Në portin e Durrësit ka mbërritur veliera “Mircea”, anija shkollë e Marinës Rumune, një prej simboleve më të njohura të traditës dhe formimit detar në Rumani.

E ndërtuar në vitin 1938 në kantierin gjerman Blohm & Voss, kjo velierë elegante me tre direkë ka shërbyer prej më shumë se 85 vitesh si anije stërvitore për kadetët e Akademisë Detare Rumune. Emri i saj vjen nga princi i njohur i Vllahisë, Mircea cel Bătrân, dhe që prej vitit 1939 vazhdon të përfaqësojë krenarinë detare të vendit.

Gjatë dekadave, “Mircea” ka udhëtuar në shumë dete, duke marrë pjesë në misione stërvitore dhe ngjarje ndërkombëtare, përfshirë festivalin “OPSAIL 1976”, i mbajtur për 200-vjetorin e Pavarësisë së SHBA-së.

Veliera, me një gjatësi prej mbi 82 metrash dhe direkë që arrijnë deri në 44 metra, mirëpret në bord 135 kadetë dhe një ekuipazh prej 89 profesionistësh. Pas rikonstruksionit në vitin 2002, ajo ka ruajtur hijeshinë klasike, duke u pajisur edhe me teknologji moderne, duke u renditur ndër anijet më të mira të klasit të saj në botë.

“Mircea” është pjesë e një familjeje anijesh stërvitore të ndërtuara sipas të njëjtit model, me “motra” të njohura në SHBA, Gjermani, Ukrainë dhe Portugali, por mbetet një nga më të dashurat për brezat e marinarëve rumunë.

The post Simbol i traditës rumune, mbërrin në portin e Durrësit veliera “Mircea” first appeared on JavaNews.al.

Psikoanalisti i famshëm Sigmund Freud, babai i psikoanalizës, ka lënë pas shumë citate dhe ide që edhe sot, më shumë se një shekull më vonë, na bëjnë të reflektojmë mbi marrëdhëniet dhe mënyrën si e kuptojmë dashurinë

Në një rast, ai dha një këshillë të thjeshtë, por të fuqishme për gratë që zgjedhin një partner me të cilin planifikojnë të kalojnë pjesën tjetër të jetës.

“Gruaja nuk duhet ta dobësojë një mashkull, por ta relaksojë”, ka thënë Frojdi, duke treguar gabimin klasik të shumë grave që përpiqen ta “ndryshojnë” ose “zbusin” partnerin e tyre.

Sipas tij, shumë gra e lidhin dashurinë me idenë se partneri duhet të formësohet sipas pritshmërive të tyre, të bëhet më ambicioz, më i fortë, më i motivuar. Por një burrë që duhet të motivohet me zor, nuk është gati për të “pushtuar botën” apo për të ndërtuar një jetë të qëndrueshme. Përpjekjet e vazhdueshme për ta ndryshuar, vetëm sa lodhin dhe i bëjnë marrëdhëniet të tensionuara.

Këshilla e Frojdit për gratë?

Zgjidhni dikë që rrezaton energji dhe stabilitet vetë, pastaj thjesht mbështeteni në mënyrë diskrete. Një burrë që ndihet i qetë, i relaksuar dhe i pranuar, do të japë shumë më shumë. Sipas Frojdit, “Ai do të bëjë tri herë më shumë për ju, nëse nuk i bëni presion.”

Ekspertët modernë të marrëdhënieve shpesh pajtohen me këtë ide. Ata theksojnë se kur dikush ndjen presion të vazhdueshëm për të ndryshuar, krijohet distancë emocionale. Përkundrazi, pranim dhe mbështetje e butë janë çelësi që një partner të lulëzojë vetë, pa imponim.

Në fund të fundit, dashuria nuk është projekt për t’u riparuar, por një hapësirë ku të dy ndihen të sigurt dhe të lirë për të dhënë më të mirën e tyre. Dhe kjo është këshilla që mbetet e vlefshme edhe sot, mbi 100 vjet pas Frojdit.

“A mendoni se Frojdi kishte të drejtë?”

TIRANË, 17 korrik/ATSH/ U zhvillua sot në bashkinë e Korçës një takim me Komitetin për Zhvillimin Turistik, përfaqësues të bizneseve dhe aktorë të tjerë lokalë, ku në qendër ishte analiza e potencialeve të turizmit dhe forcimi i rolit të tij në ekonominë e këtij qyteti.

Ky takim u ndërtua si një proces bashkëpunues dhe gjithëpërfshirës, me qëllim prezantimin e ecurisë së deritanishme të zhvillimit turistik në Korçë.

Gjatë takimit u diskutua hapur mbi sfidat dhe mundësitë e sektorit, u analizuan në thellësi drejtimet strategjike përmes metodologjisë SWOT. Një tjetër qëllim i takimit ishte hartimi i një plani konkret veprimi për një turizëm të qëndrueshëm.

Pjesëmarrësit vunë theksin tek një angazhim i përbashkët për të çuar përpara zhvillimin ekonomik të Korçës, nëpërmjet një turizmi cilësor, gjithëvjetor dhe të bazuar në identitetin unik kulturor, natyror dhe historik të Korçës.

Bashkia Korçë bëri të ditur se do të vazhdojë të jetë krah komunitetit dhe sektorit privat, në çdo hap të këtij procesi. /j.p/

1 nga 15

The post Korçë, bashkia në krah të sektorit privat për turizëm cilësor dhe gjithëvjetor appeared first on Agjencia Telegrafike Shqiptare.

TIRANË, 17 korrik /ATSH/ Çdo qytetar ka të drejtën për akses të barabartë në drejtësi, pavarësisht gjendjes ekonomike, sepse drejtësia është një e drejtë, jo një privilegj.

Prezenca e OSBE në Shqipëri, në vijim të nismës për fuqizimin e bashkëpunimit ndërmjet Drejtorisë së Ndihmës Juridike Falas dhe pushtetit vendor, këtë javë, zhvilloi takime informuese dhe bashkëpunuese në bashkitë Fushë-Arrëz, Malësi e Madhe dhe Vau i Dejës.

Këto takime shërbyen për të ndërtuar ura bashkëpunimi, jo vetëm me përfaqësues vendorë, por edhe me organizata të shoqërisë civile që veprojnë në fushën e të drejtave të njeriut dhe mbështesin qytetarët për të pasur akses më të mirë në sistemin e drejtësisë.

“Përmes bashkëbisedimeve me qytetarët në terren dhe me përfshirjen në media lokale, përhapëm më gjerësisht informacionin mbi të drejtën për ndihmë juridike falas për ata që kanë më shumë nevojë”, theksoi Prezenca e OSBE në një postim në rrjetet sociale.

Sipas prezencës së OSBE, kjo qasje gjithëpërfshirëse synon të forcojë ndërgjegjësimin dhe të sigurojë që askush të mos mbetet pa zë për shkak të pamundësisë ekonomike.

1 nga 19

/gj.m/j.p/

The post Prezenca e OSBE, takime informuese në disa bashki për ndihmën juridike falas appeared first on Agjencia Telegrafike Shqiptare.

Në botën e argëtimit televiziv, disa seriale kanë arritur të thyejnë rekorde shikueshmërie dhe të bëhen fenomene globale. Këto prodhime kanë tërhequr miliona shikues dhe kanë lënë një gjurmë të pashlyeshme në kulturën popullore. Ja cilat janë pesë serialet me të shikuara dhe të vlerësuara që kanë thyer rekorde në mbarë botën:

Game of Thrones (2011-2019)

Me tetë sezone, Game of Thrones u bë një fenomen botëror dhe një nga serialet më të shikuara ndonjëherë. Episodet e fundit të serisë, veçanërisht finalja e sezonit të tetë, tërhoqën më shumë se 19 milionë shikues vetëm në SHBA, duke thyer rekorde të HBO-së. Seria e bazuar në librat e George R.R. Martin përmbante një kombinim të dramës epike, betejave spektakolare dhe kthesave të papritura që mbajtën audiencën të lidhur për vite me radhë.

Breaking Bad (2008-2013)

Breaking Bad u konsiderua një nga serialet më të mira të të gjitha kohërave dhe ka thyer disa rekorde shikueshmërie. Sezoni i fundit tërhoqi miliona shikues dhe finalja e serisë arriti një audiencë rekord me më shumë se 10 milionë shikues në SHBA. Ky thriller dramatik mbi një mësues kimie që kthehet në një prodhues droge, interpretuar nga Bryan Cranston, ka fituar një numër të madh çmimesh dhe një vend të veçantë në historinë e televizionit.

Friends (1994-2004)

Friends është një nga komeditë më ikonike të të gjitha kohërave. Ky serial i famshëm vazhdon të mbetet një hit global, madje edhe dekada pas transmetimit të tij për herë të fundit. Finalja e serisë, e cila u transmetua në maj të vitit 2004, tërhoqi rreth 52.5 milionë shikues në SHBA, duke e bërë atë një nga finalet më të shikuara të serialeve televizive. Friends mbetet i popullarizuar në platforma të ndryshme streaming dhe është ndër serialet më të ritransmetuara të të gjitha kohërave.

The Walking Dead (2010-2022)

Seria e zhanrit horror-dramatik, The Walking Dead, ka mbajtur rekorde të jashtëzakonshme për shikueshmëri, veçanërisht në sezonet e saj të hershme. Ky serial, që ndjek një grup të mbijetuarish në një botë të pushtuar nga zombitë, arriti kulmin në sezonin e pestë me më shumë se 17 milionë shikues për premierën e tij, duke vendosur një rekord të ri për rrjetin AMC.

Squid Game (2021)

Seriali korean Squid Game bëri një shpërthim të madh global kur u lansua në Netflix në vitin 2021. Ai u bë shpejt seriali më i shikuar në histori të platformës, duke thyer rekorde me mbi 1.65 miliardë orë të shikuara në katër javët e para pas lançimit. Me një premisë unike dhe tension të lartë, Squid Game ka fituar një vend të përhershëm në listën e serialeve më të suksesshme të të gjitha kohërave.

Këto seriale jo vetëm që kanë tërhequr një audiencë masive, por kanë formuar edhe bisedat kulturore dhe kanë lënë një trashëgimi të qëndrueshme në botën e argëtimit. Shikueshmëria e tyre rekord tregon fuqinë e një historie të mirë dhe aftësinë e televizionit për të bashkuar audiencën globale në mënyra të papara më parë./KultPlus.com

Pretendimi: Kjo video tregon arkivolët e ushtarëve izraelitë të vrarë nga Irani

Verdikti: Gjeneruar me AI

—————————————————–

Një video që po qarkullon në rrjete sociale, përfshi ato shqipfolëse, duket se tregon dhjetëra arkivolë të mbuluar me flamurin izraelit dhe mban mbishkrimin “Fuqia e Iranit,” duke lënë të kuptohet se arkivolët përmbajnë viktimat izraelite të sulmeve iraniane.

Megjithatë, video e mësipërme përmban tregues të zakonshëm të pamjeve të gjeneruara me anë të programeve të inteligjencës artificiale (AI).

Që me vështrimin e parë, dallohet se flamujt që mbulojnë arkivolët e supozuar variojnë në pamje dhe nuk i përmbahen një standarti.

Për më tepër, në disa prej tyre duket se ka mbishkrime të cilat, kur i zmadhojmë, vërejmë se nuk kanë ndonjë kuptim dhe nuk i përngjasojnë ndonjë fjale të shkruar me alfabetin latin, hebre, apo tjetër. 

“Emrat” mbi arkivolet e pretenduar në fakt janë simbole të pakuptimta

Simbolet e pakuptimta në vend të fjalëve të shkruara me shkronja janë dëshmi e përpjekjes dhe dështimit së programit të inteligjencës artificiale për të gjeneruar tekst koherent brenda një imazhi.

Sipas Times of Israel, sulmet me raketa balistike të Iranit ndaj Izraelit gjatë 12 ditëve të luftës morën jetën e 28 personave – të gjithë civilë, përveç njërit. 

Dukshëm, në video ka më shumë se 28 arkivole.

The post E gjeneruar video e ushtarëve izraelitë të vrarë nga Irani appeared first on Faktoje.al.

Emocionet kanë qenë të forta, por kjo që vjen nuk ka krahasim. Turi i Francës hyn në momentet e tij vendimtare, dhe kjo që në ditën e sotme me etapën e 12-të që nis ngjitjet në Malet e Pirenejve.

Plot 180 km me dy të përpjeta të ashpra, sidomos me mbërritjen në maloren në Otakam, e gjatë 13.5 kilometra dhe me pjerrësi 7.8 për qind.

Pikërisht në malet jugore të Europës do të konsumohet beteja mes dy prendentetëve kryesorë për të fituar Turin, sllovenit Tadej Pogaçar dhe danezit Jonas Vingegard.

I pari kampion në fuqi dhe tri herë fitues i Klasikes së madhe, dhe I dyti dy herë fitues.

Pogaçar është në vendin e dytë, duke humbur tre ditë më parë Fanelën e Verdhë, por vetëm për 29” vonesë ndaj irlandezit luftarak, Ben Hili.

Edhe pse ka probleme në skuadrën e tij, UAE, me dëmtimin e tërheqjen e ndihmësit Almeida, dhe me dëmtimin e rusit Sivakov, sërish 26-vjeçari e ka kontrolluar mirë garën deri tani.

Kulmi I betejës do të jetë pas dy ditësh, të shtunën e 19 korrikut, në etapën e 14-të, që cilësohet “Etapa Mbretëreshë” e këtij edicioni të Turit të Francës.

Në fundjavë, itinerari do të jetë prej 182.7 kilometrash, gjithnjë në Pirenej, me katër ngjitje të forta, ku mbi të gjitha është mitikja “Kol dy Turmaje”, plot 19 km malore me pjerrësi 7.9 për qind.

Ndoshta vetëm pas të shtunës do ta kuptojmë më mirë se cili do të jetë favoriti për të fituar këtë Tur të Francës, ndonëse do të ketë edhe katër etapa malore, nga 22 deri në 25 korrik, përpara finishit në Shamps Elize të Parisit në 27 korrik./abcnews.al

Ushqimi është burimi ynë kryesor i energjisë dhe vitalitetit. Duke shtuar këto 5 ushqime super të shëndetshme në dietën tuaj, do të ndiheni më energjikë dhe më të freskët gjatë gjithë ditës.

Avokado: Të pasura me acide yndyrore të shëndetshme dhe fibra, avokado është një ushqim i shkëlqyeshëm për të mbajtur nivelet e energjisë stabile gjatë gjithë ditës.

Perimet e Gjelbra të Freskëta: Perimet e gjelbra të freskëta janë të pasura me vitamina, minerale dhe antioksidantë që ndihmojnë në rritjen e energjisë dhe mbajtjen e trupit të shëndetshëm.

Arrat: Me përmbajtje të lartë të proteinave dhe yndyrës së shëndetshme, arrat janë një ushqim ideal për të rritur nivelin e energjisë dhe për të mbajtur stomakun e ngopur për një kohë më të gjatë.

Mjalti: Mjalti është një burim i shkëlqyeshëm i energjisë së shpejtë dhe të qëndrueshme, i cili gjithashtu ofron përfitime të mëdha për shëndetin e zemrës dhe sistemin imunitar.

Ushqimet e Pasura me Omega-3: Siç janë salmoni dhe farat e linit, këto ushqime të pasura me acide yndyrore ndihmojnë në mbrojtjen e shëndetit të zemrës dhe në përmirësimin e funksionimit të trurit, duke ndihmuar në ruajtjen e energjisë dhe vitalitetit të trupit.

Nëse integroni këto ushqime të shëndetshme në dietën tuaj të përditshme, do të ndjeni një ndryshim pozitiv të niveleve të energjisë dhe shëndetit tuaj.

The post Zbuloni pesë ushqime super të shëndetshme që duhet të shtoni në dietën tuaj appeared first on Albeu.com.

TIRANË, 17 korrik/ATSH/ Ministrja e Arsimit dhe Sportit, Ogerta Manastirliu ka inspektuar punimet në kantierin e rikonstruksionit të shkollës 9-vjeçare “Jonuz Çarçiu” në fshatin Tregan të Elbasanit, një tjetër investim i rëndësishëm për të garantuar kushte bashkëkohore për nxënësit dhe mësuesit në zonat rurale.

Punimet po shkojnë drejt përfundimit dhe shkolla pritet të hapë dyert në fillim të vitit të ri shkollor 2025-2026, duke u shndërruar në një kompleks arsimor me ambiente moderne, laboratorë, palestër, terrene sportive dhe një kopsht për fëmijët.

Ministrja Manastirliu, duke ndalur në rëndësinë e këtij investimi për komunitetin e Treganit, u shpreh se “investimet që ne kemi bërë vit pas viti tashmë janë duke u finalizuar dhe po hapim kantiere të reja në infrastrukturën arsimore në të gjithë vendin. Këtu në Elbasan në Njësinë Administrative Tregan kemi një shkollë të re, shkolla ‘Jonuz Çarçiu’, një shkollë e cila do të mirëpresë rreth 200 fëmijë, duke përfshirë këtu një kompleks arsimor, pasi do të kemi edhe kopshtin për fëmijët dhe gjithashtu edhe shkollën me ambiente tërësisht të reja”.

Objekti është ndërtuar nga e para me standardet më të larta dhe përfshin edhe palestër të brendshme, ambientet ndihmëse dhe oborrin e transformuar për zhvillimin e aktiviteteve sportive, sociale dhe artistike.

“Shkolla është ndërtuar e re me standarde më të mira, e cila do të ketë jo vetëm klasat, laboratorët, por gjithashtu edhe palestrën dhe ambientet sportive dhe oborrin e shkollës në funksion të programeve të cilat ne tashmë i kemi në shkollat tona, sikurse është dhe programi Art dhe Zeje, sikurse është edhe shkolla Qendër Komunitare, që jo vetëm gjatë procesit mësimor, por edhe pasditeve nxënësit të vijnë në mjediset e shkollës për të vijuar procesin edukativ, por edhe atë argëtues, sportiv dhe rekreativ”, tha Manastirliu.

Ministrja Manastirliu vuri në dukje se investimet në arsim janë të lidhura drejtpërdrejt me cilësinë e mësimdhënies dhe përmirësimin e kushteve për mësuesit dhe nxënësit.

“Për ne investimi në infrastrukturën arsimore është thelbësor për cilësinë në arsim, për krijimin e kushteve më të mira të punës dhe gjithashtu për të arritur ato standarde që ne duam. Po investojmë edhe në shtatë shkolla, jo vetëm në Bashkinë e Elbasanit, por edhe në Bashkinë e Librazhdit, në Cërrik, në Belsh, në Prrenjas, për të realizuar pikërisht atë plan që ne po e zhvillojmë vit pas viti, që lidhet pikërisht me një arsim cilësor me standarde bashkëkohore për t’ju siguruar nxënësve tanë një arsim cilësor”, tha Manastirliu.

/k.s/j.p/

The post Manastirliu në shkollën “Jonuz Çarçiu” në Elbasan: Standard i njëjtë i shkollave të reja në çdo cep të vendit appeared first on Agjencia Telegrafike Shqiptare.

Autoritetet në Pensilvani kanë dhënë detaje të reja për hetuesin paranormal që papritmas u gjend i pajetë gjatë një turneu ku po ekspozonte kukullën e famshme Raggedy Ann, të njohur si “Annabelle” dhe e cilësuar si e pushtuar.

Dan Rivera, 54 vjeç, hetues kryesor për Shoqatën e Kërkimeve Psikike të New England me bazë në Connecticut, vdiq të dielën më 13 korrik gjatë vizitës së tij në Gettysburg, si pjesë e turit “Devils on the Run”.

Sipas raportit të Policisë së Shtetit të Pensilvania-s, Rivera kishte njoftuar kolegët më herët gjatë ditës se ndihej keq dhe ishte kthyer në dhomë për të pushuar, përcjellë KultPlus.

Turneu ku Rivera po merrte pjesë quhej “Devils on the Run”, një seri eventesh kushtuar historive dhe objekteve paranormale. Ndalesa në Gettysburg përfshinte prezantimin e kukullës Annabelle, një kukull klasike e stilit Raggedy Ann, që sipas legjendave urbane, është e pushtuar nga një entitet keqdashës.

Kukulla Annabelle është pjesë e historisë së njohur të Ed dhe Lorraine Warren, hetuesve të njohur të fenomeneve paranormale, të cilët në vitet ’70 deklaruan se kukulla ishte burim i aktiviteteve të rrezikshme dhe misterioze. Ajo aktualisht mbahet në një kuti të mbyllur xhami, në muzeun privat të familjes Warren.

Dan Rivera kishte më shumë se 10 vite përvojë në fushën e hetimeve paranormale dhe ishte pjesë e New England Society for Psychic Research (NESPR), organizata e themeluar nga vetë Warrens. Ai ishte gjithashtu një figurë shumë e ndjekur në TikTok dhe producent këshillues në serialin e Netflix “28 Days Haunted”.

Në një deklaratë për publikun, NESPR u shprehën të tronditur nga humbja:

“Dan ishte jo vetëm një pjesë thelbësore e ekipit për më shumë se një dekadë, por edhe një mik i dashur, me integritet të lartë dhe pasion të sinqertë për të ndihmuar të tjerët. Ai ndikoi shumë njerëz përmes punës së tij, qoftë në terren, në evente apo përmes rrjeteve sociale.”

Shoqata konfirmoi se eventet e planifikuara për pjesën tjetër të vitit do të vazhdojnë, në nderim të punës dhe pasionit të Rivera-s:

“Ne besojmë fort se Dan do të kishte dashur që puna të vazhdonte, për të bashkuar njerëz, për të ndarë njohuri dhe për të mbajtur gjallë trashëgiminë e familjes Warren.”/KultPlus.com

Në një video të shpërndarë gjerësisht në Facebook, gazetari i njohur Blendi Fevziu shfaqet në studion e tij televizive të emisionit “Opinion” në TV Klan duke raportuar mbi një sulm fizik ndaj doktor Skënder Bratajt, që pretendohet se është kryer nga “mafia farmaceutike”, pasi ky i fundit kishte shpërndarë një video ku fliste për efektet […]

The post Manipulimi në epokën digjitale: Shpërndarja e videove të rreme me IA në rrjet appeared first on Reporter.al.

Moti për ditën e sotme parashikohet kryesisht me kthjellime dhe vranësira të përqendruara në veri të vendit dhe përgjatë zonave malore.

Gjatë mesditës dhe deri në orët e vona të mbrëmjes, në zonat veriore dhe ato malore priten reshje të herëpashershme shiu, kryesisht me intensitet të ulët.

Në periudha të shkurtra, veçanërisht në zonën e Alpeve dhe lokalisht në verilindje, reshjet mund të shoqërohen me shtrëngata dhe shkarkesa elektrike.

Era do të fryjë nga verilindja në veriperëndim me një shpejtësi mesatare prej 5 m/s, ndërsa përgjatë vijës bregdetare dhe në zonat luginore do të arrijë deri në 9 m/s.

Valëzimi në det parashikohet i lehtë, me forcë 2-3 ballë.

Temperaturat do të luhaten nga minimumi 18°C deri në maksimumin 36°C.

The post Moti sot: Priten reshje shiu në disa zona, temperaturat deri në 36°C first appeared on JavaNews.al.

Dashi
Të lindur më: 21 Mars – 19 Prill
Në dashuri sot mund të ndjeni nevojën për më shumë hapësirë personale, por komunikimi i qetë do t’ju ndihmojë të ruani harmoninë. Në punë, do të shfaqen mundësi të reja për të treguar aftësitë tuaja, ndaj mos hezitoni të merrni iniciativa. Kujdesuni për shëndetin, sepse stresi mund të ndikojë në energjinë tuaj fizike. Në aspektin financiar, shmangni shpenzimet impulsive dhe planifikoni më mirë buxhetin tuaj.

Demi
Të lindur më: 20 Prill – 20 Maj
Sot marrëdhëniet romantike do të jenë të ngrohta dhe do të keni mundësi të forconi lidhjet me partnerin përmes bisedave të sinqerta. Në punë do të ndiheni të motivuar dhe bashkëpunimi me kolegët do t’ju sjellë rezultate pozitive. Kujdesuni për veten duke bërë një pushim të shkurtër për të rifituar energjinë. Në financa, një lajm i mirë mund të vijë nga një burim i papritur.

Binjakët
Të lindur më: 21 Maj – 20 Qershor
Ditën e sotme, një takim romantik mund të sjellë emocion dhe ndjesi të reja, ndaj hapuni ndaj eksperiencave të reja. Në punë, do të ndiheni të frymëzuar për të ndjekur projekte të reja ose për të mësuar diçka të re. Shëndeti do të jetë i mirë nëse i kushtoni rëndësi aktivitetit fizik. Financiarisht, mbani nën kontroll shpenzimet për të shmangur vështirësi të vogla.

Gaforrja
Të lindur më: 21 Qershor – 22 Korrik
Në dashuri, sot është koha ideale për të sqaruar keqkuptime dhe për të ndërtuar më shumë besim me partnerin. Puna do të kërkojë vëmendje ndaj detajeve, por këmbëngulja juaj do të shpërblehet. Kujdes me shëndetin e shpinës ose kyçeve dhe mos harroni të bëni ushtrime shtrirjeje. Financat janë të qëndrueshme, por mos merrni vendime të nxituara për investime.

Luani
Të lindur më: 23 Korrik – 22 Gusht
Marrëdhëniet do të jenë të ngrohta dhe mund të merrni një surprizë të këndshme nga partneri ose një mik i afërt. Në punë, idetë tuaja do të vlerësohen dhe mund të merrni një përgjegjësi të re. Shëndeti duhet të jetë prioritet, ndaj kushtoni më shumë vëmendje ushqimit dhe pushimit. Financat janë në përmirësim, por bëni kujdes me shpenzimet e tepërta.

Virgjëresha
Të lindur më: 23 Gusht – 22 Shtator
Sot do të ndjeni një lidhje të veçantë me dikë që ju intereson, dhe një bisedë e thellë mund të forcojë marrëdhënien. Në punë do të përballeni me disa sfida, por kreativiteti juaj do t’ju ndihmojë t’i kaloni. Ruani ekuilibrin mendor duke marrë kohë për veten. Në aspektin financiar, është mirë të shmangni huamarrjet ose investimet e rrezikshme.

Peshorja
Të lindur më: 23 Shtator – 22 Tetor
Romanca sot mund të kthehet në qendër të vëmendjes, dhe një takim i papritur do të sjellë emocione të bukura. Në punë, bashkëpunimi me të tjerët do të jetë çelësi i suksesit tuaj. Kujdesuni për shëndetin duke kaluar më shumë kohë në natyrë ose duke u relaksuar. Financat do të jenë të qëndrueshme, por është e këshillueshme të kurseni për të ardhmen.

Akrepi
Të lindur më: 23 Tetor – 21 Nëntor
Sot mund të ndiheni më të hapur ndaj ndjenjave dhe bisedat me partnerin do të jenë të frytshme. Në punë do të vlerësoheni për përkushtimin dhe profesionalizmin tuaj, ndaj mos hezitoni të merrni përgjegjësi shtesë. Shëndeti është i mirë, por mos neglizhoni shenjat e lodhjes. Financat janë të mira, por planifikoni më mirë për shpenzimet e ardhshme.

Shigjetari
Të lindur më: 22 Nëntor – 21 Dhjetor
Në dashuri, mund të ndjeni një nevojë për ndryshim ose aventura të reja, ndaj diskutoni hapur me partnerin. Puna juaj do të ketë progres të ngadaltë, por qëndrueshmëria do të japë rezultatet e dëshiruara. Kujdes me shëndetin mendor, sepse ankthi mund të rritet nëse nuk relaksoheni mjaftueshëm. Në financa, shmangni rreziqet dhe mos u nxitoni në vendime të rëndësishme.

Bricjapi
Të lindur më: 22 Dhjetor – 19 Janar
Sot në marrëdhënie do të ndiheni të mbështetur dhe do të keni mundësi të forconi lidhjet me partnerin ose familjen. Në punë, një ide e re mund të marrë vëmendje dhe mbështetje nga eprorët. Kujdesuni për shëndetin duke bërë aktivitete fizike të lehta. Financiarisht, situata është e qëndrueshme, por mos harroni të planifikoni për shpenzimet e papritura.

Ujori
Të lindur më: 20 Janar – 18 Shkurt
Në dashuri, një bisedë e sinqertë mund të sjellë sqarime dhe të forcojë marrëdhënien tuaj. Në punë, priten përparime dhe mundësi për të treguar talentin tuaj, ndaj jini të hapur ndaj sfidave të reja. Shëndeti kërkon më shumë vëmendje ndaj ushqyerjes dhe pushimit. Financat janë të balancuara, por shmangni shpenzimet e panevojshme.

Peshqit
Të lindur më: 19 Shkurt – 20 Mars
Sot mund të përjetoni emocione të thella në marrëdhënie, ndaj mos kini frikë të shprehni ndjenjat tuaja. Në punë, do të keni sukses nëse bashkëpunoni me të tjerët dhe tregoni fleksibilitet. Kujdesuni për shëndetin duke shmangur lodhjen e tepruar dhe duke pushuar më shumë. Në aspektin financiar, mund të merrni një bonus ose shpërblim të vogël që do të përmirësojë buxhetin tuaj.

The post Horoskopi 17 Korrik, ja çfarë kanë parashikuar yjet për ju appeared first on Albeu.com.

Fabio Capello ka zbuluar emrat e tre futbollistëve më të mëdhenj në histori sipas tij: Pele, Diego Maradona dhe Lionel Messi.

Sipas trajnerit të njohur italian, këta janë të vetmit që meritojnë statusin e “gjeniut”.

“Në futboll ka tre gjeni: Pele, Maradona dhe Messi. Pikë. Cristiano Ronaldo është i madh, por jo në këtë nivel”, deklaroi Capello.

Ai kujtoi se ka luajtur kundër Peles dhe ka parë nga afër shkëlqimin e Maradonës kur ky i fundit udhëhoqi Napolin në Serie A.

Për Messin, Capello tha: “Ata bëjnë gjëra që të tjerët nuk i kuptojnë dot. Messi është unik”.

Capello përmendi edhe Ronaldo Nazario, duke e cilësuar “pak poshtë” treshes së tij të preferuar, por sërish një lojtar të jashtëzakonshëm.

“Cristiano Ronaldo është shumë i fortë, por nuk është gjeni”, shtoi italiani. /Telegrafi/

The post Fabio Capello emëroi tre lojtarët më të mirë të të gjitha kohërave – tha se CR7 nuk është në të njëjtin nivel appeared first on Telegrafi.

NJU JORK, 16 korrik /ATSH/- Meteoriti më i madh i Marsit i gjetur ndonjëherë në Tokë u shit sot në një ankand të Sotheby’s, në Nju Jork 4,3 milionë dollarë, sipas AP.

Sipas shtëpisë së ankandeve, meteoriti (25 kilogramë) besohet se është hedhur në erë nga sipërfaqja e Marsit nga një goditje masive asteroidi – përpara se të udhëtonte 225 milionë kilometra drejt Tokës, ku u rrëzua në Sahara.

“Një gjuetar meteoritësh e gjeti atë në Niger në nëntor të vitit 2023”, tha Sotheby’s.

“Meteoriti në ngjyrë të kuqe, kafe dhe gri – i njohur si “NWA 16788″, është 70% më i madh se pjesa tjetër më e madhe e Marsit – e gjetur në Tokë dhe përfaqëson gati 7% të të gjithë materialit marsian aktualisht në këtë planet”, tha Sotheby’s.

“Gjithashtu ky është një zbulim i rrallë. Janë vetëm 400 meteoritë marsiane – nga mbi 77 000 meteoritë të njohur – zyrtarisht të gjetur në Tokë”, tha Sotheby’s.

Një pjesë e vogël e mbetjes së meteoritit të kuq u hoq dhe u dërgua në një laborator të specializuar që konfirmoi se vinte nga Marsi.

Meteoriti u krahasua me përbërjen kimike të dallueshme të meteoritëve marsianë të zbuluar gjatë sondës hapësinore “Viking” që zbriti në Mars në vitin 1976.

Ekzaminimi zbuloi se është një lloj shkëmbi marsian i formuar nga ftohja e ngadaltë e magmës marsiane.

“Ai ka një strukturë të trashë dhe përmban mineralet piroksen dhe olivinë”, tha Sotheby’s./a/.i/

The post Meteoriti më i madh marsian, i gjetur në Tokë shitet 4,3 milionë dollarë appeared first on Agjencia Telegrafike Shqiptare.

Komisioni i jurisë, i përbërë nga kuratorë të shquar, duke përfshirë Inke Arns, Erëmirë Krasniqi, Christine Macel, Valentine Umansky dhe Rein Wolfs, ka shqyrtuar me kujdes shtatë aplikacionet e pranuara në thirrjen e hapur për të përfaqësuar Republikën e Kosovës në Bienalen e Venecias në vitin 2026. Juria unanimisht ka përzgjedhur artistin Brilant Milazimi me projekt propozimin e titulluar “Dhëmbë të Fortë” të kuruar nga José Esparza Chong Cuy.

Juria e ka përzgjedhur propozimin e Milazimit pasi vlerësoi qartësinë e vizionit, gjuhën e fuqishme vizuale dhe angazhimin e tij me mediumin e pikturës. Në një ambient zhytës, të zymtë dhe të çuditshëm, vizitorët do të përballen me figura të pezulluara në një tension të qetë, që mishërojnë gjendje të pazgjidhura pritjeje, qëndrueshmërie dhe përmbajtjeje. Këto përvoja pasqyrojnë gjendje të paqarta politike, siç është edhe vetë njohja e pjesshme e Kosovës në skenën ndërkombëtare, ndërsa rezonojnë edhe globalisht në epokën e krizave të migrimit, ngërçit burokratik dhe pasigurisë kolektive.

Juria thekson se gatishmëria e artistit për bashkëpunim, së bashku me kuptimin e thellë të kuratorit për praktikën e tij, i japin mbështetje të mëtejshme realizimit të suksesshëm të këtij projekti në Ekspozitën e 61-të Ndërkombëtare të Artit në Bienalen e Venecias në vitin 2026.

Pavijoni i Republikës së Kosovës komisionohet nga Galeria Kombëtare e Kosovës, e përfaqësuar nga kuratorja Hana Halilaj, dhe mbështetet nga Ministria e Kulturës, Rinisë dhe Sportit./ KultPlus.com

Policia e Burgjeve këtë pasdite ka zhvilluar kontrolle në institucionet e paraburgimit në qelitë e 313 dhe 302. U raportua se kontrollet janë zhvilluar për gjetjen e sendeve të ndaluara dhe celularëve, që të personat nën hetim dyshohet se mund të kenë në qelitë e tyre. Kujtojmë se paraburgimi i 313-ës ndodhet në rrugën “Jordan […]

The post Dyshime për celularë, Policia e Burgjeve kontrolle blic në institucionet e paraburgimit në Tiranë appeared first on BoldNews.al.

TIRANË, 16 korrik /ATSH/ Rreth 50 përfaqësues nga bashkitë, forcat e rendit, sistemi i drejtësisë, shërbimet sociale dhe shoqëria civile nga Kukësi dhe Dragashi u mblodhën sot në Kukës, për të forcuar bashkëpunimin në adresimin e dhunës në familje dhe dhunës me bazë gjinore.

Veprimtaria, e organizuar nga Prezenca e OSBE-së në Shqipëri dhe Misioni i OSBE-së në Kosovë, pason një takim të mëparshëm të mbajtur në dhjetor 2024 në Prizren, i cili shërbeu si një platformë për shkëmbimin e informacionit, përvojave dhe praktikave më të mira në trajtimin e rasteve të dhunës në familje.

Qëllimi i takimit të dytë ishte krijimi i një mekanizmi ndërkomunal për përmirësimin e parandalimit dhe të reagimit.

Përfundimi kryesor i veprimtarisë ishte nevoja për të formalizuar bashkëpunimin dhe për të hartuar një manual apo protokoll për adresimin e dhunës në familje dhe asaj me bazë gjinore ndërmjet juridiksioneve.

Fjalët përshëndetëse në hapje u mbajtën nga Kryetari i Prezencës së OSBE-së në Shqipëri, ambasadori Michel Tarran, kryetari i Misionit të OSBE-së në Shkup, ambasadori Kilan Wahl, prefekti i Kukësit, Dritan Baji, kryetari i komunës së Dragashit, Bexhet Xheladini dhe përfaqësuesja e Ministrisë së Shëndetësisë dhe Mbrojtjes Sociale të Shqipërisë, Edvina Murati.

Temat kryesore të agjendës përfshinin rolin e drejtësisë dhe të mbrojtjes sociale në luftën kundër dhunës në familje, sfidat në trajtimin e rasteve dhe strategjitë për forcimin e përgjigjes ndërjuridiksionale.

Koordinatorë nga Kukësi dhe Dragashi ndanë përvojat vendore, ndërsa misionet e OSBE-së theksuan rëndësinë e kornizave bashkëpunuese ndërmjet bashkive dhe përtej kufijve.

Me mbështetjen e Misionit të OSBE-së në Shkup, kjo nismë synon të shndërrohet në një platformë rajonale më të gjerë për veprim të përbashkët kundër dhunës në familje dhe dhunës me bazë gjinore. Ambasador Wahl ftoi që takimi i radhës të mbahet në Maqedoninë e Veriut.

1 nga 34

/gj.m//r.e//a.f/

The post OSBE nxit bashkëpunimin mes bashkive kundër dhunës në familje dhe asaj me bazë gjinore appeared first on Agjencia Telegrafike Shqiptare.

TIRANË, 16 korrik/ATSH/ Ministria e Arsimit dhe Sportit vijon punën për modernizimin e kurrikulës së lëndëve bazë.

Gjatë një takimi të ministres së Arsimit dhe Sportit, Ogerta Manastirliu me ekspertë dhe pedagogë u diskutua në lidhje me punën që po bëhet në këtë drejtim.

“Diskutuam për përditësimin e programeve lëndore, për t’i përshtatur me zhvillimet e kohës dhe sfidat e shekullit XXI, me synim rritjen e aftësive dhe kompetencave të nxënësve, që nga arsimi bazë”, tha Manastirliu.

Kurrikula e re e lëndëve bazë ka si synim modernizimin e disa komponentëve të rëndësishëm që lidhen qoftë me programet lëndore të gjuhës shqipe, programet lëndore të matematikës dhe të lëndëve të tjera, sikurse është teknologjia dhe informacioni.

Më herët, Manastirliu është shprehur se “pas një dekade, duke vlerësuar standardet europiane dhe kërkesat e reja, kemi konsideruar të domosdoshme përmirësimin e Kornizës Kurrikulare, për të reflektuar kompetenca të reja dhe për të adresuar ndryshimet që kërkon sistemi arsimor”.

Korniza e re Kurrikulare është një hap vendimtar drejt transformimit të arsimit në Shqipëri, me fokus te kompetencat digjitale të nxënësve, integrimi i teknologjisë në mësimdhënie, edukimin mediatik, si dhe në edukimin kulturor dhe identitetin kombëtar.

1 nga 6

/k.s//r.e/

The post Manastirliu: Modernizimi i kurrikulës mësimore me fokus te kompetencat digjitale të nxënësve appeared first on Agjencia Telegrafike Shqiptare.

LONDER, 16 korrik /ATSH/ – Një dënim shembullor prej katër vjetësh e tre muajsh burg u dha dy burrave të shpallur fajtorë nga gjykatat britanike për prerjen, në vitin 2023, të një peme dyqindvjeçare që është simbol i Britanisë së Madhe, ”Sycamore Gap Treeria”., shkruan lastampa. /os/

Daniel Graham, 39 vjeç, dhe Adam Carruthers, 31 vjeç, u akuzuan para Gjykatës së Magjistraturës së Newcastle për aktin e pakuptimtë të vandalizmit, i cili u kap në video nga telefonat e tyre celularë.

Sycamore Gap, e fotografuar çdo vit nga vizitorë të panumërt dhe i listuar si Vend i Trashëgimisë Botërore të UNESCO-s, është përjetësuar më parë në filma të tillë si filmi i madh i Hollivudit “Robin Hood, Princi i Hajdutëve”, me protagonist Kevin Costner. /os/

The post BM – Robin Hood pa pemë: 4 vite burg për vandalët e saj appeared first on Agjencia Telegrafike Shqiptare.