Kryeministri sllovak Robert Fico përsëriti sot se Sllovakia nuk do ta mbështesë paketën e 18-të të sanksioneve kundër Rusisë, përveç nëse merr garanci nga Komisioni Evropian që do të siguronin që ndalimi i propozuar i importimit të gazit rus nga janari i vitit 2028 nuk do të kërcënojë sigurinë energjetike të vendit.

Fico, një ditë pas samitit njëditor të Këshillit Evropian në Bruksel, shtoi se çmimet e energjisë mbeten një temë kyçe edhe për shumë udhëheqës të tjerë të BE-së, raportoi TASR.

“Nëse ky vendim nuk na dëmton, nëse na garantohet një sasi e mjaftueshme gazi me një çmim konkurrues, nëse na garantohen tarifat aktuale të tranzitit dhe nëse ka një garanci për mbulimin e kostove në rast se humbasim mosmarrëveshjen me Gazprom, do të jemi të kënaqur”, tha Fico, i cili para fillimit të samitit foli me Presidenten e Komisionit Evropian, Ursula von der Leyen, në lidhje me iniciativën “REPowerEU” dhe garancitë e mundshme.

Fico vlerësoi qasjen konstruktive të Komisionit. Kryeministri sllovak theksoi se gjatë bisedimeve me disa udhëheqës të vendeve të BE-së, ai vuri re se çështja e çmimeve të energjisë është shumë e rëndësishme edhe për anëtarët e tjerë.

“Ata e kuptojnë problemin tonë kur ua shpjegoj”, theksoi ai.

Një tjetër temë kyçe e samitit ishte mbrojtja dhe siguria evropiane. Fico tha se diskutimet u përqendruan në vendimin e NATO-s që anëtarët të rrisin shpenzimet e mbrojtjes në pesë përqind të PBB-së së tyre deri në vitin 2035, si dhe në prokurimin dhe prodhimin e përbashkët .

“Sllovakia nuk do t’i rrisë shpenzimet e mbrojtjes me asnjë cent deri në vitin 2026. Ne do të mbetemi në të njëjtin nivel si në vitin 2025”, tha Fico.

The post Fico: Sllovakia nuk do të mbështesë sanksionet kundër Rusisë pa garanci për… appeared first on Euronews Albania.

BRATISLAVË, 26 qershor /ATSH-DPA/ – Kryeministri sllovak, Robert Fico kërcënoi se do të vinte veton ndaj paketës së ardhshme të planifikuar të sanksioneve të BE-së ndaj Rusisë.

Sllovakia kundërshton planet e Brukselit për të ndaluar plotësisht kontratat e furnizimit me gaz me Rusinë që nga fillimi i vitit 2028.

Megjithatë, ndryshe nga kryeministri hungarez Viktor Orbán, Fico u tha gazetarëve në Bratislavë se ai pajtohet me projekte të tjera të BE-së, duke përfshirë mbështetjen e vazhdueshme financiare dhe ushtarake për Ukrainën.

”Një ndërprerje e plotë e importeve të gazit rus do ta dëmtonte Sllovakinë më shumë sesa Rusinë. Ju lutemi ta merrni këtë seriozisht. Ne nuk kemi qasje të drejtpërdrejtë në terminalet e gazit natyror të lëngshëm. Mund të ndodhin bllokime dhe çmimet do të rriten ndjeshëm”, theksoi ai.

Fico gjithashtu ka frikë nga problemet ligjore.

Sllovakia ka një kontratë furnizimi me Gazprom të Rusisë e cila është e vlefshme deri në vitin 2034. Komisioni Evropian dëshiron ta ndërpresë kontratën për shkak të “forcës madhore”.

Sllovakia, një shtet anëtar i BE-së dhe NATO-s që kufizohet me Ukrainën, është më e varur nga lëndët e para ruse sesa pothuajse çdo vend tjetër në Evropë.

Megjithatë, ndryshe nga Hungaria, Sllovakia deri më tani ka rënë dakord me të gjitha sanksionet e vendosura ndaj Rusisë./  /os/

The post FOKUS – Sllovakia kërcënon me veto ndaj sanksioneve të BE-së ndaj Rusisë appeared first on Agjencia Telegrafike Shqiptare.

Pritet një përplasje mes BE-së dhe dy anëtarëve më pro-rusë të bllokut, Hungarisë dhe Sllovakisë, në lidhje me raundin e ri të sanksioneve kundër Kremlinit, gjatë samitit të ardhshëm të liderëve të BE-së në Bruksel, më 26-27 qershor. E shpallur më 10 qershor nga presidentja e Komisionit Evropian Ursula von der Leyen, paketa e propozuar […]

The post E ardhmja e aseteve të ngrira të Rusisë: Rrugët drejt dëmshpërblimeve appeared first on Reporter.al.

Pavarësisht rezistencës së Sllovakisë ndaj paketës së re të sanksioneve të BE-së kundër Rusisë, kancelari i Gjermanisë, Friedrich Merz shpreson, që 27 kryetarët e shteteve dhe të qeverive të vendeve anëtare të BE-së javën e ardhëshme do ta miratojnë paketën e re të sanksioneve ndaj Rusisë të propozuar nga Komisioni i BE-së. “Nëse gjithçka ecën […]

The post Sllovakia refuzon paketën e re të sanksioneve të BE-së appeared first on BoldNews.al.

Sllovakia do të bllokojë çdo përpjekje të Bashkimit Evropian për të vendosur sanksione ndaj Rusisë, tha sot kryeministri sllovak Robert Fico, pasi parlamenti i vendit miratoi një rezolutë duke i kërkuar qeverisë të mos mbështesë asnjë masë të re ndëshkuese kundër Moskës.

Fico shtoi se Sllovakia dëshiron të mbetet konstruktive brenda BE-së, por në të njëjtën kohë tha se rezoluta e parlamentit është një instrument politik që mbart një mesazh të fortë, raportoi Reuters.

“Nëse ka sanksione që do të na dëmtojnë, unë kurrë nuk do të votoj për to”, tha ai në konferencën për shtyp.

Sllovakia, anëtare e NATO-s dhe BE-së, është ndarë nga aleatët e saj perëndimorë në lidhje me qëndrimin e saj ndaj Ukrainës që kur Fico dhe qeveria e tij e koalicionit nacionalist të krahut të majtë erdhën në pushtet, raportoi Reuters.

Bratislava ndaloi furnizimin e ndihmës ushtarake shtetërore për Kievin gjatë luftës me Rusinë.

Fico është gjithashtu kundërshtar i sanksioneve tregtare të vendit, duke deklaruar se ato dëmtojnë Sllovakinë dhe BE-në më shumë sesa Moskën.

Për momentin, nuk është e qartë se deri në çfarë mase rezoluta e miratuar nga parlamenti është kushtetuese e detyrueshme, sipas Reuters.

LEXONI GJITHASHTU:

• Sllovakia miraton shitjen e mishit të ariut, Fico: Do vriten, rrezik për njerëzit
• Fico noton në Danubin e ftohtë pas spekulimeve rreth shëndetit të tij

The post Fico: Sllovakia do bllokojë çdo përpjekje të BE për të vënë sanksione ndaj Rusisë appeared first on Euronews Albania.

Disa mijëra protestues u mblodhën në kryeqytetin e Sllovakisë, Bratislavë, për të shprehur kundërshtinë e tyre ndaj vizitës së fundit të kryeministrit Robert Fico në Rusi.

Fico ishte i vetmi lider nga Bashkimi Evropian që ndoqi celebrimet në Moskë, në përkujtim të 80-vjetorit të fitores ndaj Gjermanisë naziste në Luftën II Botërore.

“Sllovakia është Evropë”, “Me Ficon na ka ardhur në majë të hundës” dhe “Qëndro në Moskë”, ishin parullat që brohorisnin personat e mbledhur në Sheshin e Lirisë. Ata theksuan se Fico nuk përfaqëson të gjithë Sllovakinë.

Kremlini e ka kthyer Ditën e Fitores në një festë për të treguar kapacitetet ushtarake të tij. Të premten, presidenti Putin lavdëroi trupat ruse që po marrin pjesë në luftën në Ukrainë dhe u shpreh krenar për kurajën e tyre.

Në një video-mesazh, Fico sqaroi se synimi i tij ishte të krijonte një marrëdhënie normale dhe miqësore me Rusinë.

Tubimet në Bratislavë dhe qytete të tjera të Sllovakisë ishin të fundit në një valë protestash që u nxitën nga një vizitë e Ficos në Moskë në dhjetor, për të diskutuar me Putin mbi furnizimet me gaz.

Fico, një figurë e kontestuar brenda dhe jashtë vendit të tij, u rikthye në pushtet në vitin 2023, kur partia e tij e majtë Smer triumfoi në zgjedhjet parlamentare pasi promovoi ndjenjat pro-ruse dhe ato anti-amerikane.

LEXONI GJITHASHTU:

• Një armëpushim 30-ditor? Udhëheqësit evropianë telefonojnë Trumpin nga Ukraina
• Java e Sigurisë Rrugore, OBSH: 1.2 milion njerëz humbasin jetën në aksidente

The post Protesta në Sllovaki: Qytetarët kundërshtojnë vizitën e kryeministrit Fico në Moskë appeared first on Euronews Albania.

Kryeministri polak Donald Tusk ka dënuar ashpër praninë e liderëve evropianë në paradë, duke deklaruar se “është e turpshme të jesh në një paradë në Moskë dhe të duartrokasësh Putinin”.

Kaja Kallas, përfaqësuesja e lartë e BE-së për politikën e jashtme, shprehu zhgënjimin e thellë, para së gjithash, me veprimet e presidentit sllovak Robert Fico, i vetmi lider i një shteti anëtar të BE-së që shkoi në Moskë.

“Si mund të qëndroni pranë njeriut që filloi këtë luftë me kaq shumë vdekje dhe vuajtje të panevojshme të njerëzve të pafajshëm? Ju jeni në anën e gabuar të historisë”, tha ajo.

Ndërkohë, presidenti francez Emmanuel Macron komentoi në mënyrë më diplomatike, duke shprehur dyshime për korrektësinë e një kursi të tillë veprimi, shkruan the Guardian, përcjell Telegrafi.

Në të njëjtën ditë, Franca dhe Polonia nënshkruan një marrëveshje për të forcuar bashkëpunimin në çështjet e mbrojtjes dhe energjisë, duke përfshirë ndihmën e ndërsjellë në rast të një kërcënimi ushtarak, duke theksuar më tej angazhimin e tyre për sigurinë e përbashkët.

Ndryshe, prania e Robert Ficos dhe Aleksandar Vuçiqit në paradën ushtarake në Moskë ka tërhequr kritika të ashpra brenda BE-së, veçanërisht duke pasur parasysh luftën e vazhdueshme në Ukrainë.

Pjesëmarrja e tyre simbolizon një thellim të marrëdhënieve me Rusinë, gjë që bie ndesh me politikat e shumicës së vendeve evropiane që kërkojnë të izolojnë Moskën për veprimet e saj në Ukrainë. /Telegrafi/

The post “E turpshme të shkosh në Moskë dhe të duartrokasësh Putinin”, BE ‘sulmon’ Vuçiqin dhe Ficon appeared first on Telegrafi.

Ndërkohë që lufta në Ukrainë vazhdon, Rusia organizoi paradën e saj vjetore të Ditës së Fitores në Moskë të premten, me pjesëmarrjen e udhëheqësve të huaj nga mbarë bota, përfshirë edhe një përfaqësues nga një shtet anëtar i Bashkimit Evropian.

Ndër udhëheqësit më të shquar ndërkombëtarë që morën pjesë ishin Presidenti kinez Xi Jinping dhe Presidenti brazilian Luiz Inácio Lula da Silva, ndërsa Kryeministri i Sllovakisë, Robert Fico, dallohej si i vetmi lider nga blloku i 27 shteteve anëtare të BE-së.

Fico, i cili ka sfiduar publikisht politikat e BE-së mbi Ukrainën, shpërfilli paralajmërimet e shefes së politikës së jashtme të BE-së, Kaja Kallas, kundër vizitës në Moskë, duke deklaruar se “askush nuk mund të më urdhërojë se ku të shkoj ose ku të mos shkoj”.

Po ashtu, Presidenti i Serbisë, Aleksandar Vuçiç, realizoi të mërkurën udhëtimin e tij të parë në Rusi që pas pushtimit të Ukrainës, duke injoruar mesazhin e BE-së se vizita mund të dëmtonte ambiciet e Serbisë për t’u bashkuar me bllokun evropian.

Kremlini njoftoi se Presidenti rus Vladimir Putin do të zhvillonte takime dypalëshe me Vuçiçin dhe Ficon të premten.

Putin, gjithashtu, u takua të mërkurën me udhëheqësit e Kubës dhe Venezuelës, të cilët morën pjesë gjithashtu në paradë, dhe nënshkruan një marrëveshje për partneritet dhe bashkëpunim strategjik.

Pjesëmarrës ishin gjithashtu udhëheqës të Vietnamit, Burkina Fasos dhe presidentë të disa shteteve ish-sovjetike.

Dita e Fitores, që festohet çdo vit më 9 maj, është një ngjarje e rëndësishme për popullin rus dhe shënohet me një paradë ushtarake madhështore në Sheshin e Kuq.

Kjo ngjarje ka një rëndësi të veçantë për Presidentin Putin, i cili e përdor atë për të forcua imazhin e Rusisë si një aktor të rëndësishëm ndërkombëtar, pavarësisht përballjes me sanksione të ashpra nga Perëndimi pas pushtimit të Ukrainës.

Në fjalimin e tij gjatë paradës, Putin vlerësoi ushtarët rusë që luftojnë në Ukrainë, duke theksuar se “jemi krenarë për guximin dhe vendosmërinë e tyre, forcën e shpirtërore që ka sjellë gjithmonë fitore për ne”.

Gjatë ceremonisë, Putin shtrëngoi duar me oficerët që udhëhoqën trupat në paradë dhe zhvilloi biseda me oficerët e lartë të Koresë së Veriut, të cilët ishin të pranishëm dhe morën medalje gjatë ngjarjes.

Muajin e kaluar, Putin falënderoi Korenë e Veriut për luftën e saj përkrah trupave ruse kundër forcave ukrainase dhe përshëndeti sakrificat e tyre, ndërsa Pheniani konfirmoi mbështetje të plotë për Rusinë.

Pas pushtimit të Ukrainës në fillim të vitit 2022, Rusia është përballur me izolim ndërkombëtar dhe një sërë sanksionesh të rënda nga Perëndimi.

LEXONI GJITHASHTU:

• Putin fjalim në Moskë në paradën e “Ditës së Fitores”: Drejtësia është në anën tonë
• Vizita e Vuçiç në Moskë, Gërvalla kërkon nga BE gjuhë të ashpër ndaj Serbisë

The post Rusia mban paradën ushtarake, kush ishin liderët ndërkombëtarë që shkuan në Moskë appeared first on Euronews Albania.

Volodymyr Zelensky tha se Ukraina nuk mund të garantojë sigurinë e zyrtarëve të huaj që planifikojnë të marrin pjesë në paradën e Ditës së Fitores së Rusisë në Moskë të premten.

“Pozicioni ynë është shumë i thjeshtë për të gjitha vendet që udhëtojnë në Rusi më 9 maj: ne nuk mund të mbajmë përgjegjësi për atë që ndodh në territorin e Federatës Ruse”, tha presidenti ukrainas të shtunën.

“Ata janë përgjegjës për sigurinë tuaj. Ne nuk do të ofrojmë asnjë garanci, sepse nuk e dimë se çfarë mund të bëjë Rusia në ato data”.

Kjo deklaratë shkaktoi tensione të mëtejshme diplomatike me Sllovakinë, kryeministri miqësor i së cilës me Moskën, Robert Fico, kritikoi paralajmërimin e Zelenskyt, shkruan Euronews, përcjell Telegrafi.

“… Unë e respektoj plotësisht që siguria e pjesëmarrësve është një çështje e brendshme e Federatës Ruse. Por nëse Z. Zelensky beson se deklaratat e tij do t’i detyrojnë delegacionet e huaja të mos vijnë, atëherë ai gabohet thellësisht”, ka thënë Fico.

Megjithatë, nuk është e qartë nëse Fico do të marrë pjesë në paradë.

Pasi kryeministri sllovak anuloi disa paraqitje publike, ka pasur spekulime se ai mund të mos shfaqet as në Moskë.

Presidenti serb Aleksandar Vuçiq, i cili kishte planifikuar gjithashtu të vizitonte Moskën së bashku me Ficon, u sëmur gjatë një vizite në Shtetet e Bashkuara javën e kaluar, duke e ndërprerë udhëtimin e tij dhe duke u kthyer në Beograd, ku u shtrua për pak kohë në spital.

Fico dhe Vuçiq ishin të vetmit udhëheqës evropianë që njoftuan pjesëmarrjen e tyre në “paradën ruse të Ditës së Fitores”, një vendim që shkaktoi kritika të ashpra nga Bashkimi Evropian.

Në rastin e Vuçiq, Brukseli lëshoi një paralajmërim të ashpër, duke treguar se vizita do të shkelte kriteret e anëtarësimit në BE dhe potencialisht do të dëmtonte procesin e pranimit të Serbisë në bllokun 27-anëtarësh.

Politikanët evropianë mund të mungojnë, por aleati më i vlefshëm i Moskës dhe ndoshta i ftuari më i rëndësishëm do të jetë i pranishëm, thuhet në shkrimin e Euronews, përcjell Telegrafi.

Ndërkohë, presidenti kinez Xi Jinping do të bëjë një vizitë zyrtare në Rusi nga 7 deri më 10 maj për të marrë pjesë në festimet e 80-vjetorit të mposhtjes së Gjermanisë naziste, tha Kremlini të dielën.

Sa e sigurt do të jetë parada?

Javën e kaluar, presidenti rus Vladimir Putin propozoi një armëpushim tre-ditor me Ukrainën midis 7 dhe 9 majit, rreth festimeve të Ditës së Fitores.

Ideja u hodh poshtë kategorikisht nga Kievi, me Zelenskyn që e quajti atë një “shfaqje teatrale” të projektuar për të lehtësuar izolimin ndërkombëtar të Rusisë dhe për të krijuar një atmosferë të favorshme për festimet e Ditës së Fitores në Moskë.

Zelensky thuhet se tha se propozimi nuk ishte një përpjekje serioze për t’i dhënë fund luftës dhe përsëriti mbështetjen e Ukrainës për një iniciativë të mbështetur nga SHBA-të që bën thirrje për një armëpushim 30-ditor pa kushte.

Presidenti i Ukrainës paralajmëroi se historia e Moskës në shkeljen e armëpushimeve afatshkurtra minon çdo besim në ofertën e saj të fundit.

“Ata vrasin deri më 7 maj, bëjnë pauzë për disa ditë të rehatshme, pastaj fillojnë të sulmojnë përsëri më 11”.

Të hënën, disa ditë para paradës, ndërsa provat po zhvilloheshin në kryeqytetin rus, autoritetet thanë se katër dronë u kapën gjatë natës ndërsa po i afroheshin qytetit.

Kjo nuk ishte hera e parë që dronët ukrainas arritën në Moskë.

Në mesin e marsit, autoritetet e qytetit raportuan sulmin më të madh me dronë me mbi 70 dronë të rrëzuar sipas mbrojtjes ajrore ruse dhe autoriteteve të Moskës.

Sipas Zelenskyt, dronët ukrainas tani mund të fluturojnë shumë përtej kësaj dhe të arrijnë një rreze prej 3,000 km.

Kiev ka përdorur dronë me rreze të gjatë për të goditur thellë në territorin rus, duke synuar infrastrukturën ushtarake si aeroportet, rafineritë e naftës, depot dhe qendrat logjistike.

Rusia tashmë ka anuluar paradën e Fitores në qytetin portual të pushtuar të Krimesë, Sevastopol.

Guvernatori i Sevastopolit, i vendosur nga Moska, tha se parada nuk do të zhvillohet për shkak të rreziqeve të sigurisë.

Njoftimi vjen pas një sulmi të raportuar me dron detar ukrainas që shkatërroi një aeroplan luftarak rus Su-30 pranë portit të Novorossiysk të premten e kaluar.

Inteligjenca ushtarake e Ukrainës e përshkroi atë si “një operacion të paprecedentë”, duke shënuar herën e parë që një dron detar rrëzoi një aeroplan reaktiv.

Sipas medaive, kjo është hera e tretë radhazi që parada është anuluar në Sevastopol. Qyteti port i pushtuar e mbajti atë për herë të fundit në vitin 2022, menjëherë pas fillimit të pushtimit të plotë të Ukrainës nga Rusia. /Telegrafi/

The post Kush do të shkojë në “paradën e Ditës së Fitores së Putinit” dhe sa e sigurt është Moska? appeared first on Telegrafi.

Presidenti i Serbisë, Aleksandër Vuçiç, dhe kryeministri sllovak, Robert Fico, kanë njoftuar për probleme të papritura shëndetësore, çka ka ngritur pikëpyetje për qëllimet dhe pasojat e mungesave të tyre në aktivitetet ndërkombëtare të ditëve të fundit.

Vuçiç ka ndërprerë vizitën e tij zyrtare në Shtetet e Bashkuara dhe është kthyer menjëherë në Beograd, duke përmendur arsye shëndetësore. Por sipas ish-diplomatit serb Nebojsha Vujoviç, kjo deklaratë ka ardhur pasi presidentit serb i është refuzuar takimi me presidentin amerikan Donald Trump në kompleksin e tij në Florida, duke i mbyllur, sipas tij, dyert për përfitime simbolike politike.

Ndërkohë, edhe kryeministri sllovak Robert Fico është duke anuluar pjesëmarrjen në disa ngjarje publike në Sllovaki, me referencë të vazhdueshme ndaj “gjendjes së tij shëndetësore”. Sipas raportimeve të mediave sllovake dhe çeke, përfshirë gazetën “Dnevnik”, Fico ka filluar të shmangë dalje publike pak përpara udhëtimit të paralajmëruar drejt Moskës dhe takimit të mundshëm me presidentin rus Vladimir Putin më 9 maj.

Opozita në Sllovaki ka hedhur dyshime mbi arsyet reale të kësaj tërheqjeje, duke pretenduar se kryeministri po përpiqet të shmangë kritikën e ashpër politike që do të vinte si pasojë e pjesëmarrjes së tij në ceremonitë zyrtare në Rusi, si i vetmi lider i një shteti anëtar të BE-së që do të takohej me Putinin në këtë moment kritik.

Nuk është ende e qartë nëse presidenti Vuçiç do të udhëtojë për në Moskë më 9 maj, apo nëse do të anulojë vizitën e tij duke përmendur të njëjtat arsye shëndetësore.

Kryediplomatja e BE-së, Kaja Kallas, ka qenë e qartë në qëndrimin e saj, duke deklaruar se çdo lider që zgjedh të marrë pjesë në evente në Moskë “po shkon kundër vlerave evropiane”. Edhe kryeministri hungarez Viktor Orban, një nga aleatët tradicional të Moskës në BE, ka bërë të ditur se nuk do të marrë pjesë në takimet e 9 majit në Rusi.

The post Vuçiç dhe Fico “sëmuren” përpara takimit me Putin në Moskë appeared first on Lapsi.al.

Kryeministri sllovak Robert Fico tha sot se do të shkojë në Moskë më 9 maj për të marrë pjesë në paradën e Ditës së Fitores në Luftën e Dytë Botërore.

Ai u tha gazetarëve në Bratislavë se po shkonte në Moskë për t’i bërë homazh kombit që luajti një rol vendimtar në mposhtjen e udhëheqësit nazist Adolf Hitler, raporton portali sllovak “SME”.

Robert Fico komentoi gjithashtu deklaratën e Presidentit të Ukrainës, Volodymyr Zelensky, se ai nuk mund të garantojë sigurinë e udhëheqësve që do të marrin pjesë në paradë, duke e vlerësuar atë si një kërcënim.

“Është shumë mungesë respekti kur dikush i thotë vendit që pati pjesën më të madhe në fitoren ndaj fashizmit dhe që pësoi viktimat më të mëdha, ‘Festoni, mund të hedhim një dron mbi ju’. Kjo nuk është politikë moderne. Është e papranueshme”, tha Robert Fico.

Sipas tij, Volodymyr Zelensky gabon nëse beson se deklarata e tij do t’i dekurajojë delegacionet e huaja nga pjesëmarrja.

Robert Fico tha gjithashtu se duke arritur një marrëveshje me Shtetet e Bashkuara të Amerikës, e cila do t’u siguronte amerikanëve qasje në burimet natyrore të Ukrainës dhe do të krijonte një fond të përbashkët investimesh për rindërtimin e Ukrainës, Volodymyr Zelensky po përpiqet të vazhdojë luftën dhe të dobësojë përpjekjet amerikane për të zgjidhur konfliktin në mënyrë paqësore.

LEXONI GJITHASHTU:

• Krisje Sllovaki-Bruksel, BE kritikon kryeministrin Fico për vizitën në Moskë
• Fico: Qëllimi i Ukrainës për kthimin e plotë të territorit është “jorealist”

The post Fico i sheh deklaratat e Zelenskit si kërcënim: Do shkoj në Moskë në Ditën e Fitores appeared first on Euronews Albania.

Pas presidentit serb, Aleksandar Vuçiq, edhe kryeministri sllovak, Robert Fico u “sëmurë papritur” dhe ka anuluar të gjitha punët e rëndësishme.

Pak kohë më parë, të dy betoheshin se do të shkonin tek presidenti rus, Vladimir Putin për të shprehur nderimet më 9 maj.

Lexo po ashtu Nuk takohet me Trumpin - Vuçiq u sëmurë papritur në SHBA, kthehet urgjentisht në Serbi

Presidenti i Serbisë, për shkak të “problemeve shëndetësore”, ndërpreu madje edhe vizitën në SHBA, ku raportohej se do ta takonte presidentin amerikan, Donald Trump.

Vetëm disa ditë më parë, Vuçiq përsëri deklaroi se nuk do të refuzonte një vizitë në Moskë dhe këtë ia kishte premtuar Putinit.

Vucic and Fico felt “sudden illness” and canceled all important affairs. Just recently, both swore they would come to Putin to pay their respects on May 9. Coincidence?

The President of Serbia, due to “health issues,” even interrupted his visit to the US, not waiting for an… pic.twitter.com/DWypWkNVyi

— NEXTA (@nexta_tv) May 3, 2025

Kryeministri i Sllovakisë, Fico, gjithashtu “u sëmurë” dhe nuk mori pjesë në festimet e Ditës së Punës në Sllovaki, shkruajnë mediat.

“Programi i punës i Kryeministrit të Republikës Sllovake, Robert Fico, është anuluar”, kishte raportuar të mërkurën agjencia qeveritare sllovake pa dhënë detaje të mëtejshme.

Ai gjithashtu nuk mundi, ashtu siç kishte menduar, të tregonte solidaritet me punëtorët duke bërë një ndërrim nate si punëtor në një furrë në qytetin e Nitrës.

Mbetet të shihet nëse do të shërohen deri më 9 maj, kur mbahet parada në Moskë – apo kjo është një mënyrë për tu arsyetuar para Putinit se nuk do të mund të udhëtojnë drejt Rusisë. /Telegrafi/

The post Rastësi apo justifikim para Putinit – Fico ‘sëmuret papritur’ si Vuçiqi disa ditë para shkuarjes në Moskë appeared first on Telegrafi.

BRATISLAVË, 21 mars /ATSH-DPA/- Mijëra njerëz protestuan sot kundër kryeministrit sllovak Robert Fico, duke e akuzuar atë për prirje autoritare dhe një qëndrim pro-rus.

Në qytetin e dytë më të madh të Sllovakisë, Kosice, ministri i Mbrojtjes, Robert Kalinak u akuzua për “kapitullim” ndaj Rusisë. Demonstruesit i kërkuan qeverisë të jepte dorëheqjen.

Nisma qytetare “Mier Ukrajine” (Paqja në Ukrainë), e cila është e angazhuar për dërgimin e armëve në Ukrainë, kishte bërë thirrje për mitingje.

Sllovakia po ndihmon gjithashtu Ukrainën me energji elektrike pas bombardimeve ruse që dëmtuan objektet.

Pas tubimeve të ngjashme në javët e fundit, Fico ka akuzuar organizatorët për përhapjen e “gënjeshtrave” dhe manipulimin e njerëzve duke pretenduar se qeveria po shqyrtonte vendimin për t’u tërhequr nga BE-ja dhe NATO-ja.

Sipas presidentit Peter Pellegrini slogani “Sllovakia është Evropë!” po përdorej për demonstratën – që u pa si një sugjerim se qeveria po vinte në dyshim vendin e Sllovakisë në BE dhe NATO.

Në thirrjet e saj, lëvizja demonstruese ka denoncuar sulmet verbale të politikanëve në kampin e qeverisë ndaj artistëve dhe medieve.

Fico, nga ana tjetër, ka akuzuarkundërshtarët e tij se duan të përmbysin qeverinë që u zgjodh në mënyrë legjitime në zgjedhjet demokratike. //a.i/

The post SLLOVAKI – Mijëra protestues kundër kryeministrit Fico appeared first on Agjencia Telegrafike Shqiptare.

Kryeministri populist i Sllovakisë, Robert Fico, ka ripërsëritur qëndrimin se vendi i tij nuk do t’i ofrojë Ukrainës ndihmë financiare apo ushtarake për të vazhduar luftën kundër Rusisë.

Gjatë një konference për shtyp, Fico theksoi se Këshilli Evropian nuk ka marrë asnjë angazhim konkret për ndihmë të detyrueshme financiare dhe ushtarake për Ukrainën në samitin e mbajtur të enjten. Sipas tij, çdo mbështetje për Kievin do të mbetet në baza vullnetare, dhe Sllovakia nuk do të jetë mes vendeve që do të ofrojë ndihmë.

Ai gjithashtu përshëndeti përfshirjen e shqetësimeve të Sllovakisë në deklaratën përfundimtare të samitit, veçanërisht lidhur me negociatat për rinovimin e furnizimeve me gaz natyror rus për Evropën Qendrore përmes Ukrainës. Fico tha se tani Bratislava do të ushtrojë presion maksimal ndaj Kievit për të zgjidhur këtë çështje.

Ndërkohë, 26 vende të BE-së – përfshirë Sllovakinë – kanë nënshkruar një deklaratë që përcakton vijat e kuqe për bisedimet e ardhshme të paqes, ku mbështet anëtarësimi i Ukrainës në BE dhe premtohet ndihma e ardhshme ushtarake. Hungaria ishte i vetmi vend që nuk e nënshkroi këtë deklaratë.

LEXONI GJITHASHTU:

• Ukraina ka qenë fuqia e tretë bërthamore në botë, si hoqi dorë pas garancive të SHBA
• Lavrov: Retorika e Macron kërcënim për Rusinë, dëshiron të njëjtën gjë si Hitleri 
• Macron: Rusia kërcënon gjithë Evropën, duhet të jemi të përgatitur nëse SHBA nuk…

The post Kryeministri i Sllovakisë kundër ndihmës për Ukrainën: S’do të ofrojmë para, as armë appeared first on Euronews Albania.

Hungaria ka bllokuar draft dokumentin e BE-së që parashikonte garanci sigurie për Ukrainën dhe një paketë të re ndihme ushtarake.

Në një takim të ambasadorëve të BE-së të premten, Hungaria bllokoi draft tekstin në lidhje me Ukrainën, i cili përfshinte formulimin mbi garancitë e sigurisë që Bashkimi Evropian mund t’i japë Kievit, si dhe një paketë të re ndihme ushtarake.

Bëhet e ditur se ky vendim u bë pjesë e një ndarjeje më të gjerë midis vendeve të BE-së në lidhje me qasjen e tyre për të mbështetur Ukrainën në mes të luftës, shkruan Politico, përcjell Telegrafi.

Kryeministri sllovak Robert Fico, nga ana e tij, deklaroi se vendi i tij do të refuzonte ndihmën e mëtejshme financiare ose ushtarake për Ukrainën.

Fico hodhi poshtë gjithashtu të ashtuquajturën “paqe përmes forcës” të Perëndimit, e cila, sipas tij, është një politikë joreale.

Raportohet se kryeministri hungarez Viktor Orban, së fundmi i dërgoi një letër presidentit të Këshillit Evropian Antonio Costa, në të cilën ai bëri thirrje për negociata të drejtpërdrejta midis BE-së dhe Rusisë për të arritur një armëpushim në Ukrainë.

Orban propozoi edhe bllokimin e miratimit të konkluzioneve të Këshillit Evropian për Ukrainën.

Përveç kësaj, Sllovakia do të vendosë masa të rrepta kundër Ukrainës nëse çështja e transitit të gazit përmes vendit nuk zgjidhet. /Telegrafi/

The post Hungaria bllokon planin e BE-së për garanci sigurie dhe ndihmë ushtarake për Ukrainën appeared first on Telegrafi.

Delina Fico, drejtoresha e Programeve të Shoqërisë Civile, ka reaguar pas raportimeve se në Kongresin amerikan u diskutua për Sali Berishën. “Prej vitesh Sali Berisha pretendon se East-West Management Institute (EWMI) ka luajtur rol në reformën në drejtësi në Shqipëri, financuar edhe nga fondacioni Soros. Fatkeqësisht, ky pretendim i rremë i tij u referua dje […]

The post Delina Fico flet për dëgjesën në Kongres: Nuk kemi marrë financime nga Soros appeared first on BoldNews.al.

Zëdhënësja e Antikorrupsionit në Partinë Demokratike, Genta Vangjeli ka zbardhur punët dhe pagesat që Delina Fico, Drejtoresha e programeve të Shoqërisë Civile ka marrë nga fondet e USAID dhe DASH. Vangjeli ka deklaruar se Fico ka marrë miliona dollarë nga USAID dhe DASH, në shkelje të plotë të ligjit. Në fund të deklaratës, Vangjeli kërkon […]

The post Denoncimi/ Delina Fico mori miliona dollarë nga USAID dhe DASH, PD zbardh pagat appeared first on BoldNews.al.

Mijëra persona u mblodhën në Bratisllavë dhe qytete të tjera të Sllovakisë dhe bënë thirrje që kryeministri Robert Fico, të japë dorëheqje. Protestuesit u zotuan se do të vazhdojnë demonstratat kundër politikës së jashtme të kryeministrit, që kritikët thonë se po e afron shtetin me Rusinë.

Protesta në Sllovaki janë mbajtur çdo dy javë që nga fillimi i janarit, pasi në dhjetor Fico u takua me presidentin rus, Vladimir Putin, në Moskë.

Vizita e Ficos në Moskë ishte një vizitë e rrallë e zhvilluar nga një anëtar i Bashkimit Evropian, që kur Moska nisi pushtimin e Ukrainës tre vjet më parë.

“Sllovakia është Evropë”, brohoritën protestuesit në kryeqytetin sllovak, duke kërkuar dorëheqjen e Ficos.

Ueb-faqja Dennik N, duke cituar ekspertë të sigurisë, tha se deri në 12.000 njerëz protestuan në kryeqytet, që është numër më i vogël sesa më shumë se 40.000 që kishin protestuar dy javë më parë.

Më 21 shkurt, protesta u mbajtën edhe në 40 qytete të tjera të Sllovakisë.

Protestat e së premtes po ashtu shënuan 7-vjetorin e vrasjes së gazetarit hulumtues Jan Kuciak. Vrasja e tij kishte nxitur protesta masive, që u mbajtën për javë të tëra kundër korrupsionit të perceptuar që çoi në dorëheqjen e Ficos që atëbotë ishte kryeministër.

Fico u kthye në pushtet pasi fitoi zgjedhjet e vitit 2023 dhe Qeveria e tij e majtë nacionaliste ka nxitur shqetësim në mesin e opozitës progresive dhe të tjerëve, për shkak të disa vendimeve të marra, sikurse është ndryshimi i Kodit Penal dhe ndryshimet e bëra në transmetuesin publik.

Fico ka ndërprerë ndihmën ushtarake për Ukrainën dhe ka mosmarrëveshje me Kievin pasi Ukraina ndërpreu gjatë këtij viti transitin e gazit rus.

Fico shpesh këmben akuza me opozitën properëndimore, me organizatat joqeveritare dhe me mediat, duke i akuzuar ata se po punojnë kundër Sllovakisë.

Fico, i cili po shërben në mandatin e katërt si kryeministër, është zotuar se nuk do të japë dorëheqje./rel

Këtë të mërkurë, në një deklaratë për mediat nga selia e PD-së, lideri demokrat Sali Berisha, ka akuzuar qeverinë e kryeministrit Edi Rama, për korrupsion dhe censurë, duke e cilësuar si një nga rastet më të rënda të abuzimit me fondet publike në nivel ndërkombëtar.

Berisha u shpreh se fondet e taksapaguesve amerikanë janë përdorur për pasurimin e elitave të korruptuara, duke përfshirë edhe bashkëshorten aktuale të Edi Ramës, Linda Rama, si dhe ish-bashkëshorten e tij, Delina Fico.

Berisha akuzoi Linda Ramën për përfitime të shumta financiare nga projekte me fondacionin “Shqipëria e Hapur”, UNDP dhe organizata të tjera, duke theksuar se ajo ka marrë shuma të mëdha parash për raporte mbi qeverinë e burrit të saj, në kundërshtim me ligjet e antikorrupsionit.

Nga ana tjetër, ai e cilësoi Delina Ficon, aktualisht partneren e ministrit Bledi Çuçi, si përfituese të 10 milionë eurove nga USAID, duke pretenduar se ajo ka ndikuar në kapjen e sistemit të drejtësisë dhe ka marrë një rrogë dy herë më të madhe se ajo e ambasadorit amerikan në Shqipëri.

Sipas Berishës, ky është një skandal i paprecedentë që tregon “makutërinë e enturazhit të Edi Ramës” dhe mungesën e transparencës në menaxhimin e fondeve publike.

Deklarata e plotë:

“Narkoqeveria e Edi Ramës ka vendosur censurën më të plotë, po mbulon me terrin më të zi një nga skandalet më të mëdha ndërkombëtare të rrethit të tij familjar, siç është abuzimi me miliona e miliona euro dhe dollarë të taksapaguesve amerikanë nga ish-bashkëshortja e Edi Ramës dhe bashkëshortja e tij aktuale.

Auditet e para në SHBA faktojnë se paratë e taksapaguesve amerikanë u përdorën për të pasuruar elitat e korruptuara të ekstremit të majtë në vendet e tjera të botës.

Në rast se ka një rast më klasik të abuzimit ekstrem me paratë e taksapaguesve të SHBA, në Shqipëri në krye të listës qëndrojnë dy zonja, Linda Rama, bashkëshortja aktuale e kryeministrit, e cila në dhjetëra e dhjetëra projekte të saj, me fondacionin Shqipëria e Hapur, me UNDP-në dhe të tjera, ka përfituar shuma marramendëse në kundërshtime flagrante me ligjet themelore të antikorrupsionit.

Ajo përbën një rast unik në planet, kur bashkëshortja e kryeministrit, paguhet me paratë e taksapaguesve të vendeve të tjera dhe kryesisht të SHBA për të bërë raporte për veprimtarinë e qeverisë së burrit të vet.

Ky është një rast kulmor flagrance që fakton se gjer ku arrin makutëria e enturazhit të Edi Ramës dhe se për pasurimin e tij familjar, Edi Rama nuk respekton asnjë ligj, asnjë parim kombëtar as ndërkombëtar.
Edi Rama ishte i detyruar të përjashtonte bashkëshorten e tij nga çdo lloj studimi që lidhej me qeverinë e tij.

Por është bërë e kundërta, jam unë që kohë më parë kam denoncuar faktin e vizitave, e shoqëruar nga ministra, dhe i kam denoncuar me emër dhe mbiemër, ku Linda Rama debatonte dhe gjente tema për projektet e studimit të saj në agjencitë dhe zyrat e qeverisë.
Pra, përdoreshin ato.

Aktivitet absolutisht flagrant i shpërdorimit të detyrës dhe shpërdorimit të fondeve”, shprehet Berisha.

The post Berisha: Lubia numër 2 quhet Delina Fico, ka rrogën dy herë sa ambasadori i SHBA, fondet e taksapaguesve amerikanë pasuruan bashkëshorten dhe ish-partneren e Edi Ramës appeared first on Albeu.com.

Sali Berisha ka deklaruar ditën e sotme se Edi Rama po mundohet të censurojë një nga skandalet më të mëdha ndërkombëtare të rrethit të tij familjar, siç është abuzimi me miliona dollarë të taksapaguesve amerikanë nga Delina Fico dhe Linda Rama. Në një deklaratë për mediat nga selia blu, Berisha tha se auditet e para […]

The post Berisha: Delina Fico gllabëroi 10 mln euro nga fondet e USAID, e ka pagën sa dyfishi i ambasadorit appeared first on BoldNews.al.