Operatori i Shpërndarjes së Energjisë Elektrike (OSHEE Group) ka miratuar skema të reja lehtësuese (aktmarrëveshje) për shlyerjen me këste të detyrimeve të prapambetura nga faturat e energjisë elektrike.

Përmes aktmarrëveshjeve, OSHEE Group ofron mundësinë e pagesës së detyrimeve të akumuluara deri në 31 dhjetor 2023, duke mbështetur shtresat më të ndjeshme dhe biznesin e vogël. Skemat lehtësuese janë hartuar me kujdes të veçantë për t’u ardhur në ndihmë atyre familjeve dhe bizneseve që ndodhen në kushte më të vështira ekonomike, duke mundësuar një rrugë të drejtë dhe të realizueshme drejt shlyerjes së detyrimeve.

Kush janë përfituesit?

Aktmarrëveshjet përfshijnë: klientët familjarë me ndihmë ekonomike, pensionistët kryefamiljarë dhe personat me status të veçantë, të cilët mund t’i shlyejnë detyrimet me këste fikse mujore që nisin nga 1,200 lekë. Klientët e tjerë familjarë do të përfitojnë këste fikse mujore që nisin  nga 2,800 lekë.

Për të ruajtur një standard të përballueshëm aq sa dhe të drejtë, numri maksimal i kësteve do të jetë jo më shumë se 240 këste. Në çdo rast klienti ka të drejtë të zgjedhë një këst pagese, me vlerë më të lartë se vlera minimale, duke iu përmbajtur kushtit prej maksimumi 240 këstesh.

Klientët jofamiljarë (privat, buxhetorë dhe jobuxhetorë), do të paguajnë me këste të përcaktuara në bazë të shumës së detyrimit, si me poshtë.

Reduktimi i kamatëvonesave

OSHEE Group ka miratuar gjithashtu reduktime të kamatëvonesave për klientët që zgjedhin shlyerjen e të gjithë detyrimit me një këst të vetëm:

• Klientët familjarë përfitojnë reduktim në masën 70% të kamatëvonesës.
• Klientët jofamiljarë (buxhetorë dhe jobuxhetorë), përfitojnë reduktim në masën 50%.
• Biznesi i vogël, përfiton falje të plotë (100%) të kamatëvonesës, nëse likuidon të gjithë detyrimin menjëherë.

Kushtet për Pjesëmarrje në Skemat Lehtësuese dhe Rregullat e Zbatimit

Për të përfituar nga skemat lehtësuese të miratuara nga OSHEE Group, klientët debitorë duhet t’i kenë shlyer detyrimet e vitit 2024 dhe në vijim, përpara nënshkrimit të marrëveshjes për detyrimet e prapambetura deri më 31 dhjetor 2023.

Me nënshkrimin e marrëveshjes, klienti duhet të kryejë pagesën e këstit të parë brenda 7 ditëve kalendarike dhe më pas të vijojë me pagesa mujore të rregullta deri në shlyerjen e plotë të detyrimit.

Këto masa përfaqësojnë një shprehje konkrete të angazhimit social të OSHEE Group për të mbështetur qytetarët në përballimin e vështirësive financiare dhe për të krijuar një marrëdhënie më të drejtë dhe të qëndrueshme me klientët.

Njëkohësisht, përmes zbatimit të këtyre skemave, synohet të forcohet edhe qëndrueshmëria financiare e kompanisë, si një parakusht për ofrimin e shërbimeve të sigurta dhe cilësore në të ardhmen.

Vendimi për këto skema u miratua nga Këshilli Mbikëqyrës i OSHEE Group, pas shqyrtimit të propozimit të paraqitur nga administratori Enea Karakaçi, në zbatim të vendimit nr. 4876/4, datë 16.07.2025, të Asamblesë së Përgjithshme të Aksionarit, “Mbi miratimin e Skemave të Marrëveshjeve për pagesën me këste (ose një këst) të detyrimeve të prapambetura të klientëve debitorë për kategorinë familjare/jofamiljare gjatë vitit 2025”.

OSHEE Group fton të gjithë klientët debitorë të përfitojnë nga skemat lehtësuese, duke u paraqitur pranë qendrave të Kujdesit ndaj Klientit të FSHU-së, pjesë e OSHEE Group, për të lidhur aktmarrëveshjen përkatëse sipas kategorisë së tyre.

Lajmet e këqija për Teslën vazhdojnë. Kompania, në një kohë kur po përballet me rënie të shitjeve dhe konkurrencë gjithnjë e më të ashpër, ka lënë një tjetër person kyç.

Troy Jones, ish-drejtuesi i shitjeve për Amerikën e Veriut, është larguar pas 15 vitesh, gjatë të cilave ai dëshmoi rritjen meteorike të Model S, lansimin e Model 3 dhe popullaritetin shpërthyes të Model Y, transmeton Telegrafi.

Largimi i Jones vjen në një kohë të paqëndrueshmërisë në rritje për Teslën, e cila ka luftuar me rënien e shitjeve, presionin konkurrues dhe pasigurinë strategjike për një vit.

Që nga mesi i vitit 2024, kompania ka regjistruar një rënie të dërgesave mujore në tregjet kryesore, dhe në prill njoftoi shkurtimin e më shumë se 10% të fuqisë punëtore globale.

Ishte një shenjë e qartë se Tesla po përgatitej për kohë të vështira. Tani, ndërsa tregu mbetet i paqëndrueshëm, largimi i një menaxheri të rangut të lartë si Jones sjell një dozë të re pasigurie.

Roli i tij, i cili përfshinte mbikëqyrjen e shitjeve, shërbimit dhe dërgesave në të gjithë Amerikën e Veriut, ishte thelbësor për operacionet e përditshme të kompanisë në rajonin e saj më të rëndësishëm.

Problemet me të cilat përballet Tesla nuk janë vetëm të brendshme. Pasi për një kohë të shkurtër ishte automjeti më i shitur në botë, Tesla Model Y ka mbetur pas Toyota RAV4, e cila mori me vështirësi kurorën globale në vitin 2024.

Ndërsa kjo mund të duket si një goditje e vogël, ajo vetëm sa konfirmon atë që po bëhet gjithnjë e më e qartë: Oferta dikur revolucionare dhe e pakrahasueshme e Teslës tani ndihet e vjetëruar krahasuar me konkurrentët më të rinj, më të lirë dhe shpesh më praktikë.

E gjithë kjo vjen ndërsa kompania gjithashtu përballet me ndryshimin e perceptimit publik. Rënia e shitjeve nga tremujori në tremujor tregon një trend më afatgjatë, jo vetëm vështirësi të përkohshme.

Dominimi dikur i fortë i tregut të automjeteve elektrike po zbehet, pasi gjigantët tradicionalë të automobilave dhe startup-et agresive kineze ofrojnë alternativa gjithnjë e më konkurruese.

Largimi i Troy Jones nuk është një incident i izoluar. Ai i bashkohet një sërë drejtuesish të tjerë që janë larguar nga kompania në muajt e fundit, përfshirë Omead Afshar, i cili mbikëqyri Texas Gigafactory, dhe Milan Kovac, kreu i zhvillimit të robotit humanoid Optimus.

Ka gjithashtu thashetheme se kreu i burimeve njerëzore, Jenna Ferrua, u largua në heshtje nga kompania gjatë verës. /Telegrafi/

The post Telashet nuk kanë të ndaluar për Tesla, një tjetër person kyç largohet pas 15 vitesh punë në kompaninë e miliarderit Musk appeared first on Telegrafi.

Kompania Kosovare për Distribuim me Energji Elektrike (KEDS) njofton se për shkak të erërave të forta, të përcjella me shi, aktualisht në mbarë Kosovën janë mbi 40 Dalje jashtë funksionit.

Sipas KEDS, rajonet më të prekura nga këto kushte atmosferike janë Peja, Mitrovica, Prishtina, Gjilani dhe Ferizaj, ku një numër i konsiderueshëm i konsumatorëve aktualisht janë pa furnizim me energji elektrike.

“Ekipet e KEDS-it ndodhen në terren dhe po punojnë vazhdimisht në eliminimin gradual të dëmeve të shkaktuara në rrjet, për çka kërkojmë mirëkuptimin e konsumatorëve tanë të afektuar në këto rajone”, thuhet në njoftim.

The post ​Erëra të forta, KEDS njofton për vendet që kanë mbetur pa rrymë appeared first on Telegrafi.

TIRANË, 16 korrik/ATSH/ Në gjysmën e parë të këtij viti, Shqipëria ka regjistruar një rritje të ndjeshme të mjeteve elektrike, me një total prej 2,323 automjetesh të regjistruara, duke shënuar një rritje prej 82% krahasuar me periudhën e njëjtë të vitit 2024.

Referuar të dhënave nga Drejtoria e Përgjithshme e Shërbimeve të Transportit Rrugor (DPSHTRR), gjatë periudhës Janar-Qershor 2025, 25,2 % e mjeteve të regjistruara për herë të parë janë elektrike, një tregues i fuqishëm se përdoruesit po preferojnë gjithnjë e më shumë teknologjinë elektrike.

Flota e mjeteve elektrike ka arritur numrin prej 8701 automjetesh në qershor 2025, që përbën një rritje prej 36% krahasuar me vitin 2024.

Ndërsa numri i automjeteve hibride gjithashtu kanë shënuar rritje. Aktualisht 51% e automjeteve të regjistruara për herë të parë gjatë këtij viti janë me teknologji elektrike apo hibride plug-in.

Në këtë mënyrë është shënuar një ulje e konsiderueshme e emetimeve të CO2, me një reduktim prej 11 milionë kg CO2 në vit, duke ndihmuar në pastrimin e ajrit.

Përveç kësaj, kjo ka kontribuar në një përmirësim të ndjeshëm të cilësisë së ajrit, me një ulje prej gati 383 metra kub të ndotësve atmosferikë, që është një hap i rëndësishëm drejt mbrojtjes së mjedisit.

Sipas DPSHTRR-së 74% e autoveturave të regjistruara gjatë periudhës janar-qershor 2025 janë Euro 5 ose standarde më të avancuara, duke treguar një progres të konsiderueshëm në përdorimin e automjeteve më ekologjike dhe më të pastra. /j.p/

1 nga 4

The post Rritet përdorimi i automjeteve elektrike appeared first on Agjencia Telegrafike Shqiptare.

Luan Dalipi, shef i stafit të Kryeministrit Albin Kurti, ka reaguar ashpër ndaj disa lajmeve të publikuara në media për përfshirjen e tij apo të familjarëve të tij në përfitime të padrejta nga licencimi për tregti me energji.

Në një deklaratë publike, Dalipi i cilësoi këto raportime si “trillime dhe insinuata dashakeqe” nga portale dhe politikanë opozitarë, të cilët – sipas tij – janë rritur në një kohë kur korrupsioni ishte normë.

Ai theksoi se po tentohet të krijohet një barazim i padrejtë midis qeverisjes së tanishme dhe qeverive të mëparshme të korruptuara.

“Ka nga ata që, me zell të veçantë dhe motivim politik, bëjnë çmos për të shpikur skandale – jo për interesin publik, por për ta njollosur Qeverinë Kurti, qeverisjen më të ndershme dhe transparente që ka pasur ndonjëherë jo vetëm Kosova, por mbarë rajoni i Ballkanit Perëndimor,” ka shkruar Dalipi.

Ai ka përmendur disa tituj të portaleve që e përmendin atë dhe vëllain e tij në kontekst të licencimit nga ZRRE për tregti me energji, duke i quajtur si shembuj të gazetarisë që udhëhiqet nga interesa të ngushta financiare dhe nostalgji për kontratat njëburimore të së kaluarës.

Për të sqaruar publikun, Dalipi ka renditur disa fakte:

Numri i licencave për tregti me energji nuk është i kufizuar.

Blerja dhe shitja e energjisë bëhet brenda sektorit privat, pa ndërhyrje politike.

Më shumë kompani të licencuara rrisin konkurrencën dhe ulin çmimet.

Bizneset zgjedhin vetë furnizuesin e energjisë.

Lexo po ashtu Kompania e vëllait të shefit të kabinetit të Kurtit licencohet nga ZRRE për furnizim me energji elektrike

Ai ka theksuar gjithashtu se, ndryshe nga qeveritë e kaluara, Qeveria Kurti ka ulur ndjeshëm shpenzimet për media. Sipas tij, gjatë qeverisjes së partive tjera si AAK, PDK dhe LDK, shpenzimet për kontrata njëburimore me media kanë qenë shumë më të larta sesa në kohën e Vetëvendosjes.

“Qeveria nuk blen heshtjen, dhe kjo duket i shqetëson disa,” shkroi Dalipi.

Në fund të reagimit, ai fton qytetarët të mos bien pre e manipulimeve mediatike dhe thekson se historia e tij profesionale është ndërtuar mbi integritet dhe punë të ndershme, përfshirë edhe përvojën në Departamentin Amerikan të Tregtisë.

“Mos lejoni që të manipulohet me emocione dhe tituj bombastikë,” përfundon ai.

The post Licencimi i vëllait nga ZRRE për furnizim me energji, reagon Luan Dalipi appeared first on Telegrafi.

Nga Boldnews.al Dy tendera pa garë, me fond limit total rreth 2.2 milionë euro, që Bledian Dalipi i Operatorit të Sistemit të Shpërndarjes (OSSH) i ka dhënë në dy vitet e fundit shoqërisë “Besta” të Robert Zykës, nuk kanë rezultuar aspak pozitiv për qytetarët e Beratit dhe Kuçovës. Prej ditësh, banorët e qytetit të “një […]

The post Bledian Dalipi i OSSH, 2.2 mln pa garë Bert Zykës, por Berati e Kuçova në krizë për drita appeared first on BoldNews.al.

Universiteti Stanford (Shtetet e Bashkuara të Amerikës) hodhi poshtë idenë tradicionale se vozitja e qetë dhe konstante është mënyra më e mirë për ruajtjen e baterisë në veturën elektrike.

Ata treguan se përshpejtimi i fortë, herë pas here, mund të zgjasë jetën e baterive. Për të zhvilluar studimin, i publikuar në revistën prestigjioze shkencore Nature, ata analizuan për disa vite 92 qeliza baterish duke simuluar 47 stile të ndryshme vozitjeje.

Disa simulime përshkruanin vozitje të moderuar, të tjera përdorim konstant në rrugë me trafik të lartë si autostrada, dhe gjithashtu skenarë të vështirë me përshpejtime të fuqishme dhe frenim me rigjenerim. Përfundimi kryesor tregon se bateritë që i nënshtroheshin përdorimit dinamik jetonin deri në 38 për qind më gjatë se ato që përdoren në kushte konstante dhe lineare. Përdorimi dinamik përfshin kombinimin e përshpejtimeve të shpejta, frenimit rigjenerues dhe ndryshimeve të shpejtësisë në qytet dhe rrugë.

Në praktikë, ky përqindje përkthehet në një distancë të akumuluar deri në 313,800 kilometra. Bateritë që ishin në vozitje të njëtrajtshme arritën vetëm deri në 227,000 kilometra. Studimi i Stanford thekson megjithatë se nuk ka nevojë për përshpejtim në çdo semafor.

Mesazhi është i thjeshtë “ndryshueshmëria në vozitje është e mirë, por teprimi jo. Balanca mes qytetit, rrugës dhe vozitjes më aktive mban baterinë më mirë se vozitja monotone”.

Sigurisht, kjo nuk do të thotë të bëni gara nga semafori në semafor, por të shtyni pak më shumë gaz. Pra, jo gara, por një pak më shumë intensitet në përshpejtim.

Hulumtuesit shpjeguan se përse vozitja dinamike është sinonim i veturave elektrike me jetëgjatësi më të madhe. Arsyeja qëndron në reagimin e baterive ndaj impulseve të ulëta të frekuencës së rrymës, shpërthimeve të shkurtra të fuqisë tipike për trafikun në qytet apo përshpejtimeve të shkurtra. Kjo zvogëlon konsumimin e grumbulluar që zakonisht shkaktohet nga rrjedhat konstante dhe të gjata të rrymës, siç ndodh në autostrada.

Në fund, studimi kujton disa praktika të mira për ruajtjen e jetës së baterisë gjatë karikimit: shmangni ngarkesën shumë të lartë sepse tensionet e larta e bëjnë elektrodën pozitive të paqëndrueshme, dhe shmangni nivelet shumë të ulëta të ngarkesës që përshpejtojnë degradimin e elektrodës negative. /Telegrafi/

The post Shkencëtarët pohojnë: Ngasja më dinamike e veturave elektrike ndihmon në kursimin e baterisë! appeared first on Telegrafi.

Gjatë sezonit turistik, Shqipëria përjeton kulmin e konsumit të energjisë elektrike, një fenomen që po shndërrohet në trend të përvitshëm, paralel me rritjen e numrit të vizitorëve dhe temperaturave të larta.

Administratori i OSHEE-së, Enea Karakaçi, në një intervistë për “Money Report” në ABC News, theksoi se konsumi gjatë muajve të verës ka arritur në vlera “marramendëse”, duke tejkaluar madje edhe netët festive të fundvitit apo ditët e acarta të janarit.

Përballë kësaj situate, OSHEE ka angazhuar mbi 1 mijë punonjës në terren dhe ka vënë të gjitha strukturat në gatishmëri për të siguruar furnizimin e pandërprerë, veçanërisht në zonat turistike dhe në Tiranë.

“Kemi dy tre vite tashmë që situata e konsumit në Shqipëri ka ndryshuar për shumë shkaqe. Pikun e konsumit konsiderohet nata e Vitit të Ri dhe ditët e ftohta të Janarit. Por, ajo që kemi vënë re është se ne kemi një kulm të konsumit energjik gjatë sezonit turistik.

Ky lloj konsumi zgjat për 2-3 muaj. Janë vlera marramendëse, Ne kemi marrë masat që të gjitha strukturat të jenë në funksion të plotë në territor, një mijë punonjës janë në gatishmëri në terren. Zonat turistike janë ato që kanë konsumin më të lartë, por edhe Tirana, nuk mbetet mbrapa.

Konsumi i lartë dhe temperaturat e larta shkaktojnë një gjendje “depresive” për të gjitha pajisjet elektrike, gjithashtu çdo pajisje e jona vihet në një lloj presioni. Nuk kemi pasur problematika të shtuara, por e rëndësishme është që të ndërhyjmë në kohën e duhur”, tha administratori i OSHEE-së./abcnews.al

Një banesë është përfshirë nga flakët pasditen e sotme në fshatin Trebinjë të Mokrës, në Pogradec. Sipas informacioneve paraprake, dyshohet se shkaku i zjarrit ka qenë një shkëndijë elektrike. Flakët janë përhapur me shpejtësi për shkak të temperaturave të larta, duke përfshirë të gjithë banesën. Fatmirësisht, familjarët kanë mundur të dalin me kohë jashtë, duke […]

The post Zjarr në një banesë në Pogradec, dyshohet për defekt elektrik appeared first on BoldNews.al.

Një transformator elektrik në fshatin Kakoz, në Gjirokastër, ka shpërthyer në flakë, duke rrezikuar përhapjen e zjarrit në zonën përreth. Gjatë rrugës, zjarrfikësit kanë konstatuar një vatër tjetër zjarri në fshatin Valarë, në vendin e quajtur “Stallat”, ku një kabinë elektrike ishte përfshirë nga flakët. Si pasojë e zjarrit, banorët e këtij fshati, në pikun […]

The post Investimi i dështuar i Dalipit të OSSHE lë pa drita qindra banorë në Gjirokastër appeared first on BoldNews.al.

Nga Boldnews.al Në këtë të shtunë me vapë përvëluese, banorët e Beratit po jetojnë një ditë të ngjashme me diskot e lokalet e natës, ku dritat ikën e vijnë në mënyrë periodike. Prej mëngjesit, thuajse të gjitha lagjet e qytetit furnizohen në mënyrë periodike me vetëm 30 minuta energji elektrike, ndërsa pjesën tjetër duhet të […]

The post Në kulmin e vapës/ Treshja Rama-Karakaçi-Dalipi lënë pa drita Beratin appeared first on BoldNews.al.

Banorët e fshatit Rreth -Kale në Peshkopi prej 30 vjetësh vuajnë problemin e tensionit të ulët në banesat e tyre. Për këtë shkak ditën e kanë kthyer natë e natën ditë, pasi të gjitha punët e shtëpisë i bëjnë natën kur tensioni rritet. Banorët ankohen se edhe pse kanë blerë stabilizator problemi i tyre mbetet […]

The post Prej 30 vjetësh vuajnë problemin e tensionit të ulët, banorët e fshatit Rreth-Kale: Na digjen pajisjet appeared first on BoldNews.al.

TIRANË, 4 korrik /ATSH/ Vera ka nisur dhe kontrollet për abuzime me energjinë elektrike janë shtuar në zonat turistike, bregdetare dhe malore.

Operatori i Sistemit të Shpërndarjes bën të ditur se, në kuadër të zbatimit të ligjit kundër informalitetit, si dhe masave tekniko-organizative për të siguruar një furnizim normal me energji, strukturat e OSSH po kryejnë kontrolle të shtuara ndaj subjekteve me risk për abuzim me energjinë elektrike.

Gjatë muajit të fundit është ushtruar kontroll në rreth 1500 subjekte.

Nëntë subjekte janë proceduar në Policinë e Shtetit për shkelje të ligjit të energjisë, me akuzën “vjedhje të energjisë elektrike”.

69 subjekte janë identifikuara, që tarifoheshin në kundërshtim me rregullat e ERE “sipas llojit të aktivitetit”.

Janë rreth 3 milionë kilovat-orë të rikuperuara nga masat e marra, të cilat iu faturuan “abuzuesve”.

Operatori i Sistemit të Shpërndarjes u bën apel klientëve/subjekteve të mos bien pre e skemave mashtruese të ndërhyrjes në matës apo furnizimit me linjë të dytë jashtë matjes, pasi do të përballen me forcën e ligjit pa asnjë kompromis.

/gj.m//r.e//a.f/

The post Abuzimet me energjinë, OSSH kontrolle në 1500 subjekte: 3 milionë kWh të rikuperuara appeared first on Agjencia Telegrafike Shqiptare.

Mëngjesin e sotëm një kabinë elektrike në Gjirokastër është përfshirë nga flakët, në katin përdhe të një pallati 4-katësh në lagjen 18 shtatori. Aktualisht flakët janë vënë nën kontroll. Ndërkohë kujtojmë që prej ditësh vendi ynë po përpallet me vatra të shumta zjarri të favorizuara dhe  emperaturat e larta dhe mungesa e mbetjeve zjarrfikësve. Prej […]

The post Merr flakë kabina elektrike e një pallati në Gjirokastër appeared first on BoldNews.al.

Në qendër të Shëngjinit, rreth orës 19:00, një kabull i furnizimit me energji elektrike është këputur dhe ka rënë në rrugë pas një shkendije të shkaktuar si pasojë e një defekti nga linja që furnizon me energji elektrike. Pas shpërthimit kabulli është këputur dhe ka përfunduar në rrugë, fatmirësisht pa rënë në automjete dhe pa shkaktuar dëme […]

The post Shëngjin/ Këputet kabulli i energjisë elektrike dhe bie në mes të rrugës, rrezik për banorët appeared first on BoldNews.al.

Një incident është shënuar pasditen e sotme në qendër të Shëngjinit, ku një defekt në linjën elektrike ka shkaktuar shkëndija dhe një shpërthim të lehtë.

Si pasojë, kabulli është këputur dhe ka rënë në rrugë, fatmirësisht pa shkaktuar dëme materiale apo në njerëz, pavarësisht fluksit të lartë të automjeteve në atë moment.

Në vendngjarje kanë mbërritur menjëherë forcat e rendit, policia bashkiake dhe punonjës të OSSHEE të cilët kanë larguar fillimisht kabullin për të shmangur rrezikun e mëtejshëm si dhe kane nisur nderhyrjen per riparimin e defektit.

Furnizimi me energji elektrike është ndërprerë për zonën nga shkolla deri tek lagjja e Portit, derisa të riparohet defekti./abcnews.al

Koha për ndërtimin, pajisjen me lejen e ndërtimit dhe vënien në operim të impiantit fotovoltaik do të jetë brenda 36 (tridhjetë e gjashtë) muajve nga hyrja në fuqi e këtij vendimi.

Vendndodhja e burimit gjenerues të energjisë: Në fshatin Taç Lartë, Bashkia Kolonjë, Qarku Korçë.

VENDIMI

MIRATIMIN E NDËRTIMIT TË CENTRALIT GJENERUES TË ENERGJISË ELEKTRIKE FOTOVOLTAIKE DHE VEPRAVE NDIHMËSE, I CILI NUK ËSHTË OBJEKT KONCESIONI, NË FSHATIN TAÇ LARTË, BASHKIA KOLONJË, QARKU KORÇË, NGA SHOQËRIA “FORTIS ENERGY AND CONSTRUCTION”, SH.P.K.

Në mbështetje të nenit 100 të Kushtetutës dhe të pikës 1, të nenit 49, të ligjit nr.43/2015, “Për sektorin e energjisë elektrike”, të ndryshuar, me propozimin e Zëvendëskryeministrit dhe ministër i Infrastrukturës dhe Energjisë, Këshilli i Ministrave

V E N D O S I:

1. Miratimin e ndërtimit të centralit gjenerues të energjisë elektrike fotovoltaike dhe veprave ndihmëse, i cili nuk është objekt koncesioni dhe nuk përfiton nga masat mbështetëse, në fshatin Taç Lartë, Bashkia Kolonjë, Qarku Korçë, nga shoqëria “FORTIS ENERGY AND CONSTRUCTION”, sh.p.k., me elementet, si më poshtë vijon:
a) Emri i aplikuesit: Shoqëria “FORTIS ENERGY AND CONSTRUCTION”, sh.p.k.;
b) NIPT/NUIS: M11821012G;
c) Tipi i centralit: Fotovoltaik;
ç) Kapaciteti i instaluar: 62MË;
d) Afati i pritshëm i vënies në punë dhe pajisja me leje ndertimi: Koha për ndërtimin, pajisjen me lejen e ndërtimit dhe vënien në operim të impiantit fotovoltaik do të jetë brenda 36 (tridhjetë e gjashtë) muajve nga hyrja në fuqi e këtij vendimi;
dh) Vendndodhja e burimit gjenerues të energjisë: Në fshatin Taç Lartë, Bashkia Kolonjë, Qarku Korçë;
e) Afati i operimit: 49 (dyzet e nëntë) vjet nga hyrja në fuqi e këtij vendimi;
ë) Koordinatat e tokës dhe planvendosja sipas aneksit 1, që i bashkëlidhet këtij vendimi;
f) Ministria e Infrastrukturës dhe Energjisë dhe Agjencia Kombëtare e Burimeve Natyrore kanë të drejtë të ushtrojnë mbikëqyrje të përgjithshme, me afate 3-mujore gjatë realizimit, vënies në punë dhe operimit, me synim që të verifikojnë se ecuria e punimeve, cilësia, konformiteti dhe operimi janë në përputhje me programin e përgjithshëm të realizimit dhe të dokumentacionit të projektit;
g) Shoqëria “FORTIS ENERGY AND CONSTRUCTION”, sh.p.k., ka detyrimin që:

i. të paraqesë periodikisht (çdo tre muaj) pranë Ministrisë së Infrastrukturës dhe Energjisë dhe Agjencisë Kombëtare të Burimeve Natyrore informacion për ecurinë e ndërtimit të centralit fotovoltaik;

ii. të respektojë kushtet e cituara në lejet, licencat dhe autorizimet paraprake mjedisore, lëshuar nga institucionet përgjegjëse kombëtare;

iii. të dorëzojë sigurimin e kontratës, në masën jo më pak se 5% të vlerës së investimit, përpara nënshkrimit të kontratës ndërmjet shoqërisë “FORTIS ENERGY AND CONSTRUCTION”, sh.p.k., dhe ministrisë. Në këtë kontratë përcaktohen të drejtat dhe detyrimet e palëve për realizimin e këtij projekti, penalitetet, në rast mosrealizimi, si dhe çështje të tjera që lidhen me zbatimin e saj;

iv. t’i japë falas, në formë royalty, ministrisë përgjegjëse për energjinë sasinë e energjisë elektrike, në masën 2 (dy) % të sasisë vjetore të prodhimit të energjisë elektrike ose konvertimin e saj në vlerë monetare. Në rast konvertimi në vlerë monetare, shuma duhet të derdhet tërësisht në buxhetin e shtetit;

v. të përmbushë kërkesën, sipas rastit, që një pjesë e prodhimit të burimit gjenerues të energjisë t’i shitet furnizuesit publik, sipas legjislacionit në fuqi.

2. Ngarkohen Ministria e Infrastrukturës dhe Energjisë dhe shoqëria “FORTIS ENERGY AND CONSTRUCTION”, sh.p.k., për zbatimin e këtij vendimi.

Ky vendim hyn në fuqi menjëherë dhe botohet në “Fletoren zyrtare”.

K R Y E M I N I S T R I
EDI RAMA
Në mungesë dhe me porosi
ZËVENDËSKRYEMINISTRI
BELINDA BALLUKU*

The post Koha për ndërtim/ Këshilli i ministrave miraton ndërtimin e centralit te energjisë elektrike dhe fotovoltaike appeared first on Sot News | Lajme.

Monopatinat elektrike po kthehen gjithnjë e më shumë në një mjet masiv transporti për qytetarët e Tiranës.

Të përdorura kryesisht nga të rinjtë për të shmangur trafikun e dendur, këto mjete të vogla dhe të shpejta janë bërë pjesë e përditshme e rrugëve urbane, por janë kthyer edhe në burim aksidenti.

Përveç të rinjve, ato po përdoren gjerësisht edhe nga fëmijët, duke vënë në rrezik serioz jetën e tyre.

Vetëm gjatë këtij viti, monopatinat dhe biçikletat janë përfshirë në rreth 7% të aksidenteve rrugore, sipas të dhënave të Policisë së Shtetit.

Shpejtësia e lartë, mungesa e kontrollit dhe mosrespektimi i Kodit Rrugor nga drejtuesit janë disa nga arsyet kryesore që i kanë kthyer këto mjete në një shqetësim serioz.

Në shumë raste, monopatinat lëvizin me shpejtësi 30 deri në 50 km/h, duke tejkaluar kufirin prej 25 km/h që u lejohet, pasi klasifikohen si mjete të lehta.

Drejtoria e Përgjithshme e Shërbimeve të Transportit Rrugor, në bashkëpunim me Policinë Rrugore, ka përgatitur një projekt draft ku propozohet që mosha minimale për përdorimin e monopatinave të jetë 16 vjeç, por deri tani nuk ka asgjë të konfirmuar zyrtarisht.

Rreziku nuk kufizohet vetëm në qytet. Monopatinat qarkullojnë edhe në rrugë interurbane, shpesh pa standarde sigurie dhe pa dokumentacion ligjor.

Deri tani janë vendosur mbi 600 masa administrative ndaj drejtuesve të mjeteve me pedale apo elektrike, por numri i shkeljeve dhe i aksidenteve vazhdon të rritet.

Specialistët e sigurisë rrugore kërkojnë rregullim të qartë ligjor dhe që për çdo mjet që kalon shpejtësinë e lejuar të kërkohet leje drejtimi dhe siguracion.

Në mungesë të ndërhyrjes ligjore dhe kontrollit në terren, ky mjet modern rrezikon të shndërrohet në burim tragjedish të heshtura në rrugët tona.

LEXONI GJITHASHTU:

• Njëri është në intubim, detaje nga aksidenti në Tiranë: Taksia përplasi 3 të mitur
• Aksident i rëndë në Tiranë! Taksia përplas tre fëmijë me monopatinë

The post Monopatinat elektrike, mjeti i preferuar i të rinjve që po kthehet në problem serioz appeared first on Euronews Albania.

“Më në fund u dëgjuan argumentet e biznesit. Përmes medias suaj është përcjellë mesazhi edhe në Gjykatën Komerciale. Argumentet tona kanë qenë një prej arsyeve që është vendos masa dhe pezullimi për daljen në tregun e lirë. Janë me qindra padi të tjera në Gjykatën Komerciale, dhe përveç pezullimit ne jemi në pritje të anulimit të vendimit për daljen e bizneseve në tregun e lirë”.

Kreu i Odës Ekonomike të Kosovës Lulzim Rafuna komentoi zhvillimet e fundit në sektorin ekonomik në Kosovë, me vendimin e Gjykatës Komerciale për pezullimin e vendimit për daljen e bizneseve në treg të lirë. Rafuna tha se janë me qindra padi të tjera në Gjykatën Komerciale dhe janë ende në pritje të anulimit të vendimit për daljen e bizneseve në treg të lirë.

Më tej, Rafuna shtoi se furnizimi me energji elektrike në Kosovë është kthyer në monopol. Kërkesa jonë si biznese ka qenë që të ofrohet një 50 milionë në mënyrë që të subvencionohet.

Të gjitha elementet të bëjnë të dyshosh që fshihet diçka dhe qeveria e Albinit po vepron sipas interesave personale. Për katër vite janë importuar 800 milionë energji elektrike që nuk është importuar për 15 vite. Kjo të bën të mendosh që ka interesa pas saj.  Është krijuar një lloj monopoli në Kosovë sa i takon furnizimit të vendit me energji elektrike.”

The post “Qeveria e Albinit po vepron sipas interesave personale”/ Flet hapur Kreu i Odës Ekonomike të Kosovës: Furnizimi me… appeared first on Sot News | Lajme.

Kjo ndodhi pasi sulmet goditën “ngjitur një objekti strategjik të infrastrukturës”, tha Kompania Elektrike e Izraelit në një deklaratë.

Ministri i energjisë i Izraelit tha se 8 mijë shtëpi nuk kanë energji elektrike aktualisht, por pritet që ajo të rikthehet brenda tre orësh.

Kompania elektrike tha se ekipet po shkojnë në zonë për të riparuar infrastrukturën dhe për të larguar rreziqet, duke punuar në koordinim me forcat e sigurisë.

The post Sulmet nga Irani, ndërpritet energjia elektrike në disa zona në Izraelin jugor appeared first on Sot News | Lajme.