TIRANË, 16 gusht/ATSH/ Plazhi i Pasqyrave midis Sarandës dhe Ksamilit, i renditur si plazhi me ujin me të kaltër në botë vijon të mahnisë me bukurinë e tij pushuesit vendas e të huaj.

Kryeministri Edi Rama ndau sot në rrjetet sociale pamje nga ky plazh dhe nga Shpella e Pëllumbave, destinacione mjaft të preferuara për turistët që zgjedhin bregdetin e jugut.

Shpella e Pëllumbave është po ashtu një nga atraksionet më të bukura natyrore të jugut të Shqipërisë. Ajo ndodhet afër Ksamilit, në bregun e Jonit. Një vend i shkëlqyer për ata që duan të eksplorojnë natyrën dhe të shijojnë pamje mahnitëse. Shpella ofron një atmosferë magjike, ku natyra dhe historia bashkohen për të krijuar një përvojë të paharrueshme për vizitorët.

Ndërsa Plazhi i Pasqyrave e ka marrë këtë emër, nga iluzioni që krijohet duke parë reflektimin e diellit mbi ujin e pastër të detit, duke i dhënë atij një efekt magjik, njësoj si të ishte një pasqyrë.

Ai ka një peizazh të mrekullueshëm, i formuar si një gji i izoluar nga formacione shkëmbore të rrethuara me gjelbërim. Bregu është me guralecë të bardhë, ujin bruz të pastër.

Plazhi i Pasqyrave është vendi ideal për të shijuar qetësinë dhe detin në relaks të plotë.

Çdo sezon vere ky plazh mbetet një ndër më të frekuentuarit, nga turistë vendas e të huaj.

“National Geographic” e ka renditur plazhin e “Pasqyrave” ndër gjashtë plazhet më të mira sekrete të Evropës për të vizituar .

1 nga 3

/m.m/

The post Rama ndan pamje nga Shpella e Pëllumbave dhe Plazhi i Pasqyrave në Sarandë appeared first on Agjencia Telegrafike Shqiptare.

TIRANË, 15 gusht/ATSH/ Kryeministri Edi Rama deklaroi sot se do të rindërtohen falas shtëpitë e dëmtuara nga zjarret si dhe do të kompensohen bagëtitë e humbura.

Në një postim në rrjetet sociale, Rama tha se “kujt humbi shtëpinë do t’ia rindërtojmë falas dhe kujt humbi krerët do t’ia rifinancojmë një më një”.

“Vlerësimi dhe kompensimi i dëmeve të shkaktuara nga zjarret do të realizohet në çdo bashki të prekur, sipas një procedure të veçantë, e cila nis me evidentimin e tyre nga Grupi i Konstatimit për inventarizimin e dëmeve. Ky grup realizon inventarizimin e dëmeve në banesa infrastrukturë, biznese, kultura bujqësore, mjete mekanike, objekte social-kulturore dhe plotëson formularët me kostot financiare”, tha Rama.

1 nga 4

The post Dëmet nga zjarret, Rama: Rindërtojmë falas shtëpitë, rifinancim për bagëtitë e humbura appeared first on Agjencia Telegrafike Shqiptare.

Pas dëmeve që shkaktuan zjarret në vend, kryeministri Edi Rama është shprehur se kushdo që humbi shtëpinë do t’i rindërtohet falas. Nga ana tjetër edhe fermerët që humbën krerët do të rifinancohen. ”Ky grup realizon inventarizimin e dëmeve në banesa infrastrukturë, biznese, kultura bujqësore, mjete mekanike, objekte social-kulturore dhe plotëson formularët me kostot financiare”,-shkruan Rama.

Source

Zyra e OSBE-së për Lirinë e Medias reagoi këtë të premte ndaj ndërprerjes së papritur të punës së Focus Media Group në Shqipëri, duke e cilësuar situatën shqetësuese dhe duke theksuar se mosmarrëveshjet pronësore apo tregtare nuk duhet të çojnë në ndalimin e menjëhershëm të transmetimit të mediave. “Situata që rrethon ndërprerjen e papritur të […]

The post OSBE: Ndërprerja e transmetimit të News24 është shqetësuese appeared first on Reporter.al.

Me rastin e festës së Fjetjes së Hyjlindëses Mari, e njohur edhe si Pashka e verës për besimtarët ortodoksë, kryeministri Edi Rama përcolli urimet për këtë ditë të shënuar të kalendarit fetar. ”Gëzuar Festën e Fjetjes së Hyjlindëses Mari për të gjithë besimtarët ortodoksë”, uron Rama. Festa e Shën Marisë përkujton fjetjen e Nënës së Zotit dhe konsiderohet një nga momentet më të rëndësishme të…

Source

TIRANË, 15 gusht/ATSH/ Me rastin e festës së Fjetjes së Hyjlindëses Mari, e njohur edhe si Pashka e verës për besimtarët ortodoksë, kryeministri Edi Rama përcolli urimet e tij të përzemërta për këtë ditë të shënuar të kalendarit fetar.

“Gëzuar Festën e Fjetjes së Hyjlindëses Mari për të gjithë besimtarët ortodoksë”, uroi Rama.

Festa e Shën Marisë përkujton fjetjen e Nënës së Zotit dhe konsiderohet një nga momentet më të rëndësishme të vitit liturgjik për Kishën Ortodokse.

Ajo ngjall ndjenja të thella përkushtimi, reflektimi dhe shprese, duke bashkuar mijëra besimtarë në lutje, përkushtim dhe kremtim të jetës dhe shenjtërisë së Hyjlindëses.

/a.f/

The post Festa e Fjetjes së Hyjlindëses Mari, Rama uron besimtarët ortodoksë appeared first on Agjencia Telegrafike Shqiptare.

Deputeti i Partisë Demokratike, Gazment Bardhi, ka reafuar në lidhje me deklaratën e OSBE-së për lirinë e mediave në Shqipëri. Në një postim në facebook, Bardhi e quan ndërprerjen e transmetimit të News24 dhe bllokimin e gazetarëve për të hyrë në ambientet e tyre të punës, edhe pas një vendimi gjyqësor, “shpërdorim të pastër të […]

The post “OSBE ngriti ‘këmbanën e alarmit’ për lirinë e medias”/ Bardhi: Rama ka ‘varrosur’ demokracinë appeared first on BoldNews.al.

TIRANË, 15 gusht/ATSH/ Në një kohë kur Shqipëria përballet me situatën e zjarreve, kryeministri Edi Rama komentoi edhe disa prej reagimeve që vijnë lidhur me masat e marra për përballimin e tyre.

Kryeministri Rama ndau në rrjetet sociale momentet tragjike nga përballja me zjarret në Patra, Greqi, duke iu përgjigjur siç tha ai “të gjithë atyre që flasin nga urrejtja apo nga sëkëlldia për avionë e për roja pylli”.

Kryeministri kujtoi se “Greqia ka 77 avionë zjarrfikës, por lufta me zjarret sot është ku e ku më e komplikuar sesa duket kur do të fajësosh qeverinë pse s’ka avionë”.

Rama bëri thirrje për t’u ruajtur nga “piromanët verbalë të këtij vendi, humbës kronikë që nuk kanë asgjë më për të humbur”.

Kryeministri ndau edhe shpjegimin mjekësor për piromaninë, ndërsa u shpreh se “piromani verbal është një individ që shfaq prirje sistematike për të gjeneruar tension, konflikt ose polarizim shoqëror përmes gjuhës së folur apo të shkruar, shpesh me qëllim përfitimi politik, mediatik ose personal”.

Më poshtë reagimi i Kryeministrit Rama në rrjetet sociale:

“Ruhuni nga piromanët verbalë

Kjo video është një moment tragjik i këtyre ditëve nga përballja e vendit fqinj me zjarret.
Po e postoj për të gjithë ata që flasin nga urrejtja apo nga sëkëlldia për avionë e për roje pylli, sepse ky vendi fqinj ka 77 avionë zjarrfikës por lufta me zjarret sot është ku e ku më e komplikuar se sa duket kur do të fajësosh qeverinë pse s’ka avionë.

Ndërkohë sipas ChatGPT:

Në terma mjekësorë, piromania (zjarrvënia) është një çrregullim i kontrollit të impulseve, ku personi ndien një shtysë të fortë për të ndezur zjarre dhe përjeton një ndjenjë kënaqësie ose çlirimi pas këtij veprimi.

Një piroman është një person që, me dashje dhe shpesh për kënaqësi ose impulse personale, i vë zjarr ndërtesave, pyjeve, automjeteve apo pronave të tjera. Në shumicën e vendeve piromania trajtohet si një çrregullim psikologjik që shpesh kërkon trajtim, por edhe si një krim që ndëshkohet rëndë nga ligji.

E pyetur për piromaninë verbale ChatGPT shpjegon:

Piromani verbal është një individ që shfaq prirje sistematike për të gjeneruar tension, konflikt ose polarizim shoqëror përmes gjuhës së folur apo të shkruar, shpesh me qëllim përfitimi politik, mediatik ose personal. Ai përdor deklarata të ngarkuara emocionalisht, insinuata, dhe narrativa konspirative si “stimulues ndezës”, duke shkaktuar reaksione të forta në publik.

Ky fenomen mund të shihet si një variant metaforik i piromanisë klasike, ku objekti i shkatërrimit nuk është materiali fizik, por kapitali social dhe besimi publik. Në rastin specifik të akuzave për zjarret, piromani verbal instrumentalizon fatkeqësitë natyrore si “material djegës” diskursiv, duke krijuar një klimë mosbesimi dhe histerie kolektive, pavarësisht mungesës së provave faktike.

Ruhuni nga piromanët verbalë të këtij vendi, humbës kronikë që nuk kanë asgjë më për të humbur”.

/m.m/j.p/

The post Rama: Ruhuni nga piromanët verbalë, humbës kronikë që flasin nga urrejtja për avionë e për roja pylli appeared first on Agjencia Telegrafike Shqiptare.

Në një përpjekje të re për të pozicionuar veten si një aktor të vogël, por ambicioz në industrinë globale të mbrojtjes, Shqipëria ka nisur një proces të ngadaltë, por të vendosur për të ringjallur industrinë e saj ushtarake. Objektivi është i qartë: të prodhojë armë dhe pajisje me vulën “Made in Albania”, të afta për t’u përdorur nga ushtria shqiptare dhe potencialisht për t’u eksportuar në tregje ndërkombëtare deri në vitin 2030.

Për vite me radhë, uzinat ushtarake të Mjekësit, Gramshit dhe Poliçanit, që dikur furnizonin me armatim regjimin komunist u lanë të kalben nën barin e egër dhe kujtimet e një ekonomie të mbyllur. Por në prill të vitit 2024, Kryeministri Edi Rama shpalli publikisht ambicien për të ringjallur prodhimin ushtarak në vend dhe për të kthyer Shqipërinë në një eksportues të mundshëm të armatimeve brenda dekadës.

“Ambicia jonë është që brenda vitit 2030 ne të kemi edhe eksporte ushtarake të markës “Made in Albania” dhe nga ana tjetër sigurisht që ushtria jonë të fillojë të pajiset edhe me mjete ushtarake të markës “Made in Albania’’. – EDI RAMA KRYEMINISTËR I SHQIPËRISË, 03.04.2024

Ky premtim politik është pasuar me disa hapa. Qeveria miratoi ligjin për krijimin e një shoqërie shtetërore që do të merret ekskluzivisht me prodhimin dhe tregtimin e armëve, municioneve dhe pajisjeve ushtarake. Shoqëria “KAYO” sh.a., e themeluar më vonë atë vit, u ngarkua me misionin për të rilindur një industri të zhdukur.

Që në muajt e parë të ekzistencës së saj, KAYO mori nën administrim hapësirat fizike të tre uzinave historike të vendit si Uzina e Lëndëve Plasëse në Mjekës, Uzina Mekanike në Gramsh dhe tani është në proces të marrjes edhe të Kombinatit Mekanik në Poliçan. Njëkohësisht me Vendim të Këshillit të Ministrave, KAYO-s iu transferuan edhe ish-Uzina e pjesëve të ndërtimit të automjeteve në Tiranë si dhe ish-uzina e përpunimit të bakrit në Rubik.

Gjatë kësaj kohe KAYO i tha Faktojes se ka firmosur pesë memorandume mirëkuptimi me kompani ndërkombëtare të mëdha që janë aktorë në nivel global për prodhimin e teknologjive dhe sistemeve ushtarake. Por përmbajtja e këtyre memorandumeve mbetet konfidenciale për shkak të marrëveshjeve të konfidencialitetit dhe sekretit industrial dhe se ato do të bëhen publike në momentin e krijimit të shoqërive të përbashkëta për nisjen e aktivitetit prodhues – sqaron KAYO.

Ndërkohë, qeveria ka ndarë një sërë fondesh për të mbështetur këtë ringjallje industriale. Deri tani, janë alokuar 440 milionë lekë në dy drejtime: nga njëra anë, për të shlyer borxhet historike të uzinave ndaj punonjësve dhe bashkive, dhe nga ana tjetër, për të themeluar strukturën ligjore dhe organizative të KAYO-s. Në anën tjetër buxheti ka financuar edhe shpenzimet e vetë kompanisë. Për vitin 2024 janë disbursuar 150 milionë lekë nga buxheti i Ministrisë së Mbrojtjes për këtë ndërmarrje, ndërsa për vitin 2025 është parashikuar një shumë e njëjtë, e cila pritet të lëvrohet në muajt e ardhshëm sipas përgjigjes që Ministria e Financave dha për Faktojen.

Megjithatë, pyetjet e mëdha mbeten. A është e arritshme ambicia për të eksportuar armë shqiptare brenda pesë viteve të ardhshme?

Për kolonelin Dritan Demiraj, projekti ka rëndësi kombëtare dhe s ii tillë është i mirëpritur, por propaganda nuk mjafton. “Kërkohen investime serioze, profesionalizëm dhe transparencë që mungon, si dhe bashkëpunim me kompani të shquara”, thotë ish-Ministri i Brendshëm, Demiraj. Ai thekson se projekti duhet të nisë me prodhimin e armatimit të këmbësorisë, veshmbathjeve dhe logjistikës së Forcave të Armatosura. “Brenda 2-3 viteve, me investime serioze, kjo është e realizueshme”, vlerëson ai.

Në fakt, përpjekjet e deritanishme të KAYO-s për të rilindur këtë industri janë kufizuar tek puna për të themeluar një shkollë fluturimi në Vlorë — e cila pritet të përgatisë pilotë, instruktorë dhe teknikë – tek negociimi për prodhimin apo përshtatjen e mjeteve motorrike të posaçme apo tek prodhimi i veshjeve dhe aksesorëve ushtarakë.

Nga ana e tij, ish-komandanti i Forcave Detare, kapiteni i rangut të parë Artur Meçollari, e sheh industrinë ushtarake jo vetëm si element të sigurisë, por edhe si mundësi ekonomike. Ai ngre dyshime në lidhje me qëndrueshmërinë e politikave të mbrojtjes në Shqipëri. Si shembull sjell shkëputjen e bashkëpunimit me kompani si “Lockheed Martin” – kompania që ndërtoi dhe mirëmbajti sistemin e vëzhgimit të hapësirës ajrore dhe detare – dhe “Damen Shipyards” – kompania holandeze e prodhimit të anijeve – duke vënë kështu në pikëpyetje besueshmërinë e vendit në arenën ndërkombëtare.

“Vetëm një vit pas marrjes së detyrës, ministri Vëngu ka riorientuar të gjitha partneritetet, duke ulur ndjeshëm besueshmërinë e Shqipërisë tek partnerët strategjikë dhe duke cënuar gatishmërën operacionale.”, thotë kapiten Meçollari, i cili paralajmëron se pa bashkëpunime të fuqishme dhe qëndrueshmëri politike, projekti nuk mund të ecë përpara.

Në aspektin buxhetor, Shqipëria ka përmbushur angazhimin e saj ndaj NATO-s për të shpenzuar 2% të Prodhimit të Brendshëm Bruto për mbrojtjen, një standard që u arrit të përmbushet për herë të parë në vitin 2024. Në projektbuxhetin e vitit 2025, Ministria e Mbrojtjes parashikohet të marrë 52.6 miliardë lekë, që përbëjnë pikërisht këtë 2%.

Pavarësisht ksaj, kapërcimi drejt eksportit mbetet një sfidë e madhe në këndvështrimin e Artur Meçollarit pasi tregu global i armatimeve është i rregulluar rreptësisht dhe i ndikuar nga zhvillimet gjeopolitike. “Shqipëria nuk mund ta ringjallë industrinë pa partnerë të fuqishëm, dhe më parë duhet të rifitojë besueshmërën si vend serioz dhe i sigurtë”, përfundon Meçollari.

Sipas Demirajt, Shqipëria duhet t’i kthejë sytë edhe nga vendet e rajonit për bashkëpunime pasi sipas tij “potenciali ekziston jo vetëm për të mbuluar nevojat e Shqipërisë, por edhe për të eksportuar armë të këmbësorisë, dhe në të ardhmen edhe sisteme luftarake si dronë apo artileri, duke bashkëpunuar me vende si Kosova, Maqedonia e Veriut dhe Kroacia”. Edhe Meçollari thekson se “Shqipëria dhe Kosova duhet të bashkëpunojnë për nevojat e përbashkëta në modernizimin dhe pajisjen e strukturave respektive dhe shmangjen e konkurencës midis tyre.

Por qeveria dhe Ministria e Mbrojtjes duhet të jenë seriozë, vlerëson Demiraj, pasi e vetmja mënyrë që të futesh në tregjet ndërkombëtare është nëpërmjet prodhimit të materialeve dhe armatimeve cilësore, që në ditët e sotme janë lehtësisht të testueshme. Për momentin, përpjekja duket më shumë si një projekt industrial me vlerë strategjike dhe simbolike, sesa një burim i afërt të ardhurash. Por në një kohë kur siguria në Evropë është vënë sërish në pikëpyetje dhe vendet kërkojnë më shumë diversifikim të burimeve të furnizimit, Shqipëria mund të gjejë një vend në këtë panoramë të re — nëse i çon deri në fund projektet që ka nisur.

The post Shqipëria synon rindërtimin e industrisë së armëve, me sytë nga tregu ndërkombëtar appeared first on Faktoje.al.

Kryeministri Edi Rama ka një replikë me zjarrvënësit, ata realë por dhe verbalë. Për të krahasuar situatën, Rama ka publikuar një zjarr masiv nga Patra në Greqi, ndërsa shton se këto çështje shkojnë përtej të akuzuarit qeverinë se pse s’ka avionë.

“Për të gjithë ata që flasin nga urrejtja e pashërueshme apo edhe nga sekëlldia e mirëkuptueshme për avionë e për roje pylli, sepse ky vendi fqinj ka 77 avionë zjarrfikës e një historisë të gjatë lufte me zjarret, por lufta me zjarret në kushtet e ndryshimit të klimës është sot ku e ku më e komplikuar se sa duket, kur do të fajësosh qeverinë dhe bërtet pse s’ka avionë”, tha Rama.
Por një apel, kryeministri Rama e ka për qytetarët. Ai i këshillon që në këto ditë të nxehta e të vështira, të ruhen jo vetëm nga zjarrvënësit e vërtetë, por edhe ata verbal. Për këtë, u jep jo një përgjigje të vetën por atë të ChatGBT.

“Në terma mjekësorë, piromania (zjarrvënia) është një çrregullim i kontrollit të impulseve, ku personi ndien një shtysë të fortë për të ndezur zjarre dhe përjeton një ndjenjë kënaqësie ose çlirimi pas këtij veprimi. Piromani verbal është një individ që shfaq prirje sistematike për të gjeneruar tension, konflikt ose polarizim shoqëror përmes gjuhës së folur apo të shkruar, shpesh me qëllim përfitimi politik, mediatik ose personal”, shkruan Rama.

Për këta të dytët, Rama shprehet i bindur se bëhet fjalë për akuzatorët e opozitës, me në krye Sali Berishës, sipas tij, humbësa kronikë që nuk kanë çfarë humbasin më.

TIRANË, 15 gusht/ATSH/ Kryeministri Edi Rama vlerësoi sot angazhimin maksimal të gjithë strukturave të shtetit për shuarjen e çdo vatre zjarri në veri të vendit.

Rama bëri të ditur se “që në orët e para të mëngjesit, 6 helikopterë janë në misione intensive në Fushë Arrëz, Mirditë dhe Bulqizë”.

Në 24 orët e fundit ka pasur një përmirësim të dukshëm të situatës nga zjarret në vend. Gjatë kësaj periudhe janë raportuar 28 vatra zjarri, nga të cilat 3 vatra janë aktive dhe 6 janë në monitorim.

Në operacionet për shuarjen e zjarreve në gjithë territorin e vendit u angazhuan 52 automjete zjarrfikëse dhe 740 forca operacionale, të ndihmuar nga Forcat e Armatosura me 323 forca ushtarake, 7 automjete zjarrfikëse dhe 1 helikopter të FA-së. Gjithashtu morën pjesë 4 helikopterë (EBA, çek, sllovak) dhe 1 avion Canadair nga Italia.

/m.m/j.p/

The post Rama: Angazhim maksimal për shuarjen e zjarreve në veri, operacione nga ajri me 6 helikopterë appeared first on Agjencia Telegrafike Shqiptare.

Shkodra, me bukuritë e shumta natyrore dhe historike, është kthyer në destinacion mjaft të kërkuar për vizitorët vendas, por edhe për turistët e huaj.

Promovimi i potencialit turistik që ofron kryeqendra e veriut, mbetet pika e fortë e numrit gjithnjë e në rritje të turistëve të huaj që zgjedhin këtë destinacion.

Kryeministri Edi Rama ndau sot në rrjetet sociale momente nga ajo që e cilësoi “mikpritja e veçantë e Shkodrës në aeroportin ‘Nënë Tereza’”, një tjetër gjetje për të promovuar “ngjyrat” e qytetit tek turistët e huaj.

“Një pikë takimi për të gjithë vizitorët që zgjedhin Shkodrën për të shijuar bukuritë natyrore dhe trashëgiminë kulturore”, shkruan Rama, krahas videos ku turistët marrin ftesën e parë për të vizituar Shkodrën sapo mbërrijnë në Aeroportin “Nënë Tereza”.

TIRANË, 15 gusht/ATSH/ Shkodra, me bukuritë e shumta natyrore dhe historike, është kthyer në destinacion mjaft të kërkuar për vizitorët vendas, por edhe për turistët e huaj.

Promovimi i potencialit turistik që ofron kryeqendra e veriut, mbetet pika e fortë e numrit gjithnjë e në rritje të turistëve të huaj që zgjedhin këtë destinacion.

Kryeministri Edi Rama ndau sot në rrjetet sociale momente nga ajo që e cilësoi “mikpritja e veçantë e Shkodrës në aeroportin ‘Nënë Tereza'”, një tjetër gjetje për të promovuar “ngjyrat” e qytetit tek turistët e huaj.

“Një pikë takimi për të gjithë vizitorët që zgjedhin Shkodrën për të shijuar bukuritë natyrore dhe trashëgiminë kulturore”, shkruan Rama, krahas videos ku turistët marrin ftesën e parë për të vizituar Shkodrën sapo mbërrijnë në Aeroportin “Nënë Tereza”.

Zonat më të vizituara në Shkodër mbeten Velipoja, Thethi, zona e Liqenit të Shkodrës, Pedonalja e Shkodrës, Kalaja e Rozafës.

Përveç pasurive natyrore, Shkodra ka edhe një ofertë të rëndësishme kulturore ku Muzeu “Marubi”, Muzeu i Dëshmisë dhe Kujtesës, Muzeu “Oso Kuka”, Muzeu i Kalasë, të cilët ngjallin kureshtjen e turistëve.

/m.m/j.p/

The post Rama: Mikpritja e veçantë e Shkodrës në aeroportin “Nënë Tereza” appeared first on Agjencia Telegrafike Shqiptare.

TIRANË, 15 gusht/ATSH/- Tropoja dhe Alpet e saj kanë njohur rritje të vazhdueshme të vizitorëve dhe turistëve duke e zgjedhur si një destinacion të veçantë të turizmit malor.

Një prej destinacioneve është edhe Bjeshka e Dobërdolit e vendosur në lartësitë e maleve të Tropojës 2200 m mbi nivelin e detit, në pjesën e sipërme të luginës se Gashit.

Kryeministri Edi Rama ka publikuar në rrjetet sociale pamje nga lugina e bjeshkëve të Dobërdolit, e rrethuar nga gjelbërimi dhe me kuajt që enden të lirë mes kësaj bukurie natyrore alpine.

Në pjesën e sipërme të luginës gjenden disa liqene akullnajore, më i madhi prej të cilëve është liqeni i Dashit në një lartësi prej 2175 m. Ky është edhe një ndër liqenet akullnajore më të mëdhenj të Alpeve tona.

Këto bjeshkë janë të rrethuara me shumë male me mbi 2000 m lartësi me shkëmbinj me moshë gjeologjike nga më të vjetrit në Shqipëri.

Prej muajsh ka nisur puna për rehabilitimin e rrugës nga Tropoja e Vjetër deri në Bjeshkën e Dobërdolit.

Kjo rrugë ka një rëndësi të madhe për banorët e zonës, por edhe për turistët e shumtë që eksplorojnë bjeshkët madhështore dhe natyrën e paprekur të kësaj treve.

The post Rama publikon pamje nga Bjeshkët e Dobërdolit, destinacion i veçantë në Tropojë appeared first on Agjencia Telegrafike Shqiptare.

Mungesa kronike e protezave ortopedike në spitalet publike shqiptare detyron qindra pacientë që të paguajnë nën dorë ose t’i blejnë nga xhepi përmes një sistemi që favorizon korrupsionin. Rreth 8 muaj më parë, Lumja, 65 vjeçe, iu drejtua Spitalit Universitar të Traumës për shkak të dhimbjeve në këmbë. Përgjigja që mori pas ekzaminimeve ishte tronditëse: […]

The post Lista e gjatë e pritjes për proteza ortopedike favorizon korrupsionin në spitale appeared first on BoldNews.al.

Rreth 8 muaj më parë, Lumja, 65 vjeçe, iu drejtua Spitalit Universitar të Traumës për shkak të dhimbjeve në këmbë. Përgjigja që mori pas ekzaminimeve ishte tronditëse: ajo duhej të bënte operacion këmbën dhe të vendoste protezë. Por përtej problemeve shëndetësore, pacientja u përball edhe me një faturë financiare. “E pyeta mjekun sa shkon si […]

The post Lista e gjatë e pritjes për proteza ortopedike favorizon korrupsionin në spitale appeared first on Reporter.al.

TIRANË, 14 gusht /ATSH/- Ndërsa pjesa tjetër e Evropës diskuton për sigurinë dhe fushëveprimin e inteligjencës artificiale, Shqipëria po e shfrytëzon atë për të përshpejtuar pranimin e saj në BE, sipas “Politico”.

Madje po shqyrton krijimin e një ministrie të drejtuar nga inteligjenca artificiale.

Kryeministri Edi Rama përmendi inteligjencën artificiale, muajin e kaluar si një mjet për të zhdukur korrupsionin dhe për të rritur transparencën, duke thënë se teknologjia së shpejti mund të bëhet anëtari më efikas i qeverisë shqiptare.

“Një ditë, mund të kemi edhe një ministri të drejtuar tërësisht nga inteligjenca artificiale”, tha Rama në një konferencë për shtypi në korrik, ndërsa diskutonte digjitalizimin.

“Në këtë mënyrë, nuk do të kishte nepotizëm apo konflikte interesi”, shtoi ai.

“Zhvilluesit vendas madje mund të punojnë drejt krijimit të një modeli të inteligjencës artificiale për t’u zgjedhur si ministër, gjë që mund ta bëjë Shqipërinë vendin e parë që do të ketë një qeveri të tërë me ministra të inteligjencës artificiale dhe një kryeministër”, shtoi Rama.

Ndërsa nuk janë ndërmarrë hapa zyrtarë dhe puna e Ramës nuk është ende zyrtarisht e hapur, kryeministri tha se ideja duhet të merret seriozisht në konsideratë.

Ben Blushi, një ish-politikan i partisë në pushtet dhe autor me një interes të madh për inteligjencën artificiale, tha se beson se nuk ka asgjë për t’u frikësuar nga teknologjia dhe se shtetet e drejtuara nga inteligjenca artificiale janë një mundësi reale që mund ta përmbysin konceptin tonë të demokracisë.

“Pse duhet të zgjedhim midis dy ose më shumë opsioneve njerëzore nëse shërbimi që marrim nga shteti mund të bëhet nga inteligjenca artificiale?”, tha Blushi.

‘Shoqëritë do të drejtohen më mirë nga inteligjenca artificiale sesa nga ne, sepse ajo nuk do të bëjë gabime, nuk ka nevojë për pagë, nuk mund të korruptohet dhe nuk ndalet së punuari”, shtoi ai.

Shqipëria është përballur prej kohësh me korrupsionin në të gjitha aspektet e shoqërisë dhe politika nuk bën përjashtim.

Partia në pushtet ka luajtur pjesën e saj të drejtë duke vendosur përballë drejtësisë zyrtarë të akuzuar dhe të dënuar për korrupsion.

Lideri i opozitës Sali Berisha aktualisht po përballet me një gjyq për korrupsion dhe ish-kryeministri dhe presidenti Ilir Meta është pas hekurave.

Inteligjenca artificiale tashmë në lojë

“Inteligjenca artificiale është një mjet, jo një mrekulli”, sipas Jorida Tabakut, një anëtare e parlamentit shqiptar me Partinë Demokratike të opozitës.

“Inteligjenca artificiale, në duart e duhura mund të transformojë qeverisjen – por në duart e gabuara, bëhet një maskim digjital për të njëjtin mosfunksionim të vjetër”, tha ajo.

Ndërsa mbështeti inovacionin digjital dhe IA-në, Tabaku tha se i gjithë sistemi i qeverisjes kishte nevojë për një rivendosje përpara se IA-ja të mund të zbatohej.

IA-ja tashmë po përdoret në administratë për të menaxhuar çështjen e vështirë të prokurimit publik – një fushë që BE-ja i ka kërkuar qeverisë ta mbështesë – si dhe për të analizuar transaksionet tatimore dhe doganore në kohë reale – duke identifikuar parregullsitë.

Territori i vendit po monitorohet gjithashtu nga dronë inteligjentë dhe sisteme satelitore – të cilët përdorin inteligjencën artificiale për të kontrolluar për ndonjë paligjshmëri në vendet e ndërtimit dhe plazhet publike, si dhe për plantacionet e kanabisit në zonat më rurale.

Për më tepër, ka plane për të përdorur inteligjencën artificiale për të luftuar problemet në rrugët e Shqipërisë – duke përdorur teknologjinë e njohjes së fytyrës – për të lëshuar në mënyrë digjitale një njoftim në pajisjen “mobile” të shoferit për të ngadalësuar – si dhe për të dërguar detajet e gjobave për shpejtësi të tepërt përmes mesazheve ose email-it.

“Vendi aktualisht ka një nga normat më të larta të aksidenteve fatale rrugore në Evropë”, sipas agjencisë shtetërore të statistikave, kryesisht për shkak të shpejtësisë.

Ka gjithashtu aspirata për të përdorur inteligjencën artificiale në kujdesin shëndetësor, arsim dhe identifikimin digjital të qytetarëve.

Por, Tabaku tha se duhet të ketë konsultim publik dhe qartësi rreth mënyrës se si do të zbatohet teknologjia, sa kushton – dhe më e rëndësishmja, kush po i programon algoritmet.

“Nëse të njëjtët aktorë që përfituan nga tenderët e korruptuar janë ata që programojnë algoritmin, atëherë nuk po shkojmë drejt së ardhmes. Po e lidhim të kaluarën me instalime elektrike”, tha ajo.

“Nuk mund ta rregullosh një sistem të manipuluar duke e vendosur atë në Cloud”, tha Tabaku.

“Në një vend ku 80% e buxhetit kalon nëpër kontrata publike – dhe një e treta shpërndahet pa konkurrencë të vërtetë – IA-ja nuk do ta pastrojë korrupsionin. Thjesht do ta fshehë atë më mirë”, theksoi Tabaku.

Hej Siri, sa shpejt mund të bashkohemi me BE-në?

Shqipëria bëri bujë në vitin 2024 kur kryeministri njoftoi se IA-ja po përdorej për të ndihmuar Shqipërinë në rrugën e saj drejt anëtarësimit në Bashkimin Evropian.

Pas hapjes zyrtare të negociatave në vitin 2022, vendi filloi të përafrohej me acquis të BE-së – duke përfshirë rreth një çerek milioni faqesh me ligje, rregulla dhe standarde.

Me fitoren dërrmuese të Ramës në zgjedhjet e përgjithshme të vitit 2025 me një paralajmërim që trumbetonte anëtarësimin në BE deri në vitin 2030, gara ka filluar për të kryer punën.

Ideja është që IA-ja do të kujdeset për përkthimin dhe më pas do të bëjë punën e vështirë të identifikimit të divergjencave në ligjet kombëtare dhe të BE-së – hera e parë që është përdorur në procesin e anëtarësimit në BE.

Shqipëria ka krijuar partneritet me Mira Muratin, ish-drejtoreshën kryesore të teknologjisë së “OpenAI” dhe krijuesen e ChatGPT, e cila ka lindur në jug të Shqipërisë.

“Ne kontaktuam me të, javën e parë pas lançimit të ChatGPT, kur u njoftuam për ekzistencën e tij”, tha Rama.

“Falë këtij bashkëpunimi, negociatat me BE-në po zhvillohen me ndihmën e inteligjencës artificiale”, tha kryeministri.

Rama vuri në dukje se Kroacia – e cila sipas tij “shkëlqeu” në integrimin në BE, mori shtatë vjet për të përfunduar procesin – ndërsa Shqipëria synon ta bëjë këtë në pesë vjet, duke përfunduar dokumentacionin deri në vitin 2027.

Odeta Barbullushi, një ish-këshilltare e Ramës për integrimin në BE dhe profesoreshë në Kolegjin e Evropës në Tiranë – u pajtua se vëllimi i madh i acquis të BE-së është i madh dhe numri i stafit të nevojshëm për ta përkthyer këtë në një mënyrë tradicionale do të ishte masiv.

“Për detyrat teknike të përkthimit, IA-ja mund të jetë e dobishme dhe mund ta përshpejtojë procesin. Por nuk mund ta bëjë të gjithë punën”, shtoi ajo.

“Procesi i adoptimit dhe përafrimit aktual me acquis të BE-së është në thelb një proces politik dhe si i tillë, ka nevojë për mbikëqyrje politike dhe orientim politik”, tha Barbullushi.

Shërbyes publikë virtualë dhe udhëheqës të vegjël

Nxitja e inteligjencës artificiale vjen mes një fokusi më të gjerë në digjitalizimin në Shqipëri.

Rama njoftoi në korrik se dëshiron që vendi të jetë “pa para në dorë” deri në vitin 2030, duke kaluar në pagesa vetëm digjitale.

Vendi, gjithashtu kohët e fundit zhvendosi 95% të të gjitha shërbimeve për qytetarët në internet përmes një portali të quajtur e-Albania.

Duke hyrë në platformë, përdoruesit përshëndeten nga një “shërbyes publik virtual” i inteligjencës artificiale – që i ndihmon ata të paraqesin dokumente tatimore, të shkarkojnë certifikata lindjeje dhe të aplikojnë për licensa dhe leje.

Ndërsa disa sulme kibernetike nga Irani kanë goditur platformën dhe disa qytetarë të moshuar kanë pasur vështirësi ta përballojnë atë – Rama tha se ka menaxhuar rreth 49 milionë transaksione në pesë vjet – duke u shërbyer 2, 4 milionë shqiptarë në vend dhe 2,8 milionë në diasporë më shumë se 600 milionë euro.

Por, inteligjenca artificiale nuk po përdoret vetëm për qëllime praktike në Shqipëri.

Në maj, rreth 47 krerë shtetesh dhe qeverish nga e gjithë Evropa mbërritën në Tiranë për samitin e Komunitetit Politik Evropian dhe u argëtuan duke parë një video gati dyminutëshe që i uronte atyre mirëseardhjen në vend – në gjuhën e tyre amtare.

Por kjo ishte një video me një ndryshim. Duke përdorur inteligjencën artificiale, qeveria shqiptare kishte gjeneruar një version elektronik të çdo udhëheqësi, i cili fliste me zërin e një fëmije në gjuhën e tyre amtare.

Disa anëtarë të audiencës buzëqeshën, ndërsa të tjerë mbetën me fytyrë të ngrirë. Mediet ndërkombëtare u magjepsën nga përdorimi i çuditshëm i inteligjencës artificiale në një ngjarje zyrtare.

Por, përtej argëtimit dhe të panjohurës, nuk është e qartë nëse Shqipëria ka kapacitetin e vërtetë për të ndërmarrë këtë hap.

Gerond Taçi, një ekspert vendas i inteligjencës artificiale tha se zbatimi i një teknologjie të tillë do të kërkojë gjithashtu një plan – hap pas hapi – me kontrolle dhe ndryshime ligjore të përshtatshme, për të mos përmendur një plan për rimëkëmbje nga fatkeqësitë.

“Por nuk ka rrugë tjetër. Përshtatja duhet të ecë përpara dhe populli shqiptar duhet të jetë i vetëdijshëm për këtë dhe të jetë gati për tranzicionin”, shtoi ai. //a.i/

The post “Politico”: Shqipëria i drejtohet IA-së për të luftuar korrupsionin dhe për t’u bashkuar me BE-në appeared first on Agjencia Telegrafike Shqiptare.

TIRANË, 14 gusht/ATSH/ Zjarret që kanë përfshirë edhe zona të banuara kanë shkaktuar dëme të konsiderueshme duke djegur shtëpi, sipërfaqe me bimësi dhe gjithashtu edhe kafshë.

Ndërsa shpëtimi i jetëve njerëzore dhe i banesave ka qenë prioritet gjatë aksioneve për shuarjen e flakëve, shpëtimi i kafshëve shtëpiake dhe bagëtive ka qenë po ashtu prioritet për banorët, por edhe për forcat e emergjencave.

Kryeministri Edi Rama ndau sot në rrjetet sociale foton e një të riu në qytetin e Gramshit, duke shpëtuar një qenush të bllokuar në mes të flakëve.

“Respekt”, shkruan Rama krahas fotos.

Më herët sot kryeministri informoi se 207 shtëpi janë të dëmtuara nga zjarret që kanë përfshirë disa zona të vendit, nga të cilat 40 familje deri tani kanë humbur shtëpinë plotësisht.

Po ashtu, deri tani numërohen 3 619 krerë bagëti të humbura, ndërsa inventarizimi i dëmeve vazhdon.

/m.m/r.e//a.f/

The post “Respekt”, Rama ndan foton e të riut duke shpëtuar një qenush nga zjarri appeared first on Agjencia Telegrafike Shqiptare.

TIRANË, 14 gusht/ATSH/ Qyteti bregdetar i Durrësit edhe këtë sezon turistik veror vijon të jetë një ndër të preferuarit e turistëve vendas dhe të huaj.

Kryeministri Edi Rama ndau sot në rrjetet sociale pamje nga bregdeti i Durrësit, i mbushur plot me pushues.

“Faleminderit për këtë video kujt ma dërgoi! Nga plazhet e Durrësit siç nuk ua tregojnë ata që duan t’ju thonë se turizmi ka ngecur”, u shpreh kryeministri.

E gjithë vija bregdetare e Durrësit ofron një hapësirë të konsiderueshme dhe të larmishme me plazhe ranore dhe pjesërisht shkëmbore, si edhe struktura hoteliere apo agroturizëm, të cilat ofrojnë shërbime turistike për të gjithë turistët dhe vizitorët vendas dhe të huaj.

Përveç turizmit të detit dhe rërës Durrësi ka edhe një trashëgimi kulturore të jashtëzakonshme.

Qyteti është i pasur me histori, arkitekturë dhe site arkeologjike si: Amfiteatri romak, Muret rrethuese të kalasë së qytetit, Shesh-tregu Bizantin, Kulla Veneciane, Termat antike romake, Bazilika e Arapajt, Fortifikimi i Skënderbeut në Kepin e Rodonit, Kalaja e Ishmit etj.

/m.m/r.e/a.f/

The post Rama: Plazhet e Durrësit siç nuk ua tregojnë ata që duan t’ju thonë se turizmi ka ngecur appeared first on Agjencia Telegrafike Shqiptare.

Nga Artan Hoxha Edi Rama nuk priti shtatorin të na tregonte tiparet e regjimit të tij, na i demonstroi ato menjëherë pas zgjedhjeve të 11 majit. Shumica e cilësuar me 83+3 deputetë, veç 7 deputetë larg shumicës kushtetuese parlamentare ia jep këtë vetëbesim por ia dikton edhe këtë nxitim. Deri këtu nuk erdhëm në një […]

The post Regjimi “Mashtrim, Dhunim, Shkatërrim, Favorizim” appeared first on BoldNews.al.