Shtetet e Bashkuara e kanë refuzuar një marrëveshje të miratuar nga pjesëtarë të Organizatës Botërore të Shëndetësisë (OBSH) për t’i avancuar përgatitjet për pandemitë e radhës, pas një përgjigjeje të çrregullt globale për pandeminë koronavirusit, ka bërë të ditur Qeveria amerikane. Departamenti amerikan i Shtetit dhe Departamenti amerikan i Shëndetësisë kanë thënë përmes një deklarate […]
Retrograda e Neptunit në shenjën e Dashit shënon fillimin e një periudhe intensive për pesë shenja të zodiakut, të cilat pritet të përjetojnë një transformim të fuqishëm, si në nivelin personal, ashtu edhe profesional. Kjo lëvizje astrologjike sjell përzgjedhje, vetëdije më të thellë dhe rifokusim të energjive drejt qëllimeve autentike. Më poshtë janë katër shenjat […]
TIRANË, 3 korrik/ATSH/ Ministri i Financave, Petrit Malaj paraqiti sot në Kuvend ndryshimet në buxhetin e vitit 2025.
Sipas tij, ky akt synon të sigurojë efikasitet në përdorimin e fondeve publike, pa ndryshuar treguesit makrofiskalë kryesorë.
“Rishikimi i buxhetit parashikon rialokime të brendshme prej rreth 11,8 miliardë lekë, duke mbështetur kapacitete shtetërore për sigurinë kibernetike, projekte infrastrukturore dhe investime në sport, drejtësi dhe shëndetësi”, deklaroi Malaj.
Njëkohësisht, bëri të ditur ai, miratohet një skemë e re Garancie Sovrane për sektorin e bujqësisë, në vlerë 3 miliardë lekë, që do të lehtësojë aksesin në kredi me kushte të favorshme për fermerët dhe ndërmarrjet e vogla dhe të mesme.
Të ardhurat për periudhën janar-maj 2025 arritën në 305,92 miliardë lekë, 6,5% më shumë se në të njëjtën periudhë të vitit 2024, ndërsa shpenzimet totale ishin 267,1 miliardë lekë, 12,8% më të larta se në 2024. Suficiti buxhetor ishte 39.1 miliardë lekë, 22,4% më i ulët se vjet.
Malaj tha se parashikohet një rritje ekonomike prej 3,9% për vitin 2025, e mbështetur nga konsumi familjar, investimet dhe performanca e turizmit.
Programi i investimeve publike, tha ai, synon të përmirësojë infrastrukturën dhe konkurrueshmërinë, me fokus energjinë e rinovueshme, turizmin dhe teknologjinë.
Ky akt, deklaroi Malaj, ruan qëndrueshmërinë fiskale dhe konsolidon bazat për zhvillim ekonomik të qëndrueshëm dhe gjithëpërfshirës.
Presidenti amerikan Donald Trump deklaroi të premten se SHBA mund të konsiderojë një sulm të ri ndaj Iranit lidhur me uraniumin e pasuruar. Ai iu përgjigj deklaratës së liderit iranian Khamenei, i cili pretendoi se “ka fituar luftën”, duke theksuar se Shtetet e Bashkuara do të reagojnë ndaj këtij qëndrimi.
Trump shprehu dëshirën që inspektorë të Agjencisë Ndërkombëtare të Energjisë Atomike ose një entitet tjetër i besueshëm të kenë akses për të kontrolluar objektet bërthamore të Iranit pas sulmeve ajrore që SHBA dhe Izraeli kryen gjatë fundjavës së kaluar. Megjithatë, Teherani ka refuzuar inspektimet.
Gjithashtu, presidenti amerikan tha se nuk beson se Irani synon ende të zhvillojë armë bërthamore pas këtyre sulmeve dhe shtoi se “Irani dëshiron të hyjë në negociata”.
Në një tjetër temë, Trump theksoi se “Spanja do të vijë në vete” dhe do të rrisë shpenzimet për mbrojtjen në nivelin prej 5% të Prodhimit të Brendshëm Bruto, sipas angazhimit në NATO, një vendim që Spanja ka qenë e ngurruar ta marrë.
Në lidhje me kriptomonedhat, Trump tha se “nëse SHBA nuk do të kishin zhvilluar kriptomonedha, do të ishin kinezët ata që do ta bënin këtë”.
TIRANË, 24 qershor/ATSH/ Ministri i Financave, Petrit Malaj paraqiti sot Aktin Normativ për ndryshimet në buxhetin e këtij që parashikon rialokim të fondeve në vlerën 11.8 miliardë lekë.
Sipas Ministrisë së Financave, rialokimi i fondeve është bërë për të garantuar përdorimin më efikas të buxhetit pa ndryshuar treguesit makrofiskalë. Totali i rialokimeve kap vlerën e 11,8 miliardë lekëve, të cilat vijnë nga kursimet në shpenzime korente dhe kapitale.
Nëpërmjet aktit u miratua gjithashtu një skemë e re garancie sovrane për sektorin e bujqësisë me vlerë 3 miliardë lekë, që synon të përmirësojë aksesin në financë për fermerët dhe bizneset e vogla, duke garantuar kredi me norma interesi të ulëta dhe lehtësira në kolateral.
Fondi më i madh, rreth 3,3 miliardë lekë, i është akorduar Agjencisë Kombëtare të Sigurisë Kibernetike për investime në teknologjinë e inteligjencës artificiale.
Janë alokuar gjithashtu 1,5 miliardë lekë për projekte të reja infrastrukturore nga Fondi Shqiptar i Zhvillimit dhe rreth 318 milionë lekë për Ministrinë e Arsimit për mbështetjen e sportit shkollor.
Të ardhurat totale për periudhën janar–maj 2025 kanë arritur në 305.9 miliardë lekë, me realizim mbi planin dhe rritje 6,5% krahasuar me të njëjtën periudhë të vitit të kaluar.
Ndërkohë, shpenzimet janë rritur me 12,1%, duke reflektuar përshpejtim në realizimin e projekteve publike. Deficiti buxhetor dhe borxhi publik mbeten të pandryshuara.
Qeveria thekson se ky rishikim i buxhetit është në përputhje me ligjin organik të buxhetit dhe garanton ruajtjen e stabilitetit financiar dhe vijimësinë e konsolidimit fiskal./a.gj/j.p/
Nga Prishtina, kryeqendra e Kosovës, vjen sërish një prej ngjarjeve më të mëdha skenike në rajon dhe më gjerë, Festivali Ndërkombëtar i Monodramës – MONOAKT.
Edicioni i shtatëmbëdhjetë do të mbahet më 08 deri më 13 Qershor në Prishtinë.
Hapja do mbahet në Teatrin Dodona, duke filluar nga ora 19:30.
“Një javë e mbushur me art, emocione të fuqishme dhe performanca të jashtëzakonshme nga artistë të mrekullueshëm nga e gjithë bota”, thuhet në njoftim./ KultPlus.com
Me datë 7 qershor, në një atmosferë artistike dhe emocionuese, nisi edicioni i radhës i festivalit ndërkombëtar të monodramës “MonoAKT 2025”, një nga ngjarjet më të rëndësishme kulturore që i kushtohet ekskluzivisht teatrit solo.
Ky festival i veçantë mbledh aktorë nga e gjithë bota për të sjellë në skenë forcen dhe thellësinë e interpretimit të vetëm – monodramën.
Për këtë vit, programi i festivalit është përzgjedhur me kujdes dhe përfshin një sërë shfaqjesh që vijnë nga vende të ndryshme të Evropës dhe më gjerë. Pjesëmarrëse në këtë edicion janë këto shfaqje:
-“I, Medea” nga Bosnja dhe Hercegovina- “Ariasman” nga Islanda -“Someone Else” nga Gjeorgjia -“Americs and Acoustics” nga Rumania -“Angels” nga Shqipëria dhe Kosova -“Amer Alert” nga Greqia
Interpretimet e secilit aktor pritet të sjellin histori personale, reflektime sociale dhe emocione të thella, duke e kthyer këtë festival në një platformë të pasur të shprehjes së lirë dhe artistike.
Në përbërjen e jurisë profesionale për këtë vit janë emra të njohur të teatrit dhe artit skenik:
-Gina Mazur, eksperte e dramaturgjisë dhe skenariste me renome ndërkombëtare -Goce Ristovski, regjisor dhe pedagog i teatrit nga Maqedonia e Veriut -Emre Erdem, kritik dhe studiues turk i artit skenik
Ata do të kenë detyrën sfiduese për të vlerësuar performancat më të spikatura dhe për të ndarë çmimet kryesore të festivalit, duke vlerësuar thellësinë e interpretimit, origjinalitetin artistik dhe impaktin emocional të shfaqjeve.
Festivali “MonoAKT 2025” premton një javë të mbushur me përjetime artistike të fuqishme dhe reflektime personale, duke i dhënë skenës së vogël një dimension të madh. Ai mbetet një ndër ngjarjet më të veçanta në kalendarin kulturor rajonal që i jep zë aktorit të vetëm dhe fuqisë së fjalës së thjeshtë, por të ndjerë. /Telegrafi/
Një nga bizneset më të përhapura në Shqipëri janë restorantet. Me rritjen e vazhdueshme të turizmit në vend, ky biznes po bëhet gjithnjë e më i frekuentuar. Por sa kushton mesatarisht një vakt për dy persona në një restorant të klasit të mesëm në Shqipëri? Sipas platformës Numbeo, kjo shifër arrin rreth 47.5 euro, duke […]
I dërguari i SHBA-së për Sirinë, Thomas Barak, tha sot se Shtetet e Bashkuara besojnë se paqja midis Sirisë dhe Izraelit është e arritshme, duke shtuar se kjo paqe duhet të fillojë me një marrëveshje mossulmimi dhe përcaktimin e kufijve.
Barak shtoi se Presidenti Donald Trump do të deklarojë se Siria nuk është një shtet sponsor i terrorizmit, raporton Reuters.
Ai hapi zyrtarisht sot rezidencën e ambasadorit amerikan në Damask, ku u ngrit edhe flamuri amerikan. Uashingtoni nuk e ka rihapur zyrtarisht ambasadën e tij në Damask, e cila u mbyll në vitin 2012 pasi protestat kundër qeverisë së presidentit të atëhershëm Bashar Assad u përshkallëzuan në luftë civile.
Tom Barak e kupton se ka potencial të madh në bashkëpunimin me Sirinë për të ndaluar radikalizmin, për të përmirësuar marrëdhëniet dhe për të siguruar paqen në Lindjen e Mesme. “Së bashku, ne do ta bëjmë Amerikën dhe botën përsëri të sigurt “, tha Departamenti i Shtetit në një deklaratë.
Barak, në një postim në X, falënderoi Presidentin e SHBA-së Donald Trump për “një vizion të guximshëm, duke fuqizuar një rajon historikisht të pasur, të shtypur prej kohësh, për të rimarrë fatin e tij përmes vetëvendosjes”.
AP deklaron se vizita e Barakut në Damask dhe ngritja e flamurit amerikan përfaqësojnë një sinjal të rëndësishëm të ngrohjes së marrëdhënieve midis dy vendeve.
Uashingtoni fillimisht ishte i kujdesshëm ndaj udhëheqësve të rinj sirianë, të udhëhequr nga Ahmad al-Sharr, ish-udhëheqësi i grupit islamist Hayat Tahrir al-Sham, të cilin SHBA-të ende e liston si një organizatë terroriste.
Megjithatë, Trump u takua me Al-Sharr në Riad më herët këtë muaj, pas së cilës SHBA-të filluan procesin e heqjes së sanksioneve ndaj Sirisë.
Një analizë e re nga astronomët e UC Berkeley dhe UCLA parashikon se njerëzimi mund të marrë një përgjigje nga hapësira që në vitin 2029.
Në vitin 2002, NASA dërgoi një sinjal drejt sondës Pioneer 10. Duke përdorur të dhënat e teleskopit hapësinor Gaia, studiuesit kanë zbuluar se ky sinjal ka mbërritur pranë një ylli xhuxh të bardhë. Nëse ndonjë civilizim inteligjent atje vendos të përgjigjet, sinjali i tyre mund të arrijë në Tokë për 6 vite.
Edhe sinjalet e dërguara drejt sondave si Voyager 2 mund të kthejnë përgjigje nga yje të tjerë deri në 24 vite dritë larg — ndoshta në fillim të viteve 2030.
Pra, kërkimi për jetë jashtëtokësore ka tani një afat më të qartë… dhe vendndodhje konkrete për të vëzhguar.
Ambasada e SHBA në Tiranë njofton se linja e sinjalizimit të Agjencisë së SHBA kundër narkotikëve, DEA, është aktive edhe në Shqipëri.
Ambasada fton qytetarët që të ndajnë informacionet nëse janë në dijeni të trafikut të drogës dhe pastrimit të parave që vijnë nga kjo veprimtari e paligjshme.
Ambasada amerikane thekson gjithashtu se DEA ka vënë në dispozicion kontaktet ku qytetarët mund të përcjellin të dhënat.
“Shtetet e Bashkuara janë të përkushtuara të punojnë me Shqipërinë për të luftuar trafikun e drogës dhe pastrimin e parave të lidhura me të, me qëllim mbrojtjen e qytetarëve të të dy vendeve tona dhe parandalimin e hyrjes së drogave të paligjshme në Shtetet e Bashkuara”, thuhet në postimin e ambasadës së SHBA.
Njoftimi i ambasadës së SHBA
Linja e sinjalizimit të Agjencisë së ShBA Kundër Narkotikëve është aktive. DEA nxit këdo që ka informacion në lidhje me trafikun e drogës ose pastrimin e të ardhurave nga droga ta ndajë informacionin me personelin e DEA-s në WhatsApp në: +1 571 502-7846 ose me email në: albania_DEA_tipline@state.gov. Të gjitha të dhënat do të mbahen të fshehta. Falënderimet tona për të gjithë ata individë që kanë dorëzuar të dhëna të besueshme që kanë mbështetur operacionet e DEA-s. Shtetet e Bashkuara janë të përkushtuara të punojnë me Shqipërinë për të luftuar trafikun e drogës dhe pastrimin e parave të lidhura me të, me qëllim mbrojtjen e qytetarëve të të dy vendeve tona dhe parandalimin e hyrjes së drogave të paligjshme në Shtetet e Bashkuara.
Gjykata e Posaçme për Korrupsionin dhe Krimin e Organizuar vendosi të hënën më 19 maj të pranojë kërkesën e SPAK për kalimin për gjykim të çështjes në ngarkim të liderit të opozitës dhe ish-kryeministrit, Sali Berisha, i akuzuar nga SPAK për korrupsion pasiv. I pandehur për të njëjtën vepër penale në këtë çështje është edhe […]
Nga Prishtina, kryeqendra e Kosovës, vjen sërish një prej ngjarjeve më të mëdha skenike në rajon dhe më gjerë, Festivali Ndërkombëtar i Monodramës – MONOAKT.
Edicioni i shtatëmbëdhjetë do të mbahet më 08 deri më 13 Qershor në Prishtinë.
“Një javë e mbushur me art, emocione të fuqishme dhe performanca të jashtëzakonshme nga artistë të mrekullueshëm nga e gjithë bota”, thuhet në njoftim./ KultPlus.com
Pretendimi: Kjo çizme 2300-vjeçare është ndërtuar e pajisur me teknologji ezoterike
Verdikti: Mungon konteksti
—————————————————-
Në hapësirat online po qarkullon pretendimi se një çizme e lashtë e gjetur në Mongoli është “ndërtuar me një teknologji të koduar mbi parimet elektromagnetike, nga ato që lidhen me teoritë kromatike të frekuencës dhe me memorie mbi terrenin që rivalizon atë që sapo kemi filluar të rizbulojmë sot në bioenergjetikën moderne.”
Nëse fjalia e mësipërme nuk ka shumë kuptim për ju, mos u shqetësoni. Kjo është sepse ajo është përkthyer fjalë për fjalë nga një fjali, e cila as në anglisht nuk ka shumë kuptim, marrë nga një postim në Twitter i një dite më parë nga një llogari anonime.
Asnjë nga postimet e mësipërme nuk ofrojnë ndonjë provë, studim apo burim që mbështet këto pretendime të jashtëzakonshme.
Çizmet 2300 vjeçare në fjalë janë reale. Ato u zbuluan mbështjellë me pëlhurë të kuqe në 1948, së bashku me bizhuteri, ushqime, armë dhe veshje në një tumë varrimi skithe në malet Altai të Siberisë. Artifakti është i ekspozuar në Muzeun Shtetëror Hermitage në Shën Petersburg, Rusi.
Skithët lulëzuan nga viti 900 para Krishtit deri në rreth 200 para Krishtit, dhe në pikën e tyre të zgjerimit maksimal patën një ndikim që shtrihej në Azinë Qendrore, nga Deti i Zi verior deri në Kinë.
Shtrirja e skithëve në shekullin 1 para Krishtit, në të verdhë
Ka shumë që nuk dihet për kulturën skithe, pasi ata nuk kanë lënë burime historike të shkruara. Ajo që ne dimë për to vjen kryesisht përmes gërmimeve të tumave të tyre të varrimit, të quajtura kurgan.
Kjo çizme gruaje, e cila është prej lëkure të kuqe të butë dhe ka një taban të stolisur me modele gjeometrike të qepura me kristale piriti dhe rruaza të zeza.
Pse dikush do të bënte kaq shumë përpjekje për të dekoruar shollën e një çizmeje që thjesht do të degradonte nga ecja? Shpjegimi i kuratoreve të Muzeut Britanik është se skithët uleshin në gjunjë përtokë rreth një zjarri të përbashkët. Në këtë pozë, pjesa e poshtme e këpucëve do të ishte e dukshme për të tjerët. Përndryshe, këpucët mund të jenë bërë ekskluzivisht për varrim, gjë që do të shpjegonte gjendjen e tyre të paprekur.
Ndërkaq, imazhi që shoqëron postimin pretendon se çizmet kanë “pllaka magnetike në shuall” ndërsa tregon anën e kundërt të objektit. Megjithatë, pretendimi për pllaka magnetike në thembra për qëllime “tokëzimi dhe rregullim frekuence” nuk vërtetohet nga dëshmi konkrete arkeologjike. Materialet e rruazave, si kristalet e piritit, mund të ngatërrohen me elemente magnetike, por asnjë provë nuk e konfirmon këtë teori.
Ditën e djeshme, një 31-vjeçar nga fshati Rrenxë i Dibrës humbi jetën, pasi dyshohet se ra në kontakt me rrymën elektrike, teksa ka qenë duke riparuar një defekt në kutinë shpërndarëse të internetit, në një shtyllë tensioni.
Viktima është shtetasi Andi Sulejmani, i cili la pas dy fëmijë të vegjël. Në lidhje me ngjarjen tragjike, Policia e Dibrës bën me dije se ka proceduar penalisht në gjendje të lirë administratorin e kompanisë së internetit, ku ishte i punësuar i riu.
Bëhet fjalë për shtetasin O. K., 43-vjeç, banues në Peshkopi, i cili akuzohet për veprën penale “Shkelja e rregullave të mbrojtjes në punë”.
Materialet procedurale i janë referuan Prokurorisë së Dibrës për veprime të mëtejshme.
Ditën e sotme, një ngjarje e rëndë ka ndodhur në Dibër, ku një 31-vjeçar ka ndërruar jetë në mënyrë tragjike, pasi ka rënë në kontakt me rrymën elektrike.
Raportohet se ngjarja ka ndodhur në fshatin Rrenxë rreth orës 14:00, ndërsa viktima ishte duke shtruar një linjë interneti, në momentin kur dyshohet se ka rënë në kontakt me rrymën.
Sakaq, grupi hetimor nën drejtimin e Prokurorisë ndodhet në vendngjarje dhe po punon për sqarimin e rrethanave të ngjarjes.
Njoftimi i policisë:
Dibër/Informacion paraprak
Rreth orës 14:00, në fshatin Rrenxë, Dibër, shtetasi A.S., rreth 31-vjeç, duke shtruar një linjë interneti dyshohet se ka rënë në kontakt me rrymën elektrike dhe për pasojë ka humbur jetën.
Grupi hetimor nën drejtimin e Prokurorisë ndodhet në vendngjarje dhe po punon për sqarimin e rrethanave të ngjarjes.
Sekretari i Përgjithshëm i NATO-s Mark Rutte paralajmëroi Rusinë sot se çdo sulm ndaj Polonisë ose ndonjë anëtari tjetër të aleancës do të provokonte një përgjigje “shkatërruese”.
Rutte foli gjatë një vizite në Varshavë, ku bëri një deklaratë të shkurtër me kryeministrin polak Donald Tusk.
Tusk tha se është e rëndësishme të përgatitemi për çdo rezultat të mundshëm të negociatave midis Rusisë dhe Shteteve të Bashkuara për përfundimin e luftës në Ukrainë, e cila po vazhdon prej tre vjetësh.
Shtetet anëtare të NATO-s përgjatë kufirit lindor të aleancës – veçanërisht Polonia dhe shtetet baltike – janë jashtëzakonisht të shqetësuara se negociatat mund të përfundojnë në një marrëveshje që përfiton Rusinë. Ata kanë frikë se një rezultat i tillë do të lejonte presidentin rus Vladimir Putin të rindërtojë aftësitë ushtarake dhe të kërcënojë vendet e tjera në rajon në vitet e ardhshme.
“Putini nuk duhet të mendojë se mund të ikë me të” “As Putini dhe askush tjetër nuk duhet të mendojnë se mund të shpëtojnë me diçka të tillë,” tha Rutte.
“Nëse dikush do të keqvlerësonte situatën dhe do të mendonte se mund të sulmojë Poloninë ose ndonjë anëtar tjetër të aleancës, ata do të përballen me forcën e plotë të kësaj aleance të fortë. Reagimi ynë do të jetë shkatërrues. Kjo duhet t’i bëhet absolutisht e qartë Vladimir Putin dhe të gjithë atyre që duan të na sulmojnë”, tha Rutte.
Paralajmërimi i Rutte vjen në një kohë kur kthimi i Presidentit Donald Trump në pushtet ka tronditur supozimet e sigurisë që kanë qenë themeli i aleancës europiano-amerikane për dekada. Për shkak të kësaj, Evropa po përpiqet gjithnjë e më shumë të zvogëlojë varësinë e saj nga mbrojtja e sigurisë amerikane dhe po planifikon investime ambicioze në industrinë dhe armatimet e saj ushtarake.
“Rusia mbetet kërcënimi më i errët për NATO-n” tha Trump në një takim të fundit me Rutte në Shtëpinë e Bardhë se ai nuk besonte se një marrëveshje paqeje për Ukrainën do të çonte në sulmin e Rusisë ndaj vendeve të tjera.
Rutte, megjithatë, ka paralajmëruar më parë se Rusia mund të jetë përsëri në gjendje të sulmojë tokën evropiane deri në fund të kësaj dekade.
“Të mos harrojmë se Rusia mbetet kërcënimi më i rëndësishëm dhe më i errët për aleancën tonë. Mos të harrojmë as se Rusia po shkon drejt një ekonomie lufte – dhe kjo do të ndikojë fuqishëm në aftësinë e saj për të ndërtuar ushtrinë e saj,” tha Rutte të mërkurën.
Projekti i kompanisë ‘Kontakt’ të Fatmir Bektashi për ndërtimin e një kompleksi disa kulla 12-katëshe në parkun e Drilonit, në Pogradec ka sjellë kundërshti të forta në qytetin juglindor të vendit. Këshilltari i pavarur bashkiak Arber Male, në një postim në Facebook, duke listuar një sërë arsyesh shkruan se nuk duhet thënë leja për kulla […]
Ndërtuesi kontrovers, Fatmir Bektashi, dy herë nën akuzë nga Prokuroria e Posaçme dhe po dy herë me masë sigurie, ka marrë një tjetër leje të dyshimtë ndërtimi. Firma “Kontakt”, në pronësi 100 % të Bektashit, po reklamon në internet dhe në faqen e saj zyrtare një projekt gjigant në zonën e mbrojtur të Drilonit në […]
Një punëtor ndërtimi ka humbur jetën, pasi duke punuar ka rënë në kontakt me energjinë elektrike.
35-vjeçari Ylli Xhaferri, baba i tre fëmijëve, ka qenë duke punuar në ndërtimin e një banese në fshatin Mazhë e Madhe në Krujë dhe ka rënë në kontakt me energjinë elektrike.
Menjëherë ai është dërguar në qendrën shëndetësore, por ka mbërritur atje pa shenja jete.
Login
