Ambasada e Shteteve të Bashkuara në Tiranë ka njoftuar një politikë të re për kufizimin e vizave, që prek jo vetëm individët e sanksionuar për trafik droge, por edhe anëtarët e familjes dhe bashkëpunëtorët e tyre të afërt.

Përmes një postimi në rrjetet sociale, ambasada citon Sekretarin e Shtetit Marco Rubio: “Po shpall një politikë të re për kufizimin e vizave për anëtarët e familjes dhe bashkëpunëtorët e ngushtë personalë dhe të biznesit të individëve të sanksionuar sipas Urdhrit Ekzekutiv 14059. Do të përdorim të gjitha mjetet e nevojshme për të penguar dhe çmontuar rrjedhën e fentanilit dhe drogave të tjera vdekjeprurëse që hyjnë në vendin tonë.”

Urdhri Ekzekutiv 14059, i lëshuar më herët nga Shtëpia e Bardhë, synon luftimin e trafikimit ndërkombëtar të narkotikëve, duke ndëshkuar jo vetëm trafikantët, por edhe rrjetin që i mbështet ata.

The post Ambasada amerikane ndan mesazhin e Sekretarit të Shtetit Rubio për vizat appeared first on Lapsi.al.

Ambasada e Shteteve të Bashkuara në Tiranë ka pritur për dy ditë me radhë prokurorë shqiptarë në një trajnim të posaçëm mbi hetimin dhe ndjekjen penale të provave digjitale, nën kujdesin e Programit të Ndihmës së Sigurisë Diplomatike për Antiterrorin.

Me këtë rast, Ambasada Amerikane ndau fjalën e zëvendës shefes së misionit në detyrë, Kathryn Hammond, gjatë ceremonisë së diplomimit të pjesëmarrësve në kursin “Ndërgjegjësimi Kibernetik për Prokurorët”.

Hammond theksoi se luftërat moderne fillojnë online dhe gatishmëria kibernetike është thelbësore, pasi mbrojtja e aeroporteve, spitaleve, rrjeteve energjetike dhe të dhënave personale përbën një element të rëndësishëm të mbrojtjes kombëtare.

“Aktorët e këqij po përdorin teknologji gjithnjë e më të sofistikuara, çka e bën të domosdoshme që forcat e rendit dhe prokurorët të jenë një hap përpara këtyre kërcënimeve që evoluojnë me shpejtësi. Trajnimi juaj në këtë kurs ju ka përgatitur për të përballuar këto sfida drejtpërdrejt, duke siguruar që drejtësia të vihet në vend në epokën digjitale,” deklaroi ajo.

Hammond vuri në dukje edhe ndihmën konkrete që Shtetet e Bashkuara i kanë dhënë Shqipërisë pas sulmeve kibernetike të korrikut dhe shtatorit 2022. Ajo nënvizoi se SHBA ka ofruar miliona dollarë në ndihmë dhe ekspertizë kibernetike, duke theksuar angazhimin e palëkundur të Amerikës për të ndihmuar partnerët në forcimin e mbrojtjes së tyre kibernetike.

Fjala e plotë e Kathryn Hammond

“Jam e lumtur që jam sot këtu në emër të Ambasadës së Shteteve të Bashkuara dhe Programit të Ndihmës për Antiterrorin të Sigurisë Diplomatike. Ky kurs ishte planifikuar dhe pastaj u shty, mendoj se dy herë. Kështu që jam vërtet shumë e kënaqur që jemi të gjithë së bashku sot këtu për të ndarë informacion mbi këtë temë kaq të rëndësishme. Zëvendës Prokuror i Përgjithshëm, Admiral Jano, instruktorë Curt Perkins dhe Scott Longo, kolegë nga ambasada – faleminderit për praninë tuaj sot këtu. Dhe faleminderit juve, prokurorëve, që keni ndarë kohë nga oraret tuaja të ngarkuara për të qenë këtu dhe për të mësuar më shumë rreth kësaj çështjeje jetike. E di që keni udhëtuar nga e gjithë Shqipëria për të marrë pjesë në këtë kurs.

Në botën e sotme të ndërlidhur, nuk mendoj se mund të theksojmë mjaftueshëm rëndësinë e luftës kundër krimeve kibernetike. Krimet kibernetike paraqesin një kërcënim të madh për sigurinë kombëtare, stabilitetin ekonomik dhe sigurinë e qytetarëve. Kriminelë, terroristë, regjime shtypëse dhe aktorë të tjerë abuzojnë me mjetet digjitale duke kërcënuar paqen dhe stabilitetin ndërkombëtar, duke dëmtuar të tjerët dhe duke ushtruar ndikim të dëmshëm. Vetëm të premten që kaloi, pamë një incident kibernetik në Bashkinë e Tiranës, të cilin Autoriteti Kombëtar për Sigurinë Kibernetike ua ka atribuar aktorëve iranianë. Luftërat bashkëkohore fillojnë online. Mbrojtja e aeroporteve, spitaleve, rrjeteve energjetike dhe të dhënave personale është mbrojtje kombëtare. Gatishmëria kibernetike është thelbësore për misionin.

Aktorët e këqij po përdorin teknologji gjithnjë e më të sofistikuara, gjë që e bën të domosdoshme që forcat e rendit dhe prokurorët të jenë një hap përpara këtyre kërcënimeve që zhvillohen me shpejtësi. Trajnimi juaj në këtë kurs ju ka përgatitur për të përballuar këto sfida drejtpërdrejt, duke siguruar që drejtësia të vihet në vend në epokën digjitale.

Qeveria e Shteteve të Bashkuara po punon me partnerët për të çuar përpara një të ardhme digjitale që mbron sigurinë dhe mirëqenien e qytetarëve duke ndëshkuar ata që përdorin mjetet digjitale për qëllime kriminale. Që nga ndërhyrjet shkatërruese kibernetike të korrikut dhe shtatorit 2022, Shtetet e Bashkuara kanë ofruar miliona dollarë në ndihmë dhe ekspertizë kibernetike për Shqipërinë. Shtetet e Bashkuara e marrin me seriozitet rolin e tyre në ndihmën ndaj partnerëve për të ndërtuar mbrojtjen e tyre kibernetike – dhe një pjesë kyçe e kësaj mbrojtjeje është aftësia për të hetuar dhe ndjekur penalisht autorët e krimeve kibernetike.

Gjatë këtij kursi, ju keni thelluar njohuritë tuaja mbi kompleksitetin e provave digjitale dhe rolin e tyre kyç në ndjekjen penale të terrorizmit dhe krimeve të tjera të mëdha. Keni fituar njohuri të vlefshme mbi mënyrat se si terroristët dhe kriminelët e tjerë shfrytëzojnë internetin dhe teknologjinë për të planifikuar dhe kryer veprat e tyre të tmerrshme. Ndërsa ktheheni në rrethet tuaja përkatëse, jam e bindur se do të zbatoni njohuritë dhe aftësitë që keni fituar për të pasur një ndikim të rëndësishëm në luftën kundër krimit.

Faleminderit për përkushtimin tuaj ndaj mbrojtjes së komuniteteve tuaja. Shtetet e Bashkuara dhe Shqipëria mbeten partnerë të përkushtuar, si në botën reale, ashtu edhe në hapësirën kibernetike. Faleminderit!”, tha ajo.

The post Siguria digjitale/ Ambasada Amerikane trajnon prokurorët shqiptarë appeared first on Sot News | Lajme.

Ambasada Amerikane në Tiranë, përmes një postimi në rrjetet sociale, tregon se sa i rëndësishëm është investimi për mbrojtjen. Sipas ambasadës, një ndikim të rëndësishëm në këtë ka presidenti i SHBA-së, Donald Trump.

“Nën udhëheqjen e Presidentit Trump, 32 aleatë pritet të marrin vendime të rëndësishme dhe me ndikim të gjerë. Investimi i 5% të PBB-së në mbrojtje do të na bëjë më të fortë, por ndikimi i tij shkon përtej ushtrisë” – shkruan Ambasada Amerikane në Tiranë.

Më poshtë, ambasada Amerikane në Tiranë rendit katër faktet rreth shpenzimeve në mbrojtje:

The post Mesazh nga SHBA për Shqipërinë: Rritni shpenzimet për mbrojtjen, ndikimi i Trump është global appeared first on Sot News | Lajme.

Ambasada e Shteteve të Bashkuara në Tiranë njofton se konflikti midis Izraelit dhe Iranit ka shkaktuar ndërprerje të udhëtimeve dhe mbyllje periodike të hapësirës ajrore në të gjithë Lindjen e Mesme.

Teksa publikon mesazhin e DASH, ambasada thotë se “kjo situatë mund të sjellë edhe protesta kundër qytetarëve dhe interesave amerikane në vende të ndryshme jashtë Shteteve të Bashkuara”.

Departamenti i Shtetit këshillon të gjithë qytetarët amerikanë në botë që të tregojnë kujdes të shtuar në udhëtime dhe të ndjekin me vëmendje informacionet më të fundit për sigurinë dhe udhëtimet në faqen zyrtare travel.state.gov/destination

Njoftimi i ambasades: 

The post Lufta Izrael-Iran/ Reagon Ambasada Amerikane në Tiranë appeared first on Lapsi.al.

Ambasada amerikane në Prishtinë sot në 26 vjetorin e çlirimit kujtoi hyrjen e forcave të NATO-s në Kosovë.

Ambasada e SHBA-së në një postim në Facebook shkruan se në këtë përvjetor, nderojnë qëndrueshmërinë e popullit të Kosovës dhe angazhimin e përbashkët për të ndërtuar një të ardhme të bazuar në paqe, siguri dhe prosperitet.

Lexo po ashtu “Nuk do të ketë më ditë kërkimi për ushqim në malet e ftohta e net fshehjeje në bodrume” – fjalimi i plotë i Clintonit pas përfundimit të sulmeve mbi Serbinë

“Sot shënohen 26 vjet që kur forcat e NATO-s hynë në Kosovë, duke sjellë shpresë, siguri dhe një rrugë drejt paqes. 12 qershori 1999 ishte një pikë kthese – një pikë që u lejoi familjeve të zhvendosura të ktheheshin dhe komuniteteve të fillonin rindërtimin. Në këtë përvjetor, ne nderojmë qëndrueshmërinë e popullit të Kosovës dhe angazhimin tonë të përbashkët për të ndërtuar një të ardhme të bazuar në paqe, siguri dhe prosperitet”, shkruan ambasada amerikane. /Telegrafi/

The post 26 vjet nga çlirimi, Ambasada amerikane: 12 qershori 1999 ishte një pikë kthese, solli shpresë e siguri appeared first on Telegrafi.

Ambasada Amerikane në Tiranë ka postuar mesazhin e Sekretarit Marco Rubio, i cili thekson angazhimin e fuqishëm të Shteteve të Bashkuara për të dhënë fund emigracionit të paligjshëm dhe për të forcuar sigurinë kufitare të vendit.

“Ne jemi të palëkundur në përkushtimin tonë për t’i dhënë fund emigracionit të paligjshëm dhe për të forcuar sigurinë kufitare të Amerikës,” thekson Rubio.

Ai përmend dy Zonat e reja të Mbrojtjes Kombëtare përgjatë kufirit jugor të SHBA-së si një hap konkret në këtë drejtim, si dhe standardet e forta të verifikimit për aplikantët për viza, që sipas tij, janë shembuj të ruajtjes së standardeve më të larta të sigurisë kombëtare dhe publike.

Ky mesazh vjen në një kohë kur siguria kufitare dhe politikat e emigracionit mbeten çështje prioritare për administratën amerikane.

The post Ambasada Amerikane tjetër mesazh shqiptarëve: SHBA e palëkundur në luftën kundër emigracionit të paligjshëm appeared first on Sot News | Lajme.

Forcat e armatosura të Shteteve të Bashkuara dhe Shqipërisë zhvilluan një stërvitje intensive në terren në Bizë, si pjesë e stërvitjes “Exercise Immediate Response”, një komponent kyç i ushtrimit më të gjerë ndërkombëtar “DEFENDER 25”.

Të pranishëm në këtë aktivitet ishin e Ngarkuara me Punë e Ambasadës Amerikane në Tiranë, Nancy VanHorn, Gjeneral Brigade Chris McKinney nga Komanda Europiane e SHBA-së (EUCOM), si dhe Gjeneral Brigade Mike LaPoint nga Garda Kombëtare e New Jersey.

Ata iu bashkuan udhëheqësve shqiptarë për të vëzhguar nga afër operacionet dhe për të theksuar rëndësinë e bashkëpunimit strategjik mes dy vendeve.

Në një postim në Facebook, Ambasada Amerikane në Tiranë theksoi se stërvitjet e përbashkëta “mbështeten në forcën dhe bashkimin që e mbajnë rajonin të sigurt dhe kombet tona të mbrojtura”.

Stërvitja “DEFENDER 25” synon të testojë dhe forcojë aftësitë logjistike dhe operacionale të NATO-s dhe partnerëve të saj në Evropë, duke garantuar një përgjigje të shpejtë dhe të koordinuar ndaj çdo kërcënimi të mundshëm.

The post “DEFENDER 25”/ Ambasada Amerikane: Bashkëpunimi me Shqipërinë, themel për sigurinë e rajonit appeared first on Albeu.com.

Një marrëveshje dypalëshe, e nënshkruar në prill, u lejon trupave amerikane të vendosen rreth Kanalit të Panamasë, por jo të krijojnë baza, sqaruan autoritetet panameze.

Trupat amerikane kanë mbërritur në Panama për stervitje ushtarake që synojnë mbrojtjen e kanalit të vendit, i cili lidh dy oqeane, tha të enjten ambasada amerikane, pas një marrëveshjeje dypalëshe që ka shkaktuar protesta në vendin e Amerikës Qendrore.

Ushtarët amerikanë “do të stërviten së bashku me forcat e sigurisë panameze” në “operacione në xhungël”, tha ambasada amerikane në një deklaratë të shkurtër.

Ambasada sqaroi se Panamaja “duhet të miratojë” hyrjen e ushtrisë amerikane, “në bazë rotacioni dhe jo përgjithmonë”, për të kryer stervitje.

Panamaja nënshkroi marrëveshjen e sigurisë pas presionit nga Presidenti Donald Trump, i cili ka kërcënuar të sekuestrojë kanalin, duke pretenduar se është nën ndikimin e Kinës.

Kjo marrëveshje ka shkaktuar protesta nga sindikatat dhe organizatat e tjera panameze, të cilat e konsiderojnë atë një “shkelje të sovranitetit” të vendit dhe se është një kthim i maskuar i bazave ushtarake.

Në vitet e fundit, ushtria amerikane ka marrë pjesë në stërvitje ushtarake në Panama së bashku me vendet e Amerikës Latine.

The post Ambasada amerikane njoftim: Trupat amerikane stërvitje ushtarake në Panama, ja arsyeja appeared first on Sot News | Lajme.

Ambasada e Shteteve të Bashkuara në Tiranë ka njoftuar zyrtarisht përditësimin e sistemit të saj të takimeve për viza. Ambasada bëri me dije se tashmë aplikantët mund të caktojnë dhe të përshtatin takimet e tyre për vizë nëpërmjet platformës së re elektronike. Ky ndryshim synon të përmirësojë përvojën e aplikantëve, duke ofruar më shumë fleksibilitet […]

The post Ambasada amerikane në Tiranë përditëson sistemin e takimeve për viza appeared first on BoldNews.al.

Nga Basir Çollaku Anglishtja pas-zgjedhore në Tiranë ka qenë sa e drunjtë aq e koduar por edhe shqeto. Duke lajmëruar zhvillime ndryshe nga pritshmëritë e pushteteve. Nisi diku me 20 maj 2025, me praninë e DEA në aksionin e arrestimeve të një prej bandave të kokainës së Durrësit Troplini-Doçi, një aktor faktori elektoral. U duk […]

The post Zgjedhjet shqip dhe rezultati anglisht appeared first on BoldNews.al.

Ambasada e Shteteve të Bashkuara të Amerikës në Prishtinë ka mirëpritur pjesëmarrjen e Forcave të Sigurisë së Kosovës në trajnimin ushtarak me njësitë e ushtrisë amerikane në JRTC në Fort Johnson – Luiziana në SHBA.

Në një postim në Facebook, ambasada amerikane thotë se, ky moment historik pasqyron partneritetin në rritje të mbrojtjes midis Shteteve të Bashkuara dhe Kosovës, si dhe tregon përkushtimin e FSK-së për ndërtimin e një force moderne, profesionale dhe të gatshme për mision, të aftë për të kontribuar në paqen dhe sigurinë globale.

“Të fortë së bashku në rrugën drejt gatishmërisë! Jemi krenarë që mbështesim FSK-në përmes programit EUCOM J7 – TWWFC teksa stërviten së bashku me njësitë e ushtrisë amerikane në JRTC në Fort Johnson, Luiziana – një nga qendrat kryesore të trajnimit luftarak të ushtrisë amerikane”, thuhet në postimin e ambasadës amerikane. /Telegrafi/

The post Trajnimi i përbashkët i FSK me ushtrinë amerikane, ambasada e SHBA-së: Të fortë së bashku në rrugën drejt gatishmërisë appeared first on Telegrafi.

Ambasada amerikane në Tiranë ka publikuar mesazhin e sekretarit amerikan të Shtetit Marco Rubio.

Ai ka shprehur shqetësimin për pasojat negative të emigracionit masiv, duke theksuar se ky fenomen mund të shërbejë si shtysë për trafikimin e qenieve njerëzore.

“Ne duam të parandalojmë emigrimin masiv sepse ai i jep shtysë trafikimit të qenieve njerëzore. Në shumë raste, emigrimi masiv është trafikim i qenieve njerëzore. Nuk ka asgjë humanitare, asgjë të dhembshur në emigrimin masiv. Të vetmit njerëz që përfitojnë nga emigrimi masiv janë trafikantët.”, thotë Rubio.

The post Ambasada amerikane shpërndan mesazhin e Rubios: Duam të parandalojmë emigracionin masiv appeared first on Sot News | Lajme.

Ambasada Amerikane ka reaguar për herë të parë për zgjedhjet parlamentare të 11 majit.

Në një reagim jashtëzakonisht të vonuar me standarded e tyre të mëparshme (kujtojmë urimin e Yuri Kim në 2021 pa mbaruar ende numërimi), ambasada amerikane nuk përmend mazhorancën për fitoren në zgjedhje, por uron popullin shqiptar.

“Urojmë popullin e Shqipërisë për zgjedhjet parlamentare dhe presim të vazhdojmë partneritetin tonë të ngushtë me Shqipërinë.” – shkruan Ambasada Amerikane në Facebook. ©LAPSI.AL 

The post Reagimi i parë për zgjedhjet/ SHBA uron “popullin e Shqipërisë” por jo Edi Ramën appeared first on Lapsi.al.

Kryeministri Edi Rama është në pritje të një urimi nga Shtetet e Bashkuara të Amerikës për rezultatin e 11 majit, por në vend të kësaj, nga ambasada amerikane në Tiranë ka mbërritur një tjetër mesazh, i sigluar nga Prokurorja e Përgjithshme e SHBA, Pam Bondi. Përmes emisarit të saj Stephen Fields, Prokurorja e Përgjithshme e SHBA i kujton qeverisë se duhet të luftojë “kartelet”, “krimin e organizuar ndërkombëtar” dhe “emigracionit të paligjshëm”.

Fields, shkruhet në njoftimin e ambasadës “përcolli prioritetet e Prokurorit të Përgjithshëm të ShBA për të eliminuar kartelet, krimin e organizuar ndërkombëtar dhe emigracionin e paligjshëm”.  Me pak fjalë, jo licensa të hoteleve luksoze për trafikantët e Durrësit.

Në njoftimin zyrtar të ambasadës amerikane në rrjetet sociale thuhet se Fields takoi të gjithë krerët e drejtësisë dhe policisë shqiptare, dorëzoi pajisje për burgjet, dha certifikata për Akademinë e Sigurisë. Në mesazh nuk përmendet asnjëherë fjala “zgjedhje” dhe as “fitore”, për të cilën, deri tani është ruajtur një heshtje e pastër diplomatike.

Në 2021 Rama u përgëzua nga SHBA para se të shpallej rezultati zyrtar i zgjedhjeve të 25 Prillit, por kësaj radhe i mbetet të ngushëllohet me miqësinë që ka me Jared Kushner, dhëndrin e Donald Trump, ndërsa shpresat për një përmirësim të imazhit të tij, janë në lobimin që kanë marrë përsipër disa biznesmenë shqiptarë në SHBA. Gjatë fushatës, disa prej bashkëpuntorëve të fushatës së Trump, si LaCivita dhe Manafort u kontraktuan nga Partia Demokratike dhe mbështetën në zgjedhje Sali Berishën, i cili financoi edhe një kontratë lobimi me kompaninë ku bën pjesë vajza e Susie Willies, shefja e kabinetit të Donald Trump.

Është kjo panorama, kur Ramës ende po i mungon urimi nga SHBA, ndërkohë që i vjen një listë detyrash, e ngjashme me ato që flisnin kundërshtarët politike gjatë fushatës dhe që thotë me fjalë të tjera “Fillo me kartelet. Pastro shtëpinë!”

The post Rama pret urimet/ Ambasada e SHBA i sjell mesazhin e prokurores Pam Bondi appeared first on Lapsi.al.

Pas mbylljes së disa zyrave të strukturave paralele serbe në veri të vendit, e Ngarkuara me Punë në Ambasadën amerikane në Kosovë, Anu Prattipati ka qëndruar sot në veri ku u takua me përfaqësues politikë si dhe Policinë e Kosovës.

Kështu u bë e ditur përmes një postimi në rrjetin social në Facebook të Ambasadës amerikane në Kosovë ku ndër të tjera thuhet se është përgjegjësi e Qeverisë së Kosovës që të sigurojë që të gjithë qytetarët të jetojnë në mënyrë paqësore.

“E Ngarkuara me Punë Anu Prattipati ka zhvilluar sot një vizitë produktive në veri të Kosovës, ku ka takuar liderë të shoqërisë civile, përfaqësues politikë dhe Policinë e Kosovës. CDA përsëriti qëndrimin e qeverisë së SHBA: stabiliteti dhe siguria janë kyçe. Është përgjegjësi e Qeverisë së Kosovës që të sigurojë që të gjithë qytetarët të jetojnë në mënyrë paqësore”, thuhet në postim. /Telegrafi/

The post Prattipati viziton veriun: Qeveria e Kosovës ka përgjegjësi të garantojë paqen për qytetarët appeared first on Telegrafi.

Teksa e gjithë vëmendja është tek procesi i numërimit të votave për zgjedhjet parlamentare të 11 Majit, Ambasada Amerikane në Tiranë ka bërë një njoftim të rëndësishëm në lidhje me Lotarinë Amerikanë 2026.

Në njoftimin e publikuar në rrjete sociale, Ambasada e SHBA në Tiranë bën me dije për shqiptarët që janë shpallur fitues të lotarisë, që të ndjekin udhëzimet dhe të plotësojnë formularin e aplikimit DS-260 online.

Sakaq, Ambasada e SHBA shprehet se përzgjedhja si fitues gjatë kontrollit të statusit për Lotarinë Amerikanë 2026, nuk garanton një intervistë apo vizë.

Postimi i plotë i Ambasadës së SHBA

Nëse keni kontrolluar statusin tuaj të #DV2026 në dvprogram.state.gov/ESC/ dhe shihni se jeni përzgjedhur, ndiqni udhëzimet dhe plotësoni aplikimin DS-260 online. Mos harroni, përzgjedhja nuk ju garanton një intervistë apo vizë.

If you checked your #DV2026 status at dvprogram.state.gov/ESC/ and see you ëere selected, follow the instructions and complete the online DS-260 application. Remember, being selected does not guarantee an intervieë or a visa.

U.S. Department of State: Consular Affairs

The post Gjithë vëmendja te procesi i numërimit të votave, Ambasada Amerikane del me njoftim të rëndësishëm një ditë pas zgjedhjeve appeared first on Albeu.com.

Ambasada e SHBA-ve në vendin tonë ka bërë një thirrje që qytetarët shqiptarë të mos keqpërdorni vizat turistike, konkretisht të mos udhëtojnë për të lindur në SHBA.

Me anë të një njoftimi në Facebook, ambasada sqaron se vajtja me vizë turistike në SHBA për të lindur quhet turizmi i lindjes dhe kjo do të refuzohet nga oficerët konsullorë.

Kjo është e papranueshme -thekson ambasada- dhe nëse viza turistike keqpërdoret për këtë rast atëherë qytetarët mund të humbasin të drejtën për vizë apo për të udhëtuar në SHBA.

“Është e papranueshme që prindër të huaj të përdorin një vizë turistike amerikane me qëllimin parësor për të lindur në Shtetet e Bashkuara që të sigurojnë nënshtetësinë për fëmijën, çka mund të përfshijë edhe shpenzime për kujdesin mjekësor që mbulohen nga taksapaguesit amerikanë. Ky njihet si “turizmi i lindjes” dhe oficerët konsullorë të ShBA refuzojnë të gjitha aplikimet për viza të tilla sipas ligjit të emigracionit të ShBA. Ata që keqpërdorin sistemin tonë të emigracionit përmes turizmit të lindjes mund të humbasin të drejtën për viza në të ardhmen ose për të udhëtuar në Shtetet e Bashkuara. Kjo është një mënyrë më shumë se si Departamenti Amerikan i Shtetit po u shërben dhe mbron taksapaguesit dhe komunitetet amerikane”, thote ambasada.

The post Ambasada Amerikane sqaron: Ja pse vizat turistike nuk vlejnë për lindje fëmijësh appeared first on Sot News | Lajme.

Ambasada Amerikane në Tiranë, thotë se është e papranueshme që prindër të huaj të përdorin një vizë turistike amerikane me qëllimin parësor për të lindur atje, që të sigurojnë nënshtetësinë për fëmijën. Ky është mesazhi për qytetarët shqiptarë, të cilëve u bën thirrje të mos keqpërdorin vizat turistike dhe të mos udhëtojnë për të lindur në SHBA. Mesazhi i plotë Është e papranueshme që prindër…

Source

Ambasada e SHBA-ve në vendin tonë ka bërë një thirrje që qytetarët shqiptarë të mos keqpërdorni vizat turistike, konkretisht të mos udhëtojnë për të lindur në SHBA.

Me anë të një njoftimi në Facebook, ambasada sqaron se vajtja me vizë turistike në SHBA për të lindur quhet turizmi i lindjes dhe kjo do të refuzohet nga oficerët konsullorë.

Kjo është e papranueshme -thekson ambasada- dhe nëse viza turistike keqpërdoret për këtë rast atëherë qytetarët mund të humbasin të drejtën për vizë apo për të udhëtuar në SHBA.

“Është e papranueshme që prindër të huaj të përdorin një vizë turistike amerikane me qëllimin parësor për të lindur në Shtetet e Bashkuara që të sigurojnë nënshtetësinë për fëmijën, çka mund të përfshijë edhe shpenzime për kujdesin mjekësor që mbulohen nga taksapaguesit amerikanë. Ky njihet si “turizmi i lindjes” dhe oficerët konsullorë të ShBA refuzojnë të gjitha aplikimet për viza të tilla sipas ligjit të emigracionit të ShBA. Ata që keqpërdorin sistemin tonë të emigracionit përmes turizmit të lindjes mund të humbasin të drejtën për viza në të ardhmen ose për të udhëtuar në Shtetet e Bashkuara. Kjo është një mënyrë më shumë se si Departamenti Amerikan i Shtetit po u shërben dhe mbron taksapaguesit dhe komunitetet amerikane”, thote ambasada.

The post Ambasada Amerikane jep një mesazh të fortë për gratë shqiptare shtatzëna appeared first on Lapsi.al.

Në Podgoricë u hap zyrtarisht ndërtesa e re e Ambasadës së Shteteve të Bashkuara të Amerikës.

“Kjo ndërtesë përfaqëson respektin ndaj Malit të Zi dhe është ndërtuar me gur nga Nikshiçi”, tha gjatë ceremonisë së hapjes ambasadorja amerikane në Mal të Zi, Judy Rising Reinke.

Ajo shtoi se SHBA-ja është duke marrë vendime të vështira për çështje të sigurisë, energjisë dhe ekonomisë.

“Vendimet e vështira që marrim do të sjellin prosperitet për Amerikën, Malin e Zi dhe për të gjithë komunitetin demokratik”, tha Rising Reinke.

Presidenti i Malit të Zi, Jakov Millatoviq, tha se hapja e ndërtesës së re të Ambasadës amerikane tregon përkushtimin e SHBA-së ndaj Malit të Zi.

“Kjo ngjarje nuk është vetëm ceremoniale, është shumë më e rëndësishme se kaq. Parimet e demokracisë, sundimit të ligjit dhe lirisë formësojnë partneritetin tonë”, theksoi ai.

Ai tha se, kur Mali i Zi të bëhet anëtari i radhës i Bashkimit Evropian, Amerika do të ketë edhe një mik tjetër në familjen evropiane.

“Edhe pse ndryshojmë gjeografikisht, vlerat tona janë të njëjta”, tha Millatoviç.

Drejtoresha e Zyrës Amerikane për Ndërtimin e Objekteve Jashtë Shtetit (OBO), Patricia Lesina, tha se ndërtesa e re e Ambasadës përfaqëson një investim të qëndrueshëm në marrëdhëniet mes dy vendeve.

“Ky projekt përfaqëson një investim të madh ekonomik lokal prej rreth 71 milionë dollarësh”, theksoi Lesina.

Qeveria amerikane ka investuar 264 milionë dollarë në ndërtimin e pjesës së parë të kompleksit të ri, bëri të ditur Ambasada. Në fazën e dytë, e cila është në zhvillim e sipër, parashihet që deri në vitin 2027 të ndërtohen edhe dy objektet e mbetura. Ndërtimi ka filluar në vitin 2020.

Kompleksi i ri, i projektuar sipas standardeve më të larta të efikasitetit dhe sigurisë, pasqyron përkushtimin e qëndrueshëm të Shteteve të Bashkuara ndaj Malit të Zi, thuhet në njoftimin e Ambasadës amerikane në Mal të Zi./REL