Federata Serbe e Futbollit ka zyrtarizuar stadiumin ku do të zhvillohet ndeshja mes Serbisë dhe Shqipërisë më 11 tetor, në kuadër të kualifikueseve për Kupën e Botës 2026.

Sipas njoftimit të kësaj federate ndeshja do të luhet në stadiumin e Crvena Zvezdas “Rajko Mitiç” në Beograd.

Ky impiant, i cili është stadiumi më i madh në vend me një kapacitet prej 51,755 vendesh, u ndërtua mes viteve 1960–1963 ndërsa u hap më 1 shtator 1963 dhe iu nënshtrua një rinovimi në vitin 2017.

Ndeshja Serbi–Shqipëri në 2014-n, që mbahet mend për incidentet e shumta, u zhvillua në stadiumin e Partizanit në Beograd. Këtë herë, autoritetet serbe kanë zgjedhur një impiant më modern dhe me kapacitet më të madh.

Sipas njoftimit zyrtar të Federatës Serbe, përzgjedhja e stadiumit u bë pas një analize të detajuar, duke marrë parasysh aspektin sportiv, organizativ dhe të sigurisë, si dhe në konsultim me UEFA-n.

Njoftimi i plotë

“Ndeshjet kualifikuese të ekipit kombëtar serb kundër Anglisë më 9 shtator dhe Shqipërisë më 11 tetor do të luhen në stadiumin “Rajko Mitić” në Beograd, ndërsa ndeshja në shtëpi e raundit të fundit kundër Letonisë është zgjedhur në stadiumin “Dubocica” në Leskovac.

Pas një analize të hollësishme, e cila, përveç aspektit sportiv, segmentit organizativ dhe të sigurisë, përfshinte edhe konsultime me Bashkimin Evropian të Futbollit (UEFA), u arrit në përfundimin se stadiumi “Rajko Mitić”, si objekti më i madh i futbollit në vend, do t’i ofrojë ekipit tonë kombëtar kushte optimale për zhvillimin e ndeshjeve me rëndësi të lartë.

Federata e Futbollit e Serbisë dëshiron të shfrytëzojë këtë mundësi për të falënderuar të gjithë tifozët për mbështetjen e tyre gjatë gjithë ciklit të Ligës së Kombeve, si dhe në ndeshjen kundër Andorrës. Ju ftojmë të mbushni tribunat e stadiumit tonë më të madh dhe të ndihmoni “Shqiponjat” në ndeshjet kyçe për kualifikim për Kupën e Botës 2026 në Shtetet e Bashkuara, Meksikë dhe Kanada.

Shpresojmë sinqerisht që në stadiumin “Dubocica” në Leskovac, ku trajneri Stojkoviq dhe lojtarët e tij ndihen si në shtëpi, të gjithë do të kemi shumë arsye për gëzim dhe kënaqësi pas ndeshjes kundër Letonisë, e cila është planifikuar për më 16 nëntor”. thuhet në njoftim e federatës serbe te futbollit.

LEXONI GJITHASHTU:

• Derbi i Ballkanit mbyllet në paqe 0 – 0, Shqipëria dhe Serbia ndajnë pikët
• VIDEO/ Zhgënjim në Letoni, Kombëtarja nuk shkon më shumë se barazimi 1-1

The post Zyrtarizohet stadiumi, Serbia do të presë Shqipërinë më 11 tetor në Beograd appeared first on Euronews Albania.

Ditën e sotme, kryetari i Partisë Demokratike, Sali Berisha, ka ndarë në rrjetet sociale një video, ku shihet një tifoz duke u nxjerr nga stadiumi me ndërhyrjen e policisë.

Sipas kreut demokrat, kjo nuk ndodh as në Beograd, vetëm pse kishte një bluze me stampë të UÇK!

POSTIMI I BERISHËS:

As në Beograd nuk ndodh! E nxjerrin tifozin nga stadiumi se kishte një bluze me stampë të UÇK!

Dënoj me neveri një akt të tillë të shëmtuar antidemokratik prej vasali të Edi Ramës dhe narko-regjimit të tij!

Lexoni mesazhin dhe videon e tifozit dixhital!

Mirëmëngjesi Dr.Sali Berisha!Një tifoz u largua mbrëmë nga policia e Shqipërisë vetëm sepse mbante një maicë me mbishkrimin UÇK.

Dhe kjo nuk ndodhi në ndonjë vend të huaj, por në zemër të Shqipërisë, nga policia shqiptare, nën qeverisjen e Edi Ramës!

The post Policia nxorri tifozin nga stadiumi, Berisha publikon pamjet: As në Beograd nuk ndodh, e larguan se kishte një bluzë të UÇK (VIDEO) appeared first on Albeu.com.

Stadiumi “Air Albania” duket më i bukur se kurrë i ngjyrosur në të kuqe. Pjesa më e madhe e tifozëve ka hyrë brenda ndërsa lojtarët e Kombëtares kanë zbritur në fushë për të bërë nxemje. Në sfond dëgjohet kënga legjendare e Shkurte Fejza: “Mora fjalë”. Po ashtu në fund të videos së mëposhtme dëgjohen edhe […]

The post VIDEO/ Tifozët kuqezi ia marrin këngës në stadium, nuk mungojnë as ofendimet ndaj Serbisë appeared first on BoldNews.al.

Federata Shqiptare e Futbollit ka arritur marrëveshjen e re për të drejtat e emërtimit të Stadiumit Kombëtar në Tiranë.

Për pesë vitet e ardhshme, stadiumi do të vijojë të mbajë emrin “Air Albania Stadium”, në kuadër të një partneriteti të ri me kompaninë ajrore kombëtare.

Marrëveshja u firmos sot në Shtëpinë e Futbollit nga Presidenti i FSHF-së, Armand Duka dhe Administratori i kompanisë “Air Albania”, Sinan Isik.

“Jemi të lumtur të njoftojmë se “Air Albania” do të vazhdojë të mbajë të drejtën e emrit komercial të stadiumit “Arena Kombëtare” për 5 vite të tjera.

Mes nesh kemi ndërtuar më shumë se një marrëveshje, kemi krijuar një identitet të përbashkët, që do të vazhdojë të frymëzojë sportin dhe komunitetin tonë.

Presidenti i FSHF, Armand Duka, dhe Administratori i kompanisë “Air Albania”, Sinan Isik, firmosën sot marrëveshjen”, shprehet Duka.

The post Duka: Stadiumi Kombëtar do të quhet sërish “Air Albania” për 5 vitet e ardhshme appeared first on Euronews Albania.

Camp Nou” është thuajse gati. Barcelona do të bëjë gjatë sezonit të ri rikthimin në stadiumin e saj pas 2 vitesh pritjeje.

Stadiumi pritet të kompletohet i tëri në qershor të vitit të ardhshëm, ndërsa do të jetë e mundshme që klubi të rikthehet nga shtatori i këtij viti.

The post Stadiumi i ri i Barcelonës pothuajse gati appeared first on Lapsi.al.

Të gjithë tendat e vendosura në ambientet e jashtme të bareve, lokaleve apo restoranteve përreth stadiumit “Arena Komëbtare” janë çmontuar përgjatë kësaj të marte si një masë sigurie në prag të ndeshjes mes Shqipërisë dhe Serbisë që luhet të shtunën e 7 qershorit.

Ndeshja Shqipëri-Serbi vlerësohet maksimalisht nga të gjitha institucionet, sidomos ato të garantimit të rendit dhe sigurisë, të cilat vijojnë të kenë nën survejim Arenën Kombëtare. Efektivët e policisë së shtetit, asaj bashkiake, por dhe pronarët e lokaleve dhe bareve kanë qenë të pranishëm përgjatë kësaj të marte, ku është bërë çmontimi i tendave të bizneseve, kjo si një tjetër masë sigurie.

Përreth stadiumit dhe brenda tij operojnë një numër i konsiderueshëm biznesesh, kryesisht bare, lokale e restorante, por dhe dyqane si dhe zyra të kompanive private. Të gjitha ambientet e jashtme do të boshatisen, për të lejuar sa më tepër hapësirë dhe akses për policinë e cila do të rrethojë stadiumin, madje do të jetë e vendosur dhe në pjesën e brendshme të stadiumit.

Burimet bëjnë me dije që duke nisur nga ora 21 e së premtes, të gjitha bizneset që janë në godinën e stadiumit do të mbyllen dhe hapja e tyre do të bëhet ditën e diel. Një numër i madh efektivësh pritet të jenë në terren për të garantuar sigurinë edhe pse në këtë sfidë do të jenë vetëm tifozët e kombëtares shqiptare.

LEXONI GJITHASHTU:

• Përmbysje e çmendur në “Elbasan Arena”, Teuta i “rrëmben” 3 pikë Dinamos
• “Të rritet buxheti për filmin”, kineastët dëgjesë publike me ministrinë

The post Lirohen hapësirat përreth “Arenës Kombëtare”, shtohen masat e sigurisë appeared first on Euronews Albania.

Janë zbardhur detaje të reja nga sherri masiv i regjistruar në mitingun përmbyllës të Partisë Demokratike mbrëmjen e sotme në Elbasa, përpara stadiumit. Rrethanat janë të paqarta, por sipas demokratëve, është dhunuar roja i stadiumit, i cili nuk hapte derën e stadiumit për të hedhur fishekzjarret nga tarraca, ndryshe nga çfarë kishin dakordësuar në fillim […]

The post Zbardhen detajet nga sherri në mitingun e PD, u dhunua roja i stadiumit dhe djali i Luçiano Boçit appeared first on BoldNews.al.

Një sherr masiv është regjistruar mbrëmjen e kësaj të mërkure në Elbasan, në sheshin para stadiumit. Siç shihet edhe në videon e mëposhtme, një grup djemsh grushtohen me njëri-tjetrin, teksa nuk dihen motivet e sherrit se përse ka nisur. Sherri ka ndodhur gjatë kohës që Partia Demokratike po zhvillonte mitingun përmbyllës në Elbasan, në bulevardin […]

The post VIDEO/ Sherr masiv me grushte gjatë mitingut të PD-së në Elbasan appeared first on BoldNews.al.

TIRANË, 1 maj /ATSH/ Federata e Futbollit dhe Bashkia e Kavajës do të rindërtojnë stadiumin e Besës. Në një takim të zhvilluar në ambientet e “Shtëpisë së Futbollit”, me pjesëmarrjen e përfaqësuesve të FSHF-së, Bashkisë së Kavajës, arkitektëve të huaj e shqiptarë si edhe përfaqësuesve të “Focus Architecture” u shpall edhe projekti fitues për ndërtimin e stadiumit.

Juria, e përbërë nga arkitektë ndërkombëtarë dhe shqiptarë, zgjodhi një nga projekt-idetë e paraqitura nga studioja arkitekturore “Focus Architecture” që kishte fituar tenderin e zhvilluar nga FSHF në bashkëpunim me Bashkinë Kavajë.

Projekti parashikon ngritjen e një stadiumi modern të kategorisë 4 sipas standardeve të UEFA-s, me një kapacitet prej 8 mijë vendesh dhe të përshtatshëm për zhvillimin e ndeshjeve të çdo kategorie.

Në një prononcim për fshf.org, zv.presidenti i FSHF-së, Arben Dervishaj shprehet se rindërtimi i stadiumit të ri të Besës do të jetë një bashkëpunim mes FSHF dhe Bashkisë së Kavajës. Ai nënvizon se ky stadium nuk do të ketë vetëm funksione sportive, por edhe funksione për qytetin.

“Zhvilluam një mbledhje lidhur me aprovimin e projekt-ideve për ndërtimin e stadiumit të qytetit të Kavajës. Dihet që stadiumi i qytetit të Kavajës ishte i dëmtuar nga tërmeti dhe si rrjedhojë është shkatërruar plotësisht. Kemi vendosur që në bashkëpunim me Bashkinë e Kavajës të rindërtojmë stadiumin e qytetit, duke i dhënë qytetit një stadium të kategorisë 4, sipas përcaktimeve të UEFA-s. Kapaciteti i këtij stadiumi do të jetë 8 mijë spektatorë dhe do të presë ndeshje të çdo lloj kategorie, me përjashtim të finaleve që kërkojnë një kapacitet më të madh.

Sot u diskutuan projekt-idetë e paraqitura nga studio që është shpallur fituese nga tenderi që ka bërë FSHF dhe Bashkia e Kavajës, që paraqiti dy idetë e e zhvillimit të stadiumit të qytetit. Juria që ishte e përbërë nga arkitektë ndërkombëtarë dhe shqiptarë, pasi shqyrtoi me shumë kujdes projekt-idetë e paraqitura nga kompania, vendosi që varianti i parë i paraqitur nga studio ishte varianti më i mirë duke lënë edhe vërejtjet përkatëse. E gjithë ideja është që ne të ndërtojmë një stadium që do t’i shërbejë të ardhmes.

Ky projekt që u miratua korrespondon edhe me 100-vjetorin e themelimit të klubit Besa. Ky është një lajm i mirë për të gjithë sportdashësit e ekipit të Besës. Shpresojmë që të avancojmë sa më shpejt, në mënyrë që të fillojmë punimet dhe brenda 2 viteve, qyteti i Kavajës të ketë një stadium dhe një pol të ri zhvillimi. Stadiumi që ne po ndërtojmë nuk do të ketë vetëm funksione sportive, por edhe funksione për qytetin. Ashtu si stadiumi “Arena Kombëtare” u bë një pol për Tiranën, të njëjtën gjë besoj do të bëjë edhe stadiumi i Kavajës”, tha për fshf.org zv.presidenti i FSHF, Arben Dervishaj.

1 nga 2

/a.f/

The post Miratohet projekti fitues për rindërtimin e stadiumit “Besa” në Kavajë appeared first on Agjencia Telegrafike Shqiptare.

TIRANË, 7 prill /ATSH/ Para nisjes së ndeshjes Egnatia – AF Elbasani, u zhvillua ceremonia zyrtare e inaugurimit të stadiumit të ri “Egnatia Arena” në Rrogozhinë, një moment historik për klubin, qytetin dhe futbollin shqiptar.

Ky impiant modern është rindërtuar nga e para, falë vizionit dhe përkushtimit të presidentit të KF Egnatia, Agim Demrozi, si dhe mbështetjes së rëndësishme financiare të Federatës së Futbollit.

Me kontributin e FSHF-së janë investuar mbi 2 milionë euro në ndërtimin e tribunës së re, sistemin e ndriçimit, mbulesat dhe stolat, ledin perimetral dhe ekranin elektronik, duke sjellë një infrastrukturë moderne dhe të standardeve europiane.

Në këtë ceremoni morën pjesë presidenti i FSHF-së, Armand Duka dhe presidenti i KF Egnatia, Agim Demrozi, të cilët zbuluan së bashku pllakatën e inaugurimit, mes duartrokitjeve të shumta të tifozëve.

Gjatë një prononcimi për fshf.org, presidenti Duka e cilësoi këtë ditë si një ndër më të rëndësishmet për futbollin e Rrogozhinës dhe për klubin e Egnatias. Ai theksoi se stadiumi i ri, me kapacitet rreth 5 mijë vendesh dhe i pajisur me të gjitha kushtet e një impianti të kategorisë 4, është gati për të pritur çdo ndeshje ndërkombëtare.

Presidenti Duka e përmbylli fjalën e tij me një apel për më shumë tifozë në stadiume dhe për një promovim më të mirë të kampionatit shqiptar.

“Është dita më e mirë, më e gëzuar për futbollin e Rrogozhinës, për klubin e Egnatias, sepse sot zyrtarisht do të përurojmë impiantin e ri sportiv, stadiumin me një kapacitet rreth 5 mijë vendesh, me sistem ndriçimi, me të gjitha kushtet e një stadiumi të kategorisë 4, ku mund të luhet çdo lloj ndeshjeje ndërkombëtare. Fatmirësisht, këtu do të zhvillojmë ndeshje të Kampionatit Europian U-17 2025. Është vërtet një investim shumë i mirë për futbollin, për të gjithë Kategorinë Superiore dhe jo vetëm për Rrogozhinën. Me këtë rast, dua të falënderoj klubin e Egnatias për kontributin, për gatishmërinë dhe pse jo, edhe për kontributin sportiv, sepse vitin e kaluar ka pasur suksese duke fituar të tre trofetë e kompeticioneve të garave në Shqipëri dhe përsëri është faktor. Uroj që të ketë suksese të mëtejshme, uroj që të ketë sa më shumë fëmijë, por ajo që mbetet sfida kryesore për Egnatian, për të gjitha klubet e “Abissnet Superiore” dhe për të gjithë futbollin shqiptar, nën asistencën e Federatës së Futbollit, është promovimi më i mirë i kampionatit, që për mua është vërtet i bukur. Më shumë spektatorë në shkallët e stadiumit për të ndjekur kampionatin. Suksese, urime dhe ta gëzojnë këtë impiant të ri”, tha presidenti Duka.

Presidenti i Egnatias, Agim Demrozi, e cilësoi një ditë historike për qytetin e Rrogozhinës dhe falënderoi FSHF-në dhe Presidentin Duka për kontributin e dhënë në ndërtimin e stadiumit “Egnatia Arena”.

“Sot është një ditë historike për qytetin e Rrogozhinës. Inaugurojmë impiantin e ri të futbollit. Jemi shumë falënderues ndaj Federatës, me në krye presidentin Armand Duka, për kontributin që na kanë dhënë për ndërtimin e këtij stadiumi”, tha presidenti i Egnatias, Agim Demrozi.

“Egnatia Arena” tashmë është gati të presë jo vetëm ndeshjet e kampionatit shqiptar, por edhe sfida të rëndësishme ndërkombëtare, duke i dhënë një hov të ri zhvillimit të futbollit në këtë zonë. Gjatë Kampionatit Europian U-17, që do të zhvillohet në Shqipëri nga 19 maji deri më 1 qershor, në stadiumin “Egnatia Arena” do të zhvillohen tri ndeshje.

1 nga 3

/a.f/r.e/

The post Inaugurohet stadiumi “Egnatia Arena”, Duka: Investim shumë i mirë për futbollin shqiptar appeared first on Agjencia Telegrafike Shqiptare.

TIRANË, 4 prill /ATSH/ Sot në Tiranë u zhvillua faza finale e Garës Ndërkombëtare për Projektide Arkitekturore për Rilindjen e Stadiumit “Selman Stërmasi”, ku 5 skuadrat finaliste prezantuan përpara jurisë konceptet arkitektonike për stadiumin.

Duke marrë fjalën në këtë takim drejtorja e Korporatës Shqiptare të Investimeve, Elira Kokona tha se, “duke çuar përpara projektin e rijetësimit të stadiumit “Selman Stërmasi”, synojmë të përmbushim standardet bashkëkohore si në stadiumet ndërkombëtare”.

Por gjithashtu, vijoi ajo, synojmë të prezantojmë dhe një projekt ambicioz për një qendër multifunksionale ku sporti, kultura dhe aktivitetet sociale ndërthuren në harmoni të plotë.

Kokona theksoi se, “rijetësimi i stadiumit nuk do të jetë vetëm një ambient modern për sportin, por edhe hapësira të hapura për publikun, të integruara me dinamikë të gjallë urbane që nxisin zhvillimin ekonomik e social”.

(vijon…)

/r.e/

The post Rijetësimi i “Selman Stërmasit”, Kokona: Qendër shumëfunksionale, zhvillim ekonomik dhe social appeared first on Agjencia Telegrafike Shqiptare.

Manchester United po kalon një nga sezonet më zhgënjyes në historinë e tij, por kjo nuk e pengon klubin anglez të projektojë një të ardhme të lavdishme.

“Djajtë e Kuq” zbuluan projektin për “Pallatin e ri të Ëndrrave”, më saktë stadiumin e ri, që do të ndërtohet në të njëjtin vend ku prej 115 vitesh qëndron mitiku “Old Traford”.

Impianti i ri do të kushtojë 2 miliard paund, ndërsa do të ketë një kapacitet prej 100 mijë vendesh, duke e bërë atë stadiumin më madh në Angli dhe të dytin më të madh në botë pas “Camp Nou” të Barcelonës, që është në fazën finale të rikonstruksionit dhe do të ketë një kapacitet prej 105 mijë vendesh.

Ky projekt do të vihet në jetë në prëfundim të këtij sezoni, kur si fillim do të prishet “Old Traford” ekzistues dhe më pas do të fillojë ndërtimi i impiantit të ri, që do të jetë gati në vitin 2030.

Projektimi është bërë nga studio arkitekturore “Fosters and Partners”, e njëjta që projektoi stadiumin e Lusail, që priti finalen e “Botërorit 2022”.

“Pallati i ri i Ëndrrave” të Manchester United pritet të kthehet në një atraksion për të gjithë qytetin. Qeveria angleze ka marrë përsipër investimet rreth impiantit si dhe të ndryshojë linjat e brendëshme urbane.

Sipas studimit, ai do të presë më shumë se 1.8 milion vizitorë në vit, ndërsa ka potencial të gjenerojë të ardhura që arrijnë vlerën 7.3 miliard paund./abcnews.al

Real Madridi është gjobitur me 30 mijë euro nga UEFA për sjellje diskriminuese nga tifozët e tyre gjatë ndeshjes së fundit të Ligës së Kampionëve kundër Manchester Cityt. Gjoba u dha nga komiteti disiplinor i UEFA-s, i cili vendosi gjithashtu një mbyllje të pjesshme të pezulluar të stadiumit Santiago Bernabeu. Si pjesë e sanksionit, 500 […]

The post UEFA gjobit dhe i mbyll pjesërisht stadiumin Real Madridit! appeared first on BoldNews.al.

Pallati i Kongreseve do të rinovohet me të njëjtën formulë si me stadiumin, ku si rezultat do të fitohet një Pallat Kongresesh i transformuar, deklaroi kryeministri Edi Rama gjatë prezantimit të projektit për rijetëzimin e sheshit “Nënë Tereza”, ku do të instalohet vepra “Tirana Mooons” e arkitektit Chris Precht. “Korporata Shqiptare e Investimeve do të […]

The post Rama do t’ia japë privatit dhe Pallatin e Kongreseve, do veprohet si me stadiumin me kullë appeared first on BoldNews.al.

Pas miratimit të vendimit në mbledhjen e Komitetit Ekzekutiv të FSHF-së, në aneksin e stadiumit “Skënderbeu” ka filluar vendosja e tapetit të ri për terrenin stërvitor, i cili është gati të përfundojë.

Ky investim ka për qëllim përmirësimin e kushteve për zhvillimin e aktiviteteve futbollistike në këtë impiant.

Po ashtu, po punohet me ritme të larta për përfundimin e projekteve infrastrukturore në disa qytete të ndryshme të vendit, duke zbatuar planet e miratuara në mbledhjet e Komitetit Ekzekutiv.

Këto investime të rëndësishme nga Federata e Futbollit kanë për qëllim rritjen e cilësisë së infrastrukturës sportive dhe mbështetjen e zhvillimit të futbollit në nivel kombëtar. /j.p/

1 nga 4

The post Investimet e FSHF, drejt përfundimit punimet në aneksin e stadiumit “Skënderbeu” appeared first on Agjencia Telegrafike Shqiptare.

TIRANË, 8 janar /ATSH/ Ministri i Ekonomisë, Kulturës dhe Inovacionit, Blendi Gonxhja ndau sot disa detaje të rëndësishme për projektin e stadiumit të ri ‘Selman Stermasi’.

Gonxhja theksoi se ky do të jetë stadiumi i së ardhmes, ku inovacioni dhe zhvillimi do të bashkohen.

Ministri theksoi se, projekti i stadiumit të ri ‘Selman Stermasi’, përtej hapësirave moderne për sportin dhe skuadrat e zemrës, do të transformojë hapësirat urbane dhe do të krijojë mundësi të reja për qytetarët, komunitetet dhe ekonominë e qytetit.

Ky projekt do të ofrojë energjizimin e qytetit, zhvillimin inovativ të pronave publike, ripërtëritje urbane dhe një stadium modern.

Sa i përket afateve të garës dhe dokumentacionit që nevojitet, Gonxhja bën të ditur se, afati total është 110 ditë.

Faza e parakualifikimit përfundon më 24 janar (30 ditë), ndërsa faza e kualifikimit zgjat 60 ditë.

Vlerësimi i projekteve do të bëhet nga juri ndërkombëtare. Do të jepen 5 çmime për idenë më të mirë të projektimit. 3 fitues do të kalojnë në fazën finale të ankandit dhe do të ketë 1 fitues të kontratës.

Në përmjet këtij projekti do të mundësohet rijetëzimi i stadiumit aktual në stadium standart 4 UEFA.

Mundësohet rikualifikim i zonës rreth stadiumit dhe rikonceptim i hapësirave urbane për përdorim publik dhe përdorim privat.

Gjithashtu ftohen për pronarët privatë që t’i bashkohen nismës së Korporatës Shqiptare të Investimeve (AIC).

Për projektimin dhe zhvillimin e zonës urbane të stadiumi “Selman Stermasi” ftohen arkitektët dhe zhvilluesit apo investitorët vendas dhe të huaj.

1 nga 4

/a.f/

The post Projekti i ‘Selman Stermasi’-t të ri, Gonxhja: Ripërtëritje urbane dhe stadium modern appeared first on Agjencia Telegrafike Shqiptare.

Nga Arbjona Çibuku dhe Erblin Vukaj  Qeveria ka hapur garën për ndërtimin e stadiumit të ri “Selman Stërmasi” me premtimin për investim madhor në bashkëpunim me sektorin privat. Projekti synon transformimin e infrastrukturës sportive dhe urbane të zonës duke i hapur rrugë ndërtimeve në hapësirat krah stadiumit. Korporata e Investimeve Shqiptare (KISH), organ në varësi […]

The post “Selman Stërmasi” kthehet në stadium me kullë? Ndërtuesit do i falen mijëra m² truall appeared first on BoldNews.al.

Faqja e internetit e të përditshmes sportive spanjole Marca raportoi këtë të premte një ndryshim në emrin e stadiumit të Real Madrid: në dokumentacionin tregtar (merchandising, koncerte, dhoma me qira, etj.), emri Santiago është zhdukur dhe tani stadiumi quhet vetëm Bernabeu. Marca nënvizon se ky mund të jetë hapi i parë drejt një hapi zyrtar […]

The post Real Madridi po ‘projekton’ ndryshimin e emrit të stadiumit Santiago Bernabeu appeared first on BoldNews.al.

Në ditën e sotme, stadiumi i Kombëtares Shqiptare ka pastruar shkrimin “Air Albania”, emri me të cilin titullohej arena e skuadrës sonë.

Siç shihet nga pamjet, disa punonjës të Federatës Shqiptare të Futbolllit janë duke hequr gërmat që identifikojnë “Air Albanian”, teksa shumë shpejt pritet të mësohet se si do të quhet “shtëpia” e kuqezinjve përpara ndeshjeve kualifikuese të Botërorit 2026.

/E.S

TIRANË, 14 dhjetor/ATSH/ Tirana do ketë një tjetër stadium të madh, që do të shndërrohet në një tjetër destinacion për qytetin.

Kryetari i Bashkisë së Tiranës, Erion Veliaj, gjatë dëgjesës për buxhetin 2025 në shkollën “Sami Frashëri”, deklaroi se e njëjta gjë që u bë me stadiumin “Air Albania” do të bëhet edhe me stadiumin “Selman Stërmasi”.

Ai u shpreh se një investim i tillë i jep mundësi zonës të kthehet në një pol ekonomik dhe si shembull mori edhe investimin te Parku Olimpik.

“Duam të bëjmë të njëjtën gjë që u bë me stadiumin “Air Albania” të bëhet edhe me stadiumin “Selman Stërmasi”, që t’i japim Njësisë 5 një super mundësi për zhvillim, për ta kthyer në një pol ekonomik. Të njëjtën gjë duam të bëjmë edhe me pallatin e sportit ‘Asllan Rusi’. Një nga vendimet që morëm është që të bëjmë një histori suksesi si te Parku Olimpik dhe duam që këtë vit ta shfrytëzojmë maksimalisht për të bërë projektin dhe për të filluar ndërtimin aty. Të njëjtën gjë do të bëjmë edhe te kompleksi ‘Dajti’, me një super investim me fushën e futbollit, por edhe pjesa tjetër multisportive, multidisiplinore, të ketë gjithashtu një investim nga Bashkia e Tiranës. Sporti, që na dha kaq shumë histori suksesi dhe krenarie këtë vit, të vazhdojë të jetë një prioritet për ne”, tha Veliaj.

/a.f/

The post Buxheti 2025, Veliaj: Transformojmë stadiumin “Selman Stërmasi” dhe pallatin e sportit “Asllan Rusi” appeared first on Agjencia Telegrafike Shqiptare.