Një aksident i rëndë ka ndodhur në rrethrrotullimin e Levanit, ku dy automjete u përplasën me forcë. Sipas policisë, njëri prej drejtuesve, shtetasi I. P., dyshohet se ka pësuar një gjendje të fikëti, gjë që çoi në humbjen e kontrollit të automjetit dhe përplasjen me automjetin tjetër, me drejtues shtetasin L. B., 51 vjeç. Si […]

The post VIDEO/ Aksident i rëndë në Levan, një i vdekur dhe pesë të plagosur appeared first on BoldNews.al.

ROMË, 5 gusht /ATSH-ANSA/- Regjisori i njohur italian, fitues i çmimit “Oscar” Francis Ford Coppola, është shtruar sot në spitalin “Tor Vergata”, në Romë.

Coppola mori pjesë në Festivalin Magna Graecia në Kalabri në korrik për të prezantuar filmin e tij të fundit, “Megalopolis”.

Regjisori, 86 vjeç, kaloi një pjesë të verës në Itali, duke kërkuar vende për filmin e tij të ri, xhirimet e të cilit janë planifikuar të nisin këtë vjeshtë.

Në mesin e korrikut, Coppola u prit nga një turmë të rinjsh në Soverato – si i ftuar special në premierën e Festivalit të Filmit Magna Graecia.

“Të rinjtë më thonë se bota është një katastrofë, por unë përgjigjem se nuk ka problem që njeriu nuk mund ta zgjidhë”, tha ai.

“Ne duhet të ndërtojmë një të ardhme të re të shkëlqyer dhe ta bëjmë atë së bashku për të mirën e fëmijëve tanë. Dhe sonte po bëjmë një hap drejt së ardhmes”, tha Coppola.

Pasi fitoi një çmim “Oscar” dhe u bë një ikonë e Hollivudit, Coppola vendosi të merrej me një film të vetëfinancuar prej 120 milionë dollarësh, “Megalopolis”, një film ambicioz dhe i vlerësuar nga kritika – që do të shfaqet premierë në Festivalin e Filmit në Kanë në vitin 2025.

Projekti do të jetë gjithashtu subjekt i një dokumentari: “Megadoc”, me regji të Mike Figgis, që do të bëjë debutimin e tij në Festivalin e Filmit në Venecia në vitin 2025.

Coppola ka lidhje shumë të ngushta me Italinë, dhe në veçanti me rajonin e Bazilikatës.

Agostino, gjyshi i Francis, emigroi nga Bernalda në fillim të viteve 1900, dhe më 1 maj 1989, Coppola u bë qytetar nderi i qytetit, ku ai shpesh kalon pushimet e tij, duke shijuar gjithashtu plazhet e Metapontos, pranë detit Jon.

Regjisori ka një plan për të rigjallëruar zonën e Metapontos; në fakt, ai ka blerë një ndërtesë të vjetër në Bernalda për ta shndërruar atë në një hotel. //a.i/

The post Francis Ford Coppola, regjisori italian fitues i çmimit “Oscar” shtrohet në spital  appeared first on Agjencia Telegrafike Shqiptare.

Këngëtarja Jessie J, ka zbuluar se është dërguar sërish në spital, gjashtë javë pas një operacioni për kancer në gji, për shkak të një infeksioni dhe lëngu në mushkëri.

Këngëtarja 37-vjeçare, e cila njoftoi më parë se kanceri ishte zbuluar herët nga mjekët, ishte në periudhë rikuperimi që nga operacioni i saj në qershor.

Por përmes një postimi në “Instagram” ditën e  djeshme, ajo bëri të ditur se është shtruar sërish në spital, ku më vonë mjekët i konfirmuan se ka një infeksion.

Jessie J, ndau një foto nga shtrati i spitalit, ku shihej një kanulë infuzioni në dorë. Ajo pranoi se kjo periudhë pas operacionit ka qenë një nga kohët më të vështira për të, veçanërisht në aspektin emocional, shkruan DailyMail.

“Ja si i kalova 24 orët e fundit:Gjashtë javë pas operacionit dhe u ktheva në të njëjtën dhomë ku isha pas operacionit. Nuk ishte as e planifikuar, as e pritur”, shkroi ajo.

Më tej ajo tregoi: ”Kisha – dhe ende kam – simptoma që tregonin për një mpiksje gjaku në mushkëri. Faleminderit Zotit nuk është mpiksje! Më bënë shumë analiza, dhe u zbulua se kam një infeksion (ende nuk dihet saktë çfarë) dhe pak lëng në mushkëri”.

“Po e kam të vështirë të marr frymë thellë, por u largova vetë nga spitali mbrëmë (nuk e duroj dot të jem aty) dhe do ta vazhdoj trajtimin si paciente ambulatore”.

Në një postim të dytë, Jessie shtoi: “E di që ka shumë njerëz që kanë kaluar të njëjtën gjë, ose diçka të ngjashme, dhe mund të mos bien dakord me atë që them – dhe kjo është në rregull.

Por për mua, dita e operacionit ishte fizikisht pika më e vështirë e gjithë kësaj rruge. Rikuperimi nuk është as i lehtë, as i shpejtë. Ndërsa emocionalisht ka qenë sfida më e madhe”.

“Si nënë e një fëmije të vogël, të mos jem në gjendje të jem nëna që jam zakonisht ka qenë shumë e vështirë.

Po ashtu, të detyrohem të ndryshoj të gjitha planet për karrierën time këtë vit, pas kaq shumë pune për t’u rikthyer, ka qenë shumë zhgënjyese. Por kjo është jeta.

Dhe mos më keqkuptoni – lajmi që nuk ka më kancer ishte fantastik. Por ky rezultat nuk e bëri fare më të lehtë rikuperimin fizik nga operacioni”.

Në postimin e fundit, Jessie u shpreh se kjo përvojë i ka kujtuar se duhet të ngadalësojë ritmin dhe të kujdeset më shumë për veten.

“Është një kujtesë për veten time që të ngadalësoj, edhe pse ndjehem sikur tashmë po lëviz me ritmin e një breshke. Ky nuk është një rikuperim i shpejtë – dhe as që duhet të jetë.

Si një grua e pavarur, me energji pa fund dhe me sindromën ‘mundem vetë gjithmonë’, kjo ka qenë një goditje. E dua lëvizjen, punën dhe aktivitetin, por tani nuk mundem – dhe kjo është realiteti.

Por po gjej forcë në faktin se gjithçka mund të përshtatet me këtë ritëm të ri, me ndihmën e rrethit tim të vogël të mbështetjes. Ju e dini kush jeni – faleminderit!”.

Me ironi të lehtë ajo shtoi: ”Trupi dhe imuniteti im më thanë:‘Ulu pak, budallaqe!’”.

Në qershor, Jessie kishte ndarë një postim tjetër ku tregonte se sapo kishte hequr drenën pas operacionit dhe po përpiqej të përshtatej me ndryshimet trupore.

“Tani jam unë dhe gjoksi im i çuditshëm duke u përpjekur të gjejmë si të vishemi. Ana e majtë më sheh si të më thotë ‘je mirë, zemër’”?

Në atë kohë, ajo kishte treguar se në momentin që mori lajmin për diagnozën, kishte kaluar menjëherë në “modalitet mbijetese”, duke mos pasur kohë të përpunonte emocionalisht situatën për shkak të përgjegjësive të shumta.

“Nuk e kisha menduar as largimin emocional nga pjesa e trupit që humba. Tani po më kapin vonë ndjenjat – pak zhgënjim që nuk i thashë më mirë lamtumirë. Tingëllon çuditshëm, por kështu po ndihem tani”.

Edhe pse më parë kishte lënë të kuptohej se ishte pa kancer, Jessie sqaroi se ky mesazh ishte keqinterpretuar.

Ajo shtoi: ”Ndonëse po lutem për lajme të mira, fatkeqësisht ende nuk mund të konfirmoj se kanceri është zhdukur plotësisht”.

The post Çfarë po ndodh me Jessie J? Këngëtarja dërgohet me urgjencë në spital appeared first on Albeu.com.

ABC News ka siguruar pamjet nga momenti i sherrit të ndodhur në Vlorë.

Kristi Konstadini dhe Indrit Halili janë dy personat që e plagosur mbrëmjen e të shtunës.

Ngjarja dyshohet se ka ndodhur pas një konflikti mes tyre që më pas degradoi me përdorimin e thikës.

/abcnews.al/

Spitali Onkologjik në Tiranë ndodhet në një gjendje të rënduar, ku kushtet e trajtimit për pacientët janë të papërshtatshme dhe shpesh çnjerëzore. Këtë e bën të ditur një qytetare e cila ka dërguar edhe pamje në redaksi teksa shkruan se dhomat janë të mbushura përtej kapacitetit, me deri në gjashtë pacientë në një hapësirë të […]

The post Gjendje alarmante në Onkologjik: Pacientët luftojnë me sëmundjen dhe kushtet çnjerëzore appeared first on BoldNews.al.

Në podcastin “Shëndeti në rend të parë”, i mbështetur nga United Hospital, psikologu klinik Visar Sadiku ka ndarë mendimet dhe përvojën e tij rreth sjelljeve të fëmijëve dhe rëndësisë së përdorimit të fjalëve magjike në edukimin e tyre.

Gjatë bisedës, ai ka trajtuar një prej problemeve më të shpeshta që hasen në sjelljet sociale të fëmijëve: mungesa e përshëndetjes, komunikimit dhe përdorimit të shprehjeve bazike si “të lutem”, “faleminderit” dhe “më fal”.

“Tani ne shohim që në takime me njerëz shpeshherë ka ankesa që fëmija nuk të përshëndet, nuk të përfill fare”, theksoi Sadiku.

Ai shtoi se, ndonëse kjo mund të duket si sjellje e paedukatë apo mungesë respekti, problemi nuk qëndron te fëmija, por te mënyra e prindërimit: “Ky është problemi i prindit”.

Lexo po ashtu Çka është ADHD? Psikologu Visar Sadiku tregon simptomat që paraqiten te fëmijët

Sadiku argumenton se shumë prindër krijojnë një hapësirë personale për fëmijët e tyre, duke i izoluar nga mjedisi social dhe duke i vendosur rregulla të rrepta vetëm sipas këndvështrimit të tyre.

Kjo sjellje, sipas tij, ndikon në formimin e një qëndrimi të keq-përshtatur social, që nuk është çrregullim, por rezultat i mungesës së punës së vazhdueshme edukative me fëmijën.

“Në gjuhën tonë popullore ka një shprehje shumë të bukur që thotë: ‘Shtëpia nuk ndërtohet nga çatia’. Edukimi i një fëmije fillon hap pas hapi”, u shpreh ai, duke theksuar se edukimi nuk mund të fillojë kur fëmija është tashmë 12 vjeç dhe nuk di si të sillet në një mjedis social.

Një tjetër pikë që Sadiku e thekson me shqetësim është mungesa e përdorimit të fjalës “më fal” në kulturën tonë familjare dhe sociale.

Ai thekson se, edhe pse shpesh jemi të vetëdijshëm për gabimet tona dhe e kuptojmë se mund të kemi lënduar dikë, shumë rrallë e themi me zë këtë fjalë.

“E nënkuptojmë që po na vjen keq, por nuk e themi më fal. Dhe kjo ka të bëjë me stilin e prindërimit që e ka rritur fëmijën”, u shpreh ai.

“Prindi është modeli primar. Fëmijët do të aplikojnë sjelljet e prindit sepse ndaj tyre janë të ekspozuar më së shumti”, ka thënë ndër të tjera Sadiku. /Telegrafi/

Për më shumë shikoni podcastin e plotë në Youtube: 

The post “Fjalët magjike nisin në shtëpi”, Visar Sadiku flet për edukimin e fëmijëve dhe rolin e prindit appeared first on Telegrafi.

Shkodër- Një përplasje fizike ka ndodhur mes dy personave që ka degjeneruar në përdorimin e armës së ftohtë.

Njëri prej tyre ka nxjerrë thikën dhe ka goditur tjetrin, duke e lënë të plagosur. Sherri ka ndodhur në qytetin e Shkodrës, në zonën e njohur si “Ish Dega”.

Autori i ngjarjes 28-vjeç është shoqëruar menjëherë në komisariat nga forcat e policisë, ndërsa i plagosuri 42-vjeç ndodhet në spitalin rajonal të Shkodrës nën kujdesin e mjekëve.

Nuk dihen ende shkaqet që çuan në konfliktin mes tyre. Policia po vijon hetimet për të zbardhur rrethanat e ngjarjes.

/abcnews.al/

Qeveria paraqiti për konsultim një draft të ri të Kodit Penal që sjell ndryshime rrënjësore, të cilat, në disa raste, shihen si alarmante e në disa të tjera si qesharake. Ky dokument, që Prokurori i Përgjithshëm, Olsian Çela, do ta quante penalizues dhe represiv ndaj qytetarëve, nuk synon vetëm kriminelët, por prek drejtpërdrejt edhe qytetarët […]

The post Kodi i ri Penal, mes alarmit dhe qesharakes/ Burg për gazetarët, kolaudimin e dëmtimin e organeve gjenitale appeared first on BoldNews.al.

Autoritetet italiane kanë njoftuar se këtë vit janë regjistruar 32 raste të virusit të Nilit Perëndimor, dy prej të cilëve kanë përfunduar me vdekje. Krahasuar me të njëjtën periudhë të vitit të kaluar, kur ishin konfirmuar vetëm 13 raste dhe asnjë viktimë, shifrat tregojnë një rritje të ndjeshme.

Sipas Ministrisë së Shëndetësisë në Itali, shumica e rasteve janë raportuar në rajonin e Lacios, veçanërisht në provincën e Latinës. 23 prej tyre janë raste neuroinvazive, forma më e rëndë e virusit që prek sistemin nervor qendror, ndërsa një rast është identifikuar te një dhurues gjaku pa simptoma.

Drejtoresha e Departamentit të Sëmundjeve Infektive në Institutin Kombëtar të Shëndetit të Italisë, Anna Teresa Palamara, tha se virusi është tashmë endemik në vend dhe këshilloi qytetarët të mbrohen nga pickimet e mushkonjave, të cilat janë bartëset kryesore të virusit.

Virusi i Nilit Perëndimor përhapet përmes mushkonjave që infektohen nga zogjtë, dhe në raste të rralla mund të transmetohet edhe nëpërmjet transfuzioneve të gjakut apo transplantimeve. Rreth 80% e të infektuarve nuk shfaqin simptoma, ndërsa 20% zhvillojnë ethe apo shenja të lehta. Megjithatë, në një përqindje të vogël, virusi mund të shkaktojë encefalit ose meningjit.

Ndërkohë, në SHBA janë konfirmuar 49 raste të virusit në 15 shtete gjatë këtij viti, ku mbi gjysma janë klasifikuar si raste neuroinvazive.

Ekspertët rekomandojnë kujdes të shtuar gjatë muajve të verës, veçanërisht në zonat me popullatë të madhe mushkonjash.

The post Rriten rastet e virusit të Nilit Perëndimor në Itali, dy viktima dhe dhjetëra të infektuar appeared first on iconstyle.al.

Në episodin e radhës të podcastit ”Shëndeti në rend të parë” e mbështetur nga United Hospital, psikologu klinik, Visar Sadiku ka folur për fëmijërinë e hershme, kryesisht në moshën 1 deri në 3 vjeç, e cila është periudhë kyçe për zhvillimin e fëmijës.

Sadiku shpjegon se prindërit janë shpesh ata që së pari vënë re nëse diçka nuk po shkon si duhet në zhvillimin e fëmijës, sidomos kur bëhet fjalë për aftësitë e komunikimit dhe ndërveprimit social.

Ai po ashtu foli për ankthin tek fëmijët, çrregullimet e ADHD-së si dhe ndikimet e personazheve online  në zhvillimin psikologjik të  fëmijëve.

Sadiku tha se simptomat që duhet të shqetësojnë prindërit janë mungesa e kontaktit me sytë, vështirësia në krijimin e lidhjes emocionale me prindin, vonesat në fjalë të para dhe mosndërtimi i marrëdhënieve sociale bazike gjatë vitit të parë të jetës.

Sadiku thekson rëndësinë e bashkëpunimit me familjen, e cila duhet të jetë pjesë aktive e trajtimit dhe të aplikojë procedurat në shtëpi për të gjeneralizuar shkathtësitë e fituara gjatë terapisë.

“Njëra ku prindi e merr shumë personale dhe e mohon problemin, dhe tjetra ku prindi bashkëpunon, por nuk pranon plotësisht problematikën. Megjithatë, në fund, të dy grupet shpesh arrijnë të pranojnë situatën dhe punojnë për përmirësim të fëmijës”, tha ndër të tjera Sadiku.

Në podcast psikologu klinik, Sadiku foli edhe për autizmin tek fëmijët.

Për më shumë ndiqni podcastin “Shëndeti në rend të parë”. /Telegrafi/

The post Shenjat e hershme të çrregullimeve te fëmijët dhe roli i prindërve – psikologu klinik Visar Sadiku flet në podcastin “Shëndeti në rend të parë” appeared first on Telegrafi.

Në Kodin e ri Penal të bërë nga Arben Rakipi i Shkollës së Magjistraturës, vagina është i vetmi organ i trupit të njeriut që ka marrë “status special”, teksa truri, zemra apo organet e tjera janë lënë në harresë. Sipas Kodit të ri Penal, dëmtimi i rëndë i organeve gjenitale femërore do të dënohet me […]

The post Kodi i ri Penal/ 4 deri në 12 vite burg kush i dëmton organin gjenital një vajze apo gruaje appeared first on BoldNews.al.

Policia ka dhënë detaje të reja, sa i përket ngjarjes duke informuar se, ish-shefi i Rrugores së Vlorës, aktualisht oficer i Policisë Kufitare Dibër, Ardian Isufi, dhunoi së bashku me një person me precedent kriminalë një 18-vjecar, kamerier në lokal, për shkak se porosia e ardhur kishte një shishe ujë më tepër.

Në njoftimin ku bëhet me dije se Isufi është pezulluar nga detyra, policia njofton gjithashtu se ish-shefi i Rrugores momentalisht ndodhet në spital.

Kjo pasi pronari i barit, kur ka parë skenën dhe faktin që kamerieri i tij është dhunuar, ka ndërhyrë duke e rrahur.

Njoftimi:

Pas përfshirjes jashtë orarit të shërbimit në një konflikt fizik, në ambientet e një lokali në lagjen “Pavarësia 2”, Vlorë, Drejtori i Përgjithshëm i Policisë së Shtetit, Drejtues Madhor Ilir Proda, ka urdhëruar pezullimin e menjëhershëm nga detyra, deri në sqarimin e plotë të rrethanave, të oficerit të Policisë Kufitare Dibër.

Ndërkohë, Drejtoria e Standardeve Profesionale në Policinë e Shtetit ka nisur ndaj Nënkomisar A. I., me detyrë Oficer Policie në Komisariatin e Policisë Kufitare Dibër, procedurën disiplinore të rëndë, bazuar në Ligjin nr. 82/2024 “Për Policinë e Shtetit”, që parashikon masa për:

-raste të sjelljeve që diskreditojnë imazhin dhe dëmtojnë besimin e publikut tek Policia e Shtetit, të kryera jashtë ushtrimit të detyrës;

-kryerjen e veprimeve që cenojnë rëndë figurën e punonjësit të policisë, institucionit apo shërbimit policor në tërësi.

Nga veprimet e para hetimore ka rezultuar se Nënkomisar Ardian Isufi, jashtë shërbimit dhe në shoqërinë e shtetasit L. B., 57-vjeç, banues në lagjen “Pavarësia”, Vlorë, është konfliktuar fillimisht fizikisht me shtetasin A. B., 18-vjeç. Pas përshkallëzimit të konfliktit, janë përfshirë edhe shtetasit V. B., 53-vjeç, pronar i një hoteli në lagjen “Pavarësia 2”, dhe E. M.

Aktualisht, Nënkomisar A. I. ndodhet i shtruar në Spitalin Rajonal Vlorë.

Për këtë rast vijojnë veprimet procedurale nga oficerët e Policisë Gjyqësore pranë Prokurorisë, në bashkëpunim me Agjencinë e Mbikëqyrjes Policore.

Policia e Shtetit mbetet e vendosur të reagojë me vendosmëri ndaj çdo rasti që cenon besimin e qytetarëve. Ajo fton qytetarët të denoncojnë çdo veprim të paligjshëm apo sjellje të papërshtatshme nga punonjësit e saj, duke garantuar trajtim të paanshëm dhe konform ligjit.

The post Ish-shefi i “Rrugores” Vlorë i dhunoi kamarierin, pronari i lokalit bën për spital Ardian Isufin appeared first on Albeu.com.

Në podcastin “Shëndeti në rend të parë”, mbështetur nga United Hospital, ortopedi Cen Bytyqi ka hedhur dritë mbi një shqetësim të shpeshtë tek prindërit – shputat e rrafshëta të fëmijëve.

Ai theksoi se ky fenomen është i zakonshëm dhe në shumicën e rasteve kalimtar.

Lexo po ashtu Anomalitë te fëmijët - ortopedi Cen Bytyqi tregon si mund të ndërhyhet me kohë

“Dua t’ju them se nuk ka nevojë të bëhet panik i madh, sepse 97 për qind e fëmijëve në moshën dyvjeçare i kanë shputat e rrafshëta. Shpesh vijnë prindër të shqetësuar, por kur fëmijët arrijnë moshën 10-vjeçare, vetëm tre deri në katër për qind vazhdojnë të kenë shputa të rrafshëta. Pra, pjesa më e madhe e shputave normalizohen vetvetiu”.

Sipas tij, ka mënyra të besueshme për të parashikuar zhvillimin e shputës.

“Ne kemi disa teste prognostike që i bëjmë dhe na ndihmojnë të dimë nëse ajo shputë ka gjasa të zhvillohet normalisht”, shtoi ai.

Një tjetër këshillë e rëndësishme që Bytyqi dha lidhet me përdorimin e këpucëve ortopedike.

“Para moshës 3 vjeçare nuk preferohet t’u punohen këpucë ortopedike për shputa të rrafshëta. Mund të përdoren këpucë të zakonshme nga fabrika”, deklaroi ai, duke theksuar se ndërhyrjet e parakohshme nuk janë gjithmonë të nevojshme. /Telegrafi/

The post Ortopedi Cen Bytyqi: Shputat e rrafshëta te fëmijët janë të zakonshme në moshë të vogël appeared first on Telegrafi.

Një ngjarje tragjike ka ndodhur sot në lagunën e Patokut, Kurbin, ku dy djem 16-vjeçarë hynë për t’u larë , duke kaluar përmes kanalit që lidh lagunën me detin. Njëri prej tyre është nxjerrë nga uji dhe transportuar në spital për ndihmë mjekësore, ndërsa tjetri dyshohet se është mbytur dhe trupi i tij nuk është […]

The post Kurbin/ Mbytet një 16-vjeçar në lagunën e Patokut appeared first on BoldNews.al.

TIRANË, 24 korrik/ATSH/ Kryeministri Edi Rama prezantoi sot një tjetër inovacion të qeverisjes, Kryeinspektoratin Digjital të Territorit.

Në një postim në rrjetet sociale, Rama ndau një video, ku pasqyrohet një fragment i shkurtër i informacionit që ky Kryeinspektorat po mbledh nëpër Shqipëri, për të filluar punën  për zbatimin e masave të reja ligjore të kontrollit të territorit.

“Ky Kryeinspektorat do të mbulojë hap pas hapi të gjithë gamën e aktiviteteve shoqërore e shtetërore në territor, nga kontrolli i ndërtimeve tek taksat e tarifat vendore, nga prodhimi bujqësor tek mbrojtja e pyjeve dhe lumenjve, duke e bërë punën e strukturave përkatëse më të lehtë, si edhe duke i bërë zullumet e llojllojshme shumë më të vështira”, theksoi Rama.

Gjatë muajit korrik në vend ka nisur një aksion i gjerë për lirimin e hapësirave publike si të zëna padrejtësisht nga qytetarët si në qytete edhe në zonat turistike.

Ndërkohë që pak ditë më parë kryeministri Rama bëri të ditur se po punohet për të nisur monitorimin teknologjik të strukturuar të territorit përmes dronëve.

Kryeministri bëri të ditur se “jemi shumë afër edhe në këtë aspekt ndërkohë që kemi nisur punën me monitorimin teknologjik të rrugëve. Kemi Qendrën e Monitorimit të Trafikut, kemi pjesë të këtij plani pune edhe monitorimin e shkollave, por ndërkohë jemi në një proces për të nisur edhe monitorimin teknologjik të strukturuar të territorit ku do të mund të ndjekim gjithçka ndodh në territor përmes dronëve”.

Ndërkohë, sipas kryeministrit, informacioni i marrë nga dronët do të bëjë që puna e inspektorëve në terren të ballafaqohet me vëzhgimin e teknologjisë.

/k.s/j.p/

The post Nga kontrolli i ndërtimeve tek taksat vendore e mbrojtja e mjedisit, Rama prezanton Kryeinspektoratin Digjital të Territorit appeared first on Agjencia Telegrafike Shqiptare.

TIRANË- Një sherr është regjistruar gjatë natës, në kryeqytet. Sipas policisë, një 23-vjeçar rreth orës 00:50 është paraqitur në spital për ndihmë mjekësore.

Dyshohet se gjatë konfliktit 23-vjeçari Arben Ujka është dëmtuar me mjet prerës dhe pasi ka marrë trajtimin mjekësor është transportuar në banesë. Ndërkohë hetimet vijojnë për identifikimin dhe kapjen e autorit.

Sakaq materialet procedurale iu referuan Prokurorisë së Tiranës, për veprime të mëtejshme.

/abcnews.al/

TIRANË, 21 korrik/ATSH/ Një ndërhyrje u realizua me sukses në Spitalin Universitar të Traumës tek një paciente 33-vjeçare.

Kryeministri Edi Rama, në një postim në rrjetet sociale, tha se “një insulinomë 3 cm, tumor i rrallë në kokën e pankreasit, u diagnostikua dhe trajtua me sukses te një paciente 33-vjeçare, falë bashkëpunimit multidisiplinar dhe ndërhyrjes së specializuar kirurgjikale”.

Rama tha se “operacioni u krye me teknikën e avancuar Whipple (Duodeno-Cefalo-Pankreatektomi), duke ruajtur funksionin pankreatik dhe shmangur komplikacionet”.

Kreu i qeverisë shprehu mirënjohje për përkushtimin e ekipit: dr. Dritan Çela, dr. Valmira Abilaliaj, dr. Dorina Shtjefni, dr. Ervin Sulaj, si dhe infermieret Mirela Heti, Arta Prendi, Alma Shkalla, Adelina Hysa.

Në Spitalin Universitar të Traumës falë investimeve në teknologji vitet e fundit mjekët po realizojnë me sukses një sërë ndërhyrjesh delikate.

1 nga 2

/k.s//r.e/

The post Rama: Teknika e avancuar Whipple, realizohet me sukses ndërhyrja te një paciente 33-vjeçare appeared first on Agjencia Telegrafike Shqiptare.

Tre zjarrfikës të cilët po punonin për shuarjen e vatrës së zjarrit në Dukat janë dërguar në spital për ndihmë mjekësorë për shkak të asfiksimit. Bëhet me dije se zjarrfikësit ndodhen jashtë rrezikut për jetën. Ndërkohe vatra e zjarrit në malin e Dukatit vijon aktive prej tre ditësh, ndërsa flakët kanë shkrumbuar një sipërfaqe të […]

The post Asfiksohen tre zjarrfikës në Dukat, dërgohen në spital për ndihmë mjekësore appeared first on BoldNews.al.

Autor: Emirjon Senja | Citizens.al | Tiranë

Shqipëria mbetet e ekspozuar ndaj rreziqeve kibernetike, mirëpo instalimi – pa një kuadër të qartë rregullator – i pajisjeve Deep Packet Inspection (DPI) nga kompanitë e telefonisë celulare ka ngritur shqetësime serioze mbi privatësinë dhe liritë digjitale të qytetarëve.

Autoritetet kanë deklaruar se pajisjet DPI synojnë rritjen e sigurisë dhe bllokimin e platformave si “TikTok”, por ekspertët paralajmërojnë se mungesa e transparencës dhe e kuadrit ligjor mund t’i hapë rrugën censurës dhe mbikëqyrjes masive.

Besmir Semanaj, ekspert në teknologjinë e informacionit, thotë se Shqipëria rrezikon të ndjekë rrugën e vendeve autoritare që përdorin DPI-në për mbrojtje por edhe kontroll informacioni.

Semanaj, ishte ndër të parët që shprehën shqetësimin për rrezikun e këtyre pajisjeve. Ai tha për Citizens.al se përdorimi i tyre në një kohë kur nuk ka ende ligje apo udhëzime që rregullojnë si proces “i lë rrugën hapur mbikëqyrjes së aktivitetit të qytetarëve apo bizneseve të ndryshme online”, e cila “është një shkelje e madhe sa i përket të dhënave personale”.

Sipas tij, mungesa e kuadrit rregullator lehtëson procesin e censurimit të përmbajtjes që qytetarët mund të qasin online, pasi DPI e filtron atë.

“Kjo teknologji mund të përdoret jo vetëm për të bllokuar aplikacione, por edhe për të mbledhur informacion të hollësishëm dhe të dëmshëm për qytetarët, siç janë zakonet e përdorimit të internetit dhe të dhëna që lidhen me përdoruesit,” tha Semanaj, duke i njohur edhe elementët pozitivë kësaj teknologjie, siç është përmirësimi i sigurisë kibernetike në rastet e rrezikut të shtuar.

Një tjetër ekspert, Tomi Kallanxhi, vë në dukje mungesën e informacionit mbi menaxhimin e të dhënave dhe përfshirjen e palëve të treta, duke ngritur shqetësime mbi pavarësinë dhe sovranitetin digjital të Shqipërisë.

Sipas tij, është shqetësuese që, edhe pse autoritetet kanë deklaruar se pajisjet DPI nuk ruajnë të dhëna personale, ende nuk dihet kush janë ekspertët e pavarur që e kanë verifikuar këtë gjë, pasi nuk ka asnjë përgjigje zyrtare.

Ai thotë se mungesa e informacionit për mënyrën se si ruhen të dhënat, për sa kohë mbahen ato dhe nëse një palë e tretë, si kompania që ka furnizuar pajisjet, mund t’i përdorë për qëllime të tjera, si analizimi i sjelljes së përdoruesve, ngre shqetësime serioze.

Përtej këtyre mangësive, Kallanxhi analizon se, në një skenar pozitiv, përdorimi i pajisjeve DPI do të ishte efektiv për të bllokuar platforma si TikTok, por gjithashtu edhe instrument i fuqishëm për mbrojtjen ndaj sulmeve kibernetike.

Pajisje të dhuruara nga Izraeli dhe në përdorim të përkohshëm

Tregu i telefonisë celulare dhe i komunikimeve elektronike në Shqipëri kontrollohet nga Autoriteti i Komunikimeve Elektronike dhe Postare (AKEP).

Në një përgjigje për Citizens.al – në tejkalim të afateve të parashikuara ligjore për kërkesat për informacion – AKEP heq përgjegjësinë duke theksuar se me procesin e vendosjes së pajisjeve DPI është angazhuar Autoriteti Kombëtar për Sigurinë Kibernetike (AKSK).

Citizens.al iu drejtua AKSK-së për të kuptuar më shumë mbi procesin e instalimit të tyre. AKSK shpjegoi për herë të parë zyrtarisht vendimin që çoi në instalimin e pajisjeve DPI, fillimisht në kompanitë e telefonisë celulare në vend, me synimin për ta shtrirë më tej edhe te ofruesit e tjerë të shërbimit të internetit.

AKSK konfirmoi se pajisjet DPI nuk ishin blerë, por janë marrë në përdorim falas për një periudhë njëvjeçare, falë një marrëveshjeje të lidhur me Autoritetin e Sigurisë Kibernetike të Izraelit në shkurt 2023.

Pas përfundimit të kësaj periudhe, pajisjet do t’i kthehen palës izraelite. Ky informacion bëhet publik për herë të parë dhe lidhet me një periudhë të ndjeshme për Shqipërinë, atë të sulmeve kibernetike që ekspozuan të dhëna të ndjeshme si pagat, targat, numrat e telefonit dhe llogaritë bankare të qytetarëve shqiptarë.

Sa i përket bazës ligjore për këtë vendim, AKSK thekson se është mbështetur te vendimi i Këshillit të Ministrave për bllokimin e TikTok, ligji për sigurinë kibernetike dhe ligji “Për të drejtat dhe mbrojtjen e fëmijës”.

Megjithatë, nuk ka asnjë referencë specifike për mbrojtjen e të dhënave personale nga keqpërdorimi në këtë proces, duke rritur shqetësimet e ngritura më parë nga ekspertët dhe mediat.

Në përpjekje për të qetësuar opinionin publik, AKSK sqaroi gjithashtu se pajisjet DPI nuk kanë aftësi për të përgjuar komunikimet e qytetarëve. Sipas institucionit, DPI analizon vetëm “kokën” (headerin) e paketave të të dhënave dhe nuk është në gjendje të deshifrojë ose të lexojë përmbajtjen e tyre, për shkak të enkriptimit të komunikimeve në internet.

Autoritetet përgjegjëse theksojnë se kjo është një masë e përkohshme, por shumë ekspertë kanë shprehur shqetësimin se përdorimi i pajisjeve DPI mund të përfshijë një sërë tjetër përpjekjesh për të monitoruar të dhënat e qytetarëve, përfshirë ato që lidhen me përdorimin e aplikacioneve të tjera dhe aktivitetet online.

Përdorimi i këtyre pajisjeve mund të krijojë mundësi të shumta për mbledhjen e të dhënave personale dhe për manipulimin e informacionit të qytetarëve.

Kompanitë celulare në vend ishin të para që instaluan pajisjet DPI sipas udhëzimeve të AKSK, por deri në publikimin e këtij shkrimi, nuk pati një përgjigje prej tyre në drejtim të “Citizens” për çështjen në fjalë.

Pajisjet DPI po përdoren pa një kuadër rregullator të mirëfilltë

Zyra e Komisionerit për Mbrojtjen e të Dhënave Personale konfirmon për “Citizens” se, sipas legjislacionit aktual, nuk ka ende një detyrim ligjor që operatorët e komunikimeve elektronike në Shqipëri të kryejnë një “Vlerësim të ndikimit në mbrojtjen e të dhënave” (DPIA) për teknologjinë Deep Packet Inspection (DPI).

Ky qëndrim i autoritetit mbikëqyrës vjen në një moment kur ekspertët dhe gazetarët kanë ngritur shqetësime serioze për mundësinë e keqpërdorimit të të dhënave personale nga operatorët që aplikojnë DPI në rrjetet e tyre.

Komisioneri sqaron se sipas ndryshimeve ligjore të miratuara në fillim të 2024, detyrimi për kryerjen e një DPIA-je do të hyjë në fuqi vetëm në janar 2027, duke iu referuar dispozitave kalimtare të ligjit të ri nr. 124/2024 “Për mbrojtjen e të dhënave personale”.

Sipas praktikës ndërkombëtare, praktika DPIA shërben për të identifikuar dhe ulur rreziqet që lidhen me përpunimin e të dhënave personale, duke mbrojtur privatësinë dhe të drejtat e qytetarëve. Në mungesë të një DPIA-je, qytetarët rrezikojnë të ekspozohen ndaj mbikëqyrjes së tepruar, abuzimit me të dhënat dhe shkeljeve të privatësisë.

Në rastin tonë, kjo nënkupton se deri në janar 2027, përdorimi i DPI-së nga kompanitë e internetit në Shqipëri mund të vazhdojë pa një analizë të thelluar të rreziqeve për privatësinë e qytetarëve.

Në mungesë të një DPIA-je të detyrueshme, mbikëqyrja mbi përpunimin e të dhënave mbështetet vetëm në respektimin e përgjithshëm të parimeve ligjore të sigurisë, transparencës dhe minimizimit të të dhënave.

Zyra e Komisionerit i mëshon përgjegjësisë së operatorëve për të siguruar masat teknike dhe organizative për mbrojtjen e të dhënave, por mungesa e një vlerësimi të detajuar të ndikimit për teknologji të tilla si DPI mbetet një boshllëk i rëndësishëm në garantimin e privatësisë.

Lufta e të dhënave, kush i menaxhon ato

Matematicieni i njohur britanik Clive Humby është shprehur disa vite më parë se të dhënat janë nafta e shekullit XXI, duke paralajmëruar edhe një “luftë” mes shteteve për aksesin në to, si edhe nevojën për përpunimin e të dhënave për të nxjerrë prej tyre informacione që ndihmojnë në projektimin e së ardhmes dhe në parashikimin e sjelljes së qytetarëve si konsumatorë të internetit.

Në këtë kuadër, Tomi Kallanxhi thekson se diskutimi mbi vendosjen e pajisjeve Deep Packet Inspection  (DPI) nuk mund të shkëputet nga çështja e sovranitetit digjital. Ai shpjegon se një element shumë i rëndësishëm për t’u marrë parasysh është fakti që sot shtetet janë duke bërë përpjekje të mëdha për ruajtjen e sovranitetit të tyre digjital, ndërkohë që Shqipëria, sipas tij, nuk është më sovrane në këtë aspekt.

“E kemi dorëzuar sovranitetin, jo vetëm në kontekstin e DPI-ve, por edhe në atë të e-Albania, ku të dhënat e qytetarëve shqiptarë ruhen jashtë territorit të Shqipërisë,” shprehet Kallanxhi, duke ngritur pikëpyetje mbi vendimin për të mbajtur në serverë të huaj të gjitha të dhënat personale të shqiptarëve.

Ndërkohë, Besmir Semanaj e lidh sovranitetin digjital edhe me të drejtën e qytetarëve për një akses të lirë në internet.

“Sovraniteti digjital nuk është vetëm një çështje shtetërore. Ai lidhet edhe me të drejtën e çdo qytetari për të pasur akses të pakufizuar në teknologji dhe informacion”, thekson Semanaj. Ai paralajmëron se përdorimi i DPI-ve për qëllime censure cenon drejtpërdrejt këtë të drejtë. Sipas tij, në kuadër të integrimit në Bashkimin Evropian, Shqipëria duhet të respektojë parimet e një interneti të lirë, ku çdo ndërhyrje duhet të jetë e ligjshme, proporcionale dhe e justifikuar.

Përdorimi i pajisjeve DPI në vende autoritare

Në shtete autoritare apo gjysmë-autoritare, teknologjia DPI përdoret gjerësisht për qëllime të ndryshme, nga siguria kibernetike deri te kontrolli i informacionit dhe censura.

Në Rusi, përdorimi i DPI është pjesë e një strategjie shtetërore për mbikëqyrjen e komunikimeve digjitale dhe filtrimin e përmbajtjes online. Qeveria ruse ka detyruar kompanitë e internetit (ISP) që prej vitit 2020 të instalojnë këto pajisje, ndërsa përdoruesit që shfrytëzojnë rrjete VPN rrezikojnë gjoba. Platforma si Twitter, Facebook dhe Telegram janë bllokuar përmes këtyre mekanizmave.

Radio Evropa e Lirë  (REL) raportonte në vitin 2023 për një bashkëpunim intensiv mes Rusisë dhe Kinës për ngritjen e një strukture të sofistikuar të kontrollit të internetit, me fokus në filtrimin e përmbajtjes përmes DPI-ve. Në thelb të këtij bashkëpunimi qëndronte ideja e “ruajtjes së rendit shoqëror” përmes kufizimit të aksesit në aplikacione apo faqe që konsiderohen të rrezikshme.

Praktika të ngjashme janë ndjekur edhe në Turqi dhe Egjipt. Në Turqi, që prej vitit 2016, pas instalimit të DPI-ve, autoritetet kanë ndërmarrë bllokime sistematike të faqeve të mediave online dhe profileve në rrjetet sociale, duke rritur ndjeshëm kontrollin mbi hapësirën digjitale. Shembuj të përdorimit të pajisjeve DPI në Turqi pati edhe gjatë protestave pas arrestimit të kryebashkiakut të Stambollit, ku interneti u ngadalësua ndjeshëm.

Edhe pse qeveria shqiptare mund të synojë mbrojtjen e të miturve dhe krijimin e një mjedisi më të sigurt online, instalimi i pajisjeve DPI pa një kuadër të qartë ligjor dhe pa një mekanizëm të pavarur mbikëqyrjeje përbën rrezik real për liritë qytetare. Mungesa e transparencës dhe kontrollit institucional hap rrugën për abuzime dhe cenon të drejtën themelore për informim dhe privatësi.

The post Instalimi i DPI-ve pa kuadër ligjor: Rrezik për censurë dhe shkelje privatësie appeared first on Citizens.al.

Erion Veliaj edhe para pak ditësh ka shfaqur probleme shëndetësore. Për shkak të gjendjes shëndetësore, ai nuk arriti të merrte pjesë në seancën gjyqësore për padinë e bërë ndaj emisionit “Piranja” dhe gazetarit Bledian Koka.

Kryebashkiaku i Tiranës, Erion Veliaj, ditën e sotme është dërguar në spitalin e Durrësit. Veliaj ka shkuar në spital për të kryer disa analiza për shëndetin, pasi ka shfaqur probleme shëndetësore.

Raportohet se kryebashkiaku, është shoqëruar nga 30 policë për në spital. Gjithashtu, mësohet se pacientet e tjerë janë nxjerrë nga dhomat, për arsye sigurie.

Veliaj edhe para pak ditësh ka shfaqur probleme shëndetësore. Për shkak të gjendjes shëndetësore ai nuk arriti të merrte pjesë në seancën gjyqësore për padinë e bërë ndaj emisionit “Piranja” dhe gazetarit Bledian Koka.

Erion Veliaj, u arrestua në zyrën e Bashkisë më 10 shkurt si i dyshuar për kryerjen e veprës penale të “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë) dhe “Pastrimi i produkteve të veprës penale ose veprimtarisë kriminale”. Bashkëshortja e kryebashkiakut, Ajola Xoxa është lënë në masë sigurimi “detyrim paraqitje”.

Sipas SPAK, nga të dhënat konkrete të mbledhura deri në këtë fazë të hetimit paraprak, në mënyrë të përmbledhur rezulton se, nga personat nën hetim, specifikisht Veliaj edhe bashkëshortja e tij është ideuar, krijuar dhe vënë në funksionim një mekanizëm që ka synuar dhe ka bërë të mundur, në praktikë, marrjen e përfitimeve të parregullta, të cilat burojnë nga fondet publike që administrohen nga Bashkia Tiranë, përmes titullarit të saj, me qëllim pasurimin personal të këtij të fundit dhe familjes së tij, përmes veprimeve të kamufluara dhe të kundërligjshme.

The post Veliaj përfundon në spital, 30 policë për ta shoqëruar, pacientët e tjerë nxirren nga dhomat për… appeared first on Albeu.com.