TIRANË, 28 gusht /ATSH/ Në Ditën Ndërkombëtare të Personave të Zhdukur u mbajt në Universitetin “Luigj Gurakuqi” Shkodër, simpoziumi shkencor “Kufiri i shpresës dhe i vdekjes 1944-1991 – Shkodra përballë të kaluarës”, organizuar nga Autoriteti i Dosjeve.

Ambasadori i Bashkimit Evropian, Silvio Gonzato, mori pjesë në këtë simpozium, që u mbajt në kujtim të mijëra jetëve shqiptare të humbura në përpjekje për të gjetur lirinë duke kaluar kufirin dhe të atyre që u zhdukën nën regjimin brutal komunist.

Që nga viti 2017, Bashkimi Evropian ka mbështetur Shqipërinë në identifikimin e personave që u zhdukën gjatë regjimit komunist. Së bashku me ICMP-në, Autoritetin e Dosjeve dhe shoqërinë civile, BE ka punuar për të forcuar koordinimin dhe për të rritur ndërgjegjësimin publik.

“Kjo ditë na kujton shumë jetë të humbura, si dhe familjet që ende kërkojnë të vërtetën dhe drejtësinë. Për Shqipërinë, përballja me trashëgiminë e vrasjeve në kufi dhe zhdukjeve gjatë regjimit komunist është një çështje dinjiteti, drejtësie dhe ndërtimi besimi midis qytetarëve dhe institucioneve”, tha Gonzato.

“Përballja me të kaluarën kërkon vullnet politik, një kuadër ligjor funksional dhe, mbi të gjitha, veprime konkrete nga institucionet shqiptare përkatëse për të siguruar zbatimin e ligjit. Ne kemi nevojë urgjente që Këshilli i Ministrave të miratojë një mekanizëm koordinues midis aktorëve përkatës që të mundësojë kërkimin dhe zhvarrosjen e personave të vrarë gjatë regjimit komunist”, shtoi ai.

“Përballja me të kaluarën është një përgjegjësi kolektive, ku secili ka një rol për të kryer”, tha ambasadori i BE-së, Silvio Gonzato në fjalën e tij.

Në këtë simpozium mori pjesë edhe Kryetarja e Kuvendit, Elisa Spiropali, e cila mbajti një fjalë përshëndetëse.

Në këtë veprimtari merrnin pjesë ish-të përndjekur nga regjimi komunist dhe familjarë e përfaqësues të tyre, ambasadori i OSBE, Michel Tarran, deputetja Greta Bardeli, rektori i Universitetit “Luigj Gurakuqi”, prof. Tonin Gjuraj, studiues, përfaqësues të qeverisjes vendore, komuniteteve fetare, shoqërisë civile, etj.

1 nga 4

/gj.m/r.e//a.f/

The post Dita Ndërkombëtare e Personave të Zhdukur, Gonzato: Përballja me të kaluarën kërkon vullnet politik appeared first on Agjencia Telegrafike Shqiptare.

Më 29 dhe 30 gusht 2025, në ambientet e Muzeut të Burgut të Prishtinës, “Burgu i Idealit”, do të shënohet Dita Ndërkombëtare e Personave të Zhdukur, nën moton simbolike “Çka po sheh?”. Kjo ngjarje përkujtuese, e organizuar nga organizata Molla e Kuqe me mbështetje nga Ministria e Kulturës, Rinisë dhe Sportit, sjell përmes artit, mendimit dhe muzikës një reflektim të thellë për mijëra njerëzit e zhdukur me dhunë gjatë luftës në Kosovë, dhe për trupin si hapësirë e kujtesës, dhimbjes dhe mungesës.

Më 29 gusht, aktivitetet nisin me fjalën shqyrtuese të Orgest Azizit: “Montazhe të dritës dhe forma të (zh)dukjes së trupave”, një reflektim kushtuar veprës ikonike të Michel Foucault, “Disiplinë dhe ndëshkim: Lindja e burgut”, në 50-vjetorin e botimit të saj.
Azizi, përkthyes i librit në shqip, shtjellon mënyrën sesi Foucault e vendos trupin në qendër të proceseve politike dhe estetike të disiplinës, ndërkohë që ndriçon mekanizmat e zhdukjes përmes mjeteve të mbikëqyrjes dhe dhunës sistematike, transmeton KultPlus.

Në këtë kontekst, ai sjell në diskutim edhe punën e kineastëve si Harun Farocki (Imazhe burgu) dhe Patricio Guzmán (Nostalgjia e dritës), të cilët përmes montazhit vizual ndërlidhin panoptizmin me an-optikën, kalimin nga trupi i kontrolluar, te trupi i zhdukur.

Në datën 30 gusht, në Ditën Ndërkombëtare të Personave të Zhdukur, aktiviteti artistik merr formën e një homazhi të ndjerë përmes muzikës, artit pamor dhe dokumentarit.

Nderim Arifi, përmes koncertit në kitarë klasike “Malli i yjeve”, sjell një dialog të heshtur me trupat e munguar, duke interpretuar vepra nga Silvius Leopold Weiss, Miguel Llobet, dhe Agustín Barrios Mangoré, një udhëtim muzikor nga terri drejt dritës.

Mentor Berisha, me ekspozitën dhe instalacionin e tij artistik, ndërton një vizualitet të ndjeshëm të dhimbjes kolektive dhe mungesës së formës. Ndërsa artistja Besa Berberi, përmes ninullave të saj në kuadër të thirrjes “Trup i mbyllur – Trup i zhdukur”, i jep zë një dhimbjeje që shpesh mbetet e heshtur, asaj të qindra fëmijëve të vrarë dhe të zhdukur gjatë luftës.

Ngjarja mbyllet me shfaqjen e filmit dokumentar “Mjegull” nga Ujkan Hysaj, i cili sjell histori të familjarëve të personave të zhdukur, të mbërthyer mes kujtimit dhe pritjes së pafund. Një rrëfim prekës për ata që ende presin, që çdo trokitje në derë ta kthejnë në një shpresë, qoftë edhe në ëndërr, për rikthimin e të dashurve të tyre.

Këto dy ditë veprimtarish në Burgu i Idealit, që tashmë funksionon si hapësirë muzeale dhe reflektimi, synojnë të kthejnë vëmendjen nga historia jonë më e errët, duke i dhënë zë dhe figurë trupave të zhdukur, jo vetëm përmes statistikave, por përmes artit që flet më thellë se fjalët.

Me moton “Çka po sheh?”, ngjarja sfidon shikuesin: A jemi ende të verbër përballë dhimbjes që vazhdon? A kemi guxim të shohim, të kujtojmë, dhe të mbajmë përgjegjësi?/KultPlus.com

Komisioni Qeveritar për Persona të Zhdukur ka njoftuar se në Vushtrri kanë gjetur mbetje mortore, e që potencialisht i përkasin një personi nga lista e personave të zhdukur.

Në njoftim thuhet ky lokacion është identifikuar në bashkëpunim me shoqatat e familjarëve të personave të zhdukur, transmeton Telegrafi.

“Sot, gjatë gërmimeve të realizuara në një lokacion të ri në Vushtrri, janë gjetur mbetje mortore që potencialisht i përkasin një personi nga lista e personave të zhdukur. Ky lokacion është identifikuar në bashkëpunim me shoqatat e familjarëve të personave të zhdukur, konkretisht Shoqata ‘Martirët e Lirisë’ nga Vushtrria. Gërmimet janë zhvilluar nga Komisioni Qeveritar për Persona të Zhdukur, në koordinim me Institutin e Mjekësisë Ligjore dhe Policinë e Kosovës”, thuhet në njoftim.

Tutje, thuhet se Komisioni do t’iu njoftojë për identifikimin pas pranimit të raportit të ADN, nga Komisioni Ndërkombëtar për Persona të Zhdukur. /Telegrafi/

The post Zbulohen mbetje mortore në Vushtrri, dyshohet se i përkasin një personi nga lista e të zhdukurve appeared first on Telegrafi.

Më shumë se 100 persona rezultojnë të zhdukur dhe të paktën një ka humbur jetën pas një shpërthimi reshjesh (cloudburst) që shkaktoi përmbytje të mëdha në shtetin verior indian të Uttarakhand.

Operacionet e kërkim-shpëtimit po vijojnë në distriktin Uttarkashi, pasi një valë masive uji zbret nga malet dhe përmbyti fshatin Dharali të martën, duke zhytur rrugë dhe ndërtesa nën ujë.

Ekipet e ushtrisë janë vendosur në Dharali që prej ditës së martë, ndërsa forcat e tjera të emergjencës dhe zyrtarët lokalë nuk kanë mundur të hyjnë në zonë për shkak të dëmtimit të rrugëve dhe reshjeve të dendura.

Prej disa javësh, shteti malor i Uttarakhand është përballur me reshje të rrëmbyeshme. Veçanërisht i prekur ka qenë distrikti Uttarkashi, ku ndodhet edhe fshati Dharali, me përmbytje të raportuara në disa zona.

Sipas Kryeministrit të Uttarakhand-it, Pushkar Singh Dhami, rreth 130 persona janë shpëtuar deri më tani në këtë distrikt.

Ngjarja ndodhi të martën rreth orës 13:30 me orën lokale (08:00 GMT), kur reshjet ekstreme bënë që lumi Kheerganga të fryhej ndjeshëm, duke sjellë sasi të mëdha uji dhe balte në terrenin kodrinor.

Dharali është një destinacion turistik i njohur gjatë verës, dhe ndodhet rreth 2 km larg bazës së madhe ushtarake në Harsil. Në zonë ndodhet edhe një kamp i forcave paraushtarake të Policisë Kufitare Indo-Tibetiane (ITBP).

Zyrtarët njoftojnë se të paktën 10 ushtarë të stacionuar në bazën e Harsil-it rezultojnë të zhdukur.

Operacionet e shpëtimit po përparojnë me vështirësi për shkak të sasisë së madhe të baltës dhe rrënojave. Reshjet e dendura, të cilat kanë vijuar edhe të mërkurën, po e vështirësojnë më tej ndërhyrjen e ekipeve të emergjencës.

Shumë segmente të autostradës kryesore janë mbyllur, pasi janë dëmtuar rëndë nga shirat. Rrugët në distriktin Uttarkashi paraqesin çarje të thella dhe të rrezikshme.

Disa ekipe të Forcave Kombëtare dhe Shtetërore të Reagimit ndaj Katastrofave, të vendosura në Gangotri rreth 18 km larg Dharali janë në terren që prej pasdites së së martës, por autoritetet nuk kanë mundur të lidhen me ta për shkak të mungesës së sinjalit dhe ndërprerjeve të gjata të energjisë elektrike.

Departamenti Indian i Motit ka paralajmëruar për reshje të mëtejshme në ditët në vijim dhe u ka bërë thirrje qytetarëve të shmangin udhëtimet në zonat e rrezikuara nga rrëshqitjet e dheut. Në disa zona, shkollat janë mbyllur për arsye sigurie.

Një pjesë e lumit Bhagirathi – që më poshtë shndërrohet në lumin e shenjtë Gang është bllokuar nga balta, duke krijuar një liqen artificial që ka përmbytur zona të gjera, përfshirë edhe një helikopterpad të qeverisë.

Zyrtarët paralajmërojnë se nëse ky ujë nuk largohet në kohë, mund të rrezikojë seriozisht vendbanimet më poshtë në rrjedhën e lumit.

Autoritetet kishin lëshuar disa paralajmërime për reshje gjatë ditëve të fundit, duke i këshilluar turistët të shmangnin udhëtimin drejt kësaj zone.

Dharali, i cili është një ndalesë e rëndësishme verore në itinerarin pelegrinazh Char Dham Yatra, zakonisht vizitohet më pak gjatë sezonit të shirave. Kjo dhe paralajmërimet e hershme besohet se kanë shmangur një tragjedi edhe më të madhe.

Shteti i Uttarakhand-it, i vendosur në Himalajet perëndimore, është i njohur për ndjeshmërinë e lartë ndaj përmbytjeve të rrufeshme dhe rrëshqitjeve të dheut.

Në vitin 2021, mbi 200 persona humbën jetën si pasojë e përmbytjeve të shkaktuara nga një shpërthim reshjesh.

Një ndër fatkeqësitë më të mëdha që ka goditur këtë shtet ndodhi në vitin 2013, kur përmbytje dhe rrëshqitje masive shkatërruan fshatra të tëra, veçanërisht në qytetin e Kedarnath-it, i frekuentuar nga pelegrinët hindu. Mijëra persona u morën nga uji, ndërsa shumë trupa nuk u gjetën kurrë./abcnews.al

Të paktën 161 persona rezultojnë ende të zhdukur në Kerr County, Texas, katër ditë pas përmbytjeve të papritura dhe shkatërruese që goditën pjesë të shtetit javën e kaluar. Lajmin e bëri të ditur guvernatori i Teksasit, Greg Abbott, duke shtuar se shpresat për të gjetur të mbijetuar po veniten.

Mes të zhdukurve janë edhe pesë kampsa dhe një këshilltare nga kampi veror i vajzave “Camp Mystic”, një kamp i krishterë që ndodhet buzë lumit Guadalupe.

Guvernatori Abbott konfirmoi se të paktën 109 persona kanë humbur jetën si pasojë e katastrofës, 94 prej të cilëve vetëm në zonën e Kerrville.

Përpjekjet për kërkim-shpëtim vijojnë

Në një konferencë për shtyp të mbajtur të martën, Abbott deklaroi se ekipet e emergjencës nuk do të ndalojnë derisa të llogariten të gjithë të zhdukurit. Ai shtoi se lista e personave të zhdukur mund të zgjerohet në ditët në vijim dhe u bëri thirrje qytetarëve të raportojnë çdo person të paidentifikuar.

Gjenerali Thomas Suelzer nga Garda Kombëtare e Teksasit tha se në operacionet e kërkim-shpëtimit po angazhohen helikopterë Chinook dhe Black Hawk me pajisje ngritëse, përfshirë 13 helikopterë Black Hawk – katër prej të cilëve kanë ardhur nga Arkansas. Po ashtu, po përdoren edhe dronë të tipit Reaper.

Në operacione janë përfshirë mbi 250 punonjës të agjencive të ndryshme, përfshirë Patrullën Kufitare, FBI-në dhe Gardën Kombëtare.

Një nga vullnetarët e përfshirë në kërkime, i quajtur Tim, tha për BBC se “nuk kishte parë kurrë më parë një shkallë të tillë shkatërrimi”. Një tjetër vullnetar, Justin, e krahasoi situatën me “përpjekjen për të gjetur një gjilpërë në kashtë”.

“Ka një gjurmë shkatërrimi që shtrihet për milje, dhe nuk ka mjaftueshëm qen për kërkime në të gjithë zonën”, tha ai. “Makineritë e rënda mezi mund të qasen. Shumë po punojnë me mjete dore – madje edhe me duar – por mezi po arrijnë të bëjnë diçka”.

Kritika për paralajmërimet e vonuara

Janë ngritur pikëpyetje nëse autoritetet kanë dhënë paralajmërime të mjaftueshme për përmbytjen dhe pse nuk u evakuuan banorët më herët. Abbott tha se një paralajmërim për stuhi ishte lëshuar, por askush nuk kishte parashikuar shkallën e jashtëzakonshme të përmbytjes, duke e përshkruar atë si një “mur uji 30 metra të lartë”.

Në një përgjigje për ata që kërkonin përgjegjësi për numrin e lartë të viktimave, ai tha se “kjo është një fjalë që e përdorin humbësit”, duke përdorur një krahasim me sportin: “Skuadrat kampione nuk kërkojnë fajtorë”.

Përmbytjet godasin edhe New Mexico-n

Edhe shteti i New Mexico-s po përjeton një emergjencë përmbytjeje, me Shërbimin Kombëtar të Motit që lëshoi paralajmërim të martën mbrëma për banorët e Ruidoso-s. Uji në lumin Rio Ruidoso arriti deri në 4.5 metra, ndërsa shumë shtëpi u përmbytën dhe disa njerëz rezultojnë ende të zhdukur. Sipas CBS, niveli i ujit ra rreth dy orë më vonë, por operacionet e shpëtimit vazhduan me varka të posaçme.

Jetët e humbura dhe dëmet materiale

Ndër viktimat e konfirmuara janë edhe 27 vajza dhe staf i kampit “Camp Mystic”. Ata që kanë mbijetuar po përpiqen tani të rindërtojnë jetën e tyre.

Justin Brown, një banor prej më shumë se 25 vitesh në parkun e karavanëve Blue Oak pranë lumit Guadalupe, rrëfen se para një jave jetonte aty me dy vajzat e tij të vogla dhe qenin. Shtëpia e tij lëvizëse u shkatërrua plotësisht nga përmbytja.

“Zoti na ndihmoi që pothuajse të gjithë të evakuoheshin në kohë,” tha ai për BBC, duke falënderuar pronarin e parkut dhe ekipet e emergjencës për reagimin e shpejtë. Ai shpreson të rikthehet dhe të rindërtojë sa më shpejt që të jetë e mundur.

Vizita e Presidentit Trump

Presidenti Donald Trump dhe Zonja e Parë Melania Trump pritet të vizitojnë zonat e goditura nga përmbytjet të premten, për të takuar të mbijetuarit dhe autoritetet lokale./abcnews.al

Dita Ndërkombëtare për Fëmijët e Humbur që është me 25 maj, dje nën moton ”Mos na harroni”, Qendra për Mbrojtjen e të Drejtave të Fëmijëve në Shqipëri organizoi një aktivitet simbolik përpara kryeministrisë Që nga ‘91 e deri më sot, 12 fëmijë vazhdojnë të jenë të zhdukur, pavarësisht përpjekjeve të vazhdueshme të familjarëve dhe autoriteteve. Ndërsa sipas të dhënave të Qendrës, çdo vit në vendin…

Source

Një grua e cila ishte raportuar e zhdukur ditë më parë, tashmë është gjetur.

Gruaja ishte raportuar e zhdukur që nga data 12.05.2025, ndërsa burimet e Telegrafit bëjnë të ditur se personi është i mitur.

Ndërsa, për zhdukjen e saj patën bërë të ditur Policia në Gjilan, duke theksuar se autoritetet policore ishin në kërkim të saj.

Lexo po ashtu Zhduket një grua në Gjilan - policia në kërkim

Ndryshe, e mitura është në gjendje të mirë shëndetësore. /Telegrafi/

The post Gjendet gruaja e cila ishte raportuar e zhdukur ditë më parë në Gjilan appeared first on Telegrafi.

Ngjarja e rëndë në ambientet e fabrikës së përpunimit të kromit ku ka ndodhur rrëshqitje masive dheu ka përfshirë një mjet tip ekskavator dhe ka mbuluar një punonjës të kompanisë që operon në shfrytëzimin e mineraleve në këtë zonë. Menjëherë pas ngjarjes, janë angazhuar forca të shumta në përpjekje për të gjetur dhe nxjerrë trupin e punonjësit të zhdukur. Në operacionin kompleks janë përfshirë:

Shërbimi i Mbrojtjes nga Zjarri dhe Shpëtimi i bashkisë Klos, Forcat e Policisë, Punonjës të Autoritetit Kombëtar për Sigurinë dhe Emergjencat në Miniera (AKSEM), Ekip mjekësor me autoambulancë, Forca vullnetare nga komuniteti, Efektivë të Forcave të Armatosura me pajisje për detektimin e metaleve, Punonjës të Agjencisë Kombëtare të Burimeve Natyrore.

Rrëshqitja e ndodhur përfshin një masë të konsiderueshme dheu, me përmasa të vlerësuara rreth 500 metra gjatësi, 20 metra gjerësi dhe mbi 4 metra thellësi. Terreni në zonën e prekur mbetet i paqëndrueshëm, çka ka sjellë vështirësi të mëdha në ndërhyrjen me mjete të tjera të rënda, për shkak të rrezikut të rrëshqitjeve të mëtejshme. Për këtë arsye, ndërhyrjet po kryhen me kujdes ekstrem, për të shmangur çdo rrezik shtesë për forcat e angazhuara në operacion.

Megjithatë, aktualisht në një pjesë të luginës është bërë e mundur ndërhyrja me ekskavatorë dhe mjete të tjera ndihmëse. Pavarësisht përpjekjeve të pandërprera, deri në këto momente nuk është bërë e mundur lokalizimi apo nxjerrja e trupit të punonjësit të ekskavatorit. Operacioni i kërkimit nën vijon me përkushtim maksimal, duke respektuar të gjitha protokollet e sigurisë dhe në bashkëpunim të ngushtë mes institucioneve përkatëse.

The post Rrëshqitja masive e dheut në Klos, vijon operacioni për gjetjen e punonjësit të zhdukur appeared first on Sot News | Lajme.

Një grua e cila rezultonte e zhdukur për gati 63 vjet është gjetur e gjallë dhe shëndoshë e mirë pasi u shqyrtua rasti i zhdukjes së saj, tha policia në shtetin amerikan të Wisconsin.

Audrey Backeberg ishte 20 vjeçe kur u zhduk nga shtëpia e saj në qytetin e vogël të Reedsburg më 7 korrik 1962, shkruan BBC.

Në një deklaratë, Sherifi i Qarkut, Sauk Chip Meister tha se zhdukja e zonjës Backeberg “ishte me zgjedhjen e saj dhe jo rezultat i ndonjë aktiviteti kriminal”.

Sherifi tha se ajo jetonte jashtë Wisconsin, por nuk dha detaje të mëtejshme.

Sipas organizatës jofitimprurëse Wisconsin Missing Persons Advocacy, znj. Backeberg ishte e martuar dhe kishte dy fëmijë kur u zhduk.

Grupi tha se disa ditë para se të zhdukej, znj. Backeberg, tani 82 vjeç, kishte ngritur një padi penale kundër bashkëshortit të saj, me të cilin ishte martuar në moshën 15 vjeç, duke pretenduar se ai e kishte rrahur dhe kërcënuar se do ta vriste.

Ditën që u zhduk, ajo doli nga shtëpia për të marrë pagën nga fabrika e leshit ku punonte.

Dadoja 14-vjeçare e çiftit i tha policisë se ajo dhe znj. Backeberg më pas udhëtuan me autostop për në Madison, kryeqytetin e shtetit të Wisconsin, dhe prej andej morën një autobus për në Indianapolis, Indiana, rreth 480 km larg.

Dadoja më pas u bë nervoze dhe donte të kthehej në shtëpi, por znj. Backeberg refuzoi dhe u pa për herë të fundit duke u larguar nga stacioni i autobusit.

Detektivi që zgjidhi çështjen, Isaac Hanson, i tha stacionit lokal të lajmeve WISN se një llogari online e prejardhjes që i përkiste motrës së znj. Backeberg ishte thelbësore për të ndihmuar në gjetjen e gruas së zhdukur.

Detektivi Hanson tha se kontaktoi sherifët lokalë ku jeton tani znj. Backeberg dhe foli me të në telefon për 45 minuta.

“Mendoj se ajo thjesht u ërhoq dhe, e dini, hoqi dorë nga gjërat dhe në një farë mënyre bëri gjënë e saj dhe jetoi jetën e saj”, tha ai për WISN. “Ajo dukej e lumtur. E sigurt në vendimin e saj. Nuk pendohet”.

LEXONI GJITHASHTU:

• Zbulohet një galaktikë e lashtë, e formuar menjëherë pas Big Bengut
• Frika e luftës! Zbulohet plani i bunkerëve luksozë të miliarderëve

The post Gruaja e zhdukur prej 63 vitesh gjendet e gjallë appeared first on Euronews Albania.

Një grua amerikane nga Wisconsin, e zhdukur prej gati 63 vitesh është gjetur “gjallë dhe mirë” pas një rishqyrtimi të çështjes së saj. Audrey Backeberg ishte 20 vjeçe kur u zhduk nga shtëpia e saj në qytetin e vogël të Reedsburg më 7 korrik 1962.

Në një deklaratë, Sherifi i Qarkut Sauk, Chip Meister, tha se zhdukja e Backeberg “ishte me zgjedhjen e saj dhe jo rezultat i ndonjë aktiviteti kriminal apo veprimi të palejuar”. Sherifi tha se ajo jetonte jashtë Wisconsin, por nuk dha detaje të mëtejshme.

Sipas shoqatës “Wisconsin Missing Persons Advocacy”, një grup jofitimprurës, Backeberg ishte e martuar dhe kishte dy fëmijë në momentin që u zhduk. Shoqata tha se disa ditë para se të zhdukej, Backeberg, tani 82 vjeç, kishte ngritur një padi penale kundër burrit të saj, me të cilin ishte martuar që në moshën 15 vjeçe, duke pretenduar se ai e kishte rrahur dhe e kishte kërcënuar ta vriste.

Ditën që u zhduk, ajo doli nga shtëpia për të marrë pagën e saj në fabrikën e leshit ku punonte. Dadoja 14-vjeçare e çiftit i tha policisë se ajo dhe zonja Backeberg udhëtuan me autostop për në Madison, kryeqytetin e shtetit të Wisconsin dhe prej andej morën një autobus për në Indianapolis të Indianas, rreth 480 km larg.

Dadoja më pas u bë nervoze dhe donte të kthehej në shtëpi, por Backeberg refuzoi të kthehej dhe u pa për herë të fundit duke u larguar nga stacioni i autobusit. Zyra e Sherifit tha se hetuesit ndoqën pista të shumta në këtë rast, por ato nuk kishin gjetur dot zgjidhje derisa u kryh një shqyrtim gjithëpërfshirës i dosjeve të vjetra të çështjes në fillim të këtij viti.

Detektivi që zgjidhi rastin, Isaac Hanson, i tha stacionit lokal të lajmeve WISN se një llogari online që i përkiste motrës së Backeberg ishte thelbësore për të ndihmuar në gjetjen e gruas së zhdukur. Detektivi Hanson tha se kontaktoi sherifët lokalë ku jeton tani Backeberg dhe foli me të në telefon për 45 minuta.

“Mendoj se ajo thjesht u largua dhe, e dini, hoqi dorë nga gjërat dhe në një farë mënyre bëri gjënë e saj dhe jetoi jetën e saj. Ajo dukej e lumtur. E sigurt në vendimin e saj. Nuk është penduar” – tha ai. ©LAPSI.al

The post Gjendet pas 63 vitesh gruaja e zhdukur në SHBA/ Policia: Është gjallë e mirë appeared first on Lapsi.al.

Mbetjet mortore (eshtrat) e 10 viktimave të luftës që ishin në Listën e Personave të Zhdukur, të identifikuar së fundmi nga mbetjet mortore të zhvarrosura nga varreza masive në Bishtazhin, do të rivarrosen sot , sipas kërkesave të familjarëve, më 4 Prill 2025, në përvjetorin e Masakrës së Kralanit.

Pas Mbledhje komemorative të organizuar dje në Komunën e Malishevës, ceremonitë e rivarrimit të organizuara nga komunat përkatëse, më përkrahjen e Komisionit Qeveritar për Persona të Zhdukur dhe Forcës së Sigurisë së Kosovës, do të organizohen sot më 4 prill 2025.

Në njoftim thuhet se duke filluar nga ora 12:00 – 13:00, me Homazhet në Sallën e Sporteve “Adem Jashari”, Klinë ora 13:00 – Akademia Përkujtimore , në Sallën e Sporteve Klinë.

Ndërsa nga ora 14:30 – Ceremonia e rivarrimit në Kompleksin Memorial “Kodra e Kuqe” në Grabanicë, të viktimave : Adem (Hazir) Gashi, Klinë, Sahit(Ahmet) Gashi, Klinë,  Bekim(Hashim) Hasani , Klinë, Sheremet(Brahim) Ismajli , Klinë.

Osman(Kadri)Fejza , Klinë, Shkelzen Rifat Hajdaraj , Klinë, Bekim (Muharrem) Gashi, Klinë.

Për të vazhduar nga ora 16:30 me ceremoninë e rivarrimit në varrezat në Jashanicë (Klinë), të viktimës së luftës Mentor (Xhemajl) Myrtaj.

Ceremonitë e rivarrimit në Malishevë: Rivarrimi i viktimës së luftës Vehbi (Pajazit) Halilaj ora 13:00 – Homazhet në Shkollën “Petro Nini Luarasi”, në fshatin Llapqevë, ora 14:00 – Rivarrimi në varrezat e fshatit Llapqevë.

Rivarrimi i viktimës së luftës Mentor (Maliq) Kryeziu ora 15:00 – Homazhe te Oda e Fshatit (pranë shkollës) në Bubavec ora 16:30 – rivarrimi në varrezat e fshatit Bubavec.

Ndërsa rivarrimi i mbetjeve mortore të viktimës Sabedin (Kadri) Kryeziu, është organizuar më 21 mars 2025 në varrezat e fshatit Mleqan, Malishevë.

Komisioni Qeveritar për Persona të Zhdukur shpreh ngushëllimet dhe mbështetjen familjeve, në këtë ditë të dhimbjes, duke mbetur me përkushtimin e vazhdueshëm në zbardhjen e fatit te të gjithë personave të zhdukur me forcë gjatë luftës./Telegrafi/

The post Sot rivarrosen mbetjet mortore të 10 viktimave të luftës nga masakra e Kralanit appeared first on Telegrafi.

Mbeturina dhe pajisje të ndryshkura. Dhe më pas një valixhe e errët, e hedhur mes shkurreve, nga e cila dalin këmbët e një vajze. Një tmerr, me pamje nga fshatrat e Monti Prenestini. Një zonë e izoluar, e përdorur nga çiftet që kërkojnë qetësi, me një shkëmb, por që nuk arrihet rastësisht. Këtu, Mark Antony […]

The post Misteri mbi rolin e prindërve të filipinasit që vrau studenten shqiptare në Itali appeared first on BoldNews.al.

Kryeministri i Kosovës, Albin Kurti, bashkë me Komisionin Qeveritar për Persona të Zhdukur, kanë bërë të ditur se janë gjetur dhe identifikuar 11 persona të zhdukur gjatë luftës së fundit në Kosovë.

Përmes një postimi në Facebook, Kurti ka thënë se ata janë identifikuar pas “26 pranverash në pritje dhe ankth”.

“Pas masakrës në Kralan, forcat shtetërore të Serbisë, i kishin rrëmbyer dhe groposur në varreza masive, në përpjekje që t’i zhdukin, bashkë me dëshmitë e krimeve. Më 2 prill 1999, ata, bashkë me qindra burra dhe djem shqiptarë, u grumbulluan me dhunë nga forcat ushtarake dhe policore të Serbisë, në një fushë në Kralan, rrethuar me tanke. Aty u mbajtën nën tortura të vazhdueshme, pa ujë dhe ushqim për dy ditë. Më 4 prill, nga ta u ndaluan 86 burra dhe djem, ndër të cilët 11 ishin të mitur. Që nga ajo ditë, askush nga ta më nuk është parë i gjallë”, ka thënë Kurti përmes një postimi në Facebook, duke thënë se pas zhvarrosjes nga Bishtazhini, Serbia i ka rrëmbyer kufomat.

Kurti ka thënë se janë gjetur dhe identikuar trupat e Adem Gashit, Sahit Gashit, Bekim Hasanit, Sheremet Ismajlit, Mentor Myrtajt, Osman Fejzës, Shkelzen Hajdarajt, Bekim Gashit, Sabedin Kryeziut, Mentor Kryeziut dhe Vehbi Halilajt.

Autoritetet nuk kanë treguar se kur janë gjetur trupat dhe sa ka zgjatur periudha e identifikimit.

Sipas të dhënave më të fundit të Kryqit të Kuq, deri në janar të këtij viti në Kosovë ishin 1.612 persona të pagjetur nga lufta më 1998/99.

Kryetari i Komisionit Qeveritar të Kosovës për Personat e Zhdukur, Andin Hoti, i ka nisur një letër kryediplomates së Bashkimit Evropian, Kaja Kallas, gjatë muajit shkurt duke kërkuar hapa konkretë prej saj dhe bllokut evropian për të detyruar Serbinë që të bashkëpunojë dhe t’i hapë arkivat e saj shtetërore, përfshirë ushtarake, policore dhe të inteligjencës, për të kuptuar vendndodhjen e të zhdukurve të luftës së fundit.

LEXONI GJITHASHTU:

• Kurti reagon për aleancën ushtarake Kosovë, Shqipëri dhe Kroaci
• Kurti me disa kërkesa ndaj Sorensen

The post Kurti: 11 të zhdukur janë gjetur dhe identifikuar në varrezën masive në Bishtazhin appeared first on Euronews Albania.

Pas 26 vitesh pritjeje dhe kërkimi të vazhdueshëm, sot u dha një lajm me rëndësi të veçantë për familjet e tre personave të zhdukur gjatë luftës së fundit në Kosovë.

Komisioni Qeveritar për Persona të Zhdukur dhe Instituti i Mjekësisë Ligjore, me praninë edhe të Kryetarit të Shoqatës së Familjeve të Viktimave të Luftës dhe Personave të Zhdukur “Kujtesa”, si dhe përfaqësuesve të Komunës së Malishevës, informuan zyrtarisht familjarët për identifikimin e mbetjeve mortore të tre viktimave të Masakrës së Kralanit.

Tre të identifikuarit, të cilët për më shumë se dy dekada ishin në Listën e Personave të Zhdukur, janë Sabedin (Kadri) Kryeziu, nga fshati Mleqan – Malishevë; Mentor (Maliq) Kryeziu, nga fshati Bubavec – Malishevë; Vehbi (Pajazit) Halilaj, nga fshati Llapqevë – Malishevë, thuhet në komunikatë, transmeton Telegrafi.

Identifikimi i këtyre viktimave erdhi pas një procesi të gjatë hetimor dhe shkencor nga ekspertët e Institutit të Mjekësisë Ligjore, të cilët me përkushtim kanë punuar për të zbardhur fatin e të zhdukurve. Kjo ngjarje vjen si vijim i procesit të nisur më herët, ku gjatë javës së kaluar, u njoftuan familjet e tetë viktimave të tjera të Masakrës së Kralanit, mbetjet mortore të të cilëve u gjetën dhe zhvarrosën nga varri masiv në Bishtazhin.

Masakra e Kralanit është një nga krimet më të rënda të kryera gjatë luftës së fundit në Kosovë, ku dhjetëra civilë të pafajshëm u ekzekutuan dhe trupat e tyre u fshehën në varreza masive, për të mbuluar gjurmët e krimeve të kryera. Identifikimi i çdo viktime përbën një hap të rëndësishëm drejt zbardhjes së plotë të së vërtetës dhe vendosjes së drejtësisë për familjet e viktimave dhe gjithë shoqërinë.

Komisioni Qeveritar për Persona të Zhdukur siguron familjet e të zhdukurve dhe mbarë opinionin publik se do të vazhdojë me angazhimin maksimal për zbardhjen e fatit dhe vendndodhjes së të gjithë personave të zhdukur me forcë gjatë luftës. Përpjekjet për të sjellë drejtësi dhe për të mbajtur gjallë kujtimin e viktimave do të vazhdojnë pa u ndalur, deri në gjetjen e çdo të zhdukuri dhe vendosjen e drejtësisë për ta dhe familjet e tyre. /Telegrafi/

The post Pas 26 vitesh pritje, identifikohen tri viktima të masakrës së Kralanit appeared first on Telegrafi.

Mbetjet mortore të disa viktimave të Masakrës së Kralanit, një nga krimet më të rënda të kryera nga forcat serbe gjatë luftës në Kosovë, janë gjetur në një varr masiv në fshatin Bishtazhin të Gjakovës.

Lajmin e ka konfirmuar Komisioni Qeveritar për Personat e Zhdukur, i cili, në bashkëpunim me Institutin e Mjekësisë Ligjore (IML), ka njoftuar sot familjet e shtatë viktimave për identifikimin e tyre.

“Pas përfundimit të analizave të ADN-së dhe procesit të identifikimit final nga IML, janë identifikuar shtatë viktima të ekzekutuara gjatë Masakrës së Kralanit. Familjarët e tyre janë informuar për gjetjen dhe identifikimin e mbetjeve mortore”, thuhet në njoftimin zyrtar.

Mbetjet e viktimave janë zhvarrosur nga varri masiv në Bishtazhin, ndërsa procesi i identifikimit vazhdon edhe për pesë persona të tjerë nga lista e personave të zhdukur.

Komisioni Qeveritar për Personat e Zhdukur ka bërë të ditur se mbetet në të drejtën e familjeve të vendosin për datën dhe vendin e rivarrimit, ndërkohë që institucionet përkatëse do të ofrojnë mbështetje të plotë për të gjitha kërkesat e tyre, përfshirë organizimin e ceremonisë së rivarrimit.

Sipas organizatave joqeveritare, trupat e rreth 1,000 shqiptarëve të vrarë gjatë luftës janë gjetur në varreza masive në Serbi, ndërsa rreth 1,600 persona të tjerë ende konsiderohen të zhdukur në Kosovë./Telegrafi/

The post Identifikohen kufomat e shtatë viktimave të zhdukur të Masakrës së Kralanit appeared first on Telegrafi.

Të paktën 30 persona janë raportuar të zhdukur pas një rrëshqitjeje dheu në Kinën jugperëndimore, sipas mediave shtetërore kineze. Rrëshqitja e dheut goditi fshatin Jinping në provincën Sichuan në orën 11:50 me kohën lokale duke varrosur 10 shtëpi dhe duke bllokuar disa banorë. Dy persona u shpëtuan. Një qendër komandimi është ngritur në vendngjarje sipas […]

The post Të paktën 30 të zhdukur pas rrëshqitjes së dheut në Kinë appeared first on BoldNews.al.

Mediat britanike kanë zbuluar detaje të reja nga historia e jashtëzakonshme se si një adoleshente e arratisur u kërkua nga policia si e zhdukur për më shumë se 50 vjet. Zgjidhja e rastit të çuditshëm të Sheila Fox, një 16-vjeçareje nga Coventry e cila u zhduk në mars 1972, duke e lënë familjen e saj dëshpërimisht të shqetësuar u bë virale javën e kaluar.

Pati një interes të madh ndërkombëtar pasi u njoftua se Sheila ishte gjetur rreth 6 dekada pas zhdukjes, pas një apeli për rastin. “Ne jemi të kënaqur të njoftojmë përfundimin e një prej hetimeve tona më të gjata për personat e zhdukur” – tha një zëdhënës i policisë. Por njoftimi i policisë nuk zbuloi asnjë detaj të mëtejshëm të asaj që kishte ndodhur me Sheila, përtej shpjegimit se ata kishin kontaktuar me të.

Daily Mail ka zbuluar historinë e jashtëzakonshme të adoleshentes britanike që u largua vetëm disa ditë pas ditëlindjes së saj të 16-të dhe çfarë ndodhi më pas me të. Ajo kishte jetuar vetëm 80 milje larg nga shtëpia e familjes së saj. Madje është martuar dhe ka pasur një familje të sajën.

Rrethanat e sakta të asaj që e shtyu atë të ikte nga shtëpia mbeten të paqarta, por një version i pranuar i ngjarjeve mes anëtarëve të familjes së saj është se ajo kishte nisur një marrëdhënie me një burrë të moshuar dhe prindërit e saj nuk e aprovuan ose ajo kishte frikë se do ta bënin nëse e merrnin vesh.

Prindërit e raportuan shpejt zhdukjen e saj në polici duke u dhënë atyre një fotografi të vetme bardh e zi për të ndihmuar në identifikimin e saj. Lëvizjet e saj menjëherë pas largimit nga shtëpia nuk janë të qarta. Është përjashtuar pista se ajo ishte shtatzënë pasi kjo ndodhi vetëm 16 muaj pasi u zhduk. Sheila lindi Robertin, djali i saj i vetëm, në korrik 1973.

Certifikata e lindjes së Robit tregon se babai i tij quhej John Foster, barmen nga Enfield, në veri të Londrës. Në atë kohë Sheila kishte ndryshuar mbiemrin e saj në Foster, duke sugjeruar që Sheila dhe John ishin martuar.

“Ajo u rikthye në kontakte me familjen e saj në vitet 1980”, – kujton kushëriri i saj Kevin, 75 vjeç, i cili ende jeton në Coventry. Atëherë e gjithë familja e saj ishte zhvendosur në Kanada.

Është gjithashtu e paqartë se çfarë ndodhi me marrëdhënien e saj me John Foster. Në vitin 1983 ajo u martua me babain e dy fëmijëve Jack Thorpe, i cili ishte 7 vjet më i madh se ajo, duke marrë mbiemrin e tij.

Në vitin 2015, Sheila dhe Thorpe blenë një apartament në Watford, ku ende jetojnë. Rob, tani 51 vjeç punon si shofer kamioni. Pikërisht në banesën e Thorpe, Daily Mail gjeti Sheila.

Ajo nuk pranoi të jepte detaje për historinë e saj të çuditshme të jetës, duke thënë vetëm: “E gjitha ka ndodhur shumë kohë më parë. Unë kam vazhduar jetën. Gjithçka është në të kaluarën. Ka qenë një keqkuptim dhe nuk dua të them më shumë”.

Në Facebook ajo ka bërë këto mesazhe: “Ju bëtë më të mirën që mundët me atë që dinit në atë kohë”, “Mos lejoni që mençuria e re t’ju bëjë të dënoni veten për betejat e vjetra. Faleni veten dhe ecni përpara”, “Jeta nuk na lejon të kthehemi pas dhe të rregullojmë atë që kemi bërë gabim në të kaluarën, por na lejon të jetojmë çdo ditë më mirë se e kaluara”.

Nëna e Sheila vdiq në Delta, British Columbia në gusht 1996 ndërsa babai i saj Chris vdiq po atje në 2019, në moshën 98-vjeçare. ©LAPSI.al

The post Historia/ Si kjo grua britanike iu fsheh familjes dhe policisë për 52 vjet appeared first on Lapsi.al.

Policia e Kosovës ka njoftuar për dy raste të raportuara për zhdukjen e vajzave.

Në raportin policor bëhet e ditur se njëri rast ka ndodhur në Ferizaj dhe tjetri rast në Malishevë.

Raporti policor:

Rr. Bislim Rexhepi, Ferizaj 10.01.2025 – 10:25. Një mashkull kosovar ka raportuar se mbesa e tij viktima femër kosovare është larguar nga shtëpia dhe nuk kanë njohuri për vendndodhjen e saj.

Rasti në hetime.

Fsh. Drenoc, Malishevë 06.01.2025 – NN.  Më 10.01.2025 ankuesja femër kosovare ka raportuar se vajza e saj nga data e lart-cekur është larguar nga shtëpia dhe nuk kanë njohuri për vendndodhjen e saj.

Rasti në hetime. /Telegrafi/

The post Raportohen dy vajza të zhdukura, njëra në Ferizaj e tjetra në Malishevë appeared first on Telegrafi.

Gjatë vitit 2024, 9 lokacione janë gërmuar, duke çuar në zhvarrosjen e mbetjeve mortore dhe identifikimin e 13 viktimave.

Gjatë vitit 2024, Komisioni Qeveritar për Persona të Zhdukur ka theksuar se vitin që lamë pas është përballur me sfida të mëdha, përfshirë mungesën e informacionit të besueshëm dhe politizimin e procesit nga institucionet e Serbisë.

Megjithatë, sipas tyre, bashkëpunimi i pandërprerë me familjet e të zhdukurve, shoqatat familjare dhe partnerët ndërkombëtarë ka sjellë rezultate pozitive në drejtim të drejtësisë dhe të vërtetës.

Gjatë vitit, nga ana e tyre për Dukagjinin, thuhet se janë realizuar 33 operacione fushore, duke përfshirë gërmime në 23 lokacione brenda Kosovës, ku janë zbuluar mbetje mortore të 13 individëve.

“Nga 23 lokacionet në fjalë, vetëm 9 prej tyre kanë rezultuar me gjetjen dhe zhvarrosje të mbetjeve mortore. Sipas ekspertëve mjekoligjor nga këto lokacione janë zhvarrosur 13 individë (megjithatë kjo e dhënë mund të konfirmohet vetëm pasi të përfundojnë të gjitha procedurat e nevojshme të ekzaminimit mjekoligjor përfshirë edhe identifikimin përmes analizës shkencore të ADN-së)”, thuhet nga ky komision.

Në lidhje me lokacionet në Serbi, përkundër dakordimeve, thuhet se nuk ka pasur përparim në gërmime.

Takimet e Grupit Punues për Persona të Zhdukur, organizuar me ndërmjetësimin e Komitetit Ndërkombëtar të Kryqit të Kuq (KNKK), kanë mundësuar adresimin e kërkesave për përparim në procesin e identifikimit dhe ndriçimit të fatit të personave të zhdukur.

Përveç angazhimeve lokale, gjatë vitit është intensifikuar bashkëpunimi me organizatat ndërkombëtare dhe ambasadat për mbështetje teknologjike dhe shkencore, përfshirë përdorimin e teknologjisë LiDAR dhe Radarit Depërtues Tokësor (RDT) për gjetjen e trupave.

Në procesin e identifikimit, janë realizuar 124 raporte nga analiza shkencore e ADN-së, duke sjellë 38 identifikime të reja të viktimave.

Po ashtu, 25 mbetje mortore janë dorëzuar për rivarrim, duke respektuar të drejtat e familjeve për të ditur fatin e të dashurve të tyre.

Në përpjekjet për të përparuar çështjen e personave të zhdukur, Komisioni ka kërkuar mbështetje të mëtejshme nga Bashkimi Evropian dhe ka vazhduar të angazhohet në nivel ndërkombëtar për krijimin e një Komisioni të Përbashkët për Persona të Zhdukur./Dukagjini

The post Komisioni për Persona të Zhdukur: 13 viktima të identifikuara nga 9 lokacione gjatë gërmimeve në 2024 appeared first on Telegrafi.

Një grua e zhdukur në vitin 1972 është gjetur më në fund pasi policisë iu deshën 52 vjet për të publikuar një foto të saj. Sheila Fox u zhduk në mënyrë misterioze nga qendra e qytetit të Coventry kur ishte vetëm 16 vjeç mes dyshimeve se mund të kishte qenë në një lidhje me një burrë të moshuar.

Policia e West Midlands raportoi në atë kohë se ajo jetonte me prindërit e saj, por kishte pasur në mendje edhe largimin. Prindërit shpresuan për një kohë të gjatë se Fox thjesht mund të ishte larguar duke mos i thënë askujt. Por asnjë gjurmë e saj nuk u gjet për dekada derisa u bë një apel javën e kaluar që çoi në një zbulim të papritur.

U desh vetëm një foto e vetme e nxjerrë nga policia që Fox të gjendej më në fund pas gjithë kësaj kohe. Zyrtarët konfirmuan këtë të mërkurë se Fox, tani është 68 vjeçe dhe ishte lokalizuar dhe kontaktuar me të në një pjesë tjetër të vendit.

Një zëdhënës i policisë së West Midlands tha: “Ne jemi të kënaqur të njoftojmë përfundimin e një prej hetimeve më të gjata të policisë së West Midlands për personat e zhdukur. Kohët e fundit publikuam një apel të ri për të ndihmuar në gjetjen e Sheila Fox, e cila u zhduk nga Coventry në 1972. Një foto e vetme e Sheilës nga koha e zhdukjes së saj u gjet nga oficerët që po hetonin dhe u publikua në faqen e internetit dhe mediat sociale.

Brenda pak orëve pas apelit, publiku ra në kontakt me informacionin që i çoi hetuesit drejt saj. Sheila u konfirmua se ishte e sigurt dhe mirë dhe jetonte në një pjesë tjetër të vendit, duke zgjidhur përfundimisht një nga rastet më të gjata të personave të zhdukur që kemi hetuar” – tha ai.

Detektivja Rreshter Jenna Shaw, nga ekipi i hetimit të rastit shtoi: “Ne jemi absolutisht të kënaqur që kemi gjetur Sheilan pas më shumë se 5 dekadash. Ne kërkuam çdo provë që mundëm të gjenim dhe arritëm të gjenim një foto të Sheilas.

Ne jemi një ekip i vogël oficerësh dhe unë do të doja të vlerësoja punën e oficerit Shaun Reeve, i cili arriti ta zgjidhë këtë çështje me ndihmën e publikut. Çdo person i zhdukur ka një histori dhe familjet dhe miqtë e tyre meritojnë të dinë se çfarë u ndodhi atyre dhe shpresojmë, të ribashkohen me ta” – tha ajo. ©LAPSI.al

The post FOTO/ U zhduk në 1972, gruaja gjendet e gjallë pas 52 vjetësh appeared first on Lapsi.al.