TIRANË, 15 korrik/ATSH/ Akademia e Shkencave të Shqipërisë mblodhi asamblenë e saj nën drejtimin e kryetarit Skënder Gjinushi, me praninë e kryesisë dhe të anëtarëve të Asamblesë.

Mbledhja kishte për qëllim zhvillimin e votimit për avancimin në titull të tre akademikëve të asociuar, votimin për një akademik në fushën e historisë, pranimin si anëtar nderi të një personaliteti të shquar në fushën e shkencës dhe zgjedhjen e një anëtari të ri të jashtëm të Akademisë.

Asambleja përmes një votimi ceremonial zgjodhi prof. Melisa Perry si anëtare nderi e Akademisë së Shkencave.

Në motivacionin e lexuar nga  Gjinushi u nënvizua profili i saj si një nga figurat më të shquara në shkencën e shëndetit publik në nivel global, me kontribute të rëndësishme në epidemiologji, toksikologji mjedisore dhe ndikimeve të ndotjes në shëndetin publik. Me angazhime të vazhdueshme në shkencën shqiptare, ajo ka qenë nismëtare e konferencës së parë mbi infodeminë dhe organizatore kryesore e Konferencës Ndërkombëtare për Shëndetin Publik dhe Mjedisin në bashkëpunim me Akademinë e Shkencave.

Prof. dr. David Kalaj një personalitet i shquar në shkencën e matematikës u zgjodh anëtar i jashtëm i ASHSH-së. Ai është autor dhe bashkautor i 125 artikujve shkencorë, prej të cilëve 120 janë botuar në revista të indeksuara, si: Mathematische Annalen, Advances in Mathematics dhe Transactions of the AMS. Sipas Google Scholar-it, puna e tij është cituar rreth 1800 herë.

Ai ka bashkëpunuar me matematikanë të njohur ndërkombëtarë dhe ka marrë pjesë në mbi 40 konferenca shkencore. Prof. Kalaj ka përkthyer mbi 10 tekste shkollore nga gjuha malazeze në gjuhën shqipe.

Asambleja vlerësoi punën dhe rezultatet në kërkimin shkencor të tre akademikëve të asociuar, Besnik Baraj, Gëzim Hoxha, Stefan Çapaliku, që pas votimit morën titullin akademik.

Në fushën e historisë Asambleja zgjodhi prof. dr. Hamit Kabën si anëtar të ri të saj.

1 nga 5

/k.s//r.e//a.f/

The post Besnik Baraj, Gëzim Hoxha e Stefan Çapaliku fitojnë titullin akademik appeared first on Agjencia Telegrafike Shqiptare.

Reperi amerikan Young Noble, emri i vërtetë i të cilit ishte Rufus Lee Cooper III, ka ndërruar jetë në moshën 47-vjeçare, në rrethana të dhimbshme. Lajmi i trishtë u konfirmua nga EDI Mean, kolegu i tij i ngushtë dhe kushëriri i Tupac Shakur, i cili përmes një postimi zemërthyes njoftoi se Young Noble i mori […]

The post Zi në botën e HipHop-it! Ndërron jetë reperi i grupit legjendar “Outlawz” appeared first on BoldNews.al.

Një tjetër humbje e rëndë për komunitetin e hip-hop-it… Reperi amerikan Young Noble, emri i vërtetë i të cilit ishte Rufus Lee Cooper III, ka ndërruar jetë në moshën 47-vjeçare, në rrethana të dhimbshme.

Lajmi i trishtë u konfirmua nga EDI Mean, kolegu i tij i ngushtë dhe kushëriri i Tupac Shakur, i cili përmes një postimi zemërthyes njoftoi se Young Noble i mori jetën vetes mëngjesin e së premtes në Atlanta.

“Sëmundja mendore është një betejë që shumë njerëz po e luftojnë në heshtje. Ju lutem, kontrolloni njerëzit tuaj”, shkroi ai në Instagram, duke na kujtuar sesa e nevojshme është mbështetja emocionale edhe për ata që na duken të fortë.

Young Noble ishte një nga figurat kyçe të grupit “Outlawz”, të formuar nga vetë Tupac Shakur në vitet ’90. Ai iu bashkua grupit vetëm pak muaj përpara se Tupac të vritej në 1996 dhe që nga ajo kohë, nuk u shkëput kurrë nga muzika e nga misioni për të mbajtur gjallë trashëgiminë e tij.

Krahas punës me Outlawz, ai ka lënë gjurmë edhe me projekte solo si “Noble Justice”, “Son of God” dhe “3rd Eye View”. Vite më parë, reperi kishte kaluar edhe një atak në zemër, një paralajmërim për sfidat që ai po përballonte, jo vetëm fizikisht por edhe shpirtërisht.

The post Trishtim në hip-hop: Ndërron jetë Young Noble, reperi i grupit legjendar “Outlawz” appeared first on iconstyle.al.

Pas pjesëmarrjes në sesionin e Asamblesë Parlamentare të OSBE-së në Porto, Portugali, kryetari i PD, Sali Berisha, ka bërë një deklaratë të fortë.

Ai e ka cilësuar procesin e zgjedhjeve të 11-majit, si një farsë zgjedhore të orkestruar nga qeveria dhe strukturat e saj.

Në fjalimin e tij, Berisha ka theksuar përdorimin e resurseve shtetërore për të manipuluar rezultatin e zgjedhjeve, duke përmendur praktika të tilla si blerja e votave, përdorimi i administratës publike për qëllime elektoraliste dhe organizimin e aktiviteteve për të ndikuar tek zgjedhësit, përfshirë evenimente të mëdha si Giro d’Italia.

Po ashtu, ai ka folur për shkelje të ligjit në lidhje me legalizimet dhe ndarjen e lejeve të ndërtimit për të fituar mbështetje elektorale.

“Isha në Porto të Portugalisë, ku zhvilloi punimet sesioni i Asamblesë parlamentar të OSBE. Siç e dini, asambleja parlamentare e OSBE dhe institucionet e OSBE, ndër të cilat ODIHR, janë dhe institucionet e besimit të plotë të vendeve anëtare të OSBE-së, përsa u përket zgjedhjeve, karakterit, të zhvillimit të tyre, zgjedhjeve të drejta apo të padrejta, të barabarta apo të pabarabarta.

Unë shfrytëzoj rastin të falënderoj shumë përzemërsisht presidenten e grupit parlamentar të EPP-së zonjën Gundrun Kugler, për mundësinë që më krijoi të bëj një ekspoze të qartë, të plotë, të faktuar të farsës elektorale që u zhvilluar në Shqipëri në datën 11 maj 2025.

Interesi i kryetares së grupit parlamentar të EPP-së, të asamblesë parlamentare të OSBE-së dhe anëtarëve deputetë të këtij grupi ishte shumë i madh.

Në ekspozenë tonë, ne paraqitëm me fakte dhe dokumente se çfarë ishte procesi në Shqipërinë e Ramaduros, e narkoshtetit të parë dhe të vetëm në Europë.

Pa krahasuar me asnjë proces tjetër në Europë, informuam për angazhimin total të narkoshtetit, të të gjitha potencialeve të tij njerëzore, financiare, fuqia ekzekutive, për kontrollin e votës së qytetarëve shqiptarë dhe blerjen e saj.

Për përdorimin e gjysëm miliardi euro, për prokurorime publikë në kundështim flagrant me ligjin.

Për organizimin në kundërshtim me ligjin të 4500 evente kombëtare dhe ndërkombëtare duke përfunduar me Giro d’Italia ditët e fundit dhe ditën e zgjedhjeve për të ndikuar tek zgjedhësit.

Tek përdorimi i armatës së punonjësve të paguar nga taksa paguesit shqiptarë për tu shërbyer atyre dhe jo për tu angazhuar si policë elektoralë në procesin zgjedhor.

Firmosjen e mijëra e mijërave leje legalizimi, leje ndërtimi dhe certifikatave të pronësisë, për vota.

Dorëzimin e të gjitha të dhënave sekrete, personale të qytetarëve grupeve të patronazhistëve për ti kërcënuar dhe mikluar ata.

Si dhe vendimin për mbjelljen e 29 mijë hektarë kanabis në mbarë vendin për votë, ndërkohë ligji lejon gjithsej 200 hektarë.

Në takimet dhe ekspozetë tona ne informuam ata me të gjithë dukuritë e konstatuara nga vëzhgimi i kamerave ditën e votimit, nga rinumërimi i fletëve të votimit. I informuam për përdorimin më të gjerë të mekanizmit ‘treni Bullgar’. I informuam për shtetëzimin e votës së diasporës dhe procesit të votimit të diasporës.

Me fakte, dokumente me të dhëna. Mendoj se audienca me lajmet, me dokumentet, provat që dërguam mori informacionin më të vërtetë dhe më të duhur për farsën elektorale të 11 majit”, tha Berisha.

The post Berisha: Njohëm asamblenë e OSBE-së dhe EPP-në me farsën e 11 majit appeared first on Albeu.com.

10 vjet pas korrikut vendimtar të 2015-ës, Angela Merkel, një figurë qendrore në menaxhimin e krizës greke si kancelare e Gjermanisë, thotë tani se admiroi grekët që duruan duke tërhequr vetëm 60 euro në radhët e bankomateve. Në një intervistë të gjatë për drejtorin e “Kathimerini”, Alexis Papachelas ajo ka folur pa doreza me rastin e botimit në gjuhën greke të librit të saj, “Liria”.

Më bëri përshtypje që grekët me 60 euro mund ta duronin, gjermanët jo. E pyetur se “çfarë do t’i thoshit grekut të thjeshtë sot nëse do ta gjente në rrugë?”, ajo u përgjigj: “Nuk do të kërkoja falje, paraqita motivet e mia. Do të thoja se arritëm shumë, nuk mund ta imagjinoj BE-në pa Greqinë.

Më bëri shumë përshtypje qëndrueshmëria e shoqërisë greke sepse atëherë, gjatë asaj periudhe të vështirë me referendumin, njerëzit mund të tërhiqnin vetëm 60 euro nga banka. Thashë që gjermanët nuk do të ishin në gjendje ta përballonin…”

Merkel tha se nuk do t’i kërkonte qytetarit grek të zakonshëm një “falje”. “Nuk mund ta imagjinoj Bashkimin Evropian pa Greqinë”, – vuri në dukje ajo në mënyrë karakteristike, duke theksuar përpjekjet e mëdha që bëri për të bindur Schäuble, i cili donte ta nxirrte Greqinë nga eurozona. “E telefonoja çdo orë dhe e informoja”, – tregoi ish-kancelare gjermane, e cila e përshkroi si momentin më të pakëndshëm të karrierës së saj politike momentin kur Alexis Tsipras e informoi në telefon për referendumin.

“Ishte telefonata më e habitshme dhe më e heshtura e karrierës sime”, – tha Merkel dhe shtoi: “atëherë e kuptuam se nëse vota “jo” mbizotëron, kjo do të thotë dalje nga euro. Ne nuk mund të vendosnim për një vend demokratik”.

Merkel foli për përshtypjet që pati herën e parë që Alexis Tsipras vizitoi Berlinin si kryeministër, si dhe për bisedat që pati me George Papandreun dhe Antonis Samarasin, presionin e ushtruar mbi të nga Obama, që e bëri të qante, marrëdhëniet e saj me Putinin, luftën në Ukrainë dhe Trumpin, i cili sipas saj e sheh gjithçka nga perspektiva e një “marrëveshjeje”.

Dukesha si djali i keq që thoshte “Nuk mund të jap para”.

“Në shkurt të vitit 2010 u bë e qartë se problemi ishte vërtet i madh. Më thanë se Greqia ka nevojë për para”, – tha Merkel dhe shtoi se me “klauzolën e mosshpëtimit” që ekzistonte në euro, “nuk mund të jepja para”.

E pyeta George Papandreun: “Çfarë do?” dhe ai u përgjigj: “Asgjë”. Në takim, kryeministri grek heshtte. Po diskutonim intensivisht dhe dukesha si djali i keq që thoshte: “Nuk mund të jap para”. Presidenti i Këshillit Evropian, Herman Van Rompuy, ndërpreu takimin dhe shkroi disa fjali: “Greqia do të bëjë atë që duhet të bëjë. Ne do ta mbështesim atë dhe euro është monedha jonë e përbashkët”.

“Vendosa në vitin 2011 që duhej të bënim gjithçka që kishim në dorë për ta mbajtur Greqinë në eurozonë”, tha Merkel dhe shtoi se “negociatat ishin jashtëzakonisht të vështira, pas referendumit të Alexis Tsipras. Duke e ditur që Schäuble donte që Greqia të dilte nga eurozona, e telefonoja çdo orë dhe ia paraqisja situatën sepse doja që këto vendime të merreshin së bashku me Ministrin tim të Financave”, – tha ajo.

Duke iu referuar Antonis Samaras, ajo theksoi: “Unë isha polici i keq në atë kohë. Nuk bëra asgjë për t’u shqetësuar, por sepse isha e mendimit se vendi duhej të ecte në rrugën e duhur. Ne ishim miq në nivel politik, në nivel partie, por kishim mendime kontradiktore shumë herë. Isha në anën e Samaras sepse mendoja se një shuarje borxhi ishte e nevojshme (siç ishte Schäuble), por Trichet tha se nëse bëni diçka të tillë, e gjithë bota financiare do të humbasë besimin në Eurozonë. Isha e mendimit se Greqia duhet të lirohej nga kjo barrë, por edhe pala tjetër kishte argumente.”

E pashë Tsiprasin dhe thashë “Zoti e bekoftë”.

Duke iu referuar përshtypjeve të krijuara nga takimi i saj me Alexis Tsiprasin, Merkel tha: “Mendoj se nuk ishte aq mbresëlënëse herën e parë sepse ai ishte në Bruksel. Pastaj e ftova në Berlin dhe atmosfera ishte e tensionuar. Ai shkoi dhe pa demonstruesit para Kancelarisë dhe përshëndeti shokët e tij nga partia…

Unë thashë Zoti e bekoftë! Shpresojmë që të vijë në një moment. Ai erdhi në një moment dhe ndërsa shkova drejt grupit të tij thashë “kjo është e guximshme” dhe ai më tha se duhet të merresh me ndjekësit e tu. Duke u prekur me dorë u afruam më shumë me njëri-tjetrin. Ai i konsideronte privatizimet si punë të djallit, nuk ishte e lehtë…

Negociatat 17-orëshe

“Nuk doja që Greqia të largohej nga euro dhe Tsipras nuk donte një memorandum. Ishte telefonata më e habitshme që kam pasur në të gjithë karrierën time politike dhe një nga telefonatat më të heshtura”, – tha ish-kancelarja për mënyrën se si Tsipras e informoi se do të vazhdonte me një referendum. Disa orë më parë, Tsipras kishte refuzuar t’i thoshte “po” marrëveshjes me huadhënësit.

Merkel e pyeti se çfarë do të bënte dhe Tsipras u përgjigj: “Do të kthehem në vendin tim dhe do të flas me qeverinë dhe partinë time”.

“Dhe cili do të jetë rezultati?” – e kishte pyetur Merkel.

“Nuk e di”, u përgjigj Tsipras.

“Rezultati i atij diskutimi në Athinë do të jetë nëse do të mbahet një referendum. Dhe cili është rekomandimi juaj?” – e kishte pyetur Merkel Tsiprasin.

“Sigurisht që jo”, – u përgjigj Tsipras.

“Atje më iku zëri”, – tha Merkel.

E mbyllëm telefonatën shumë shpejt. Hollande më thotë: “Çfarë do bëjmë tani?”

Nëse ishte “jo”, ne thamë se kjo do të thotë dalje nga euro, Greqia nuk u pajtua dhe ne thamë se një demokraci nuk mund të vendosë për të gjithë të tjerët. Pastaj, ish-kancelarja iu referua asaj që ndodhi pas referendumit – duke përsëritur kënaqësinë e saj me nivelin e lartë të ekipit grek që u ra dakord për memorandumin e 3-të.

“Qava, ndjeva shumë presion”

“Obama nuk e njihte mirë pjesën ligjore, qëllimet e BQE-së. Rezerva Federale e SHBA-së ka përgjegjësi të tjera. Obama nuk i dinte të gjitha, në një moment qava, më kishin bërë presion. Ai donte t’i thoshte BQE-së të jepte më shumë likuiditet. Këshilltarët e mi më thanë se nuk mund ta bëja këtë, nuk do të pranohej as nga gjykatat gjermane dhe unë ia kisha thënë Obamës këtë. Draghi, si president i BQE-së, “krijoi Bazukën” dhe tha çfarë të duhej. Ai e bëri vetëm”.

Imigracioni – Situata ishte dramatike në Greqi

Çdo ditë vinin 10,000 refugjatë të rinj sa herë që duhej të bëja diçka. Mund të kishim parandaluar refugjatët nga Austria në Gjermani, por kjo nuk mjaftoi. Kjo është arsyeja pse mbështeta planin Bashkimi Evropian – Turqi. Situata në Greqi ishte dramatike. Turqia nuk bëri asgjë.

95% e refugjatëve nuk hynë në BE. Në këmbim, Turqia mori para. Kishte shumë presion në atë kohë. Më ftuan në Stamboll, shkova në ato pallate, karriget ishin shumë mbresëlënëse, por duhej të bëja diçka. Politika është politikë e vërtetë, isha e detyruar të flisja me Erdoganin.

Jam e lumtur që Evropa ka ecur përpara dhe ka krijuar një sistem të përbashkët evropian të azilit. Ata që nuk kanë marrë azil duhet të kthehen në vendet e tyre. Synimet e luftës kundër kontrabandistëve janë sigurisht të sakta.

Kriza me Turqinë

“Ne duhet të flasim gjithmonë me fqinjët tanë. Në veçanti, kufijtë tanë detarë nuk mund të mbrohen vetëm me Frontex. Nëse do të shmangej një incident greko – turk? Po, pati tensione shumë herë, ne u përpoqëm të ndërmjetësonim. Në bisedime, e kuptova sa e vështirë ishte të gjeje terren të përbashkët.

Sepse klima midis Greqisë dhe Turqisë ishte mjaft agresive në disa raste. U përpoqa të kontribuoja, por mund ta bëjmë vetëm me gjysmë hapash .

Putini, BRSS dhe lufta në Ukrainë

Për Putinin, shpërbërja e BRSS ishte ngjarja më e keqe e shekullit të 20-të, dhe i thashë se për mua ishte gjëja më e këndshme e jetës sime. Perspektivat tona ishin krejtësisht të ndryshme. Putini ende ka këtë ide se Rusia duhet të ushtrojë ndikim mbi këto shtete (Ukraina dhe Bjellorusia). Nga pikëpamja e së drejtës ndërkombëtare, ajo që bëri në shkurt 2022 është shkelja e të gjitha kushteve të së drejtës ndërkombëtare.

Unë isha kundër, së bashku me Sarkozinë, zgjerimit të NATO-s në Ukrainë dhe Gjeorgji – në Bukuresht, në vitin 2008. Rusia nuk po zhduket nga harta dhe është fuqia më e madhe bërthamore në botë, nuk mund ta injoroj këtë. Ne duam një partneritet me Rusinë dhe e bëmë këtë përpjekje. Me pushtimin në shkurt të vitit 2022 kemi një epokë të re.

Unë nuk kam asnjë marrëdhënie me Putinin (tani). Gjithmonë kemi pasur mosmarrëveshje të mëdha, por në rastin e Krimesë ai më gënjeu 1-2 herë dhe kjo e ndryshoi marrëdhënien tonë.

Për Trumpin, gjithçka është një… marrëveshje

“Trump u votua nga populli amerikan, ne duhet të merremi me të. Dhe ne evropianët jemi një entitet, mos na nënvlerësoni. Çdo gjë për të është një marrëveshje. Bota nuk funksionon në atë mënyrë. Është shumë e vështirë të arrish rezultate të përbashkëta – me Trumpin. Nuk është lajm i mirë, jam e bindur për këtë. Ai gjithmonë mendonte diçka për të tërhequr vëmendjen e të gjithëve.

Bëra gabimin kur i thashë në takim: “Donald, duhet të shtrëngojmë duart”, por ai nuk e bëri. Ai gjithmonë përpiqej të shpërqendronte vëmendjen dhe t’i bënte të gjithë ta shikonin.” /Përgatiti LAPSI.al

The post Rrëfimi i Merkel/ Kam gabuar me Trump, kam qarë për Greqinë, por s’kërkoj falje appeared first on Lapsi.al.

TIRANË, 2 korrik /ATSH/ Kryetari i Partisë Demokratike, Sali Berisha po merr pjesë në punimet e Asamblesë Parlamentare të OSBE, që zhvillohet në Porto të Portugalisë.

Në krye të një delegacioni të opozitës, Berisha, në fjalën e mbajtur edhe sot para Asamblesë ka folur për atë që e quajti si “drama e shpopullimit të Shqipërisë dhe të narkorritjes së ekonomisë”.

Berisha u shpreh se, “në kontekstin demografik, Shqipëria ka pasur zhvillimet më dramatike në periudhën 2014–2024”.

Gjatë kësaj kohe, theksoi kreu i PD, “kombi im ka humbur më shumë njerëz sesa çdo komb tjetër, madje edhe nga vendet në luftë, apo në konflikte civile rajonale ose botërore”.

Berisha theksoi se, “45% e shqiptarëve kanë lënë Shqipërinë gjatë këtyre 10 viteve”.

“OKB njoftoi disa muaj më parë se Shqipëria është vendi me rënien më të madhe të lindshmërisë në botë, për shkak të emigracionit. Statistikat e vendit tim tregojnë se shkalla e lindshmërisë sot është aty ku ishte para 100 vitesh”, u shpreh Berisha.

Sipas tij, “arsyeja e një goditjeje kaq shkatërruese demografike është narkodiktatura”.

Ai ritheksoi se, “Shqipëria është narkodiktatura e parë dhe e vetme në Evropë. Dhe fatkeqësisht, ky nuk njihet ende mirë si një fakt”.

“Kushdo që do të shohë ekonominë shqiptare, do të shohë që ajo rritet vit pas viti me 3%. Është një rritje e respektueshme. Por çfarë është kjo rritje? Është narkorritje  sepse prodhimi industrial, në 5 vitet e fundit, ka rënë vit pas viti. Po ashtu edhe prodhimi bujqësor, apo sektorë të tjerë”, tha Berisha.

Por, shtoi ai, “ka një sektor që mban normën më të lartë të rritjes në Evropë, që është ndërtimi. Nëse shihni Eurostat, do të gjeni që indeksi i ndërtimit në Tiranë është tre herë më i lartë se mesatarja e indeksit të ndërtimit në BE. Këto janë ndërtime të narkotrafikut. Të gjitha këto kulla janë monumente të drogës dhe korrupsionit”, tha Berisha.

Pra, vijoi kreu i PD, “viktima tjetër janë zgjedhjet për të cilat fola në mëngjes.  Këta janë faktorët që po shkatërrojnë kombin tim, si narkodiktatura e parë dhe e vetme në Evropë”.

/gj.m/j.p/

The post Berisha në Asamblenë e OSBE: 45% e popullatës në Shqipëri është larguar në 10 vjet  appeared first on Agjencia Telegrafike Shqiptare.

Kris Jenner dhe partneri i saj afatgjatë, Corey Gamble, thuhet se kanë pasur një përplasje të tensionuar teksa po largoheshin nga dasma luksoze e Jeff Bezos dhe Lauren Sánchez në Venecia. Sipas Daily Mail, gjithçka ndodhi të premten, menjëherë pas ceremonisë, dhe momenti është kapur nga kamerat.

Sipas Nicole Hickling, eksperte për leximin e buzëve, arsyeja e debatit ishte insistimi i Kris që gjatë udhëtimit me taksi ujor të mos kishte asnjë pasagjer tjetër përveç tyre. Në video shfaqet Kris teksa futet në taksi, ndërsa pas saj vjen Corey. Hickling interpreton se në atë moment ai i drejtohet stafit duke thënë: “Jemi të lumtur që udhëtojmë vetëm. Kjo është ajo që Kris dëshiron.”

Kjo, thuhet, ka bërë që Jenner të ndërhyjë e irrituar dhe t’i thotë partnerit të saj: “Çfarë po bën? Duhet të flasësh? Ta kam thënë… për hir të Zotit… dua të udhëtoj e vetme”.

Corey atëherë doli për një moment nga varka për të konfirmuar me një punonjës se do të udhëtonin pa të tjerë në bord, e më pas u kthye pranë Krisit.

Pavarësisht tensionit të dukshëm me Coreyn, Jenner ruajti mirësjelljen ndaj stafit. Në një pjesë tjetër të videos, dëgjohet duke i thënë Coreyt: “Thuaju që i falënderova,” pasi një punonjës i portit i ofroi asaj një pecetë për t’u fshirë nga uji i mundshëm gjatë udhëtimit.

Çifti ndodhej në Venecia me rastin e dasmës madhështore tre-ditore të Jeff Bezos dhe Lauren Sánchez, e cila mblodhi shumë fytyra të njohura dhe elitën botërore. Kris dhe Corey mbërritën të enjten, të shoqëruar nga vajzat e saj Kim dhe Khloé Kardashian, si dhe Kylie e Kendall Jenner.

Megjithatë, sipas një burimi pranë familjes, plani fillestar nuk përfshinte gjithë këtë shoqëri. Thuhet se Kendall, Khloé dhe Kylie nuk ishin të ftuara fillimisht, dhe ftesat për to erdhën vetëm pasi Kris ndërhyri. Gjatë qëndrimit në Paris për mbrëmjen e vajzave, Kris i kishte kërkuar Laurenit që të përfshinte edhe tri vajzat e tjera.

“Në fillim ishin ftuar vetëm Kim dhe Kris,” tha burimi. “Por Mama Kris e pyeti Laurenin nëse mund të sillte edhe vajzat e tjera teksa ishin në Paris.”

Po sipas burimit, Lauren Sánchez nuk i njeh shumë mirë Kendallin, Khloén dhe Kylen. Ky veprim nuk është i pazakontë për 69-vjeçaren Kris, e cila shpeshherë kërkon leje për të marrë gjithë familjen në ngjarjet më të rëndësishme.

Madje, flitet se Kris kishte edhe një motiv tjetër – sipas personave të afërt, ajo mendonte se kjo dasmë mund të ishte mundësi e mirë që vajzat e saj të pamartuara të njiheshin me partnerë të pasur dhe të famshëm. /Telegrafi/

The post Kris Jenner u grind me të dashurin e saj në dasmën e Bezos për një arsye të çuditshme appeared first on Telegrafi.

Kris Jenner dhe partneri i saj prej kohësh, Corey Gamble, duket se përjetuan një moment tensioni pas dasmës madhështore të Jeff Bezos dhe Lauren Sánchez në Venecia, Itali, të premten.

Sipas pamjeve të siguruara nga “Daily Mail”, çifti u përfshi në një shkëmbim fjalësh ndërsa po largoheshin nga ceremonia.

Sipas një ekspertje të leximit të buzëve, Nicola Hickling, grindja kishte të bënte me kërkesën e vendosur të Kris për të udhëtuar vetëm  pa ndarë transportin me mysafirët e tjerë të dasmës.

Në video, Jenner shihet duke hipur në taksinë, ndërsa Gamble e ndjek nga pas. Hickling pretendon se Gamble i tha një punonjësi:

“Jemi të lumtur të udhëtojmë vetëm. Kjo është ajo që dëshiron Kris.”

Kjo deklaratë duket se zemëroi Kris-in, e cila sipas saj, i tha Gamble: “Çfarë po bën? A ke nevojë patjetër ta thuash? Ta kam thënë… për hir të Zotit… dua të udhëtoj vetëm.”

Më pas, Gamble doli nga taksia për të folur me një burrë tjetër dhe për të konfirmuar se do të udhëtonin vetëm, përpara se të rikthehej te Kris.

Pavarësisht tensionit me partnerin e saj, Jenner ruajti sjelljen e saj të mirësjellshme me stafin.

Ajo u pa duke i thënë Gamble: “Thuaju që i falënderoj,” pasi njëri nga punonjësit i ofroi një napë për t’u fshirë pas udhëtimit në ujë.

Çifti ndodhej në Venecia për të marrë pjesë në dasmën shumë të përfolur të Bezos dhe Sánchez, e cila zgjati tre ditë dhe mblodhi shumë personazhe të njohur.

Sipas burimeve për “Page Six”, Jenner arriti të përfshinte edhe vajzat e saj Khloé, Kendall dhe Kylie në listën e të ftuarve, megjithëse ato nuk ishin të ftuara fillimisht.

Fillimisht, vetëm Kris dhe Kim Kardashian ishin në listën e të ftuarve, por ajo arriti të sigurojë ftesa për të gjithë.

Një burim shtoi se Kris shpresonte që kjo dasmë të shërbente edhe si një mundësi për vajzat e saj beqare që të njihnin partnerë të pasur dhe të famshëm.

The post Kris Jenner përplaset me Corey Gamble pas dasmës së Jeff Bezos appeared first on Lapsi.al.

Amir-Saeid Iravani, ambasadori i Iranit në Kombet e Bashkuara, tha se pasurimi bërthamor i Republikës Islamike “nuk do të ndalet kurrë” sepse lejohet për qëllime “energjie paqësore” sipas traktatit për mospërhapjen e armëve bërthamore.

“Pasurimi është e drejta jonë, një e drejtë e patjetërsueshme, dhe ne duam ta zbatojmë këtë të drejtë”, tha Iravani për CBS News , duke shtuar se Irani ishte gati për negociata, por “dorëzimi pa kushte nuk është negociatë. Ai po dikton politikën ndaj nesh”.

Por Iravani tha se Teherani është “gati për negociata, por pas këtij agresioni, kjo nuk është kusht i përshtatshëm për një raund të ri negociatash dhe nuk ka asnjë kërkesë për negociata dhe takim me presidentin”.

I dërguari iranian në OKB mohoi gjithashtu se ka ndonjë kërcënim nga qeveria e tij për sigurinë e Rafael Grossi-t, drejtorit të përgjithshëm të Agjencisë Ndërkombëtare të Energjisë Atomike, ose kundër inspektorëve të agjencisë, të cilët akuzohen nga disa zyrtarë iranianë se e ndihmojnë Izraelin të justifikojë sulmet e tij. Inspektorët e IAEA-s janë aktualisht në Iran, por nuk kanë qasje në objektet bërthamore të Iranit.

The post Tension në Asamblenë e OKB/ Ambasadori iranian: S’e ndalim kurrë pasurimin bërthamor appeared first on Sot News | Lajme.

Kris Jenner dhe Corey Gamble ishin padyshim ndër të ftuarit që tërhoqën vëmendje në dasmën luksoze të Jeff Bezos dhe Lauren Sanchez në Venecia, por jo vetëm për pamjen e tyre elegante.

E veshur me një fustan bardh e zi dhe me buzëqeshjen e zakonshme përpara kamerave, “momager”-ja 69-vjeçare u pa teksa largohej me një taksi ujore, krah Corey-t. Por një video e kapur nga paparacët ka ndezur aludime për tensione në çift.

Sipas ekspertes së leximit të buzëve, Nicola Hickling, Jenner është dëgjuar duke kërkuar me këmbëngulje që të mos udhëtonte me të tjerë: “Do të doja të udhëtoja vetëm.” Në një moment, ajo i drejtohet Corey-t me një ton që nuk i shpëtoi syrit të askujt: “Çfarë po bën? Ke nevojë të flasësh?”

Corey, i cili është 25 vite më i ri se Kris, duket se tentoi të mbajë qetësinë dhe u sigurua që të udhëtonin vetëm. Taksia ujore u nis me çiftin vetëm në bord, larg të ftuarve të tjerë dhe, veçanërisht, larg vajzave të Kris: Kim, Khloe, Kendall dhe Kylie, të cilat gjithashtu ishin të pranishme në dasmë.

Kjo distancë fizike dhe emocionale ngjall pyetje: mos ndoshta kishte më shumë se një arsye përse Kris nuk qëndroi me vajzat në këtë event?

The post Të qeshura në kamera, tensione në prapaskenë? Çfarë ndodhi mes Kris Jenner dhe Corey Gamble në dasmën miliardere të Jeff Bezos appeared first on iconstyle.al.

Kris Jenner dhe i dashuri i saj prej kohësh, Corey Gamble, ishin ndër të ftuarit VIP në dasmën madhështore të Jeff Bezos dhe Lauren Sanchez në Venecia, por duket se pas pamjes së tyre elegante fshiheshin tensione të padukshme.

Jenner, 69 vjeçe, e veshur me një fustan bardh e zi, u pa me një buzëqeshje të gjerë teksa largohej me një taksi uji pas ceremonisë.

Por, sipas një ekspertje të leximit të buzëve, Nicola Hickling, çifti pati një shkëmbim të tensionuar para nisjes së varkës, shkruan DailyMail.

Në një video, Kris shfaqet duke u përpjekur të shmangë ndarjen e udhëtimit me të tjerë. Ajo shihet duke thënë: “Do të doja të udhëtoja vetëm”, dhe në një moment i drejtohet Corey-t me një ton të acaruar: “Çfarë po bën? Ke nevojë të flasësh?”.

Corey, 44 vjeç, dukej i përpjekur për ta qetësuar situatën dhe konfirmoi tek stafi që do të udhëtonin vetëm. Pas pak, taksia ujore nisi rrugën e saj, me Kris dhe Corey të vetëm brenda.

Interesant është fakti që Kris nuk u pa afër vajzave të saj të famshme — Kim, Khloe, Kendall dhe Kylie — të cilat gjithashtu ishin të pranishme në ceremoninë e përfolur, e cila u zhvillua në ishullin privat San Giorgio Maggiore dhe thuhet se kushtoi 20 milionë dollar (afërsisht 18.6 milionë euro).

Dasma e Jeff Bezos dhe Lauren Sanchez ishte një spektakël i vërtetë me të ftuar si Oprah Winfrey, Tom Brady, Leonardo DiCaprio, Orlando Bloom dhe Bill Gates.

Sanchez u shfaq në kopertinën e Vogue me fustanin e saj mahnitës të nusërisë, ndërsa Bezos veshi një smoking klasik për këtë ditë të veçantë.

Pavarësisht pamjes glamuroze, dasma zbuloi edhe prapaskena më të tensionuara për disa nga çiftet më të famshëm të Hollivudit. /Telegrafi/

The post Momente tensioni mes Kris Jenner dhe të dashurit të saj Corey Gamble, në dasmën luksoze të Jeff Bezos appeared first on Telegrafi.

TIRANË, 25 qershor/ATSH-Maela Marini/ Zëvendësministri i Brendshëm, Julian Hodaj u shpreh sot se Shqipëria ka nisur një proces të madh investimesh që kanë për synim mbrojtjen kibernetike dhe ku kërkohet ekspertizë e dorës së parë, ndaj dhe ekspertiza e lartë europiane është më se e mirëpritur.

Në mbledhjen e Asamblesë së Shoqatës së Shefave të Policisë të Evropës Juglindore (SEPCA) që zhvilloi punimet sot në Berat, Hodaj vlerësoi se ky “është një rast i volitshëm për të shkëmbyer përvojat dhe për të ndarë idetë lidhur me mënyrat efikase të luftës kundër fenomeneve kriminale”.

“Besoj se angazhimi i secilit prej jush për këtë shoqatë ka një synim parësor: afrimin dhe forcimin e lidhjeve të bashkëpunimit midis pjesëtarëve të saj”, u shpreh ai.

Sipas zv.ministrit të Brendshëm, tri janë çështjet kryesore në fokus të këtij takimi: emigracioni i paligjshëm dhe trafiku i qenieve njerëzore, lufta kundër krimit të organizuar dhe lufta kundër krimit kibernetik.

Duke u ndalur te çështjet e bashkëpunimit ndërkufitar me strukturat policore, Hodaj vlerësoi se ky bashkëpunim i ka të gjitha mundësitë që të avancojë falë natyrës së marrëdhënieve shumë të mira që kanë në nivel politik shtetet tona.

“Unë besoj fort se vendet tona fitojnë më shumë siguri kur agjencitë ligjzbatuese veprojnë të sinkronizuar, sidomos në strukturat policore. Në kuadër të luftës kundër krimit ndërkufitar apo kibernetik mund të përfitojmë ndjeshëm nëse koordinojmë forcat dhe burimet tona njerëzore dhe teknologjike”, tha ai.

Hodaj shprehu bindjen se bashkërendimi i aksioneve dhe puna e përbashkët e ekipeve tona rrisin kohezionin dhe efikasitetin e përpjekjeve për t’u shërbyer qytetarëve në vendet respektive dhe rrjedhimisht në gjithë rajonin.

“Tashmë jemi në një fazë ku kufijtë po bëhen gjithnjë e më shumë fluidë, ndërsa rreziqet hibride sa vijnë e shtohen. Ndërkaq krimi i organizuar ka aftësinë për t’u kamufluar, të përshtatet dhe të maskohet pa pasur nevojë për pasaportë apo shtet origjine”, shtoi ai.

/a.f//r.e/

The post Hodaj: Investime në sigurinë kibernetike, mirëpresim ekspertizën europiane appeared first on Agjencia Telegrafike Shqiptare.

TIRANË, 20 qershor/ATSH-Maela Marini/ Kryetarja e Kuvendit, Elisa Spiropali konfirmoi sot mbështetjen e plotë dhe pa rezerva të Shqipërisë ndaj Ukrainës.

Spiropali iu drejtua me një fjalë Asamblesë Parlamentare të NATO-s, zhvilluar në Parlamentin e Belgjikës, në Bruksel, në prag të samitit të NATO-s.

“Shprehim mbështetjen tonë të plotë dhe pa rezerva ndaj Ukrainës. Ne si aleatë nuk duhet të qëndrojmë si vëzhgues pasiv”, u shpreh ajo.

Kryetarja e Kuvendit nënvizoi se “Shqipëria pa asnjë mëdyshje ka dënuar këtë agresion dhe i është bashkuar të gjitha masave në solidaritet me Ukrainën, përfshi sanksionet, ndihmën ushtarake dhe mbështetjen humanitare”.

“Personalisht pata nderin pak ditë më parë të marrë pjesë në samitin Ukrainë-Europa Juglindore mbajtur në Odesa për të përsëritur edhe njëherë mbështetjen tonë të plotë dhe pa rezerva ndaj Ukrainës, por edhe për të parë nga afër realitetin e vështirë të jetës nën kërcënimet e vazhdueshme si dhe në thirrjen për të ndaluar kjo luftë brutale dhe për një paqe të drejt dhe të qëndrueshme”, theksoi ajo.

Po ashtu, Spiropali theksoi se “përshkallëzimi ushtarak së fundmi mes Iranit dhe Izraelit vetëm e rëndon më shumë një botë të trazuar që tashmë është nën trysni të madhe”.

(vijon)

The post Spiropali në Asamblenë Parlamentare të NATO-s: Mbështetje të plotë dhe pa rezerva ndaj Ukrainës appeared first on Agjencia Telegrafike Shqiptare.

Unioni i Demokratëve të Qendrës dhe Internacionalja Demokrate e Qendrës (IDC-CDI) ka miratuar në Asamblenë e Përgjithshme të mbajtura dy ditët e fundit në Abixhan të Bregut të Fildishtë një rezolutë të propozuar nga Partia Demokratike, sa i përket zgjedhjeve parlamentare të 11 Majit në Shqipëri. Lajmin e ka bërë me dije Sali Berisha gjatë […]

The post IDC-CDI miraton rezolutën e PD-së për “farsën” e 11 Majit: Të mbahen zgjedhje të reja me qeveri teknike! appeared first on BoldNews.al.

Filmi ikonik Mission Impossible, i cila kulmon këtë vit me të shumëpriturin The Final Reckoning, ka qenë një aventurë jetësore për Tom Cruise.

Në një postim emocionues në rrjetet sociale, aktori 62-vjeçar bëri një reflektim të ndjerë mbi rrugëtimin e tij si yll dhe producent i serisë së suksesshme filmike. Ai shprehu mirënjohjen për të gjithë ata që kanë qenë pjesë e këtij rrugëtimi.

“Më shumë se 30 vjet më parë, fillova udhëtimin e prodhimit të filmit tim të parë, Mission: Impossible,” shkruan Cruise.

“Që atëherë, këto tetë filma më kanë udhëhequr në aventurën e jetës. Faleminderit regjisorëve, aktorëve, artistëve dhe teknikëve të jashtëzakonshëm nga e gjithë bota që ndihmuan t’i jepnim jetë këtyre historive. Ishte një privilegj të punoja me ju. Më e rëndësishmja, dua të falënderoj publikun. Jemi të emocionuar të ndajmë Llogarinë Finale me ju.”/ KultPlus.com

MARRAKESH, 28 maj /ATSH/ – Asambleja e 33-të e Përgjithshme e Aleancës së Agjencive Mesdhetare të Lajmeve (AMAN), ku ATSH është anëtare me të drejta të plota, filloi sot në Marrakesh, me pjesëmarrjen e drejtorëve dhe menaxherëve të përgjithshëm që përfaqësojnë agjencitë anëtare të aleancës.

Agjencia Telegrafike Shqiptare përfaqësohet nga drejtoresha e përgjithshme, Valbona Zhupa dhe drejtoresha e Informacionit dhe Multimedias, Almarina Gegvataj.

Në seancën hapëse të kësaj asambleje të përgjithshme, me temë “Futbolli dhe media në Mesdhe – Ndërtimi i urave përtej kufijve”, u mbajtën fjalime nga ministri i Rinisë, Kulturës dhe Komunikimit, Mohamed Mehdi Bensaid dhe presidenti i Federatës Mbretërore Marokene të Futbollit (FRMF) dhe “Komitetit të Kupës së Botës 2030”, Fouzi Lekjaa.

Axhenda e Asamblesë së 33-të të Përgjithshme të AMAN, të cilën MAP e kryeson për një vit, përfshiu një diskutim në panel me temën “Kupa e Botës FIFA 2030: Sfidat dhe Roli i Agjencive Mesdhetare të Lajmeve”, të udhëhequr nga aktorë kryesorë nga bota e futbollit dhe medias.

Në panel foli edhe trajneri i ekipit kombëtar të futbollit të Marokut, Walid Regraghi, i cili theksoi identitetin e veçantë të ekipit maroken, që përbëhet kryesisht nga lojtarë nga diaspora.

“Ne jemi ndoshta i vetmi ekip në botë që ka lojtarë nga kultura dhe vende të ndryshme të ndryshme, por me një bazë të përbashkët – Maroku”, tha ai.

”Nga Spanja, Franca, Holanda, Belgjika, Norvegjia dhe Italia, kjo përbërje shumëkulturore është njëkohësisht një sfidë dhe një burim force të jashtëzakonshme. Ky diversitet nuk vjen pa vështirësi. Duhet t’i bashkosh lojtarët në një kohë të shkurtër, në mënyrë që ata të flasin të njëjtën ‘gjuhë’, të kuptojnë njëri-tjetrin kulturalisht”, shpjegoi ai.

”Kultura marokeno-spanjolle nuk është e njëjtë me atë marokeno-italiane ose marokeno-gjermane. Megjithatë, përmes këtij diversiteti, shfaqet një identitet i përbashkët – dhe bashkë me të, një mesazh më i thellë”, tha Regraghi.

Ajo që ka më shumë rëndësi është që ne ndajmë vlera dhe japim një imazh të mirë të vendit tonë. Ne jetojmë së bashku, çdo ditë duke e ditur se përfaqësojmë një vend që është i çmuar për ne dhe është në zemrat tona”, theksoi ai.

Një ceremoni çmimesh nga AMAN-i për artikujt dhe fotot më të mira të shtypit është planifikuar gjithashtu për ditën e dytë të kësaj Asambleje të Përgjithshme.

E themeluar në vitin 1991, AMAN bashkon agjencitë e lajmeve nga pellgu i Mesdheut, përveç anëtarëve vëzhgues, përfshirë Federatën Atlantike të Agjencive Afrikane të Shtypit (FAAPA).

Qëllimi i AMAN është të forcojë shkëmbimin e informacionit, dialogun dhe bashkëpunimin midis agjencive të lajmeve të Mesdheut./  a.jor.

The post MEDIA – AMAN zhvillon Asamblenë e Përgjithshme me temë “Futbolli dhe media në Mesdhe – Ndërtimi i urave përtej kufijve” appeared first on Agjencia Telegrafike Shqiptare.

Aktorja britanike Hayley Atwell zbuloi në “The Tonight Show” me Jimmy Fallon se ishte tetë muaj e gjysmë shtatzënë kur xhiroi një nga skenat e luftimit në filmin Mission: Impossible – The Final Reckoning.

“U kujdesën shumë mirë për mua, por nuk doja që një dublante ta bënte skenën në vendin tim. Kisha punuar shumë për të dhe doja ta realizoja vetë”, tha ajo, duke e quajtur këtë rrëfim një “ekskluzivitet për Fallon”.

Filmi, pjesa e tetë dhe e fundit e sagës së njohur që nisi në vitin 1996, do të sjellë përmbylljen e historisë së Ethan Hunt, rol i luajtur nga Tom Cruise. Atwell u bashkua me serinë në vitin 2023 në rolin e agjentes Grace, shkruan DailyMail.

Në planin personal, Atwell u bë nënë për herë të parë vitin e kaluar me partnerin e saj, muzikantin Ned Wolfgang Kelly, me të cilin u fejua në prill 2023. Dyshja janë tashmë të martuar, siç konfirmoi vetë aktorja së fundmi në një emision televiziv.

Aktualisht, çifti ndodhet në Kanë për Festivalin e Filmit, ku Atwell po promovon premierën e The Final Reckoning.

Bashkëshorti i saj ndau një video në Instagram, duke e quajtur aktoren “gruan time të mrekullueshme” dhe filmin “absolutisht fantastik”. /Telegrafi/

The post Hayley Atwell zbulon se ishte tetë muajshe shtatzënë gjatë xhirimeve të “Mission: Impossible” appeared first on Telegrafi.

Në kuadër të operacionit ndërkombëtar kundër trafikut të kokainës dhe heroinës mes Shqipërisë dhe Italisë, prokurori i SPAK, Vladimir Mara, njoftoi dhe sekuestrimin e një televizioni në qytetin e Vlorës.

Euroneës Albania mëson se kemi të bëjmë me një platformë televizive kabllore lokale në qytetin e Vlorës, e njohur si Vlora Cable, në pronësi të Nexhmedin Danaj

Sipas hetimeve, kjo platformë është dyshuar se është financuar dhe ndërtuar me fonde të përfituara nga aktiviteti kriminal i trafikut të drogës. Burime bëjnë me dije se në Vlorë janë arrestuar dy persona, përfshirë edhe djalin e pronarit të kompanisë kabllore që operonte këtë platformë televizive.

Përveç kësaj, gjatë operacionit janë sekuestruar edhe tre restorante në Durrës, një bar-kafe dhe gjashtë shoqëri tregtare të tjera, të cilat gjithashtu dyshohet të jenë pjesë e rrjetit të pasurive të ndërtuara me para të pista.

Ndër shoqëritë e vendosura nën sekuestro janë:

Marquez, në pronësi të Ervin Zeqirit
Felix Vinum, e Adi Çobës
Majestic Konstruksion, e Juxhin Drazhit
Portslade, e Elvis Docit (i njohur si Visi i Pojës)
Dubai Inn, e Nexhmedin Danajt
Vlora Cable, gjithashtu në pronësi të Nexhmedin Danajt
Një kompani tregtare për shitblerje makinash në pronësi të Olgert Shqevit
Ky operacion, që u zhvillua në bashkëpunim me autoritetet italiane, ka çuar në lëshimin e 52 urdhër-arresteve, ndërsa 40 prej tyre janë ekzekutuar. Sekuestrimi i platformës televizive kabllore në Vlorë tregon se grupet kriminale përdorin edhe biznese mediatike për pastrimin e parave të fituara nga trafiku i drogës.

Prokurori i çështjes nga radhët e SPAK, Vladimir Mara theksoi rëndësinë e bashkëpunimit me autoritetet italiane në luftën kundër krimit të organizuar dhe korrupsionit.

Ai theksoi se në total janë lëshuar 52 urdhër-arreste në Shqipëri dhe Itali, prej të cilave 40 janë ekzekutuar deri më tani, duke përfshirë edhe arrestime ndaj zyrtarëve shtetërorë dhe një avokati që dyshohen për përfshirje në këtë rrjet kriminal.

“Ky operacion është një goditje e rëndësishme ndaj trafikut të kokainës dhe heroinës dhe pasuron luftën tonë kundër krimit të organizuar dhe korrupsionit në Shqipëri dhe rajon,” tha Mara

Kryeprokurori i Barit, Giuseppe Rossi, vuri në dukje se falë analizave dhe bashkëpunimit me SPAK është dokumentuar një cikël i plotë i trafikimit me vlerë afro 5 milionë euro.

The post Operacioni anti-drogë i SPAK: Cilat janë bizneset dhe televizioni i sekuestruar appeared first on Lapsi.al.

Një rrjet kriminal i trafikut të drogës është shkatërruar nga autoritetet shqiptare me ato italiane, duke goditur një prej grupeve më të fuqishme, sipas SPAK. Hetimet kanë dokumentuar mbi 40 episode të trafikut të lëndëve narkotike, me një vlerë të përllogaritur prej rreth 7 milionë euro. Përmes dekriptimit të komunikimeve në platformën SkyECC, është zbardhur […]

The post E PLOTË/ Kush janë pronarët e kompanive të sekuestruara nga SPAK, mes tyre “Dubai Inn” i Nexhmedin Danaj (EMRAT) appeared first on BoldNews.al.

Aleksandër Frangaj, pronari i TV Klan, ka blerë hotelin “White Roads” nga kompania Gjikuria. Transaksioni është njoftuar në Qendrën Kombëtare të Biznesit, por çmimi i shitjes nuk është bërë publik. Sipas dokumentave kontrata e shitjes së aksioneve të shoqërisë “White Roads Hotel” shpk është nënshkruar në datën 24 prill. “White Roads” është një projekt që […]

The post Shitet investimi strategjik/ Sandër Frangaj ble hotelin White Roads nga Gjikuria appeared first on BoldNews.al.