Janë caktuar sot masat e sigurisë  Gjykata e Korçës për katër të arrestuarit, të cilët akuzohen për përfshirje në plagosjen e 27-vjeçarit, në fshatin Dvoran të Korçës. Gjykata vendosi masën “detyrim paraqitje” për tre prej të arrestuarve: Isuf Dalip, Dhimitër Kodra dhe Bilal Shkëmbi. Ndërsa për Thanas Paskalin është vendosur që të hetohet në gjendje […]

The post Plagosja e 27-vjeçarit, Gjykata e Korçës jep masat e sigurisë për të akuzuarit appeared first on BoldNews.al.

Në orët e para të mëngjesit të sotëm, Prokuroria e Posaçme, (SPAK), ka kryer operacion në 3 qytete kryesore në vend, në Tiranë, Durrës dhe Elbasan.

Emrat e të dyshuarve kanë dalë në aplikacionin “Sky Ecc”, ku dyshohet se kryenin trafik ndërkombëtar.

Mësohet se 11 masa sigurie për akuzat e grupit dhe trafikut ndërkombëtar, janë firmosur nga gjykata me kërkesë të SPAK, ndërsa nga hetimi i prokurorit Vladimir Mara, rezulton se katër te dyshuarve u janë komunikuar masat në burg, ku gjenden për një dosje tjetër.

Aktualisht, janë arrestuar 3 persona nga policia ndërsa 4 të tjerë janë shpallur në kërkim.

The post SPAK aksion në Elbasan, Tiranë dhe Durrës/ Firmosen 11 masa sigurie për trafik ndërkombëtar, arrestohen 3 persona appeared first on Albeu.com.

Gjykata e Lartë në Beograd ka konfirmuar për Radion Evropa e Lirë se ka lëshuar masë paraburgimi prej një muaji për 13 të dyshuarit për korrupsion në rastin e rindëritmit të stacionit hekurudhor në Novi Sad, dhe modernizimin e hekurudhës nga Novi Sadi deri në kufi me Hungarinë. Në mesin e të arrestuarve që po […]

The post Serbi/ Masë paraburgimi për ish-ministrat dhe të dyshuarit tjerë për rastin në Novi Sad appeared first on BoldNews.al.

Vendimi, i marrë pas një takimi qeveritar me rojen kufitare polake të martën, vjen në përgjigje të presionit në rritje politik të brendshëm dhe protestave të mbështetura nga e djathta ekstreme në pikat kufitare të Polonisë me Gjermaninë gjatë fundjavës.

Polonia do të vendosë kontrolle të përkohshme kufitare me Gjermaninë dhe Lituaninë nga e hëna, mes tensioneve në rritje për shkak të migracionit të parregullt, tha kryeministri polak, Donald Tusk.

Në fjalimin e tij në fillim të mbledhjes javore të kabinetit, Tusk fajësoi Gjermaninë për këtë veprim, duke e akuzuar atë për një ndryshim politikash që rezultoi në “refuzimin efektiv të hyrjes të migrantëve që po shkojnë në Gjermani për të aplikuar për azil ose forma të tjera të statusit”.

“Mënyra se si kryhen operacionet në kufirin polako-gjerman ka ndryshuar qartë gjatë muajit të kaluar”, tha ai.

Kancelari gjerman, Friedrich Merz, e bëri një politikë më të ashpër për migracionin një shtyllë të fushatës së tij zgjedhore në fillim të këtij viti. Pasi ai mori detyrën në maj, Gjermania stacionoi më shumë policë në kufi dhe tha se disa njerëz që përpiqeshin të hynin në vend do të ktheheshin mbrapsht.

Edhe më parë, paraardhësi i Merz në shkurt zgjati me gjashtë muaj kontrollet e përkohshme kufitare që Gjermania kishte vendosur në kufijtë e saj vjeshtën e kaluar, ndërsa përpiqej të ulte numrin e njerëzve që mbërrinin në vend.

Tusk argumentoi se ndryshimi i fundit i politikave kishte ushtruar presion të tepruar mbi Poloninë për të pranuar individë të cilëve u është refuzuar hyrja në kufirin gjerman.

“Pasi nuk ka kontrolle kufitare në anën polake, bëhet e vështirë të përcaktohet nëse ata që kthehen ose ridrejtohen në Poloni duhet të dërgohen atje”, tha ai.

The post Polonia rrit masat e sigurisë në kufijtë me Gjermaninë dhe Lituaninë/ Shkak bëhet shqetësimi për… appeared first on Sot News | Lajme.

Shqipëria dhe Serbia do të luajnë një ndeshje kualifikuese futbolli për Kupën e Botës 2026 të shtunën në Tiranë. Në kryeqytetin shqiptar ka mbërritur prej mesditës së të premtes edhe kombëtarja serbe.

Ata janë vendosur në një hotel pranë zonës së njohur si “Pallati me shigjeta” duke refuzuar hotelin e sugjeruar nga FSHF në afërsi të stadiumit. Nga aeroporti në hotel, ekipi është shoqëruar nga forca të shumta të policisë.

Edhe pranë hotelit ku ndodhet përfaqësuesja serbe ka masa të rrepta sigurie. Policia i ka bllokuar plotësisht të gjitha qasjet, askush nuk mund të afrohet dhe siguria është e para.

Për mbarëvajtjen e rendit dhe të sigurisë në ndeshjen e 7 qershorit do të jetë numri më i lartë i uniformave të angazhuara për një ndeshje.

Mësohet se rreth 2 000 forca policie do të jenë të angazhuara për garantimin e rendit, përfshirë njësinë RENEA, FNSH, Antiterrorin dhe SHISH. ©LAPSI.al

The post PAMJET/ Blindohet hoteli ku qëndron kombëtarja serbe në Tiranë appeared first on Lapsi.al.

Gjykata e Posaçme kundër Korrupsionit dhe Krimit të Organizuar ka lënë në fuqi masat e sigurisë “arrest me burg” për 9 të arrestuarit në Shqipëri si pjesë e katër grupeve kriminale të trafikut ndërkombëtar të drogës. Të arrestuarit akuzohen për trafikim të lëndëve narkotike, kryesisht të drogave sintetike, me destinacion Finlandën.

Operacioni u zhvillua pas një bashkëpunimi mes SPAK dhe autoriteteve ligjzbatuese finlandeze, si pjesë e një hetimi të gjerë ndërkombëtar që përfshiu gjithashtu Spanjën dhe Holandën. Masat e sigurisë ishin dhënë më herët në mungesë, por janë rikonfirmuar këtë të enjte në prezencë të të dyshuarve:

Dorjan Luzaj
Geraldo Seferaj
Elton Myftari
Elton Tavani
Erind Teneqexhiu (alias Agalliu)
Kel Qevani
Ledion Hoxha
Besnik Sparta
Altin Musta

Sipas burimeve nga hetimi, këta shtetas kanë pasur role të ndryshme në organizimin dhe realizimin e trafikut të narkotikëve, duke përdorur Shqipërinë si bazë koordinimi dhe duke shfrytëzuar lidhje logjistike me vende të tjera europiane. Ndërkohë, dy drejteus të këtyre rrjeteve kriminale në Shqipëri janë ende në kërkim, njëri prej të cilëve dyshohet se është larguar jashtë vendit.

The post Operacioni ndërkombëtar antidrogë, GJKKO lë në fuqi masat për 9 të ndaluarit appeared first on Sot News | Lajme.

Policia e Elbasanit ka çuar në ekzekutimin e masave të sigurisë për 4 shtetas, të cilët akuzohen për çuarjen në falimentim të 7 fasonerive me qëllim shmangien e detyrimeve tatimore.

Në kuadër të hetimeve, është caktuar masa e sigurisë “Arrest në burg” për:

• A. K., 40 vjeç

• G. L., 60 vjeç, shtetas italian, i cili u kap në Pikën e Kalimit Kufitar të Rinasit, në tentativë për t’u larguar nga Shqipëria.

• Z. K., 27 vjeçe, administratorja e një prej subjekteve të përfshira në këtë skemë.

Ndërkohë, është caktuar masa “Arrest në shtëpi” për E. S., 31 vjeçe, ekonomiste dhe administratorja e një tjetër subjekti të përfshirë në operacion.

Të akuzuarit janë nën hetim për një sërë veprash penale, përfshirë “Mospagimi i taksave dhe tatimeve”, “Falimentimi i provokuar”, “Mashtrimi”, “Shpërdorimi i kompetencave” dhe “Fshehja e të ardhurave”. Hetimet kanë zbuluar se ata kanë bashkëpunuar për të çuar në falimentim të qëllimshëm 7 fasoneri, në mënyrë që të shmangnin pagesën e taksave dhe tatimeve që u takonin.

Gjithashtu, është realizuar sekuestro konservative mbi 7 subjekte (fasoneri) dhe 12 llogari bankare të tyre.

Vijojnë hetime për të identifikuar dhe nxjerrë para përgjegjësisë penale, shtetas të tjerë të implikuar në këtë veprimtari kriminale.

Materialet procedurale iu referuan Prokurorisë së Elbasanit, për veprime të mëtejshme.

LEXONI GJITHASHTU:

• Deputetët e Kosovës mblidhen sërish sot për seancën konstituive
• “100 grupe kriminale me 1 mijë anëtarë”, eksperti: Ja roli i shqiptarëve në Finlandë

The post Elbasan/ Falimentuan 7 fasoneri për të shmangur tatimet, ekzekutohen 4 masa sigurie appeared first on Euronews Albania.

Në kuadër të operacionit “Bankrupt”, Seksioni për Hetimin e Krimeve Ekonomike dhe Financiare i DVP Elbasan, në bashkëpunim me Prokurorinë, ekzekutuan vendimin e Gjykatës së Elbasanit, dhënë më datë 02.06.2025.

Sipas njoftimit zyrtar, 3 prej të arrestuarve, përfshirë një shtetas italian, janë ndaluar me masën e sigurisë “arrest në burg”, ndërsa një tjetër është vendosur në “arrest shtëpie”.

Po ashtu, me vendim të Gjykatës së Elbasanit të datës 2 qershor 2025, është vendosur sekuestro preventive mbi 7 subjekte tregtare (fasoneri) dhe 12 llogari bankare të lidhura me këto biznese.

Hetimet kanë zbuluar se të arrestuarit kanë bashkëpunuar për të çuar qëllimisht në faliment këto subjekte, duke synuar shmangien e taksave dhe detyrimeve tatimore ndaj shtetit.

-caktimin e masës së sigurisë “Arrest në burg”, për:

shtetasin Algert Kau, 40-vjeç, i cili u kap nga shërbimet e Komisariatit të Policisë Nr. 4, Tiranë;
shtetasin italian Giuseppe Lamachia 60-vjeç, i cili u kap në PKK Rinas, në dalje të Shqipërisë;
shtetasen Zyhra Kreci, 27-vjeçe, të tre me detyrë administratorë subjektesh;

-caktimin e masës së sigurisë “Arrest në shtëpi”, për shtetasen E. S., 31-vjeçe, me profesion ekonomiste, të katërt për veprat penale “Mospagimi i taksave dhe tatimeve”, “Falimentimi i provokuar”, “Mashtrimi”, “Shpërdorimi i kompetencave” dhe “Fshehja e të ardhurave”;

-vënien e sekuestros preventive mbi 7 subjekte (fasoneri) dhe 12 llogari bankare të tyre.

Nga hetimet dyshohet se këta shtetas kanë bashkëpunuar për çuarjen në gjendje falimenti, 7 fasoneri, për të shmangur taksat dhe tatimet.

Vijojnë hetime për të identifikuar dhe nxjerrë para përgjegjësisë penale, shtetas të tjerë të implikuar në këtë veprimtari kriminale.

Materialet procedurale iu referuan Prokurorisë së Elbasanit, për veprime të mëtejshme.

The post Falimentuan 7 fasoneri për të shmangur taksat/ Caktohen masa sigurie për 4 persona (EMRAT) appeared first on Albeu.com.

Një operacion i përbashkët mes SPAK dhe autoriteteve ligjzbatuese të Finlandës, ka çuar në goditjen e një grupi kriminal shqiptar të përfshirë në trafikun e lëndëve narkotike në territorin finlandez.

Në një konferencë për shtyp, prokurori Arben Kraja, tha se droga trafikohej nga Shqipëria drejt Finlandës, ose nga Spanja drejt Finlandës.

Hetimi ka nisur dy vite më parë në Shqipëri, ndërsa mëngjesin e sotëm janë lëshuar urdhra arresti për 11 persona dhe 9 prej tyre janë arrestuar.

Prokurori i SPAK, Alfred Shehu, tha se janë lëshuar 11 masa sigurie, 9 prej të cilëve janë ekzekutuar.

“Shkëmbimi informacionit nga autoritetet finlandeze ka qenë pa ndërprerje. Në përfundim të këtyre veprimeve, u arrit edhe përcaktimi i ditës së aksionit se kur do të bëhej goditja, në marrëveshje me përfaqësuesit e autoriteteve finlandeze. Nga ana e SPAK, gjatë majit është dërguar kërkesa për caktim mase sigurimi për 11 persona.

Nga GJKKO. U vendos sot në dakordësi edhe të autoritetet finlandeze pasi në këtë aksion kanë marrë pjesë edhe përfaqësues të policisë finlandeze. Si rezultat i veprimeve të shpejta, u bë e mundur zbatimi i masës së sigurimit deri më tani i 9 personave. Po vazhdon puna për të bërë të mundur edhe arrestimin e dy personave të tjerë.

Gjatë zbatimit të masave të sigurimit, është sekuestruar disa automjete, konkretisht 8, telefona celularë, dhe shumë dokumenteve, ku një pjesë konsiderohen me vlerë për hetimin pasi janë në gjuhën finlandeze dhe ka të dhëna me aktivitetin kriminal të personave. D të vazhdojmë edhe hetimin pasuror për personat e identifikuar”, u shpreh Shehu.

Komisari për Krimin në Byronë Kombëtare në Finlandë, tha se drejtuesit kryesor të grupit kriminal vepronin nga Shqipëria

“Dua të përgëzoj të gjithë kolegët që morën pjesë në këtë operacion sot në mëngjes. Dua të përgëzoj SPAK për bashkëpunimin gjatë dy viteve të fundit. Dy vite më parë u ndërmor një hetim në shkallë të gjerë, u arrestuan 55 shtetas, u sekuestruan rreth 300 kg lëndë narkotike e trafikuar nga Spanja dhe Holanda. 170 kg amfetaminë, 10 kg kokainë, rreth 100 kg marihuanë dhe disa tableta lëndësh narkotike. Nga hetimi në Finlandë, rezultoi se drejtuesi kryesor ishin shtetas që vepronin nga Shqipëria”, u shpreh ai.

Sipas prokurorit Arben Kraja droga trafikohej nga Shqipëria drejt Finlandës, ose nga Spanja drejt Finlandës.

“Hetimi ka nisur në Shqipëri në bazë të informacione të dërguar nga autoritete finlandeze. Kishin konstatuar shtetas shqiptarë të përfshirë në aktivitet kriminal. Në Shqipëri u regjistruar procedimi penal, u ra dakord të krijonim një skuadër të përbashkët hetimore, që u finalizua shumë shpejt, brenda 2-3 muajve, pastaj dy vjet rresht punë dhe takime të përbashkëta dhe kemi ardhur sot që kemi këtë rezultat.
Nga ky hetim kemi nxjerrë disa tipologji problematika që tregojnë shtrirjen dhe shpërndarjen e aktivitetit kriminal të Shqiptarëve jashtë territorit tonë. Përfshirë nga Shqipëria drejt Finlandës, nga Spanja drejt Finlandës. Kemi përdorur metoda speciale të hetimit, gjatë gjithë periudhës dhe bashkëpunimin e vazhdueshëm dhe dakordësinë me veprimet që do kryejmë hap pas hapi”.

The post Trafiku në Finlandë/ Shehu: SPAK ka lëshuar 11 masa sigurie, sekuestrohen automjete, celularë dhe dokumente appeared first on Albeu.com.

Në datën 7 qershor 2025 në orën 20:45, në Tiranë Kombëtarja e futbollit do të përballet me Serbinë në kualifikueset e Botërorit 2026. Kjo përballje mbart edhe dimensione historike, edhe politike, që kanë ngjallur emocion dhe tension mes tifozëve dhe opinionit publik.

Bazuar në këto indicie, autoritetet shqiptare kanë mobilizuar masa të jashtëzakonshme sigurie për të garantuar një mbrëmje sportive të qetë dhe pa incidente. Mësohet se Federata Shqiptare e Futbollit, në bashkëpunim me Shërbimet e Sigurisë së Shtetit, Policinë dhe agjenci të tjera, po implementojnë masa të avancuara sigurie në stadium. Në media shkruhet se në stadiumin “Arena Kombëtare” po instalohen sisteme moderne sigurie që përfshijnë kamera me njohje fytyre “face recognition” dhe kamera të lëvizshme shtesë, që do të monitorojnë çdo lëvizje në tribuna dhe rreth stadiumit në kohë reale.

Gjithashtu Policia ka përgatitur një plan të detajuar kontrolli, që përfshin verifikimin e imtësishëm të biletave dhe dokumenteve të identifikimit të çdo personi që hyn në stadium. Biletat duhet të jenë me emrin dhe mbiemrin e mbajtësit, duke parandaluar kështu trafikun dhe abuzimin me to. Po ashtu mësohet se për të parandaluar çdo rrezik të mundshëm, të gjitha rrugët që çojnë drejt stadiumit do të jenë të bllokuara plotësisht, ndërsa zona përreth do të mbrohet me pajisje antidron, për të shmangur mundësinë e ndonjë ndërhyrjeje të jashtme. Bëhet me dije se në stadium do ketë prezencë të lartë të forcave të policisë dhe njësive antiterror.

The post Superndeshja Shqipëri-Serbi/ Masa të jashtëzakonshme sigurie, nga prezenca e njësive antiterror te antidroni, ja plani appeared first on Sot News | Lajme.

Në nëntor të vitit 2023 emisioni “Stop” në Tv Klan publikoi një rast të dhimbshëm, në të cilin një vajzë 3- vjeçare përfundoi me këmbë të thyer në kopshtin “Stinët” nga edukatorja Majlinda Dehima. Në atë kohë nisi një kontroll i këtyre institucioneve për licencë e kushte. Sipas Agjencisë së Arsimit Parauniversitar, vetëm përgjatë muajve […]

The post Kopshtet private pa licencë e kushte, “minë me sahat” për sigurinë e fëmijëve appeared first on BoldNews.al.

Masat e sigurisë gjatë konklavës për zgjedhjen e pasardhësit të Papa Françeskut do të jenë të ngjashme me ato në funeralin e udhëheqësit të ndjerë katolik romak, tha sot prefekti i Romës Lamberto Giannini. Giannini tha se ishte e vështirë të parashikohej se kur do të zgjidhej një Papë i ri dhe se dhjetëra mijëra […]

The post Masat të larta sigurie gjatë konklavës, të ngjashme me ato të funeralit të Papës appeared first on BoldNews.al.

Autoritetet italiane kanë ndërmarrë masa të jashtëzakonshme sigurie për funeralin e Papa Françeskut, ku pritet pjesëmarrja e qindra liderëve dhe përfaqësuesve nga mbarë bota. Ministria e Mbrojtjes, në bashkëpunim me strukturat civile dhe ushtarake, ka vendosur në funksion një pajisje të zgjeruar mbrojtëse për të garantuar sigurinë në të gjithë kryeqytetin.

Forcat e Armatosura, të koordinuara nga Komanda e Përbashkët Operacionale (COVI), janë angazhuar me sisteme të sofistikuara anti-drone, të afta për të zbuluar, bllokuar dhe neutralizuar çdo kërcënim ajror potencial. Në det të hapur, pranë brigjeve të Fiumicino-s, është pozicionuar një destrojer ushtarak, ndërsa Eurofighter-ët patrullojnë në hapësirën ajrore të rajonit. Ndër pajisjet më të përparuara të përfshira janë edhe bazukat anti-drone, mjete elektronike jo vdekjeprurëse që ndërpresin komunikimin midis dronëve të paautorizuar dhe operatorëve të tyre. Këto pajisje detyrojnë uljen automatike dhe të sigurt të dronëve, duke shmangur çdo kërcënim të mundshëm në zonat e mbipopulluara apo në prani të figurave zyrtare, shkruan Tgcom24.

Gjithashtu, janë vënë në dispozicion disa akomodime ushtarake për të pritur të rinjtë që marrin pjesë në Jubileun e Adoleshentëve (25–27 prill), që mbahet gjithashtu në Romë. Siguria është zgjeruar në të gjitha dimensionet. Snajperët janë vendosur në çatitë përreth sheshit të Shën Pjetrit, ndërsa Policia ka instaluar një sistem mbikëqyrjeje 3D, që mundëson monitorim në kohë reale të çdo zone përmes imazheve me rezolucion të lartë. Pamjet transmetohen në qendrat operative për koordinim të menjëhershëm të çdo ndërhyrjeje të mundshme.

Masat përfshijnë edhe nënshtresën urbane dhe zonat ujore: metroja, hyrjet kryesore në Vatikan, dhe lumi Tiber po patrullohen nga forca të shumta policore, përfshirë njësi të posaçme të ndihmës së shpejtë, ekspertë të çaktivizimit të bombave dhe ekipe NBC (bërthamore, biologjike, kimike dhe radiologjike). Zona e ndalim-fluturimit tashmë është aktive, ndërsa çdo hyrje në sheshin e Shën Pjetrit do të kontrollohet me detektorë metali dhe masa shtesë sigurie. Monitorimi është shtuar veçanërisht në lagjen Parioli, ku janë vendosur shumë delegacione të huaja.

The post Funerali i Papa Françeskut/ Roma shndërrohet në fortesë, masa të jashtëzakonshme sigurie gjatë ceremonisë mortore appeared first on Sot News | Lajme.

Agjencia e Mbikëqyrjes Policore (Rajoni Fier-Berat), ka zbatuar sot urdhrin e Prokurorisë për ekzekutimin e masave të sigurisë ndaj 3 punonjësve të policisë dhe 3 zyrtarëve të Inspektoratit Kombëtar të Mbrojtjes së Territorit (IKMT) të Bashkisë Mallakastër.

Vendimi është marrë nga Gjykata e Shkallës së Parë të Juridiksionit të Përgjithshëm Fier.

Të gjashtë zyrtarët janë nën hetim për veprat penale të “Shpërdorimit të detyrës” dhe “Ndërtimit të paligjshëm”.

Gjykata ka vendosur për ta masat e sigurimit personal “Pezullim nga detyra” dhe “Detyrim për t’u paraqitur në policinë gjyqësore”.

Të pezulluarit janë:

Inspektor Y. K., Ndihmës Specialist / SPZ, Komisariati i Policisë Fier

Inspektor I. B., Ndihmës Specialist / SPZ, Komisariati i Policisë Fier

Inspektor D. K., Ndihmës Specialist / SPZ, Komisariati i Policisë Fier

Kryeinspektor A. X., IKMT, Bashkia Mallakastër

Inspektor SH. XH., IKMT, Bashkia Mallakastër

Inspektor K. Y., IKMT, Bashkia Mallakastër

Sipas hetimeve të thelluara të AMP-së, që përfshinë edhe metoda speciale, dyshohet se punonjësit e Policisë kanë bashkëpunuar me zyrtarët e IKMT-së, duke lejuar ndërtime të paligjshme në territorin e Bashkisë Mallakastër, në shkelje të ligjit dhe detyrës.

The post Pezullime dhe masa sigurie për 6 zyrtarë të Policisë dhe IKMT-së, dyshohen për shpërdorim detyre dhe ndërtim të paligjshëm appeared first on Albeu.com.

Mëngjesin e kësaj të mërkure, Prokuroria e Gjirokastrës, ka lëshuar 16 masa sigurie për punonjës të OSHEE-së, të cilët akuzohen për shpërdorim detyre.

Masat e lëshuara nga Gjykata e Gjirokastrës me kërkesë të Prokurorisë, u ekzekutuan nga Policia.

Shumica e masave të sigurisë janë “Arrest në burg”, ndërsa të tjerat janë me “detyrim paraqitjeje”.

Burime për mediat, bëjnë me dije se në pranga kanë rënë faturistë, teknikë dhe zyrtarë të OSHEE.

The post Lëshohen 16 masa sigurie për zyrtarë të OSHEE-së në Gjirokastër appeared first on Albeu.com.

TIRANË, 27 shkurt /ATSH/ Kryeministri Edi Rama reagoi sot lidhur me rrëzimin e 20 masave të sigurisë (nga 24) në Universitetin Bujqësor nga Gjykata e Posaçme kundër Korrupsionit dhe Krimit të Organizuar (GJKKO).

Rama u shpreh se është i lehtësuar nga ky lajm sepse drejtësia për shkeljet e pretenduara të tre viteve më parë, as nuk pengohet as nuk ndihmohet nga ato masa sigurie.

“Ja pse jam i lehtësuar me lajmin e rrëzimit në Gjykatën Speciale të 20 masave të sigurisë (nga 24) në Universitetin Bujqësor: Drejtësia për shkeljet e pretenduara të tre viteve më parë, as nuk pengohet as nuk ndihmohet nga ato masa sigurie, ndërsa jeta personale e familjare e kujtdo qoftë që mund të jetë krejt i pafajshëm, kthehet në një ferr padrejtësie me pasoja traumatike. Prokurorët dhe gjykatësit mund ta bëjnë tani pa asnjë ndryshim, deri në fund, detyrën e tyre dhe fajtorët e mundshëm nuk kanë asnjë shans të shpëtojnë, nëse kanë prekur fondet publike. Por ama jeta universitare nuk merret peng, reputacioni i universitetit nuk mbytet në llumin mediatik, stabiliteti psikologjik i komunitetit të pedagogëve, studentëve, prindërve nuk lëndohet, ndërkohë që drejtësia vazhdon qetësisht punën e vet. Aleanca strategjike e UBT me Universitetin BOKU të Vjenës, që u krijua me një përpjekje të madhe të qeverisë dhe programi ambicioz i transformimit rrënjësor, e i njehsimit të diplomave BOKU/UBT2030 nuk kërcënohet më nga humbja e besimit të partnerëve austriakë përballë panoramës lemeritëse të 24 masave të sigurisë, a thua se bëhet fjalë për ndonjë operacion në fshatin Corleone!”, shkruan Rama në një reagim në platformën X.

Rama u shpreh se, “duam luftë pa kompromis kundër korrupsionit, ndëshkim pa mëshirë për çdo dorë që hyn në xhepat e popullit, por po ashtu, nuk mund të bëjmë kompromise në mbrojtje të normave demokratike evropiane të drejtësisë”.

“Pas 100 e kusur vitesh e kemi tërhequr pushtetin politik nga fusha e drejtësisë dhe ia kemi lënë drejtësisë të na hetojë e gjykojë edhe ne, si të gjithë të tjerët, nëse shkelim ligjin”, theksoi ai.

Rama nënvizoi se, “shpatën e ndëshkimit ia kemi dorëzuar SPAK-ut. Peshoren e drejtësisë ia kemi besuar Gjykatës Speciale. Por fashon e pavarësisë e paanësisë prokurorët, e sidomos gjykatësit, duhet ta bëjnë pa humbur kohë pjesë të lëkurës së tyre profesionale, në respekt të prezumimit të pafajësisë, të lirive e të drejtave të njeriut, të standardeve demokratike të drejtësisë evropiane”.

Prandaj, shtoi kreu i qeverisë, “shpatën ta mbajnë lart, e kanë gjithë mbështetjen tonë. Peshorja është e tyrja, nuk ndërhyjmë në brendinë e çështjeve. Por sa herë do t’ua shohim sytë të pambuluar e deri edhe me gjak, nuk do të ngurrojmë ta themi publikisht.  Drejtësia e re e Shqipërisë 2030 në BE duhet të jetë si kjo statujë e Zonjës së Drejtësisë. Për të gjithë. Gjithnjë”.

GJKKO ka lënë në fuqi masat e sigurisë ‘arrest burg’ për 5 të arrestuarit në hetim për abuzime me tendera në Universitetin Bujqësor të Tiranës, për 5 të tjera është ndryshuar masa e sigurisë nga arrest shtëpie, në detyrim paraqitje.

Gjithashtu, gjykata vendosi një ditë më parë masën e sigurisë detyrim paraqitej  për 15 persona të tjerë.

Arrest në burg

1. Edmond Tërthorja
2. Amarildo Lleshi
3. Mehmet Qoshja
4. Altin Murto

Arrest në shtëpi

1.  Agim Sefa
2.  Arjan Buliqi
3. Artur Koleci
4. Radion Dhromi

Detyrim paraqitje

1. Serafin Skënderi
2. Ilir Kusi
3. Dritan Laçi
4. Azem Parllaku
5. Blenard Spaho,
6. Tedi Proda
7. Enkeleda Sallaku,
8. Klara Jahollari
9. Ilir Kapaj
10. Erjola Kopali
11. Klea Lekocaj
12. Romina Koto
13. Bejo Bizhga
14. Etleva Shore
15. Rezearta Dervishi

/a.g/

The post GJKKO ndryshon masat e sigurisë për “Bujqësorin”, Rama: S’preket aleanca me Universitetin e Vjenës, fajtorët nuk shpëtojnë appeared first on Agjencia Telegrafike Shqiptare.

Pedagogu Lush Susaj, ka reaguar pasi Prokuroria e Posaçme lëshoi 24 masa sigurie, për stafin dhe pedagogët e Universitetit të Bujqësorit, për abuzim me tendera.

Profesori Lush Susaj, i cili është pedagog në Universitetin e Bujqësorit prej 25 vitesh, foli për gjendjen duke u shprehur se laboratorët, baza prodhuese dhe pajisjet janë bosh/

“Ku janë lekët”? – u shpreh ai, duke theksuar se në Universitet mungojnë printerët dhe letrat.

Ai u shpreh se në zyrë nuk ka as kondicioner dhe se prej 25 vitesh ka një karrige që i gris rrobat.

“24 masa janë shumë, ndoshta është veprimi vonuar. jam kryetar i sindikatës së pavarur të punonjësve të Universitetit dhe më prek shumë goditja e reputacionit të Universitetit.

I bëj thirrje çdo studentë që të mbajë kokën lart sepse ata që kanë cenuar këtë Universitet nuk kanë asgjë të përbashkët me këtë universitet.

Gjendja në sistemin universitar kurrë nuk ka qenë më e ligë, më e dobët, më e ndyrë më e poshtër, i dedikohet komplet korrupsionit, nepotizmit politik mbi shkollat e universiteteve. Jam prej 25 vitesh pedagog.

Nuk e di për çfarë tenderësh bëhet fjalë, por laboratorët janë bosh, baza prodhuese është bosh, pajisjet janë bosh, nuk kemi as kondicioner në zyrë, një karrige që kam tash e 25 vite, është e grisur më gris rrobat. Një printer nuk kam për të printuar letra, letra nuk kemi, gjithçka e ka investuar shtetit, por në universitete ka marrë fund gjithçka. Studentët në praktika nuk dalin, ku janë lekët? SPAK ka vepruar dhe inkurajon drejtësinë, qoftë i nderuar kushdo që ndërhyn, por lus Zotin që secili të gjykohet në të drejtën e ligjit”, tha pedagogu Lush Susaj.

The post SPAK lëshoi 24 masa sigurie, flet pedagogu i Universitetit Bujqësor: Ku janë lekët? Laboratorët bosh, prej 25 vitesh kam një karrige që më gris rrobat appeared first on Albeu.com.

Gazetarja e njohur Klodiana Lala, ka zbardhur emrat e zyrtarëve të Universitetit Bujqësor të Tiranës, ndaj të cilëve janë vendosur masa sigurie, nën dyshimet për abuzime me tendera.

ARREST ME BURG:

1. Edmond Tërthorja,

2. Amarildo Lleshi,

3. Mehmet Qoshja,

4. Altin Murto,

5. Piro Zoga,

Arrest Shtëpi:

1) Agim Sefa,

2) Arjan Buliqi,

3) Serafin Skënderi,

4) Ilir Kusi,

5) Dritan Laçi,

6) Azem Parllaku,

7) Artur Koleci,

8) Radion Dhromi, i

9) Blenard Spaho,

10) Tedi Proda,

Janë firmosur edhe 9 masa Detyrim paraqitje.

The post GJKKO masa sigurie ndaj zyrtarëve të Universitetit Bujqësor, zbardhen identitetet (EMRAT) appeared first on Albeu.com.

Prokuroria e Posaçme (SPAK), ka lëshuar 20 masa sigurie për stafin e Universitetit Bujqësor në Kamëz.

Raportohet se nga operacioni i ndjekur një natë më parë ka vënë ne pranga 5 persona, 10 të tjerë me arrest shtepie dhe 9 detyrim paraqitje

Bëhet me dije se ndaj personave që janë lëshuar masa sigurie, rëndojnë akuzat për “shpërdorim detyre”, “korrupsion” dhe “abuzim me tendera”.

The post SPAK lëshon 20 masa sigurie për stafin e Universitetit Bujqësor në Kamëz appeared first on Albeu.com.

Gjykata e Tiranës, ka caktuar masa sigurie për 4 zyrtarë policie në Tiranë, Haxhi Balla, Eni Tila (Xhaferi), Jaho Caushaj dhe Islam Shehi, të cilat janë ezekutuar nga Agjencia e Mbikëqyrjes Policore.

Efektivët e Policisë akuzohen për “Shkelja e barazisë në tendera dhe ankande publike” në bashkëpunim dhe “Falsifikim i vulave, stampave e formularëve”.

Masat e sigurisë të vendosura ndaj efektivëve janë “Detyrim paraqitje”, “Pezullim nga puna” apo bllokim pasaporte, më konkretisht:

Masa e sigurimit personal “Detyrim për t’u paraqitur në policinë gjyqësore” ndaj personit nën hetim Haxhi Balla, me detyrë ish Shef i Sektorit Ekonomik në Tiranë, i dyshuar për kryerjen e veprës penale “Shkelja e barazisë në tendera dhe ankande publike” në bashkëpunim dhe “Falsifikim i vulave, stampave e formularëve”.

Masat e sigurimit personal “Pezullim i ushtrimit të detyrës” dhe “Ndalim i daljes jashtë shtetit” ndaj personit nën hetim Eni Tila (Xhaferi), me detyrë Shef i Sektorit të Kontabilitetit në Tiranë, e dyshuar për kryerjen e veprës penale “Shkelja e barazisë në tendera dhe ankande publike” në bashkëpunim.

Masat e sigurimit personal “Pezullim i ushtrimit të detyrës” dhe “Ndalim i daljes jashtë shtetit” ndaj personit nën hetim Jaho Caushaj, me detyrë Specialist i Sektorit Ekonomik në Tiranë, i dyshuar për kryerjen e veprës penale “Shkelja e barazisë në tendera dhe ankande publike” në bashkëpunim dhe “Falsifikim i vulave, stampave e formularëve”.

Masa e sigurimit personal “Ndalim i daljes jashtë shtetit” ndaj personit nën hetim Islam Shehi, me detyrë në Sektorin Ekonomik në Tiranë, i dyshuar për kryerjen e veprës penale “Shkelja e barazisë në tendera dhe ankande publike”.

Ende nuk dihet se për cilin tender bëhet fjalë, teksa veprimet proceduriale i janë relatuar prokurorit të çështjes.

The post Abuzime me tenderat/ Gjykata cakton masa sigurie për 4 zyrtarë policie në Tiranë (EMRAT) appeared first on Albeu.com.