5 zyrtar të policisë së Kosovës që janë arrestuar nën dyshimet për kryerjen e veprës penale “vrasje nga pakujdesia” dhe “tejkalim të kompetencave zyrtare” u paraqitën këtë të mërkurë në Gjykatën Themelore të Prishtinës për të dhënë dëshminë e tyre pasi dyshohet se janë përfshirë në vrasjen e 27 vjecari Agon Zejnullahu, një ngjarje kjo e ndodhur mbrëmjen e 7 korrikut në Lipjan.

Policia thotë se 27 vjeçari kishte qënë nën ndikimin e alkolit në momentin e arrestimit dhe po sulmonte kalimtar e automjete në momentin kur autoritetet kryen ndërhyrjen e tyre. Prokuroria ka kërkuar masën e paraburgimit 30 ditor për 5 zyrtarët e policisë. Ne pamjet e publikuara duket momenti kur nje grup policesh ndalojnë 27 vjecarin Agon Zejnullahu dhe me pas ambulanca qe mbërrin ne rrugën  “Haradin Bajrami”.

Ngjarja e rëndë e ndodhur në Lipjan mbrëmjen e 7 korrikut ka ngjallur zemërim ndaj autoriteteve të Kosovës dhe është krahasuar me vrasjen e George Floyd nv Shtetet e Bashkuara të Amerikës. Ministri në detyrë I punve të brendshme në Kosovë Xhelal Zveçla kur u pyet nga gazetarët këtë të mërkurë nëse do të jepte dorëheqjen nga posti si pasojë e kësaj ngjarjeje të rëndë, zgjodhi të ironizonte gazetarët duke buzëqeshur.

Presidentja e Kosovës, Vjosa Osmani, ka bërë thirrje për transparencë të plotë, përgjegjësi institucionale dhe drejtësi pakompromis lidhur me rrethanat e vdekjes së Zejnullahut. Edhe Kryeministri në detyrë I Kosovës Albin Kurti ka deklaruar se kërkon një hetim të thellë dhe sa më të shpejt për të zbardhur të vërtetën e plotë mbi vdekjene e 27 vjecarit./abcnews.al

Një 29-vjeçar është arrestuar nga Policia e Tiranës pasi, gjatë tentativës për tu arratisur nga policia, ka përplasur me automjetin e tij makinën e efektivëve, ku për pasojë janë dëmtuar dy punonjës të policisë të cilët po e ndiqnin. Të dy punonjësit e policisë që u dëmtuan nga aksidenti kanë marrë ndihmën mjekësore në spital. […]

The post Tentoi të largohej dhe përplasi patrullën, 29-vjeçari plagos 2 policët në Tiranë appeared first on BoldNews.al.

Vdekja tragjike e 27-vjeçarit Agon Zejnullahu mbrëmjen e 7 korrikut në Lipjan ka nxitur reagime të ashpra në opinionin publik dhe ka vënë nën presion institucionet e drejtësisë në Kosovë.

Sipas njoftimit zyrtar të Policisë së Kosovës, Zejnullahu kishte sjellje agresive dhe ishte raportuar nga qytetarët se po sulmonte kalimtarë dhe vetura në rrugën “Haradin Bajrami”. Policia kishte marrë gjashtë telefonata të njëpasnjëshme nga qytetarë të shqetësuar dhe kishte ndërhyrë në vendngjarje rreth orës 00:12. Për shkak të rezistencës aktive të Zejnullahut dhe tentativave të tij për të sulmuar zyrtarët policorë, është përdorur sprej mbrojtës.

Pas ndërhyrjes, Zejnullahu ndërroi jetë. Në vendngjarje u gjetën gjësende personale dhe një substancë pluhur që dyshohet të jetë narkotike.

Aktualisht, pesë zyrtarë policorë janë ndaluar dhe suspenduar nga Inspektorati i Policisë së Kosovës, i cili ka nisur hetime për të sqaruar rrethanat e ngjarjes. Sot në orën 10:30 në Gjykatën Themelore në Lipjan pritet të mbahet seanca dëgjimore ndaj tyre.

Rasti ka shkaktuar zemërim dhe kërkesa për transparencë dhe drejtësi. Shumë qytetarë dhe organizata të shoqërisë civile kanë shprehur shqetësimin për përdorimin e forcës dhe kërkojnë zbardhjen e plotë të rastit, për të përcaktuar nëse veprimet policore ishin të justifikuara apo tejkaluan kompetencat ligjore.

Hetimet po vazhdojnë ndërkohë që publiku pret përgjigje për një ngjarje që ka tronditur komunitetin dhe ka rikthyer debatin për përdorimin e forcës nga ana e autoriteteve.

The post Vdekja e të riut në Lipjan/ Të dyshuar për dhunë, nis sot gjykimi ndaj policëve appeared first on Sot News | Lajme.

Një incident i pazakontë ka ndodhur në Spitalin e Pukës, ku një 37-vjeçar nga Kamza ka shkaktuar dëme, duke goditur me forcë dyert dhe muret e institucionit. Më pas, gjatë shoqërimit, 37-vjeçari ka kundërshtuar me forcë punonjësit e Policisë. Pas verifikimeve, rezultoi se shtetasi Lulzim Xheladini ishte në kërkim për dhunë në familje. “Specialistët për […]

The post Një 37-vjeçar godet me forcë dyert dhe muret e Spitalit të Pukës, kundërshton edhe policët/ EMRI appeared first on BoldNews.al.

152 qytetarë kanë dërguar te Agjencia e Mbikqyrjes policore ankesat në lidhje me 226 punonjës policie që nga janari deri në qershor të vitit 2025.

Tekst- Sipas të dhënave që abc neës ka siguruar nga institucioni që mbikëqyr efektivët e policisë, 51 ankesa janë për policët me grada niveli i parë drejtues, pra kryekomiar, komisar dhe nënkomisar, postet që mbajne janë shefa dhe zv shefash komisariatesh, apo shefa krimesh…

Nga 226 polic nën hetim, 168 prej tyre janë për punonjës policie niveli zbatues, pra efektivë të cilët janë në terren çdo ditë përballë qytetarëve…

Por nuk mungojnë as policët civil, për të cilët ka 3 raste ankesash nga qytetarët që po hetohen nga agjencia e mbikëqyrjes policore…

Vetëm në gjysmën e parë të vitit 2025, AMP ka hetuar dhe referuar 10 raste ankesash nga qytetarët për 28 polic të shqiponjave, të njohur ndryshe si shigjetat e tiranës…. 2 prej të cilëve rezultojnë punonjës policie të nivelit të parë drejtues dhe 26 të nivelit zbatues.

Sipas ankesave të referuara, veprat penale që kanë rënduar mbi ta janë., kryerje e veprimeve arbitrare”, vepër kjo që mban dhe numrin më të lartë të referimeve,

drejtimi i automjetit në gjendje të dehur apo pa dëshmi”, plagosje e lehtë me dashje” shpërdorim detyre” & “korrupsion pasiv i personave që ushtrojnë funksione publike”, dhe “kanosja” e  “shkatërrimi i pronës”.

Nga 28 punonjës policie të strukturave të Forcës Shqiponja që kanë qenë nën hetim, 1 prej tyre është arrestuar në kushtet e flagrancës dhe për 3 të tjerë është ekzekutuar masa e sigurisë “pezullim i ushtrimit të një detyre a shërbimi publik”.

Ndërkohë gjatë vitit 2024, rezulton që janë arrestuar 163 efektivë nga sektori i kufirit, Policia Rrugore, hetimit të krimit dhe patrullës së përgjithshme nga 444 raste që janë hetuar.

Shkeljet e evidentuara më së shumti nga AMP gjatë vitit të kaluar kanë qenë korrupsioni, shpërdorimi I  detyres, apo përfshirja e efektivëve me personazhe të botës së krimit./abcnews.al

Në Gjykatën e Shkallës së Parë në Korçë u zhvillua masa e sigurisë për policët e Kapshticës të arrestuar nga Agjencia e mbikëqyrjes Policore si dhe për autorin, i cili u kap duke transportuar me automjetin e tij 6 kilogramë heroinë.

Gjykata në përfundim të seancës vendosi vleftësim si të paligjshëm të arrestimit të policëve si dhe pezullim nga detyra për:

1.N/komisar Ylli Dushku me detyre Pergjegjës Turni ne PKK Kapshticë
2.Inspektor Franc Bylyku me detyrë N/specialist kontrollor ne PKK Kapshticë
3.Inspektor Lirim Hymetllari me detyrë Trupe sherbimi ne PKK Kapshticë
4.Inspektor Denion Myteberi me detyrë Trupe sherbimi kontroll vija e dytë ne PKK Kapshticë
Ndërsa për drejtuesin e mjetit gjykata vendosi masën arrest me burg. Seanca zgjati 4 orë e 20 minuta.

The post Aksioni anti-drogë në Kapshticë, Gjykata e Korçës liron katër policët appeared first on Lapsi.al.

TIRANË, 9 qershor/ATSH/ Dy policë të Kosovës, Alban Rashiti dhe Çlirim Shaqiri, kanë dëshmuar për sulmin në Banjskë të Zveçanit, gjatë seancës së dytë gjyqësore të mbajtur në Gjykatën Themelore të Prishtinës më 9 qershor.

Seanca gjyqësore kundër tre nga 45 të akuzuarve për terrorizëm dhe vepra të rënda penale në rastin “Banjska” – ku mbeti i vrarë një rreshter i Policisë së Kosovës në shtator 2023 – do të vazhdojë më 11 qershor, ku pritet të dëshmojnë dy të lënduarit e tjerë Mirsad Kryeziu dhe Sedat Dushi.

Seanca filloi mëngjesin e së hënës me dëshminë e policit Alban Rashiti, i cili ishte plagosur kur Policia e Kosovës u përball me sulm nga një grup i serbëve të armatosur natën e 24 shtatorit 2023 në fshatin Banjskë në veri të vendit. Më pas dha dëshminë edhe polici tjetër i dëmtuar, Çlirim Shaqiri.

Tre të akuzuarit Vlladimir Tolliq, Bllagoje Spasojeviq dhe Dushan Maksimoviq, u deklaruan të pafajshëm për akuzat për terrorizëm, financim të terrorizmit dhe vepra të rënda penale në seancën e parë.

Rashiti tregoi se, së bashku me disa kolegë të tij ishin mbaruar ndërrimin dhe po ktheheshin në bazën e tyre në Kushtovë nga fshati Izvor në Zveçan, kur kishin hasur në dy kamionë të ngarkuar që kishin bllokuar urën e Banjskës.

Atyre u ishte kërkuar nga baza të ktheheshin në vendin e ngjarjes, pasi ishin larguar, për të dërguar fotografi apo prova për bllokadën mbi urë, ku më vonë atyre u ishin bashkuar si përforcim edhe dy vetura me gjashtë policë, përfshirë të ndjerin Bunjaku.

Rashiti më pas tregoi se si gjatë kontrollimit të vendit të ngjarjes, “në ato momente qetësie… ndodhi një shpërthim shumë i madh qe nuk e kemi ditur nga ka ardhur edhe e kam kuptuar që jam qëlluar në krah”.

“Pastaj kanë filluar gjuajtjet me armë dhe kam parë që në anën e majtë rreshteri Bunjaku ka mbetur i plagosur në tokë, i gjakosur në fytyrë”, tregoi ai.

Ai tregoi se janë ballafaquar me zjarrin derisa u ka dalë në ndihmë një autoblindë policore.

“Ka pas gjuajtje me raketahedhës, duhet të jesh i kualifikuar për atë mjet”, dëshmoi ai.

Por, avokatët mbrojtës të të akuzuarve vlerësuan se dëshmitari Rashiti foli “në mënyrë të përgjithshme” për zhvillimet para dhe gjatë sulmit, pa i akuzuar drejtpërdrejt klientët e tyre.

Avokati Lubomir Pantoviq, i cili përfaqëson Blagoja Spasojeviqin, përsëriti se as në aktakuzë nuk është përshkruar saktësisht, apo në mënyrë të hollësishme se çfarë kanë bërë konkretisht tre të pandehurit gjatë sulmit, por se vetëm është përshkruar përgjithësisht ngjarja.

Avokatja Jovana Filipoviq, që mbron Dushan Maksimoviqin, tha se dëshmitari Rashiti nuk ka qenë në gjendje ta identifikojë asnjë nga të pranishmit, dhe “për këtë arsye mbrojtja nuk kishte asnjë pyetje për të”.

“Të gjithë dëshmitarët e propozuar për këtë javë nuk kanë deklarata konkrete lidhur me të pandehurit, prandaj nuk presim të mësojmë ndonjë të re”, u shpreh ajo për gazetarët.

Filipoviq përsëriti se klienti i saj “nuk ka lidhje me ngjarjet në Banjskë” dhe se “ekzistojnë dëshmitarë që do të konfirmojnë alibinë e tij”.

Në seancën e sotme ka dëshmuar edhe Çlirim Shaqiri, polici i dëmtuar gjatë sulmit.

Shaqiri tregoi se më 24 shtator ka marrë lëndime të rënda dhe se vazhdon të marrë trajtim mjekësor.

Ai tha se gjatë bisedës në telefon me nënkolonel Veton Elshani, kanë ndodhur dy shpërthime dhe se ka arritur t’i thotë në telefon se kanë ndodhur shpërthimet.

“Të shtënat nuk janë ndalë asnjë moment, ka qenë armatim jashtëzakonisht i rëndë”, tha Shaqiri.

Shaqiri e përshkroi momentin kur ishin munduar ta fusnin në veturë rreshterin, Afrim Bunjaku, duke thënë se kishin vështirësi ta fusin në veturë për shkak të gjuajtjeve të vazhdueshme.

“E kam vërejtur që s’ka puls”, tha ai për Bunjakun, trupin e së cilit arritën ta fusin në veturë për ta çuar në spitalin e Mitrovicës.

“Gjatë përvojës si polic nuk jam përballur asnjëherë me një sulm të tillë”, shtoi ai.

Shaqiri iu përgjigj pyetjes së avokatit të Vladimir Toliqit, i cili kërkoi të dijë se nga çfarë i ka marrë lëndimet Shaqiri gjatë sulmit.

Ai tregoi se përveç lëndimeve psikologjike ka edhe lëndime trupore.

“Kur ka ndodhur shpërthimi kam ndjerë një shtypje në kraharor. Kur kam filluar të tërheq trupin e Afrim Bunjakut kam vërejtur se dhimbja në kraharor është shumë e madh”, deklaroi ai.

Gjatë seancës së parë në prill, avokati i familjes së rreshterit të vrarë Afrim Bunjaku, Arianit Koci, kërkoi burgim të përjetshëm për të akuzuarit.

Tre të akuzuarit u arrestuan pas sulmit në Banjskë të Zveçanit në shtator të vitit 2023, kur një grup i armatosur i serbëve e sulmoi Policinë e Kosovës dhe vrau Bunjakun.

Në shkëmbimin e zjarrit që pasoi, u vranë edhe tre sulmues.

Përgjegjësinë për sulmin e armatosur e mori Millan Radoiçiq, ish-nënkryetar i Listës Serbe – partisë më të madhe të serbëve në Kosovë që gëzon përkrahjen e Beogradit zyrtar.

Për Radoiçiqin dhe 41 të akuzuarit e tjerë të këtij rasti, që ndodhen në arrati, prokurorët kishin kërkuar gjykim në mungesë, por Gjykata Themelore e hodhi poshtë kërkesën e tyre si të “pabazuar”.

Dyzet e dy të dyshuarit akuzohen terrorizëm, vepra të rënda kundër rendit kushtetues dhe sigurisë së Kosovës, ndërsa Radoiçiq akuzohet edhe për lehtësim dhe financim në kryerjen e terrorizmit, si dhe për shpëlarje parash.

Gjykata theksoi në prill se gjykimi ndaj tyre duhet të vazhdojë pas arrestimit dhe ekstradimit të tyre në Kosovë.

Gjatë shfaqjes së videove të marra nga dronët në ditën e sulmit, Abazi tha se nga sulmi kishin mbetur të dëmtuara edhe shtëpitë e qytetarëve të asaj zone.

Tre të akuzuarit i mohuan akuzat dhe pretenduan se nuk e kishin qëllim vrasjen e askujt, e aq më pak bashkimin e veriut të Kosovës me Serbinë, ashtu siç thotë aktakuza.

Çfarë përmban aktakuza për rastin “Banjska”?

Prokuroria Speciale e Kosovës, përveç tjerash, i ngarkon të akuzuarit në rastin Banjska me vepra terroriste dhe vepra kundër rendit kushtetues dhe sigurisë së Kosovës.

Prokurori i rastit, Naim Abazi, më herët ka deklaruar se të akuzuarit kanë pasur role të ndryshme brenda grupit kriminal, “nga organizimi dhe drejtimi i aktiviteteve terroriste, deri te financimi dhe pastrimi i parave”.

Në aktakuzë thuhet se ky grup, përmes përdorimit të dhunës me armatim të rëndë, ka tentuar “ta shkëpusë pjesën veriore të territorit të Republikës së Kosovës, respektivisht komunat e banuara me shumicë serbe, dhe këtë pjesë të territorit t’ia bashkojë Republikës së Serbisë”.

Si lider i këtij grupi është identifikuar Millan Radoiçiq, për të cilin thuhet se ka luajtur një rol të rëndësishëm në koordinimin e sulmit dhe aktivitetet kriminale.

Në Kosovë, ai gjithashtu lidhet me vrasjen e një politikani opozitar serb, si dhe me frikësimin e dëshmitarëve në një proces gjyqësor për disa ndërtime ilegale.

Në aktakuzë, Prokuroria përmend 34 dosje me prova, në mesin e të cilave ka video-incizime, analiza të pajisjeve elektronike, përgjigje të ndryshme nga Luksemburgu, Bosnje e Hercegovina, bankat dhe institucione të ndryshme, deklarata të dëshmitarëve etj.

Autoritetet e Kosovës e cilësojnë sulmin në Banjskë si akt terrorist dhe akuzojnë Serbinë se qëndron pas tij.

Nga ana tjetër, Serbia ka mohuar çdo përfshirje në sulmin në Banjskë, ndërsa presidenti serb, Aleksandar Vuçiq, ka theksuar se për Beogradin ky sulm nuk është terrorist, por se po hetohet.

Bashkësia ndërkombëtare e ka dënuar ashpër sulmin në Banjskë dhe ka kërkuar që përgjegjësit të dalin para drejtësisë. /rel/

The post Dy policë dëshmojnë për rastin “Banjska” appeared first on Agjencia Telegrafike Shqiptare.

Policia e Tiranës ka ndërhyrë gjatë dhe pas zhvillimit të ndeshjes Shqipëri–Serbi, e luajtur mbrëmjen e 7 qershorit në “Arenën Kombëtare”, duke arrestuar disa persona për incidente të ndodhura në stadium. Në pranga u vunë D. I., 31 vjeç dhe J. Ll., 29 vjeç, për prishje të rendit dhe qetësisë publike, si dhe për hedhje […]

The post Hodhën gota kartoni në fushë, arrestohen dy tifozë. Në pranga dhe një punonjës sigurie appeared first on BoldNews.al.

AMP, në bashkëpunim me pikën kufitare të Kapshticës, po kryejnë kontrolle të përbashkëta mbi analizën e riskut.

Momentalisht, në doganë janë duke u kryer kontrollet policore në mjete, ndërsa mësohet se në një mjet është konstatuar një sasi droge. Nga burime brenda policisë, flitet për 6 kg heroine. Droga është kapur duke kaluar në kufi.

Dyshohet për përfshirje të punonjësve të policisë. Momentalisht nuk ka të arrestuar, por të shoqëruar, të cilët do të merren në pyetje për zbardhjen e mëtejshme të rastit. Ndërkohë vijojnë kontrollet dhe pritet që të ketë njoftim zyrtar nga policia kufitare.

The post AMP kontroll në pikën kufitare të Kapshticës, kapen 6 kg heroinë, dyshime se janë përfshirë policë appeared first on Sot News | Lajme.

Prokuroria e Elbasanit ka çuar në gjyq gjashtë punonjës policie pasi nuk vendosnin gjoba ndaj drejtuesve të automjeteve që shkelin rregullat e qarkullimit rrugor. Edhe pse i kapnin në shkelje, policët nuk i ndëshkonin, duke mos bërë detyrën e tyre me qëllim përfitime të paligjshme. Sipas hetimeve, disa prej tyre akuzohen për korrupsion pasiv, që […]

The post Nuk vendosnin gjoba edhe pse shikonin shkelje, dërgohen në gjyq 6 policë appeared first on BoldNews.al.

Një 39-vjeçar nga fshati Kaninë është arrestuar mbrëmjen e së shtunës në Vlorë, pasi kundërshtoi me dhunë punonjësit e policisë. Ngjarja ndodhi rreth orës 21:00, në lagjen “Hajro Çakërri”, ku i arrestuari kishte parkuar makinën në mënyrë të gabuar, duke bllokuar rrugën për mjetet dhe kalimtarët. Pasi iu kërkua të largohej dhe u njoftua për […]

The post Parkon në mes të rrugës dhe bllokon kalimin, 39-vjeçari dhunon policët që e gjobitën appeared first on BoldNews.al.

Agjencia e Mbikëqyrjes Policore ka arrestuar dy efektivë policie dhe ka pezullluar nga detyra një tjetër, të cilat kanë të bëjnë me tre raste të ndryshme në Korçë, Elbasan dhe Tiranë. Më konkretisht, në Korçë është arrestuar shtetasi A. H., 57 vjeç, me detyrë Shef i Zyrës së Inspektim-Parandalimit, në Drejtorinë e Shërbimit të MZSH-së […]

The post Arrestohen dy efektivë policie dhe pezullohet nga detyra një tjetër, ja akuzat ndaj tyre appeared first on BoldNews.al.

Agjencia e Mbikëqyrjes Policore ka arrestuar në flagrancë dy punonjës policie dhe ka pezulluar nga detyra një tjetër.

Agjencia e Mbikëqyrjes Policore (Rajoni Elbasan-Korçë) ka arrestuar në flagrancë shtetasin A. H., 57 vjeç, me detyrë Shef i Zyrës së Inspektim-Parandalimit, në Drejtorinë e Shërbimit të MZSH-së në Bashkinë Korçë, i dyshuar për “Drejtim i automjetit në mënyrë të parregullt” dhe “Largimi nga vendi i aksidentit”.

Arrestimi i tij u krye pasi duke drejtuar automjetin Volkswagen Pasat në unazën e qytetit të Korçës, ai është përplasur me mjetin Mercedes Benz që drejtohej nga shtetasi J. S. dhe më pas është larguar nga vendngjarja. Nga aksidenti ka patur vetëm dëme materiale.

Pas testimit të bërë me aparatin Drager ai rezultoi mbi normën e lejuar, në masën 1.07 mg/l.
Materialet proceduriale janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Korçë.

Elbasan, Agjencia e Mbikëqyrjes Policore (Rajoni Elbasan Korçë) ka ekzekutuar vendimin e Gjykatës së Shkallës së Parë të Juridiksionit të Përgjithshëm Elbasan, e cila ka caktuar masën e sigurimit personal me karakter ndalues “Pezullimi i ushtrimit të një detyre a shërbimi publik” ndaj punonjësit të policisë Inspektor B. T., 54 vjeç, me detyrë Trup Shërbimi pranë Komisariatit të Qarkullimit Rrugor në Elbasan, i dyshuar për kryerjen e veprës penale “Shpërdorimi i detyrës”.

Masa e sigurisë u caktua në kuadër të procedimit penal të vitit 2024, ku nga veprimet hetimore të thelluara nën drejtimin e Prokurorisë u bë e mundur grumbullimi i provave dhe fakteve që krijojnë dyshimin e arsyeshëm se punonjësi i policisë B. T. ka favorizuar drejtues të ndryshëm automjetesh, të cilët kryenin shkelje të rregullave të qarkullimit rrugor, Tiranë, Agjencia e Mbikëqyrjes Policore (Rajoni Tiranë) ka arrestuar në flagrancë punonjësin e policisë Inspektor B. M., 24 vjeç, me detyrë Oficer i Patrullës së Përgjithshme në Komisariatin e Policisë Nr. 4 në Tiranë, i dyshuar për kryerjen e veprave penale “Përndjekja” dhe “Dëmtime të tjera me dashje”.

Arrestimi i tij u krye pas kallëzimit të shtetases M.H., 27 vjeçe, e cila ka deklaruar se B. M., ish i dashuri i saj, më datë 25.05.2025 ka ushtruar dhunë fizike dhe e ka përndjekur vazhdimisht duke i shkaktuar pasiguri në jetën e saj. Materialet proceduriale u referuan në Prokurorinë pranë Gjykatës së Shkallës së Parë të Juridiksionit të Përgjithshëm Tiranë.

The post Shpërdorim detyre dhe përndjekje, AMP arreston dy policë appeared first on Lapsi.al.

Agjencia e Mbikëqyrjes Policore ka arrestuar në flagrancë dy punonjës policie dhe një tjetër është pezulluar nga detyra.

Sipas njoftimit zyrtar theksohet se në pranga ka ranë një 57-vjeçar me detyrë Shef i Zyrës së Inspektim-Parandalimit, në Drejtorinë e Shërbimit të MZSH-së në Bashkinë Korçë, i dyshuar për “Drejtim i automjetit në mënyrë të parregullt” dhe “Largimi nga vendi i aksidentit”.

Ndërsa në Tiranë është arrestuar në flagrancë punonjësi i policisë Inspektor 24 vjeç, me detyrë Oficer i Patrullës së Përgjithshme në Komisariatin e Policisë Nr. 4 në Tiranë, i dyshuar për kryerjen e veprave penale “Përndjekja” dhe “Dëmtime të tjera me dashje”

Në Elbasan, agjencia e Mbikëqyrjes Policore (Rajoni Elbasan Korçë) ka ekzekutuar vendimin e Gjykatës së Shkallës së Parë të Juridiksionit të Përgjithshëm Elbasan, e cila ka caktuar masën e sigurimit personal me karakter ndalues “Pezullimi i ushtrimit të një detyre a shërbimi publik” ndaj punonjësit të policisë Inspektor 54 vjeç, me detyrë Trup Shërbimi pranë Komisariatit të Qarkullimit Rrugor në Elbasan, i dyshuar për kryerjen e veprës penale “Shpërdorimi i detyrës”.

Njoftimi i plotë:

AMP arreston në flagrancë dy punonjës policie dhe pezullon nga detyra një tjetër

-Korçë, Agjencia e Mbikëqyrjes Policore (Rajoni Elbasan-Korçë) ka arrestuar në flagrancë shtetasin A. H., 57 vjeç, me detyrë Shef i Zyrës së Inspektim-Parandalimit, në Drejtorinë e Shërbimit të MZSH-së në Bashkinë Korçë, i dyshuar për “Drejtim i automjetit në mënyrë të parregullt” dhe “Largimi nga vendi i aksidentit”.

Arrestimi i tij u krye pasi duke drejtuar automjetin Volkswagen Pasat në unazën e qytetit të Korçës, ai është përplasur me mjetin Mercedes Benz që drejtohej nga shtetasi J. S. dhe më pas është larguar nga vendngjarja. Nga aksidenti ka patur vetëm dëme materiale.

Pas testimit të bërë me aparatin Drager ai rezultoi mbi normën e lejuar, në masën 1.07 mg/l.

Materialet proceduriale janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Korçë.

-Elbasan, Agjencia e Mbikëqyrjes Policore (Rajoni Elbasan Korçë) ka ekzekutuar vendimin e Gjykatës së Shkallës së Parë të Juridiksionit të Përgjithshëm Elbasan, e cila ka caktuar masën e sigurimit personal me karakter ndalues “Pezullimi i ushtrimit të një detyre a shërbimi publik” ndaj punonjësit të policisë Inspektor B. T., 54 vjeç, me detyrë Trup Shërbimi pranë Komisariatit të Qarkullimit Rrugor në Elbasan, i dyshuar për kryerjen e veprës penale “Shpërdorimi i detyrës”.

Masa e sigurisë u caktua në kuadër të procedimit penal të vitit 2024, ku nga veprimet hetimore të thelluara nën drejtimin e Prokurorisë u bë e mundur grumbullimi i provave dhe fakteve që krijojnë dyshimin e arsyeshëm se punonjësi i policisë B. T. ka favorizuar drejtues të ndryshëm automjetesh, të cilët kryenin shkelje të rregullave të qarkullimit rrugor,

-Tiranë, Agjencia e Mbikëqyrjes Policore (Rajoni Tiranë) ka arrestuar në flagrancë punonjësin e policisë Inspektor B. M., 24 vjeç, me detyrë Oficer i Patrullës së Përgjithshme në Komisariatin e Policisë Nr. 4 në Tiranë, i dyshuar për kryerjen e veprave penale “Përndjekja” dhe “Dëmtime të tjera me dashje”.

Arrestimi i tij u krye pas kallëzimit të shtetases M.H., 27 vjeçe, e cila ka deklaruar se B. M., ish i dashuri i saj, më datë 25.05.2025 ka ushtruar dhunë fizike dhe e ka përndjekur vazhdimisht duke i shkaktuar pasiguri në jetën e saj.

Materialet proceduriale u referuan në Prokurorinë pranë Gjykatës së Shkallës së Parë të Juridiksionit të Përgjithshëm Tiranë.

The post Përndjekje, shpërdorim detyre e të përfshirë në aksident/ AMP: Arrestohen 2 policë, një tjetër pezullohet appeared first on Sot News | Lajme.

Teksa Shqipëria pret te perballet me Serbine më 7 qershor 2025 në stadiumin “Arena Kombetare” per të kualifikueset e Kupës së Botës 2026, Policia e shtetit ka nisur prej javësh hartimin e një plani të detajuar sigurie.

Kjo sfidë nuk është vetëm një ndeshje futbolli – ajo vjen me një ngarkesë të thellë emocionale dhe historike, për shkak të së kaluarës mes dy kombëtareve dhe tifozërive të tyre.

AbcNeës meson se se në terren do të angazhohen strukturat më elitare të sigurisë, përfshirë njësinë speciale RENEA, Antiterrorin, Forcat e Ndërhyrjes së Shpejtë, “Shqiponjat” dhe patrullat e rendit.

Në fokus do të jetë parandalimi i çdo incidenti të mundshëm brenda dhe jashtë stadiumit, si dhe ruajtja e rendit publik gjatë gjithë ditës së ndeshjes. Masat do të jenë të shtuara për shkak të rrezikut të incideteve.

Sektori i Antiterrorit do të ketë një rol kyç në këtë operacion, me përgjegjësi të drejtpërdrejtë për kontrollin e perimetrit të stadiumit, monitorimin e pikave hyrëse në territorin shqiptar, dhe ndjekjen hap pas hapi të ekipit serb nga mbërritja në Shqipëri e deri në largimin e tyre pas përfundimit të ndeshjes. Ne mbeshtetje te tyre po ashtu do te jete reparti special RENEA qe do te shoqeroj ekipin serb. Ne kete ndeshje do të përdoren edhe pushkë anti-drone, të vendosura rreth stadiumit për të shmangur çdo kërcënim ajror, i cili mund të destabilizojë situatën.

Autoritetet pritet qe ne diten para ndeshjes te dalin edhe me nje thirrje per tifozet se ndeshja duhet të mbetet një event sportiv dhe jo një fushë për përplasje nacionaliste.

Policia e Tiranës ka shpallur në kërkim dy persona pasi kanë dhunuar dy policë bashkiakë për shkak të detyrës.

Kanë qenë efektivët e policisë që kanë bërë denoncimin ndërsa menjëherë nisën hetimet nga autoritetet.

Shkaqet dhe rrethanat e ngjarjes janë ende të paqarta ndërsa të tjera detaje priten në vijim.

The post Dhunohen dy policët bashkiakë, shpallen në kërkim dy autorët appeared first on Albeu.com.

Dosja ‘Ura’ nxjerr zbuluar nivelin skandaloz korruptiv të policisë shqiptare që për pak para lejojnë të lëvizin të lirë trafikantë shqiptarë.

Në analizën dokumentare të përgjimeve mbi shqiptarin Erigels Presi, kapo i trafikut të heroinës mes Shqipërisë e Italisë e njëherësh anëtar i grupit të nakrotrafikantëve të Durrësit drejtuar nga Adi Çoba, shfaqen dhe udhëtimet e tij të shpeshta në Durrës, baza ku depozitonte paratë e fituara nga fitimet e drogës.

Në automjetin e tij tip Opel Astra me të cilin mbërriti në Durrës me 16 nëntor 2022, prokurorët e antimafias së Barit kishin instaluar një instrument GPS si dhe një mikropërgjues ambiental me të cilët regjistronin lëvizjet e bisedat e tij.

Falë këtyre aparaturave është dokumentuar se më 19 nëntor 2022 në ora 23.08 ndalohet nga një patrullë e policisë shqiptare e përbërë nga 2 policë në rrugën ‘Allaman Dervishi’ Tiranë.

Kontrolli i policisë verifikoi se automjeti i Erigels Presi kishte një revizion të skaduar (kontrolli teknik i makinës) prej 2020 që detyron masën administrative të sekuestrimit të makinës e gjobënien.

Por kundrejt ryshfetit prej 20 mijë lekë të vjetra për secilin polic, trafikanti i heroinës u la të vijojë axhendën e tij të lëvizjeve e takimeve me narkotrafikun e bandave të Durrësit.

“Erigels Presi u ofron një kafe dy policëve që ata të mbyllnin një sy”, shkruan antimafia italiane.

“T’ju ofroj një kafe e të ju jap nga një kafe ?”pyet ai.

“Ok ok hy në makinë e ngadalë mos të shohin të tjerët”, thonë policët që doroviten nga 20 mijë lekë të vjetra secili.

The post “URA”/ Policët shqiptarë morën 2 mijë lekë ryshfet për të mos ndaluar trafikantin e her**nës appeared first on Albeu.com.

Agjencia e Mbikëqyrjes Policore ka zbatuar urdhrin e Prokurorisë së Fierit për të pezulluar nga detyra tre efektivë policie në Fiedr dhe tre punonjës të Inspektoratit të Mbrojtjes së Territorit në Mallakstër. Ndaj tyre, Gjykata e Fierit ka miratuar masën e sigurisë “detyrim paraqitje”, pasi akuzohen për veprat penale “Shpërdorim detyre” dhe “Ndërtim i paligjshëm”. […]

The post Lejuan ndërtime pa leje në Mallakastër, pezullohen nga detyra 3 policë dhe 3 punonjës të IMT appeared first on BoldNews.al.

Drejtori i Përgjithshëm i Policisë së Shtetit Drejtues Madhor Ilir Proda mori pjesë në takimin ndërmjet drejtorëve të përgjithshëm të policive të rajonit.

Takimi, i mbështetur nga agjencitë ligjzbatuese ndërkombëtare si Interpol, Europol, Frontex, Eu4fast, Eudel dhe Giz kishte në fokus tematika si lufta kundër trafikimit të emigrantëve, krijimi i databazave të përbashkëta, përputhja e legjislacioneve kombëtare të fushës me legjislacionin e BE-së.

Gjatë takimit, titullarët e policive diskutuan se betejat kundër kësaj veprimtarie kriminale zhvillohen tashmë në një kontekst të ri, në atë virtual.

Duke qenë se komunikimet ndërmjet autorëve, si dhe ndërmjet autorëve dhe të dëmtuarve, kryhen në platforma sociale të ndryshme, nevojiten njohuri dhe kapacitete të kombinuara dhe moderne për të parandaluar, konstatuar dhe goditur rastet e trafikimit të qenieve njerëzore.

Në fjalën e tij në takim, drejtori i Përgjithshëm i Policisë së Shtetit Drejtues Madhor Ilir Proda vlerësoi bashkëpunimin e deritanishëm rajonal dhe me të gjerë, i cili ka rezultuar me finalizimin e 4 operacioneve masive dhe të rëndësishme të Policisë shqiptare në këtë fushë.

Drejtori gjithashtu theksoi se ky bashkëpunim nuk duhet kufizuar vetëm tek aspekte policore dhe operacionale, por duhet të shtrihet dhe te unifikimi i sistemeve dhe databazave, të cilat do të përshpejtojnë verifikimet, në funksion të konstatimit dhe goditjes së këtyre rasteve.

Më tej, Proda theksoi se pavarësisht sfidave që ka sjellë modernizimi, shpejtësia e përhapjes dhe shtrirja e kësaj veprimtarie kriminale, strukturat e Policisë mund të fitojnë revansh nëpërmjet: intensifikimit të bashkëpunimit, mbi baza profesionalizmi dhe reciprociteti; krijimit të një infrastrukture të sigurt komunikimi; përdorimit të standardeve të njëjta në komunikimet midis sistemeve të teknologjisë së informacionit; investimeve më të mëdha në sistemet e teknologjisë së informacionit dhe afrimit të kuadrit ligjor të vendeve respektive, me BE-në.

The post Proda takim me drejtorët e përgjithshëm të policive të rajonit: Kemi finalizuar katër operacione masive appeared first on Albeu.com.

Policia e Tiranës ka dalë me një komunikatë për mediat në lidhje me aksionin, ku u godit një rrjet prostitucioni me vajza nga Amerika Latine në kryeqytyet. Raportohet se në kuadër të operacionit të koduar “Orkidea”, Prokuroria ka lëshuar gjithsej 11 masa arresti, ku janë ekzekutuar 8 prej tyre, ndërsa 3 persona të tjerë janë […]

The post EMRAT/ Si funksiononte rrjeti i prostitucionit me kolumbiane në Tiranë, roli i polices dhe taksistit appeared first on BoldNews.al.