SEUL, 9 korrik /ATSH /- Një gjykatë e Koresë së Jugut urdhëroi sot arrestimin e ish-presidentit Yoon Suk Yeol – pas akuzave që lidhen me vendosjen për një kohë të shkurtër të ligjit të luftës në dhjetor, dhe duke pranuar pretendimin e një prokurori të posaçëm se ai përbën rrezik për shkatërrimin e provave, sipas “Reuters”.

Nam Se-jin, një gjyqtar i lartë në Gjykatën Qendrore të Distriktit të Seulit, lëshoi urdhrin e arrestit ndaj Yoon, me arsyetimin se ekziston rreziku që ai të shkatërrojë provat në këtë çështje.

Yoon u shkarkua zyrtarisht nga detyra në prill, për shkak të përpjekjes së tij për të përmbysur qeverisjen civile, më 3 dhjetor -që përfshinte dërgimin e ushtarëve të armatosur në parlament.

Ish-presidenti dhe avokatët e tij morën pjesë në seancë dhe mohuan të gjitha akuzat, përpara se ai të dërgohej në Qendrën e Paraburgimit në Seul, në Uiwang, në jug të kryeqytetit, për të pritur vendimin e gjykatës.

Më herët, gjykatat refuzuan një urdhërarresti – të kërkuar nga prokurorët – pasi Yoon fillimisht kishte refuzuar të paraqitej për t’u marrë në pyetje – duke deklaruar më pas, se ishte i gatishëm për t’iu përgjigjur thirrjeve të ardhshme. /Ad.Ab./ /a.i/

The post KORE E JUGUT – Arrestohet ish-presidenti Yoon Suk Yeol appeared first on Agjencia Telegrafike Shqiptare.

Jasir Asani, po tregon një formë spektakolare në javët e fundit në Korenë e Jugut, ku duket se mosaktivizimi asnjë minutë me kombëtaren shqiptare dhe zërat e merkatos që e çojnë në Japoni, nuk e kanë shpërqëndruar nga fusha e lojës.

Ai ka qenë protagonist absolut në fitoren 1-2 që Gwangju FC, ka arritur të marrë në transfertë përballë Anyang, sfidë e vlefshme për javën e 21 të kampionatit.

Fillimisht, në minutën e 12′ të takimit, Asani asistoi për shokun e ekipit, pas një driblimi fantastik, duke u futur në zonë.

Më pas, në minutën e ’38 ishte radha që të shënonte vetë gol dhe të vuloste fitoren për ekipin e tij.

Edhe të dielën e kaluar, në ndeshjen që Gwangju FC luajti përballë pretendentëve për titull të Daejeon, Jasir Asani shkëlqeu me një gol dhe një asiste, teksa ndeshja u mbyll në barazim 2-2.

Ky ishte goli i 6-të në këtë sezon për Asanin, i cili ka luajtur në 17 ndeshje me fanellën e klubit të tij, ku mbetet një nga lojtarët më vendimtare në fazën ofensive të skuadrës që ka shënuar vetëm 20 gola deri tani.

The post VIDEO/ Jasir Asani nuk ndalet, sërish protagonist me gol dhe asist në Kore appeared first on Albeu.com.

SGM Management ka zyrtarizuar bashkëpunimin me artistin që është bërë një ndër emrat më të lakuar pas fitores në “Big Brother VIP” Gjesti. Në një postim në rrjetet sociale, label-i njoftoi se artisti është tashmë pjesë e familjes së tyre muzikore, duke sinjalizuar nisjen e një kapitulli të ri në karrierën e tij.

Me një identitet të veçantë dhe prani magnetike që e dalloi gjatë gjithë rrugëtimit të tij në reality show, Gjesti duket se është gati të shndërrohet nga një fenomen televiziv në një forcë të re në muzikë.

“Jemi shumë të lumtur ta mirëpresim në ekipin tonë,” shprehet SGM, duke lënë të nënkuptohet se projektet e para nuk do të vonojnë. Pas kamerave dhe dritave të Big Brother-it, Gjesti sapo hapi dritaren drejt skenës.

The post Gjesti firmos me SGM Management – një kapitull i ri nis për artistin premtues appeared first on Sot News | Lajme.

Nga rrugët e Seulit e deri në skenat më të mëdha të botës, K-Pop është shndërruar në një revolucion kulturor global. Me këngë ritmike, koreografi spektakolare dhe një estetikë të kuruar deri në detaje, muzika pop koreane ka kaluar çdo kufi gjeografik dhe gjuhësor, duke krijuar një komunitet ndërkombëtar fansash të përkushtuar.

Çfarë e bën K-Pop kaq të veçantë?

1. Perfeksioni në performancë
Grupet K-Pop si BTS, BLACKPINK, EXO apo Stray Kids kalojnë vite të tëra trajnimi intensiv përpara se të debutojnë. Kjo përgatitje e thellë garanton performanca të nivelit të lartë në çdo dalje publike – që nga vokali live, te vallëzimi perfekt dhe pamja vizuale.

2. Koreografi që mbesin në mendje
Çdo këngë ka një koreografi unike që fansat e mësojnë dhe rikrijojnë, veçanërisht në TikTok dhe YouTube. Kërcimet bëhen pjesë e kulturës pop, dhe ndihmojnë që kënga të bëhet virale.

3. Përkushtimi ndaj fansave (Fandom-i)
Grupet K-Pop janë të famshëm për ndërveprim të vazhdueshëm me fansat. Qoftë përmes platformave si Weverse, VLive, apo rrjeteve sociale, artistët lidhen personalisht me audiencën, duke krijuar një ndjesi të fortë përkatësie.

4. Stili dhe imazhi vizual
Moda në K-Pop është një kapitull më vete. Çdo paraqitje është e kuruar deri në detaj — që nga flokët e deri te aksesorët. Artistët janë shpesh ikonë stili dhe ndikojnë në tendencat globale.

5. Larmia kulturore dhe temat universale
Edhe pse tekstet janë kryesisht në koreane, temat që trajtohen janë universale: dashuria, sfidat personale, shpresa, vetëbesimi, miqësia. Prandaj, mesazhi i muzikës kuptohet pa pasur nevojë për përkthim.

Një industri e ndërtuar me strategji

Agjencitë koreane si HYBE, SM, YG dhe JYP nuk prodhojnë thjesht artistë – ato ndërtojnë marka të gjalla. Çdo anëtar i grupit ka një “rol” të caktuar, një karakter, një histori, që e bën të veçantë dhe të afërt me publikun.

K-Pop nuk është thjesht një zhanër muzikor – është një lëvizje globale që kombinon muzikë, modë, storytelling dhe përfshirje emocionale. Ai provoi se muzika nuk ka nevojë për përkthim që të prekë zemrat e miliona njerëzve.

The post Fenomeni K-Pop: Si grupet koreane pushtuan zemrat e fansave në mbarë botën appeared first on iconstyle.al.

Mbrëmjen e së shtunës, gjatë emisionit “Post Big Brother VIP Albania”, ku nuk munguan debatet dhe zbulimet për projektet e reja, këngëtari konfirmoi se së shpejti do të sjellë materiale të reja për fansat e tij.

Këngëtari ka nisur të fokusohet në karrierën muzikore. Pak minuta më parë, përmes një InstaStory, Gjesti ka paralajmëruar se një projekt i ri muzikor mund të publikohet më shpejt se sa pritej, duke rritur pritshmëritë e publikut.

Në foto ai ka shkruar: “A ju ka marrë malli për (muzikë)”

The post Paralajmëron projektin e ri muzikor pas fitores në Big Brother/ Gjesti gati për t’u rikthyer me hite appeared first on Sot News | Lajme.

Një problem matematikor i viteve të kaluara, i cili dyshohet se u shfaq gjatë një interviste për pranim në Universitetin e Harvardit, është rishfaqur në rrjetet sociale.

Në detyrë, ata pohojnë se 95 për qind e njerëzve nuk mund ta zgjidhin atë, dhe sipas komenteve, shumë prej tyre ende kanë vështirësi në gjetjen e përgjigjes së saktë.

“Shtatë burra kanë shtatë gra. Çdo person, si mashkull ashtu edhe femër, ka shtatë fëmijë. Sa është numri i përgjithshëm i njerëzve?”, është detyra.

Can u solve this

95% couldn’t! pic.twitter.com/HbPuKNMBaW

— Inspired Analyst (@inspirdanalyst) August 8, 2024

Përgjigjet e përdoruesve janë të ndryshme dhe variojnë nga 21 në 448.

“Kjo është një lojë fjalësh”, komentoi një person, dhe një tjetër shtoi: “Ka disa përgjigje dhe asnjëra prej tyre nuk është e gabuar”.

“Kjo është një pyetje e paqartë, që mendoj se është edhe qëllimi i detyrës”, komentoi një i tretë, duke hamendësuar se ishte një pyetje me dy përgjigje të sakta. /Telegrafi/

The post A mund ta gjeni përgjigjen për këtë ‘problem matematikor të Harvardit’? appeared first on Telegrafi.

Nuk dihet pse, por e përçmuan në fillim. Jasir Asani mori një epitet aspak simpatik në Korenë e Jugut, kur u bashkua me ekipin e tij, Kuangju, në janar të 2023-it, u quajt “rosa e shëmtuar”.

Gjithsesi, ndërsa po mbushen dalë nga dalë dy vjet e gjysmë nga aventura e tij në Lindjen e Largme, tifozët dhe mediat e kanë ndryshuar diametralisht opinionin për shqiptarin.

Këtë të enjte, Asani do të luajë çerekfinalen e Championsit të Azisë ndaj skuadrës kampione të Arabisë Saudite, Al Hilal, ndërsa gazetarët e kanë mbiquajtur “heroi I Kuangjusë”.

E meriton plotësisht sepse me 9 gola deri tani në konkurrimin kontinental është shënuesi më I mirë, duke lënë prapa edhe vetë legjendën Kristiano Ronaldo.

Po 9 rrjeta ka Andersen i Jokohamës.

Superylli portugez ka realizuar 8 herë, dhe ndodhet gjithashtu në çerekfinale.

Për meritë të Asanit, por edhe të futbollistëve të tjerë, Kuangju ka bërë mrekulli deri tani në sezonin debutues në Champions.

Në të tetat e finaleve u eliminua kampiona e Japonisë, Visel Kobe, dhe ylli I kombëtares shqiptare realizoi dy gola në fitoren 3-0, që përmbysi humbjen e parë 0-2.

Djaloshi 29-vjeçar nga Shkupi ka lënë prapa edhe emra të tjerë të njohur si Rijad Mahrez, ish-kampion I Mançester Sitit, apo sulmuesin e Serbisë, Aleksandar Mitroviç.

Shpresa është që Asani të shkëlqejë edhe në çerekfinalen, që luhet me një ndeshje të vetme, dhe që Kuangju të vazhdojë mrekullinë në Ligën e Kampionëve të Azisë duke arritur për herë të parë në histori në gjysmëfinale.

Qytetarët e qarkut Gjirokastër pritet të votojnë më 11 maj për zgjedhjet parlamentare dhe vota e tyre do të prodhojë katër mandate deputetësh, ndërsa historiku i zgjedhjeve sugjeron se socialistët do ta kenë jo fort të vështirë që të fitojnë shumicën e tyre. Qarku ka qenë gjithmonë me prirje nga Partia Socialiste, ku rezultati më […]

The post Gjirokastra, bunkeri socialist përforcohet me makinerinë e ish-LSI (Infografikë) appeared first on Reporter.al.

TIRANË, 27 mars/ATSH/ Orkestra Simfonike e Forcave të Armatosura dhe Musique de la Garde Républicaine e Francës performuan pak ditë më parë në një nga kishat më të vjetra franceze, kishën Val De Grace, në Paris.

Kryeministri Edi Rama ndau sot në rrjetet sociale momente nga kjo natë speciale që solli një bashkim unik mes dy kulturave.

“Mbrëmje të paqtë me këtë moment krenarie. Një natë speciale në zemër të Parisit ku Orkestra Simfonike e Forcave të Armatosura dhe Musique de la Garde Républicaine sollën një bashkim unik mes dy kulturave përmes muzikës së luajtur nga shërbëtorët e dy shteteve nën uniformë, të cilët bashkuan në një hapësirë mjeshtërinë e Kujtim Laros dhe magjinë e Georges Bizet”, u shpreh Rama.

Eventi ishte me pjesëmarrjen e jashtëzakonshme të kitaristit francez, Emmanuel Rossfelder, solist i njohur ndërkombëtar.

Orkestra Simfonike e Forcave të Armatosura dhe Musique de la Garde Républicaine përcollën për publikun një përzgjedhjeje të larmishme repertori nga të dyja vendet.

/m.m/r.e/

The post Rama: Bashkim unik mes dy kulturave në Paris, përmes muzikës appeared first on Agjencia Telegrafike Shqiptare.

Zjarrfikësit po garojnë me kohen për të shpëtuar njerëzit dhe objektet e lashta nga zjarret më të mëdha në historinë e Koresë së Jugut, të cilat kanë vrarë të paktën 27 njerëz deri më tani.

Shumica e viktimave ishin persona me moshe 60-70 vjec , thonë zyrtarët locale.

Dhjetëra mijëra persona janë zhvendosur gjithashtu nga flakët, të cilat filluan në juglindje më 21 mars

Dëshmitarët okularë përshkruan skena apokaliptike teksa zjarret përfshine shtëpitë .

Autoritetet besojnë se vete njerezit mund te kene  shkaktuar flaket e para , por erërat e forta dhe toka e thatë i lejuan ato të përhapeshin shpejt.

Erërat gjithashtu e bëjnë të rrezikshëm funksionimin e helikopterëve per shuarjen e flakeve. Njëri prej tyre u rrëzua ndërsa po luftonte zjarret të marten.

Zjarret kanë djegur një tempull 1300-vjeçar në qytetin Uiseong dhe po kërcënojnë vende të tjera kulturore ne korene e jugut.

Ka përfunduar në Korçë, Olimpiada Matematikore e 19 Ballkanike Studentore  e organizuar për herë të parë në Shqipëri nga Shoqata e Matematikës në Evropën Juglindore.

Në këtë olimpiadë kanë marrë pjesë 111 studentë nga 27 universitete nga Shqipëria, Greqia, Maqedonia e Veriut, Bullgaria, Rumania e Turkmenistani.

Për Ardian Naco, kryetar i shoqatës shqiptare të matematikës organizimi i kësaj olimpiade nuk ka qenë e lehtë por që ia dolën, shkruan Euronews.al.

I pyetur për nivelin e studentëve shqiptarë në këtë olimpiade ai tha se ka nevojë për pjesëmarrje të vazhdueshme në nivele të tilla

Një nga studentet ekselente nga Turqia, tregon se është habitur me nivelin e studentëve shqiptarë në këtë fushë

Mbrëmë në teatrin” Andon Zako Çajupi “është organizuar ceremonia e shpërndarjes së medaljeve për studentët më të mirë në këtë olimpiade, por që studentët shqiptarë nuk u vlerësuan me asnjë medalje.

Udhëheqësi i Koresë së Veriut, Kim Jong Un, është zotuar se do të zbatojë politikën “më të ashpër” kundër Shteteve të Bashkuara. Këto deklarata vijnë më pak se një muaj para se Donald Trump të marrë postin e presidentit të SHBA-së. Rikthimi i Trumpit në Shtëpinë e Bardhë rrit mundësitë për diplomaci të profilit të […]

The post Kim Jong Un zotohet se do të zbatojë politikën më të ashpër antiamerikane appeared first on BoldNews.al.

TIRANË, 19 dhjetor/ATSH/ Elbasani, qyteti me histori dhe tradita të lashta, e ka festuar gjithmonë Vitin e Ri me gëzim dhe atmosferë unike.

Krishtlindjet, që dikur festoheshin brenda një rrethi të ngushtë familjar për shkak të regjimit komunist, sot janë shndërruar në një festë të madhe, duke sjellë gëzim e ngrohtësi për të gjithë.

Qyteti i veshur me drita shumëngjyrëshe dhe dekorime mahnitëse, ndriçon që me rënien e muzgut. Qendra e tij, me muret e lashta të kalasë së Elbasanit dhe portën madhështore të saj, është shndërruar në një pikë tërheqëse për qytetarët dhe vizitorët.

Sheshi “Hans Ditrih Gensher” mbushet me lodra për fëmijët, shtëpiza festive që ofrojnë pije e ëmbëlsira për të gjitha moshat, dhe një pemë e madhe e Vitit të Ri që ngrihet si simbol i kësaj feste, duke ftuar këdo të bashkohet në atmosferën e gëzueshme.

Festimet në Elbasan janë bërë gjithnjë e më madhështore me kalimin e viteve. Këngëtarë të njohur, DJ dhe grupe vallëzimi krijojnë një koncert të pandërprerë që mbush qytetin me muzikë dhe hare. Atmosfera gjallëruese e bën qytetin të duket si një simfoni e vërtetë festive.

Kryetari i bashkisë së Elbasanit, Gledian Llatja tha për ATSH-në se “edhe këtë vit kemi nisur atmosferën festive që në fillim të dhjetorit. Janë organizuar shumë aktivitete për fëmijë dhe qytetarë të të gjitha moshave. Artistë vendas dhe të huaj kanë sjellë interpretime të veçanta në teatër dhe në sheshe, ndërsa dekoret e bukura kanë rrethuar çdo cep të qytetit. Çdo ditë qyteti gjallërohet më shumë, sidomos në mbrëmje”.

Një tjetër element i veçantë këtë vit janë lokalet, të cilat tashmë janë prenotuar plotësisht. Qytetarët elbasanas, nën ritmin e muzikës së këngëtarëve të ndryshëm, festojnë në lokale ku darkojnë me simbolin e Vitit të Ri, gjelin e detit.

“Këtë vit ka pasur një numër të madh kërkesash për prenotime edhe në lokalet në pikën turistike të Gjinarit, duke treguar interesin e madh për ta festuar ndryshe këtë ngjarje”, tha Llatja.

Aktivitete të shumta janë organizuar për fëmijët në qendrat e artit dhe në shkolla, ku këndohen këngë festive, recitohen poezi dhe krijohet një frymë dashurie për qytetin.

Elbasani është shndërruar në një shembull të shkëlqyer se si mund të ndërtohet një atmosferë festive që bashkon të gjithë qytetarët dhe vizitorët në një gëzim të përbashkët.

1 nga 6

/k.s/j.p/r.e/

The post Elbasani pret festat e Fundvitit, Llatja për ATSH-në: Fluks prenotimesh në pikat turistike appeared first on Agjencia Telegrafike Shqiptare.

Ish-ministri i Mbrojtjes në Korenë e Jugut, Kim Yong-Hyun është arrestuar për rolin e tij të dyshuar në shpalljen e ligjit ushtarak. Yong-Hyun dha dorëheqjen nga detyra javën e kaluar, para se prokuroria vendase të jepte urdhrin për arrestimin e tij. Ai është dërguar në një qendër paraburgimi në Suel, ndërsa mediat vendase rapotojnë se […]

The post Arrestohet ish-ministri i Mbrojtjes në Korenë e Jugut appeared first on BoldNews.al.

TIRANË, 6 dhjetor/ATSH/ Një atmosferë festive u krijua mbrëmjen e sotme në qytetin e Lezhës, me ndezjen e dritave të festave. Në ceremoninë festive të organizuar në sheshin “Gjergj Kastrioti” ishin të pranishëm qindra qytetarë të grupmoshave të ndryshme, ku sidomos fëmijët iu gëzuan më shumë atmosferës së krijuar.

“Megjithëse ishte shi, qindra qytetarë lezhjanë dolën sonte për të ndezur pemën e Krishtlindjeve dhe Vitit te Ri 2025! Bashkë me gjyshin mori pjesë dhe Zei Alvin Ndreu, në mes të fëmijëve, duke na dhuruar shumë emocion! Gëzuar Krishtlindjen dhe Vitin e Ri 2025 për gjithë qytetarët e mrekullueshëm lezhjanë”, u shpreh përmes një postimi në Facebook, kryetari i bashkisë Lezhë, Pjerin Ndreu.

Rrugët e qytetit të Lezhës janë mbuluar nga zbukurimet dhe dritat shumëngjyrëshe. Fëmijët dhanë gjithashtu edhe një koncert me këngë dhe valle për të gjithë të pranishmit në sheshin “Gjergji Kastrioti”.

/r.e/

The post Lezha ndez dritat e festave appeared first on Agjencia Telegrafike Shqiptare.

Grupi muzikor britanik Sports Team është grabitur me armë ditën e djeshme, në ditën e parë të turneut të tyre në SHBA.

Frontmeni i grupit Sports Team, Alex Rice tha këta të fundit kishin ndaluar me autobusin e tyre gjatë turneut në një Starbucks në Vallejo, Kaliforni mëngjesin e së martës të martën.

“Ndërsa ai dhe shokët e mi të grupit po porosisnim mëngjesin, dëgjuam dikë duke thënë “a ka dikush jashtë një furgon të bardhë? Po grabitet”. Reagimi vjen natyrshëm, vrapuam drejt tij dhe u përpoqëm ta ndalojmë. Në atë moment njëri nga grabitësit tërheq një armë dhe ia drejton menaxherin tonë të turneut”, tha Alex.

Njëri nga pjesëtarët e grupit britanik shprehet se grabitësit morën një sasi të madhe sendesh personale.

“Të gjithë u drejtuam përsëri në Starbucks. Ata kanë marrë një sasi të madhe sendesh personale dhe pajisjesh muzikore nga mesi i furgonit tonë dhe nuk kemi luajtur ende asnjë notë, pjesë muzikore pasi morëm gjërat tona”, tha Alex Rice.

Grupi po promovon albumin e tyre të tretë, Boys These Days, dhe do të vazhdojë turneun e tyre në SHBA pavarësisht incidentit.

LEXONI GJITHASHTU:

• Ylli i muzikës pop humb shikimin, John: Nuk mund ta shoh muzikalin tim “Devil Wears”
• Shuhet në moshën 88-vjeçare legjenda e muzikës country

The post Banda muzikore britanike grabitet me armë në ditën e parë të turneut të tyre në SHBA appeared first on Euronews Albania.

Bilanci tragjik i përplasjes gjatë një ndeshjeje futbolli të zhvilluar në N’zérékoré, qyteti i dytë më i madh i Guinesë, ka shkuar në të paktën 56 të vdekur, megjithëse disa media lokale raportojnë për më shumë se 100 viktima. Ngjarja nisi pas një vendimi të arbitrit që shkaktoi një pushtim të fushës gjatë ndeshjes midis N’zérékoré dhe Labé. Sipas shtypit lokal, policia përdori gaz lotsjellës pasi tifozët e ekipit vizitor të Labé, të zemëruar nga vendimet e arbitrit, filluan të hidhnin gurë në fushë dhe më pas e pushtuan atë, duke shkaktuar panik mes spektatorëve që përpiqeshin të largoheshin nga stadiumi.

Një mjek, duke folur në kushte anonimiteti, tha se “ka rreth 100 të vdekur” dhe kufomat kanë mbushur spitalin lokal dhe morgun. Mes viktimave ka edhe shumë fëmijë. Kryeministri i qeverisë së drejtuar nga junta ushtarake ka bërë thirrje për qetësi. “Qeveria dënon incidentet që kanë dëmtuar ndeshjen midis Labé dhe N’zérékoré – ka shkruar Amadou Oury Bah në Facebook. – Qeveria po ndjek situatën dhe rithekson thirrjen për qetësi, në mënyrë që shërbimet spitalore të mund të ndihmojnë të plagosurit.” Koalicioni i partive politike i njohur si Aleanca Kombëtare për Alternancë dhe Demokraci ka kërkuar hapjen e një hetimi, duke deklaruar se turneu është organizuar për të mbledhur mbështetje për ambiciet politike “të paligjshme dhe të papërshtatshme” të liderit ushtarak Mamadi Doumbouya.

Guinea drejtohet nga ushtria që kur ushtarët rrëzuan presidentin Alpha Condé në vitin 2021. Turneu, i cili përfundoi me gjakderdhje, ishte kushtuar kreut të juntës, gjeneralit Doumbouya, i cili erdhi në pushtet pas një grushti shteti në shtator 2021 dhe prej atëherë është bërë president. Turnetë e tillë janë shtuar javët e fundit në Guinea, duke u parë si një mbështetje për një kandidaturë të mundshme të Doumbouya në zgjedhjet e ardhshme presidenciale.

AT LEAST 100 DEAD IN GUINEA SOCCER VIOLENCE

Doctors described horrific scenes of carnage after violent clashes between fans at a football match in N'Zerekore, Guinea's second-largest city, with bodies lining hospital hallways and the morgue completely full.

A disputed… pic.twitter.com/haOS575Hc2

— Mario Nawfal (@MarioNawfal) December 2, 2024

The post Tragjedi në stadium, të paktën 56 humbin jetën në N’zérékoré: mes tyre edhe fëmijë appeared first on Lapsi.al.

Pesë persona thuhet se kanë vdekur nga reshjet e borës që përfshiu Korenë e Jugut, me kryeqytetin e saj Seulin që po përballet me reshje të mëdha bore. Bëhet e ditur se rreth 142 fluturime nga Seuli janë anuluar pasi vendi po përballet me ditën e dytë të temperaturave të ngrira dhe 76 linja tragetesh […]

The post Reshjet rekord të borës “mbuluan” Korenë e Jugut, raportohet për 5 viktima appeared first on BoldNews.al.

Presidenti i Republikës, Bajram Begaj, ka pranuar sot letrat kredenciale të tre ambasadorëve të rinj në vendin tonë.

Ambasadorja e Algjerisë

Begaj priti sot në Presidencë Ambasadorin e Republikës së Perusë, Javier Arciniega Calderon, Ambasadorin e Republikës së Koresë, Juseong Lim dhe Ambasadoren e Republikës Demokratike Popullore të Algjerisë, Zaina Benhabouche.

Ambasadori i Koresë

Gjatë takimit, Presidenti Begaj rikonfirmoi angazhimin e Shqipërisë për rritjen e kontakteve të nivelit të lartë politik dhe për rritjen e bashkëpunimit mes vendeve.

Ambasadori i Perusë

Me rastin e pranimit të Letrave Kredenciale u rikonfirmua edhe angazhimi për të zgjeruar më tej agjendën dypalëshe dhe shumëpalëshe midis vendeve.

Bashkë më urimin për suksese përgjatë këtij shërbimi, Presidenti Begaj i përcolli Ambasadorit të Perusë angazhimin e Shqipërisë për zgjerimin e mëtejshëm të marrëdhënieve në nivel dypalësh dhe në kuadër të organizatave ndërkombëtare.

The post Tre ambasadorët e rinj në vendin tonë, Begaj pranon letrat kredenciale: Të angazhuar për të zgjeruar bashkëpunimin appeared first on Sot News | Lajme.

TIRANË, 19 nëntor /ATSH/ Presidenti i Republikës, Bajram Begaj, pranoi sot Letrat Kredenciale të Ambasadorit  të Republikës së Perusë, jo rezident në Shqipëri, Arturo Javier Arciniega Calderon.

Bashkë më urimin për suksese përgjatë këtij shërbimi, Presidenti Begaj i përcolli Ambasadorit të Perusë angazhimin e Shqipërisë për zgjerimin e mëtejshëm të marrëdhënieve në nivel dypalësh dhe në kuadër të organizatave ndërkombëtare.

Gjithashtu Presidenti Begaj, priti sot ambasadoren e Republikës Demokratike Popullore të Algjerisë, jo rezidente në Shqipëri, Zaina Benhabouche.

Gjatë takimit me rastin e pranimit të Letrave Kredenciale u rikonfirmua edhe angazhimi për të zgjeruar më tej agjendën dypalëshe dhe shumëpalëshe midis dy vendeve.

Presidenti i Republikës, Bajram Begaj, priti sot gjithashtu edhe ambasadorin e Republikës së Koresë, jo rezident në Shqipëri, Juseong Lim, të cilit i pranoi Letrat Kredenciale.

Gjatë takimit, Presidenti Begaj rikonfirmoi angazhimin e Shqipërisë për rritjen e kontakteve të nivelit të lartë politik dhe për rritjen e bashkëpunimit ekonomik.

“Shqipëria, theksoi Presidenti i Republikës, është e gatshme të mirëpresë një prani të investitorëve në zhvillimin e projekteve ekonomike, si në infrastrukturë, energji, inovacion dhe programe kompjuterike”. /j.p/

1 nga 3

The post Begaj pranon letrat kredenciale të ambasadorëve të Algjerisë, Perusë dhe Koresë appeared first on Agjencia Telegrafike Shqiptare.