Mëngjesin e kësaj të premteje, e ngarkuara me punë e SHBA-së, Nancy Vanhorn, ka qenë e pranishme në Kryeministri, vizitë e cila vjen rreth katër muaj pas përfundimit të zgjedhjeve dhe vetëm pak ditë përpara prezantimit të kabinetit të ri qeveritar.

Raporton se; diplomatja amerikane ka qëndruar në Kryeministri vetëm 20 minuta.

Vizita e Vanhorn, vjen ndërkohë që ditën e djeshme Komisioni Rregullator në Komisionin Qendror të Zgjedhjeve, ka miratuar me tre vota pro dhe dy kundër projektvendimin për shpalljen e rezultatit përfundimtar të zgjedhjeve parlamentare të 11 majit.

Ky akt shënoi mbylljen zyrtare të procesit zgjedhor dhe hapi rrugën për konstituimin e Kuvendit të ri.

Pas shpalljes së rezultatit, hapi i radhës do të jetë mbledhja e parë e Kuvendit, ku pritet të zhvillohet seanca e konstituimit.

The post Pak ditë para prezantimit të kabinetit qeveritar, Zyrtarja e SHBA-së Nancy Vanhorn “zbarkon” në Kryeministri appeared first on Albeu.com.

Radovan Vishkoviç, kryeministër i entitetit të Bosnje e Hercegovinës, Republika Sërpska, dha dorëheqje nga posti i tij të hënën, më 18 gusht. Ai është anëtar i Aleancës së Socialdemokratëve të Pavarur, të udhëhequr nga Millorad Dodik. Vishkoviç ishte në krye të Qeverisë së Republikës Sërpska që nga viti 2018, ndërsa mandatin e tij opozita shpesh […]

The post Bosnjë, jep dorëheqjen kryeministri i Republikës Sërpska appeared first on BoldNews.al.

Radovan Viskoviç, kryeministri i entitetit Republika Srpska të Bosnjës dhe Hercegovinës, dha dorëheqjen sot nga posti i tij.

Ai është anëtar i Aleancës së Social Demokratëve të Pavarur, të udhëhequr nga Milorad Dodik.

Që nga korriku i vitit 2023, Viskoviç ka qenë në listën e sanksioneve të SHBA-së për shkak të kërcënimeve ndaj Marrëveshjes së Paqes së Dejtonit dhe shkeljeve të sovranitetit të Bosnjës dhe Hercegovinës.

Siç u njoftua në atë kohë nga Departamenti i Thesarit i SHBA-së, Viskoviç ishte një nga udhëheqësit e RS-së përgjegjës për “promovimin e miratimit të ligjeve në Asamblenë Popullore të Republikës Srpska, me anë të të cilave vendimet e Gjykatës Kushtetuese të Bosnjës dhe Hercegovinës shpallen të pazbatueshme në RS, duke penguar dhe rrezikuar kështu zbatimin e Marrëveshjes së Dejtonit”.

Këto sanksione përfshijnë ndalimin e hyrjes në Shtetet e Bashkuara dhe ngrirjen e aseteve që ndodhen nën juridiksionin e saj.

Viskoviç është gjithashtu një nga të dyshuarit në hetimin e Prokurorisë së Bosnjës për krimin e prishjes së rendit kushtetues.

Dodik, president i Republika Srpska, dhe Nenad Stevandiq, kryetar i parlamentit të entitetit, akuzohen gjithashtu për të njëjtin krim./ REL

The post Kryeministri i Republikës Srpska, Radovan Viskoviç, jep dorëheqjen pas sanksioneve amerikane dhe akuzave për … appeared first on Albeu.com.

Një përplasje dramatike me tone të ashpra, fyerje personale dhe kërcënime fizike ka tronditur zyrat e Kryeministrisë. Në hollin (para dhomën) që të çon drejt zyrës së kryeministrit Edi Rama ka shpërthyer një sherr i paprecedentë mes ministrit të Financave, Petrit Malaj dhe ministrit të Jashtëm, Igli Hasani. Situata është përshkallëzuar në mënyrë të rrufeshme, […]

The post Emrat/ Dy ministra sherr në paradhomën e Ramës, Ulsi Manja shmang gjakderdhjen appeared first on BoldNews.al.

Kryeministri i Izraelit, Benjamin Netanjahu ka pësuar një helmim nga ushqimi, njoftoi sot zyra e tij, duke bërë me dije se ai do të vazhdojë të ushtrojë detyrat nga shtëpia gjatë tre ditëve të ardhshme. “Kryeministri izraelit Benjamin Netanyahu po shërohet nga një helmim nga ushqimi. Sipas këshillave të mjekëve të tij, kryeministri do të […]

The post Helmohet kryeministri i Izraelit Benjamin Netanjahu appeared first on BoldNews.al.

Edi Rama ka vazhduar ditën e sotme me premtimet e radhës rreth Inteligjcës Artificiale, gjatë një takimime përfaqësues të teknologjisë, biznesit dhe start-up. Pa e caktuar kohën se kur do e krijojë, Rama u premtoi përfaqësuesve se ministrin e Shtetit për Inteligjencën Artificiale do e zgjedhin vetë përfaqësuesit që ishin të pranishëm në takim. Sipas […]

The post Rama: Do krijojmë Ministri për Inteligjncën Artificiale! Kryeministri me IA do punojë, ne bëjmë muhabet appeared first on BoldNews.al.

Ditën e sotme kryeministri Ukrainas, Denys Shmyhal ka dhënë dorëheqjen nga posti i tij.

Në një deklaratë publike, Shmyhal ka shprehur mirënjohjen për “mbrojtësit që qëndrojnë në vijën e parë dhe mbrojnë Ukrainën”. Gjithashtu kryeministri ka falënderuar presidentin Volodymyr Zelensky për besimin qe i ka dhënën, si dhe të gjithë ekipin e tij për “punën e pa lodhur në shërbim të vendit”.

Gjithashtu mësohet se presidenti Zelensky propozoi Yulia Svyrydenko, aktualisht zëvendëskryeministre e parë, për të kryesuar qeverinë e re si kryeministre.

Sipas mediave të huaja, Shmyhal pritet të marrë detyrën e ministrit të mbrojtjes të Ukrainës, ndërsa ministri aktual i Mbrojtjes, Rustem Umerov, do të emërohet ambasador në SHBA.

The post Kryeministri Ukrainas jep dorëheqjen, ja kë propozon Zelensky appeared first on Albeu.com.

Burime nga selia rozë në Fier thanë se në mbledhjen ku kryeministri kërkoi dorëheqjen e drejtuesve vendorë, sqaroi se emërimet e bëra pas muajit janar përjashtohen nga ky urdhër.

Në Bashkinë e Fierit kanë nisur dorëheqjet e drejtorëve me përjashtim të atyre të cilët janë emëruar pas muajit janar. Teksa kanë nisur të dorëzohen dorëheqjet në grup pranë kryetarit Armando Subashi, mësohet se disa drejtues nuk do të preken nga reforma e vetëpastrimit.

Kështu në Fier drejtorët e OSHE, kadastrës, tatimeve, nuk do të jenë të detyruar të japin dorëheqjen pasi janë jo vetëm të emëruar muajt e fundit, por janë edhe figura të reja në administrate publike.

Duke qenë se “shënjestra” e këtij aksioni politik të kryeministrit Edi Rama, janë drejtuesit e vjetër të administratës vendore, në Fier tashmë dihet se kush do qëndroje dhe kush ikën. Në bashkinë e Fierit ende nuk janë dhënë dorëheqjet e dy nënkryetareve Baso Bregu dhe Suela Prifti, por është përzgjedhur emri i ri për këtë post. Behet fjalë për Nustret Avdulla, ish-deputet i PDIU , i cili iu bashkua PS pas zgjedhjeve të përgjithshme parlamentare të vitit 2021.

The post Drejtuesit e vjetër “shënjestra” e Kryeministrit/ Nisin dorëheqjet e drejtorëve në Fier, përjashtohen emërimet e… appeared first on Sot News | Lajme.

Kryeminsitri Edi Rama ka vizituar ditën  e sotme qytetin e Vlorës me qëllim inspektimin dhe lirimin e hapësirave publike.

Mësohet se ka qenë një numër i lartë i qytetarëve që kanë dashur të takojnë kryeministrin Rama. Ai ka mbërritur në orën 09:00 në qytetin e Vlorës ku më pas ka zhvilluar një takim me grupin e punës, takim i cili ka zgjatur rreth 45 minuta, e më pas kryeminsitri ka dalë për inspektim në qytet.

Ajo çfarë ka rënë në sy gjatë vizitës së Ramës në qytetin bregdetar, është një e moshuar, qytetare e Vlorës e cila kërkon me këmbëngulje një takim me kryeministrin Rama lidhur me një shqetësim të sajin.

“O Edi, o Edi”, dëgjohet të thërrasë vazhdimisht e moshuara.

Gazetari i Euronews Albania Algert Harizaj raportoi se zonja ka arritur të tërheqë vëmendjen e kryeministrit Rama. Ky i fundit i kundërpërgjigjet: “Ç’a ke që bërtet?”

Gazteari shton se zonja kishte rreth një orë që priste ta takonte. Problemi qëndronte me shtëpinë e saj lidhur me hapësirat dhe tokat. E moshuara ka insistuar duke u shtyrë fizikisht me policët e bashkisë, derisa ka arritur ta takojë kryeminsitrin Edi Rama për ti shpalosur shqetësimin e saj.

LEXONI GJITHASHTU:

• Zënia e hapësirave publike dhe problemet e sezonit, Rama mbledh kryebashkiakët
• Rama inspektim në bashkinë e Vlorës: Lironi hapësirat publike

The post “O Edi”,- E moshuara përplaset me truprojat e Ramës, kryeministri: Ç’a ke që bërtet appeared first on Euronews Albania.

Një urdhër me dyer të mbyllura, pa komunikim zyrtar, nga ana e kryeministrit Edi Rama për të shkarkuar drejtorët e Bashkisë së Vlorës, ka hapur një debat sa publik aq edhe institucional për ligjshmërinë e një veprimi të tillë.

Pas një mbledhjeje jo publike në ambientet e Bashkisë, ku Rama ka shprehur kritika për disa problematika konkrete në Vlorë si mungesa e ujit të pijshëm apo djegia e plehrave, pasojat kanë qenë të menjëhershme.

Pa kaluar as 24 orë, 21 drejtorë të bashkisë së Vlorës kanë paraqitur dorëheqjen zyrtarisht tek kryetari i bashkisë Ermal Dredha. Ky i fundit, deri në publikimin e këtij artikulli, nuk ka firmosur ende dorëheqjet  

Çfarë thotë ligji?

Kushtetuta dhe ligji për vetëqeverisjen vendore e përcaktojnë qartë autonominë e pushtetit vendor. Bashkitë janë të zgjedhura me votë të drejtpërdrejtë nga qytetarët dhe përgjegjësitë për administrimin e qytetit u takojnë drejtuesve lokalë. Drejtuesi i Insitutit të Bashkive të Shqipërisë, Agron Haxhimali, thotë për Faktoje.al se, sipas ligjit nr. 139/2015 “Për vetëqeverisjen vendore” dhe Kushtetutës së Shqipërisë, bashkitë janë njësi të vetëqeverisjes vendore me autonomi të garantuar në menaxhimin e kompetencave të tyre.

“Kryeministri, si përfaqësues i pushtetit ekzekutiv qendror, nuk ka tagër ligjor të ndërhyjë në organizimin e brendshëm të bashkive, përfshirë ristrukturimin apo emërimin e komisioneve të brendshme administrative. Çdo akt i tillë përbën një cenim të drejtpërdrejtë të parimit të autonomisë vendore dhe nderhyrjes në pushtete të pavarura”, thotë Haxhimali

A cenohet parimi i autonomisë vendore në këtë rast?

“Po, në mënyrë të qartë. Parimi i autonomisë vendore, i sanksionuar në Kushtetutë (neni 108) dhe në Kartën Evropiane të Autonomisë Vendore (ratifikuar nga Shqipëria), kërkon që njësitë e vetëqeverisjes të kenë liri të plotë për të marrë vendime brenda kompetencave të tyre. Ndërhyrjet politike nga niveli qendror, sidomos nga Kryeministri, bien ndesh me këtë parim dhe krijojnë precedent të rrezikshëm për kapjen politike të pushtetit lokal”, përgjigjet Haxhimali

Zinxhiri i emërimeve në bashki

Në të njëjtën mbledhje në Vlorë,  kryeministri Edi Rama prezantoi edhe komisionet e ristrukturimit, të cilët jo vetëm do të ndjekin emërimet e brendshme të bashkisë, por edhe do të dalin në terren për të mbledhur problematika dhe për t’i raportuar çdo të hënë në institucionin vendor.

Përbërja e komisioneve raportohet se përfshin deputetë dhe njerëz që angazhohen në PS.

Ndryshe nga sa është urdhëruar, Agron Haxhimali, sqaron se në praktikë dhe sipas ligjit, drejtorët në një bashki janë pjesë e administratës vendore dhe për pasojë emërohen apo shkarkohen nga kryetari i bashkisë, si drejtuesi ekzekutiv i njësisë vendore. “Ky proces është i brendshëm dhe duhet të udhëhiqet nga kriteret profesionale, strukturat e miratuara dhe ligji për nëpunësin civil kur aplikohet. Asnjë institucion qendror nuk ka kompetencë të ndikojë drejtpërdrejt në këto vendime, përveç rasteve kur ka shkelje të rënda të ligjit dhe procedura të hapura nga organet e drejtësisë apo institucionet e kontrollit”, thotë ai.

The post 21 dorëheqje në një ditë/ A mund ta ristrukturojë kryeministri një bashki?! appeared first on Faktoje.al.

Kryeministri në detyrë, Albin Kurti, në ceremoninë e diplomimit të gjeneratës 2025 të Forcës së Sigurisë së Kosovës, ka potencuar ardhmërinë evropiane për të cilën do të shërbejnë kadetët e rinj.

“Ushtria jonë po ecën me hapa të shpejtë drejt zhvillimit, me kapacitete të plota si ushtri profesionale, me ushtarakë të përgatitur e të pathyeshëm për sovranitet shtetëror e integritet territorial, për paqe për mbarë shoqërinë, për siguri për qytetarët”, ka thënë Kurti.

Ai ka përmendur që janë investuar mbi 300 milionë euro në mbrojtje gjatë katër viteve të fundit dhe rekrutimin e mbi 2700 ushtarëve e oficerëve të rinj.

“Ju jeni shtylla mbi të cilën do të vazhdon ndërtimi strukturor e profesional i FSK-së dhe që do ta shoqërojë etapën e ushtrisë sonë drejt shërbimit në aleancën veri atlantike demokratike të NATO-s. Kosova në aspektin gjeografik, ideor, politik e vleror është Evropë, andaj pa shmangshëm, jo vetëm i nevojshëm, është anëtarësimi në familjen evropiane demokratike”, ka thënë Kurti.

Diplomimi i gjeneratës 2025 korrespondon me 20-vjetorin e themelimit të Qendrës për Studime Universitare, prej së cilës kanë dalë qindra oficerë ushtarakë.

Këta kadetë kanë diplomuar duke u trajnuar me modulin arsimor e stërvitor sipas doktrinës së ushtrisë amerikane dhe NATO-s.

Komisionerja për Zgjerimin e Bashkimit Europian, Marta Kos ka filluar që t’i serviloset kryeministrit Edi Rama i cili në mënyrë të paprecedentë do të qeverisë Shqipërinë për 16 vite radhazi. Anëtarësimi “imagjinar” i Shqipërisë në Bashkimin Europian brenda vitit 2030 ishte fokusi kryesor i propagandës së kryeministrit Edi Rama në fushatën e 11 majit. Nga […]

The post Marta Kos/ U bë deti kos Europë për të tërë appeared first on BoldNews.al.

Zëvendëskryeministri në detyrë i Kosovës, Besnik Bislimi, po intervistohet nga Prokuroria Speciale e Kosovës për rastin që ka të bëjë me hetimet mbi dyshimet për dhënien me qira të fabrikës për mbetje shtazore.

Bislimi shkoi në ndërtesën e Prokurorisë Speciale në 09:30 dhe ende nuk dihet se në çfarë cilësie ai po intervistohet.

Për këtë rast, për disa orë më 27 maj ishte intervistuar edhe ministri në detyrë i Bujqësisë, Faton Peci dhe kryeshefi i Agjencisë së Ushqimit dhe Veterinarisë, Bekim Hoxha – që të dy në cilësinë e të dyshuarit.

Peci dhe Hoxha u intervistuan pasi autoritetet paraprakisht po më 27 maj kryen bastisje në Ministrinë e Bujqësisë, Agjencinë për Zhvillimin e Bujqësisë, Agjencinë e Veterinarisë, si dhe në lokacionin e kompanisë përfituese.

Për cilën fabrikë bëhet fjalë?

Në Parkun Industrial në Drenas, dhjetorin e vitit 2019 kishte përfunduar ndërtimi i fabrikës, ku parashihej të përpunoheshin dhe asgjësoheshin nënproduktet shtazore.

Por, funksionalizimi i fabrikës – ndërtimi i së cilës kushtoi 7.7 milionë euro – nisi më 2024, kur u hap thirrja për kompanitë që të aplikonin për marrjen në shfrytëzim të saj dhe për të nisur punën në grumbullimin dhe kategorizimin e nënprodukteve shtazore.

U raportua se kompania kosovare LIP KS & IT SH.P.K. u përzgjodh për ta funksionalizuar fabrikën, me afat operimi për 20 vjet, përkatësisht deri më 2044. U tha se kjo kompani ishte regjistruar në Agjencinë e Regjistrimit të Bizneseve të Kosovës (ARBK) vetëm 5 ditë pas thirrjes për aplikim.

Kësisoj dyshohet se nuk u përmbushën kriteret që fituesi i kontratës të kishte përvojë 12 deri në 15-vjeçare në përpunimin e nënprodukteve shtazore, dhe të dëshmonte se në tre vjetët e fundit kishte përpunuar 20 mijë tonë të nënprodukteve shtazore.

Një ditë para kryerjes së bastisjeve në Ministrinë e Bujqësisë, Partia Demokratike e Kosovës deklaroi se ministri në detyrë Peci, pa ankand publik, ia ka dhënë me qira pronën për fabrikën për mbetjet shtazore një kompanie për 20 vjet.

PDK-ja tha se Ministria e Bujqësisë ka shkelur Ligjin për pronën publike, që tha se parasheh që pronat publike të jepen me qira vetëm përmes ankandit publik dhe jo më shumë se 15 vjet, përveç në rastet kur merre vendimi në Kuvendin e Kosovës./ REL

The post Zëvendëskryeministri në detyrë i Kosovës merret në pyetje nga Prokuroria Speciale appeared first on Lapsi.al.

Kryeministri Edi Rama sulmoi të enjten një gjyqtare të Gjykatës së Tiranës, pas vendimit të kësaj të fundit për të rrëzuar padinë e tij për shpifje ndaj Lulzim Bashës, duke e cilësuar atë si “të pabazuar në prova dhe ligj”. “Këtu halli është si do u vejë halli çështjeve shumë më të rëndësishme të njerëzve […]

The post Kryeministri sulmon gjyqtaren pas rrëzimit të padisë ndaj Bashës appeared first on Reporter.al.

Këtë të enjte, Gjykata e Juridiksionit të Përgjithshëm në Tiranë ka rrëzuar një padi të kryeministrit Edi Rama kundër ish-kryetarit të PD, Lulzim Basha. Rama kishte hedhur në gjyq Bashën për deklaratat e këtij të fundit në 22 tetor të vitin 2018 lidhur me akuzat për cenimin e procesit elektoral në Durrës dhe Dibër si dhe përfshirjen e segmenteve të krimit në fushatë. Vetë kryeministri në një…

Source

PRISHTINË, 13 qershor /ATSH/ Në mbledhjen komemorative është nderuar jeta dhe vepra e ish-kryeministrit në ekzil, Bujar Bukoshit. Në mesin e familjarëve, miqve dhe figurave institucionale u tha se Bukoshi është një nga emrat kyç të jetës politike.

Kryeministri në detyrë, Albin Kurti theksoi se ai ishte mbështetës i rezistencës paqësore dhe kryengritjes së armatosur.

“Sot janë mbushur 26 vite nga çlirimi i Kosovës prej Serbisë si shtet pushtues nga 12 qershori i vitit 1999. Megjithëse, tashmë ka kaluar çerek shekull nga koha e luftës, ende edhe sot kushdo që kërkon ta njoh Kosovën edhe si shtet edhe si shoqëri edhe si realitet politik duhet ta njoh mirë Kosovën e viteve të 90-të. Dhe sapo t’i qasemi historisë së Kosovës së dekadës së viteve 90-të, një nga emrat kyç të jetës politike që shfaqet është emri i Bujar Bukoshit, i cili para dy ditësh më 10 qershor 2025 u nda nga kjo jetë në moshën 78-vjeçare. Në kronikat dhe lajmet e përditshme të asaj kohe emri i Bujar Bukoshit është pothuajse i kudo ndodhur që nga viti 1991, Bujar Bukoshi ishte kryeministër i qeverisë në ekzil të Republikës së Kosovës”, deklaron ai.

Emri i ish-kryeministrit në ekzil, siç shtoi Kurti, është përjetësuar me dorën e tij edhe në dokumentin themeltar – deklaratën e Pavarësisë së Kosovës.

Vajza e Bujar Bukoshit, Shota tha se ai ishte mbështetës, i guximshëm dhe me vizion.

“Një nga shërbimet më të vështira që më është dashur t’i bëjë babit tim është kjo që po e bëjë tani, të flas për të në emër të familjes. Një gjë që ai do të ma lehtësonte me siguri me ndonjë shaka. Në emër të familjes ju falënderojmë përzemërsisht për praninë tuaj e për hapësirën për të kujtuar e nderuar babin. Shumë prej jush e njihni atë çfarë babi ka bërë si mjek, si veprimtar politik për lirinë e Kosovës dhe shërbimin e tij si kryeministër i parë i Kosovës. Ne familja e tij natyrisht e njohim Bujar Bukoshin si person publik, por e njohim atë që shumica nuk e njeh, Bujarin si baba, bashkëshort dhe si gjysh. Aq sa ishte i saktë me skajperin e sallës së operacionit, aq ishte edhe i drejtpërdrejt dhe i guximshëm në ndjekjen e vizionit për vendin tonë”, u shpreh ajo.

Edhe kryetari i Akademisë së Shkencave dhe të Arteve të Kosovës, akademik Mehmet Kraja nderoi jetën dhe veprën tha se në bisedat me Bukoshin donin një Kosovë ndryshe.

“Me Bujar Bukoshin më lidhi një miqësi e gjatë, pa asnjë pretendim, as për të ndryshuar botën as për të ndryshuar rregullat e jetës. Thjesht u nisëm nga një ideal dhe arritëm aty ku arrijnë shumica e njerëzve, më shumë të zhgënjyer dhe më pak të lumtur që bëmë një rrugë të mundimshme për të përballur së fundmi jo me dimensionin abstrakt të një ideali por me përmasat reale të një bote e cila pamëshirshëm t’i pamundëson dhe t’i shpërbën të gjitha ëndrrat”, përfundoi ai.

Ish-kryeministri në ekzil, Bujar Bukoshi u ndaj nga jeta në moshën 78-vjeçare. /Sh.Pajaziti

/Kosovapress/

The post Nderohet jeta dhe vepra e ish-kryeministrit në ekzil, Bujar Bukoshi appeared first on Agjencia Telegrafike Shqiptare.

Mediat në Kosovë, njoftojnë se është ndarë nga jeta dr. Bujar Bukoshi, një nga figurat më të rëndësishme politike të Kosovës gjatë viteve ’90-të dhe ish-kryeministër i Qeverisë së Kosovës në ekzil.

Lajmi është konfirmuar nga burime të afërta me familjen. Bukoshi vdiq pas një periudhe të gjatë me probleme shëndetësore.

Ai ka jetuar dhe është trajtuar për vite me radhë në Gjermani, ku edhe ka ndërruar jetë.

KUSH ISHTE BUJAR BUKOSHI?

Bujar Bukoshi (lindur më 13 maj 1947) ishte kryeministër i Republikës së Kosovës nga viti 1991 deri në vitin 2000.

Ai shërbeu si Ministër i Shëndetësisë në Kosovë.

Bukoshi lindi në Suharekë. Ai u diplomua në Fakultetin e Mjekësisë të Universitetit të Beogradit.

Bukoshi ishte një nga themeluesit e Lidhjes Demokratike të Kosovës dhe ishte zgjedhur kryetar i kësaj partie.

Ai ishte zëvendëskryeministër i Kosovës në kabinetin e dytë Thaçi nga viti 2011 deri në vitin 2014.

Doktoraturën e mbrojti në Universitetin e Lirë të Berlinit, në dhjetor të vitit 1986. Pas kthimit në Kosovë, punoi si mjek në Suharekë. Specialist i Urologjisë punoi për disa vite me radhë si profesor i asociuar i Kirurgjisë në Fakultetin e Mjeksisë të Universitetit të Prishtinës.

Pas viteve ’90-ta u pushua nga puna nga regjimi serb për arsye politike, si një prej themeluesve të Lidhjes Demokratike të Kosovës dhe gjithashtu ishte anëtar i Këshillit për Mbrojtjen e të Drejtave dhe Lirive të Njeriut në Prishtinë.

The post E trishtë/ Vuante nga një sëmundje e rëndë, ndahet nga jeta ish-kryeministri i Kosovës appeared first on Albeu.com.

Kryeministri në detyrë, Albin Kurti ka uruar qytetarët me rastin e festës së Kurban Bajramit, duke thënë se kjo festë na përkujton sa e rëndësishme është të japim e të ndajmë me njëri-tjetrin, në harmoni e me dashuri.

Kurti në një postim në Facebook shkruan se kjo festë po ashtu është për secilën e secilin që të angazhohet për barazinë si fill të shoqërisë, e ku begatinë dhe mirëqenien i gëzojnë të gjithë.

“Gëzuar e me fat Kurban Bajramin për të gjithë besimtarët myslimanë!. Pranë familjes, pranë të afërmve e më të dashurve tanë, e festojmë këtë ditë duke qenë zemërgjerë e duke shtuar solidaritetin. Kjo festë na përkujton sa e rëndësishme është të japim e të ndajmë me njëri-tjetrin, në harmoni e me dashuri. Andaj ajo është gjithashtu ftesë për secilën e secilin që të angazhohet për barazinë si fill të shoqërisë, e ku begatinë dhe mirëqenien i gëzojnë të gjithë. Uroj që kjo ditë t’ua gjejë zemrat e tryezat të mbushura përplot, dhe paçi mbarësi e mirësi, shëndet e lumturi sot e mot!”, shkruan Kurti. 

Kryeministri i Mongolisë, Luvsannamsrain Oyun-Erdene, ka dhënë dorëheqjen pasi humbi një mocion besimi në parlament.

Votimi pasoi ditë të tëra protestash masive mbi akuzat për korrupsion, të nxitura nga postimet në mediat sociale rreth festës luksoze të ditëlindjes dhe fejesës së të birit.

Oyun-Erdene, e cila mori detyrën në vitin 2021, do të mbetet kryeministre e përkohshme derisa të emërohet një pasardhës brenda 30 ditësh.

“Ishte një nder t’i shërbeja vendit dhe popullit tim në kohë vështirësish, duke përfshirë pandemitë, luftërat dhe tarifat”, tha ai pas votimit.

Ai u detyrua të jepte dorëheqjen pasi nuk arriti të siguronte shumicën, ose 64 nga 126 vendet e parlamentit. Rreth 82 ligjvënës morën pjesë në votimin e fshehtë, 44 prej të cilëve votuan për Oyun-Erdene, ndërsa 38 votuan kundër tij. Qindra protestues, shumë prej të cilëve të rinj, kishin dalë në rrugë për dy javë para votimit, duke kërkuar dorëheqjen e Oyun-Erdene, shkruan BBC.

Në veçanti, ata vunë në dukje stilin e jetës luksoze të familjes së tij, veçanërisht të djalit të tij, duke vënë në pikëpyetje burimin e pasurisë së tyre. Mongolët kanë qarkulluar në rrjetet sociale një propozim ekstravagant për martesë nga djali i Oyun-Erdene, si dhe artikuj të shtrenjtë mode.

Oyun-Erdene ka hedhur poshtë akuzat për korrupsion, duke akuzuar kritikët se kanë nisur një fushatë shpifjesh kundër tij. Njerëzit protestuan kundër Oyun-Erdene në sheshin Sukhbaatar në Ulaanbaatar muajin e kaluar.

Sipas Transparency International, një organizatë mbikëqyrëse, Mongolia ka parë një përkeqësim të korrupsionit që kur Oyun-Erdene erdhi në pushtet. Vitin e kaluar, ajo u rendit e 114-ta nga 180 vende për sa i përket transparencës qeveritare.

Një ish-shtet komunist i vendosur midis Rusisë dhe Kinës, Mongolia ka qenë në tranzicion drejt demokracisë që nga rënia e Bashkimit Sovjetik në fillim të viteve 1990.

Korrupsioni është një problem i vazhdueshëm. Vitin e kaluar, prokurorët amerikanë kërkuan të konfiskonin dy apartamentet e ish-kryeministrit mongol Sukhbaatar Batbold në Nju Jork , të cilat dyshohet se i bleu duke përdorur fonde të vjedhura të minierave.

Batbold, i cili shërbeu nga viti 2012 deri në vitin 2015, mohoi të ketë bërë ndonjë shkelje. Në vitet e fundit, Mongolia është përpjekur të ndërtojë lidhje më të ngushta me Perëndimin, duke i numëruar Shtetet e Bashkuara dhe vendet evropiane si pjesë të politikës së saj të jashtme të “fqinjit të tretë”.

The post Kryeministri i Mongolisë jep dorëheqjen pas humbjes së votëbesimit appeared first on Lapsi.al.

Ish-kryeministri izraelit, Ehud Olmert, ka deklaruar se vetëm presioni politik vendas dhe ndërkombëtar mund ta bindë Benjamin Netanyahun të tërhiqet nga ofensiva e rinovuar në Gaza.

Në një intervistë, Olmert ka theksuar se ky presion ka ende nevojë të forcohet, duke sugjeruar se përfshirja e Presidentit të SHBA-së, Donald Trump, mund të ndikojë në ndryshimin e ekuilibrit në favor të Netanyahut.

Këto komente vijnë pas një njoftimi të Mbretërisë së Bashkuar që ka pezulluar bisedimet për një marrëveshje tregtare me Izraelin, ka thirrur ambasadorin e vendit dhe ka vendosur sanksione ndaj kolonëve të Bregut Perëndimor. Mbretëria e Bashkuar gjithashtu është bashkuar me komunitetin ndërkombëtar në dënimin e situatës në Gaza dhe ka bërë thirrje për ndihma më të mëdha për të arritur në territor.

Olmert ka komentuar gjithashtu reagimin e Mbretërisë së Bashkuar, duke inkurajuar dënimin politik të vazhdueshëm, por ka paralajmëruar që sanksionet ekonomike nuk duhet të godasin qytetarët izraelitë, shumë prej të cilëve janë përkrahës të mbylljes së luftës dhe kthimit të pengjeve.

LEXONI GJITHASHTU:

• Sigurimi i paqes në Ukrainë, Rutte takim me Ministrat e Mbrojtjes të BE-së
• Trump paraqet detaje të reja të projektit për mburojën raketore “Kupola e Artë”

The post Ish-kryeministri izraelit thirrje për presion ndërkombëtar mbi Netanyahun appeared first on Euronews Albania.