Komisioni Evropian do të ndërmarrë të gjitha hapat e nevojshëm për të mbrojtur interesat e BE-së, duke përfshirë miratimin e kundërmasave proporcionale nëse është e nevojshme, njoftoi presidentja Ursula von der Leyen pas njoftimit të presidentit të SHBA-së Donald Trump se ai do të vendoste tarifa prej 30% për mallrat nga BE-ja.

“Ne mbetemi të gatshëm të vazhdojmë të punojmë drejt një marrëveshjeje deri më 1 gusht. Në të njëjtën kohë, ne do të ndërmarrim të gjitha hapat e nevojshëm për të mbrojtur interesat e BE-së, duke përfshirë marrjen e kundërmasave proporcionale nëse është e nevojshme.”

Trump njoftoi sot se duke filluar nga 1 gushti, tarifat prej 30% do të zbatohen për shumicën e mallrave të BE-së të importuara në SHBA, përcjell Telegrafi.

E njëjta përqindje vlen edhe për Meksikën.

“Ne kemi diskutuar marrëdhënien tonë tregtare me Bashkimin Evropian për vite me radhë dhe kemi arritur në përfundimin se duhet të largohemi nga këto deficite tregtare të gjata, të mëdha dhe të vazhdueshme”, shkroi Trump në një letër drejtuar von der Leyen.

Presidentja e Komisionit theksoi se BE-ja vazhdimisht i ka dhënë përparësi një zgjidhjeje të dakorduar me SHBA-në, e cila pasqyron angazhimin për dialog, stabilitet dhe një partneritet konstruktiv transatlantik.

Sipas saj, tarifat prej 30% do të prishnin shumë zinxhirët e furnizimit transatlantik, në dëm të bizneseve, konsumatorëve dhe pacientëve në të dy anët e Atlantikut. /Telegrafi/

The post BE-ja njofton menjëherë përgjigjen ndaj tarifave të Trumpit appeared first on Telegrafi.

Një mocion mosbesimi kundër presidentes së Komisionit Evropian, Ursula von der Leyen dhe vetë Komisionit dështoi të miratohej në Parlamentin e BE-së në Strasburg.

Ursula von der Leyen dhe Komisioni Evropian i mbijetuan votës së mosbesimit në Parlamentin Evropian, me 175 eurodeputetë që votuan në favor të mocionit të mosbesimit, 360 kundër dhe 18 abstenime.

Votat në favor ishin shumë më poshtë shumicës prej dy të tretash të të gjitha votave të hedhura të nevojshme që mocioni të jetë i suksesshëm.

Von der Leyen, e cila nuk ishte e pranishme gjatë votimit, është e sigurt për momentin, shkruan euronews.

Por votimi padyshim e ka dobësuar atë dhe ka lënë pikëpyetje mbi mbështetjen për agjendën e saj në Parlament.

Ndryshe, Grupi i Socialistëve dhe Demokratëve mori një premtim për buxhetin e ardhshëm afatgjatë në këmbim të mbështetjes së tyre, një premtim që do të vihet në provë javën e ardhshme kur propozimi i Komisionit duhet të publikohet.

Grupet e krahut të djathtë Patriotët për Evropën dhe Evropa e Kombeve Sovrane, plus shumë nga Konservatorët dhe Reformistët Evropianë dhe disa delegacione nga e Majta, votuan në favor të mocionit. /Telegrafi/

The post Ursula von der Leyen i mbijeton mocionit të mosbesimit appeared first on Telegrafi.

Komisioni Evropian shënjoi veçmas sektorët e shëndetësisë, arsimit, të policisë dhe Agjencinë Shtetërore të Kadastrave si fusha ku rreziku për korrupsion mbetet i lartë, pavarësisht përjekjeve të lavdërueshme të SPAK dhe GJKKO për të luftuar problemin numër një të Shqipërisë. Në raportin e vet vjetor mbi Sundimin e Ligjit, [Link] në të cilin Komision vlerëson […]

The post BE shënjestron shëndetësinë, arsimin, policinë dhe kadastrat si zona korrupsioni appeared first on Reporter.al.

Kryeministri i Ukrainës, Denys Shmyhal, deklaroi se presidentja e Komisionit Evropian, Ursula von der Leyen, ka konfirmuar mbështetjen e plotë të Bashkimit Evropian për stabilitetin financiar të Ukrainës dhe aspiratat e saj për anëtarësim në Union. Komentet u bënë pas një takimi dypalësh në Spanjë, në kuadër të Konferencës së OKB-së për Financimin e Zhvillimit.

Në fokus të diskutimeve ishin angazhimet e ardhshme financiare të BE-së për Ukrainën, për periudhën 2026–2027, në funksion të rimëkëmbjes ekonomike të vendit që vijon të përballet me agresionin rus.

“Falënderova Komisionin Evropian dhe presidenten Von der Leyen për mbështetjen e tyre kyçe, veçanërisht në sektorin e mbrojtjes,” shkroi Shmyhal në një postim në Telegram pas takimit.

Ai shtoi se biseda u përqendrua gjithashtu te përgatitjet për nisjen e negociatave zyrtare për anëtarësimin e Ukrainës në BE. “Bashkimi Evropian konfirmoi mbështetjen e plotë për hapat tanë të ardhshëm,” tha kryeministri ukrainas.

Ukraina synon të hapë zyrtarisht bisedimet për anëtarësim brenda këtij viti, si pjesë e rrugës së saj drejt integrimit evropian, ndërkohë që vazhdon përpjekjet për reforma dhe forcimin e institucioneve në kushtet e një lufte të përgjakshme dhe të gjatë.

The post BE-ja premton mbështetje të plotë për nevojat financiare të Ukrainës appeared first on Euronews Albania.

Pesë zyrtarë të lartë të qeverisë greke, përfshirë një ministër dhe tre zëvendësministra, dhanë dorëheqjen të premten pas akuzave për përfshirje në një skandal korrupsioni që lidhet me keqmenaxhimin e subvencioneve bujqësore të Bashkimit Evropian.

Rasti lidhet me keqadministrimin e dyshuar të fondeve të BE-së për bujqësinë në periudhën 2019–2022 nga agjencia shtetërore OPEKEPE, e ngarkuar me shpërndarjen e subvencioneve.

Sipas Zyrës së Prokurorit Publik Evropian, një numër i madh individësh përfituan padrejtësisht subvencione bazuar në deklarata të rreme, duke pretenduar se zotëronin ose kishin marrë me qira kullota që në të vërtetë ishin tokë publike.

Deklarata të rreme mbi numrin e bagëtive janë dorëzuar deri në vitin 2024, duke lejuar vazhdimin e pagesave.

Prokuroria i dorëzoi parlamentit grek një dosje të plotë këtë javë, që përfshin dyshime për përfshirjen e ministrave të qeverisë në një skemë të organizuar mashtrimi.

Për shkak të imunitetit parlamentar, një hetim penal mund të zhvillohet vetëm pas miratimit të parlamentit.

Ministri i Migracionit dhe Azilit, Makis Voridis – i cili më parë ka shërbyer si ministër i Bujqësisë në vitet 2019–2021 – dha dorëheqjen përmes një letre drejtuar kryeministrit, duke deklaruar pafajësinë dhe synimin për të pastruar emrin e tij.

Kryeministri Kyriakos Mitsotakis pranoi dorëheqjet e Voridisit dhe të zëvendësministrave të Punëve të Jashtme, Bujqësisë dhe Ushqimit, Qeverisjes Dixhitale, si dhe të Sekretarit të Përgjithshëm të Bujqësisë dhe Ushqimit.

Sipas zëdhënësit të qeverisë, Pavlos Marinakis, zëvendësimet për postet bosh do të shpallen në ditët në vijim.

Ndërkohë, Komisioni Evropian ka njoftuar se do të ulë me 5% fondet bujqësore për Greqinë, në një total prej 392 milionë eurosh.

LEXONI GJITHASHTU:

• Ambasada Amerikane në Greqi anulon aktivitetet për Ditën e Pavarësisë
• Mitsotakis: Greqia mund të përdorë energjinë bërthamore në të ardhmen

The post Hetimet mbi skandalin me subvencionet e BE-së, dorëhiqen 5 zyrtarë të lartë në Greqi appeared first on Euronews Albania.

Komisioni Evropian njoftoi gatishmërinë e tij për të transferuar 2 milionë predha artilerie në Ukrainë dhe për të siguruar 11 miliardë eurot e mbetura të kredive të G7.

Vendet evropiane kanë rënë dakord të vazhdojnë mbështetjen e tyre financiare për Ukrainën në të gjitha frontet: ushtarake, ekonomike dhe politike. Kohët e fundit, ato ndanë 1 miliard euro për industrinë e mbrojtjes ukrainase nga fitimet e papritura të aseteve të ngrira ruse.

“Jemi në rrugën e duhur për të përmbushur objektivin e 2 milionë predhave artilerie për Ukrainën në vitin 2025; dhe jemi gati të ofrojmë 11 miliardë eurot e mbetura të kredive të G7. Ne e dimë sa e rëndësishme është që Ukraina të kërkojë këto para. Paketa jonë e 18-të e sanksioneve synon pikërisht këtë. Ne duhet të jemi në gjendje të kemi një paketë të dakordësuar së shpejti”, deklaroi Presidentja e Komisionit Evropian.

Ajo shtoi se Komisioni Evropian mbështet Ukrainën në rrugën e saj drejt BE-së dhe avokon për hapjen e bllokut të parë të negociatave për pranimin e vendit në Bashkimin Evropian.

“Nën presion të pamëshirshëm, Ukraina po kryen reforma pas reforme. Kjo është mbresëlënëse. Kjo është arsyeja pse Komisioni mbështet hapjen e bllokut të parë të negociatave. Ukraina e ka bërë këtë – tani ne duhet të bëjmë të njëjtën gjë. Sepse procesi i pranimit bazohet në meritë. Dhe Ukraina meriton të ecë përpara”, përfundoi Ursula von der Leyen.

LEXONI GJITHASHTU:

• Rusia nis një valë të re sulmesh në Ukrainë, katër të vrarë
• FOTO| VIP-at mblidhen në dasmën veneciane të Jeff Bezos

The post Komisioni Evropian njofton gatishmërinë për të transferuar 11 mld euro në Ukrainë appeared first on Euronews Albania.

Kur Gigi Calesso lexoi në gazeta për rritjen e kostos së qendrave për emigrantët e Italisë në Shqipëri, ai u trondit shumë. Si një aktivist i së majtës për çështjet mjedisore dhe të drejtat e njeriut, administratori bankar gjashtëdhjetëvjeçar nga Treviso, afër Venecias në verilindje të Italisë, e kishte ndjekur me kujdes sagën që nga […]

The post Eksperiment i kushtueshëm: Italia peshon kostot e qendrave për emigrantët në Shqipëri appeared first on Reporter.al.

Komisioni Evropian ia ka ndarë Serbisë 51.7 milionë euro si kredi e butë, si pjesë e fazës së para-financimit të parashikuar nga Plani i Rritjes së BE-së për Ballkanin Perëndimor, njoftoi Zyra e BE-së në Serbi.

Ajo shtoi se 59 milionë euro shtesë në para-financim, në formën e granteve dhe kredive, do të kanalizohen përmes Kornizës së Investimeve në Ballkanin Perëndimor, për të përmirësuar infrastrukturën në të gjithë vendin.

Ky para-financim përfaqëson 7 për qind të mbështetjes së përgjithshme financiare të premtuar për Serbinë sipas Planit të Rritjes së BE-së.

The post Edhe Serbia i pranon paratë e para nga Plani i Rritjes i BE-së, Kosova e vetmja që s’ka përfituar ende appeared first on Telegrafi.

Përmes dy dokumenteve jozyrtare dërguar qeverisë shqiptare, Komisioni Evropian skanon një gjendje shqetësuese mbi sundimin e ligjit, funksionimin e institucioneve, luftën antikorrupsion dhe situatën e medias në Shqipëri në kohën kur janë hapur grup-kapitujt themelorë në negociatat për anëtarësim. Edhe pse janë ende dokumente pune jozyrtare, raportet shprehin shqetësim për një sulm të mundshëm të […]

The post Draft-raportet nga Brukseli ekspozojnë ‘fasadën e qeverisë’ ndaj integrimit appeared first on Reporter.al.

Komisioni Europian i sheh me shqetësim sulmet e orkestruara nga mazhoranca ndaj Prokurorisë së Posaçme pas arrestimit të kryebashkiakut Erion Veliaj në shkurt të këtij viti, ndërsa kërkon që të mbrohet pavarësia e organeve të drejtësisë së re nga puna e komisionit “Xhafaj” në Kuvend. Moszbatimi i vendimeve të Gjykatës Kushtetuese nga Kuvendi i Shqipërisë […]

The post ‘Shqetësim serioz’: BE dënon sulmet e qeverisë ndaj SPAK pas arrestimit të Veliajt appeared first on Reporter.al.

TIRANË, 17 qershor /ATSH/ Komisioni Evropian ka hartuar një draftraport për Sundimin e Ligjit në Shqipëri në të cilin analizohet ecuria e reformës në drejtësi në Shqipëri, përfshi dhe sfidat me luftën ndaj korrupsionit.

Në draftraportin e KE-së theksohet se “Shqipëria vazhdoi zbatimin e reformës gjyqësore duke forcuar pavarësinë e gjyqësorit dhe pavarësinë e prokurorisë”.

“Procesi i verifikimit të të gjithë gjyqtarëve dhe prokurorëve u finalizua në shkallën e parë duke forcuar më tej llogaridhënien”, thuhet në draftraport.

Duke analizuar përpjekjet antikorrupsion të qeverisë në draftraportin e Komisionit Evropian thuhet se “Strategjia Kundër Korrupsionit për vitet 2024-2030 është miratuar. Korniza ligjore për të luftuar korrupsionin është gjerësisht në fuqi, por legjislacioni për parandalimin e korrupsionit duhet të plotësohet”.

Në draftraportin e KE-së është analizuar edhe puna e Prokurorisë së Posaçme Kundër Korrupsionit dhe Krimit të Organizuar, e cila është vlerësuar për rezultate pozitive në luftën kundër korrupsionit.

“Struktura Speciale Kundër Korrupsionit (SPAK) konsolidoi më tej rezultatet e saj pozitive në luftën kundër korrupsionit të nivelit të lartë dhe bëri përparim të prekshëm drejt një rekordi të fortë në luftën kundër korrupsionit”, thuhet në draftraport.

Sa i përket përpjekjeve të Ministrisë së Drejtësisë në digjitalizimin e menaxhimit të dosjeve gjyqësore, draftraporti thotë se “buxheti i mjaftueshëm u nda për sistemin modern të integruar elektronik të menaxhimit të çështjeve, por krijimi i tij parashikohet vetëm për vitin 2030. Mangësitë mbeten në lidhje me cilësinë e drejtësisë, duke përfshirë aksesin në drejtësi, trajnimin gjyqësor, burimet financiare dhe njerëzore”.

Draftraporti analizon edhe metodologjinë e Komisionit të Posaçëm parlamentar Antikorrupsion, drejtuar nga Fatmir Xhafaj.

“Sfidat në lidhje me cilësinë e procesit legjislativ, duke përfshirë efektivitetin e kufizuar të konsultimeve publike, mbeten. Ekzistojnë mangësi në lidhje me punën, metodologjinë dhe ndikimin e komisionit parlamentar ad hoc për thellimin e reformave për qeverisje të mirë, sundimin e ligjit dhe luftën kundër korrupsionit”, thuhet në draftraport.

Sa i takon Gjykatës Kushtetuese, sipas draftraportit të Komisionin Europian, vijon që të funksionojë në mënyrë efektive, ndërsa moszbatimi i vazhdueshëm nga ana e Kuvendit i disa prej vendimeve të saj dhe pasiguria ligjore mbi kohëzgjatjen e mandateve të anëtarëve të saj përbëjnë një shqetësim.

“Gjykata Kushtetuese vazhdon të funksionojë në mënyrë efektive, ndërsa ka shqetësime në lidhje me dështimin e vazhdueshëm të Parlamentit për t’iu përmbajtur disa prej vendimeve të tij dhe pasiguri ligjore në lidhje me kohëzgjatjen e saktë të mandatit të anëtarëve të tij”, thuhet në draftraport.

Më tej nënvizohet se “organizatat e shoqërisë civile mbeten përgjithësisht të lira për të vepruar, por mbeten sfida, duke përfshirë kërkesat e regjistrimit dhe financimin e kufizuar publik”.

Pjesë nga draftraporti i Komisionit Evropian

Shqipëria vazhdoi zbatimin e reformës gjyqësore duke forcuar pavarësinë e gjyqësorit dhe pavarësinë e prokurorisë. Procesi i verifikimit të të gjithë gjyqtarëve dhe prokurorëve u finalizua në shkallën e parë duke forcuar më tej llogaridhënien. Sfidat mbeten në lidhje me vlerësimet në kohë dhe ato cilësore, si dhe emërimet e anëtarëve jomagjistratë në Këshillin e Lartë Gjyqësor dhe Këshillin e Lartë të Prokurorisë.

Inspektori i Lartë i Drejtësisë është funksional, por numri i lartë i vendeve të lira të magjistratëve-inspektorëve ndikon në funksionimin e tij efektiv. Ndërsa qëndrueshmëria e gjyqësorit u përmirësua, përpjekjet për ndikim të tepruar në sistemin gjyqësor nga zyrtarët publikë ose politikanët u përkeqësuan. Buxheti i mjaftueshëm u nda për sistemin modern të integruar elektronik të menaxhimit të çështjeve, por krijimi i tij parashikohet vetëm për vitin 2030. Mangësitë mbeten në lidhje me cilësinë e drejtësisë, duke përfshirë aksesin në drejtësi, trajnimin gjyqësor, burimet financiare dhe njerëzore. Sfidat në lidhje me kohëzgjatjen e procedurave dhe ngarkesën e çështjeve të prapambetura janë rritur, ndërsa masat vendimtare për të rritur efikasitetin ende nuk janë zbatuar.

Strategjia Kundër Korrupsionit për vitet 2024-2030 është miratuar. Korniza ligjore për të luftuar korrupsionin është gjerësisht në fuqi, por legjislacioni për parandalimin e korrupsionit duhet të plotësohet. Struktura Speciale Kundër Korrupsionit (SPAK) konsolidoi më tej rezultatet e saj pozitive në luftën kundër korrupsionit të nivelit të lartë dhe bëri përparim të prekshëm drejt një rekordi të fortë në luftën kundër korrupsionit. Korniza institucionale për parandalimin vazhdon të ketë një ndikim të kufizuar dhe koordinimi me zbatimin e ligjit mbetet i dobët. Policia e shtetit mbetet e ndjeshme ndaj korrupsionit. Mangësitë mbeten në lidhje me transparencën dhe me efektivitetin se si Inspektorati i Lartë për Deklarimin dhe Auditimin e Pasurive dhe Konfliktit të Interesit kontrollon deklaratat e pasurive dhe interesave.

Pavarësia e Autoritetit Rregullator Audio-Vizuale mbetet një çështje shqetësuese. Shqetësimet në lidhje me pavarësinë e transmetuesit publik janë rritur. Përqendrimi i lartë i pronësisë së medias vazhdon të ndikojë negativisht në pavarësinë e medias. Depërtimi në tregun mediatik nga grupe biznesi të profilit të lartë me lidhje politike mbetet gjithashtu një shqetësim serioz. Mangësitë në aspektin e ndarjes së drejtë të reklamave shtetërore dhe burimeve të tjera shtetërore, si dhe të drejtës për akses në informacion mbeten. Sulmet verbale dhe fizike, fushatat e shpifjes dhe paditë strategjike kundër pjesëmarrjes publike që synojnë gazetarët janë një shkak i vazhdueshëm shqetësimi dhe vetërregullimi mbetet i dobët.

Sfidat në lidhje me cilësinë e procesit legjislativ, duke përfshirë efektivitetin e kufizuar të konsultimeve publike, mbeten. Ekzistojnë mangësi në lidhje me punën, metodologjinë dhe ndikimin e komisionit parlamentar ad hoc për thellimin e reformave për qeverisje të mirë, sundimin e ligjit dhe luftën kundër korrupsionit. Gjykata Kushtetuese vazhdon të funksionojë në mënyrë efektive, ndërsa ka shqetësime në lidhje me dështimin e vazhdueshëm të Parlamentit për t’iu përmbajtur disa prej vendimeve të tij dhe pasiguri ligjore në lidhje me kohëzgjatjen e saktë të mandatit të anëtarëve të tij. Mandatet e Avokatit të Popullit dhe Komisionerit kundër Diskriminimit ende duhet të rinovohen dhe disa pengesa për punën e tyre efektive mbeten. Organizatat e shoqërisë civile mbeten përgjithësisht të lira për të vepruar, por mbeten sfida, duke përfshirë kërkesat e regjistrimit dhe financimin e kufizuar publik.

Draftraporti-i-Komisionit-Europian

/m.q/r.e/

The post Draftraporti i KE për Shqipërinë: SPAK, rezultate pozitive në luftën kundër korrupsionit appeared first on Agjencia Telegrafike Shqiptare.

Një draft konfidencial i raportit të Komisionit Evropian për Shtetin e së Drejtës në Shqipëri, i siguruar nga Euronews Albania, analizon ecurinë e vendit në kuadër të kapitujve themelorë të negociatave për anëtarësim në Bashkimin Evropian.

Dokumenti vlerëson përparimet në sistemin gjyqësor dhe në luftën kundër korrupsionit, por paralajmëron për sfida të mëdha të pazgjidhura, përfshirë presionet politike dhe nevojën për forcimin e efikasitetit institucional.

Progres në drejtësi, por nevojë për më shumë efikasitet

Sipas dokumentit, Shqipëria ka vijuar zbatimin e reformës në drejtësi, duke forcuar pavarësinë e gjyqësorit dhe prokurorisë, si dhe duke reduktuar ndikimin politik në emërime. Procesi i rivlerësimit (vetting) në shkallën e parë është përmbyllur, ndërsa ankimet janë në rrugë për t’u përmbyllur deri në qershor 2026.

Megjithatë, raporti thekson nevojën për përmirësim në cilësinë e drejtësisë, përfshirë ritmin e ngadaltë të vlerësimeve të magjistratëve dhe mungesën e gjyqtarëve në nivelet më të larta. Vetëm 57% e pozicioneve gjyqësore dhe 64% e atyre të prokurorisë janë të mbuluara aktualisht.

Presion mbi SPAK, shqetësime për pavarësinë e institucioneve

Një çështje që ngre alarm në raport është presioni i vazhdueshëm mbi institucionet e drejtësisë. Hetimi dhe arrestimi i një zyrtari të zgjedhur në shkurt 2025 shkaktoi reagime publike nga ekzekutivi dhe legjislativi, të cilat Komisioni i konsideron si tentativa për të ndikuar në punën e SPAK.

SPAK raportoi për mungesë sigurie gjatë protestave para zyrave të tij, duke kërkuar ndërhyrje nga Policia e Shtetit. Gjashtë magjistratë janë vënë nën mbrojtje gjatë periudhës raportuese për shkak të kërcënimeve të mundshme.

Lufta kundër korrupsionit: Rezultate, por jo të mjaftueshme

Struktura e Posaçme Antikorrupsion (SPAK) ka konsoliduar punën e saj, me 106 dënime përfundimtare të dhëna në vitin 2024, përfshirë zyrtarë të lartë si ish-ministra dhe ish-kryetarë bashkish. Janë goditur rastet e inceneratorëve të Elbasanit dhe Fierit, ndërsa janë në vazhdim hetime për zyrtarë të tjerë të lartë.

Megjithatë, përdorimi i mekanizmave të parandalimit mbetet i dobët. Ligji për sinjalizuesit dhe konfliktin e interesit ende nuk është në përputhje me standardet e BE-së, dhe verifikimi i pasurive nuk është mjaftueshëm transparent apo efektiv.

Kritika për presionin politik dhe vonesat në reforma

Komisioni shpreh shqetësim për presionet politike mbi gjyqësorin dhe për mungesën e respektimit të disa vendimeve të Gjykatës Kushtetuese nga Parlamenti. Kërkohet që Shqipëria të rrisë transparencën në emërime, të përmirësojë aksesin në drejtësi dhe të përforcojë sistemin e trajnimeve dhe burimeve njerëzore.

Çfarë pritet më tej?

Dokumenti i Komisionit do t’i shërbejë Këshillit të BE-së për të vlerësuar ritmin e përgjithshëm të negociatave me Shqipërinë. Deri në përmbushjen e treguesve të ndërmjetëm në kapitujt 23 dhe 24, asnjë kapitull nuk mund të mbyllet.

Më poshtë pjesë nga raport i plotë

Bruksel, 15 Maj 2025 Dokument jozyrtar për Parimet Themelore për Shqipërinë

Në përputhje me Kuadrin Negociues për negociatat e anëtarësimit në BE me Shqipërinë, qëllimi i këtij dokumenti jozyrtar është që Komisioni t’i japë Këshillit një pasqyrë mbi përparimin e Shqipërisë në grupin e Parimeve Themelore. Ky fokus është kryesisht tek kapitujt 23 “Sistemi gjyqësor dhe të drejtat themelore” dhe 24 “Drejtësia, liria dhe siguria”, duke marrë parasysh zhvillimet faktike që nga data e prerjes në Raportin Vjetor të Komisionit për Shqipërinë 2024 (shtator 2024).

Përparimi në grupin e Parimeve Themelore do të përcaktojë ritmin e përgjithshëm të negociatave. Kjo kërkon veçanërisht përmbushjen e treguesve të ndërmjetëm nën kapitujt 23 dhe 24, të cilët u vendosën në Konferencën Ndërqeveritare që hapi grupin e Parimeve Themelore më 15 tetor 2024. Sipas Kuadrit Negociues, asnjë kapitull nuk mund të mbyllet para se Shqipëria të arrijë këtë objektiv. Ky dokument jozyrtar jep një pasqyrë faktike të situatës së përgjithshme në Parimet Themelore dhe identifikon çështjet që kanë mbetur dhe ku Shqipëria duhet të përparojë për të përmbushur treguesit e ndërmjetëm për kapitujt 23 dhe 24.

---

Përparimet dhe Zbatimi

Gjatë periudhës së raportimit që nga shtatori 2024, Shqipëria ka vazhduar zbatimin e treguesve të ndërmjetëm për kapitujt 23 dhe 24 dhe po ashtu ka vazhduar zbatimin e Plani të Veprimit për Sundimin e Ligjit, si dhe dokumente të tjera strategjike në këtë fushë. Nevojiten përpjekje të mëtejshme dhe angazhim politik për të thelluar reformat, për të garantuar konsolidimin e mëtejshëm të arritjeve dhe për të adresuar mangësitë, veçanërisht në fusha kyçe si sistemi gjyqësor, lufta kundër korrupsionit dhe krimit të organizuar, menaxhimi i migracionit, liria e medias dhe të drejtat themelore të tjera.

Janë vërejtur zhvillime edhe në aspekte të tjera, përfshirë forcimin e institucioneve demokratike, reformën e administratës publike, si dhe kriteret ekonomike dhe kapitujt për prokurimin publik, statistikat dhe kontrollin financiar.

Shqipëria mbajti zgjedhjet parlamentare më 12 maj 2025, për rezultatin e të cilave Përfaqësuesja e Lartë Kallas dhe Komisioneri Kos lëshuan një deklaratë të përbashkët.

---

Sistemi Gjyqësor

Reforma në Drejtësi

Sa i përket sistemit gjyqësor, Shqipëria ka vazhduar zbatimin e reformës në drejtësi, duke forcuar pavarësinë e gjyqësorit dhe autonominë e prokurorisë. Është nxitur integriteti dhe profesionalizmi në të gjithë sektorin, përfshirë përmes procesit të rivlerësimit (vetting), është reduktuar ndikimi politik gjatë gjithë procesit të emërimeve, duke kontribuar në një sistem karriere më të bazuar në meritë. Procesi i rivlerësimit është përfunduar në shkallën e parë, duke forcuar më tej llogaridhënien, ndërsa ankimimet janë në rrugën e përmbushjes së afateve kushtetuese.

Megjithatë, duhet bërë përpjekje të mëtejshme për të përmirësuar cilësinë dhe efikasitetin e drejtësisë dhe pavarësinë e saj, veçanërisht lidhur me vlerësimet profesionale në kohë dhe cilësore, emërimet, promovimet dhe transferimet e magjistratëve, emërimet e anëtarëve jo-magjistratë në Këshillin e Lartë Gjyqësor dhe Këshillin e Lartë të Prokurorisë, aksesin në drejtësi, një sistem modern të integruar elektronik të menaxhimit të çështjeve, trajnimet gjyqësore, burimet njerëzore dhe financiare, konsistencën dhe arsyetimin e praktikës së gjykatave, kohëzgjatjen e proceseve dhe numrin e çështjeve të prapambetura.

Zbatimi i Reformës në Drejtësi, Dokumentet Strategjike dhe Organet Drejtuese

Shqipëria ka vijuar zbatimin e reformës në drejtësi, duke forcuar pavarësinë e gjyqësorit dhe autonominë e prokurorisë. Ka vazhduar zbatimi i Strategjisë së Përgjithshme për Drejtësinë dhe në dhjetor 2024 është miratuar një strategji e re për periudhën 2024-2030. Megjithatë, gjatë zbatimit duhet të sigurohet një mekanizëm më efektiv drejtues, koordinimi dhe konsultimi mes të gjitha institucioneve të drejtësisë.

Shqipëria duhet të sigurojë rinovimin në kohë dhe me meritë të pozicioneve të larta në sistemin gjyqësor gjatë vitit 2025, veçanërisht emërimet në Gjykatën Kushtetuese dhe Strukturën e Posaçme Kundër Krimit të Organizuar dhe Korrupsionit (SPAK).

Organet vetëqeverisëse të gjyqësorit kanë vazhduar të ushtrojnë funksionet e tyre. Koordinimi midis Këshillit të Lartë Gjyqësor (KLGJ) dhe Këshillit të Lartë të Prokurorisë (KLP) duhet të forcohet më tej. KLP dhe KLGJ duhet të miratojnë rregullat e nevojshme të funksionimit të brendshëm për të kryer efektivisht funksionet e tyre, përfshirë adresimin e konflikteve të interesit.

Nuk ka pasur zhvillime, dhe sfidat vazhdojnë lidhur me përafrimin e dispozitave për kontrollin e sfondit dhe deklarimin e pasurive për emërimet e anëtarëve jo-magjistratë të KLGJ dhe KLP me rregullat për magjistratët. Prokurori i Përgjithshëm dhe Këshilli i Lartë i Prokurorisë duhet të demonstrojnë një koordinim më efektiv në menaxhimin e zyrave të prokurorisë dhe karrierën e prokurorëve.

Gjykata Kushtetuese ka vazhduar të funksionojë në mënyrë efektive, ndërsa mosrespektimi nga Parlamenti i disa vendimeve të saj dhe pasiguria ligjore për kohëzgjatjen e mandateve të anëtarëve të saj mbeten shqetësime.

---

Pavarësia, Paanshmëria dhe Llogaridhënia

Ndërsa rezistenca e gjyqësorit është përmirësuar në përgjithësi, tentativat e shtuar nga zyrtarë publikë apo politikanë për të ushtruar ndikim të papërshtatshëm dhe presion mbi sistemin gjyqësor kanë shtuar shqetësimet. Hetimi dhe arrestimi i një zyrtari të zgjedhur, i konfirmuar nga Gjykata e Strukturës së Posaçme Kundër Krimit të Organizuar dhe Korrupsionit (SPAK) në shkurt 2025, ka shkaktuar reagime publike të paprecedentë nga ekzekutivi dhe legjislativi, përfshirë tentativa për të ushtruar presion mbi SPAK dhe institucionet gjyqësore. Kjo ngre shqetësime serioze.

SPAK ka publikuar dy letra ankesash drejtuar Ministrisë së Brendshme dhe Policisë së Shtetit për mosforcimin e sigurisë dhe mungesën e garancisë për sigurinë e personelit të SPAK gjatë një proteste jashtë ambienteve të SPAK.

Gjatë periudhës së raportimit, gjashtë magjistratë janë vënë nën mbrojtje, përfshirë dy gjyqtarë dhe katër prokurorë. Zyra e Prokurorit të Posaçëm ka nisur një hetim penal për tentativën e ushtrimit të presionit ndaj një magjistrati në një çështje që përfshin një anëtar të Parlamentit.

Institucionet drejtuese të gjyqësorit kanë qenë të zëshme në denoncimin e presionit politik mbi gjyqësorin, duke lëshuar deklarata publike.

---

Procesi i Rivlerësimit (Vetting)

Procesi i rivlerësimit të gjithë gjyqtarëve dhe prokurorëve u përfundua në shkallën e parë në nëntor 2024, duke forcuar më tej llogaridhënien, ndërsa masat për të ruajtur standardet e larta të vendosura gjatë këtij procesi ende duhet të miratohen. Operacioni Ndërkombëtar i Monitorimit (IMO) ka vijuar mbikëqyrjen e plotë të të gjitha aspekteve të procesit të rivlerësimit.

Rezultati i përgjithshëm i vendimeve në shkallën e parë, dhe ku ka pasur ankesa, në shkallë të dytë, ka qenë:

• 282 shkarkime dhe përfundime marrëveshjesh pune (56 %);

• 350 konfirmime në detyrë (44 %);

• dhe katër masa pezullimi me detyrimin për t’u trajnuar (0.49 %).

Janë ende në pritje 110 ankesa. Dhoma e Apelit ka rritur ritmin e shqyrtimit të anketimeve, përfshirë edhe emërimin e katër stafesh shtesë, dhe është në rrugë për të finalizuar procesin e rivlerësimit brenda afatit kushtetues në qershor 2026.

Vazhdojnë të mungojnë vëzhgime efektive gjyqësore në 19 rastet e rivlerësimit që u referuan prokurorisë në shtator 2024.

Për të ruajtur llogaridhënien e sistemit gjyqësor pas procesit të rivlerësimit, Këshilli i Lartë Gjyqësor (KLGJ), Këshilli i Lartë i Prokurorisë (KLP), Inspektori i Lartë i Drejtësisë dhe Inspektorati i Lartë i Deklarimit dhe Kontrollit të Pasurive dhe Konfliktit të Interesit, duhet të përditësojnë procedurat e tyre të brendshme dhe të sigurojnë mjaftueshëm staf dhe burime për të vazhduar kontrollin e integritetit dhe aftësive në përputhje me standardet e rivlerësimit.

Inspektori i Lartë i Drejtësisë (ILD) është operacional, por ka ende sfida për shkak të numrit të madh të vendeve vakante për inspektorë magjistratë, gjë që ndikon në funksionimin efektiv të tij. ILD ka trajtuar katër kërkesa për procedura disiplinore gjatë periudhës korrik-dhjetor 2024. Ndryshimet ligjore vazhdojnë të jenë të nevojshme për të rritur tërheqjen e pozicionit për inspektorët magjistratë. Procedura e rekrutimit është në vazhdim për përzgjedhjen e katër inspektorëve jo-magjistratë.

KLGJ dhe KLP duhet të forcojnë transparencën në promovimet dhe transferimet. Ndajimi i rastësishëm i çështjeve duhet të garantohet plotësisht në praktikë në të gjitha gjykatat dhe zyra të prokurorisë.

---

Cilësia e Drejtësisë

KLP ka përfunduar 9 vlerësime nga 70 të planifikuara për vitin 2025. KLGJ ka përfunduar 11 vlerësime. Ritmi i ngadaltë i vlerësimeve cilësore dhe prapambetja e madhe vazhdojnë të pengojnë emërimet bazuar në meritë dhe zhvillimin e karrierës, dhe praktika e transferimeve si alternativë ndaj promovimeve mbetet shqetësuese.

Janë të nevojshme përpjekje për të forcuar profesionalizmin dhe arsyetimin e praktikës gjyqësore, si dhe për të përmirësuar trajnimet e magjistratëve.

---

Efikasiteti dhe Burimet

Numri i magjistratëve në detyrë mbetet shumë i ulët (rreth 579), krahasuar me numrin e vendeve të punës të aprovuar (970), gjë që krijon një mungesë të madhe burimesh njerëzore dhe ndikon negativisht në efikasitetin dhe kohëzgjatjen e proceseve gjyqësore.

Sistemi elektronik i menaxhimit të çështjeve dhe dokumenteve është në përdorim, por ende nuk është plotësisht i integruar në të gjitha nivelet dhe institucionet.

---

Përfundime dhe Rekomandime Kryesore

• Reforma në drejtësi vazhdon, me fokus në forcimin e pavarësisë, autonomisë dhe llogaridhënies së sistemit gjyqësor.

• Është përfunduar faza e parë e rivlerësimit të magjistratëve, por duhet të përshpejtohet shqyrtimi i ankimeve dhe të sigurohet mbikëqyrja e mëtejshme.

• Është i domosdoshëm përmirësim i koordinimit mes institucioneve dhe transparencës në proceset e promovimeve dhe transferimeve.

• Duhet përballur presioni politik dhe ndikimi i jashtëm mbi gjyqësorin.

• Rritja e numrit të magjistratëve dhe përmirësimi i burimeve njerëzore dhe teknologjike është jetike për efikasitetin.

• Shpallja dhe respektimi i standardeve të larta të integritetit dhe profesionalizmit duhet të vazhdojë të jetë në qendër të reformës.

Lufta kundër korrupsionit

SPAK ka konsoliduar më tej kapacitetin e tij në goditjen e korrupsionit, duke arritur rezultate pozitive dhe përparim të prekshëm drejt krijimit të një bilanci të fortë në luftën kundër korrupsionit, veçanërisht në nivelet e larta, ndërsa përdorimi i hetimeve financiare dhe konfiskimeve të pasurive është përmirësuar. Sa i përket parandalimit, megjithëse janë ndërmarrë disa hapa drejt përmirësimit të rrjetit të parandalimit të korrupsionit, legjislacioni mbetet i ndërlikuar dhe i paplotë, dhe institucionet përgjegjëse për parandalimin e korrupsionit duhet të rrisin më tej kapacitetin, efektivitetin dhe rezultatet e tyre, si dhe të përmirësojnë koordinimin me organet e zbatimit të ligjit. Efektiviteti dhe transparenca e verifikimeve të deklaratave të pasurive dhe interesave duhet të forcohen ndjeshëm.

Kapaciteti operacional dhe institucional për luftën kundër korrupsionit

SPAK, i përbërë nga Zyra e Prokurorisë së Posaçme (ZPP), Zyra Kombëtare e Hetimit (ZKH) dhe gjykatat kundër korrupsionit dhe krimit të organizuar (gjykatat SPAK), ka vijuar të arrijë rezultate pozitive në hetimin, ndjekjen penale dhe gjykimin e rasteve të korrupsionit. Strukturat e tjera represive kundër korrupsionit vazhdojnë të përballen me sfida në zbulimin dhe hetimin efektiv të korrupsionit, ndërsa policia e shtetit mbetet shumë e ndjeshme ndaj korrupsionit.

Kapaciteti i SPAK-ut për të kryer hetime financiare është rritur dhe përdorimi sistematik i hetimeve financiare dhe konfiskimeve të pasurive është përmirësuar. Konfiskimi i pasurive për krimet që lidhen me korrupsionin ka pësuar një rënie. Numri i referimeve për SPAK nga autoritetet e tjera mbetet në përgjithësi i ulët dhe duhet të rritet. Aksesimi i SPAK-ut në bazat e të dhënave shtetërore është zgjeruar. SPAK duhet të vazhdojë përparimin në krijimin e sistemit të menaxhimit të rasteve, të rrisë personelin dhe infrastrukturën, dhe të adresojë ngarkesën në rritje të punës.

Bilanci i rezultateve

SPAK ka bërë përparim të prekshëm drejt krijimit të një bilanci të fortë në luftën kundër korrupsionit, veçanërisht në nivele të larta. Në vitin 2024, Gjykata e Posaçme e Apelit për Korrupsion dhe Krim të Organizuar (gjykata e apelit SPAK) ka dhënë 24 dënime përfundimtare me 106 persona të dënuar me vendime përfundimtare në raste korrupsioni, duke përfshirë 13 dënime në raste të nivelit të lartë.
(duke përfshirë ish-ministra, ish-kryetarin e Gjykatës Kushtetuese, ish-kryetarë bashkish dhe zyrtarë të tjerë). Në nëntor 2024, gjykata e apelit SPAK dha vendimin përfundimtar në lidhje me “Rastin e Inceneratorit të Elbasanit”, duke ashpërsuar dënimet për një ish-ministër të Mjedisit dhe një ish-anëtar të Parlamentit. Në dhjetor 2024, gjykata e apelit SPAK pranoi kërkesën e SPAK-ut për të rishqyrtuar vendimin e pafajësisë për tre individë të akuzuar në atë që njihet si “Rasti i Inceneratorit të Fierit”. Gjykata Speciale për Korrupsion dhe Krim të Organizuar (gjykata e parë e SPAK) dënoi 93 persona në raste korrupsioni, përfshirë ish-kryetarin e Bashkisë së Durrësit me katër vite burg për veprime të paligjshme në procedurën e dhënies së lejes së ndërtimit dhe keqpërdorim të fondeve publike. SPAK vazhdoi të japë rezultate të mira në hetim, ndjekje penale dhe operacione të përbashkëta, përfshirë edhe në kuadër të bashkëpunimit ndërkombëtar. Sa i përket korrupsionit në nivele të larta, gjatë periudhës janar 2024 – shtator 2024, shtatë procedime penale u dërguan në gjykim, duke përfshirë 10 zyrtarë të lartë. Deri më 30 shtator 2024, u nisën gjashtë hetime shtesë në raste korrupsioni në nivele të larta, lidhur me 14 persona.

---

Parandalimi i korrupsionit

Shqipëria miratoi në dhjetor 2024 Strategjinë e re Kundër Korrupsionit për periudhën 2024-2030 dhe planin e veprimit për 2024-2026. Projekti i strategjisë përqendrohet te sektorët vulnerabël (si pronësia, shëndetësia, arsimi, doganat, tatimet dhe prokurimi publik), me theks në edukimin për integritetin e të rinjve dhe adresimin e rekomandimeve të mëparshme relevante. Zbatimi efektiv, i fokusuar te rezultatet, me mekanizma të fortë monitorimi dhe koordinim institucional, ende mbetet për t’u demonstruar.
Janë ndërmarrë disa hapa paraprakë për përmirësimin e përputhshmërisë së ligjeve mbi konfliktin e interesit dhe mbrojtjen e sinjalizuesve me standardet evropiane dhe acquis-në e BE-së, megjithëse legjislacioni për parandalimin e korrupsionit mbetet kompleks dhe i paplotë. Pritet punë e mëtejshme për përputhjen e ligjeve mbi lobimin, donacionet dhe financimin e partive politike me standardet evropiane.
Janë bërë disa hapa drejt forcimit të rrjetit të parandalimit të korrupsionit. Megjithatë, kuadri institucional për parandalimin vazhdon të ketë ndikim të kufizuar. Efektiviteti dhe transparenca e verifikimeve të deklaratave të pasurive dhe interesave nga HIDAACI, përfshirë profilizimin e rrezikut të lartë, duhet të rritet ndjeshëm. Koordinimi me organet e zbatimit të ligjit duhet të përmirësohet më tej.

---

Liria e shprehjes dhe media

Sa i përket lirisë së shprehjes dhe lirisë së medias, pritet që Shqipëria të miratojë një reformë të thellë të kuadrit ligjor dhe rregullator, në veçanti për forcimin e pavarësisë dhe efikasitetit të Autoritetit të Mediave Audiovizive (AMA) dhe pavarësisë së transmetuesit publik, që mbeten çështje shqetësuese. Duhet miratuar gjithashtu ndryshime ligjore për:
Për të adresuar shqetësimet lidhur me përqendrimin e lartë të tregut mediatik, duhet të forcohet pavarësia redaktuese, transparenca në financimin dhe pronësinë e mediave, të vendosen rregulla për ndarjen e reklamave shtetërore dhe burimeve të tjera shtetërore, të dekriminalizohet shpifja dhe të përputhen aspektet civile të saj me standardet evropiane, të shkurtohen afatet për aksesin e gazetarëve në informacion, të zbatohet një matje transparente dhe e paanshme e audiencës, në përputhje me acquis-në e BE-së dhe standardet evropiane, bazuar në dialog gjithëpërfshirës me komunitetin mediatik. Në këtë drejtim, janë ndërmarrë disa hapa paraprakë me nisjen e një dialogu me komunitetin mediatik në janar 2025. Ekzekutivi duhet të sigurojë pjesëmarrje të fortë dhe angazhim në këtë proces. Ndryshimet ligjore pritet të ndahen me Komisionin e Venecias para miratimit.
Largimi nga Parlamenti i të gjithë anëtarëve të Këshillit Drejtues të transmetuesit publik dhe përzgjedhja dhe emërimi më pas i anëtarëve të rinj rriti edhe më shumë shqetësimet lidhur me pavarësinë e transmetuesit publik, përfshirë rrezikun e ndikimit politik në emërime. Për më tepër, respektimi i të drejtës për akses në informacion, që ka ndikuar në mënyrë disproporcionale mbi gazetarët, duhet të forcohet më tej.

---

Të drejtat e pronësisë

Sa i përket të drejtës së pronësisë, janë ndërmarrë disa hapa për digjitalizimin e titujve të pronësisë dhe me krijimin e një grupi pune të posaçëm, por zbatimi ende mbetet i fragmentuar dhe i dobët, veçanërisht në zonat rurale. Problemi i pronësisë së tokave në zonat e përmbytura nga hidrocentrali i Vaut të Dejës vazhdon të mbetet i pazgjidhur. Një grup i posaçëm i ngritur nga Ministria e Drejtësisë ka ofruar rekomandime për një plan zgjidhjeje dhe menaxhimi më të mirë të pronësisë në zonën e përmbytur.

---

Polarizimi politik dhe institucionet demokratike

Në fushën e politikës dhe demokracisë, vazhdojnë të ekzistojnë sfida në reduktimin e polarizimit politik dhe rritjen e funksionimit demokratik të institucioneve, përfshirë përmirësimin e transparencës dhe përgjegjshmërisë së deputetëve, si dhe forcimin e institucioneve të kontrollit parlamentar.

Mbikëqyrja Parlamentare mbi Ekzekutivin

• Mbikëqyrja e parlamentit mbi ekzekutivin mbeti e dobët.

• Kuvendi vazhdoi të mos emërojë drejtues dhe anëtarë në disa institucione kyçe.

• Mungon një dialog politik konstruktiv dhe gjithëpërfshirës për të përmirësuar këtë situatë.

Reforma e Administratës Publike (RAP)

• Shqipëria ka miratuar strategjitë për luftën kundër korrupsionit dhe për menaxhimin e financave publike, si dhe Strategjinë Afatmesme të të Ardhurave në dhjetor 2024.

• Po vazhdojnë përgatitjet për miratimin e Strategjisë së Re të Reformës së Administratës Publike 2025-2030.

• Masa kryesore të ndërmarra:

  • Rishikimi i kuadrit të Menaxhimit të Investimeve Publike.

  • Futja e orareve të punës fleksibël për punonjësit civilë.

  • Vazhdimi i reformës së pagave, me rritje të ndjeshme veçanërisht për personelin lokal (kryebashkiakë, drejtorë, specialistë, etj).

• Vlerësimi SIGMA i Administratës Publike për 2024 konstaton që kuadri ligjor dhe institucional ekziston kryesisht, por ka mungesa në zbatim dhe rezultate.

• Në dhjetor 2024 u miratua Strategjia Anti-korrupsion që plotëson Strategjinë e Menaxhimit Financiar Publik të miratuar në qershor 2024.

• Po vazhdojnë përgatitjet për miratimin e Strategjisë së Reformës së Administratës 2025-2030, ku konsultimet publike u përmbyllën në pranverën e 2025.

• Po punohet për të përmirësuar koordinimin e politikave dhe zgjerimin e vlerësimeve të ndikimit të rregulloreve dhe konsultimeve publike në ligjet dytësore.

• Në gusht 2024 u vendos futja e orareve më fleksibël dhe pushimeve për punonjësit civilë.

• Reforma e pagave, e nisur në 2023, u zgjat edhe për personelin lokal duke përfshirë të gjitha nivelet e stafit.

• Po përgatitet rishikimi i ligjit të shërbimit civil për të rishikuar procedurat e rekrutimit në nivelet e larta menaxheriale.

• Po punohet për rishikimin e Ligjit të Administratës Shtetërore për të qartësuar tipologjinë dhe kriteret për krijimin e organeve të varësisë.

Menaxhimi i financave publike

• Shqipëria po zbatoi Strategjinë për Menaxhimin Financiar Publik (2023-2030), miratuar në qershor 2024, me qëllim përmirësimin e transparencës, përgjegjësisë, disiplinës fiskale dhe efikasitetit në përdorimin e burimeve publike.

• Në dhjetor 2024, u miratua Strategjia Afatmesme e të Ardhurave për të rritur të ardhurat qeveritare, duke përfshirë masa për administrimin tatimor dhe reformë në politikën tatimore, si dhe fillimin e një vlerësimi të përjashtimeve tatimore.

• Reforma në Menaxhimin e Investimeve Publike vazhdon, duke përfshirë miratimin e një pipelinë kombëtare të projekteve të vetme në shkurt 2025, pjesë e Dokumentit Kombëtar Prioritar 2026-2028 që përcakton prioritetet për ciklin e buxhetimit 2026-2028.

• Kuadri Afatmesëm Buxhetor 2026-2028 pritet të miratohet së shpejti.

• Nevojiten përmirësime në thellimin e vlerësimeve të mundshmërisë së projekteve të investimeve.

• Në mars 2025, qeveria miratoi udhëzime të rishikuara për menaxhimin e investimeve publike, përfshirë lehtësira për përfshirjen e projekteve PPP në pipelinë kombëtare, duke i përjashtuar nga disa kërkesa për vlerësim të mundshmërisë.

• Raportimi për rreziqet fiskale (borxhet, PPP, ndërmarrjet shtetërore) vazhdoi të përfshihet në dokumentet buxhetore.

• U krijua një drejtoratë e dedikuar për menaxhimin e rreziqeve fiskale, por ende duhet të plotësohet me stafin e duhur.

• Shqipëria nuk ka ende një Këshill të Pavarur Fiskal, por janë nisur punë përgatitore.

Kritere Ekonomike

• Shqipëria ka bërë përparim në funksionimin e ekonomisë së tregut.

• Ekonomia mbajti një ritëm të fortë rritjeje me 4% zgjerim të GDP-së në 2024, falë kërkesës së fortë të brendshme, performancës së mirë në turizëm dhe ndërtimit.

• Pozicioni i jashtëm përmirësohet, me deficitin e llogarisë së tanishme që arriti në nivel historikisht të ulët në 2023, dhe pak u zgjerua në 2.4% të GDP-së në 2024.

• Stabiliteti makroekonomik dhe zhvillimet pozitive mbështeten në politikën e mirë.

• Konsolidimi fiskal u përshpejtua në 2024, me deficit fiskal në 0.7% të GDP-së dhe borxhin publik nën 55% të GDP-së.

• Në dhjetor 2024, u miratua strategjia afatmesme e të ardhurave për të mbështetur rritjen e të ardhurave qeveritare përmes përmirësimit të administrimit tatimor dhe doganor.

• Në 2025, filloi vlerësimi i përjashtimeve tatimore ekzistuese.

• Politika monetare mbeti e kujdesshme, me dy ulje të normave të politikës për shkak të uljes së shpejtë të inflacionit (nga 4.8% në 2023 në 2.2% në 2024).

• Mbikëqyrja financiare ishte vigjilente, duke rritur bufferin e kapitalit kundër cikleve dy herë.

• Që nga viti 2022, valuta shqiptare po ndjek një trend të qëndrueshëm përforcimi (i nxitur nga flukset e forta të turizmit, investimeve të huaja direkte dhe remitancave), ndërsa Banka e Shqipërisë ndërhyn në tregun e këmbimit valutor për të kufizuar ritmin e përforcimit.

• Sektori financiar, i dominuar nga bankat, mbeti stabil, mirëkapitalizuar dhe fitimprurës.

• Shteti mban një rol të kufizuar në ekonomi.

• Në lidhje me mjedisin e biznesit, Shqipëria vazhdon procesin e regjistrimit të titujve të pronës dhe ka në plan të fusë një taksë mbi pronën.

• Ekonomia e errët mbetet e përhapur, duke dëmtuar mbrojtjen sociale dhe konkurrencën e ndershme ndërmjet bizneseve, si dhe duke ulur bazën tatimore.

• Përmirësimet në qeverisjen dhe mbikëqyrjen e ndërmarrjeve shtetërore ende janë të nevojshme.

• Shqipëria vazhdon të forcojë kapacitetet e saj për t’u përballur me presionin konkurrues në BE, megjithatë në mënyrë më të kufizuar.

• Tregu i punës dhe sistemi arsimor përballen me probleme strukturore.

• Emigracioni, veçanërisht i punonjësve të kualifikuar, thellon mungesat në sektorët kyç, duke kontribuar në largimin e trurit dhe duke penguar rritjen ekonomike dhe inovacionin.

• Mungesa e aftësive është një sfidë e madhe, ndërsa papunësia e të rinjve dhe grupi NEET (nuk janë në punë, arsim apo trajnim) mbetet shqetësuese.

• Investimet u rritën në 2024, dhe pati disa përparime në projektet e infrastrukturës.

• Megjithatë, shpenzimet kapitale mbeten nën buxhetin e planifikuar, duke penguar modernizimin e infrastrukturës dhe ngadalësuar rritjen e kapitalit të vendit.

• Në kuadër të Planit të Rritjes, Shqipëria ka angazhuar të zbatojë reforma të rëndësishme në kuadër të Axhendës së Reformave.

• Shqipëria mbetet konkurruese si destinacion turistik, me një gamë gjithnjë e më të gjerë shërbimesh të ofruara.

• Industria dhe bujqësia vazhdojnë të jenë sektorë me produktivitet të ulët dhe kanë pësuar tkurrje.

• Edhe pse eksportet e shërbimeve kanë pasur performancë të mirë, eksportet e mallrave ranë gjatë periudhës 2023-2024, duke treguar probleme konkurruese.

• Eksportet prodhuese janë shumë të ndjeshme ndaj përforcimit të kursit të këmbimit për shkak të vlerës së ulët të shtuar dhe fuqisë së ulët të çmimeve nga bizneset.

Kapitulli 5 – Prokurimi Publik

• Në lidhje me prokurimin publik, Shqipëria ka vazhduar të përputhet me acquis-në e BE-së, duke forcuar kapacitetet administrative të autoriteteve kontraktuese përmes trajnimeve të organizuara dhe rritjes së përdorimit të kritereve më ekonomikisht të favorshme për dhënien e kontratave publike.

• Në aspektin ligjor, Shqipëria ka bërë përparim në përafrimin e legjislacionit të saj mbi prokurimin publik me acquis-në e BE-së.

• Në këtë kuadër janë miratuar ndryshime dhe plotësime në Ligjin për Prokurimin Publik, që kanë përmirësuar procedurat dhe zbatimin e legjislacionit në këtë fushë.

Pragjet e Prokurimit Publik

• Në maj 2024, qeveria miratoi një vendim që afron pragun e prokurimit me atë të përcaktuar në Direktivat 2014/24/EU.

• Për shkak të formulimit në valutën lokale, pragu vazhdon të jetë i ndryshëm nga ai i direktivës për shkak të luhatjeve të këmbimit valutor.

Dispozita Tranzitore për Negociatat Direkte

• Ligji i ndryshuar përmban një dispozitë tranzitore që lejon Këshillin e Ministrave të autorizojë negociata direkte për kontrata shërbimesh në “fusha me interes strategjik” për një periudhë trevjeçare.

• Kjo ngre shqetësime për përputhshmërinë me acquis-në e BE-së.

• Çështja duhet të ndiqet me kujdes dhe të mblidhen të dhëna për ndikimin e saj në prokurim dhe mbi sasinë e kontratave të tilla të lidhura çdo vit.

Transparenca dhe Raportimi

• Në gusht 2024, u miratua legjislacioni dytësor që kërkon që përfundimi i çdo kontrate nën këtë procedurë të raportohet te Agjencia e Prokurimit Publik (APP).

• Kjo siguron një transparencë të kufizuar në këto procedura.

---

Kontrolli Financiar

Kontrolli i Brendshëm

• Ka përmirësime graduale në zbatimin e kuadrit të kontrollit të brendshëm, por sistemi vlerësohet si pjesërisht efektiv.

• Më shumë përmirësim kërkohet në pushtetin vendor dhe në kompanitë publike.

• Ekzistojnë rregullat për delegimin menaxherial, por zbatimi pengohet nga centralizimi i vendimmarrjes.

• Njësitë e auditimit të brendshëm janë krijuar sipas rregullave, por ka mangësi në staf dhe kapacitete.

• Numri i certifikimeve të auditorëve të brendshëm mbetet i mirë.

Kuadri Strategjik

• Kuadri strategjik për kontrollin e brendshëm financiar publik (PIFC) është pjesë e Strategjisë së Menaxhimit Financiar Publik (miratuar në qershor 2024).

• Forcimi i delegimit menaxherial përfshihet edhe në Strategjinë e Reformës në Administratën Publike.

Auditimi i Jashtëm

• U krijua një nën-komision parlamentar për auditin publik në verën e 2024, i cili ka nisur funksionimin.

• Qëllimi është që Parlamenti të diskutojë më shumë mbi raportet e Kontrollit të Lartë të Shtetit.

• Kontrolli i Lartë i Shtetit vazhdoi me raportimet e rregullta dhe të gjitha auditimet janë publike.

---

Mbrojtja e Interesave Financiare të BE-së

• Shqipëria ka bërë përparim drejt harmonizimit me acquis-në e BE-së për mbrojtjen e interesave financiare të BE-së.

• Ende kërkohet punë për harmonizimin e plotë me Direktivën e BE-së për luftimin e mashtrimit kundër interesave financiare të BE-së përmes ligjit penal.

• Rrjeti AFCOS (Zyra për Koordinimin Kundër Mashtrimit) ka nevojë të forcohet më tej për të përmbushur detyrimet.

• Po përgatitet një Strategji Kombëtare Kundër Mashtrimit.

• Konsultimi publik për draft-strategjinë filloi më 11 mars 2025.

• Bashkëpunimi me Komisionin Evropian për hetime është përmirësuar në një farë mase, por Shqipëria duhet të shtojë përpjekjet për ndërtimin e një praktike të qëndrueshme në bashkëpunim për hetime dhe raportimin e parregullsive.

---

Lufta kundër falsifikimit të euros

• Nuk ka ndonjë zhvillim të veçantë për të raportuar në lidhje me luftën kundër falsifikimit të euros.

LEXONI GJITHASHTU:

• Raporti i OECD-së: Aftësitë e punonjësve në Shqipëri shumë larg standardeve të BE-së
• Berisha: Spiropali gënjeu për raportin e PE, është kundër Ramës

The post Reforma në drejtësi, korrupsioni e politika, çfarë thotë raporti i KE për Shqipërinë appeared first on Euronews Albania.

Komisioni Evropian miratoi sot zgjatjen e statusit të refugjatit të mbrojtur të ukrainasve në Bashkimin Evropian edhe për një vit tjetër. Në dritën e luftës së vazhdueshme dhe situatës së paqëndrueshme në Ukrainë, organi ekzekutiv i BE-së propozoi një zgjatje deri në mars 2027. Shtetet anëtare mund ta miratojnë propozimin në një takim javën e ardhshme. Statusi i refugjatëve ukrainas aktualisht…

Source

Komisioni Evropian i ka dhënë dritën jeshile Bullgarisë për t’u anëtarësuar në eurozonë më 1 janar 2026, duke shënuar hapin e dytë të rëndësishëm të shtetit brenda një viti në rrugën drejt integrimit të plotë në Bashkimin Evropian.

KE-ja, e cila u mblodh më 4 qershor për të marrë një vendim lidhur me këtë çështje, tha se Bullgaria i përmbush katër kriteret nominale të konvergjencës që përdoren për të vlerësuar nëse një vend është i gatshëm të adoptojë euron.

“Euroja është një simbol i prekshëm i forcës dhe unitetit evropian”, tha presidentja e Komisionit Evropian, Ursula von der Leyen.

Banka Qendrore Evropiane pritet po ashtu që të publikojë mendimin e saj më 4 qershor, dhe zyrtarët bullgarë kanë thënë se presin një vlerësim pozitiv edhe nga ky institucion.

Këshilli i Bashkimit Evropian do të marrë vendimin përfundimtar për pranimin e Bullgarisë në eurozonë, duke u bazuar në opinionet e KE-së dhe Bankës Qendrore Evropiane, si dhe në diskutimet me Eurogrupin dhe Këshillin Evropian.

LEXONI GJITHASHTU:

• Berisha në Bruksel: Raporti i Komisionit të Jashtëm të PE denoncoi farsën elektorale
• Britania: Po punojmë me SHBA-në për marrëveshjen tregtare

The post Komisioni Evropian i jep dritën jeshile Bullgarisë për euron appeared first on Euronews Albania.

Komisioni Evropian shprehu keqardhje të thellë për vendimin e presidentit amerikan Donald Trump për të dyfishuar tarifat mbi importet e çelikut dhe aluminit, duke i çuar ato nga 25% në 50%. Ky veprim, sipas BE-së, rrezikon të minojë përpjekjet për arritjen e një marrëveshjeje tregtare. Ai mund të çojë në kundërmasa të ashpra.

Në një deklaratë të publikuar të shtunën, Komisioni Evropian theksoi se vendimi i SHBA-së shton pasiguri në ekonominë globale dhe rrit kostot për bizneset dhe konsumatorët në të dy anët e Atlantikut. Në anën tjetër, presidenti amerikan Donald Trump njoftoi vendimin në një tubim në Pittsburgh, duke argumentuar se dyfishimi i tarifave do të ndihmojë industrinë lokale të çelikut dhe do të sigurojë furnizime kombëtare më të qëndrueshme, duke reduktuar varësinë nga Kina. Ai gjithashtu premtoi investime prej 14 miliardë dollarësh në sektorin e çelikut në SHBA.

Mbretëria e Bashkuar, e cila së fundmi arriti një marrëveshje tregtare zero-tarifore me SHBA-në për çelikun dhe aluminin, shprehu shqetësimin e saj për ndikimin që ky vendim mund të ketë në industrinë vendase. Një zëdhënës i qeverisë britanike njoftoi se janë duke negociuar me SHBA-në për të sqaruar pasojat dhe për të mbrojtur interesat e industrisë.

Vendimi i Trump vjen në një moment të tensionuar, me negociata që po vazhdojnë mes BE-së dhe SHBA-së, ndërsa të dy palët përpiqen të shmangin një luftë tarifore më të gjerë.

The post Dyfishim i tarifave mbi çelikun dhe aluminin, BE reagon ashpër ndaj vendimit të Trump appeared first on Lapsi.al.

Presidenti amerikan Donald Trump ka rënë dakord të zgjasë afatin për bisedimet tregtare me Bashkimin Evropian (BE) deri më 9 korrik, pasi presidentja e Komisionit Evropian tha se bllokut i duhej më shumë kohë për të arritur një “marrëveshje të mirë”.

Ursula von der Leyen tha në një postim në rrjete sociale se BE-ja ishte e gatshme të lëvizte shpejt në bisedimet tregtare me SHBA-në, përcjell Telegrafi.

Por, i duhej më shumë kohë për të arritur një marrëveshje.

Good call with @POTUS.

The EU and US share the world’s most consequential and close trade relationship.

Europe is ready to advance talks swiftly and decisively.

To reach a good deal, we would need the time until July 9.

— Ursula von der Leyen (@vonderleyen) May 25, 2025

Gjithashtu, ajo konfirmoi se kishte një telefonatë “të mirë” me Trumpin.

“Ne patëm një bisedë shumë të bukur dhe unë rashë dakord për të lëvizur afatin. Ajo tha se do të takoheshim shumë shpejt dhe do të shohim nëse mund të zgjidhim diçka”, tha Trump.

Good call with @POTUS.

The EU and US share the world’s most consequential and close trade relationship.

Europe is ready to advance talks swiftly and decisively.

To reach a good deal, we would need the time until July 9.

— Ursula von der Leyen (@vonderleyen) May 25, 2025

Ndryshe, presidenti amerikan deklaroi se ishte i pakënaqur me ritmin e negociatave tregtare me BE-në dhe kërcënoi se do të vendoste tarifa 50% për të gjitha mallrat e BE-së duke filluar nga 1 qershori. /Telegrafi/

The post SHBA-BE, afat i ri për marrëveshje tregtare appeared first on Telegrafi.

Një grup eurodeputetësh i ka bërë thirrje Komisionit Evropian që të ngrijë fondet e BE-së për Hungarinë me efekt të menjëhershëm për shkak të shkeljes së supozuar të sundimit të ligjit nga qeveria e kryeministrit Viktor Orbán.

Letra, e botuar të martën, iu drejtua Komisionerit Evropian për Buxhetin, Piotr Serafin dhe Komisionerit për Demokraci dhe Drejtësi, Michael McGrath dhe u nënshkrua nga 26 eurodeputetë nga pesë grupe të ndryshme politike, shkruan Euronews, përcjell Telegrafi.

“Ne, 26 anëtarë të Parlamentit Evropian, po shkruajmë për të shprehur shqetësimin tonë të thellë në lidhje me zhvillimet e fundit në Hungari. Ne i kërkojmë Komisionit Evropian të rrisë presionin mbi qeverinë e Viktor Orbán që të ndalojë shkeljen e vlerave të BE-së dhe ligjeve të BE-së duke pezulluar menjëherë të gjitha fondet e BE-së për Hungarinë në përputhje me legjislacionin në fuqi për të mbrojtur interesin financiar të Bashkimit”, thuhet në letër.

Letra kujton se Komisioni aktualisht po i “mban” 18 miliardë euro të Hungarisë përmes mekanizmave të ndryshëm të aktivizuar në dhjetor 2022 kryesisht “për shkak të korrupsionit të përhapur” dhe “shkeljeve serioze të sundimit të ligjit nga qeveria”.

“Me keqardhje, që nga vendimet e dhjetorit 2022, Hungaria jo vetëm që nuk ka arritur të bëjë përparim domethënës drejt përmbushjes së kushteve dhe/ose objektivave të përcaktuara, por në vend të kësaj ka parë regres të mëtejshëm alarmues”, thuhet në letër. /Telegrafi/

The post Eurodeputetët i bëjnë thirrje Komisionit Evropian të ndërpresë fondet e BE-së për Hungarinë appeared first on Telegrafi.

Komisioni Evropian informoi sot TikTok-un për pikëpamjen paraprake se kompania nuk përmbush detyrimin e Aktit të Shërbimeve Dixhitale (DSA) për të publikuar reklamat. Komisioni zbuloi se platforma TikTok nuk ofron informacionin e nevojshëm në lidhje me përmbajtjen e reklamave, përdoruesit të cilëve u drejtohen reklamat dhe kush ka paguar për reklamat. Për më tepër, sipas […]

The post Komisioni Evropian: Reklamat në TikTok shkelin Aktin e Shërbimeve Dixhitale! appeared first on BoldNews.al.

Komisioni Evropian ka “nisur punën” drejt heqjes graduale të masave ndëshkuese ndaj Kosovës, është konfirmuar nga ky institucion.

Në një përgjigje me shkrim për mediat, nga zyra për shtyp e Komisionit Evropian theksohet se po punohet drejt heqjes graduale, të kushtëzuar dhe të kthyeshme të masave.

Konfirmohet gjithashtu se kësaj faze i ka paraprirë një shkëmbim qëndrimesh mes shteteve anëtare të BE-së gjatë takimit të ministrave të jashtëm në prill.

Siç merret vesh jozyrtarisht nisja e heqjes graduale, për momentin, është më shumë simbolike se sa substanciale.

Bashkimi Evropian ka zhbllokuar funksionimin e nënkomiteteve me Kosovën dhe ka rifilluar asistencën teknike nga Fondi i Investimeve për Ballkanin Perëndimor.

Sipas disa burimeve diplomatike në Bruksel, ky është maksimumi që BE mund të ofrojë aktualisht, pasi për heqjen e plotë të masave kërkohet pajtimi unanim i të gjitha shteteve anëtare. Për një konsensus të tillë, thuhet se nevojiten veprime të qarta të autoriteteve të Kosovës, në përputhje me konkluzionet e dhjetorit, ku u theksua se heqja e graduale e masave do të ndodhë paralelisht me hapat konkret të autoriteteve kosovare drejt uljes së tensioneve në veri të vendit./RTK

The post Bruksel: Po punohet për heqjen graduale të disa masave ndaj Kosovës appeared first on Telegrafi.

Meta ka paralajmëruar se përdoruesit evropianë mund të përballen me një përvojë “materialisht më të keqe” pas një vendimi rregullator kyç nga Komisioni Evropian.

Meta së fundmi prezantoi një model “consent or pay” i cili i lë përdoruesit të zgjedhin midis pagesës për një abonim mujor ose lejimit të Meta të kombinojë të dhënat që ka mbledhur në Facebook dhe Instagram.

Javën e kaluar, Komisioni Evropian – ekzekutivi i BE-së – njoftoi se kishte vendosur që modeli nuk përputhet me Aktin e Tregjeve Digjitale (DMA) dhe e gjobiti kompaninë 200 milionë euro, shkruan BBC, përcjell Telegrafi.

“Do na duhet të bëjmë disa modifikime në modelin tonë”, tha Meta.

Bëhet e ditur se kompania pret që këto modifikime “mund të rezultojnë në një përvojë materialisht më të keqe për përdoruesit evropianë dhe një ndikim të rëndësishëm” në biznesin dhe të ardhurat e saj evropiane.

Kompania tha se këto ndikime mund të fillojnë që në tremujorin e tretë të këtij viti dhe mund të jenë në fuqi derisa të apelojë vendimin.

Raportohet se Meta, e njohur më parë si Facebook, përveç Instagram, përfshin edhe WhatsApp.

Komisioni ka deklaruar se modeli nuk i lejon përdoruesit të japin lirisht pëlqimin se si përdoren të dhënat e tyre.

Ndryshe, organi aktualisht po vlerëson një tjetër opsion që Meta prezantoi vitin e kaluar, për të cilin kompania thotë se përdor më pak të dhëna personale. /Telegrafi/

The post Meta ka një paralajmërim për përdoruesit evropianë të rrjeteve sociale appeared first on Telegrafi.