Në Moskë ka nisur gjykimi i 19 personave të akuzuar për përfshirje në sulmin tragjik në sallën e Crocus City Hall, ku vitin e kaluar humbën jetën 149 persona. Sulmi, i cili ndodhi më 22 mars të vitit të kaluar, përfshinte persona të armatosur që hapën zjarr dhe më pas vunë flakën ndërtesës. Ky sulm është një nga më të vdekjeprurësit në historinë e Rusisë, duke shkaktuar gjithashtu plagosjen e qindra të tjerëve.

Grupi ekstremist Shteti Islamik (IS) mori përgjegjësinë për sulmin, ndërsa të akuzuarit, të gjithë nga Taxhikistani, përballen me akuzat për pjesëmarrje në këtë akt të dhunshëm. Seancat e para dëgjimore të gjykatës u zhvilluan javën e kaluar. Pavarësisht përgjegjësisë së IS, Rusia ka akuzuar Ukrainën për përfshirje, një akuzë që Kievi e ka quajtur të pabazë dhe absurde.

Gjatë hetimeve, është zbuluar se shumë prej viktimave humbën jetën nga thithja e tymit dhe monoksidit të karbonit, dhe jo nga plumbat e armëve.

The post Gjykimi për sulmin në Crocus City Hall: 19 të akuzuar për vdekjen e 149 personave appeared first on iconstyle.al.

TIRANË, 1 gusht /ATSH/ Prokuroria e Posaçme kundër Korrupsionit dhe Krimit të Organizuar ka përfunduar hetimet për një grup të strukturuar kriminal dhe ka dërguar për gjykim 6 persona të dyshuar për vepra të rënda penale.

Sipas njoftimit zyrtar të SPAK, gjashtë personat që dërgohen për gjykim janë Albert Zaja, Edison Muceku, Elvis Ndreca, Armando Ndreca, Deivis Bajramaj dhe Adrian Pikli.

Veprat e rënda në të cilat këta persona janë përshirë, sipas SPAK janë nga tentativë për vrasje ndaj Durim Bamit dhe Ervin Kodrës, te trafiku i drogës dhe tregtia e armëve.

Albert Zaja akuzohet për vrasje në rrethana të tjera cilësuese, kundër dy ose më shumë personave, mbetur në tentativë, me pasojë plagosjen e shtetasve Durim Bami dhe Ervin Kodra, në kuadër të një grupi të strukturuar kriminal.

Edison Muceku, i arrestuar në Mbretërinë e Bashkuar më 10.01.2025 dhe ekstraduar në Shqipëri më 28.03.2025, akuzohet për sigurim të kushteve dhe të mjeteve materiale për të kryer vrasje”, në dëm të shtetasit Hamza Terziu, grup të strukturuar kriminal.

Nga tërësia e veprimeve hetimore të kryera deri më tani, provohet se më 4 nëntor 2020 tek Ura e Tapizës, Fushë Krujë – Albert Zaja dhe persona të tjerë tentuan të vrisnin me armë zjarri shtetasit Durim Bami dhe Ervin Kodra.

Nga aktet hetimore provohet se më datë 01.02.2021, rreth orës 10:00-11:00, në lagjen “Sheq i Madh”, Fier, te vendi i quajtur “rrotontua e Sheqit” është vrarë me armë zjarri shtetasi Shkëlzen Brahim Kastrati, i cili ka qenë duke udhëtuar me mjetin tip Benz me targa AA 871 AN.

Nga hetimet e kryera nga Prokuroria e Posaçme, referuar bisedave të realizuara nga përdoruesit e SkyEÇ të zhvilluara mes anëtarëve të një grupi të strukturuar kriminal, ka dalë në pah organizimi i këtyre shtetasve me qëllim realizimin e vrasjes së shtetasit Kelmend Kastrati, por kanë lajthitur në objekt dhe kanë vrarë shtetasin Shkëlzen Kastrati.

Gjatë hetimit janë evidentuar personat e interesuar dhe porositës, si dhe personat që janë angazhuar për lokalizimin e këtij shtetasi dhe ekzekutorët, ku njëri nga ekzekutorët është dënuar për këtë ngjarje me vendim penal të formës prerë nr. 62-2023-1137 (160), datë 04.04.2023, të Gjykatës së Rrethit Gjyqësor Fier.

Nga hetimi nuk u arrit të provohej që të pandehurit Silvio (Roland) Cara dhe Elmir Tufa të ishin bashkëpunëtorë të këtij grupi të strukturuar kriminal dhe të kishin marrë pjesë në realizimin e veprave penale.

Për anëtarët e tjerë të grupit të strukturuar kriminal të identifikuar apo paidentifikuar nga ana jonë, të përfshirë në vrasjen me armë zjarri më datë 01.02.2021 të shtetasit Shkëlzen Kastrati, po vazhdojnë hetimet paraprake në lidhje me procedimin penal nr.59 të vitit 2022, nga i cili është ndarë dhe procedimi penal nr.59/2, i vitit 2022.

/e.i/j.p/

The post SPAK mbyll hetimet, dërgon për gjykim 6 persona për vepra të rënda penale appeared first on Agjencia Telegrafike Shqiptare.

Gjykata e Posaçme e Apelit ka shpallur ditën e sotme vendimin për ish-deputetin socialist Alqi Bllako, i cili kishte ankimuar dënimin e tij për inceneratorin e Tiranës, ndërkohë që seanca u mbajt të enjten e kaluar. Apeli ka prishur vendimin e Gjykatës së Posaçme, duke e rikthyer çështjen për rigjykim në Shkallën e Parë, me […]

The post Inceneratori i Tiranës/ Apeli prish vendimin e GJKKO për Alqi Bllakon dhe e kthen çështjen për rigjykim appeared first on BoldNews.al.

TIRANË, 23 korrik/ATSH/ SPAK përfundoi hetimet në lidhje me mashtrimet me mikrokreditë, duke dërguar për gjykim 16 persona dhe 4 persona juridikë.

Prokuroria e Posaçme Kundër Korrupsionit dhe Krimit të Organizuar njoftoi se personat në fjalë akuzohen si pjesë e një grupi të strukturuar kriminal, me aktivitet të paligjshëm në fushën e mikrokredisë dhe mbledhjes së detyrimeve financiare.

Ndër të tjera është vendosur sekuestrimi i llogarive bankare me mbi 420 milionë lekë dhe rreth 1.3 milionë euro. Këto shuma monetare janë sekuestruar në llogari personale, depozita, bono thesari dhe letra me vlerë të të pandehurve.

Të pandehurit janë:

Arben Meskuti, Elda Ibro, Alban Kote, Aldo Daka, Albert Gega, Andis Gjoka, Vasil Bakallbashi, Yliana Sejfo, Indrit Çuberi, Rigels Bejko, Altin Vako, Helidon Xhindi, Fatos Alimadhi, Lefter Canaj, Roland Deda, Endri Myftari.

Personat juridikë “Micro Credit Albania” sh.pk. dhe “ADCA” sh.p.k, akuzohen për kryerjen e veprave penale: “Mashtrim me pasoja të rënda”, “Falsifikim i dokumentave”, “Grup i strukturuar kriminal”, në rolin e ekzekutorit dhe “Kryerje e veprave penale nga organizata kriminale dhe grupi i strukturuar kriminal”.

Të njëjtat akuza rëndojnë edhe mbi personin juridik  “Final” sh.p.k. dhe “Zyra e Përmbarimit Privat TDR Group”.

Në përfundim të hetimeve ka rezultuar se të pandehurit dhe shoqëritë e sipërcituara kanë vepruar si shoqëri e vetme me karakteristika të qarta të një grupi  të strukturuar kriminal.

Sipas SPAK, qëllimi i skemës ishte të shumëfishojë në mënyrë të paligjshme detyrimet e qytetarëve përtej detyrimit të përcaktuar në urdhrat e ekzekutimit. Detyrimi shumëfishohej për shkak të aplikimit të interesave dhe kamatave ligjore të larta, deri 2% në ditë.

Të mblidhte detyrimin e detyrimit duke e kaluar këtë detyrim me metoda të paligjshme edhe tek familjarë apo të afërm të debitorëve që nuk kishin asnjë lidhje me kredinë fillestare. Përmes ristrukturimit të kredisë detyrimi kalonte tek familjarë që kishin mundësi pagese.

Të kalonin pasuri/prona të paluajtshme në ankande fiktive, në pronësi të institucioneve financiare jo banka: Micro Credit Albania sh.a/sh.p.k (MCA) dhe Final sh.p.k.

Për realizimin e qëllimit kriminal, punonjësit e këtyre shoqërive të urdhëruar nga drejtuesit apo organizatorët e kësaj skeme, kryen qindra mijëra njoftime të paligjshme dhe telefonata kërcënuese tek debitorët dhe familjarët e tyre. Dhjetëra – mijëra llogari bankare të qytetarëve u bllokuan dhe qëndruan të bllokuara në kundërshtim me ligjin për disa vite. Pasuri të paluajtshme u sekuestruan për vlera detyrimi minimale dhe u kaluan në pronësi të shoqërive MCA dhe Final me ankande fiktive. Përveç pasojave të kundraligjshme ekonomike, veprimtaria kriminale e këtij grupi të strukturuar kriminal, ka shkaktuar edhe pasoja shumë të rënda sociale.

Sekuestrimet

SPAk njoftoi se është vendosur sekuestrimi për subjektet financiare  MCA dhe Final mbi të gjitha asetet si pasuri të luajtshme dhe te paluajtshme të këtyre shoqërive.

Janë sekuestruar mbi 420 milionë lekë dhe rreth 1.3 milionë euro.

Këto shuma monetare janë sekuestruar në llogari personale, depozita, bono thesari dhe letra me vlerë të të pandehurve.

 

The post Mashtrimet me mikrokreditë, SPAK dërgon për gjykim 16 persona appeared first on Agjencia Telegrafike Shqiptare.

Gjykata e Posaçme ka kaluar për gjykim dosjen e ish-deputetit të Partisë Demokratike, Asllan Dogjani, i cili akuzohet për fshehje apo mosdeklarim pasurie. Ky vendim është marrë nga GJKKO rreth 8 muaj nga dërgimi fillestar nga SPAK i dosjes për gjykim dhe pasi gjykata ja ka kthyer dy herë dosjen SPAK-ut për mangësi hetimesh. Sipas […]

The post GJKKO dërgon për gjykim dosjen e Asllan Dogjanit appeared first on BoldNews.al.

Prokuroria e Elbasanit ka përfunduar hetimet paraprake dhe ka dërguar dosjen për gjykim ndaj 13 personave, pjesa më e madhe e të cilëve janë nga Amerika Latine, të cilët ushtronin veprimtarinë e ndaluar të prostitucionit. Më konkretisht të pandehur janë marrë shtetasit e huaj F.G. dhe J.G., të cilët kanë qenë tutorët, 8 vajza të […]

The post Vajza nga Amerika Latine për prostitucion në Elbasan, Prokuroria çon për gjykim 13 persona appeared first on BoldNews.al.

TIRANË, 15 korrik/ATSH/ Prokuroria e Posaçme kundër Korrupsionit dhe Krimit të Organizuar përfundoi hetimet dhe dërgoi pranë Gjykatës së Posaçme të Shkallës së Parë kërkesën për gjykimin e procedimit penal në ngarkim të tre shtetasve të pandehur për rrjedhje informacioni sekret dhe korrupsion në zgjedhje.

SPAK dërgoi për gjykim shtetasit Jurgis Çyrbja, Ahmet Masha dhe Altin Hajri të akuzuar për konsumimin e elementëve të veprave penale: “Tregim i sekretit shtetëror nga shtetasit”, “Përkrahje e autorit të krimit”  dhe “Korrupsion aktiv dhe pasiv në zgjedhje”.

Nga aktet e administruara për këtë procedim penal, ka rezultuar e provuar se të pandehurit; Jurgis Çyrbja, Ahmet Masha dhe Altin Hajri, si dhe bashkëpunëtorë të tjerë kanë koordinuar aktivitete të ndryshme kriminale edhe përmes komunikimeve në platformën e enkriptuar “SkyEcc”. I pandehuri Altin Hajri ka qenë përdorues edhe i platformës tjetër të enkriptuar, “Matrix”.

Nga tërësia e veprimeve të kryera hetimore, ka rezultuar e provuar se të pandehurit në 8  episode të ndryshme, gjatë periudhës 1 maj 2020 deri në datë 8 mars 2021, janë vënë në dijeni të të dhënave në sistemin “TIMS”, mbi një person të shpallur në kërkim, si edhe të disa informacioneve sekrete të Drejtorisë së Përgjithshme të Policisë së Shtetit.

Këto informacione lidheshin me planet e saj në të gjithë territorin e Republikës së Shqipërisë, por edhe në Qarkun e Durrësit, për kapjen e personave të shpallur në kërkim, për kryerjen e elementëve të veprave penale në kuadër të krimit të organizuar.

Këto informacione që u siguruan nga të pandehurit, u janë transmetuar personave të shpallur në kërkim, duke konsumuar elementët e veprës penale “Tregim i sekretit shtetëror nga shtetasit”, kryer në bashkëpunim.

Ndërsa, komunikimet që të pandehurit kanë zhvilluar me bashkëbiseduesit e tyre, përmes aplikacionit të enkriptuar “SkyEcc”, u kanë shërbyer si një e dhënë e rëndësishme për të qëndruar të fshehur dhe për t’i shpëtuar kapjes apo arrestimit nga strukturat e policisë, duke konsumuar edhe elementët e veprës penale, “Përkrahje e autorit të krimit”.

Nga analiza e komunikimeve të platformave të enkriptuara “SkyECC” dhe “Matrix” ka rezultuar se i pandehuri, Jurgis Çyrbja, gjatë periudhës objekt hetimi ka qenë i zgjedhur deputet i Kuvendit të Republikës së Shqipërisë (në legjislaturën 2017-2021), por është zgjedhur deputet edhe në legjislaturën, 2021-2025, deri në momentin e depozitimit të dorëheqjes (datë 9 tetor 2024).

Në periudhën objekt hetimi, ky i pandehur ka pasur marrëdhënie të ngushtë miqësore me të pandehurin, Altin Hajri, person i shpallur në kërkim ndërkombëtar për kryerjen e veprave shumë të rënda penale.

I pandehuri Jurgis Çyrbja, për shkak edhe të funksionit si deputet, i ka ofruar dhe premtuar të pandehurit, Altin Hajri, se do të ushtronte ndikim tek agjencitë e zbatimit të ligjit (polici dhe prokurori), në këmbim të mbështetjes elektorale, duke konsumuar elementët e veprës penale të “Korrupsion aktiv në zgjedhje”.

Nga ana tjetër, i pandehuri Altin Hajri, duke pranuar favoret e ofruara nga ana e të pandehurit Jurgis Çyrbja, por në këmbim të votimit në favor të tij, si dhe angazhimit për t’i siguar vota ka konsumuar elementë të veprës penale të “Korrupsion pasiv në zgjedhje”.

Për interesa të këtij procedimi penal është bërë e mundur ekzekutimi i letërporosisë drejtuar autoriteteve të drejtësisë holandeze për disa përdorues të platformës së enkriptuar “Matrix”.

Nga analizimi i disa prej komunikimeve, ka rezultuar e provuar se gjatë periudhës tetor – dhjetor 2024, i pandehuri, Altin Hajri dhe bashkëbiseduesit e tij, diskutojnë lidhur me momentin e ekzekutimit të masës së sigurimit personal ndaj të pandehurve: Jurgis Çyrbja dhe Ahmet Masha, (datë 20 tetor 2024 dhe në vijim).

Nga përmbajtja e komunikimeve evidentohet njohja mes të pandehurve, pohimi i përmbajtjes së komunikimeve të zhvilluara mes tyre me anë të platformës së enkriptuar “SkyEcc”, si dhe veprimet e paligjshme të kryera në episodet objekt akuze, ku janë pohuar dhe vendtakimet që kanë realizuar me punonjësit e policisë, të cilët i kanë informuar edhe për operacionet e zhvilluara për kapjen e personave në kërkim.

Nga analiza e akteve të administruara deri në këto momente, ekzistojnë dyshime të arsyeshme, të bazuara në prova se funksionarë publik, në kundërshtim me përmbushjen e rregullt të detyrës në 8 raste, kanë zbuluar akte, të përcaktuar si “sekret shtetëror” nga ligji, pasi me përmbajtjen e tyre, rezulton se janë vënë në dijeni edhe të pandehurit objekt gjykimi, duke konsumuar elementët e veprës penale “Zbulim i akteve ose të dhënave sekrete”.

Me qëllim identifikimin e bashkëpunëtorëve të të pandehurve: Jurgis Çyrbja, Ahmet Masha dhe Altin Hajri, si dhe të funksionarëve publikë, të cilët kanë zbuluar akte të përcaktuar nga ligji si “sekret shtëtor”, Prokuroria e Posaçme ka proceduar me ndarjen e akteve të procedimit penal të vitit 2024 në procedimin e vitit 2025. Hetimet rreth këtij procedimi vijojnë.

SPAK falënderoi po ashtu autoriteteve të drejtësisë franceze, holandeze, belge, Eurojust dhe Europol, të cilët kanë mbështetur dhe ndihmuar SPAK për këtë procedim penal.

/m.m/j.p/

The post Korrupsion në zgjedhje dhe rrjedhje informacioni sekret, SPAK dërgon për gjykim tre të pandehur appeared first on Agjencia Telegrafike Shqiptare.

Kryetari i Partisë Demokratike nuk do të jetë në seancë për shkak të angazhimeve, por do të mbrohet nga avokatët e tij, Genc Gjokutaj dhe Sokol Mëngjesi.

I vënë nën akuzë për korrupsion pasiv, pasi dyshohet se ka vendosur shtetin në funksion të përfitimeve të dhëndrit të tij, ish-kryeministri ka kërkuar gjykim të zakonshëm.

Për herë të parë Gjykata e Posaçme, ul në bankën e të akuzuarve ish-kryeministrin Sali Berisha. Pasi dosja “Partizani” kaloi për gjykim, togat e zeza kanë caktuar datën 30 qershor, orën 09:30 për seancën e parë në themel.

Në seancën e të hënës pritet që të bëhet legjitimimi i palëve, pra të pandehurit e dosjes i verifikojnë gjykatës mbrojtësit e tyre. I bashkëpandehur në këtë çështje është dhëndri i liderit të opozitës, Jamarbër Malltezi të cilin SPAK e akuzon për dy vepra penale, korrupsion e pastrim parash, si pasojë e privatizimit të ish-klubit sportiv, Partizani.

Sipas organit të akuzës, Jamarbër Malltezi, ndërtoi në trojet shtetërore të këtij kompleksi sportiv 19 pallate. SPAK thotë se Malltezi përfitoi nga pozita e vjehrrit të tij si një nga 5 trashëgimtarët e këtyre trojeve, përmes procedurave të përshpejtuara.

Po ashtu, nën akuzë janë vënë biznesmeni Xhimi Begeja, ndërtuesi, Fatmir Bektashi dhe përfaqësuesja e studios ligjore. Të pestë do të përballen me togat e zeza të Gjykatës së Posaçme, që kryesohen nga gjyqtarja, Elsa Ulliri me anëtarë Bib Ndreca dhe Rudina Palloj.

Beteja e Berishës me SPAK ka qenë e tensionuar. Kryetari i PD, ka hedhur një lumë akuzash ndaj dy prokurorëve që e kanë vënë nën hetim, Arben Kraja dhe Enkeleda Millonai, por edhe ndaj drejtuesit të prokurorisë, Altin Dumani. Berisha pretendon se hetimi i tij ka prapavijë politike.

The post Të hënën nis gjykimi ndaj Berishës, kryetari i Partisë Demokratike nuk do të jetë i pranishëm në seancë appeared first on Sot News | Lajme.

Gjykata e Apelit të Juridiksionit të Përgjithshëm në Tiranë ka rrëzuar vendimin e dhënë nga Gjykata e Shkallës së Parë në Korçë për çështjen e vrasjes së 26-vjeçarit Martin Çeço, duke e kthyer atë për rigjykim. Vendimi i Apelit u mor më 24 qershor 2025 nga trupa gjykuese e përbërë nga relatore Marsela Pepi dhe […]

The post Apeli rrëzon dënimet për vrasjen e Martin Çeços, çështja kthehet për rigjykim në Korçë appeared first on BoldNews.al.

Prokuroria e Lezhës ka përfunduar hetimet dhe ka dërguar për gjykim çështjen në lidhje me kultivimin e bimëve narkotike në zonën e Kashnjetit, ku janë marrë të pandehur 3 persona. Të pandehuri janë Armando Ndreca, 30-vjeç vëllai i deputetit të Partisë Socialiste, Eduard Ndreca si dhe dy të pandehurit e tjerë, Armel Nikdukaj dhe Elvis Spellzaj.

Prokuroria e Lezhës i akuzon ata për veprat penale “Prodhimi dhe shitja e lëndëve narkotike”, “Kultivimi i bimëve narkotike” dhe “Vjedhja e energjisë elektrike ose impulseve telefonike”. Bëhet me dije se seanca paraprake do të zhvillohet në ditët në vijim nga gjyqtari Lirim Bulica, i cili do të vendosë ndaj kërkesës së prokurorisë për kalimin e çështjes në gjykim.

Ndreca dhe dy të tjerët kishin përshtatur një stan për kultivimin e drogës pranë fshatit Kashnjet. Gjatë operacionit të policisë u sekuestruan 2973 bimë kanabis sativa, disa prej të cilëve fidanë të gatshëm për t’u mbjellë, një sasi kanabisi, 50 llampa, pajisje ventilimi si dhe sende të tjera që i shërbejnë veprimtarisë kriminale.

The post EMRAT/ Prokuroria çon për gjykim 3 të pandehur për parcelat e kanabisit në Lezhë, mes tyre vëllai i deputetit socialist appeared first on Albeu.com.

Prokuroria e Posaçme kundër Korrupsionit dhe Krimit të Organizuar (SPAK), ka përfunduar hetimet paraprake dhe ka paraqitur para Gjykatës së Posaçme të Shkallës së Parë kërkesën për gjykim të procedimit penal nr.175/1/4 të vitit 2025, në ngarkim të të pandehurve:

Arbër Troka, i akuzuar për kryerjen e veprës penale,“Shkelje e barazisë së pjesëmarrësve në tendera apo ankande publike”, e kryer në bashkëpunim parashikuar nga neni 258 e 25 i Kodit Penal (sipas parashikimit para ndryshimeve të bëra me ligjin Nr.43/2021).

Miranda Shkurti, i akuzuar për kryerjen e veprës penale, “Shkelje e barazisë së pjesëmarrësve në tendera apo ankande publike”, e kryer në bashkëpunim, parashikuar nga neni 258 e 25 i Kodit Penal (sipas parashikimit para ndryshimeve të bëra me ligjin Nr.43/2021).

Nikollaq Mihali, i akuzuar, për kryerjen e veprës penale, “Shkelje e barazisë së pjesëmarrësve në tendera apo ankande publike”, e kryer në bashkëpunim, parashikuar nga neni 258 e 25 i Kodit Penal (sipas parashikimit para ndryshimeve të bëra me ligjin Nr.43/2021).

Almir Hoxhaj, i akuzuar, për kryerjen e veprës penale, “Shkelje e barazisë së pjesëmarrësve në tendera apo ankande publike”, e kryer në bashkëpunim, parashikuar nga neni 258 e 25 i Kodit Penal (sipas parashikimit para ndryshimeve të bëra me ligjin Nr.43/2021).

Erjon Zemanaj, i akuzuar, për kryerjen e veprës penale, “Shkelje e barazisë së pjesëmarrësve në tendera apo ankande publike”, e kryer në bashkëpunim, parashikuar nga neni 258 e 25, i Kodit Penal (sipas parashikimit para ndryshimeve të bëra me ligjin Nr.43/2021).

Admir Pahumi, i akuzuar, për kryerjen e veprës penale, “Shkelje e barazisë së pjesëmarrësve në tendera apo ankande publike”, e kryer në bashkëpunim, parashikuar nga neni 258 e 25 i Kodit Penal (sipas parashikimit para ndryshimeve të bëra me ligjin Nr.43/2021).

Procedimi penal 175/1/4 i vitit 2025, është veçuar nga procedimi penal 175/1 i vitit 2022 – regjistruar nga Prokuroria e Posaçme Kundër Korrupsionit dhe Krimit të Organizuar për veprat penale;”Shkelje e barazisë së pjesëmarrësve në tendera apo ankande publike” dhe “Shpërdorim i detyrës”, parashikuar nga nenet 258 dhe 248 të Kodit Penal.

Në procedimin 175/1 janë administruar dhe analizuar, dokumente tenderuese dhe teknike, informacione administrative, oferta të dorëzuara, procedura ankimimi, vendime te Komisionit të Prokurimit Publik. Gjithashtu janë pyetur në cilësinë e personave që sqarojnë rrethana te hetimit shumë perfaqësuesë të subjekteve konkurues dhe ankimues, si dhe janë sekuestruar akte, janë këqyrur dhe administruar prova shkresore nga sistemet shtetërore për disa procedura tenderuese të zhvilluara nga ARRSH, gjatë viteve 2019-2020-2021, për të cilat hetimet vijojnë.

Procedimi penal 175/1/4-2025 bën fjalë për procedurën e prokurimit me objekt: “Rehabilitim i segmentit rrugor “Mbikalimi pallati me shigjeta – Rrethrrotullimi Shqiponja”, Loti 1 me fond limit 2,250,950,653.25 Lekë pa (tvsh) me nr. REF-26436-06-13-2019.

Nga analizat e provave dhe të dhënave të grumbulluara, rezulton e provuar se gjatë kryerjes së procedurës së mësipërme të prokurimit, e zhvilluar nga ARRSH, të pandehurit në bashkëpunim me njëri tjetrin kanë kryer një sërë veprimesh në shkelje të procedurës, duke dëmtuar interesat ligjore të shtetit.

The post Akuzohen për shkelje të barazisë në tendera/ SPAK mbyll hetimet, çon për gjykim 5 ish-zyrtarë (EMRAT) appeared first on Albeu.com.

Vranë shtetasin Grei Bihuci pas konfliktit të nisur në rrjetet sociale, Prokuroria e Fierit dërgon në gjyq për ‘Vrasje me paramendim’ dy shtetas, një prej të cilëve i mitur

Prokuroria pranë Shkallës së Parë e Juridiksionit të Përgjithshëm Fier, përfundoi hetimet dhe dërgon në gjyq shtetasit F.M. dhe K.M. për veprat penale ‘Vrasja me paramendim’, e kryer në bashkëpunim dhe ‘Prodhimi, mbajtja, blerja apo shitja pa leje e armëve të ftohta’, të parashikuara nga nenet 78/1 e 25 dhe 279/2 të Kodit Penal.

Nga hetimet e kryera mbi procedimin penal nr. 382 të vitit 2025, rezultoi e provuar se, në datën 11.03.2024, rreth orës 11:30, në lagjen “Kongresi i Përmetit” të qytetit të Fierit, gjatë një takimi për t’u sqaruar lidhur me një konflikt të ndodhur ditë më parë dhe të publikuar në rrjetet sociale, të pandehurit F.M. dhe K.M., të cilët kanë pasur me vete armë të ftohta, në bashkëpunim me njëri-tjetrin kanë goditur viktimën G.B., duke i shkaktuar atij vdekjen e menjëhershme.

Prokuroria pranë Gjykatës së Shkallës së Parë të Juridiksionit të Përgjithshëm Fier kërkoi Deklarimin fajtor të të pandehurit F.M. për kryerjen e veprës penale “Vrasja me paramendim” e kryer në bashkëpunim, dhe në bazë të neneve 78/1 e 25 të Kodit Penal dënimin e tij me 25 vjet burgim. Si dhe deklarimin fajtor të të miturit në konflikt me ligjin K.M. për kryerjen e veprës penale “Vrasja me paramendim” e kryer në bashkëpunim, dhe në bazë të neneve 78/1 e 25 dhe 51 të Kodit Penal dhe 97/2 të Kodit të Drejtësisë Penale për të Mitur, dënimin e tij me 12 vjet dhe 6 muaj burgim.

Në vijim, Prokuroria pranë Gjykatës së Shkallës së Parë Juridiksionit të Përgjithshëm Fier, shpreh angazhimin e plotë dhe vënien para përgjegjësisë ligjore të të gjithë personave që kryejnë vepra penale kundër jetës dhe shëndetit.

The post Vrasja e Grei Bihucit në Fier/ Prokurori çon për gjykim Florian dhe Klajdi Mukën appeared first on Lapsi.al.

Françeska Murati ishte e ftuar në emisionin “Piter Pan”, përballë kureshtarëve të vegjël ku tregoi për fëmijërinë e saj në Londër. Me zërin që herë dridhej e herë forcohej, rrëfeu për bullizimin si emigrante, për paragjykimin ndaj prindërve që nuk flisnin anglisht, por mbi të gjitha për krenarinë që s’e humbi kurrë: “Jam shqiptare”.

Alketa Vejsiu: Si ka qenë fëmijëria jote atje në Angli, jam shumë kureshtare ta di?

Shakira rrëfen pasiguritë në SHBA: Jetoj në frikë çdo ditë
Françeska Murati: Mendoj se fatkeqësisht është diçka që fëmijët e humbin kur janë në një qytet shumë të madh siç është Londra. Na mungon kjo pjesa e fshatit e mbushur me shumë kushërinjtë, të luajturit jashtë në natyrë, të shkuarit në plazh. Kur flas me shoqet e mia që kam këtu në Shqipëri, ato kanë kujtime shumë të bukura të fëmijërisë së tyre në plazh duke luajtur, kurse ne kemi qenë brenda në shtëpi, në një qytet shumë të madh. Unë dhe motra nuk kemi shumë vite diferencë dhe praktikisht kemi qenë shoqe të ngushta për njëra-tjetrën, pikturonim, nuk është se kishim shumë mundësi për të dalë jashtë dhe për të bërë ndonjë aktivitet. Vetëm tek-tuk, kur na çonin prindërit për ndonjë kamping, për ndonjë fundjavë. Prandaj dhe ky është synimi im që Charli të ketë sa më shumë aktivitete këtu në Shqipëri. Ajo gjëja që unë kam ëndërruar ai ta shijojë.

Alketa Vejsiu: Prindërit e tu kanë shkuar si emigrantë, apo jo? Si je trajtuar ti si emigrante atje? Ke qenë ti krenare dhe ke thënë “I’m from Albania”.

Françeska Murati: Po! Në fillim ka qenë shumë e vështirë dhe është shumë e vështirë për çdo emigrant që shkon në fillimet e veta në Angli. Sidomos atëherë që nuk ka pasur shumë informacion për Shqipërinë se ku është dhe jam bullizuar shumë për faktin që kam qenë shqiptare. Përpos faktit që kam bërtitur shumë që jam shqiptare, sepse më kanë rritur më këtë idenë që duhet të jemi krenarë, asnjëherë të mos kemi turp sidomos ne që kemin shkuar shumë të vegjël dhe jemi përshtatur shumë shpejt. Fatkeqësisht ka ndodhur kjo pjesa e bullizimit, njerëz që të gjykojnë. Prindërit nuk dinin të flisnin mirë anglisht, sidomos kur vinin në takime me prindërit, pro janë gjëra që na bëjnë gjëra më të fortë.

The post Françeska Murati, rrëfim personal/ Si është të rritesh e paragjykuar në një vend të huaj? appeared first on Sot News | Lajme.

Prokuroria e Tiranës ka çuar për gjykim dosjen ndaj imamit të njohur Ahmed Kalaja, i cili akuzohet për veprën penale “Veprime që pengojnë zbulimin e të vërtetës”, kryer në bashkëpunim, një vepër që parashikon dënim me gjobë ose deri në tre vite burg. Ahmed Kalaja, i cili drejton xhaminë “Dine Hoxha” në rrugën e Kavajës, […]

The post Imami Ahmed Kalaja rrezikon deri në 3 vite burgim, akuzohet për pengim të drejtësisë appeared first on BoldNews.al.

SPAK ka çuar për gjykim 37 persona, të dyshuar si anëtarë të dy grupeve të strukturuara kriminale, të cilët gjatë viteve 2022-2024 kanë ndihmuar shtetas shqiptarë të udhëtojnë ilegalisht drejt Mbretërisë së Bashkuar, Shteteve të Bashkuara dhe Kanadasë, përmes përdorimit të dokumenteve të falsifikuara.

Sipas SPAK, të pandehurit kanë bashkëpunuar për të prodhuar dokumente të falsifikuara – pasaporta, karta identiteti dhe leje drejtimi të vendeve të Bashkimit Europian duke ndihmuar më tej në organizimin e udhëtimeve, transportin e personave, akomodimin e tyre, si dhe udhëzimin për të kaluar kontrollet kufitare apo për të aplikuar për viza në mënyrë të paligjshme. Në këtë aktivitet janë përfshirë edhe agjenci udhëtimi të cilat SPAK thotë se bashkëpunonin ngushtësisht për realizimin e itinerareve dhe veprimtarisë së kundërligjshme.

Mes të pandehurve që janë dërguar për gjykim janë Bashkim Sulaj, Njazi Ademaj, Fitim Rama, Xhelal Krasniqi, Rrezart Domi, Ylli Brahimaj, Osman Luca, Artur Mici, Emiljan Marashi, Adrian Mema, Jugert Gashi dhe Maksim Domi. Po ashtu, akuzohen edhe Arsen Caka, Gridi Elezi, Behar Rexha, Deila Qama, Arnold Shahu, Fatmir Stankova, Arben Rushiti, Ylli Çaushaj, Eriola Spaho, Murat Gjuniku, Bajram Xhaja, Bardhyl Imeri, Roland Islamaj, Amarildo Luca, Robert Gjika, Artid Shtylla, Leonard Lama, Xhelil Alla, Besnik Lumaj, Dritan Cena, Altin Neli, Redi Salaj, Behar Nuhiallari, Azem Canaj dhe Perlat Canaj.

Njoftimi i plotë i SPAK

Prokuroria e Posaçme kundër Korrupsionit dhe Krimit të Organizuar, në përfundimf të hetimeve për procedimin penal nr.177, të vitit 2022, dorëzoi në Gjykatën e Posaçme kërkesën për gjykim të 37 të pandehurve, anëtarë të dy grupeve të strukturuar kriminale.

Veprat kryesore për të cilat akuzohen 37 të pandehurit:

“Ndihmë për kalim të paligjshëm të kufijve”, e kryer në formën e bashkëpunimit të veçantë; “Falsifikimi i letërnjoftimeve, pasaportave ose vizave”, kryer në formën e bashkëpunimit të veçantë; “Falsifikimi i dokumentave”, kryer në formën e bashkëpunimit të veçantë; “Grup i strukturuar kriminal”, “Kryerje e veprave penale nga organizata kriminale apo grupi” kriminal, parashikuar nga nenet 298/2 e 28/4; 189/1 e 28/4; 186/1 e 28/4; 333/a/1/2; 334/1 të Kodit Penal, “Falsifikimi i vulave, stampave ose formularëve”; “Prodhimi i mjeteve për falsifikim të dokumentave, prodhimi apo mbajtja e mjeteve për të kryer falsifikim të dokumentave”, parashikuar nga neni 190/1 dhe 192 të Kodit Penal; “Kultivim i bimëve narkotike”, kryer në bashkëpunim dhe “Prodhim dhe shitje e narkotikëve”, kryer në bashkëpunim, parashikuar nga nenet 284/2 dhe 283/2 të Kodit Penal; si dhe “Shpërdorim detyre”, parashikuar nga neni 248 i Kodit Penal

“Modus operandi” i dy grupeve të strukturuara kriminale

Dy grupet e strukturuar kriminale, ekzistenca e të cilëve është tashmë e provuar nga hetimi, përgjatë viteve 2022 dhe 2024 kanë organizuar dhe ndihmuar kalimin e paligjshëm të kufijve detarë, ajrorë dhe tokësorë, kyesisht të shtetasve shqiptarë drejt Mbretërisë së Bashkuar, Shteteve të Bashkuara dhe Kanadasë. Veprimtaria e tyre konsistonte në:

Prodhimin e dokumenteve të falsifikuara të identifikimit, kryesisht të dokumentatave të vendeve të Bashkimit Europian (pasaporta, karta identiteti, leje drejtimi dhe dokumenta të tjera).

Gjetjen apo ndërmjetësimin për shtetasit shqiptarë që do të udhëtonin në Mbretërinë e Bashkuar, Kanada dhe Amerikë, mënyrën e kryerjes së pagesave dhe vlerat e paguara prej tyre;

Transportimin e dokumentave dhe të personave që do të udhëtonin; akomodimin dhe udhëzimin e këtyre shtetasve për itinerarin që do të ndiqnin, veprime këto të realizuara nga agjensitë e udhëtimit; “Domi Travel” dhe “Boris Travel”, të cilët bashkëpunojnë me njëri-tjetrin;

Përdorimin e dokumentave të falsifikuara, udhëzimin e personave se si duhet të silleshin gjatë intervistave, për t’u pajisur me vizë amerikane dhe kanadeze.

Në këtë veprimtari kriminale, të pandehurit sigurojnë procese të ndryshme. Ata njohin njëri-tjetrin, dhe janë në dijeni për rolin e gjithsecilit. Këto rrethana tregojnë se veprimtaria është e paramenduar, e mirëorganizuar dhe me detyra dhe role të përcaktuar dhe qëllimi i saj është përftimi material.

Gjatë hetimit është dokumentuar në qytetin e Tiranës një ambient në të cilën prodhoheshin dokumenta identifikimi si pasaporta të vendeve të Bashkimit Evropian, një ambient ku janë gjetur dhe sekuestruar dokumenta të ndryshëm, të falsifikuara si edhe 37 (tridhjetë shtatë) vula të ndryshme, kryesisht të institucioneve shtetërore dhe private, përmes të cilave mundësohej falsifikimi i dokumentave të përdorura edhe gjatë aplikimeve për viza nga grupi kriminal, shumat e parave 25 mijë euro, 20 mijë paund, sende me vlerë, një ambient i përshtatur për falsifikim të dokumentave, kompjutera dhe printera që shërbenin për shitje dhe transferta të monedhave virtuale.

Bashkëpunimi ndërkombëtar

Në kuadër të këtij procedimi penal është krijuar Skuadër e Përbashkët hetimore me Autoritetet gjyqësore të Tarragonës, Spanjë, është bashkëpunuar me Agjensinë Federale Amerikane DSS/OCIU, Njësinë e Hetimeve Kriminale, me presence në Ambasadën e SHBA-së Tiranë; dhe me agjensi të ndryshme të huaja ligjzbatuese. Ky bashkëpunim mundësoi shkëmbim të shpejtë të informacionit dhe identifikimin e rasteve, ndalimin e shtetasve që kanë kërkuar të udhëtojnë në rrugë tokësore, detare apo ajrore si edhe sekuestrimin e dokumenteve të falsifikuara, kur ato janë përdorur.

Mbështetur në marrëveshjet ndërkombëtare për ndihmën e ndërsjelltë në çështjet penale, marrëveshjet e nënshkruara mes Mbretërisë së Spanjës dhe Republikës së Shqipërisë, si dhe institucioneve homologe të dy vendeve respektive, është mundësuar pjesëmarrja në veprime hetimore të oficerë të policisë gjyqësore të Drejtorisë së Përgjithshme të Policisë së Shtetit dhe Byrosë Kombëtare të Hetimit (BKH) dhe agjencive të ndryshme policore të Spanjës në territoret reciproke, duke dokumentuar të gjitha fazat e kryerjes së kësaj veprimtarie dhe personave të përfshirë në to.

Një falenderim i veçantë i drejtohet Eurojust dhe projektit EU4FAST, për mbështetjen e dhënë në kuadër të hetimit të përbashkët hetimor.

Të pandehurit janë:

Bashkim Sulaj,

Njazi Ademaj,

Fitim Rama,

Xhelal Krasniqi,

Rrezart Domi,

Ylli Brahimaj,

Osman Luca,

Artur Mici,

Emiljan Marashi,

Adrian Mema,

Jugert Gashi,

Maksim Domi,

Arsen Caka,

Gridi Elezi,

Behar Rexha,

Deila Qama,

Arnold Shahu,

Fatmir Stankova,

Arben Rushiti,

Ylli Çaushaj,

Eriola Spaho,

Murat Gjuniku,

Bajram Xhaja,

Bardhyl Imeri,

Roland Islamaj,

Amarildo Luca,

Robert Gjika,

Artid Shtylla,

Leonard Lama,

Xhelil Alla,

Besnik Lumaj,

Dritan Cena,

Altin Neli,

Redi Salaj,

Behar Nuhiallari,

Azem Canaj,

Perlat Canaj.

*Sqarim: Gjithkush prezumohet i pafajshëm derisa nuk vërtetohet fajësia e tij me vendim të formës së prerë.

The post Trafik emigrantësh drejt SHBA-së, Kanadasë e Anglisë, SPAK çon për gjykim 37 persona appeared first on Sot News | Lajme.

Prokuroria e Posaçme kundër Korrupsionit dhe Krimit të Organizuar, në përfundim të hetimeve për procedimin penal nr.177, të vitit 2022, dorëzoi në Gjykatën e Posaçme kërkesën për gjykim të 37 të pandehurve, anëtarë të dy grupeve të strukturuar kriminale.

Të pandehurit janë:

Bashkim Sulaj

Njazi Ademaj

Fitim Rama

Xhelal Krasniqi

Rrezart Domi

Ylli Brahimaj

Osman Luca

Artur Mici

Emiljan Marashi

Adrian Mema

Jugert Gashi

Maksim Domi

Arsen Caka

Gridi Elezi

Behar Rexha

Deila Qama

Arnold Shahu

Fatmir Stankova

Arben Rushiti

Ylli Çaushaj

Eriola Spaho

Murat Gjuniku

Bajram Xhaja

Bardhyl Imeri

Roland Islamaj

Amarildo Luca

Robert Gjika

Artid Shtylla

Leonard Lama

Xhelil Alla

Besnik Lumaj

Dritan Cena

Altin Neli

Redi Salaj

Behar Nuhiallari

Azem Canaj

Perlat Canaj

Veprat kryesore për të cilat akuzohen:

“Ndihmë për kalim të paligjshëm të kufijve”, e kryer në formën e bashkëpunimit të veçantë; “Falsifikimi i letërnjoftimeve, pasaportave ose vizave”, kryer në formën e bashkëpunimit të veçantë; “Falsifikimi i dokumentave”, kryer në formën e bashkëpunimit të veçantë; “Grup i strukturuar kriminal”, “Kryerje e veprave penale nga organizata kriminale apo grupi” kriminal, parashikuar nga nenet 298/2 e 28/4; 189/1 e 28/4; 186/1 e 28/4; 333/a/1/2; 334/1 të Kodit Penal, “Falsifikimi i vulave, stampave ose formularëve”; “Prodhimi i mjeteve për falsifikim të dokumentave, prodhimi apo mbajtja e mjeteve për të kryer falsifikim të dokumentave”, parashikuar nga neni 190/1 dhe 192 të Kodit Penal; “Kultivim i bimëve narkotike”, kryer në bashkëpunim dhe “Prodhim dhe shitje e narkotikëve”, kryer në bashkëpunim, parashikuar nga nenet 284/2 dhe 283/2 të Kodit Penal; si dhe “Shpërdorim detyre”, parashikuar nga neni 248 i Kodit Penal.
“Modus operandi” i dy grupeve të strukturuara kriminale

Dy grupet e strukturuar kriminale, ekzistenca e të cilëve është tashmë e provuar nga hetimi, përgjatë viteve 2022 dhe 2024 kanë organizuar dhe ndihmuar kalimin e paligjshëm të kufijve detarë, ajrorë dhe tokësorë, kyesisht të shtetasve shqiptarë drejt Mbretërisë së Bashkuar, Shteteve të Bashkuara dhe Kanadasë. Veprimtaria e tyre konsistonte në:

Prodhimin e dokumenteve të falsifikuara të identifikimit, kryesisht të dokumentatave të vendeve të Bashkimit Europian (pasaporta, karta identiteti, leje drejtimi dhe dokumenta të tjera).

Gjetjen apo ndërmjetësimin për shtetasit shqiptarë që do të udhëtonin në Mbretërinë e Bashkuar, Kanada dhe Amerikë, mënyrën e kryerjes së pagesave dhe vlerat e paguara prej tyre;

Transportimin e dokumentave dhe të personave që do të udhëtonin; akomodimin dhe udhëzimin e këtyre shtetasve për itinerarin që do të ndiqnin, veprime këto të realizuara nga agjensitë e udhëtimit; “Domi Travel” dhe “Boris Travel”, të cilët bashkëpunojnë me njëri-tjetrin;

Përdorimin e dokumentave të falsifikuara, udhëzimin e personave se si duhet të silleshin gjatë intervistave, për t’u pajisur me vizë amerikane dhe kanadeze.

Në këtë veprimtari kriminale, të pandehurit sigurojnë procese të ndryshme. Ata njohin njëri-tjetrin, dhe janë në dijeni për rolin e gjithsecilit.

Këto rrethana tregojnë se veprimtaria është e paramenduar, e mirëorganizuar dhe me detyra dhe role të përcaktuar dhe qëllimi i saj është përftimi material.

Gjatë hetimit është dokumentuar në qytetin e Tiranës një ambient në të cilën prodhoheshin dokumenta identifikimi si pasaporta të vendeve të Bashkimit Evropian, një ambient ku janë gjetur dhe sekuestruar dokumenta të ndryshëm, të falsifikuara si edhe 37 (tridhjetë shtatë) vula të ndryshme, kryesisht të institucioneve shtetërore dhe private, përmes të cilave mundësohej falsifikimi i dokumentave të përdorura edhe gjatë aplikimeve për viza nga grupi kriminal, shumat e parave 25 mijë euro, 20 mijë paund, sende me vlerë, një ambient i përshtatur për falsifikim të dokumentave, kompjutera dhe printera që shërbenin për shitje dhe transferta të monedhave virtuale.

Bashkëpunimi ndërkombëtar

Në kuadër të këtij procedimi penal është krijuar Skuadër e Përbashkët hetimore me Autoritetet gjyqësore të Tarragonës, Spanjë, është bashkëpunuar me Agjensinë Federale Amerikane DSS/OCIU, Njësinë e Hetimeve Kriminale, me presence në Ambasadën e SHBA-së Tiranë; dhe me agjensi të ndryshme të huaja ligjzbatuese.

Ky bashkëpunim mundësoi shkëmbim të shpejtë të informacionit dhe identifikimin e rasteve, ndalimin e shtetasve që kanë kërkuar të udhëtojnë në rrugë tokësore, detare apo ajrore si edhe sekuestrimin e dokumenteve të falsifikuara, kur ato janë përdorur.

Mbështetur në marrëveshjet ndërkombëtare për ndihmën e ndërsjelltë në çështjet penale, marrëveshjet e nënshkruara mes Mbretërisë së Spanjës dhe Republikës së Shqipërisë, si dhe institucioneve homologe të dy vendeve respektive, është mundësuar pjesëmarrja në veprime hetimore të oficerë të policisë gjyqësore të Drejtorisë së Përgjithshme të Policisë së Shtetit dhe Byrosë Kombëtare të Hetimit (BKH) dhe agjencive të ndryshme policore të Spanjës në territoret reciproke, duke dokumentuar të gjitha fazat e kryerjes së kësaj veprimtarie dhe personave të përfshirë në to.

Një falenderim i veçantë i drejtohet Eurojust dhe projektit EU4FAST, për mbështetjen e dhënë në kuadër të hetimit të përbashkët hetimor.

The post SPAK çon për gjykim 37 persona të akuzuar si anëtarë të dy grupeve kriminale, zbardhen akuzat (EMRAT) appeared first on Albeu.com.

Prokuroria pranë Gjykatës së Shkallës së Parë të Juridiksionit të Përgjithshëm Tiranë, ka përfunduar hetimet dhe dërgon në gjyq 13 persona, mes të cilëve 10 inspektorë e zyrtarë të institucioneve mjedisore për veprën penale ‘Shpërdorim detyre’, duke lejuar shkelje në fushën e mbrojtjes së mjedisit dhe trajtimit të mbetjeve të rrezikshme spitalore.

Në kuadër të hetimeve të zgjeruara për çështjen penale nr.1255/2024, e cila u regjistrua pas kallëzimit të gazetarit investigativ S.K., u këqyr i gjithë dokumentacioni zyrtar, u morën deklarime, si dhe u verifikuan në terren dhe u administruan provat materiale e fotografike.

Hetimi zbuloi një skemë të gjerë falsifikimi dhe shpërdorimi detyre, e cila përfshinte bashkëpunim ndërmjet subjekteve private dhe funksionarëve publikë dhe për rrjedhojë u morën të pandehur për veprën penale të falsifikimit të dokumenteve (neni 186/3 i Kodit Penal) shtetasit:

E.M., administrator i “V.R Shpk”

E.Sh., administratore e “E.. Shpk”

L.Sh., administrator i “S…. Shpk”

Këta shtetas, akuzohen për deklarime të rreme mbi pajisje teknologjike për sterilizimin e mbetjeve, të përdorura për të përfituar kontrata publike dhe leje mjedisore në mungesë të kapaciteteve reale.

Gjithashtu, u morën të pandehur për veprën penale të shpërdorimit të detyrës (neni 248 i K.Penal) dhjetë inspektorë dhe zyrtarë të institucioneve mjedisore: J.Sh., E.P., A.M., N.D., T.P., B.S., A.K., B.L., I.B., dhe K.A..

Ata dyshohen se kanë kryer inspektime formale, kanë pranuar dokumentacion të manipuluar dhe nuk kanë verifikuar kushtet reale të instalimeve në terren.

Nga analiza e të dhënave rezultoi se; gjatë periudhës 2017–2022, subjekti “V. R..” ka përfituar mbi 30 tendera, duke përdorur pajisje të pasakta dhe të munguara në vendushtrim te aktivitetit, në kundërshtim me kriteret ligjore për lejet mjedisore të tipit A dhe B. Ky hetim nxori në pah problematika të rënda në zbatimin e standardeve mjedisore, mungesën e kontrolleve efektive dhe bashkëpunimin e dyshimtë ndërmjet interesave privatë dhe autoriteteve mbikëqyrëse.

Të gjithë personat e përfshirë gëzojnë prezumimin e pafajësisë, deri në një vendim përfundimtar nga gjykata kompetente.

The post Lejuan shkelje në trajtimin e mbetjeve të rrezikshme spitalore, prokuroria çon për gjykim 10 zyrtarë appeared first on Albeu.com.

Gjykimi për rastin e vrasjes së Vanja Gjorçevskës dhe Pançe Zhezhovskit po vazhdon sot në Gjykatën Themelore Penale në Shkup. Në seancën e fundit, u përmbyll faza e marrjes së dëshmive dhe u kalua në shqyrtimin e provave shtesë.

Prokuroria paraqiti materiale të reja, përfshirë pamje nga kamerat e sigurisë pranë shtëpisë së Velibor Manev, të cilat sipas saj, tregojnë se të akuzuarit kanë planifikuar paraprakisht krimin, duke mos pasur për qëllim vetëm rrëmbimin e Vanjës, raporton Alsat M.

Në njërën nga pamjet e prezantuara në gjykatë, shihet qartë momenti kur Manev vendos një lopatë në automjetin “Renault”, duke sugjeruar përgatitje për ngjarjen tragjike. Vanja, një e mitur nga Shkupi, dhe Pançe nga Velesi, ishin raportuar si të zhdukur përkatësisht më 27 dhe 24 nëntor. Trupat e tyre u gjetën të pajetë më 3 dhjetor 2023 në afërsi të Shkupit dhe Velesit.

The post Vrasja e 14-vjeçares që tronditi Shkupin, vazhdon sot gjykimi për ngjarjen e rëndë appeared first on Sot News | Lajme.

Jamarbër Malltezi ka reaguar pas vendimit të GJKKO-së, e cila e mori të pandehur atë dhe vjehrrin e tij, Sali Berisha, duke kaluar për gjykim dosjen “Partizani”. Ai e konsideron si një vendim politik, dhe gjyqtaren që dha vendimin, Flojera Davidhin, si të nënshtruar nga Edi Rama, duke theksuar se ajo nuk mori mundimin as […]

The post Kalimi për gjykim i dosjes “Partizani”/ Malltezi: Gjyqtarja e nënshtruar politikisht, s’ka asnjë provë appeared first on BoldNews.al.

Gjykata e Apelit te Juridiksionit të Përgjithshëm vendosi të hënën ndryshimin e vendimit për vendin e ekzekutimit të dënimit të ish-kryebashkiakut Safet Gjici, duke pranuar kërkesën e avokatit të tij për të lejuar Gjicin të vuaj pjesën e mbetur të dënimit në shtëpi. Safet Gjici, ish-kryebashkiaku i Kukësit, u gjet fajtorë për korrupsion  i kishin […]

The post Apeli nxjerr nga burgu ish-kryebashkiakun Safet Gjici appeared first on Reporter.al.