Jared Kushner, dhëndri i Donald Trump njëherësh ish-këshilltar i tij në Shtëpinë e Bardhë, u shfaq (me videocall) sot në Tiranë si investitor strategjik, i cili me projektet që ka marrë përsipër në Shqipëri dhe Serbi po e prezanton veten si “shpëtimtari” që po ndërlidh një rajon – që ka dalluar për konflikte – drejt një të ardhme të begatë.

Por prezantimi i tij nuk tha gjë për transparencën, konkurrencën, trashëgiminë kulturore dhe çështjet e mjedisit, pika këto të mbrojtura dhe promovuara fort nga Bashkimi Evropian.

Në samitin e “Future Investment Initiative (FII) Institute” të quajtur “FII Priority Europe Tirana 2025” – një platformë globale që synon promovimin e dialogut ndërkombëtar mbi investimet dhe zhvillimin ekonomik – Kushner nuk u paraqit fizikisht sikurse pritej, por foli përmes një thirrjeje videofonike.

Ai u shfaq si themeluesi dhe drejtori i Affinity Partners, e cila në Shqipëri ka marrë statusin e investitorit strategjik për ndërtimin e dy komplekseve turistike me qindra vila dhe hotele në Zvërnec dhe Sazan.

Kushner foli për horizontin e investimeve “në një Shqipëri të bashkuar me një treg në rritje si Ballkani”. Prezantimi si folës në Tiranë vjen rreth një vit pasi projektet e tij në Serbi dhe Shqipëri kanë ngjallur shqetësime.

Projekti $500 milionësh për të ndërtuar tre kulla 30 katëshe në truallin e ish-Shtabit të Përgjithshëm dhe Ministrisë së Mbrojtjes – bombarduar nga NATO në vitin 1999 – është vënë në pikëpyetje këtë javë pasi rezultoi se dy godinave iu hoq statusi si monumente kulture përmes një ekspertize të falsifikuar.

Administrata e Presidentit Vucic e ka justifikuar “marrëveshjen Kushner” me idenë e rritjes së investimeve të huaja dhe se qeveria do të përfitojë 22.5% të të ardhurave nga projekti, ndërsa dhëndri i Trump do të përfshijë në ndërtimin e “Trump Hotel” një memorial për viktimat e bombardimeve të NATO-s dhe një muze kushtuar historisë së ish-ministrisë.

Por, aty ku disa shohin investime, të tjerë shohin përfitime mbi traumat kolektive dhe trashëgiminë historike. Përballë kritikave nga opozita dhe opinioni publik serb se “po jepet truall për influencë politike”, qeveria serbe është mbrojtur duke thënë se trualli “nuk është shitur, por dhënë në përdorim për 99 vjet”.

Godinat, të cilat mbartin vlerë arkitektonike të stilit modernist, janë përfshinë në listën e organizatës Europa Nostra mes 7 ndërtesave historike më të rrezikuara në Evropë.

Rasti kujton qasjen që u ndoq me Teatrin Kombëtar në Shqipëri, i cili gjithashtu qe përfshirë në listën e Europa Nostra. Ndërtesës iu hoq statusi monument kulture, dhe pas dy vitesh protesta, me një akt-ekspertimi të kontestuar – pa oponencë teknike – mbrëmjen e 14 majit 2020, Këshilli Bashkiak i Tiranës votëbesoi me email shembjen e tij.

Në këtë kontekst, ajo që po ndodh në Beograd me projektet e Kushner, dhe e shkuara aspak pozitive me procedurat e ndjekura për projektet e mëdha të infrastrukturës dhe investimeve publike në Shqipëri, vjen si paralajmërim i asaj që po i afrohet brigjeve të Zvërnecit dhe ishullit të Sazanit:

Dy resorte gjigande me të paktën 10 mijë dhoma, të cilat do të ndërtohen pavarësisht shkeljeve të mundshme në procedura dhe ligje.

Në janar, Citizens.al shpjegoi se si Kushner siguroi të drejtën për të zhvilluar Sazanin nëpërmjet një procesi që ngjan më shumë si manovër politike për të fituar përkrahjen e familjes dhe Presidentit amerikan, Donald Trump, sesa garë transparente për zhvillimin e turizmit.

Nga një “vizitor” i ftuar nga autoritetet shqiptare, brenda pak muajve Kushner u shndërrua në “investitor strategjik”, ndërkohë që legjislacioni për zonat e mbrojtura ndryshoi me urgjencë për të lejuar ndërtimet në territore të ndjeshme ekologjikisht siç është zona e Zvërnecit dhe Sazanit.

Pjesëmarrja e Kushner si folës kryesor në forumin e investimeve këtë fundjavë në Shqipëri konfirmon se projektet e tij kanë mbështetje politike të nivelit të lartë në Shqipëri dhe Serbi.

Ai zbuloi se nisma për të investuar në Sazan dhe Zvërnec i erdhi pasi takoi Ramën në një vizitë turistike në vitin 2021 dhe mori dijeni për ndërtimin e Aeroportit të Vlorës, e cila ishte një incentivë për projektin e madh turistik jo shumë larg tij.

Ishulli i Sazanit përmban monumente natyrore si “Barriera koralore e grykës së Djallit” dhe “Faleza e Sazanit”, të cilat janë të mbrojtura me ligj. Ndërtimi në këtë zonë ngre pikëpyetje mbi ruajtjen e pasurisë natyrore dhe ndikimin në ekosistemet lokale.

“Zona është 60 milje larg nga Italia, 60 milje larg nga Korfuzi dhe një aeroport po ndërtohet jo shumë larg, kështu që është një mundësi fantastike investimi,” tha Kushner, sipas së cilit mjedisi në zonë do të ruhet. Megjithatë ai nuk tregoi aspekte konkrete se si do ta bënte këtë.

Por a është kjo ajo që i duhet Shqipërisë, një vendi që pret të integrohet në BE?

Çështja nuk është vetëm për luksin që pretendon të sjellë Kushner, i cili tregoi se familjarisht do të ketë një rezidencë në zonën ku po investon në Shqipëri. Është për precedentët që po konfirmohen: Zhvillimi i zonave të mbrojtura pa konsultim publik, në mungesë të plotë transparence në procesin e përzgjedhjes së investitorëve, dhe lidhjet e dyshimta mes interesave të politikës dhe kapitalit ndërkombëtar.

Për Shqipërinë, rasti i Sazanit dhe Zvërnecit nuk është thjesht çështje turistike, por një provë për integritetin e institucioneve të saj përballë rasteve që përsëriten: Aeroporti i Vlorës, Marina e Vlorës, Marina e Durrësit dhe në horizont Divjaka apo zonat e mbrojtura në male të kërcënuara nga e ashtuquajtura “Paketa e Maleve”.

Prej vitit 2024 kur Kushner bëri publik projektet, pak ose aspak është bërë me dije nga autoritetet shqiptare. Prej janarit 2025 kur u mësua se Kushner mori statusin 10-vjeçar të investitorit strategjik nuk dihet gjë për vijimin e procedurave të mëtejshme.

Palët do të duhet të vendosnin për mënyrën se si do t’i jepen Kushnerit mbi 45 hektarë truall dhe formulën e partneritetit publik-privat, – me gjasë do të zbatohet formula që i dha rreth 80 hektarë të Portit të Durrësit projektit me plot dritë-hije “Durrës Yacht & Marina” të Mohamed Alabbar ku Autoriteti Portual Durrës mbajti 33% të aksioneve – por nga qeveria dhe Korporata e Investimeve nuk ka transparencë nëse është arritur ndonjë marrëveshje dhe nëse po, cila është ajo.

Në regjistrat e qeverisë është dhe shembulli i keq i “Marina di Valona”, ku sipërmarrësit Geront Çela iu dha statusi i investitorit strategjik dhe mundësia për të privatizuar 5.75 hektarë të portit të Vlorës përmes ligjit kontrovers “Shqipëria 1 euro”.

Nëse historia e këtyre projekteve përsëritet – dhe gjasat janë që të ndodhë – atëherë kjo nuk është më rastësi, por një strategji që kërkon të zhbëjë përfundimisht kufijtë mes privatit dhe publikes, fitimit dhe përgjegjësisë, kufij shumë larg “begatisë” që Kushner prezantoi në platformën “FII Priority Europe Tirana 2025”, kufij të një praktike korruptive ndikimi për influenca dhe pushtet.

Lexoni gjithashtu:

• Nga vizitor në investitor strategjik, si e siguroi Sazanin Jared Kushner
• Kur natyra përballet me betonin: Çmimi i lartë i Aeroportit të Vlorës
• Si i fali qeveria €23 mln investitorit te Marina e Vlorës

The post Kushner, Rama, Vuçiç: Trekëndësh interesash në kurriz të publikes appeared first on Citizens.al.

Presidenti i Serbisë, Aleksandar Vuçiç, deklaroi të premten, një ditë para protestës në Beograd të thirrur nga studentët protesues, se “Serbia nuk e ka pranuar ultimatumin”. “Shteti serb është përballur shumë herë me ultimatume nga fuqitë e mëdha të huaja. Edhe kësaj radhe, fuqitë e huaja na kanë dërguar ultimatum përmes bashkëpunëtorëve të tyre vendas. […]

The post Vuçiç u drejtohet studentëve protestues: Ultimatumi juaj nuk është pranuar! appeared first on BoldNews.al.

Presidenti i Serbisë, Aleksandar Vuçiç, deklaroi më 23 qershor se Serbia “nuk është duke eksportuar” më armë. I pyetur nga gazetarët nëse Serbia ka zgjedhur anë në konfliktin Izrael–Iran përmes eksportit të municionit drejt Izraelit, Vuçiq tha se shteti “ka pezulluar të gjitha eksportet” dhe se municionin po e dërgon vetëm në kazermat e ushtrisë serbe.

“Ne tani nuk eksportojmë asgjë. I kemi ndalur të gjitha dhe, nëse do të lejohet diçka, duhet të merren vendime të posaçme dhe të veçanta. Pastaj, do të shohim si do të veprojmë, në përputhje me interesat e Serbisë. Organet më të larta shtetërore do të informohen për këtë”, tha Vuçiç.

Pas mbledhjes së kolegjiumit të zgjeruar të shefit të Shtabit të Përgjithshëm të Ushtrisë së Serbisë, Vuçiq tha se “është një gjë” fakti që Serbia, pas sulmit të Hamasit ndaj Izraelit më 7 tetor 2023, e kishte lejuar eksportin e municionit drejt asaj shteti.

“Por, situata sot është ndryshe. Ne tani i kemi ndalur në mënyrë të plotë të gjitha [eksportet] dhe i dërgojmë vetëm për ushtrinë tonë”, shtoi ai.

Duke iu përgjigjur kritikave për eksportin e armëve, Vuçiq tha se kujdeset për sigurinë e shtetit, por edhe për punëtorët në industrinë e mbrojtjes, ku prodhohet municioni që Serbia më herët e eksportonte jashtë vendit. Ai shtroi pyetjen se “kush është ai përdorues i lejuar final” për armët dhe pajisjet ushtarake.

“Nuk bënë në Azi, as në Afrikë, as në Evropë, as në Amerikë. Ku doni, në Antarktidë ta eksportojmë municionin?” pyeti Vuçiq me ironi.

“Sepse, e kemi parë që është shfaqur [municioni] në Ukrainë, nga të dyja palët. Të dyja anët ankohen. Dhe, për të ndryshuar diçka, mund vetëm në këtë mënyrë – që të them: të gjithë municionin, për një periudhë, vetëm për kazermat tona”, theksoi ai.

Duke folur për konfliktin Izrael–Iran, Vuçiq tha se Serbia dëshiron paqe në Lindjen e Afërt dhe të Mesme.

“Për ne, edhe Izraeli edhe Irani janë vende mike”, shtoi ai. Vuçiq po ashtu tha se është në kontakt me presidentët e Iranit dhe Izraelit.

Ai theksoi se Serbia dëshiron marrëdhënie sa më të afërta dhe partneritet strategjik me Shtetet e Bashkuara, por vlerësoi se “nuk ka asnjë dyshim se është shkelur e drejta ndërkombëtare” me sulmin ndaj caqeve në Iran.

Kosova e Shqipëria mbështesin SHBA-në
Kryeministri në detyrë i Kosovës, Albin Kurti, tha se Kosova përkrah qëndrimin e SHBA-së dhe BE-së ndaj programit bërthamor të Iranit, pas sulmit të SHBA-së ndaj objekteve bërthamore iraniane.

Ai theksoi se siguria ndërkombëtare ka nevojë për më pak armatim bërthamor dhe se mbështet SHBA-në si partnere të pazëvendësueshme dhe superfuqi demokratike që duhet mbështetur.

Kryeministri i Shqipërisë, Edi Rama, tha se Irani nuk është thjesht një shtet tjetër me ambicie bërthamore, por një regjim teokratik i armatosur me retorikë apokaliptike dhe thirrje për shkatërrimin e kombeve të lira.

Ai tha se Shqipëria, si vend që ka dalë nga një regjim ateist dhe si partnere strategjike e SHBA-së, qëndron fuqishëm në mbështetje të përpjekjeve të presidentit Trump për të parandaluar që regjimi në Teheran të pajiset me armë bërthamore.

Izraeli nisi më 13 qershor një sulm ndaj Iranit, duke goditur disa lokacione, përfshirë objekte bërthamore dhe zona të banuara në Teheran, ku u vranë disa komandantë të lartë të Gardës Revolucionare Islamike të Iranit (IRGC), shkencëtarë bërthamorë dhe civilë. Irani reagoi duke lëshuar dronë dhe raketa balistike drejt qendrave ushtarake dhe bazave ajrore në Izrael.

SHBA u përfshinë në konflikt më 22 qershor. Presidenti Donald Trump njoftoi se bombarduesit amerikanë kishin goditur tri objekte bërthamore iraniane.

Ministri i Jashtëm i Iranit deklaroi se, pas sulmeve amerikane, diplomacia “nuk është më një opsion”.

Sipas të dhënave nga Ministria e Shëndetësisë së Iranit, të paktën 430 persona janë vrarë në sulmet izraelite që nga fillimi i konfliktit. Në Izrael, sipas të dhënave zyrtare, kanë humbur jetën të paktën 24 persona si pasojë e sulmeve iraniane. REL/

The post Vuçiç: Serbia e ka ndalur eksportin e armëve appeared first on Sot News | Lajme.

Vuçiç po komentonte sulmin ndaj Milosh Pavloviç, përfaqësues i lëvizjes “Studentët që duan të mësojnë”, duke e krahasuar me një incident të mëparshëm në Novi Sad, ku një studente u sulmua dhe iu thye nofulla, raportohet në mediat vendase.

Presidenti i Serbisë, Aleksandar Vuçiç, u largua i irrituar nga një konferencë për mediat pas një debati të tensionuar me gazetarët. Shkak për reagimin e tij u bë një pyetje që nuk i pëlqeu, duke e shtyrë atë të mbante një ton kritik dhe moralizues ndaj përfaqësuesve të mediave.

Kur gazetarët tentuan të reagojnë, duke theksuar se edhe ata mund të japin shpjegime, presidenti i ndërpreu ashpër dhe u qortoi për sjelljen e tyre.

“Më shpjegoni pse ata djem në Novi Sad qëndruan katër muaj në paraburgim, ndërsa këta që vepruan në mënyrë të organizuar, me qëllim dhe me vetëdije, përballen vetëm me akuza për pakujdesi…”, u shpreh Vuçiç me tone të ashpra.

“Ju ende mendoni se kjo është për të qeshur. Ju, nga N1 dhe Nova S. Unë jo. Mësohu të sillesh më mirë, bir. Sjellje elementare. Nuk do të ishte keq,” tha ai me nervozizëm të dukshëm.

The post “Mësoni të silleni”/ Presidentit serb Vuçiç përplaset me gazetarët, braktis konferencën për shtyp appeared first on Sot News | Lajme.

Në një moment kritik gjeopolitik, Bashkimi Evropian e gjen veten duke lundruar nëpër kriza në shumë fronte. Në Ukrainë, ndikimi i tij mbetet dytësor ndaj atij të SHBA-së dhe Rusisë; tensionet me Kinën janë përshkallëzuar në një luftë të plotë tregtare; dhe paqëndrueshmëria e ripërtërirë në Lindjen e Mesme vazhdon ta lërë mënjanë BE-në si […]

The post Dialogu Kosovë-Serbi: Një test për ambiciet gjeopolitike të BE-së appeared first on Reporter.al.

Gjatë vizitës së tij në Beograd, Ministri i Jashtëm Hakan Fidan u takua të hënën me Presidentin serb Aleksandar Vuçiç. Pas takimit, Vuçiç postoi në rrjetet sociale se ishte i kënaqur që priste Fidanin dhe theksoi rëndësinë që Serbia i jep marrëdhënies së saj me Turqinë për stabilitetin rajonal. Vuçiç i përshkroi marrëdhëniet dypalëshe si të karakterizuara nga dialogu aktiv politik dhe bashkëpunimi i gjerë në fusha duke përfshirë ekonominë, energjinë, turizmin, kulturën dhe arsimin.

Ai përshëndeti angazhimin e Turqisë për të marrë pjesë në Ekspozitën Botërore 2027 në Beograd, duke e quajtur atë një shenjë të partneritetit të fortë dhe besimit të ndërsjellë midis dy kombeve.

“Serbia i kushton rëndësi të veçantë marrëdhënieve të saj me Turqinë, e cila mbetet një lojtar kyç në stabilitetin rajonal”, tha Vuçiç. Fidan u takua gjithashtu me Ministrin e Jashtëm serb Marko Djuriç dhe disa figura politike serbe në ambasadën turke në kryeqytet. Këta përfshinin Rasim Ljajiç, kryetar të Partisë Social Demokratike; Usame Zukorliç, kryetar i Partisë për Drejtësi dhe Pajtim dhe ministër për pajtim, bashkëpunim rajonal dhe stabilitet social; dhe Ahmedin Skrijelj, anëtar i parlamentit që përfaqëson Partinë e Veprimit Demokratik të Sanxhakut nga Novi Pazari.

The post “Turqia një lojtar kyç në stabilitetin rajonal”/ Ministri i Jashtëm Fidan takohet me presidentin Vuçiç appeared first on Sot News | Lajme.

Gjatë një tubimi të partisë së tij në Nish, presidenti serb Aleksandar Vuçiç iu drejtua nga skena trajnerit të ekipit kombëtar serb të futbollit, Dragan Stojkoviç Piksi, duke e falënderuar që nuk e fshehu mbështetjen e tij, ndryshe nga shumë të tjerë.

“Shumë njerëz nga Nishi harrojnë se çfarë është bërë. E pashë pak më parë dhe tani e shoh që është këtu, ju lutem duartrokitni fort trajnerin serb Dragan Stojkoviç Piksi, një legjendë e Nishit, i cili nuk u fsheh si shumë të tjerë dhe erdhi të jetë me ne sonte. Në qershor ose korrik do të luani atje kundër Shqipërisë, shkoni për t’i mposhtur ata”, tha Vuçiç nga skena.

Gjatë asaj kohe, Stojkoviç i buzëqeshi dhe përtypi çamçakëz, ndërsa kamerat ishin të drejtuara nga ai.

Kujtojmë që pak ditë më parë Vuçiç mori pjesë në samitin e Tiranës, ku u ul në tryezë me liderët e Europës dhe u prit nga Kryeministri i Shqipërisë, Edi Rama

Deklarata e Presidentit vjen pikërisht në prag të ndeshjes Shqipëri-Serbi, që do të zhvillohet më 7 qershor, një përballje gjithmonë e ndjeshme për shkak të historisë.

LEXONI GJITHASHTU:

• UEFA zyrtarizon stadiumin për ndeshjen Shqipëri-Serbi, ku do luhet derbi i Ballkanit
• “Mundësi e mirë për të sjellë ndryshime”, flet Vuçiç nga Samiti në Tiranë

The post VIDEO/ “Shko në Shqipëri dhe mposhti ata”, kërkesa e Vuçiç për trajnerin e Serbisë appeared first on Euronews Albania.

Presidentja e Komisionit Evropian, Ursula von der Leyen, ka mbërritur në Tiranë për të marrë pjesë në takimin e Komunitetit Politik Evropian, i pari që mbahet në Ballkanin Perëndimor.

Përmes një postimi në rrjetin social X, von der Leyen publikoi një foto nga Tirana, të cilën e shoqëroi me një mesazh simbolik:

“Çfarë simboli i fuqishëm. Familja jonë evropiane e vlerave shtrihet përtej kufijve të Bashkimit Evropian. Ne ndajmë një kontinent. Dhe një të ardhme të përbashkët.”

Në fotografinë e publikuar shfaqen dhe presidenti i Shqipërisë, Bajram Begaj, kryeministri Edi Rama, presidentja e Kosovës, Vjosa Osmani, presidenti i Serbisë, Aleksandar Vuçiç, dhe kryediplomatja e Bashkimit Evropian, Kaja Kallas. Kallas e kritikoi publikisht Vuçiç një javë më parë, duke theksuar se shtetet anëtare të BE-së kanë shumë pyetje për presidentin serb, veçanërisht lidhur me atë se kush është vërtet mik i Serbisë.

Ndërkohë, Zyra e Presidentes së Kosovës e ka cilësuar vizitën e Vuçiçit në Moskë si “të kundërt me vlerat dhe parimet euro-atlantike”.

Prania e Vuçiçit ka tërhequr vëmendje të veçantë, pasi ai mori pjesë vetëm disa ditë më parë në paradën e fitores në Moskë, ku u takua me presidentin rus Vladimir Putin dhe homologun kinez Xi Jinping. Kjo vizitë ka ngjallur kritika nga Perëndimi.

Megjithatë, presidenti serb ka deklaruar së fundmi se “Serbia mbetet e përkushtuar ndaj planit të saj për t’u bashkuar me Bashkimin Evropian dhe dëshiron të përshpejtojë përpjekjet për anëtarësim.”

Statusi i plotë i Ursula von der Leyen

“Në Tiranë për takimin e Komunitetit Politik Evropian.

Ky është i pari në Ballkanin Perëndimor.

Çfarë simboli i fuqishëm.

Familja jonë evropiane e vlerave shtrihet shumë më tej se kufijtë e Bashkimit Evropian.

Ne ndajmë një kontinent. Dhe një të ardhme të përbashkët”, shkruan Ursula von der Leyen.

Axhenda e Samitit

Tirana mirëpret sot Samitin e 6-të të Komunitetit Politik Evropian, një ngjarje me rëndësi të veçantë që mbledh në kryeqytetin shqiptar 47 liderë nga e gjithë Evropa.

Samiti, i organizuar nga Presidenti i Këshillit Evropian António Costa dhe Kryeministri i Shqipërisë Edi Rama, zhvillohet në sheshin “Skënderbej”, nën moton:

“Evropa e re në një botë të re: unitet, bashkëpunim, veprim i përbashkët.”

LEXONI GJITHASHTU:

• Njoftim për qytetarët, rrugët që do të bllokohen për samitin e 16 majit në Tiranë
• Samiti i Tiranës, zbardhet agjenda e takimit të 6 të Komunitetit Politik Evropian

The post Vuçiç, Osmani, Begaj, Rama e von der Leyen në një foto, simbolika e fortë nga Tirana appeared first on Euronews Albania.

Gjendja shëndetësore e presidentit serb, Aleksandar Vuçiç, është stabile dhe e kënaqshme, pas kontrolleve të kryera në spitalin ushtarak në Beograd. Kështu deklaroi Dragan Dinçiq, kardiolog në këtë spital. Vuçiq, siç është konfirmuar nga Dinçiq, ishte sëmurë gjatë vizitës në Shtetet e Bashkuara dhe menjëherë kishte marrë ndihmë mjekësore. Pas kontrollit shëndetësor, ai kishte vendosur […]

The post I shtruar në spital, ja si është gjendja e Vuçiç appeared first on BoldNews.al.

Presidenti i Serbisë, Aleksandar Vuçiç, është shtruar në Spitalin Ushtarak në Beograd më 3 maj, raportojnë mediat në Beograd. Paraprakisht, Vuçiç ishte sëmurë gjatë vizitës në Shtetet e Bashkuara. Ai ishte kontrolluar nga mjekët dhe pas kontrollit kishte vendosur të kthehej në Serbi, sipas transmetuesit publik serb, RTS.

Vuçiç gjatë qëndrimit në SHBA u takua me ish-kryetarin e Nju Jorkut, Rudy Giuliani. Ai ishte paraparë që të takohej me disa zyrtarë të lartë të Partisë Republikane, para se të ndërpriste vizitën në SHBA. I dërguari i presidentit amerikan për Misione të Posaçme, Richard Grenell, i ka uruar shërim të shpejtë Vuçiçit, pasi udhëheqësi serb ndërpreu vizitën papritur.

Në një postim në X, Grenell po ashtu ka shprehur keqardhje që nuk ka mundur të takohet me udhëheqësin serb. Sipas agjencisë Tanjug, Vuçiç u sëmurë teksa po përgatitej për takimet me kongresistë amerikanë. Zyra e Presidencës serbe ka raportuar se në ditët në vijim publiku do të informohet me detaje lidhur me shëndetin e Vuçiçit.

Vizita e Vuçiçit në SHBA u zhvillua disa ditë para se ai të marrë pjesë në Ditën e Fitores në Moskë më 9 maj. Kjo vizitë e tij në Rusi është kritikuar nga Bashkimi Evropian. Serbia, që ka raporte të mira me Rusinë, deri më tani nuk ka vendosur sanksione ndaj Moskës për shkak të pushtimit të Ukrainës.
Bashkimi Evropian disa herë i ka bërë thirrje Serbisë, shtet që synon të antarësohet në bllok, që të harmonizojë politikën e jashtme me atë të Brukselit./REL

The post U sëmur gjatë vizitës në SHBA dhe u kthye në Serbi, Vuçiç shtrohet në spitalin ushtarak në Beograd appeared first on Sot News | Lajme.

Presidenti i Serbisë, Aleksandar Vuçiç, është shtruar në Spitalin Ushtarak në Beograd. Vuçiç u sëmur gjatë vizitës në Shtetet e Bashkuara. Ai ishte kontrolluar nga mjekët dhe pas kontrollit kishte vendosur të kthehej në Serbi, sipas transmetuesit publik serb, RTS. Vuçiç gjatë qëndrimit në SHBA u takua me ish-kryetarin e Nju Jorkut, Rudy Giuliani. Ai ishte paraparë që të takohej me disa zyrtarë të lartë të Partisë Republikane, para se të ndërpriste vizitën në SHBA. I dërguari i presidentit amerikan për Misione të Posaçme, Richard Grenell, i ka uruar shërim të shpejtë Vuçiçit, pasi udhëheqësi serb ndërpreu vizitën papritur.

Në një postim në X, Grenell po ashtu ka shprehur keqardhje që nuk ka mundur të takohet me udhëheqësin serb. Sipas agjencisë Tanjug, Vuçiç u sëmurë teksa po përgatitej për takimet me kongresistë amerikanë. Zyra e Presidencës serbe nuk iu përgjigj kërkesës së Radios Evropa e Lirë e Lirë për koment, por RTS-ja ka raportuar se në ditët në vijim publiku do të informohet me detaje lidhur me shëndetin e Vuçiçit.

Vizita e Vuçiçit në SHBA u zhvillua disa ditë para se ai të marrë pjesë në Ditën e Fitores në Moskë më 9 maj. Kjo vizitë e tij në Rusi është kritikuar nga Bashkimi Evropian. Serbia, që ka raporte të mira me Rusinë, deri më tani nuk ka vendosur sanksione ndaj Moskës për shkak të pushtimit të Ukrainës. Bashkimi Evropian disa herë i ka bërë thirrje Serbisë, shtet që synon të antarësohet në bllok, që të harmonizojë politikën e jashtme me atë të Brukselit./REL

The post U sëmur gjatë vizitës në SHBA, Vuçiç shtrohet në spitalin ushtarak në Beograd appeared first on Lapsi.al.

Në emisionin Balkan Talks këtë të premte, në një lidhje live, foli politikani serb Nenad Çanak, i cili trajtoi situatën në Beograd dhe protestat e studentëve atje.

I pyetur nga drejtuesi i emisionit, Franko Egro, mbi mungesën e reagimit nga Kisha Ortodokse Serbe ndaj protestave, Çanak tha se kjo është një çështje delikate për institucionin fetar, i cili ndodhet mes presionit politik dhe interesave financiare.

“Kisha Ortodokse Serbe ndodhet në një situatë problematike. Nëse mbështet studentët, do të humbasë të ardhura të mëdha që regjimi po i jep për ta pasur në anën e vet. Nga ana tjetër, një mbështetje e hapur për qeverinë do të bënte që Kisha të humbasë shumë besimtarë,” tha Çanak.

Ai theksoi se studentët janë një grup i vështirë për t’u manipuluar.

“Nuk mund t’i gënjesh, nuk mund t’i korruptosh dhe nuk mund t’i pajtosh. Ata janë fëmijë të dikujt, nipa të dikujt tjetër, dhe familjet e tyre i mbështesin. Në këtë moment, të gjithë po mbrojnë fëmijët e tyre dhe kjo mbrojtje ka bashkuar Serbinë pas dekadash ndarjeje,” shtoi ai.

Sipas Çanakut, heshtja e Kishës Ortodokse Serbe është një strategji pritjeje për të parë se si do të zhvillohet situata politike në vend.

LEXONI GJITHASHTU:

• Politikani Nenad Çanak analizon situatën në Serbi: Tubimi i 9 marsit, vendimtar
• Vuçiç dhe Dodik takohen në Beograd për të ardhmen e Serbisë dhe Republikës Sërpska

The post Nenad Çanak: Pse Kisha Ortodokse Serbe nuk reagon ndaj protestave appeared first on Euronews Albania.

Gjithnjë e më shumë njerëz në Serbi po kërkojnë ndryshime. Vuçiç ka hedhur poshtë kërkesat për dorëheqje. Aktivistët po përgjohen me pajisje nga Zvicra.

Nga Fabian Eberhard, kryeredakotor i “Blick”

Kriza politike në Serbi po thellohet. Të martën e kaluar kryeministri i Serbisë Millosh Vuçeviç dha dorëheqjen. Ndërsa në fudjavë janë mbledhur dhjetëra mijëra demonstrues në Novi Sad, për të shënuar tremujorin e vdekjes së 15 personave nga shembja e një kulmi në një stacion të trenit në këtë qytet. 

Kryeministri dha dorëheqje pas protestave të shumta, por kjo nuk ka gjasa të kënaqë lëvizjen e protestës, studentët dhe qindra mijëra njerëz të tjerë që po protestojnë prej tre muajsh. Studentët dhe demonstruesit kërkojnë më shumë – ata kërkojnë reforma të thella dhe shpresojnë ndryshimin e politikës në Serbi, e cila është e afërt me Rusinë.

Përgjimet e regjimit të Vuçiçit

Presidenti i Serbisë, Aleksandar Vuçiç është kapur pas pushtetit dhe po përdor metoda jashtëzakonisht të diskutueshme në përpjekje për të ndalur protestat dhe evituar rënien e tij. Në fund të vitit 2024, organizata për të drejtat e njeriut Amnesty International dhe rrjeti investigativ BIRN njoftuan se qeveria e tij po monitoronte aktivistët dhe gazetarët.

Sipas analizës së të dhënave, autoritetet serbe kanë instaluar ilegalisht spyware në dhjetëra telefona të kritikëve të regjimit. Programet e vëzhgimit shkarkonin foto dhe mesazhe me tekst, dhe përgjonin mikrofonat e shikonin kamerat e kundërshtarëve të Vuçiçit. Ministria e Brendshme e Serbisë dhe shërbimi inteligjent (BIA) i kanë hedhur poshtë akuzat si “të pakuptimta” dhe “të pasakta”. Por dyshimet kanë mbetur.

Teknologji spiunazhi me vlerë dy milionë franga

Hulumtimet e fundit tregojnë se qeveria serbe po mbështetet edhe tek teknologjitë zvicerane për operacionet e saj të spiunimit. Në vitin 2023, autoritetet zvicerane miratuan dërgimin në Serbi të të ashtuquajturave IMSI-catchers, me një vlerë prej gati dy milionë franga.

Këto pajisje shumë të sofistikuara mundësojnë zbulimin e vendndodhjes, përgjimin dhe monitorimin e telefonave celularë. Këto janë pajisje që mund të përdoren për të lexuar Identitetin Ndërkombëtar të Pajtimtarit celular (IMSI) nga karta SIM e një telefoni celular dhe për të përcaktuar vendndodhjen e tij brenda një qelize specifike të rrjetit celular.

Zakonisht përdoret në luftën kundër krimit.

Sekretariati Zviceran për Çështjet Ekonomike (Seco) konfirmoi dorëzimin e këtyre pajisjeve. Sipas zëdhënësit Fabian Mayenfisch, pajisjet e vëzhgimit u eksportuan në institucionet shtetërore në Serbi. Ai nuk ka specifikuar, por me siguri ka qenë Ministria e Punëve të Brendshme apo shërbimi inteligjent BIA. Nuk dihet gjithashtu se cila kompani zvicerane e ka zbatuar kontratën.

Shitja e teknologjisë zvicerane të vëzhgimit shtetit serb është e diskutueshme. Rregullorja për eksportin dhe ndërmjetësimin e mallrave për mbikëqyrje të internetit dhe celularëve ndalon shpërndarjen nëse ekziston dyshimi i arsyeshëm se teknologjia do të përdoret për shtypje në vendin e përdoruesit përfundimtar.

Sot eksportet ndoshta do të refuzoheshin

Për vendimin për eksportimin e IMSI, Seco u konsultua me Ministrinë e Punëve të Jashtme (EDA), Ministrinë e Mbrojtjes (VBS) dhe shërbimin e inteligjencës (NDB). Në fund qeveria dha dritën jeshile. Zëdhënësi i Seco, Mayenfish tha: “Gjatë shqyrtimit individual nuk kishte prova të mjaftueshme që përdoruesi do ta përdorte këtë teknologji për presione e shtypje.”

LEXO EDHE: Si funksionon IMSI-Catcher, pajisja e përgjimit që ndodhet në Tiranë

Sot ndoshta vendimi do të ishte ndryshe. Dëshmia se autoritetet në Serbi po përdorin spyware kundër kritikëve të regjimit tani janë shumë të qarta. Aktivistët dhe gazetarët u thirrën në polici për të ashtuquajturat “intervista informative”, një praktikë e kohës së komunizmit në të cilën personazhet e opozitës u morën në pyetje pa një arsye të qartë. Sipas një raporti të Amnesty International, nga policia u përdor edhe softueri izraelit Pegasus, si dhe softueri serb i vëzhgimit Novispy.

Tani ka mbetur vetëm Vuçiç

Presidenti i Serbisë Aleksandar Vuçiç po qeveris gjithnjë e më shumë duke përdorur metoda autoritare. Media, gjyqësori dhe administrata janë kryesisht nën kontrollin e besnikëve të tij. Por protestat e nisura tre muaj më parë tani po e kërcënojnë seriozisht edhe atë. Vendi është dëshmitar i demonstratave më të mëdha që nga kryengritja kundër Slobodan Millosheviçit në vitin 2000.

Vuçiç, i cili ka qenë në pushtet në funksione të ndryshme që nga viti 2012, ka akuzuar protestuesit se janë nën kontrollin e shërbimeve të huaja inteligjente. Me tërheqjen e kryeministrit Millosh Vuçeviç, qeveria serbe shpreson të qetësojë opozitën. A do të ndihmojë kjo sakrificë e kryeministrit? Pas dorëheqjes së tij, protestat kanë vazhduar. Lëvizja protestuese ka vetëm një fajtor për situatën në vend: Aleksandar Vuçiçin. /Lapsi.al, Blick.ch

The post Zvicra i ka shitur Serbisë teknologji për përgjime, Vuçiç po e përdor ndaj opozitës appeared first on Lapsi.al.

“Derisa unë të jem Presidenti, Serbia nuk do ta njohë shtetin e Kosovës”. Ky është premtimi që ka bërë Presidenti i Serbisë, Aleksandar Vuçiç.

I pranishëm me të rinjtë e forumit të Partisë Progresiste serbe, Vuçiç kërkoi të justifikonte politikat e tij përballë protestave masive të cilat kanë prekur së fundmi Beogradin. Për Beogradin, fajtori duhet gjetur tek faktori i jashtëm.

“Ata po e bëjnë për tre arsye. E para është sepse ata duhet të përpiqen t’i mbarojnë gjërat rreth Kosovës sa më shpejt që të jetë e mundur. Po e theksoj, derisa unë të jem President, ne nuk do ta njohim pavarësinë e Kosovës me asnjë çmim. Ata kanë nevojë për këtë në mënyrë që t’i thonë Putinit të mos i referohet precedentit të Kosovës kur flisni për Zaporizhian dhe Khersonin sepse kemi bërë një marrëveshje dypalëshe mes Beogradit dhe Prishtinës”, tha Vuçiç.

Presidenti i Serbisë ka vlerësuar se ndërhyrja më brutale në punët e brendshme të Serbisë po bëhet nga rajoni, sepse i shqetëson që Serbia po rritet ekonomikisht më shpejt se të gjithë dhe se nuk është më njësoj siç ishte midis 2000 dhe 2012.

“E ardhmja, jo e shkuara, nuk është diçka që vlen vetëm për të rinjtë, vlen për të gjithë njerëzit në vendin tonë. Edhe sot, kur shumë do të donin të na kthenin në të kaluarën dhe për këtë kanë një mbështetje të madhe nga jashtë dhe për këtë do të merrni shumë prova. Është koha të tregojmë vendosmëri, të tregojmë guxim, të tregojmë aftësi dhe të tregojmë patriotizmin, për të treguar se sa e duam vendin tonë, sa e duam atdheun tonë”, theksoi Vuçiç.

Pozitat e Vuçiç në krye të shtetit serb janë lëkundur së fundmi për shkak se qindra persona po pretestojnë për largimin e tij nga posti. Studentë universiteti u mblodhën në Beograd të mërkurën për të protestuar ndaj politikave të Presidentit Aleksandar Vuçiç dhe partisë së tij në pushtet, të cilët ata i fajësojnë për katastrofën hekurudhore muajin e kaluar, në të cilën vdiqën 15 njerëz.

The post Protestat në Serbi/ Vuçiç mbron politikat dhe refuzon njohjen e Kosovës appeared first on Sot News | Lajme.

PRISHTINË, 23 dhjetor/ATSH/ Gjykata Kushtetuese e Kosovës më 23 dhjetor 2015 ka marrë vendim në lidhje me asociacionin/bashkësinë e komunave me shumicë serbe.

Kërkesa për përputhshmërinë e parimeve të kësaj marrëveshjeje u dërgua në Kushtetuese nga presidentja e atëhershme Atifete Jahjaga, pasi në marrëveshjen e vitit 2015 në Bruksel mes kryeministrit të atëhershëm Isa Mustafa dhe presidentit të Serbisë, Aleksandër Vuçiç, ishte futur edhe që pikë të shkojë në Gjykatën Kushtetuese për vlerësim.

Në vendimin e Kushtetueses thuhej që parimet e përgjithshme nuk janë tërësisht në përputhshmëri me frymën e Kushtetutës, duke e bazuar këtë në nenin 3 të saj dhe me të drejtat e komuniteteve në Kushtetutën e Kosovës.

“(Gjykata Kushtetuese) konstaton që akti juridik i Qeverisë së Republikës së Kosovës dhe Statuti që implementon Parimet, për të qenë në pajtueshmëri me frymën e Kushtetutës, me nenin 3 paragrafi 1, me Kapitullin II dhe III, duhet të plotësojnë standardet kushtetuese dhe duhet të jenë në pajtueshmëri posaçërisht me nenet 3, 7, 12, me Kapitullin II Të Drejtat dhe Liritë Themelore, me nenet 21 dhe 44, me Kapitullin III: Të Drejtat e Komuniteteve dhe Pjesëtarëve të tyre”, thuhet në vendim.

Asociacioni është ende në diskutim e sipër mes palëve.

/KosovaPress/

The post Kushtetuesja para 9 vjetësh vendosi për Asociacionin appeared first on Agjencia Telegrafike Shqiptare.

Nga Besar Likmeta, Goce Trpkovski, dhe Xheneta Murtezaj Agim Sina ka kaluar të gjithë jetën e tij në brigjet e Lumit Drin i Zi, njësoj si paraardhësit e tij, duke nxjerrë jetesën nga frutat, misri, tërfili dhe gruri që prodhon në fshatin e tij Rreth Kale. Gjashtëdhjetë e pesë vjeçari Sina u përball me varfërinë […]

The post Kostum me porosi: Shqetësime mbi mënyrën e operimit në Ballkan të Bechtel, gjigandit amerikan të inxhinierisë appeared first on Reporter.al.

Organizata Amnesty International tha të hënën se shërbimi i fshehtë dhe policia e Serbisë, kanë përgjuar gazetarët dhe veprimtarët e opozitës, duke instaluar programe spiunazhi në telefonat e tyre celularë.

Raporti i grupit për të drejtat e njeriut, i mbështetur nga dëshmitë e atyre që pretendojnë se telefonat e tyre janë hakuar në muajt e fundit, thotë se programi i përgjimit është përdorur për të zhbllokuar telefonat, për të regjistruar pamje të ekranit dhe për të kopjuar listat e kontakteve, të cilat më pas u ngarkuan në një server të kontrolluar nga qeveria.

Igor Bandoviç, drejtor i Qendrës së Beogradit për Politikat e Sigurisë, tha se raporti është dëshmi se vendi ndodhet në një “burg digjital”.

“Për ne, kjo është dëshmi se Shërbimi Informativ së bashku me Ministrinë e Brendshme kanë përdorur softuer praktikisht për të gjithë ata që mendojnë ndryshe nga qeveria, që do të thotë Organizatat joqeveritare, studentët, veprimtarët dhe tani kemi prova, siç thuhet në raport, se programet e tilla janë përdorur për t’i kompromentuar këta persona, për t’i frikësuar, për t’i ngacmuar, për të shkurtuar protestat dhe gjithçka që po bënin këta njerëz në përpjekje për të luftuar për demokracinë dhe të drejtat e njeriut në këtë vend”, tha ai.

Raporti me titullin “Një Burg Digjital: Mbikëqyrja dhe Shtypja e Shoqërisë Civile në Serbi” thotë se policia serbe dhe Agjencia e fshehtë përdorën programin për të infektuar pajisjet ndërsa pronarët e tyre ishin të ndaluar ose po merreshin në pyetje nga policia.

“Ky program përdorej zakonisht pasi njerëzit arrestoheshin. Ndërsa ata po merreshin pyetje, telefonat e tyre u hakuan dhe u infektuan. Në krahasim me programet Pegasus dhe Predator që janë mjete shumë më të sofistikuara dhe që mund të aktivizohen nga distanca, në këtë rast duhet të keni kontakt fizik me telefonin e viktimës”, shpjegoi Igor Bandoviç.

Policia e Serbisë tha në një deklaratë se raporti i grupit për të drejtat e njeriut është “absolutisht i pasaktë”, por gjithashtu shtoi se “programi përdoret në të njëjtën mënyrë nga forcat e tjera policore në mbarë botën”.

Agjencia e fshehtë serbe shkroi në faqen e saj të internetit se “punon ekskluzivisht në përputhje me ligjet e Republikës së Serbisë”.

Raporti i Amnesty International u publikua në një kohë kur presidenti serb Aleksandar Vuçiç po përballet me protesta antiqeveritare në rritje që deri më tani kanë qenë kryesisht paqësore, të cilat paraqesin një nga sfidat më të mëdha në më shumë se një dekadë të sundimit të tij gjithnjë e më autokratik.

Protestat e udhëhequra nga studentë universitetesh dhe veprimtarë të opozitës pasuan shembjen e një çatie betoni në një stacion hekurudhor në qytetin e Novi Sadit me 1 nëntor, që la pas vetes 15 të vdekur.

Presidenti Vuçiç i ka akuzuar shërbimet perëndimore të zbulimit, organizatat joqeveritare dhe mediat e huaja për “luftë hibride” kundër tij dhe qeverisë së tij duke financuar ilegalisht protestat. /VOA

The post Amnesty International: Policia serbe përgjon telefonat e gazetarëve dhe opozitës appeared first on Lapsi.al.

Presidenti serb, Aleksandar Vuçiç, ka thënë se nuk e ka parë ende dokumentin zyrtar që tregon se Shtetet e Bashkuara i kanë vendosur sanksione industrisë së naftës në Serbi (NIS), mirëpo ekziston “në lloj konfirmimi zyrtar” që vendimi do të hyjë në fuqi më 1 janar, për shkak të pronësisë ruse. “Kemi një lloj konfirmimi,

Premtimi i Aleksandar Vuçiç është në kontrast me një video që ai publikoi të martën, në të cilën ai akuzoi fuqitë e huaja për financimin e protestave.

Presidenti serb Aleksandar Vuçiç ka thënë se do të përkulet ndaj kërkesave të protestuesve vetëm një ditë pasi pretendoi, pa përmendur prova, se veprimet e tyre financoheshin nga Perëndimi.

Zemërimi është përhapur në të gjithë vendin ballkanik që kur 15 njerëz u vranë më 1 nëntor kur një tendë betoni e rinovuar u shemb në një stacion treni në qytetin verior të Novi Sadit.

Politikanët e opozitës dhe studentët protestues kanë fajësuar qeverinë për fatkeqësinë, duke sugjeruar se korrupsioni dhe neglizhenca ishin fajtorë.

Duke folur të mërkurën në Beograd, Vuçiç tha se të gjithë të arrestuarit gjatë demonstratave tani janë liruar. Ai premtoi gjithashtu faljen e protestuesve të dënuar në gjyqet e ardhshme.

Informacioni rreth punës së rindërtimit që u zhvillua në stacionin hekurudhor në Novi Sad do të bëhet publike këtë javë, shtoi ai.

Fjalët e presidentit të mërkurën ishin në kontrast të fortë me komentet që ai bëri në një video të postuar në Instagram një ditë më parë.

Në një mesazh sfidues, Vuçiç akuzoi fuqitë e huaja për financimin e protestave në përpjekje për ta larguar atë nga pushteti.

“Unë do të luftoj për Serbinë dhe do t’i shërbej vetëm popullit tim serb dhe të gjithë qytetarëve të tjerë të Serbisë, nuk do t’u shërbej kurrë të huajve, atyre që kërkojnë të mposhtin, poshtërojnë dhe shkatërrojnë Serbinë,” tha ai.

Vuçiç më pas përmendi Bashar al-Assad, diktatorin sirian që u rrëzua javën e kaluar dhe u arratis me familjen e tij nga Rusia.

“Nëse ata mendojnë se jam Asadi dhe se do të ik diku, nuk do të ikë”, tha Vuçiç, duke pretenduar se në ditët në vijim do të jepte detaje se “sa para janë paguar gjatë katër viteve të fundit për të shkatërruar Serbia“.

LEXONI GJITHASHTU:

• Qindra qytetarë në Serbi protestojnë para Presidencës gjatë fjalimit të Vuçiçit
• Protestat në Beograd, Vuçiç: Nuk do largohem nga vendi siç bëri Assadi

The post Presidenti serb Vuçiç zbut tonet pas disa javësh protestash në Beograd appeared first on Euronews Albania.

Presidenti serb, Aleksandar Vuçiç deklaroi këtë të diel se autoritetet në Beograd janë duke zhvilluar hetime për shpërthimin në kanalin e Ibër – Lepencit në veri të Kosovës. Në një konferencë të jashtëzakonshme për media, Vuçiç i ka hedhur poshtë akuzat e institucioneve të Kosovës se pas këtij sulmi qëndron Serbia. Sipas tij, ka pasur një tentativë për sulm hibrid ndaj vendit të tij.

“Jemi më të qetë se ata dhe do të insistojmë më shumë. Në valën e parë ata akuzuan Beogradin dhe Serbinë, jo serbët, teksa Beogradi dhe Serbia nuk ja kishin idenë. Përveç që nuk kemi asnjë lidhje me këtë, ne kemi qenë aq të drejtë dhe, si një shtet serioz, nuk jemi marrë me akuza dhe nuk kemi thënë se ai sulm është urdhëruar drejtpërdrejt nga Kurti”, – u shpreh Vuçiç.

“Kemi disa dyshime të caktuara, por hetimi do të tregojë se kush e ka urdhëruar. Mendoj se kemi disa njohuri për atë se kush mund të jetë autori”, – ka shtuar Vuçiç sipas asaj që raporto media serbe “Danas”.

Presidenti serb ka akuzuar policinë e Kosovës se nuk ka bërë hetime serioze në lidhje me rastin. Shpërthimi i mbrëmjes së të premtes shkaktoi dëme të konsiderueshme të kanalit të ujit të Ibër-Lepencit në fshatin Varragë të komunës së Zubin-Potokut. ©LAPSI.al

The post Vuçiç: Kemi dyshimet tona se kush qëndron pas shpërthimit të Ibër – Lepencit appeared first on Lapsi.al.