Liga e Kampionëve 2025/26 ka filluar. Në Montecarlo është hedhur shorti i fazës në grup, skuadrat kanë mësuar kundërshtarët e tyre. Ashtu si në sezonin e kaluar, çdo skuadër do të luajë tetë ndeshje: katër në shtëpi dhe katër në transfertë.

Kampionët e Italisë, Napoli do të përballet me Chelsean dhe Manchester Cityn. Interi ka përfunduar në një short të vështirë, me ndeshje kyçe kundër Liverpoolit, Dortmundit, Atletico Madridit dhe Arsenalit.

Për Juventusin, pengesa kryesore është Real Madridi, por vëmendja dhe te Borussia Dortmundi e Benfika; Atalanta do të përballet me Chelsean dhe kampionët në fuqi PSG-në. Ndeshjet e para do të luhen më 16 shtator. Finalja do të mbahet më 30 maj në Budapest.

The post Shorti i Champions League, përballje të mëdha appeared first on Albeu.com.

TIRANË, 28 gusht/ATSH/ Kombëtarja U-21 do të luajë dy ndeshje miqësore prestigjioze ndaj Gjermanisë U-21 dhe Zvicrës U-21.

Trajneri i Kombëtares U-21, Alban Bushi, do të bëjë publike listën të shtunën, më 30 gusht, dhe më pas, po atë ditë në orën 11:00, do të dalë në konferencë për mediat nga “Shtëpia e Futbollit”.

Grumbullimi zyrtar do të nisë të dielën, më 31 gusht, ku pasdite do të zhvillohet edhe seanca e parë stërvitore me lojtarët që do të kenë mbërritur.

Ndeshja e parë miqësore, Shqipëri U-21 – Gjermani U-21, do të luhet më 5 shtator, në orën 18:00, në stadiumin “Elbasan Arena”.

Takimi i dytë, Zvicër U-21 – Shqipëri U-21, do të zhvillohet të hënën, më 8 shtator, në orën 18:30, në stadiumin “Brügglifeld” të qytetit Aarau.

/e.i/j.p/

The post Programi i Kombëtares U-21 për dy miqësoret ndaj Gjermanisë & Zvicrës appeared first on Agjencia Telegrafike Shqiptare.

Ceremonia e Topit të Artë 2025 do të zhvillohet në Théâtre du Châtelet në Paris, të hënën, më 22 shtator – një muaj më herët se zakonisht. Lista e plotë e kandidatëve për meshkuj dhe femra tashmë është publikuar.

Në krye të listave ndodhen lojtarët më të spikatur nga Paris Saint-Germain dhe Arsenal, që triumfuan në Ligën e Kampionëve për meshkuj dhe femra përkatësisht. Barcelona përfaqësohet gjerësisht në të dy kategoritë, me emra si Lamine Yamal, Alexia Putellas, Pedri, Aitana Bonmatí e të tjerë.

Fituesi i vitit të kaluar, Rodri i Manchester City, mungon këtë vit pas një dëmtimi të ligamentit të kryqëzuar që e la jashtë fushës për pjesën më të madhe të sezonit. Kështu, në vitin 2025 do të kemi një fitues të ri në kategorinë e meshkujve.

Kandidatët për Topin e Artë 2025 – Meshkuj

Lojtari Ekipi

Jude Bellingham Real Madrid
Ousmane Dembélé Paris Saint-Germain
Gianluigi Donnarumma Paris Saint-Germain
Désiré Doué Paris Saint-Germain
Denzel Dumfries Inter Milan
Serhou Guirassy Borussia Dortmund
Erling Haaland Manchester City
Viktor Gyökeres Sporting Lisbon / Arsenal
Robert Lewandowski Barcelona
Achraf Hakimi Paris Saint-Germain
Harry Kane Bayern Mynih
Khvicha Kvaratskhelia Paris Saint-Germain
Alexis Mac Allister Liverpool
Lautaro Martinez Inter Milan
Scott McTominay Napoli
Kylian Mbappé Real Madrid
João Neves Paris Saint-Germain
Nuno Mendes Paris Saint-Germain
Michael Olise Bayern Mynih
Cole Palmer Chelsea
Pedri Barcelona
Fabián Ruiz Paris Saint-Germain
Declan Rice Arsenal
Raphinha Barcelona
Mohamed Salah Liverpool
Vinícius Júnior Real Madrid
Virgil van Dijk Liverpool
Vitinha Paris Saint-Germain
Florian Wirtz Bayer Leverkusen / Liverpool
Lamine Yamal Barcelona

Favoritët për çmimin përfshijnë Dembélé, Yamal, Raphinha dhe Salah.

Dembélé udhëheq garën pas sezonit spektakolar me PSG, duke fituar tripletën (Ligue 1, Kupa e Francës dhe Liga e Kampionëve).

Barcelona, megjithë dominimin në kompeticionet vendase, pati mangësi në garat evropiane, çka mund të ndikojë negativisht në shanset e Yamal dhe Raphinha.

Mohamed Salah pati një sezon të shkëlqyer në Premier League me Liverpool, por mungesa e trofeve në kompeticionet e tjera pritet të ndikojë në garën e tij për çmimin.

Kandidatët për Topin e Artë 2025 – Femra
Lojtarja Ekipi
Sandy Baltimore Chelsea
Barbra Banda Orlando Pride
Aitana Bonmatí Barcelona
Lucy Bronze Chelsea
Klara Bühl Bayern Mynih
Mariona Caldentey Arsenal
Sofia Cantore Washington Spirit
Steph Catley Arsenal
Temwa Chawinga Kansas City Current
Melchie Dumornay Olympique Lyonnais
Emily Fox Arsenal
Cristina Girelli Juventus
Esther González NJ/NY Gotham FC
Caroline Graham Hansen Barcelona
Hannah Hampton Chelsea
Pernille Harder Bayern Mynih
Patri Guijarro Barcelona
Amanda Gutierres Palmeiras
Lindsey Heaps Olympique Lyonnais
Chloe Kelly Manchester City / Arsenal
Frida Leonhardsen-Maanum Arsenal
Marta Orlando Pride
Klara Mateo Paris FC
Ewa Pajor Barcelona
Clàudia Pina Barcelona
Alexia Putellas Barcelona
Alessia Russo Arsenal
Johanna Rytting Kaneryd Chelsea
Caroline Weir Real Madrid
Leah Williamson Arsenal

Arsenali dominoi Evropën me dy tituj të Ligës së Kampionëve nën drejtimin e Renée Slegers, përfshirë edhe fitoren kundër Barcelonës në finalen e Lisbonës. Lojtare si Russo, Kelly dhe Williamson ishin gjithashtu pjesë e suksesit të Anglisë në Kampionatin Evropian për Femra.

Në garë për çmimin janë edhe emra të tjerë të mëdhenj si Barbra Banda, Temwa Chawinga, Pernille Harder, Mariona Caldentey dhe Sandy Baltimore.

Në pritje të një mbrëmjeje spektakolare më 22 shtator, vëmendja tashmë është e përqendruar te performancat që vendosin fatin e Topit të Artë 2025.

The post Topi i Artë 2025/ Publikohet lista e plotë e të nominuarve appeared first on Albeu.com.

TIRANË, 1 gusht /ATSH/ Kombëtarja e futbollit U-19 nis nesër përgatitjet për dy miqësore luksi ndaj Italisë U-19.

Trajneri Julian Ahmataj ka grumbulluar 22 futbollistë të datëlindjeve 2007-2008, të cilët kanë qenë pjesë e vazhdueshme e përfaqësueses gjatë këtij viti, duke marrë pjesë në ndeshje miqësore dhe seleksionime të ndryshme.

Kuqezinjtë do të nisin menjëherë përgatitjet në qendrën stërvitore të Coverciano-s, ndërsa ndeshja e parë ndaj Italisë do të zhvillohet më 5 gusht, në orën 18:00. Miqësorja e dytë do të luhet më 7 gusht, në orën 11:00.

Këto dy takime janë një shans i mirë për stafin teknik dhe lojtarët, në kuadër të përgatitjeve për raundin e parë kualifikues të Kampionatit Europian U-19. Shqipëria do të jetë vendi organizator i grupit 5, ku do të përballet me Ukrainën, Malin e Zi dhe Sllovakinë në muajin nëntor.

The post Miqësoret kundër Italisë U-19, trajneri Ahmataj fton 22 lojtarë appeared first on Agjencia Telegrafike Shqiptare.

Sapo janë publikuar notat e provimeve me zgjedhje. Të gjithë maturantët mund të marrin lehtësisht notat e tyre në sistemin digjital, në linkun e mëposhtëm: https://www.portalistudentor.al/notat-e-matures/

Provimet me Zgjedhje i kanë kryer në total 25 872 maturantë. 360 maturantë kanë marrë notën 4.00, duke mbetur, ndërsa 366 maturantë kanë arritur të marrin notën maksimale 10.00, duke rezultuar ekselentë.

Kalueshmëria për këtë provim është 98.61% ndërsa nota mesatare është 7.72.

The post Matura Shtetërore/ Publikohen notat e lëndëve me zgjedhje appeared first on Lapsi.al.

Nga 13 kandidatë që dorëzuan dokumentacionin ju nënshtruan fazës së parë të kontrollit të dokumentacionit, 6 prej tyre u s’kualifikuan. Përmes e-mailit, SPAK i ka njoftuar 7 pretendentët që ngelën në garën për postin e shefit të BKH, se muaji korrik do të jetë jo vetëm i nxehtë, por edhe i ngarkuar për ta mbasi brenda këtij afati ata do ti nënshtrohen të gjitha fazave të tjera të konkurrimit.

Ata që ngecën në filtrin e parë të komisionit të përbërë nga kryeprokurori Altin Dumani, dhe Arben Kraja e Behar Dibra ishin: Astrit Halilaj, Haki Cako, Maoricio Sheldija, Marinela Pilinci, Miklovan Kanani dhe Nevrus Ndregjoni. Ndërkohë garuesit që synojnë drejtimin e BKH pritet të bëjnë vrap 2400 metra, 300 metra sprint, muskuj barku dhe pompa e më tej analizat mjekësore. Kush kualifikohet për fazën e radhës e pret eseja e zgjeruar, poligrafi, verifikimi i figurës dhe deklarimi I pasurisë

Drejtori I BKH duhet të zgjidhet brenda 31 gushtit kur edhe i mbaron mandate Aida Hajnajt drejtoreshës aktuale të kësaj byroje.
Në garë kanë mbetur sipas njoftimit zyrtar të SPAK Andi Pogaçe, Artur Beu, Elton Kërluku, Gentian Ndoi, Gentjan Shehaj, Gledis Nano dhe Joni Keta, shumica zyrtarë policie, dhe hetues aktualë në SPAK. Megjithatë zërat jo zyrtarë përmendin se komisioni I vlerësimit për momentin ka me sy të mirë Elton Kërlukun dhe Jon Ketën, që të dy hetues pranë asaj që paralelizohet si FBI shqiptare.

The post Korriku muaj i nxehtë për “FBI shqiptare”/ Gara për kreun e BKH, SPAK ka njoftuar 7 kandidatët e mbetur në garë appeared first on Sot News | Lajme.

Qendra e Shërbimeve Arsimore (QSHA) ka publikuar rezultatet e provimit të Gjuhës së Huaj, pjesë e detyrueshme e Maturës Shtetërore 2025. Lajmi është bërë i ditur edhe nga ministrja e Arsimit dhe Sportit, Ogerta Manastirliu, përmes një njoftimi zyrtar në rrjetet sociale.

Maturantët mund të konsultojnë notat e tyre në dokumentin zyrtar të publikuar nga QSHA.

Provimi i Gjuhës së Huaj është një nga komponentët kryesorë të Maturës Shtetërore dhe përfshin gjuhët e përzgjedhura nga nxënësit, kryesisht anglishten, frëngjishten, gjermanishten, apo italishten.

Ministria e Arsimit ka bërë thirrje që çdo maturant të verifikojë me kujdes rezultatin e publikuar dhe të ndjekë udhëzimet për ankesat, nëse ka nevojë.

LISTA

The post Matura shtetërore, dalin rezultatet e provimit të Gjuhës së Huaj (Lista) appeared first on Lapsi.al.

Lefter Maliqi, përmes një postimi në rrjetet sociale, ka falenderuar 6 kandidatët e tjerë të koalicionit të opozitës në Qarkun e Beratit që ndodheshin në listën e hapur bashkë me të, në zgjedhjet parlamentare të 11 Majit. Sipas Maliqit, pavarsisht farsës dhe masakrës elektorale, ata bënë maksimumin së bashku me demokratët, drejtuesit e seksioneve, grupseksioneve […]

The post Maliqi falenderon kandidatët e listës së hapur: Ju bëtë maksimumin, por drejtimi la për të dëshiruar appeared first on BoldNews.al.

TIRANË– Analisti Roland Bejko, i ftuar në emisionin “Real Story” analizoi zhvillimet në Partinë Demokratike ku disa prej kandidatëve në lista e hapura kanë nisur “kryengritjet” e tyre duke kërkuar rinumërim të votave me dyshimin se nuk janë lexuar në mënyrë të drejtë.

Ai theksoi se këto zëra janë shëmbëlltyra e asaj se si duhet të ishte Partia Demokratike.

Sipas Bejkos, modele të tilla janë votuar nga elektorati demokrat, i cili kërkon njerëz të drejtë dhe përfaqësues të vullnetit të popullit.

“Kështu duhet të ishte PD pas zgjedhjeve të 2021, siç nuk u bë dot. Këto janë kontrasti i Sali Berishës, i partisë së Berishës.

Këto janë atë që qytetarët i kanë dashur dhe elektorati i djathtë ka qenë i uritur për të votuar modele të tilla.

Janë vetvetja, janë njerëz me kontribute, kanë një jetë para dhe përtej politikës. Janë sinjale të forta, që u dërgojnë të gjitha atyre që duan që PD të ndryshojë”, tha ai.

Duke diskutuar në studion e “Real Story”, ku i ftuar ishte dhe kandidati Aulon Kalaja, Bejko u shpreh se kandidati i PD për qarkun Durrës është viktimë e skemave, që ka ngritur vetë Sali Berisha.

“Auloni është viktimë e këtij sistemi, që gatoi njëri krah i politikës së vjetër. Janë viktimë e skemave të Sali Berishës, ai donte një parti thjesht për vete, të dilte fitues edhe ta merrte zyrtarisht drejtimin e PD.

Berisha u fut i çorganizuar në këto zgjedhje dhe me vetëdijen e qartë që të konsolidonte pushtetin e tij në Partinë Demokratike.”, tha ai./abcnews.al

Kombëtarja shqiptare do të zhvillojë dy ndeshjet e radhës në kuadër të kualifikueseve për Kupën e Botës 2026, ndaj Serbisë dhe Letonisë. Trajneri Sylvinho ka bërë publike listën me 27 lojtarët e ftuar për këto dy përballje të rëndësishme.

Ashtu si parashikohej, braziliani Sylvinho nuk është se ka bërë revolucion, duke u bazuar në lojtarët që më së shumti I kanë dhënë garanci. Sidoqoftë, lista provizore duhet ende të shkurtohet, por për momentin ka dy lojtarë të kampionatit të Superiores: Dajsinani e Aliji.

Rikthehet në Kombëtare Ardian Bajrami, që po ka kaluar tashmë te Benfica në ekipin e parë. Pjesa tjetër janë të besuarit e përhershëm. Edhe një herë besim për Ajetin, ndonëse këtë herë është më vështirë për të të gjejë hapësirë mes Gjimshiti, Kumbullës e Ismajlit.

Lexo më tej: “Ka gjithçka, forcë, teknikë, bën gol”: Sylvinho ‘i çmendur’ pas Brojës

Mesfusha është pa surpriza, por merr thirrjen e dytë Shehu, ndërsa Bajrami ka sërisht një vend në përzgjedhjen e teknikut Sylvinho. Rikthehet edhe Pajaziti, ndërsa Muçi, Asllani, Hoxha e Laçi do të jetë gati për dy ndeshjet vendimtare.

Ka një thirrje të pritur për Armando Brojën, pavarësisht minutave që mungojnë. Edhe Uzun nga MLS, ashtu si Manaj e Daku, që është lojtari më në formë i ofensivës kuqezi.

Lista e plotë:

Portierë: Thomas Strakosha, Elhan Kastrati, Alen Sherri, Mario Dajsinani

Mbrojtës: Elseid Hysaj, Ivan Balliu, Mario Mitaj, Naser Aliji, Marash Kumbulla, Ardian Ismajli, Berat Gjimshiti, Arlind Ajeti, Adrian Bajrami

Mesfushorë: Ylber Ramadani, Juljan Shehu, Kristjan Asllani, Qazim Laçi, Adrion Pajaziti, Nedim Bajrami, Medon Berisha, Arbër Hoxha

Sulmues: Ernest Muçi, Jasir Asani, Armando Broja, Myrto Uzuni, Rey Manaj, Mirlind Daku

Shqipëria do të përballet me Serbinë më 7 qershor, në “Arenën Kombëtare”, duke nisur nga ora 20:45.

Ndërsa ndeshja ndaj Letonisë do të luhet më 10 qershor, në stadiumin “Skonto Stadions”, po në orën 20:45.

𝐋𝐈𝐒𝐓𝐀 𝐄 𝐊𝐎𝐌𝐁𝐄𝐓𝐀𝐑𝐄𝐒

Trajneri Silvinjo ka përzgjedhur 2⃣7⃣ futbollistë për ndeshjet kualifikuese të Botërorit 2026 kundër Serbisë dhe Letonisë. #listakombetares #kombetarja #kualifikueseteboterorit #europeanqualifiers #ëorldcupqualifiers #fshf pic.twitter.com/f0RHHehrhm

— FSHF (@FSHForg) May 26, 2025

The post Broja e Manaj “nën armë”: Sylvinho thërret dy nga Superiore kundër Serbisë & Letonisë appeared first on Lapsi.al.

Trafiku i rënduar dhe kaosi nuk përfundon në kryeqytet. Si mos mjaftonte Samiti i BE dhe “Giro d’Italia” të cilët shkaktuan kaos në qarkullimin e automjeteve, autoritetet shtetërore për 4 ditët e ardhshme sërish do të “paralizojnë” qarkullimin e automjeteve në Tiranë dhe disa nga akset kryesore kombëtare. Shkak për bllokimin e rrugëve është bërë […]

The post Turi Çiklistik i Shqipërisë “paralizon” sërish Tiranën dhe disa qytete, ja rrugët që do të bllokohen appeared first on BoldNews.al.

Në njoftimin ku tregon po ashtu se Silvinjo do të dalë në konferencë, FSHF ka konfirmuar se nesër do të publikohet lista e Kombëtares, për ndeshjet e qershorit në kualifikueset e Botërorit.

“Nesër, e hënë (datë 26 maj), në ora 11:00 trajneri i Kombëtares, Sylvinho, do të dalë në konferencë për median, ku do të flasë për listën e lojtarëve që do të grumbullohen për dy ndeshjet e kualifikueseve të Botërorit 2026 në qershor ndaj Serbisë dhe Letonisë”, shkruhet në njoftimin e FSHF.

Kështu nga “Shtëpia e Futbollit” do të kthehet trajneri brazilian, para dy ndeshjeve të rëndësishme. E para do të jetë me Serbinë në “Arenën Kombëtare”, ndërsa tjetra ndaj Letonisë në transfertë.

The post Trajneri Silvinjo shpjegon zgjedhjet për duelin me Serbinë/ FSHF konfirmon publikimin e listës së Kombëtares appeared first on Sot News | Lajme.

TIRANË, 25 maj/ATSH/ Kombëtarja shqiptare U-21 do të zhvillojë dy ndeshje miqësore në transfertë me Hungarinë dhe Turqinë.

Kuqezinjtë nisin të martën grumbullimin për këto sfida, ndërsa trajneri Alban Bushi ka publikuar sot listën me 24 lojtarët e ftuar.

Nëntë lojtarë vijnë nga klubet e kampionatit shqiptar, ndërsa futbollistët e tjerë aktivizohen në kampionatet jashtë vendit.

Ndeshja e parë, Hungari U-21 – Shqipëri U-21, do të luhet më 5 qershor në “Széktó Stadium”, në orën 19:30. Ndërsa sfida e dytë, Turqi U-21 – Shqipëri U-21, do të zhvillohet më 8 qershor në “Ataturk Olympic Stadium”, në orën 19:00.

Këto dy miqësore do t’i shërbejnë stafit teknik për të vëzhguar nga afër formën e lojtarëve të grumbulluar dhe për të testuar alternativa të ndryshme në funksion të ndërtimit të një skuadre sa më konkurruese për Europianin U-21 2027.

The post Miqësoret ndaj Hungarisë e Turqisë, trajneri Bushi publikon listën e lojtarëve appeared first on Agjencia Telegrafike Shqiptare.

Kreu i Partisë Demokratike, Sali Berisha ka akuzuar ashpër qeverinë dhe strukturat e saj për manipulimin e zgjedhjeve të vitit 2025, duke e quajtur këtë proces një “farsë elektorale”. Në një deklaratë për mediat, Berisha theksoi se dora e krimit ka ndikuar drejtpërdrejt në votat e diasporës, veçanërisht në Greqi dhe Itali.

“Kjo është fytyra e vërtetë e votës së diasporës. Mund të sjellim shembuj të panumërt, por sollën disa prej tyre që faktojnë se duart e zeza të krimit u shtrinë veçanërisht në Greqi dhe Itali mbi votën e qytetarëve tanë që votonin për herë të parë për vendin e tyre, për njeriun që donin. Edhe njëherë këtu nuk shtohet asgjë, përveçse një faqe e zezë tjetër e farsës elektorale të vitit 2025, në të cilën unë nesër do t’u informoj edhe njëherë se nuk ka mbetur dokument ndërkombëtar për zgjedhjet e lira, që nuk është dhunuar. Nesër unë do u paraqes listën e plotë të të gjitha dokumenteve të dhunuara barbarisht nga narkoshteti dhe narkonomenklatura e Shqipërisë në këto zgjedhje,” tha Berisha.

The post Berisha: Nesër do u paraqes listën e plotë të të gjitha dokumenteve appeared first on Lapsi.al.

TIRANË, 20 maj /ATSH/ Kombëtarja e Serbisë ka publikuar listën paraprake të lojtarëve, për dy ndeshjet kualifikuese ndaj Shqipërisë dhe Andorrës.

Trajneri i Serbisë, Dragan Stojkoviç, ka publikuar listën me 29 lojtarë, por pak ditë para ndeshjeve ajo do të reduktohet në 23 lojtarë, sipas rregullores së UEFA-s.

Nuk mungojnë lojtarë të njohur si Vlahovic, Jovic, Mitrovic dhe Pavlovic, teksa bie në sy mungesa e portierit Vanja Milinkovic-Savic apo edhe e mesfushorit Sergej Milinkovic-Savic.

Habia në listë ishte rikthimi i Katait te Serbia dhe ftesa për disa futbollistë të Superligës, si Dragan Rosić (Vojvodina), Petar Stanić (TSC) dhe Milutin Vidosavljević (Radnički 1923).

Ndeshja Shqipëri-Serbi do të luhet më 7 qershor në Tiranë dhe kjo do të jetë e para në kualifikuese për serbët. Pas tri ditësh, ekipi serb do të përballet me Andorrën në stadiumin “Dubočica” në Leskovc.

 Lista paraprake e Serbisë:

/r.e/

The post Sfida me Shqipërinë, Serbia publikon listën e lojtarëve appeared first on Agjencia Telegrafike Shqiptare.

Serbia do të ndeshet me Shqipërinë në Tiranë më 7 qershor, për ndeshjen e saj të parë në kualifikueset e Botërorit 2026. Pas tre ditësh, ekipi serb do të përballet me Andorrën në stadiumin “Dubočica” në Leskovc. Trajneri i kombëtares serbe, Dragan Stojkoviç, ka njoftuar një listë më të gjerë të futbollistëve, të cilët do […]

The post Sfida me Shqipërinë në Tiranë, Serbia publikon listën paraprake të lojtarëve appeared first on BoldNews.al.

Numërimi i votave preferenciale për qarkun e Tiranës ka përfunduar.

Blerina Gjylameti mbeti jashtë Parlamentit të ri, ndërsa Olta Xhaçka arriti të siguronte një ulëse në sallë.

Gara mes dy zonjave socialiste ishte ‘kokë më kokë’ prej disa ditësh, ku në fund Xhaçka mori 6213, kurse Gjylameti 6085.

Jashtë Kuvendit kanë mbetur edhe figura të njohura të PS, si Pandeli Majko, i cili deri në këto momente rezulton me 6513 vota, i ndjekur pas nga Etilda Gjonaj me 5526 vota.

Edhe Plarent Ndreca e ka humbur mandatin e deputetit, pasi ka siguruara deri tani 4887 vota. Më poshtë në renditje rezultojnë dhe Ermonela Felaj me 4491 vota, ndjekur menjëherë më pas nga Mimi Kodheli me 4296 vota.

Nga ana tjetër në Partinë Demokratike, Tabaku ishte e vetmja që siguroi mandatin në listën e hapur, duke grumbulluar 20484 vota, ndërsa mjeku i njohur Ilir Alimehmeti 18055 vota.

Pa mandat deputeti në Kuvendin e ri nga radhët e koalicionit të opozitës PD-ASHM, kanë mbetur presidenti i Partisë së Lirisë Ilir Meta, që ka grumbulluar 7962 vota. Nga PL, si pjesë e listës së mbyllur futen në Kuvend Tedi Blushi dhe Erisa Xhixho.

The post Përfundon numërimi në Tiranë/ Xhaçka dhe Tabaku në Parlament. Gjylameti, Qefalia, Alimehmeti e Majko mbeten jashtë appeared first on Albeu.com.

Në Kuvendin e ardhshëm të Shqipërisë, përfaqësimin më të lartë e kanë votuesit e Partisë Socialiste dhe asaj Demokratike, teksa shumë parti të vogla, pavarësisht votave të marra, nuk mund të çojnë mandate në Kuvend për shkak të formulës zgjedhore që u aplikua këtë herë “sistem proporcional rajonal”. Të dhënat të përafërta nga Komisioni Qendror […]

The post Analiza: Shqipëria voton, formula vendos! appeared first on BoldNews.al.

Qarku i Kukësi ka mbyllur procesin e numërimit duke i dhënë fitoren Partisë Demokratike. Në Kukës Partia Demokratike ka arritur të sigurojë dy mandate, ndërsa Partia Socialistevetëm 1 mandat. Sipas rezultatetve të KQZ, rezulton se kandidati Shkëlqim Shehu ka marrë 7493 vota, ndërsa Isuf Cela 7060 vota.

Megjithatë nuk janë numëruar ende votat preferenciale të Diasporës, dhe vetëm nëse në ato vota Cela nuk ka një diference me më shumë se 430 vota, mandatin e merr Shkëlqim Shehu.

Në këtë qark PS nuk ka marrë asnjë vend në Kuvend për kandidatët e listës së hapur, duke çuar në Kuvend vetëm drejtuesin politik, Eduard Shalsi.

Lista e PD- 2 mandate
Flamur Hoxha (listë e mbyllur)
Shkelqim Shehu 7493 vota

Lista e PS- 1 mandat
Eduard Shalsi (listë e mbyllur)

The post Votat preferenciale në Kukës/ PD 2 mandate, PS 1 mandat appeared first on Lapsi.al.

Nga Sebi Alla Beteja e ashpër nuk bëhet vetem ndërmjet subjekteve kundërshtare politike, por edhe kandidatët mes tyre, pavarësisht se janë në një logo partie apo koalicioni. Komisioni Qendror Zgjedhor publikoi rezultatet përfundimtare në dy zonat ku u votua në mënyrë elektronike, Bashkia Vorë dhe Njësia 10 në Tiranë, ku nga 1282 qendra votimi në Tiranë për 75 prej tyre tashmë ka rezultat përfundimtar edhe për votat e kandidatëve në listat e hapura duke dhënë një  pamje më të qartë të votës preferenciale.

PS

Partia Socialiste vijon kryesimin me një trend të qartë duke u luhatur mes shifrave 48-49 për qind, pas saj në Tiranë rendidet PD në shifrat 34-35 për qind dhe tre partite e tjera “Mundësia” e drejtuar nga Agron Shehaj, “Nisma Shqipëria Bëhet“, e drejtuar nga Lapaj-Shabani dhe PSD e Tom Doshit. Mjaft interesante është edhe renditja e kandidatëve që janë në listat e hapura dhe synojnë një vend në Parlament. Befasia ishte në listën e Partisë Socialiste ku Ministri i Ekonomisë, Kulturës dhe Inovacionit Blendi Goxhja ka siguruar 5080 vota preferenciale, i ndjekur nga ish-ministri i Brendshëm Fatmir Xhafaj me 1880 vota. Blendi Gonxhja fillimisht ishte i deleguar politik në Dibër, por Rama e riktheu në Tiranë për fushatë dhe duket se të paktën në zonën që mbulonte ka mundur që të dominojë, duke lënë pas edhe senatorët e PS-së, Fatmir Xhafaj, Erion Braçe dhe Pandeli Majko.

Në “lojë” dhe me avantazh në krahasim me të tjerët më poshtë, është Erion Braçe i cili renditet i treti me 912, i ndjekur nga ministri aktual i Brendshëm Ervin Hoxha me 615 vota, më pas Orlando Rakipi 569 vota dhe Xhemal Qefalia me 351 vota. Duke parë rezultatet në Qarkun Tiranë, si subjekte politike, PS vërtitet nga 19-20 mandate dhe kjo ka rritur pritshmëritë në pjesën e listës së hapur për të zenë 6-7 mandate që do të përcaktohen nga vota preferenciale e listës së hapur. Një fakt tjetër në listën e PS-së është se në gjashtë emrat e parë nuk ka asnjë grua, duke ia lënë “domenin” burrave të cilët duket se kanë bërë një fushatë mjaft intensive brenda PS-së, me strukturat dhe votuesit.

PD

Ndërsa Partia Demokratike dhe Koalicioni “Shqipëria Madhëshore” deri më tani ka të siguruara 12 vendet në listat e mbyllura, votat që numërohen japin shpresë për opozitën që mund të shkojnë nga 13-14 mandate, duke rritur pritshmëritë që një ose dy kandidatë në listat e hapura mund të sigurojë një vend në Parlament. Nga votat e numëruara deri më tani mjeku Ilir Alimehmeti ka mundur të sigurojë 1115 vota, e ndjekur nga Jorida Tabaku me 996 vota dhe Myslym Murrizi me 761 vota.

“Nisma Shqipëria Bëhet”

Nga votat preferenciale të numëruara deri më tani për 75 kuti, Adriatik Lapaj ka marrë 253 vota preferenciale i ndjekur nga Endrit Shabani me 128. Votat preferenciale do të jenë vendimtare për “Nismën Shqipëria Bëhet”, pasi kandidatët e saj janë në listat e hapura dhe nëse subjekti siguron mandatin e deputetit do të merret në konsideratë vota preferenciale.

“Koalicioni Euro Atlantik”

Ish-kryetari i PD-së Lulzim Basha, në këto zgjedhje doli me siglën e “Koalicionit Euro Atlantik”, por votat e numëruara deri më tani në Qarkun Tiranë nuk i japin shpresa për një mandat deputeti. Gjithsesi edhe në votën preferenciale nga 75 kutitë e numëruara, Basha renditet i dyti mes të vetëve ku ka marrë vetëm 45 vota dhe para tij ndodhet Eduard Kelmendi me 90 vota.

The post Lista, kandidatët më të votuar në Tiranë, kryeson Blendi Gonxhja appeared first on Faktoje.al.