duhet të na shqetësojë ky fenomen. Ky fenomen nuk mund të jetë nëse krimi nuk gjen favorizim këtu në Shqipëri.

Kemi rritje të kriminalitetit këtu pa eksportojmë në vendet e tjera dhe kjo nuk ka të bëjë me imazhin e shqiptarëve, sepse shumica nuk shkojnë në Britani për të bërë shtëpi bari, apo për të vjedhur, por shkojnë për të punuar, për të marrë djersën e tyre. Krimi këtu nuk luftohet nga shteti dhe ky është problemi, thelbi”, tha Mërtiri.

The post Debati me Farage për emigrantët, analisti: Rama bën sikur mbron shqiptarët, nuk e shqetëson rritja e kriminalitetit appeared first on Sot News | Lajme.

Analisti dhe sociologu Ergys Mërtiri e vlerësoi me nota të larta nisjen e procesit gjyqësor ndaj ish-kryeministrit Sali Berisha për dosjen e ish-kompleksit “Partizani”. Sipas tij,  Berisha ka qenë i paprekshëm edhe kur ka qenë në opozitë dhe personi më i rëndësishëm i tranzicionit gjatë këtyre 35 viteve dhe kur nëse shkon ai përpara drejtësisë hapet rruga edhe për të tjerët.

“Së pari është goditur një i paprekshëm. Sali Berisha ka qenë i paprekshëm edhe kur ka qenë në opozitë, jo më kur ka qenë në opozitë dhe ka qenë personi më i rëndësishëm i tranzicionit gjatë këtyre 35 viteve dhe kur shkon ai përpara drejtësisë ky është një lajm i mirë, sepse hapet rruga edhe për të tjerët. Nëse dënohet Berisha hapet rruga që të dënohet edhe Rama. Nëse shpëton Berisha edhe Rama i ka mbyllur rrugët që ai të shkojë përpara drejtësisë.

Kjo është epokale për Shqipërinë. Në këto 35 vite kur nuk është dënuar asnjë drejtor dhe kur s’kanë patur mbështetje.

Është edhe precedenti se ti do të dënohesh edhe kur krijon skema korruptive. Rasti i ngjashëm është Erion Veliaj, që është kapur për një skemë korruptive me shumë aktorë.

Për SPAK-un është e rëndësishme sepse tregon besueshmëri se godet nga të dyja palët. Deri tani kemi parë një sërë njerëz nga Edi Rama dhe SPAK duhet të tregojë se është i paanshëm dhe tregon se SPAK e ka fuqinë t’i shkojë deri në fund”-tha Mërtiri.

The post “SPAK e ka fuqinë t’i shkojë deri në fund”, Mërtiri: Rënia e Berishës hap rrugën për dënimin e Ramës appeared first on Sot News | Lajme.

Analisti Ergys Mërtiri, i ftuar në një emision televiziv, deklaroi se kontradiktat kanë qenë gjithmonë pjesë e mënyrës së veprimit të Sali Berishës dhe vazhdojnë të bashkëjetojnë me të edhe sot. Sipas tij, këto kundërthënie nuk shkaktojnë më asnjë reagim brenda Partisë Demokratike.

Duke komentuar qëndrimet e Adriana Kalasë, e cila ka sugjeruar largimin nga PD pas pretendimeve për manipulim të votave preferenciale, Mërtiri u shpreh se një tjetërsim i tillë nuk mund të ndodhte pa dijeninë e Berishës.
“Nëse janë vjedhur vota, janë vjedhur nga Berisha dhe njerëzit e tij. Kalaja po kërkon hakun e vet, sepse ajo ka bërë për Berishën atë që rrallëkush ka bërë. Fakti që ajo çuditet është se pse Berisha e flaku jashtë. Por Berisha këtë punë ka bërë për më shumë se 30 vjet”, tha ai.

Mërtiri theksoi gjithashtu se demokratët nuk mund të presin një reformim të vërtetë të partisë pa një ndarje të qartë me figurën e ish-kryeministrit.
“PD nuk mund të pastrohet pa u larguar Berisha. Ai është personi që i mban të gjitha lidhjet dhe influencat. Nëse janë vjedhur vota për një kandidat apo një tjetër, kjo nuk ka ndodhur pa dijeninë dhe miratimin e tij”, u shpreh analisti.

Ai kritikoi gjithashtu mungesën e reagimit të Kalasë në drejtim të vetë Berishës, duke e konsideruar të paplotë analizën e saj mbi situatën në PD.

The post ‘PD nuk pastrohet pa largimin e Berishës’, Mërtiri: Nëse ka patur vjedhje votash, nuk janë bërë pa “bekimin” e tij appeared first on Sot News | Lajme.

Analisti Ergys Mërtiri thotë se PD ndodhet në krizë të vazhdueshme.

Në një intervistë për “Tirana Live” në ABC News, Mërtiri u shpreh se PD, nëse nuk do të reformohet, do të shkojë drejt shkatërrimit.

“Kjo është shfaqje e krizës, e bllokuar. Berisha, para zgjedhjeve, vuan psikologjinë e armikut, ai që ngre zërin para zgjedhjeve, konsiderohet se i shërben armikut. Tani, njerëzit kërkojnë llogaritë e veta. Është një parti në krizë të vazhdueshme. Gjasat që kjo parti të fitojë, janë të pamundura. A do ketë njerëz brenda, të ketë kurajo, vlen ta shohim. Por me Berishën në krye, nuk mund të fitohet kurrë. Është frika se mos Berisha i përjashton nga partia. Berisha kërkon të shmangë përgjegjësitë dhe nuk pranon të largohet. Ai po kërcënon tashme, me idenë e një beteje, për votën e lirë. Ai nuk bën protesta, e sheh që nuk ka pjesëmarrje”, theksoi ai./abcnews.al

Fitorja e socialistëve në zgjedhjet e majit në Shqipëri nuk ishte aspak surprizë; megjithatë, pak veta mund ta imagjinonin se demokratët do të humbisnin kaq keq. Partia Demokratike fitoi 50 nga 140 vendet e parlamentit, shumë larg socialistëve të kryeministrit Edi Rama, të cilit me 83 vende, i duhet vetëm një shumicë e madhe për […]

The post Pas zgjedhjeve në Shqipëri: Partia Demokratike ka nevojë për “njerëz të rinj” appeared first on Reporter.al.

Një prej personave për të cilin autoritetet italiane lëshuan masën “arrest në burg”, pas operacionit “Ura”, ishte edhe shtetasi Redi Tusha, vëllai i Ervis Tushës, nga Shijaku.

Tusha është njëri prej truprojave të Sali Berishës, i cili shihet shpesh në daljet e tij publike, sidomos gjatë protestave.

Analisti Ergys Mërtiri në emisionin “Real Story” në ABC News, u shpreh se ish-kryeministri Sali Berisha sipas tij ka lidhje me grupet kriminale. Ndërsa për zgjedhjet parlamentare të mbajtur më 11 majit, ai tha se ka qenë një proces i qetë për ndryshim nga viti 2021 ku theksoi se niveli i përfshirjes së grupeve kriminale ka qenë më i lartë.

“Që Berisha ka lidhje me grupet kriminale kjo ka dalë edhe tek arsyer përse është non grata te Britania e Madhe. Dhe kjo nuk të habit. Ndërsa për zgjedhjet mund të them se kanë qenë më të qeta edhe për shkak se SPAK ka qenë nëpër këmbë. Por edhe fakti se rezultati ishte i dukshëm dhe i qartë. Të bëjmë dallimin me vitin 2021 ku ka qenë niveli më i lartë i përfshirjes së grupeve kriminale në zgjedhje. Pati përplasje…Në Elbasan pati edhe të vrarë. Pra këtë herë nuk pamë situata të tilla. Unë bëj habi që edhe këto raste që po hetohen nuk duhet të ishin për shkak se edhe rezultati ishte i qartë”, tha Mërtiri.

/abcnews.al/

Analisti Ergys Mërtiri foli për hetimet për krimet zgjedhore.

Gjatë intervistës në emisionin “Real Story” në ABC News, ai tha se SPAK është një institucion që heton vjedhjen.

Gjithashtu nënvizoi se ka dhjetëra raste që SPAK po heton sa i përket krimeve zgjedhore.

“SPAK nuk është institucion që të pengojë vjedhje votash. Por në thelb është ai që heton vjedhjen. Masa parandaluese ka të bëjë me frikësimin. Por ka dhjetëra raste që SPAK po heton. Edhe nga PS ka individë edhe nga PD. Nuk shoh që SPAK është treguar selektiv. Por them që SPAK do hetojë edhe në bazë të kallëzimeve që ka…”, tha mes të tjerash ai.

/abcnews.al/

Deputetja e zgjedhur e listës së mbyllur të Tiranës, Ilir Luarasi, e ftuar në një emision televiziv debatoi me analistin dhe sociologun Ergys Mërtiri për premtimet e partive të reja gjatë fushatës elektorale.

Pjesë nga debati

Luarasi: Ergys ti e di që populli votues do të shohë rezultate që të të japë votën. Nëse ti del në studio, përfaqëson një parti të re dhe thua se kur të vij në pushtet do t’u rris pensionet, më thuaj si do t’ua rritësh pensionet me 2-3 vetë që fiton në parlament?

Mërtiri: Rama çfarë ka bërë? Kështu ka thënë kur ishte në opozitë, do t’u rris pensionet etj.

Luarasi: Patjetër por Rama ishte forcë që merrte qeverinë dhe ndryshonte ligjet dhe rriste pensionet dhe rrogat. Më shpjego cila nga partitë e reja, me gjithë premtimet e tyre që kur i pyesnin nëse keni politikë për gratë, thonin, po, po e kemi. Si qenkan këta që e paskan të gjitha në program.

Mërtiri: Me kryeministrin që ka 20-30 njerëz në burg.

Luarasi: Problemi është se njerëzit e hedhin votën për dikë që do t’i ndryshojë diçka brenda marzhit të tyre të mendimit. Kur më vjen ti me zero mandate dhe më thua unë do të rris pensionet dhe e di edhe vetë se do të fitosh 1-2 mandate si do t’i rritësh pensionet, me ato dy mandate?

Mërtiri: Po thua se populli nuk e do ndryshimin?

Luarasi: Unë mendoj se ka një teori evolucioni edhe te partitë politike dhe nuk mund të ndodhë kurrë që Lapaj, Qori, Shehaj do të fitonin maxhorancën për të formuar qeverinë dhe që për të sjellë ndryshimet që propagandojnë.

The post Luarasi debaton me Mërtirin për partitë e reja: Si do t’ua rritësh pensionet me 2-3 vetë që fiton në Parlament? appeared first on Sot News | Lajme.

Afera e incineratorit të Tiranës u mbyll si një çështje banale të mërkurën në Gjykatën e Posaçme, ku shtatë nga 12 të pandehurit e dosjes kryesore u shpallën fajtorë për shpërdorim detyre, por morën dënime aq minimale sa u konsideruan të shuara me kohën e paraburgimit. Ndërkohë, njëri prej të pandehurve u shpall i pafajshëm.

I akuzuari kryesor i kësaj dosjeje, ish-ministri i Mjedisit, Lefter Koka u dënua me 3 vjet burgim, dënim i cili u reduktua në 2 vjet falë gjykimit të shkurtuar. Gjyqtarja Elsa Ulliri urdhëroi gjithashtu shuarjen e masës së sigurimit dhe lirimin e Kokës për këtë çështje, lirim i cili pengohet nga dy dënime të mëparshme për kontratat koncesionare të Elbasanit dhe Fierit.

E njëjta masë dënimi u dha edhe për të pandehurit Bledar Karoli, Erjon Murataj, Taulant Tusha, Namik Simixhi dhe Valbona Ballgjini, ndërsa Sidita Kopliku u dënua përfundimisht me 80 orë punë me interes publik. Ndërsa Jetmir Llapaj u shpall i pafajshëm me argumentin se fakti nuk përbën vepër penale. Ish-deputeti socialist, Allqi Bllako u gjykua veçmas për aferën e incineratorit të Tiranës dhe u dënua me 2 vjet e 8 muaj burgim.

Incineratori i Tiranës është projekti më i madh mes tre projekteve kontroverse të qeverisë së kryeministrit Edi Rama për trajtimin e mbetjeve urbane, por incineratori nuk u ndërtua asnjëherë, ndërsa dhjetra milionë euro të taksapaguesve u zhdukën pa asnjë gjurmë.

Kompania koncesionare e incineratorit të Tiranës, Integrated Energy BV SPV u sekuestrua në gusht të vitit 2023 nga Prokuroria e Posaçme, pasi u zbulua se pronarët fundorë të saj ishin dy biznesmenët famëkeqë, Klodian Zoto dhe Mirel Mërtiri.

Prokuroria e Posaçme arriti në konkluzionin se kompania koncesionare ka qenë në dijeni të rrethanave konkurruese para se të shpallej procedura dhe se u ndihmua nga zyrtarët publikë në përgatitjen e dokumentacionit dhe paraqitjen e ofertës që e shpalli atë fituese.

Megjithatë, gjatë konkluzioneve përfundimtare në muajin shkurt, SPAK kërkoi dënime minimale për të pandehurit, dënime që u zbutën më tej edhe në gjykatë.

Përmes deputetes Jorida Tabaku, Partia Demokratike e konsideroi vendimin e së mërkurës “një thërrime” në raport me përgjegjësitë e atyre që e ideuan, miratuan dhe zbatuan skemën e korrupsionit në këtë kontratë.

Tabaku përsëriti akuzat ndaj kryeministrit Edi Rama, sekretarit të tij të Përgjithshëm, Ëngjëll Agaçi, kryebashkiakut të Tiranës, Erion Veliaj dhe ministrave të tjerë të kabinetit në lidhje me këtë aferë, ndërsa theksoi se Partia Demokratike nuk do të rreshtë së denoncuari atë. /Marrë nga Reporter.al

The post BIRN: Afera e inceneratorit “fantazmë” të Tiranës u shfry si flluskë sapuni appeared first on Lapsi.al.

Afera e incineratorit të Tiranës u mbyll si një çështje banale të mërkurën në Gjykatën e Posaçme, ku shtatë nga 12 të pandehurit e dosjes kryesore u shpallën fajtorë për shpërdorim detyre, por morën dënime aq minimale sa u konsideruan të shuara me kohën e paraburgimit. Ndërkohë, njëri prej të pandehurve u shpall i pafajshëm. […]

The post Afera e incineratorit ‘fantazmë’ të Tiranës shfryhet në gjykatë si flluskë sapuni appeared first on Reporter.al.

Analisti Ergys Mërtiri komentoi fushatën elektorale që po ndjek Partia Socialiste dhe ajo Demokratike për garën e 11 majit.

Në një lidhje  direkte për një emision televiziv  Mërtiri tha se “Shqipëria 2030” Ramës po i  shërben në propagandën që kërkon të ketë në zgjedhje.

Ai gjithashtu nënvizoi se kjo është një përpjekje e sforcuar e Ramës për ta paraqitur veten si një forcë politike europiane.

Sa i përket fushatës së PD-së, Mërtiri theksoi se Kris LaCivita nuk ka sjellë asnjë risi, duke shtuar se kur imazhi është përtokë, nuk ka çfarë të të bëjë një PR.

Intervista e plotë:

PS e nis fushatën e saj të shtunën në orën 12:00 në sheshin Skënderbej, duke patur në qendër flamurin europian dhe premtimin e madh të anëtarësimit në vitin 2030. Sa e goditur është kjo zgjedhje?

Mërtiri: Simbolikë që sigurisht ka efektin mediatik në fushatë, por është një simbolikë që nuk i shkon. Është një përpjekje e sforcuar e Ramës për ta paraqitur veten si një forcë politike europiane. Asnjë forcë në Evropë nuk ka llogari, le të themi, si kjo qeverisje, ku pjesa më e afërt dhe bashkëpunuese që ka Rama është sot në burg. Të pretendosh se Rama është ai që po e çon Shqipërinë drejt Evropës, është një gënjeshtër që nuk e beson askush. Për fushatë ka vlerë. Kjo i shërben propagandës që kërkon të ketë në këto zgjedhje.

Edi Rama ka bërë edhe disa premtime konkrete, rritjen e pagës minimale në 500 euro apo asaj mesatare, si dhe mbështetje për drejtësinë. Sa mund të ndikojë kjo tek votuesit?

Mërtiri: Nuk besoj se ndikojnë. Jemi mësuar të dëgjojmë politikanë që premtojnë dhe nuk i mbajnë premtimet. Rama, para një viti, pa qenë fare në zgjedhje, premtoi që do të rriste rrogat, dhe nuk i rriti në nivelet që tha. Po ashtu edhe për pensionet, bëri rritje me shuma qesharake. Nuk besoj se do të ketë ndonjë efekt shumë të madh. Njerëzit janë mësuar me premtime elektorale dhe nuk besoj se vota shkon në bazë të premtimeve.

PD vjen këtë herë me një fushatë të drejtuar nga Kris LaCivita. Çfarë pritet, sipas jush, të sjellë prania e tij me modelin amerikan? A funksionon ai në terrenin shqiptar?

Mërtiri: Nuk besoj se LaCivita do të sjellë ndonjë gjë. Një PR i mirë i duhet çdo partie, kjo është e padiskutueshme. Por unë nuk mendoj se PD ka vuajtur ndonjëherë për PR. Edhe në 2021 ka pasur një PR shumë të mirë, por nuk i fitoi zgjedhjet. Nuk fitohet vetëm me PR. Kur imazhi është përtokë, nuk ka çfarë të të bëjë një PR. Në kushtet që është Berisha, nuk besoj që ka PR që i bën derman. LaCivita ka ardhur për një nevojë politike. Berisha po e përdor si instrument politik për të gënjyer ata që mund të gënjehen, duke thënë që Amerika është me ne, sepse këshilltari i Trump është me mua. Prapë nuk është se po ndodh ndonjë gjë. Kemi parë të njëjtën gjë, s’ka asgjë ndryshe. Nuk duket fare ku është dora e LaCivita. Kështu që unë mendoj se LaCivita është paguar vetëm për këtë gjë, edhe do vijë vetëm për një ditë dhe do largohet.

The post “Fushata e Ramës me premtime të paqëndrueshme”,Mërtiri: LaCivita nuk do sjellë ndryshime për PD-në, kur imazhi është.. appeared first on Sot News | Lajme.

Një hulumtim i kryer nga kompania ‘IDRA Research and Consulting’ zbulon se 91% e qytetarëve mendojnë se korrupsioni është ende problem madhor në Shqipëri. Hulumtimi gjithashtu evidenton praninë, ndikimin dhe pasojat e thella të korrupsionit dhe krimit të organizuar në çdo nivel të institucioneve dhe shoqërisë shqiptare, ndërsa thekson se qytetarët mbeten pesimistë që situata […]

The post Anketa: SPAK ‘simbol shprese’ kundër korrupsionit të gjithëpërhapur në Shqipëri appeared first on Reporter.al.

Kolegji i Posaçëm i Apelimit, KPA u njoh të mërkurën më 19 mars me parashtrimet në çështjen e drejtuesit të Prokurorisë së Lezhës, Erjon Shehaj, konfirmimi të cilit u ankimua për probleme në kriterin profesional. Drejtuesi i SPAK, Altin Dumani parashtroi shkaqet e ankimit duke konstatuar mangësi profesionale, që sipas tij e bëjnë subjektin e […]

The post Drejtuesi i SPAK kërkon shkarkimin e prokurorit Erjon Shehaj appeared first on Reporter.al.

Gjykata e Posaçme shpalli të martën më 11 mars vendimin për çështjen penale në ngarkim të ish-deputetit socialist, Alqi Bllako, duke e deklaruar atë fajtor për korrupsion pasiv në dy raste lidhur me aferën e incineratorit të Tiranës. Gjykata vendosi dënimin e tij me 4 vjet burg, që në aplikim të gjykimit të shkurtuar u […]

The post Ish-deputeti Alqi Bllako dënohet me 2.8 vjet për incineratorin e Tiranës appeared first on Reporter.al.

Analisti Ergys Mërtiri komentoi në emisionin Now në Euronews Albania primaret e mbajtura dy ditë më parë nga Partia Demokratike.

Sipas Mërtirit ky proces u karakterizuan nga pazaret dhe ata që fituan ishin njerëzit e Berishës.

“Isha i sigurt që do fitonin njerëzit e Berishës dhe ata fituan. Pati nga mbështetwsit e tij që u lanë mënjanë për shkak të pazareve që bën Berisha dhe nevojave për të ruajtur ekuilibrat brenda grupit parlamentar. Për shembull, një gjë që të bën të dyshosh është që njerëzit nga grupi i Gazment Bardhit morën vota, ose njerëz që kanë qenë kundër Berishës dhe kanë fituar urrejtjen e berishistëve. Për shembull, Jorida Tabaku ka qenë një njëri i urryer deri para pak kohësh dhe më duket pak çudi që urrejtja të kalojë në dashuri në kaq pak kohë. Një berishiste si Adriana Kalaja, që ka ndezur zjarr te dera e bashkisë dhe që në logjikën e asaj partie duhet të gëzonte mbështetje kishte marrë 130 vota, kjo lë për të dyshuar te procesi. Kemi fryrje të shifrave, di në zona të caktuara si në një njësinë 8 ku votojnë deri në 200 veta, këta i nxjerrin  700”, tha Mërtiri.

LEXONI GJITHASHTU:

• Garë e fortë në Tiranë, shpallen rezultatet e primareve në kryeqytet: Kush kryeson
• A do të jenë fituesit e primareve në listën e mbyllur? Berisha sqaron procedurën

The post Mërtiri: Në primare fituan mbështetësit e Berishës, u bënë pazare appeared first on Euronews Albania.