Tarifat ndaj prodhuesit më të madh të kafesë arabica tronditin investitorët në sektor Kontratat e së ardhmes për kafenë u rritën të enjten, pasi Presidenti amerikan Donald Trump kërcënoi me tarifa 50 % ndaj Brazilit, prodhuesit më të madh të kafesë në botë, duke tronditur industrinë dhe duke rrezikuar rritje çmimesh për konsumatorët amerikanë. Në […]

The post Çmimet e kafesë rriten pasi Trump kërcënon me tarifa 50% ndaj Brazilit appeared first on BoldNews.al.

Inflacioni në muajin qershor ka regjistruar nivelin më të lartë në 16 muaj. Gjate qershorit thotë INSTAT çmimet u rritën me 2.4%, dhe shkaku kryesor ishte shtrenjtimi i ushqimeve. Nga zarzavatet, vaji, qumështi e mishi të gjitha po kushtojnë më shumë edhe pse në sezon prodhimi. “Shiko, 1 mijë lekë kumbulla në vaktin e veti. […]

The post Inflacioni mori hov në qershor! Jemi në verë, por çmimet po rriten si në dimër appeared first on BoldNews.al.

Një europian shpenzon mesatarisht rreth 91 euro kur udhëton në një shtet tjetër të Europës, sipas të dhënave të publikuara nga Eurostat dhe që i përkasin vitit 2023. Për mesataren e eurozonës ky tregues rritet në 93 euro. Ky tregues përfshin fjetjen (akomodimin), ushqimin dhe pijet, transportin lokal, biletat e muzeve, aktiviteteve rekreative etj. Të […]

The post Rama mburret me turistët, por në Shqipëri vijnë më “koprracët” appeared first on BoldNews.al.

TIRANË, 4 korrik /ATSH/ Drejtori i Politikës Monetare në Bankën e Shqipërisë Erald Themeli, tha në një intervistë televizive se dy janë faktorët që po e mbajnë inflacionin nën 3% dhe që janë: inflacioni në eurozonë, që ka pasur një rënie të shpejtë, dhe niveli i fortë i kursit të këmbimit me euron.

“Ulja e normës së interesit tenton të pasqyrohet në norma më të ulta interesi për kredinë dhe për stimulimin e ekonomisë shqiptare. Pra është një stimul shtesë për rritjen e kreditimit, rritjen e konsumit dhe të investimeve. Është premisë për stabilitet më të lartë të kursit të këmbimit, në raport me një diferencë të madhe”, tha Themeli.

I pyetur për mundësitë e rritjes së çmimeve apo rrezikun për një valë inflacioni të lartë, Themeli tha se “ka fare pak të ngjarë që të përballemi me një valë çmimesh si ajo e 2022-shit”.

“Por në afatgjatë do të jetë një presion për rritje çmimesh nëse këto barriera do të rezistojnë në kohë”, pohoi Themeli.

“Intensifikimi i luftërave tregtare mund të jetë edhe premisë për rritjen e investimeve të huaja në sektorë të caktuar të ekonomisë siç është industria. Blloqet tregtare dhe ekonomike që perceptojnë vështirësi, mund ta rikthejnë vëmendjen në periferinë ku është Shqipëria që do të ishte mirë për ne”, tha ai.

Edhe pse dallgët e këtyre tensioneve mund të ndjehen edhe në Shqipëri, Banka Qendrore vlerëson se deri në vitin 2027 ekonomia do të rritet.

“Për vitet 2025-2026-2027 e më tutje ne presim një rritje ekonomike mes 3,5-4% në këtë hark kohor”, tha Themeli, ndërsa sipas tij pritet që turizmi të jetë motor kryesor edhe për këtë vit në rritjen ekonomike.

“Ne kemi një vëmendje të shtuar nga ekonomia e huaj drejt sektorit të turizmit në Shqipëri, i cili ka një ritëm rritjeje në ngadalësi. Kjo është natyrale, nuk mund të rritet gjithmonë me norma 30 apo 50%, por gjithsesi pritet të japë kontribut në rritjen ekonomike”, tha Themeli.

Ekonomia shqiptare u rrit me 3,4% në tremujorin e parë të vitit, me ndikimin kryesor nga rritja e pagave të administratës, sektori i pasurive të paluajtshme dhe ai i turizmit.

/e.i//r.e//a.f/

The post BSH: Nuk do të ketë rritje të çmimeve, turizmi motor për ekonominë appeared first on Agjencia Telegrafike Shqiptare.

Në një deklaratë për shtyp, Teliti akuzoi Qeverinë se bën premtime për qytetarët, por nuk i mban.

Nënkryetari i Këshillit bashkiak të Tiranës dhe këshilltari ekonomik në PD, Dorian Teliti ngriti sot shqetësimin mbi çmimet dhe fuqinë blerëse. Sipas Telitit, zgjidhja e vetme e kësaj krize është qeveria teknike.

“Të shumta janë problemet me të cilat përballen shqiptarët, të shumta hallet e tyre, të shumta kanë qenë edhe premtimet qeveritare, por më të shumta kanë qenë dështimet në mbajtjen e tyre.

Dy ditë më parë, një tjetër raport serioz vlerësoi cilësinë e jetesës në Evropë dhe Shqipëri. Është pikërisht raporti i Numbeo-s, i cili e ka renditur Shqipërinë në vendin e 37 nga 37 vende të Evropës, e ka renditur Shqipërinë në fundin e listës përsa i përket jetesës dhe cilësisë së saj.

Sipas raportit, Shqipëria është vlerësuar me vetëm 46.3 pikë në treguesin e fuqisë blerëse, më e ultë në kontinent, madje edhe më keq se Ukraina në gjendje lufte. Familjet shqiptare shpenzojnë të paktën 40% të të ardhurave të tyre për t’u ushqyer, ndërkohë që mesatarja evropiane është të paktën tre herë më e ulët.

Gjithashtu, jemi ne shqiptarët që duhet të punojmë më shumë vite se çdokush tjetër në Evropë për të arritur të blejmë një apartament.

Ndotja vazhdon të jetë tejet shqetësuese, Shqipëria renditet në vendin e parafundit. Por akoma me shqetësues është fakti që jemi renditur të fundit në cilësinë e kujdesit shëndetësor.

Gjithçka thamë më lart nuk janë opinione, nuk janë propagandë, por janë fakte që vërtetojnë edhe njëherë varfërinë e thellë dhe mungesën e qartë të një të ardhmeje pozitive për të gjithë shqiptarët.

A janë rastësi këto gjetje të raportit të Numbeo-s? Jo, nuk janë. Ato janë rezultati konkret i qeverisjes arrogante dhe të papërgjegjshme të 12 viteve të fundit. Vlerësimi i Numbeo-s nuk është thjesht një renditje statistikore, por një aktakuzë e rëndë publike ndaj autorëve dhe bashkëpunëtorëve që krijuan Shqipërinë që nuk ngjall shprese, por vetëm largon shqiptarët nga foleja familjare.

Shqiptarët duan punë, por pagat janë më të ultat në Evropë. Çmimet kanë dalë tashmë jashtë kontrollit, më të larta se mesatarja evropiane.

Shërbimet publike degradohen dita ditës, arsimi i braktisur si asnjëherë më parë, bujqësia jo thjesht e lënë në harresë, por edhe e goditur për të mbrojtur interesat e disa importuesve, falimentimi i sipërmarrjeve prodhuese shqiptare, korrupsioni endemik me pronën, tenderimet dhe fondet publike, etj, janë qartësisht realiteti i hidhur që ne shqiptarët jetojmë dhe raportet ndërkombëtare i zyrtarizojnë në vlerësimet dhe qëndrimet e tyre.

Të dashur qytetarë, zgjidhja nuk vjen përmes fjalëve të bukura, apo premtimeve boshe, apo reformave të rreme. Rruga e vetme për ta nxjerrë Shqipërinë nga kriza është ngritja e menjëhershme e qeverisë teknike që të krijojë besim dhe të garantojë më në fund zgjedhje të lira e të ndershme për shqiptarët.

Vetëm përmes një qeverie teknike të çliruar nga kontrolli politik, vetëm përmes një procesi zgjedhor të besueshëm, shqiptarët do të mund të zgjedhin të ardhmen që meritojnë. Vetëm kështu vendi do të futet në shinat e zhvillimit të qëndrueshëm, vetëm kështu do të krijohet një ekonomi reale, konkurruese dhe përfshirëse. Dhe mbi të gjitha, vetëm kështu Shqipëria do të bëhet vërtet gati për integrimin në Bashkimin Evropian”,-deklaroi Teliti.

The post “Zgjidhja është qeveria teknike”/ Reagon ashpër Nënkryetari i Këshillit bashkiak: Çmimet kanë dalë jashtë kontrollit appeared first on Sot News | Lajme.

Gjithnjë e më shumë ndërtues po presin që tendenca e çmimeve të apartamenteve të jetë në ulje në muajt në vijim. Indeksi i besimit i Bankës së Shqipërisë, për sektorin e ndërtimit u bën të anketuarve pyetjen:

Si prisni të ndryshojnë çmimet që ju do të vendosni gjatë 3 muajve të ardhshëm?

1. Do të rriten

2. S’do të ndryshojnë

3. Do të bien

Për muajin qershor, balanca e përgjigjeve vijon të mbetet pozitive, d.m.th. më shumë ndërtues presin që çmimet të rriten sesa të ulen, por kjo balancë është ulur ndjeshëm në raport me muajt e mëparshëm. Balanca e përgjigjeve ishte 7.2 pikë përqindje në qershor, nga 14.3 pikë përqindje në maj. Rënia në balancë në tremujorin e fundit (nga 14.3 në 7.2) sugjeron se pritshmëritë për rritje çmimesh po zbehen. Pas muajit nëntor 2024, kjo është pritshmëria e dytë më e ulët që nga nëntori i vitit 2020.

Sipas Bankës së Shqipërisë, “treguesi i besimit në ndërtim (TBN) u rrit me 1.6 pikë përqindje në qershor. Ky tregues qëndron 15.4 pikë përqindje mbi mesataren afatgjatë. Rritja e TBN-së u përcaktua kryesisht nga vlerësimet më të larta për aktivitetin aktual ndërtues. Pritjet për çmimet dhe për punësimin në të ardhmen janë vlerësuar me rënie”.

Deri në fund të 2019-s, balanca e përgjigjeve për çmimet në ndërtim ishte negative, ose afër zeros, që tregonte se ndërtuesit nuk prisnin rritje të çmimeve. Nga viti 2021, ndërtuesit që prisnin rritje çmimesh u rritën ndjeshëm, duke kulmuar në mars-dhjetor 2022, me 30-48 pikë përqindje. Pritshmëria për rritje vijoi dhe përgjatë 2024-s, ndonëse me një balancë më të ulët, 11-17 pikë përqiddje.

Planet e ndërtuesve për çmimet rezultojnë se janë materializuar. Banka e Shqipërisë ka vlerësuar se çmimet e banesave iu kthyen rritjes së shpejtë në gjashtëmujorin e dytë të vitit të kaluar. Indeksi Fischer i përllogaritur nga Banka e Shqipërisë tregoi që çmimi mesatar i banesave të shitura gjatë periudhës u rrit me 23.6% në krahasim me gjashtëmujorin e kaluar, dhe me 44.5% në krahasim me një vit më parë.

Sipas agjencive të pasurive të paluajtshme, çmimet e shitjes në disa prej zonave periferike nga Paskuqani në Shkozë variojnë nga 900 deri 1,400 euro për metër katror.

Prej 3-4 vitesh, sipas agjentëve të tregut real estate, banesat brenda zonës së verdhë të ndërtimit ofrohen me çmime shitje mbi 1,500 euro për metër katror.

Ndërsa në zonat e qendrës dhe brenda Unazës së Vogël nuk gjen më apartamente me çmime nën 2,000 euro për metër katror dhe sa më shumë i afrohesh qendrës çmimet arrijnë në 3-4 mijë euro/metër katror.

Në zonën pranë liqenit dhe në kullat në qendër të Tiranës, çmimet fillojnë nga 5 mijë euro për metër katror.

Ekspertët e tregut të real estate-it vënë në dukje se ky nivel çmimesh në një treg me të ardhura mesatare ende më të ulëta se rajoni hap diskutime të vlefshme mbi përballueshmërinë për blerësit vendas dhe mbi potencialin për të orientuar zhvillimin urban në mënyra që të përfitojnë nga kërkesa e re dhe dinamika të reja të tregut./MONITOR

The post Rritet numri i ndërtuesve që presin ulje të çmimeve të apartamenteve appeared first on Lapsi.al.

Pas fitores së 10 mandateve të Partisë Socialiste në Elbasan, qeveria e Edi Ramës ka menduar që “ia marrë shpirtin” qytetarëve duke rritur ndjeshëm çmimet e ujit të pijshëm. Enti Rregullator i Energjisë (ERE) ka miratuar këtë të hënë që çmimi për një metër kub ujë për familjarët në qytetin e Elbasanit do të rritet […]

The post “Dhurata” pas fitores/ Rama ia “merr shpirtin” qytetarëve, rrit tarifat e ujit të pijshëm në Elbasan appeared first on BoldNews.al.

Në një kontinent që mat progresin me statistika, renditjet duket se janë bërë pasioni ynë i ri kombëtar. Jo për të parë veten në krye — ky është luks për vendet që prodhojnë teknologji, eksportojnë dije apo garantojnë jetesë cilësore për qytetarët e tyre — por për të fituar trofeun e artë të vendeve që […]

The post Nga çmimet më të shtrenjta, te të ardhurat më të pakta për frymë/ Për çfarë mbajmë rekorde në Europë appeared first on BoldNews.al.

Pavarësisht shqetësimeve për përshkallëzimin e konfliktit SHBA-Iran, çmimet e naftës kanë rënë ndjeshëm sot, duke reflektuar qëndrimin e kujdesshëm të tregjeve të energjisë përballë një skenari të mundshëm lufte në rajon, raporton CNN. Pas një rritjeje të ndjeshme prej 6.2% dje, ku nafta amerikane (WTI) arriti përkohësisht në $78.40 për fuçi, sot çmimi ka rënë […]

The post SHBA/ Bien çmimet e naftës, tregjet nuk po ndikohen nga përshkallëzimi i tensioneve me Iranin appeared first on BoldNews.al.

Në plazhin e Divjakës, hapësirat për publikun këtë sezon veror janë disa kilometra. Midis bizneseve që ofrojnë shërbime pushimi, është bërë e detyrueshme lënia e hapësirave për plazh publik në një gjatësi rreth 50 metra.

Kjo metodë e ndjekur këtë vit është ndërmarrë me qëllim për të rritur ndërgjegjësimin për mbajtjen pastër të plazhit. Bregdeti ka pushues të shumtë në çdo ditë të javës dhe rritja e cilësisë së shërbimeve, e shoqëruar me çmime më të lira, e bën këtë plazh tërheqës për familjarët. Në pesë vitet e fundit, në plazhin e Divjakës nuk ka pasur rritje çmimesh. Shezlloni kushton 500 lekë dhe kafeja 70 lekë.

“Nuk ka ndryshime në çmim. Këto janë çmimet që kanë qenë 10 vjet dhe për cilësinë mund të them që mund të konkurrojmë edhe në jug, për arsye se kemi dhe Lagunën e Karavastasë dhe peshku është i freskët, kështu që është perfekte”, tha Mina Biti, operator turistik.

“Deti i Divjakës ka një rërë shumë kurative, deti është i pastër dhe ka më shumë popullatë se vitet e tjera. Çmimet janë më të arsyeshme, më të lira”.

“Çmimet janë shumë të arsyeshme dhe mendoj se do të vazhdojnë për një kohë të gjatë. Çdo gjë është shumë në rregull, shumë pastër, mirë”.

Për shkak të hapësirës së madhe të plazhit për pushuesit pa pagesë, Bashkia Divjakë kërkon mirëkuptimin e tyre që të bëjnë kujdes, duke mos u larguar shumë nga qendrat e populluara.

“Në vitet e fundit sistemuam atë pjesë të bregdetit që ishte më e pranueshme, më e bukur. Sollëm atje energjinë elektrike, ujin 24 orë dhe bashkërenduam bukur hapësirën publike me atë private. Mendojmë që atje të përqendrohemi, sepse atje siguria është e lartë, shërbimi është i lartë, por edhe pastrimi nga ana jonë është më i lehtë”, tha Josif Goreja, kryetar i Bashkisë Divjakë.

Dhjetë kilometra është hapësira e vijës bregdetare në plazhin e Divjakës për pushuesit. 70% e saj është plazh publik dhe vetëm 30% shfrytëzohet nga bizneset, të cilët operojnë vetëm gjatë sezonit veror. /Klan News/

The post Divjaka prej 5 vitesh pa rritje çmimesh, kryebashkiaku: Të mbahet pastër plazhi publik appeared first on Telegrafi.

TIRANË, 23 qershor/ATSH/ Çdo drejtues apo pjesë e një projekti për trashëgiminë kulturore që meriton njohje në nivel evropian, tashmë mund të aplikojë për çmimet European Heritage Awards dhe Europa Nostra Awards 2026.

Creative Europe-Albania njoftoi sot përmes një publikimi në rrjetet sociale, se tashmë aplikimet janë të hapura dhe do të vazhdojnë deri më 9 shtator 2025.

Kjo është një mundësi për të konkurruar për një nga çmimet më prestigjioze në Europë për sa i përket trashëgimisë kulturore. Çmimet njohin arritje të jashtëzakonshme në fushat e mbrojtjes, konservimit, kërkimit, edukimit dhe promovimit të trashëgimisë kulturore.

Çmimet Europa Nostra Awards dhe European Heritage Awards u prezantuan fillimisht në vitin 2002 nga Komisioni Europian dhe menaxhohen nga Europa Nostra. Që prej atij viti, këto çmime mbështeten nga Creative Europe.

Që nga viti 2014, Creative Europe ka mbështetur projekte për të nxitur diversitetin kulturor, për të promovuar shprehjen artistike dhe për të rritur potencialin ekonomik të industrive krijuese.

/e.r//r.e//a.f/

The post Nisin aplikimet për çmimet evropiane për mbrojtësit e trashëgimisë kulturore appeared first on Agjencia Telegrafike Shqiptare.

Deputetja e Partisë Demokratike, Jorida Tabaku, ka reaguar me tone të forta përmes një videoje në rrjetet sociale mbi rritjen e papërballueshme të çmimeve në Shqipëri.

Tabaku e ka cilësuar këtë fenomen si një realitet të padrejtë për qytetarët, teksa thotë se sot Shqipëria konkurron me Bashkimin Europian vetëm për çmimet e larta.

Po ashtu, Tabaku vijon më tej duke thënë se pagat në Shqipëri janë të një niveli me vendet e Afrikës.

“Sot Shqipëria konkurron me Bashkimin Europian vetëm për çmime!” – deklaron Tabaku. Ajo nënvizon se sipas të dhënave zyrtare për vitin 2025, çmimet për produktet bazë si djathi, qumështi, vezët dhe vaji janë përkatësisht 25-30% më të larta se mesatarja e BE-së. Ndërkohë, karburanti mbetet ndër më të shtrenjtët në rajon, duke arritur çmime që kapin kufirin e 2 dollarëve për litër – të barabarta me ato të Zvicrës.

Tabaku thekson kontrastin e thellë mes standardit të jetesës në vend dhe niveleve europiane, duke rikujtuar se të ardhurat për frymë të shqiptarëve janë vetëm 40% e mesatares së BE-së. “Ky është realiteti shqiptar: paga afrikane, çmime europiane!”, deklaron ajo.

Sipas saj, zgjidhja qëndron te kontrolli i tregjeve, hapja ndaj konkurrencës dhe përmbysja e modelit ekonomik të kapur nga pakica. Ajo kërkon që ekonomia të rikthehet në shërbim të shumicës dhe të familjeve shqiptare që sot përballen me barrën më të rëndë ekonomike në rajon.

“Përse qytetarët shqiptarë duhet të paguajnë më shumë se europianët për të njëjtat produkte, kur kanë më pak të ardhura?”, pyet Tabaku, duke e mbyllur me një thirrje të qartë: Kjo duhet ndryshuar!

The post “Shqiptarët paguajnë si europianë, jetojnë si në Afrikë”, Tabaku shpërthen ndaj qeverisë: Familjet po mbyten nga çmimet appeared first on Sot News | Lajme.

Për herë të parë që nga viti 2005, kur njësia europiane e statistikave mat të dhënat, indeksi i Çmimeve të Ushqimeve dhe Pijeve jo Alkoolike për Shqipërinë e ka kaluar nivelin 100% (100.1%), që do të thotë se çmimet e ushqimeve në Shqipëri janë 1% më të shtrenjta se mesatarja e Bashkimit Europian, në një kohë që të ardhurat sipas metodës së fuqisë blerëse janë sa 41% e mesatares së BE-së.

Nga viti 2005 deri në 2018-n, çmimet e ushqimeve në Shqipëri ishin mesatarisht sa 68-78% e mesatares së BE-së. Nga 2018-a filloi kërcimi i tyre, teksa në 2023-n, çmimet në Shqipëri ishin mesatarisht vetëm 7% më të lira se mesatarja e BE-së. Ndërsa në 2024-n çmimet u barazuan për herë të parë, madje e tejkaluan lehtë me 1%.

Produktet më të shtrenjta ushqimore për familjet shqiptare në raport me BE-në janë vezët, djathi dhe qumështi, që kanë kërcyer në 131% të mesatares së BE-së, nga 119.5% vitin e mëparshëm.

Edhe ushqimet e tjera janë rreth 25% më shtrenjtë se në BE (124.8%). Pijet jo alkoolike janë 19% më shtrenjtë se në Europë. Më lirë shqiptarët blejnë cigaret që kushtojnë sa 47% e mesatares europiane.

Alesandro, turist nga Italia, duke dalë nga një supermarket në Tiranë. I pyetur për çmimet, ai shprehet disi i zhgënjyer, pasi e kishte imagjinuar Shqipërinë si një vend më të lirë, “jo kaq të shtrenjtë”. “Sapo dolëm nga supermarketi.

Ndërkohë që ishim brenda, nuk patëm kohë të llogarisnim konvertimin e çmimeve dhe menduam se do të na kushtonin rreth 10-15 euro,” – tregon ai.

“Morëm disa gjëra për darkë: një verë, pije, pasta, mish, salcë domatesh dhe perime për sallatë. Shtuam edhe dy lloje djathi dhe, në total, paguam rreth 35 euro, më shtrenjtë sesa në Bolonjë,” – shton Alesandro.

Elmor, një tjetër turist nga Britania ka bërë një koment në faqen Visit Albania për një supermarket në Golem. “Blemë (me peshë) 5 domate, 3 qepë, një kokë sallatë jeshile, një qese me patate të vogla dhe një spec jeshil… 15 euro. PESËMBËDHJETË EURO! E pyeta me kujdes nëse çmimi ishte i saktë, dhe shitësja nisi të shtypte numrat në kalkulator.

Ma tregoi ekranin dhe po, aq ishte çmimi. S’mund të ishte e vërtetë, apo jo!? Sot u futëm edhe në një supermarket tjetër për disa gjëra të vogla – asgjë e madhe, asnjë produkt britanik që normalisht kushton më shumë – dhe pagova me kartë…

Mbi 14 paund!?. Zonja që na pret këtu na tha se në fakt është më lirë të hash në restorante sesa të përpiqesh të gatuash vetë në apartamentin me vetëshërbim”, shkruan ai.

Janë të shumtë turistët që ndërsa restorantet i vlerësojnë të lira, i gjejnë çmimet e ushqimeve që blejnë në dyqane po supermarkete më të shtrenjta se në vendin e tyre.

Të dhënat e fundit të Eurostat, që mat indeksin e çmimeve, i matur sipas barazisë së fuqisë blerëse, për shtetet e Bashkimit Europian dhe vendet kandidate e konfirmojnë këtë tendencë.

Në krahasim me vendet e tjera të Europës, çmimet e ushqimeve në Shqipëri janë pothuajse të njëjta sa në Gjermani, Portugali, Itali, ndërsa kushtojnë më shumë se në Spanjë, Çeki, Poloni, Bullgari dhe janë më të shtrenjtat në rajon.

Në Europë, çmimet më të shtrenjta të ushqimeve janë në Zvicër (158.5% e mesatares së BE), Islandë (143.9), Norvegji (131.2). Më të lirat janë Turqia (76.7%), Rumania (75.5), Maqedonia e Veriut (73.4%). Për Kosovën të dhënat e fundit janë për vitin 2022, në nivelin e 83.7% të mesatares së BE-së).

Arsyet pas këtyre diferencave lidhen me nivelin e lartë të taksave për mallrat e shportës në Shqipëri, sidomos TVSH, kostot e larta të transportit, logjistikës jo shumë të përshtatshme, spekulimeve dhe mungesës së konkurrencës./ Monitor

The post Eurostat: Çmimet e ushqimeve në Shqipëri janë më të shtrenjta se në Europë appeared first on Lapsi.al.

Çmimet në Shqipëri po rriten shumë shpejt, duke e ngushtuar gjithnjë e më shumë hendekun me BE. Sipas të dhënave të sotshme të Eurostat, niveli mestar i çmimeve në vendin tonë ishte sa 62.9 për qind e mesatares së BE-së, nga 58.2% që ishte ky nivel, me 2023 dhe 54.6 që ishte në vitin 2022. […]

The post Eurostat 2024: Çmimet në Shqipëri po kapin nivelin e BE appeared first on BoldNews.al.

Çmimet në Shqipëri po rriten shumë shpejt, duke e ngushtuar gjithnjë e më shumë hendekun me BE. Sipas të dhënave të sotshme të Eurostat, niveli mestar i çmimeve në vendin tonë ishte sa 62.9 për qind e mesatares së BE-së, nga 58.2% që ishte ky nivel, me 2023 dhe 54.6 që ishte në vitin 2022.

Vetëm në dy vite, Shqipëria ka ngushtuar hendekun e çmimeve me mesataren e BE-së me 8.3 pikë.

Gjithashtu, Shqipëri kishte rritje me të fortë se mesatarja rajonale. Në vitin 2024, Shqipëria zë vendin e parë në Rajon për nivel të lartë të çmimeve në krahasim me mesataren e BE (62.9), duke kaluar Serbinë (61.4), Bosnjë-Hercegovinën (59.7) dhe Malin e Zi (57.9), Maqedoninë ë e Veriut (49.6%) dhe duke u afruar me Kroacinë (73.3).

Në vitin 2022, Serbia kishte mesataren më të lartë të çmimeve në krahasim me BE-në. Nga vendet e europiane Turqia dhe Maqedonia e Veriut, kishin çmime më të ulëta se mesatarja e BE-së.

Ndërsa Luksemburgu dhe Danimarka, kishin nivelin më të lartë të çmimeve në krahasim me BE-në.

Gjithsesi vendi ynë konsiderohet ende “më lirë” se BE-ja, pasi çmimet mbeten rreth 37 % më të ulëta se mesatarja europiane, por diferenca po zvogëlohet me shpejtësi.

Forcimi i monedhës vendase ka ndikuar. Monedha vendase, u mbiçmua me rreth 15 % ndaj euro. Kur blerjet përllogariten në euro, kjo rrit nivelin relativ të çmimeve.

Në ekonominë e brendshme edhe pse inflacioni zyrtar ra gjatë 2023-24, ai mbeti më shumë se objektivi, sidomos te ushqimet dhe shërbimet e ndërmjetme.

Rritja e çmimeve ka rënduar kostot e jetesës. Rritja e pagave nominale ka qenë më e ngadaltë se ritmi i çmimeve në shumë produkte.

Shqipëria mbetet më e lirë se destinacionet mesdhetare në BE, por avantazhi konkurrues po tkurret me rritjen e çmimeve.

Teksa sfida për çmimet po bëhet me e forte, vendi ynë duhet të rrisë produktivitetin e punës në mënyrë që të sigurojë konvergjencën me BE-në.

Eurostat krahason nivelin e çmimeve (AIC = Actual individual Consumption, EU = 100) mes 36 vendeve evropiane. Indeksi tregon sa shtrenjtë i kushtojnë një familjeje mallrat e shërbimet për konsum të përditshëm, pasi janë korrigjuar dallimet e fuqisë blerëse./ Monitor

The post Eurostat 2024/ Çmimet në Shqipëri po kapin më shpejtësi nivelin e BE-së, më të lartat në rajon appeared first on Albeu.com.

Një analizë krahasuese e çmimeve e zhvilluar nga “Monitor” në 52 produkte ushqimore, të kujdesit personal dhe produkteve për fëmijë në rrjetin e supermarketeve “Penny” në Gjermani me ato në Shqipëri nxjerr në pah disbalanca të forta. Të dhënat krahasuese treguan se çmimet në Gjermani janë mesatarisht 25.6% më të lira se në Shqipëri për 52 artikujt e përfshirë në tabelë (përjashtohen frutat dhe perimet e freskëta). Produktet për fëmijë dhe detergjentët shiten në marketet tona me çmime dyfish më të larta. Arsyet pas këtyre diferencave lidhen me nivelin e lartë të taksave për mallrat e shportës, sidomos TVSH, kostot e larta të transportit, logjistikës jo shumë të përshtatshme, spekulimeve dhe mungesës së konkurrencës.

Lona, së bashku me bashkëshortin dhe dy fëmijët e vegjël, ka ardhur nga Gjermania te të afërmit në Shqipëri. Teksa shkoi në supermarket për të blerë produktet e nevojshme për vajzën e vogël 7 muajshe, ajo mbeti e habitur nga çmimet.

Qumështi pluhur që ajo në Baden, qytetin ku jeton, e blen 18.99 euro, nuk e gjeti më lirë se 2800 lekë. Panolinat që kushtojnë nga 5-8 euro, në Tiranë janë mbi 2 mijë lekë (mesatarisht 25 euro).

Vetëm me një blerje shpenzoi 10 mijë lekë (100 euro). “Në Baden, me këtë shumë do të kisha blerë shumë më tepër produkte, jo vetëm për fëmijë, por edhe për veten. Edhe çmimet e ushqimeve në supermarkete janë shumë të shtrenjta”, thotë ajo.

Lona dhe bashkëshorti po shqyrtonin mundësinë për t’u rikthyer në Shqipëri, por e shohin të pamundur jetesën me këto çmime. “Në Gjermani marrim 1200 euro kompensim në muaj për fëmijët, nga 600 për secilin deri sa ata të mbushin 18 vjeç”.

Shqetësimet për çmimet e larta kryesisht të artikujve industrialë në marketet shqiptare në krahasim me vendet e zhvilluara të rajonit dhe Europës janë rritur shumë, sidomos me inflacionin të lartë pas pandemisë dhe luftës në Ukrainë.

Një analizë krahasuese e çmimeve e zhvilluar nga “Monitor” në 52 produkte ushqimore, të kujdesit personal dhe produkteve për fëmijë në rrjetin e supermarketeve “Penny” në Gjermani me ato në Shqipëri nxjerr në pah një disbalancë të ndjeshme në koston e jetesës. Shumë artikuj kanë diferencë domethënëse në disfavor të konsumatorit shqiptar.

Për artikujt e pastrimit, detergjentët, shampot etj., dhe produktet për fëmijë u krahasuan çmimet në të njëjtën ditë në rrjetin e marketeve “Penny” në Gjermani dhe marketet e nivelit mesatar në Shqipëri, ndërsa për disa artikuj ushqimorë, duke përfshirë bulmetrat, u morën çmimet mesatare të INSTAT dhe u krahasuan me çmimet në marketet gjermane “Penny”.

Të dhënat krahasuese treguan se çmimet në Gjermani janë mesatarisht 25.6% më të lira se në Shqipëri për 52 artikujt e përfshirë në tabelë. (çmimet në Shqipëri u konvertuan në Euro me kursin zyrtar të BSH, 98.4 lekë).

Arsyet pas këtyre diferencave lidhen me nivelin e lartë të taksave për mallrat e shportës, sidomos TVSH-së, kostove të larta të transportit, logjistikës jo shumë të përshtatshme etj.

“Ne kemi norma të larta të taksave, sidomos TVSH-së për shportën e ushqimeve, teksa kostot e transportit janë mbi 100 euro për ton” tha Eleni Babameto, zotëruese e kompanisë “Teuta”, një nga importuesit kryesorë në vendin tonë.

Të dhënat tregojnë se pijet joalkoolike, produktet e pastrimit dhe kujdesit personal, bulmetrat, dhe produktet për fëmijë në Shqipëri janë shumë më të shtrenjta aktualisht se në Gjermani, me diferenca që kalojnë më shumë se 60%.

Pavarësisht se të ardhurat për frymë në Gjermani janë rreth 5 herë më të larta se në Shqipëri, shumë produkte jetike dhe të përdorimit të përditshëm rezultojnë më të shtrenjta në tregun tonë.

Këto diferenca tregojnë një barrë të lartë mbi konsumatorin shqiptar dhe nevojën për politika më të qarta dhe efikase në fushën e konkurrencës dhe mbrojtjes së konsumatorit.

Eksperti i ekonomisë, Arben Malaj, tha se çmimet e larta të ushqimeve kanë rritur të ardhurat buxhetore. Këto të ardhura duhen të përdoren për të kompensuar me mbështetje financiare shtresat e varfra të vendit, tha ai.

Shqipëria është një nga vendet e pakta në Europë që nuk aplikon lehtësi fiskale për shportën e ushqimeve dhe ndërkohë ka subvencione shumë më të ulëta për të nxitur prodhimin vendas me kosto më të lirë.

Çmimet e larta të ushqimeve janë një nga arsyet kryesore pse shqiptarët çojnë më shumë se 40% të të ardhurave mujore për blerjen e tyre, niveli më i lartë në Europë.

Ushqimet bazë, ku Shqipëria është më e shtrenjtë

Nga të dhënat rezulton se sheqeri është 39% më i shtrenjtë në Shqipëri, 0.97 euro për kilogram krahasuar me Gjermaninë, 0.70 euro për kg.

Edhe vaji i lulediellit ka një diferencë të ndjeshme, me 1.50 euro për litër në Gjermani kundrejt 1.99 euro në Shqipëri, me një diferencë 24%.

Ndërkohë, produktet si patatet, qepët dhe orizi kushtojnë ndjeshëm më lirë në Gjermani – deri në 40% më pak.

Produktet e mishit, Shqipëria më e lirë, por me diferenca të vogla

Produktet e mishit janë më të shtrenjta në Gjermani, siç është rasti i mishit të viçit, që ksuhton 12.29 euro për kilogram Shqipëri (çmimi mesatar INSTAT, janar 2025) ndaj 31.00 euro për kilogram në Gjermani, apo filetos së pulës (6.05 euro/kg në Shqipëri dhe 7.00 euro për kg në Gjermani).

Megjithatë, diferenca nuk është drastike dhe për disa produkte si kremviçet dhe peshku i freskët, diferenca arrin në mbi 3 euro/kg.

Bulmeti, Shqipëria me çmime më të larta

Çmimi i djathit të bardhë në Shqipëri është 9.62 euro/kg, kundrejt 13.00 euro në Gjermani, por kaçkavalli është më i lirë në Gjermani (9.90 euro) se sa në Shqipëri (12.43 euro).

Qumështi dhe kosi janë gjithashtu dukshëm më të lirë në tregun gjerman me 31 dhe 24% më pak.

Vezët kushtojnë afërsisht njësoj në të dyja vendet, ndërsa gjalpi është më i lirë me 6 euro/kg në Gjermani, një diferencë prej 55% nga tregu ynë.

Uji, pijet dhe alkooli – Gjermania më lirë, sidomos për ujin dhe birrën

Çmimi i ujit mineral në Shqipëri është 0.50 euro për litër, ndërsa në Gjermani, vetëm 0.20 euro. Edhe birra rezulton dukshëm më e lirë në Gjermani me 1.79 euro kundrejt 0.70 euro në Shqipëri për një shishe 0.5 litër.

Lëngjet e futave janë shumë më lirë në Gjermani me mbi 50%.

Artikujt e pastrimit dhe higjienës – Shqipëria shumë më e shtrenjtë

Kategoria me diferencën më ekstreme është ajo e detergjentëve dhe produkteve të kujdesit personal. Për shembull, një pako “Finish” me 42 tableta për larëse enësh kushton 16.16 euro në Shqipëri dhe vetëm 9.95 euro në Gjermani, një diferencë prej 6.21 euro apo 38% më shumë.

Edhe produktet e përditshme si “Cif”, “Mastro Lindo”, “Lenor”, apo pasta e dhëmbëve rezultojnë më të shtrenjta në Shqipëri, me diferenca që shkojnë deri në 54%.

Për shembull shampo “Head & Shoulders” shitet për 5.08 euro në Shqipëri dhe vetëm 1.79 euro në Gjermani, një diferencë prej 3.29 eurosh apo gati 65%. Gjithashtu një krem “Nivea” me të njëjtën sasi në Gjermani ishte 80% më lirë në të njëjtën ditë të krahasimit më 29 maj 2025.

Produkte për fëmijë – Shqipëria dyfish më shumë

Çmimi i pelenave “Pampers” për pesha 11-22 kilogramë me 22 copë për fëmijë rezulton 27.34 euro në Shqipëri dhe vetëm 8.70 euro në Gjermani ose 68% më lirë.

E njëjta tendencë vërehet edhe për produktet kozmetike për fëmijë, si kremrat apo shampot, ku diferencat variojnë nga 30% deri në 60% (shiko tabelën).

Ushqimet për fëmijë janë jashtëzakonisht më të shtrenjta. Për shembull produkti “Aptamil Organic 1 Bio 800 gr” kushton në tregun tonë rreth 28 mijë lekë (29 euro) ndërsa në të njëjtën ditë në supermarketin “Penny” në Gjermani kushtoi 18 euro.

Ndërkohë PBB për frymë në Shqipëri është rreth 8 mijë euro, ndërsa në Gjermani, rreth 53 mijë euro. Nga gjithsej 52 produkte të analizuara në tabelë, 42 prej tyre rezultojnë më të lira në Gjermani sesa në Shqipëri.

Nga analiza rezulton se vetëm 9 produkte janë më të shtrenjta në Gjermani sesa në Shqipëri.

TVSH e lartë për ushqimet

Në Shqipëri, Tatimi mbi Vlerën e Shtuar (TVSH) për produktet ushqimore është 20%, një nga normat më të larta në Europë.

Në kontrast, vendet fqinje aplikojnë norma më të ulëta Maqedonia e Veriut 5%, Mali i Zi 7%, Kosova 8%, Serbia 10%, ndërsa mesatarja europiane për ushqimet është rreth 9%.

Kjo barrë fiskale e lartë ndikon drejtpërdrejt në rritjen e çmimeve për konsumatorët shqiptarë.

Zonja Babameto tha se Shqipëria ka taksa të larta në përgjithësi më shumë se rajoni dhe TVSH të lartë për ushqimet, si një arsye e fortë për diferencat e larta. Niveli i lartë i TVSH-së ishte arsye për çmimet e larta edhe sipas përfaqësive të kompanisë tjetër të importeve të ushqimeve “Kosmonte Foods”.

Sipas të dhënave nga “Taxfoundation” dhe “Eurofast”, disa vende si Spanja dhe Portugalia kanë ulje të përkohshme deri në 0% për ushqimet bazë, për të përballuar inflacionin.

Vendet e Bashkimit Europian aplikojnë gjerësisht norma të reduktuara të TVSH-së për ushqimet, për të lehtësuar barrën fiskale mbi konsumatorët. Në Francë, për shembull, ndërsa norma standarde është 20%, TVSH për ushqime është vetëm 5.5%.

Gjermania aplikon një normë standarde prej 19%, por vetëm 7% për ushqimet. Po ashtu, Austria 10%, Belgjika 6%, Italia 4% dhe shumë vende të tjera ndjekin të njëjtin model favorizues për produktet bazë të konsumit.

Rast interesant është Suedia, me normë standarde të lartë 25%, por me vetëm 2.6% TVSH për ushqime, ndërsa Irlanda aplikon zero TVSH për produktet ushqimore.

Disa shtete, si Holanda dhe Luksemburgu, kanë zgjedhur norma të moderuara të reduktuara, përkatësisht 9% dhe 3%.

Ndryshe nga Bashkimi Europian, ku Shqipëria synon të anëtarësohet, vendi ynë dallohet për mungesën e një skeme që ndikon drejtpërdrejt në koston e jetesës, sidomos për shtresat më të ndjeshme të popullsisë.

Shqipëria është ndër të vetmet vende që nuk aplikon normë të reduktuar për ushqimet, duke ndikuar negativisht në fuqinë blerëse.

Në të shkuarën ka pasur shpesh propozime për vendosjen e një TVSH-je të reduktuar për produktet ushqimore bazë, por argumenti kryesor kundër ka qenë rënia e të ardhurave në buxhet dhe frika nga abuzimet në zinxhirin e furnizimit.

Megjithatë, ekspertët vlerësojnë se një sistem me dy norma (standarde dhe e reduktuar) jo vetëm që është i zbatueshëm, por edhe i domosdoshëm për të garantuar drejtësi sociale dhe mbrojtje të konsumatorit.

Varësi e lartë nga importet

Çmimet e larta të ushqimeve në vendin tonë më së shumti diktohen nga baza e ulët e prodhimit dhe varësia nga importet. Në vitin 2024 importet e ushqimeve ishin 2.7 herë më të larta se eksportet.

Rënia e prodhimit në sektorin bujqësor në njërën anë dhe në tjetrën rritja e numrit të konsumatorëve nga turistët po rizgjojnë kanalet e importit të ushqimeve.

Në vitin 2024, importet e ushqimeve në sasi shënuan rritje me 13%, ndërsa në vlerë, me 6.6.%

Të dhënat zyrtare nga tregtia e jashtme tregojnë se nga viti 2006 deri në 2024, Shqipëria ka shënuar rritje të dukshme të importeve të ushqimeve në vlerë monetare, ndërkohë që sasia në ton shënoi rritje më të moderuar.

Të dhënat tregojnë një tendencë të qartë drejt rritjes së kostos së importeve ushqimore, duke reflektuar ndryshime në çmime. Importet e ushqimeve në vendin tonë kanë pasur rritje të fortë, sidomos pas pandemisë.

Në vitin 2024, importet e ushqimeve arritën pikën më të lartë historike, mbi 1.300.000 tonë, duke treguar rritje të qartë pas stabilitetit shumëvjeçar.

Ndërkohë, vlera e importeve ushqimore shfaq një rritje të qëndrueshme që nga viti 2006, kur ishte nën 50 miliardë lekë.

Deri në vitin 2021, ajo arrin mbi 100 miliardë lekë, ndërsa në vitin 2024 kapërcen kufirin e 160 miliardë lekëve, mbi 3.5 herë krahasuar me 2006.

Kjo ecuri tregon se, edhe pse vëllimi në sasi nuk ka ndjekur të njëjtin trend, shqiptarët paguajnë shumë më tepër për ushqimet që importohen, edhe pse forcimi i Lekut nuk e mbështet këtë fenomen.

Në tre vitet e fundit, Leku është forcuar me rreth 20% ndaj Euros, gjë që duhet të kishte ndikuar edhe në uljen e vlerës së importeve.

Të dhënat zyrtare tregojnë se vendi ynë po importon sasi të ngjashme, por me kosto gjithnjë e më të lartë.

Kostot e larta të transportit dhe logjistika, një tjetër arsye

“Çmimet e larta të ushqimeve në Shqipëri disfavorizohen nga kostot e larta të transportit dhe logjistika e përshtatshme. Kostot e transportit për 1 ton ushqime janë rreth 100 euro”, – tha zonja Babameto. Aktualisht, çmimi i naftës në Shqipëri është ndër më të lartët në Europë.

Një litër naftë kushton 1.76 euro, dukshëm më i lartë se në vendet e rajonit si Maqedonia e Veriut, Serbia dhe Mali i Zi, ku çmimet e karburantit janë më të ulëta së paku 30%.

Në Bashkimit Europian, çmimet e naftës variojnë, por mesatarja është më e ulët se ajo në Shqipëri. Qeveria jonë aplikon taksa më të larta mbi karburantet, të cilat rrisin çmimin final për konsumatorin.

Shqipëria ka gjithashtu deficit në logjistikë. Nuk ka hekurudha funksionale. Tregu dominohet nga kompani të vogla transporti dhe ka kapacitete të dobëta magazinimi profesional.

Ekonomistët përllogarisin se kostot e transportit përbëjnë deri në 15–25% të çmimit final të disa produkteve ushqimore, sidomos të frutave, perimeve, mishit dhe produkteve të freskëta.

Treg i vogël dhe spekulim i lartë

Duke qenë një treg i vogël, shumë kategori produktesh importohen dhe shpërndahen nga pak kompani, çka krijon monopole ose oligopole që vendosin çmime të larta. Supermarketet e mëdha shpesh nuk kanë presion konkurrues të mjaftueshëm për t’i ulur çmimet.

Shqipëria importon rreth 80-90% të produkteve ushqimore të përpunuara, ndryshe nga vendet me bujqësi të zhvilluar. Kjo sjell kosto më të larta për shkak të transportit, taksave doganore etj.

Gjatë periudhave të krizës, si pandemia e COVID-19 dhe lufta në Ukrainë, është vërejtur një rritje e çmimeve të produkteve bazë në Shqipëri me ritme mbi 13% për ushqimet.

Fondi Monetar vërejti se në vendet e rajonit dhe sidomos në Shqipëri kishte elemente të spekulimit me çmimet e ushqimeve.

Në mungesë të mekanizmave efektivë të kontrollit dhe monitorimit nga autoritetet përkatëse, çmimet e larta mbahen në mënyrë spekulative.

Sipas të dhënave zyrtare në vitin 2024 janë importuar nga jashtë rreth 1,3 milionë kilogram ushqim me vlerë 156 miliardë lekë. Një kilogram nga grupi “ushqim, pije, duhan” kushtoi 120.8 lekë në vitin 2024 nga 129.8 lekë në vitin 2023, me rënie rreth 7%.

Në raport me vitin 2022, çmimi i një kilogrami ushqim dhe pije ka ranë mesatarisht me 17%.

Në anën tjetër, në vitin 2024, inflacioni i grupit ushqim, pije, duhan shënoi rritje me 2.7%. Importet janë përbërësi kryesor i inflacionit, pasi Shqipëria e ka të bazuar konsumin në import.

Mirëpo tregu vendas me pakicë nuk po tregohet elastik ndaj ndryshimeve të çmimeve në tregjet ndërkombëtar, duke mos përcjellë uljen e çmimeve dhe fitimet nga kursi i këmbimit.

Importuesit dhe distributorët e ushqimeve kanë pohuar, se po përballen me rritjen e kostove të brendshme për shkak të mungesës së fuqisë punëtore që i ka detyruar të rrisin pagat.

Çmimet e larta të ushqimeve, marrin 40% të buxhetit të familjeve

Sipas të dhënave të INSTAT, për vitin 2023, një familje shqiptare me mesatarisht 3.7 anëtarë shpenzoi rreth 91,675 lekë në muaj, nga të cilat 36,349 lekë (39.6%) ishin për ushqime dhe pije joalkoolike.

Kjo përqindje është ndër më të lartat në Europë, duke reflektuar se shqiptarët çojnë gjysmën e të ardhurave të tyre për ushqim. Në BE familjet shpenzojnë rreth 13% të buxhetit për ushqime.

Shpenzimet e larta për ushqime gjithashtu lidhen me të ardhurat e ulëta. Shqipëria ka fuqi blerëse sa 34% e BE-së, ndërsa pagat janë rreth 30% më të ulëta se Rajoni.

Kur të ardhurat janë të ulëta, një pjesë më e madhe e tyre shkon për mallra bazë, si ushqimet, që janë të domosdoshme për mbijetesë. Në vendet me të ardhura më të larta, familjet kanë mundësi të shpenzojnë për argëtim, edukim, udhëtime etj., duke ulur përqindjen që zë ushqimi në totalin e shpenzimeve.

Shqipëria ka qenë ndër vendet me inflacion më të lartë për produktet ushqimore pas krizave globale (COVID-19, lufta në Ukrainë), duke rritur më tej peshën e tyre në buxhet.

Nga ana tjetër, ndihma ekonomike dhe mbështetja për familjet me të ardhura të ulëta në raport me PBB kanë pësuar ulje vitet e fundit.

Në vitin 2024, fondet për shpenzimet për ndihmën ekonomike arritën vetëm 1,1% e PBB-së, dukshëm më pak se 1.6% në vitin 2014.

Rënia e vazhdueshme e shpenzimeve buxhetore në raport me PBB-në për shtresat në nevojë vjen në një kohë kur kostot e jetesës, të tilla si çmimet e ushqimeve, qirasë, transportit etj., janë rritur ndjeshëm, duke goditur më fort shtresat në nevojë.

Ndërkohë Shqipëria ka zyrtarisht 42% të popullsisë në rrezik të varfërisë./MONITOR

The post Pse produktet bazë kushtojnë më shumë në Shqipëri se në Europë appeared first on Lapsi.al.

Shqipëria është kthyer në një destinacion turistik me interes për t’u reklamuar nga agjencitë e huaja, të cilat kanë përfshirë paketa të posaçme, që nisin nga disa qindra euro në disa mijë euro, në varësi të kohëzgjatjes dhe shërbimeve të përfshira.

Disa nga tregjet aktive ku ofrohen paketa kulturore, por edhe mundësi për pushime vere mbeten tregu britanik, ai italian, izraelit, por edhe Emiratet e Bashkuara Arabe.

Tashmë nuk ka më vetëm një pikë të lakmuar që duhet vizituar me patjetër, Shqipëria reklamohet nga Jugu në Veri si një vend që ka shumë për të ofruar, nga natyra te kultura.

Shqipëria ka hyrë në hartën e vendeve që po marketohen më shpesh nga agjencitë ndërkombëtare me paketa turistike.

Dikur këto paketa e përfshinin vendin tonë si pjesë të tureve rajonale, kryesisht Ballkani, por promovimi ndërkombëtar dhe vëmendja e fituar në mediat e huaja dhe rrjetet sociale kanë bërë që tashmë edhe i vetëm, si destinacion, të jetë tërheqës.

Nga turi 11-ditor në pikat më të veçanta tek Alpet, si po joshen anglezët 

Explore.co.uk, ka në faqen e saj shtatë paketa turistike që synojnë të tërheqin turistët britanikë drejt Shqipërisë. Me çmimin që varion mes 1100-1500 paund, oferta është e larmishme.

Paketa më e parapëlqyer dhe me më shumë vlerësime nga përvojat e individëve duket se është ajo që quhet “Më të veçantat e Shqipërisë” apo “Higlights Albania”, me çmim që aktualisht është 1249 euro.

Kjo paketë përfshin një tur 11-ditor në vendin tonë.

Klientëve u bëhet e qartë që fluturimi nuk është i përfshirë në këtë çmim dhe ai duhet të paguhet më vete. Të përfshira në turin 11-ditor janë netët në hotel, 10 mëngjese, 2 darka, transporti nga njëri destinacion në tjetrin, një guidë e turit.

Vendet që vizitohen janë: Tirana në ditën e parë, teleferiku dhe Dajti në ditën e dytë dhe sërish shëtitje në qytet. Elbasani dhe një vizitë në Ohër, në ditën e tretë. Korça dhe Voskopoja në ditën e katërt.

Në të pestën, Gjirokastra dhe Bënja. Dita e gjashtë, një drekë në Dhoksat në Gjirokastër. Ditën e shtatë, eksplorimi i Butrintit. Në ditën e tetë, Fortesa e Ali Pashës dhe më pas Parku i Llogorasë.

Në ditën nëntë vizitohet Apolonia dhe Vlora në rrugën drejt Beratit.

Në ditën e dhjetë, vizitë në Berat dhe më pas në Durrës. Dita e fundit është një ndalesë në Krujë.

Paketat e tjera të ngjashme janë ato të posaçme për familje, një tjetër për të vizituar Alpet e Shqipërisë, një për shtigjet në pjesën bregdetare, si dhe një për çiklistë.

Më e shtrenjta ndër të gjitha është ajo e turit rajonal “Ballkani i Pazbuluar”, me çmim 2195 paund dhe që me zbritje shitet momentalisht 1945 paund.

Ky tur përfshin Kosovën, Maqedoninë e Veriut dhe Shqipërinë, me një total prej 14 ditësh ku gjithsesi sërish ardhja dhe largimi është nga Tirana.

Italianët vizitojnë vendin e “Shqiponjave”, paketat nisin nga 3 mijë euro

Italianët janë grupi me rritjen më të qëndrueshme duke zënë vendin e dytë pas Kosovës për hyrjen e shtetasve të huaj.

Afërsia gjeografike dhe mënyrat e larmishme të transportit mes dy vendeve, ku sidomos hyrja e linjave low cost dhe numrit të destinacioneve që mbulohen përmes tyre, ka bërë që italianët të kthehen në vizitorë gjithëvjetorë.

Pavarësisht se shumica zgjedhin të vijnë për fundjava në mënyrë individuale, apo edhe për pushime më të gjata, ofertat e Shqipërisë si një paketë për pushuesit italianë nuk mungojnë.

Në faqen e alpitour.it bien në sy disa të tilla që mundësohen në bashkëpunim.

Një prej tyre është “Tur në vendin e Shqiponjave”. “Një tokë e pasur me histori dhe bukuri, një itinerar klasik që prek vendet kryesore me interes, midis detit, maleve dhe siteve arkeologjike, dëshmi të së kaluarës.

Nga Tirana, kryeqyteti modern simbol i Shqipërisë së re, në Sarandë, një qytet turistik i gjallë, i përqafuar nga ujërat kristalore të Detit Jon, me peizazhet bregdetare me bukuri të rrallë dhe qyteteve të mrekullueshme që janë vende të trashëgimisë kulturore të UNESCO-s”, shkruhet në përshkrimin e paketës që llogaritet në 3630 euro për dy persona, ku përfshihen hoteli, fluturimi dhe vaktet.

Kjo ofertë përfshin një tur 8-ditor që nis nga Tirana, vazhdon në Krujë dhe në Shkodër më pas në Apoloni dhe në Vlorë, për të vijuar në Porto Palermo e Sarandë.

Në ditën e pestë vizitohen Butrinti dheKsamili, me qëndrim sërish në Sarandë, për të vizituar të nesërmen Syrin Blu, më pas në Gjirokastër e në Berat.

Në ditën e tetë pas Beratit, zhvendosja është në Durrës e më pas në Tiranë.

Izraeli rikthehet “i organizuar”, në kërkim të pushimeve verore të përballueshme 

Këtë vit, linja ajrore izraelite “Sun d’Or”, pjesë e “EL AL Group” nisi me fluturimet 5 herë në javë drejt Shqipërisë duke iu përgjigjur kërkesës në rritje për destinacionin, me qëllim pushime verore më ekonomike.

Në “The Jerusalem Post”, CEO i kësaj linje, Gal Gershon, tha në fillim të qershorit se kërkesa është e lartë.

“Jemi të kujdesshëm ndaj kërkesës së lartë dhe të lumtur që ofrojmë fluturime 5 herë në javë në Tiranë.

Këtë verë nisëm fluturimet direkte në Shqipëri për herë të parë dhe ky do të jetë hiti i verës 2025”, tha ai. Shqipëria, në këndvështrimin e kësaj linje, ofron plazhe magjepsëse, natyrë dhe ushqim të mirë dhe çmime të përballueshme.

Në faqen myholidays.com, ku ofrohen paketa për vende të ndryshme, paraqiten edhe ato nga Izraeli drejt Shqipërisë. Një opsion është një tur 4-ditor me çmim 77 mijë lekë personi, ku përfshihet eksplorimi i Tiranës në ditën e parë.

Në ditën e dytë eksplorimi i bregdetit të Vlorës.

Në ditën e tretë, vizitë në Gjirokastër dhe në ditën e katërt, Jugu me plazhe si Dhërmiu apo peizazhet në Llogora.

Një tjetër paketë më e gjatë përfshin 5 net qëndrim, me kosto 124 mijë lekë, që ngjashëm si ajo më sipër përfshin edhe destinacione si Saranda e Butrinti apo ndalesa më të shumta në Jugun e vendit.

Francezët, drejt detit “të lirë” dhe tureve kulturore në Shqipëri 

Një nga tregjet që po tregon rritje të shpejtë në Shqipëri, sidomos e dukshme këtë vit, sikurse kanë konfirmuar operatorët turistikë, është ai francez.

Ata vijnë të organizuar në ture kulturore apo edhe individualë falë linjave low cost që operojnë nga Tirana në disa qytete kryesore në Francë.

Agjencitë që ofrojnë paketa për Shqipërinë në Francë janë të shumta, por në këtë rast përzgjodhëm leclercvoyages.com, e njohur për paketa ekonomike.

Ajo që bie në sy në faqe është një numër i madh strukturash akomoduese të listuara në të me ofertën “të gjitha të përfshira”.

Janë kryesisht struktura që ndodhen në Gjirin e Lalëzit, në Durrës apo në Golem. Konkretisht, për një nga strukturat me katër yje me të gjitha të përfshira në Durrës, oferta është 605 euro personi, që përfshin qëndrimin për 5 net, por edhe fluturimin.

Nisjet bëhen nga qytete të ndryshme si Paris, Nisë, Lion, Tuluzë, Strasburg, Marsejë.

Për akomodim në një strukturë të kategorizuar si një gjysmë pensioni (fjetje dhe një ose dy vakte) po në Durrës, oferta nis nga 194 euro. Opsionet janë të shumta, sipas strukturës së listuar.

Bien në sy edhe paketa turistike të organizuara. Konkretisht një prej tyre është “Circuit Étonnants Trésors d’Albanie” (Tur i Thesareve të Mrekullueshme të Shqipërisë), e cila parashikon 7 net, në një program të përcaktuar, që bëhet aktive nga korriku i këtij viti, me çmime që nisin mbi 1 mijë euro.

Paketa parashikon nisjen nga Franca dhe mbërritjen në Tiranë, me akomodim në Durrës. Ditën e dytë parashikohen vizita në Krujë dhe në Muzeun e Skënderbeut.

Në ditën e tretë, udhëtimi përfshin Gjirokastrën dhe Kalanë e saj dhe kthimin sërish në hotel në Durrës.

Ditën e katërt përfshihet Tirana dhe vizita në BunkArt. Dita e pestë ka në fokus Durrësin, kurse e gjashta Beratin dhe vizitën në Muzeun Onufri.

Në ditën e shtatë qëndrimi është sërish në Durrës për t’u rikthyer më pas drejt Francës në ditën e tetë.

Dubai zbulon Shqipërinë në paketa 4-ditore, vëmendja vetëm te Tirana 

Vizitorët nga vende si Emiratet e Bashkuara Arabe kanë qenë në numra të lëkundur. Pas një rritjeje në vitin 2022 pas pandemisë duket se ky treg pësoi një lloj luhatjeje edhe për shkak se Shqipëria nuk ofron disa shërbime specifike që kërkohen nga këto tregje, kryesisht e lidhur me ushqimin.

Gjithsesi ofertat për të vizituar vendin tonë nga agjenci të ndryshme në këto vende nuk kanë munguar, por fokusi është Tirana që duket se i ka më të zhvilluara shërbimet.

E marketuar nga Sharaftravel, me qendër në Dubai, një paketë për Shqipërinë përfshin një tur 3 net në Tiranë, me çmim 3099 AED apo rreth 740 euro.

Itinerari i shpjeguar nga agjencia parashikon që ditën e parë të mbërritjes në Tiranë të jetë një natë e lirë ku klientët të shëtisin të vetëm qytetin.

Në ditën e dytë parashikohet një tur në qytet me guidë, ku vizitohen pika të ndryshme të qytetit si Bulevardi me ndërtesat italiane, Galeria, Teatri i Operës, Monumenti i Skënderbeut, Xhamia e Et’hem Beut, Kulla e Sahatit.

Në ditën e tretë sërish në Tiranë vizitorët lihen të lirë për të ndjekur aktiviteteve të pavarura me interes për ta.

Dita e katërt është kthimi në vendin e tyre. Paketa përfshin fluturimet, tre net akomodim në një hotel me katër yje, mëngjes, sigurimin e shëndetit, si dhe transporti nga dhe për në aeroport.

Gjermanët, eksplorim nga Veriu në Jug në ture të gjata kulturore 

Gjermanët janë një treg që tradicionalisht viteve të fundit kanë treguar interes për turet kulturore dhe duket se promovimi edhe më i gjerë i Shqipërisë turistike ka rritur interesin tek ta edhe për eksplorim individual gjithëvjetor.

Agjencitë që reklamojnë Shqipërinë, si një paketë turistike, janë të shumta, qoftë për turizmin e detit dhe rërës, qoftë për kulturën, natyrën apo gastronominë.

Këtë herë ne morëm për bazë një paketë relativisht të gjatë të shtrirë në 8 ditë me fokus një tur kulturor nga Veriu në Jug. Tourradar.de paraqet paketën “Më e mira e eksplorimit në Shqipëri” me çmim 1155 euro personi, që përfshin një tur të gjatë në disa qytete kyçe në vend.

Itinerari i shpjeguar parashikon në ditën e parë mbërritjen në Tiranë dhe vizitën në disa prej pikave kryesore të kryeqytetit.

Në ditën e dytë, vizita zhvendoset në Krujë dhe më pas sërish në Tiranë. Në ditën e tretë përfshihen vizita në qytetet e Lezhës dhe të Shkodrës. Në ditën e katërt, Durrësi dhe Berati që nënvizohet se është pjesë e UNESCO.

Në ditën e pestë turistët vizitojnë Ardenicën, Apoloninë dhe Vlorën.

Më pas në ditën tjetër, vizitohet Himara, Ksamili, Butrinti me qëndrim në Sarandë. Në ditën e shtatë, në fokus është një vizitë te Syri Blu dhe Gjirokastra, ndërsa në ditën e tetë është kthimi.

Shërbimet që përfshihen në këtë paketë janë akomodimi, guidat e udhëtimit, vaktet, transporti dhe disa shërbime shtesë.

Një tjetër paketë e tipit “road trip” parashikon vizita në kanione, zona malore dhe ujëra të kristaltë me 13 destinacione të përfshira, duke e ditur edhe preferencën që turistët gjermanë kanë për natyrën dhe turizmin e aventurës.

Çmimi për këtë paketë është 1829 euro personi për 11 ditë dhe përfshin Tiranën, Bogën, Thethin, Komanin, Shkodrën, Durrësin, Beratin, Sarandën dhe Gjirokastrën./MONITOR

The post Paketat turistike, sa “kushton” Shqipëria appeared first on Albeu.com.

Tregjet financiare evropiane, por edhe ato aziatike u tronditën të premten pas lajmeve se Izraeli kishte sulmuar Iranin.

Çmimet e naftës nga ana tjetër u rritën, nga shqetësimi se konflikti mund të çojë në kufizimin e furnizimeve.

Kështu, çmimi i naftës së papërpunuar amerikane u rrit me 5.3% në 71.7 dollarë për fuçi. Ndërsa ajo “Brent”, me standard ndërkombëtar, me 5.15 për qind, duke arritur në 72.93 dollarë për fuçi.

Në kontinentin e vjetër, indeksi i aksioneve të Eurozonës, “Euro Stoxx 50”, ra me 1.37 për qind në 5.287. Ndërsa treguesi tjetër “Stoxx 600” ra me 0.95 për qind.

Në Gjermani, bursa “DAX” ra me 1.3 për qind, në Itali me 1.53, të ndjekura nga Spanja dhe Franca, përkatësisht me 1.56 dhe 1.03 për qind.

Edhe në Azi, bursa e Tokios, “Nikkei” ra me 0.89 për qind dhe ajo e Shangait humbi 0.75 për qind, ndërsa në Australi rënia ishte 0.21.

Pas sulmeve, edhe “Standard & Poors” ra me 1.38 për qind, “Nasdaq” me 1.46 dhe “Doë Jones” me 1.29 për qind.

Të enjten, treguesit e bursave amerikane ishin rritur, pas sinjaleve inkurajuese për rënien e inflacionit në mbarë vendin.

LEXONI GJITHASHTU:

• Izraeli apo Irani? Kush ka ushtrinë më të fortë në rast të një lufte “kokë më kokë”
• Shefi i Gardës Revolucionare të Iranit vritet nga Izraeli
• Khamenei paralajmëron Izraelin: Do përballet me ‘fat të hidhur dhe të dhimbshëm’

The post Rriten çmimet e naftës pas sulmeve të Izraelit ndaj Iranit, “tronditen” tregjet appeared first on Euronews Albania.

Edhe pse sezoni kryesor turistik është në prag, në Mal të Zi ende nuk janë hapur të gjitha plazhet, aeroportet po funksionojnë me kapacitete të kufizuara, ndërsa kolonat në trafik maten me kilometra.

Pavarësisht premtimeve të qeverisë, as këtë sezon nuk është përmirësuar ndjeshëm qasja ajrore në Mal të Zi, e as qarkullimi nëpër kufi. Mungon edhe zbatimi i paralajmëruar i taksës së tranzitit, që supozohej të lehtësonte ngarkesën në magjistrale nga turistët që vetëm kalojnë përmes Malit të Zi.

Për shkak të vonesave në tenderët e ndërmarrjes shtetërore Morsko dobro, shumë qiramarrës plazhesh ende nuk kanë nisur punën për shkak të procedurave administrative. Kanë kërcyer edhe çmimet – ato të akomodimit, të çadrave e shtretërve të plazhit, dhe të ofertës jashtë paketës së zakonshme turistike.

Shërbimi do të ndikohet edhe nga mungesa kronike e fuqisë punëtore, pasi ende nuk është miratuar ligji për punëtorët e përhershëm sezonalë.

E gjithë kjo po ndodh në një vit kur gjatë tre muajve të parë është regjistruar një rënie prej 10 për qind të netëve të qëndrimeve, krahasuar me vitin e kaluar, ndërsa të ardhurat nga turizmi kanë rënë për 6.4 për qind.

Kjo përbën vazhdimin e një prirjeje negative nga viti i kaluar, kur për herë të parë në dy dekadat e fundit nga turizmi u fituan gati 1.5 miliard euro më pak sesa një vit më parë.

TVSH-ja dyfish më e lartë rriti çmimet e akomodimit

Shoqata Turistike e Malit të Zi (CTU) thotë se rritja më shumë se dyfish e tatimit mbi vlerën e shtuar (TVSH) për akomodim ka ndikuar ndjeshëm në çmimet e hoteleve.

“Për ta kompensuar këtë ngarkesë fiskale, do të duhej të rritnim çmimet për 17.5 për qind në vit, që është e paqëndrueshme. Duke qenë se e dimë që kjo do të shkatërronte biznesin, jemi të detyruar ta përballojmë pjesërisht vetë. Megjithatë, çmimet janë rritur”, thotë kryetari i shoqatës, Zharko Radulloviq, në një deklaratë për Radion Evropa e Lirë (REL).

Qeveria e kryeministrit Millojko Spajiq këtë vit e ka rritur TVSH-në për akomodimin në hotele nga 7 në 15 për qind.

Radulloviq shpjegon se kjo nuk është vetëm një rritje prej 8 për qind, sepse rreth 80 për qind e të ardhurave në sektorin e hotelerisë vijnë nga akomodimi:

“Kjo do të thotë se nëse për të njëjtin numër krevatesh dhe netësh vjet kemi paguar 1 milion euro taksa, këtë vit paguajmë 2.1 milionë. Pra, barrën më të madhe të taksave po e mban pikërisht ajo që e mban të qëndrueshëm hotelerinë”.

Për ta ilustruar më mirë, ai bëri krahasime me Shqipërinë, ku TVSH-ja për akomodim është më pak se gjysma – vetëm 6 për qind.

Çfarë çmimesh i presin turistët?

Sipas të dhënave nga Organizata Turistike e Budvës, çmimet për një natë me mëngjes për dy persona në hotele me 3 dhe 4 yje variojnë nga 70 deri në 86 euro.

Në hotelet me 4 dhe 5 yje, çmimet shkojnë nga 86 deri në mbi 230 euro për natë. Ata që zgjedhin akomodim privat, paguajnë nga 16 deri në 25 euro në ditë për person.

Edhe çmimet në restorantet dhe kafenetë e Budvës janë të ndryshme. Në një zonë të njohur afër qytetit të vjetër mund të hahet mëngjes për 4.5 euro, ndërsa kafeja kushton 1.20 euro.

Pica dhe pasta kushtojnë 10 euro, kallamarët dhe rizotoja 13 euro, ndërsa peshku fillon nga 15 euro e më shumë. Duke analizuar menytë, del se në vijën e parë të detit një drekë ose darkë kushton rreth 25 euro për person, ndërsa një ëmbëlsirë 6.5 euro.

Shtrenjtohen edhe çadrat dhe shtretërit në plazhe

Çmimet e çadrave dhe shtretërve në plazhe janë rritur ndjeshëm, pasi ndërmarrja shtetërore Morsko dobro ka trefishuar qiranë për shfrytëzimin e plazheve.

Xhavit Hoxhiq nga Ulqini thotë për REL-in se vitin e kaluar paguante 42 mijë euro për qiranë e plazhit, ndërsa këtë vit rreth 114 mijë euro – pothuajse trefish më shumë.

Përveç qirasë, ai thotë se vetëm për ta pajisur plazhin rreth 200 metra të gjatë, duhet të investojë të paktën edhe 50 mijë euro.

“Do të na duhet të rrisim çmimet e shtretërve, pijeve dhe ushqimit – përndryshe nuk ka gjasa që ta përballojmë këtë qira”, thotë Hoxhiq.

Sipas Shoqatës së Qiramarrësve të Plazhit të Madh, çmimi mesatar i dy shtretërve të plazhit në rivierën e Ulqinit këtë sezon do të jetë nga 17 deri në 20 euro, krahasuar me 15–17 euro vitin e kaluar.

“Tani mbetet të shihet sa konkurrues do të jemi me këto çmime, por kjo ishte strategjia – të merret sa më shumë nga qiratë”, thotë ai.

Ministri i Urbanizmit, Sllaven Radunoviq, deklaroi në televizionin publik malazias se këtë vit shteti ka arkëtuar shtatë herë më shumë nga qiratë e plazheve krahasuar me vitin 2021 – plot 35 milionë euro.

Megjithatë, një muaj e gjysmë pas nisjes zyrtare të sezonit, shumë plazhe ende nuk janë hapur për shkak të tenderëve të vonuar. Edhe pse deri në fund të majit 90 për qind e qiramarrësve kishin nënshkruar kontratat, shumë prej tyre ende nuk kanë leje për të punuar.

Hoxhiq thotë se për të hapur plazhin, barin veror dhe kampin, i duhet një “mal” dokumentesh, projekte urbanistike e të tjera.

“Ka aq shumë letra, sa që do të na duhej deri në fund të dhjetorit për t’i kompletuar të gjitha”.

Për këtë arsye, autoritetet në Ulqin kanë propozuar që ndërmarrja Morsko dobro të japë leje të përkohshme për qiramarrësit, deri në përmbushjen e dokumentacionit të nevojshëm. REL-i i ka pyetur autoritetet për këtë, por nuk ka marrë përgjigje.

Çfarë thonë turistët për çmimet?

Danilo dhe Ana nga Podgorica, me foshnjën e tyre, po pushojnë në një hotel të kategorisë mesatare, dhe janë të kënaqur që në plazhin afër nuk ka ende shtretër – kështu do të shpenzojnë më pak se kishin planifikuar. Por, janë të habitur nga çmimet në markete:

“Bleva një shishe ujë, patatina dhe ‘smoki’ – gjithsej 7 euro. Ndërkaq, në një piceri afër, çmimet ishin gati dyfish më të larta se në Podgoricë”, thotë Ana për REL-in.

Jovani, nga Serbia, mendon se çmimet janë të arsyeshme për cilësinë që ofrohet, dhe thotë se janë më të ulëta se në Beograd, ku ai jeton:

“Për mua nuk është shtrenjtë, çmimet janë në përputhje me ofertën”.

Zahra, nga Azerbajxhani, ndodhet për herë të dytë në Mal të Zi, dhe po qëndron në akomodim privat:

“Disa restorante janë të shtrenjta, por ka zgjedhje, dhe mund të gjesh edhe më të lira. Përshtypjet e mia janë pozitive, prandaj kam ardhur sërish”.

Transporti tokësor dhe ajror

Udhëtimi drejt Malit të Zi është ngadalësuar ndjeshëm për shkak të infrastrukturës së dobët rrugore dhe kolonave kilometrike.

Disa turistë thonë se nga Dubrovniku deri në Budva, ku shkojnë shpesh, në kushte normale u duhen dy orë, por gjatë verës gjashtë deri në shtatë orë. Shkak janë pritjet në kufi, dhe punimet në Rrugën e Adriatikut, mes Tivatit dhe Budvës.

Veturat përshkojnë këtë distancë prej vetëm 24 kilometrash për rreth një orë e gjysmë në verë. Punimet në këtë segment prej 16 kilometrash nisën në janarin e 2024-tës, dhe parashikohet të zgjasin dy vjet. Kjo rrugë është arteria kryesore e turizmit malazias, pasi lidh aeroportet e Tivatit dhe Dubrovnikut.

Ndërkohë, transporti ajror është gjithashtu problematik. Prej vitesh paralajmërohet se aeroportet në Tivat dhe Podgoricë janë shumë të vogla për të përballuar fluksin sezonal. Në përgjigje për REL-in, kompania shtetërore Aeroportet e Malit të Zi thotë se janë “midis dy zjarreve”.

“Publiku kërkon më shumë linja dhe udhëtarë, ndërsa ne punojmë në terminale që janë të njëjtë si në vitin 2006”.

Në atë kohë, shtojnë ata, kanë pritur rreth 850 mijë pasagjerë, ndërsa këtë vit në të njëjtin hapësirë presin mbi 3 milionë. Ata presin ende vendimin për dhënien me koncesion të aeroporteve, dhe për këtë arsye bëjnë vetëm investime të vogla:

“Nuk është racionale të investosh miliona, nëse ekziston mundësia që këto para të përfundojnë te dikush tjetër”.

Këtë verë, Aeroporti i Podgoricës ka mbi 45 linja aktive, ndërsa ai i Tivatit mbi 50.

Qeveria kishte premtuar më herët hapjen e një linje ajrore “me interes publik”, por nuk është dhënë asnjë informacion për realizimin e këtij premtimi. As Ministria e Turizmit nuk ka kthyer përgjigje në pyetjet e REL-it për veprimet konkrete për përmirësimin e kushteve të turizmit këtë sezon.

Fakti që turizmi përbën 25 për qind të Prodhimit të Brendshëm Bruto, por që Mali i Zi nuk ka një strategji të zhvillimit të turizmit, një plan të marketingut strategjik apo strategji për zhvillimin e burimeve njerëzore në këtë sektor – flet shumë për qasjen institucionale ndaj kësaj fushe të rëndësishme./REL

The post Sezoni turistik në Mal të Zi nis me çmime të larta, rradhë trafiku dhe vonesa appeared first on Lapsi.al.

Çmimet e mallrave të konsumit pësuan ngadalësim gjatë muajit maj.Të dhënat e Instat tregojnë se inflacioni regjistroi nivelin 2.2%  nga 2.3% që ishte gjatë prillit.Nëse bëjmë një krahasim me të njëjtën periudhë të një viti më parë inflacioni qëndron pothuajse në të njëjtin nivel.

Shtrenjtimi më i madh është konstatuar në nëngrupin argetim dhe kulturë me me 6,3 %, pasuar nga grupet “Pije alkoolike dhe duhan” me 3,7 %, “Ushqime dhe pije joalkoolike” dhe “Mobilje, pajisje shtëpie dhe mirëmbajtje e shtëpisë” .

Nga ana tjetër çmimet e grupit “Transporti” shënuan ulje me 1,2 %.

Norma e inflacionit vijon të  qëndroj poshtë objektivit të Bankës së Shqipërisë prej 3% ndërsa vlerësimet janë që do të kthehet në objektiv  në fillim të vitit 2026.

Ekspertet prisnin një efekt në nivelin e inflacionit edhe prej tarifave trump por deri më tani një gjë e tillë nuk është reflektuar.

Banka Qendrore nuk ka ndërmarë deri më tani asnjë vendim për uljen e normës bazë të interesit por ulja e inflacionit është një sinjal se Banka e Shqipërisë mund të nisë uljen e normave te interesit në muajt në vijim.