Krahu i armatosur i Hamasit, Brigadat Al-Kasam, deklaroi se është i gatshëm të përgjigjet pozitivisht ndaj çdo kërkese nga Kryqi i Kuq Ndërkombëtar për furnizimin me ushqim dhe ilaçe për pengjet që mban, të cilët i quan “robër lufte”.

Megjithatë, në deklaratën e shpërndarë në kanalet e organizatës, theksohet se lejimi i ndihmës varet nga sjellja e Izraelit ndaj qasjes humanitare në Rripin e Gazës.

Deklarata vjen pas një kërkese të drejtpërdrejtë nga kryeministri izraelit Benjamin Netanyahu, i cili i kërkoi Komitetit Ndërkombëtar të Kryqit të Kuq të sigurojë që pengjet të marrin kujdesin mjekësor të nevojshëm dhe ndihmën e menjëhershme.

Në përgjigje, zëdhënësi i Brigadave Al-Kasam, Abu Ubeida, deklaroi se qasja e Kryqit të Kuq do të mundësohet vetëm nëse:

Hapet korridor humanitar i rregullt dhe i përhershëm për ushqim dhe ilaçe për gjithë popullin e Gazës;

Ndalohet çdo aktivitet ajror armiqësor izraelit gjatë orëve të dorëzimit të ndihmës për të burgosurit.

Ai gjithashtu mohoi akuzat për uri të qëllimshme të pengjeve, duke deklaruar se “pengjet hanë të njëjtën ushqim si luftëtarët tanë dhe popullsia civile” dhe se nuk do të trajtohen ndryshe nga populli i Gazës që po vuan nga uria dhe bllokada.

Kjo deklaratë shton tensionet në sfondin e një krize të thellë humanitare në Gazë dhe rrit thirrjet ndërkombëtare për ndërprerje të luftimeve dhe garantimin e ndihmës për civilët.

The post Hamas shprehet e gatshme të lejojë furnizime për pengjet nga Kryqi i Kuq appeared first on Albeu.com.

Në një video të shpërndarë gjerësisht në Facebook, gazetari i njohur Blendi Fevziu shfaqet në studion e tij televizive të emisionit “Opinion” në TV Klan duke raportuar mbi një sulm fizik ndaj doktor Skënder Bratajt, që pretendohet se është kryer nga “mafia farmaceutike”, pasi ky i fundit kishte shpërndarë një video ku fliste për efektet […]

The post Manipulimi në epokën digjitale: Shpërndarja e videove të rreme me IA në rrjet appeared first on Reporter.al.

Një valë e të nxehtit vazhdon të përfshijë pjesë të mëdha të Evropës, derisa autoritetet në shumë vende kanë lëshuar paralajmërime shëndetësore për shkak të temperaturave përvëluese.

BBC ka raportuar se Spanja Jugore është rajoni më i prekur, me temperatura rreth 40 gradë celsius të regjistruara në Sevilje dhe zonat fqinje.

Një rekord i ri nxehtësie për qershorin prej 46 gradësh u shënua të shtunën në qytetin e El Granados, sipas Shërbimit Kombëtar Meteorologjik të Spanjës, i cili tha gjithashtu se ky muaj pritet të jetë qershori më i nxehtë i regjistruar ndonjëherë.

Paralajmërimet për vapë janë në fuqi në pjesë të Portugalisë, Italisë dhe Kroacisë, me paralajmërime të shumta të kuqe që mbulojnë zona të Spanjës, Francës, Austrisë, Belgjikës, Bosnjës dhe Hercegovinës, Hungarisë, Serbisë, Sllovenisë dhe Zvicrës.

Në Barcelonë, një grua vdiq pasi përfundoi një ndërrim pune si pastruese rrugësh të shtunën, kur temperaturat ishin shumë të larta. Autoritetet lokale po hetojnë vdekjen e saj.

Në Itali, departamentet e urgjencës në tërë vendin kanë raportuar një rritje të rasteve të goditjes nga nxehtësia, duke i prekur kryesisht “të moshuarit, pacientët me kancer ose të pastrehët”, ka njoftuar Mario Guarino, nënkryetar i Shoqatës Italiane të Mjekësisë së Urgjencës.

I nxehti i fortë ka prekur edhe vendet në të gjithë Ballkanin Perëndimor, ku temperaturat kanë arritur mbi 40 gradë Celsius.

Serbia regjistroi temperaturën më të lartë ndonjëherë, qëkur filloi t’i regjistronte ato në shekullin e 19-të.

Në Slloveni, temperatura më e lartë e qershorit u regjistrua të shtunën.

Maqedonia e Veriut po përjeton gjithashtu vapë, pasi temperaturat arritën në 42 gradë Celsius të premten.

The post ‘Përvëlohet’ Evropa/ Temperatura deri në 46 gradë, alarm i kuq në disa shtete appeared first on Sot News | Lajme.

Ministria e shëndetësisë e Italisë paralajmëroi banorët dhe turistët të premten për temperatura të larta në të gjithë vendin, duke lëshuar një alarm të kuq për 21 qytete këtë fundjavë, përfshirë Romën, Milanon dhe Venecian, ku më të pasurit dhe të famshmit e botës janë mbledhur për ceremoninë martesore të manjatit të Amazon, Jeff Bezos.

Autoritetet shëndetësore italiane paralajmëruan se temperaturat mund të shkojnë deri në 37 gradë Celsius në disa qytete, ndaj këshilluan qytetarët të shmangin daljet në oraret e pikut mes orës 11:00-18:00 dhe të qëndrojnë në mjedise të freskëta.

Paralajmërimet vijnë pas disa ditësh temperaturash të larta në të gjithë vendin, përfshirë Romën, ku vizitorët janë gjobitur pasi janë përpjekur të freskohen në shatërvanët e qendrës historike. Qyteti ka vënë ambulancat dhe mjekët në gatishmëri në vende të mbingarkuara me turistë si Koloseu.

Ndërkohë në Greqi, agjencitë meteorologjike parashikojnë një valë të nxehti në ditët në vijim me temperatura mbi 40 gradë Celsius. Shërbimi zjarrfikësit njoftoi të premten se një zjarr në një zonë pyjore pranë Athinës detyroi evakuimin e banorëve të 5 fshatrave.

“Edhe pse zjarri u vu nën kontroll, një kombinim i paqëndrueshëm i temperaturave të larta dhe erërave të forta mund të rrisë rrezikun për shpërthime të tjera zjarresh, veçanërisht në rajonin e Atikës rreth kryeqytetit grek dhe disa ishujve në Detin Egje”- thanë autoritetet.

Shërbimi zjarrfikës grek i tha AFP-së se mbi 100 zjarrfikës me 37 automjete dhe një helikopter ishin në gatishmëri pranë Athinës, pasi një zjarr tjetër në Kios, ishulli i pestë më i madh i Greqisë, shkatërroi mbi 4 mijë hektarë tokë brenda 4 ditësh.

Shkencëtarët thonë se valët ekstreme të të nxehtit janë një shenjë e qartë e ngrohjes globale dhe pritet të bëhen më të shpeshta, më të gjata dhe më intensive. I nxitur nga ndryshimet klimatike të shkaktuara nga njeriu, viti 2024 ishte viti më i ngrohtë i regjistruar ndonjëherë në nivel global dhe viti 2025 parashikohet të renditet sërish si i tillë.

The post Temperaturat ‘përvëluese’/ Italia dhe Greqia alarm të kuq për të nxehtin ekstrem appeared first on Sot News | Lajme.

Ndoshta është vetëm një ngjyrë, por e kuqja në thonj ka fuqinë të bëjë shumë më tepër sesa të duket bukur. E ashtuquajtura “Teoria e thonjve të kuq” po bën xhiron e rrjeteve sociale dhe psikologët janë të prirur të mendojnë se ka më shumë të vërteta në këtë trend sesa duket në pamje të parë.

Sipas teorisë, gratë që lyejnë thonjtë me ngjyrë të kuqe ndihen më të sigurta në vete, më të fuqishme dhe më të vëzhguara nga të tjerët, në mënyrë pozitive. Ngjyra e kuqe historikisht është lidhur me pasionin, autoritetin dhe feminitetin e fortë. Në këtë kontekst, një manikyr i kuq nuk është thjesht një zgjedhje estetike, por një deklaratë.

Psikologët shpjegojnë se efekti është një lloj “placebo emocional”. Ndryshimi i vogël në pamje, si një manikyr i kuq, mund të ndikojë në mënyrën si ne sillemi, flasim apo e shohim veten në pasqyrë. Dhe kjo nuk është vetëm për gratë: efekti i ngjyrave në psikologjinë tonë është i dokumentuar ndër vite.

Në TikTok, “Red Nail Theory” është kthyer në hashtag viral, me miliona gra që ndajnë përvojat e tyre pozitive pas këtij ndryshimi të vogël por të fuqishëm.

A është thjesht një ngjyrë? Apo një mënyrë për të rindezur versionin më të sigurt të vetes? Sido që ta shohim, një manikyr i kuq ndonjëherë është më shumë se thjesht një trend është një gjendje shpirtërore.

The post Teoria e thonjve të kuq: Si mund të na rrisë vetëbesimin një manikyr appeared first on iconstyle.al.

Aubrey Plaza bëri rikthimin e saj të parë në tapetin e kuq që pas vdekjes së bashkëshortit të saj, Jeff Baena, në Festivalin e Filmit në Cannes për premierën e  “Honey Don’t!”.

Ajo pozoi me aktorët e saj të tjerë, Margaret Qualley dhe Charlie Day, dhe regjisoret Ethan Coen dhe Tricia Cooke.

Plaza, 40 vjeçe, bëri shfaqjen e saj të parë publike pas humbjes së bashkëshortit të saj në shkurt, gjatë speciales së 50-vjetorit të “Saturday Night Live”, ku prezantoi një performancë.

Në mars, u zbuluar që Plaza dhe Baena kishin qenë të ndarë prej katër muajsh para vdekjes së tij të papritur.

Baena vdiq nga vetëvrasja më 3 janar. Një raport nga Departamenti i Mjekësisë Ligjore të Qarkut të Los Anxhelos tregoi se ai pati një bisedë telefonike me gruan e tij pak para se të ndodhte ngjarja tragjike.

Plaza reagoi ndaj lajmeve të vdekjes së bashkëshortit të saj duke e cilësuar si një tragjedi, duke falënderuar të gjithë ata që ofruan mbështetje, dhe kërkoi që të respektohej privatësia e saj gjatë kësaj periudhe.

The post Aubrey Plaza kthehet në tapetin e kuq pas vdekjes së bashkëshortit appeared first on Lapsi.al.

Një moment pikant është shënuar gjatë pritjes që kryeministri Edi Rama po iu bën liderëve të Bashkimit Evropian gjatë Samitit të Komunitetit Politik. Kryeministri Edi Rama e ka pritur duke u ulur në gjunjë kryeministren italiane, Georgia Meloni. Kjo situatë duket se e ka sikletosur disi Melonin e cila i kërkoi kryeministrit të ngrihej.

“Edi të lutem, stop. E bën që të jetë i gjatë aq sa unë”-tha Meloni me humor përballë gjestit të Ramës.

The post Rama i ulet në gjunjë Melonit, kryeministrja ndihet në siklet: Edi stop appeared first on Lapsi.al.

Dita Botërore e Kryqit të Kuq dhe Gjysmëhënës së Kuqe mbahet çdo vit më 8 maj, në shenjë kremtimi të parimeve bazë të Lëvizjes Ndërkombëtare të Kryqit të Kuq dhe Gjysmëhënës së Kuqe. Kjo ditë nderon përvjetorin e lindjes së fituesit të parë të çmimit Nobel për Paqe dhe themeluesit të Komitetit Ndërkombëtar të Kryqit […]

The post Dita Botërore e Kryqit të Kuq dhe Gjysmëhënës së Kuqe appeared first on FaxWeb.

TIRANË, 8 mj/ATSH/ Dita Botërore e Kryqit të Kuq dhe Gjysmëhënës së Kuqe mbahet çdo vit më 8 maj, në shenjë kremtimi të parimeve bazë të Lëvizjes Ndërkombëtare të Kryqit të Kuq dhe Gjysmëhënës së Kuqe.

Kjo ditë nderon përvjetorin e lindjes së fituesit të parë të çmimit Nobel për Paqe dhe themeluesit të Komitetit Ndërkombëtar të Kryqit të Kuq – Henry Dunant.

Vullnetarët e guximshëm të Shoqatave të Kryqit të Kuq Kombëtar dhe Gjysmëhënës së Kuqe kanë qenë në vijën e parë të fatkeqësive të shumta natyrore dhe artificiale.

Ideja për një “aksion të përvitshëm që mund të mbahej në të gjithë botën … që do të ishte një kontribut i madh për paqen” u prezantua menjëherë pas Luftës së Parë Botërore.  Kjo iniciativë, e njohur si “Armëpushimi i Kryqit të Kuq”, u studiua nga një Komision Ndërkombëtar i krijuar në Konferencën e 14-të Ndërkombëtare të Kryqit të Kuq.

Raporti i tij, i paraqitur në Konferencën e 15-të Ndërkombëtare të Kryqit të Kuq në Tokio në vitin 1934, edhe u miratua nga organet përkatëse. Vetëm pas Luftës së Dytë Botërore, në vitin 1946, propozimi i Tokios u ri-shqyrtua nga Lidhja e Shoqërive të Kryqit të Kuq (LRCS), (riemërtuar në Federatën Ndërkombëtare të Shoqërive të Kryqit të Kuq dhe Gjysmëhënës së Kuqe (IFRC) në vitin 1991).

Dy vjet më vonë, propozimi i një Dite Ndërkombëtare të Kryqit të Kuq u miratua dhe Dita e parë e Kryqit të Kuq u festua më 8 maj 1948.  Titulli zyrtar i ditës ndryshoi me kalimin e kohës dhe u bë Dita Botërore e Kryqit të Kuq dhe Gjysmëhënës së Kuqe në vitin 1984.

The post Dita Botërore e Kryqit të Kuq dhe Gjysmëhënës së Kuqe appeared first on Agjencia Telegrafike Shqiptare.

Një aeroplan luftarak F/A-18 i ushtrisë amerikane u rrokullis nga një aeroplanmbajtëseje dhe u fundos në fund të Detit të Kuq, njoftoi Marina amerikan sot.

Në bordin e aeroplanit ndodhej një anëtar i ekuipazhit të regjistruar dhe një anëtar i dytë i ekuipazhit të regjistruar brenda mjetit që tërheq fluturaken kur ndodhi incidenti.

Të dy arritën të hidheshin në kohë, me vetëm një person që pësoi një lëndim të lehtë, sipas zyrtarëve amerikanë, transmeton Telegrafi.

Në aksidentin e jashtëzakonshëm që i atribuohet gabimit njerëzor, aeroplani prej 70 milionë dollarësh po tërhiqej nga hangari i USS Harry S. Truman, kur ekuipazhi humbi kontrollin.

“F/A-18E ishte duke u tërhequr në mënyrë aktive në hangarin e anijes kur ekuipazhi i zhvendosjes humbi kontrollin mbi aeroplanin. Fluturakja dhe mjeti tërheqës humbën në det”, shkroi Marina në një deklaratë.

“Marinarët që tërhiqnin aeroplanin ndërmorën veprime të menjëhershme për t’u larguar nga fluturakja para se të binte në det. Një hetim është duke u zhvilluar”, shtoi Marina.

Anija luftarake USS Harry S. Truman ka qenë duke operuar në Detin e Kuq që nga shtatori i kaluar, kur u vendos për të ndihmuar në mbrojtjen e anijeve tregtare kundër sulmeve pothuajse të vazhdueshme nga rebelët Houthi në Jemen.

Anija luftarake Truman u përfshi në një incident tjetër më parë këtë vit, kur u përplas me një anije tregtare pranë Kanalit të Suezit. Komandanti i saj u shkarkua më pas.

Anija luftarake ishte planifikuar të kthehej në shtëpi muajin e kaluar, por Sekretari i Mbrojtjes, Pete Hegseth e zgjati vendosjen e saj ndërsa urdhëroi një tjetër anije luftarake – USS Carl Vinson – në rajon për të forcuar fuqinë ushtarake. /Telegrafi/

The post Aeroplani luftarak amerikan F-18 bie nga aeroplanmbajtësja dhe përfundon në Detin e Kuq, marina humb fluturaken 70 milionë dollarëshe appeared first on Telegrafi.

Me qëllim edukimin e fëmijëve me vlera humanitare, në Elbasan u organizua ekspozita “Fëmijët dhe Kryqi i Kuq”.

Organizatorët theksojnë se nuk ka mënyrë më të bukur për të përcjellë vlerat humanitare sesa përmes artit të punuar nga duar të vogla me zemra të pastra fëmijësh.

Nëpërmjet punimeve të tyre, fëmijët përcollën mesazhe të ndryshme, ndërsa piktura që mori vendin e parë ishte ajo e Ajla Çaushit, e cila tregon për Euronews Albania çfarë mesazhi përçon vepra e saj.

“Me anë të kësaj pikture kam dashur të përcjell mesazhin sesi Kryqi i Kuq, me frymën e tij, arrin t’i nxjerrë njerëzit nga vështirësitë. Gjithashtu, Kryqi i Kuq është një dritë shprese për të gjithë ne dhe për të gjithë ata që janë në nevojë”, thotë Ajla Çaushi.

Aktivitete të tilla synojnë të promovojnë ndjenjën e vullnetarizmit dhe të humanizmit në ndihmë të më të nevojtarëve dhe në mbështetje të njëri-tjetrit.

“A duhet rinia të përfshihet në nisma të tilla? Patjetër që po. Në fund të ditës, ne jemi e ardhmja e kombit tonë, dhe pse të mos jemi ne zëri i ndryshimit? Të bëjmë Shqipërinë një vend më të përparuar dhe më të mirë. Mendoj se, për sa kohë nuk përjetojmë vetë një problem që kërkon ndihmë, si ajo e Kryqit të Kuq, nuk e kuptojmë vërtet nevojën. Prandaj mendoj se aktivitete të tilla duhet të jenë të shumta, që të solidarizojmë më shumë rininë”, thotë një nga aktivistët e Kryqit të Kuq.

“Është shumë e rëndësishme që fëmijët dhe të rinjtë të edukohen me frymën e vullnetarizmit, me frymën e ndihmës ndaj tjetrit, sidomos kur bëhet fjalë për moshat më të mëdha – prindërit apo gjyshërit tanë. Kjo i shërben shoqërisë për të krijuar një shpirt kolektiv edhe më të bukur”, thotë një zotëri.

Artistët e vegjël jo vetëm që i dhanë ekspozitës një dritë të veçantë, por edhe prekën zemrat e çdo personi të pranishëm, duke treguar dritën e udhës drejt familjes së madhe të Vullnetarëve të Kryqit të Kuq.

Kjo familje e madhe është gjithmonë pranë njerëzve në nevojë, çka u pasqyrua bukur edhe në vizatimet e tyre.

LEXONI GJITHASHTU:

• Kryqi i Kuq i indinjuar për vrasjen e tetë mjekëve në Gazë
• Grupi palestinez Hamas liron tetë pengje, ia dorëzon Kryqit të Kuq

The post “Duart e vogla që ndërtojnë botën”, ekspozita e fëmijëve në mbështetje të humanizmit appeared first on Euronews Albania.

Komiteti Ndërkombëtar i Kryqit të Kuq (KNKK) është shprehur se civilët “vazhdojnë të mbajnë peshën kryesore” të luftës midis Rusisë dhe Ukrainës dhe kërkoi që të dyja palët duhet të shmangin dëmtimin e civilëve. “Civilët vazhdojnë të mbajnë peshën kryesore të luftimeve në konfliktin e armatosur ndërkombëtar Rusi-Ukrainë”, tha Ariane Bauer, drejtoreshë rajonale e KNKK-së […]

The post Kryqi i Kuq thirrje Rusisë e Ukrainës: Ndalni goditjet e civilëve! Ata po paguajnë çmimin e luftës appeared first on BoldNews.al.

Presidentja e Kryqit të Kuq e përshkroi situatën humanitare në Gaza si “ferr në tokë” dhe paralajmëroi se spitali i tij do të mbarojë pa furnizime brenda dy javësh.

“Tani po e gjejmë veten në një situatë që unë duhet ta përshkruaj si ferr në tokë. Njerëzit nuk kanë qasje në ujë, energji elektrike, ushqim, në shumë pjesë”, tha Mirjana Spoljaric në selinë e Komitetit Ndërkombëtar të Kryqit të Kuq në Gjenevë.

Bëhet e ditur se asnjë furnizim i ri humanitar nuk ka hyrë në enklavën palestineze që kur Izraeli bllokoi hyrjen e kamionëve me ndihma më 2 mars, ndërsa bisedimet ngecën në fazën tjetër të një armëpushimi tashmë të thyer.

Izraeli rifilloi sulmin e tij ushtarak më 18 mars.

Ministria e Punëve të Jashtme të Izraelit tha se 25,000 kamionë me ndihma kishin hyrë në Gaza në 42 ditët e armëpushimit dhe se Hamasi kishte përdorur ndihmën për të rindërtuar “makinën e tij të luftës”, një pretendim të cilin grupi e ka mohuar.

Spoljaric tha se furnizimet po mbaronin në mënyrë kritike, shkruan Reuters, përcjell Telegrafi.

“Për gjashtë javë, asgjë nuk ka ardhur, kështu që ne, brenda dy javësh, do të na mbarojnë furnizimet që na duhen për të mbajtur spitalin”, tha ajo.

Organizata Botërore e Shëndetësisë tha se furnizimet me antibiotikë dhe qese gjaku po pakësoheshin me shpejtësi.

“Njëzet e dy nga 36 spitalet në enklavë janë vetëm minimalisht funksionale”, tha Dr. Rik Peeperkorn.

Raportohet se presidentja e Kryqit të Kuq ngriti gjithashtu shqetësimin për sigurinë e operacioneve humanitare.

“Është jashtëzakonisht e rrezikshme për popullsinë të lëvizë, por është veçanërisht e rrezikshme edhe për ne të veprojmë”, tha Spoljariç.

Ndryshe, në mars, trupat e 15 punonjësve të urgjencës dhe ndihmës, përfshirë tetë anëtarë të Gjysmëhënës së Kuqe Palestineze, u gjetën të varrosur në një varr masiv në Gazën jugore.

OKB-ja dhe Gjysmëhëna e Kuqe akuzuan forcat izraelite për vrasjen e tyre.

Ushtria izraelite njoftoi një hetim fillestar tregoi se incidenti ndodhi “për shkak të ndjenjës së kërcënimit” pasi tha se kishte identifikuar gjashtë militantë të Hamasit në afërsi.

Spoljaric bëri thirrje për një armëpushim të menjëhershëm për të liruar pengjet e mbetura të mbajtura nga Hamasi dhe për të adresuar çështje të rënda humanitare në Gaza. /Telegrafi/

The post “Gaza është ferr në tokë, po i mbarojnë furnizimet”, Kryqi i Kuq bën thirrje për ndihmë appeared first on Telegrafi.

Federata Ndërkombëtare e Shoqatave të Kryqit të Kuq dhe Gjysmëhënës së Kuqe (IFRC) tha se është “e indinjuar” nga vrasja e tetë mjekëve në detyrë, në qytetin Rafah në jug të Gazës. Ekipi prej nëntë personash u sulmua më 23 mars, tha IFRC-ja, ndërsa trupat e tyre u morën të dielën, pasi qasja në vendngjarje […]

The post Kryqi i Kuq i indinjuar për vrasjen e tetë mjekëve në Gazë appeared first on BoldNews.al.

Detaje të reja janë zbardhur nga fundosja e nëndetëses turistike ditën e djeshme në Detin e Kuq, ku 6 persona humbën jetën. Nëndetësja e quajtur “SINDBAD”, kishte 45 turistë rusë në bord, përveç anëtarëve të ekuipazhit. Fatmirësisht arritën që të mbijetonin 39 turistë, 29 prej të cilëve janë dërguar në spital dhe ndodhen nën kujdesin […]

The post “Nëndetësja u zhyt me kapak të hapur, ne luteshim…”/ Dëshmia tronditëse e të mbijetuarës nga tragjedia në Detin e Kuq appeared first on BoldNews.al.

Gjashtë turistë rusë humbën jetën pasi nëndetësja me të cilën po udhëtonin u mbyt në Detin e Kuq.

Sipas autoriteteve egjiptiane, janë shpëtuar 39 persona, të cilët ishin nga kjo nëndetëse.

Ngjarja ndodhi pranë brigjeve të Egjiptit, afër një resorti turistik në Hurghada.

Nëndetësja ishte e pajisur me vrima të mëdha, që mundësonin pasagjerëve të vëzhgonin koralet mbresëlënëse dhe jetën detare të Detit të Kuq. Ajo mund të zbriste në një thellësi prej 25 metrash.

The post Tragjedi në detin e Kuq/ Mbytet nëndetësja turistike, humbin jetën gjashtë persona appeared first on iconstyle.al.

Ditën e sotme një nëndetëse turistike u fundos në Detin e Kuq egjiptian. Gjashtë persona u vranë dhe 39 u shpëtuan kur një nëndetëse turistike u fundos në Detin e Kuq egjiptian, konfirmon guvernatori lokal.

Amr Hanafy tha se autoritete po hetojnë për shkakun e aksidentit. Guvernatori Hanafy vlerëson ekipet e shpëtimit të përfshirë në incident dhe thotë se ata do të vazhdojnë të koordinohen me ambasadat dhe palët përkatëse.

Aksidenti ndodhi rreth një kilometër larg bregut të Hurghada. Të gjithë pasagjerët ishin rusë, sipas ambasadës së Moskës në Egjipt.

The post Fundoset nëndetësja turistike në Detin e Kuq, gjashtë të vdekur dhe 39 të shpëtuar appeared first on Sot News | Lajme.

Të paktën katër turistë rusë kanë humbur jetën pas një aksidenti me një nëndetëse turistike në brigjet e Hurghadës, Egjipt. Mjeti lundrues transportonte 45 turistë dhe anëtarë të ekuipazhit kur ndodhi incidenti fatal.

Autoritetet ende nuk kanë dhënë detaje mbi shkakun e aksidentit, ndërsa pesë persona janë dërguar në spital për trajtim. Hurghada, një destinacion i njohur për turizmin nënujore, është tronditur nga kjo ngjarje e rëndë.

Hetimet për rrethanat e tragjedisë vazhdojnë.

The post Tragjedi në Detin e Kuq: Aksident me nëndetëse, humbin jetën katër persona appeared first on iconstyle.al.

Institucioni i  Arsimit dhe Aftësimit Profesional në Shtime me mbështetje nga Kryqi i Kuq i Kosovës në Prishtinë,të premten, në kuadër të projektit për “Promovimin e vlerave humane”, nxënësit kanë shënuar Ditën e Karrocës me aktivitete të ndryshme. Ata organizuan një marsh sensibilizues dhe krijuan tre parkingje të dedikuara për personat me nevoja të veçanta, duke dhënë një shembull konkret të përfshirjes dhe solidaritetit.

Për realizimin e aktiviteteve ishin angazhuar dy mësimdhënëset nga ky institucion: Emine Tasholli- Shaqiri dhe Besa Haxhiu-Bislimi.

Emine Tasholli- Shaqiri ka thënë për Telegrafin se qëllimi i këtij projekti është që të bashkojë të rinjtë nga komunitete të ndryshme etnike, duke i përfshirë në aktivitete të përbashkëta që promovojnë mirëkuptimin, tolerancën, paqen, kulturën e dialogut dhe parandalimin e dhunës.

“Falënderojmë Kryqin e Kuq, që kontribuan në realizimin e këtij projekti me rëndësi për komunitetin tonë”, ka thënë midis të tjerash ajo./Telegrafi/

Lexo edhe:  https://telegrafi.com/promovimi-vlerave-humane-nepermjet-edukimit-dhe-aktivizmit-rinor/

The post Nxënësit e Institucionit të  Arsimit dhe Aftësimit Profesional në Shtime shënojnë ditën e “Karrocës” me aktivitete të ndryshme appeared first on Telegrafi.

“Kufiri i kuq – T’huej mes t’vetve”, me regji të Rrezart Shehut

Ky dokumentar është pjesë e projektit “Kultura dhe kreativiteti për Ballkanin Perëndimor që është i financuar nga Bashkimi Evropian. Ky projekt është i fokusuar në ngritën e dialogut në Ballkanin Perëndimor duke rritur sektorët kulturor dhe krijues për rritjen e ndikimit socio – ekonomik.

Ballsor Hoxha

Janë të një ndjenje dhe tragjedie të jashtëzakonshme historitë e përçarjes dhe të trushpërlarjes si që ka ndodhur ndërmjet shqiptarëve, si që ka ndodhur ndërmjet Shqipërisë së regjimit të Enver Hoxhës, dhe Kosovës nën regjimin e Titos. Shkëputja e kufirit të Shqipërisë nga tërësia e globit, në njërën anë, dhe në anën tjetër vullneti dhe dashuria e verbër e kosovarëve ndaj po të njëjtit regjim monstruoz, megjithëse pa një informatë mbi atë. Një histori tejet e gjatë e dhembjes dhe dhunës.

Pas Luftës së Dytë Botërore, Kosova pra kishte mbetur jashtë kufijve të Shqipërisë administrative dhe komuniste monstruoze. Kishin mbetur të përgjysmuara familje e individë, një popull ishte ndarë në dy pjesë.

Është pikërisht kjo, tema e projektit të realizuar prëmes këtij projekti nga kujto.al, që provon të ndriçojë këtë dhembje ndërmjet një populli që kishte marrë dy vija të përvojës, dy përvoja të dhunës, dhe dy jetë në fund të fundit.

Në dokumentarin në fjalë i është dhënë fjala e rrëfimit të kësaj përvoje të çarë në dy vija, një morie të intelektualëve, historianëve, shkrimtarëve e artistëve që flasin për këtë periudhë.

Përmbajtja e dokumentarit hedhë dritë mbi arratisjen e një morie të shkrimtarëve kosovarë në Shqipërinë e Enver Hoxhës, me ç ‘ rast dyshohen dhe dhunohen deri në skajshmëri, dhe deri në fund të jetës së tyre nga po të njëjtit njerëz të cilët te të cilët kosovarët kishin kërkuar ndihmë. Pastaj flitet për marrëdhëniet e para ndërmjet këtij populli të përçarë në dy përvoja jetësore, importimin e letërsisë së Shqipërisë në Kosovë. Pastaj edhe takimet e para, ndërmjet artistëve dhe shkrimtarëve të këtyre dy përvojave jetësore, e tutje deri tek vizitat e njërës palë tek tjetra, dhe anasjelltas. Por ajo që vihet në theks, e që është ndër historitë më të dhembshme është ndalimi i botimit, qarkullimit dhe leximit të autorit më të madh kosovarë Anton Pashkut në Shqipërinë komuniste, për shkak të dekadencës së supozuar të veprës së tij.

Kjo përmbajtje duke pas zgjedhur artin dhe letërsinë si udhë të rrëfimit të kësaj përçarjeje të një populli në dy, përmes vëzhgimit të historive individuale dhe grupore përmbledhë fragmentet dhe fragmentarizimin e historisë së shqiptarëve në një frymë, shpirt, e kulturë që megjithatë si një plazma shpirtërore pas një prerje të dhunshme në historinë e saj, rigjeneron trupin e këtij populli në një shpirt të ringjallur si që është dhe si që ishte.

Mirëpo pas përfundimit të të shikuarit të dokumentarit, shikuesii tronditur nga këto histori, menjëherë dhe me automatizëm tronditet dhe përballet me pyetjet që lindin në mendjen e tij/saj:

Si i shohim të gjitha këto histori dhe historinë e një shkëputje ndërmjet nesh, sot?
Çka ka ndodhur tërë këtë kohë,  fjala është për kohën pas rënies së regjimit monstruoz dhe aq më shumë pas lirisë së Kosovës dhe pavarësisë së saj.

Çka mund të bëjmë në këtë drejtim, dhe si mundet të rikthehet frymimi i njëkohësishëm dhe i njëjësuar ndërmjet këtyre dy republikave të artit shqiptarë?

Sigurisht, arti dhe letërsia shqiptare (siç edhe u tha m lartë) janë një plazma tanimë. Frymojnë njëra në tjetrën, dhe së bashku si një, por pyetjet që shfaqen, janë po ashtu valide duke qenë se jemi ende aq afër kësaj dhe këtyre historive, nën ethet e kësaj historie sa që shpesh harrojmë këtë dhembje dhe në këtë harrim ngjanë sikur jemi të vetëm dhe të shkuar nga kjo dhunë historie.

Të qenit kaq afër një historie kaq të dhembshme, kërkon edhe zemër dhe vullnet, që të ballafaqojmë një padrejtësi kolektive, të bërë ndaj të dy përvojave të popullit shqiptarë, dhe aq më shumë të sublimojmë këtë paradoks të dy historive të një populli./KultPlus.com