Inspektorati Sanitar i Ministrisë së Shëndetësisë ka mbyllur Pishinën e Gërmisë në Prishtinë, pasi Instituti Kombëtar i Shëndetit Publik në Kosovë njoftoi se uji nuk plotëson standartet për pishinë.

Inspektorët tashmë kanë vendosur shenjën ku tregohet për mbylljen e pishinës, pikërisht në dyert e kësaj pishine.

Telegrafi ka dërguar pyetje në Inspektoratin Sanitar të Shëndetësisë, por deri në publikimin e lajmit nuk ka pranuar ndonjë përgjigje.

Lexo po ashtu IKSHPK: Pishina e Gërmisë nuk plotëson standardet për ujin e pishinës

Më herët, Instituti Kombëtar i Shëndetësisë Publike të Kosovës ka njoftuar se monitoruar cilësinë e ujit në pishinën e Gërmisë, dhe rezultatet e këtyre mostrave te lëshuara me 22 korrik 2025, treguan se parametrat mikrobiologjikë nuk plotësuan standardet për ujin e pishinës.

Kështu ka njoftuar IKSHPK përmes një njoftimi për media, transmeton Telegrafi.

“Instituti Kombëtar i Shëndetësisë Publike të Kosovës (IKSHPK), në kuadër të mandatit të tij për mbrojtjen e shëndetit publik, dhe bazuar në kontratën që ka me ndërmarrjen publike “Sport Marketing” SH.A, që bën menaxhimin e pishinës së Gërmisë në Prishtinë, po bën monitorimin e rregullt të cilësisë së ujit ne këtë pishinë publike. Ekspertët e Ekologjisë Humane nga IKSHPK kanë marrë mostra për analizë laboratorike nga uji i kësaj pishine, të premten më 19 korrik 2025. Rezultatet e këtyre mostrave te lëshuara me 22 korrik 2025, treguan se parametrat mikrobiologjikë nuk plotësuan standardet për ujin e pishinës. Inspektorati Sanitar i Ministrisë së Shëndetësisë ka bërë vizitë në këtë pishinë, në të njëjtën ditë. Më 23 korrik 2025, janë marrë mostra të përsëritura dhe rezultatet përfundimtare pritet të jenë të gatshme ditën e premte, me 25 korrik 2025″, thuhet në njoftim.

Tutje, thuhet se në momentin që rezultatet e reja do të jenë të disponueshme, qytetarët do të njoftohen përmes kanaleve zyrtare të komunikimit të IKSHPK-së./Telegrafi/

The post Inspektorati Sanitar mbyll pishinën e Gërmisë pasi IKSHPK njoftoi se uji nuk i plotëson standardet appeared first on Telegrafi.

Instituti Hidrometeorologjik bën të ditur se sot në Kosovë do të mbajë mot me diell dhe vranësira të shpërndara.

IHK njofton se lokalisht parashihen reshje të shkurtra shiu.

Temperaturat minimale do të jenë nga 12 deri në 16 gradë Celsius, ndërsa temperaturat maksimale nga 28 deri në 32°C.

Era do të fryjë kryesisht nga verilindja, 1–6 m/s.

Ndërkaq, për shkak të temperaturave të larta këtë javë, ku pritet të jenë deri në 38 gradë Ministria e Shëndetësisë, në bazë të rekomandimeve të Institutit Kombëtar të Shëndetësisë Publike të Kosovës, rekomandon që institucionet publike dhe private të zbatojnë masa mbrojtëse për mbrojtjen e punëtorëve nga temperaturat e larta, për periudhën 22 – 25 korrik 2025.

Në njoftimin e MSH-së thuhet se temperaturat e larta ndikojnë negativisht në shëndetin e njeriut, veçanërisht tek grupet më të ndjeshme të shoqërisë, si: fëmijët, të moshuarit, gratë shtatzëna, personat me sëmundje kronike, si dhe punëtorët që punojnë në ambiente të hapura apo në kushte pune me temperatura të larta.

“Ftohen të gjitha institucionet që t’i respektojnë këto rekomandime, me qëllim të mbrojtjes së shëndetit të punëtorëve dhe të grupeve të tjera të ndjeshme”, thuhet në njoftim.

Mbi masat mbrojtëse ndaj ekspozimeve në temperatura të larta

Ministria e Shëndetësisë rekomandon institucionet publike dhe private të marrin masa mbrojtëse të përgjithshme dhe specifike ndaj ekspozimeve në temperatura të larta, si në vijim:

Të shmanget puna në ambient të jashtëm prej orës 11:00-16:00;

Gratë shtatzëna të lirohen nga puna nga ora 11:00 deri në 16:00, nëse në vendin e punës nuk plotësohen kushtet sipas pikave 1.4, 1.5, dhe 1.6

Personat me sëmundje kronike të punojnë me orar të shkurtuar, maksimumi 4 orë në ditë;

Të përshtaten oraret e punës për të punësuarit, në mëngjes herët ose pasdite vonë, përfshirë edhe mundësinë e punës nga shtëpia;

Të sigurohet ajrosja e mjaftueshme në vendet e punës të mbyllura

Të vendosen pika freskimi (përdorimi i çadrave të lëvizshme dhe materialeve tjera për të krijuar hije apo zona freskimi) në vend punishtet e hapura për freskim të punëtorëve dhe të sigurohet qasje në ujë te ftoftë për punëtorët

Të shpërndahen informacione për mënyrat e mbrojtjes nga nxehtësia.

Ministria e Shëndetësisë rekomandon masat mbrojtëse të përgjithshme për qytetarët ndaj ekspozimeve në temperatura të larta, si në vijim:

Të shmanget qëndrimi në ambientin e jashtëm në kulmin e nxehtësisë;

Të konsumohet ujë për tu mbrojtur nga dehidrimi dhe të shmangen pijet e gazuara;

Të përdoren kapelë dhe syze mbrojtëse nga dielli kur qëndrohet jashtë;

Mos të lihen fëmijët vetëm në veturë derisa prindërit/kujdestarët kryejnë ndonjë punë;

Të kontaktohen rregullisht të afërmit e moshuar ose me sëmundje kronike për të vlerësuar nevojat shëndetësore të tyre;

Sipas nevojës të kërkohet ndihmë në shërbimet e urgjencës mjekësore, telefoni 194. /Telegrafi/

The post Parashikimi i motit për sot dhe masat mbrojtëse nga Ministria e Shëndetësisë appeared first on Telegrafi.

Ministria e Shëndetësisë, në bazë të rekomandimeve të Institutit Kombëtar të Shëndetësisë Publike të Kosovës, rekomandon që institucionet publike dhe private të zbatojnë masa mbrojtëse për mbrojtjen e punëtorëve nga temperaturat e larta, për periudhën 22 – 25 korrik 2025.

Në njoftimin e MSH-së thuhet se temperaturat e larta ndikojnë negativisht në shëndetin e njeriut, veçanërisht tek grupet më të ndjeshme të shoqërisë, si: fëmijët, të moshuarit, gratë shtatzëna, personat me sëmundje kronike, si dhe punëtorët që punojnë në ambiente të hapura apo në kushte pune me temperatura të larta.

“Ftohen të gjitha institucionet që t’i respektojnë këto rekomandime, me qëllim të mbrojtjes së shëndetit të punëtorëve dhe të grupeve të tjera të ndjeshme”, thuhet në njoftim.

Mbi masat mbrojtëse ndaj ekspozimeve në temperatura të larta

Ministria e Shëndetësisë rekomandon institucionet publike dhe private të marrin masa mbrojtëse të përgjithshme dhe specifike ndaj ekspozimeve në temperatura të larta, si në vijim:

Të shmanget puna në ambient të jashtëm prej orës 11:00-16:00;

Gratë shtatzëna të lirohen nga puna nga ora 11:00 deri në 16:00, nëse në vendin e punës nuk plotësohen kushtet sipas pikave 1.4, 1.5, dhe 1.6

Personat me sëmundje kronike të punojnë me orar të shkurtuar, maksimumi 4 orë në ditë;

Të përshtaten oraret e punës për të punësuarit, në mëngjes herët ose pasdite vonë, përfshirë edhe mundësinë e punës nga shtëpia;

Të sigurohet ajrosja e mjaftueshme në vendet e punës të mbyllura

Të vendosen pika freskimi (përdorimi i çadrave të lëvizshme dhe materialeve tjera për të krijuar hije apo zona freskimi) në vend punishtet e hapura për freskim të punëtorëve dhe të sigurohet qasje në ujë te ftoftë për punëtorët

Të shpërndahen informacione për mënyrat e mbrojtjes nga nxehtësia.

Ministria e Shëndetësisë rekomandon masat mbrojtëse të përgjithshme për qytetarët ndaj ekspozimeve në temperatura të larta, si në vijim:

Të shmanget qëndrimi në ambientin e jashtëm në kulmin e nxehtësisë;

Të konsumohet ujë për tu mbrojtur nga dehidrimi dhe të shmangen pijet e gazuara;

Të përdoren kapelë dhe syze mbrojtëse nga dielli kur qëndrohet jashtë;

Mos të lihen fëmijët vetëm në veturë derisa prindërit/kujdestarët kryejnë ndonjë punë;

Të kontaktohen rregullisht të afërmit e moshuar ose me sëmundje kronike për të vlerësuar nevojat shëndetësore të tyre;

Sipas nevojës të kërkohet ndihmë në shërbimet e urgjencës mjekësore, telefoni 194. /Telegrafi/

The post Temperaturat përvëluese, MSH me vendim për institucionet publike dhe private: Zbatojini masat mbrojtëse për këtë javë appeared first on Telegrafi.

Shpenzimet publike për shëndetësinë në Shqipëri zbritën në nivelin më të ulët që nga viti 2017, duke zënë vetëm 9.6% të totalit të shpenzimeve publike në vitin 2024, sipas një raporti të organizatës “Together for Life”.

Sipas analizës, megjithëse buxheti i ministrisë së Shëndetësisë dhe Mbrojtjes Sociale ka njohur rritje të ndjeshme gjatë viteve të pandemisë (2017–2021), vitet 2022 dhe 2023 kanë shënuar tkurrje progresive të financimeve.

“Në vitin 2024, pavarësisht rritjes në vlerë nominale, shpenzimet totale të Ministrisë së Shëndetësisë dhe Mbrojtjes Sociale vijojnë të jenë në rënie, duke rezultuar në 3.2% të PBB dhe 10.8% të shpenzimeve të përgjithshme publike. Shpenzimet publike për shëndetësinë dhe mbrojtjen sociale në vitin 2024 shënojnë nivelin më të ulët të matur gjatë 7 viteve të fundit”, thuhet në raport.

Raporti thekson se në këto vite shëndetësia në Shqipëri është nën financuar, sidomos në aspektin e shërbimeve të kujdesit shëndetësor.

“Kjo përforcohet më shumë nga niveli i lartë i pagesave nga xhepi me mbi 50% të totalit të shpenzimeve të bëra për shëndetësinë, të cilat përballohen nga vetë qytetarët”, thekson raporti.

Në nivel rajonal, vendi ynë renditet i fundit sa i takon shpenzimeve në sektorin shëndetësor.

“Përpos faktit që këto shpenzime rezultojnë më të ulëtat, nga analiza vërehet edhe një mospërputhje e shifrave të raportuara nga qeveria shqiptare në dokumentet e saj zyrtare me ato të publikuara nga institucionet ndërkombëtare”.

Qytetarët shqiptarë vijojnë të paguajnë nga xhepi i tyre për shërbime në shëndetësi, më shumë se vendet e tjera ta rajonit, me një nivel prej 51.3% në vitin 2022.

Sa i takon procedurave të ndjekura për tenderat publikë në shëndetësi sipas raportit kontratat përqendrohen në pak operatorë.

“Një numër i vogël kompanish fitojnë shumicën e tenderëve në sektorin farmaceutik dhe pajisje mjekësore, duke kufizuar konkurrencën dhe përjashtuar operatorët e rinj apo të vegjël”, thekson raporti.

Në krye të listës së operatorëve që kanë përfituar më shumë kontrata gjatë viteve të fundit janë:

• INCOMED – 37 kontrata,
• MEGAPHARMA – 28 kontrata,
• MEDICAMENTA – 20 kontrata,
• REJSI FARMA – 20 kontrata,
• ALDOSCH-FARMA – 19 kontrata,
• EVITA – 18 kontrata.

Ndërsa në 80% të procedurave të anuluara kanë ndodhur për shkak të gabimeve nga stafi përgjegjës.

“Nga 122 procedura të anuluara, 98 u anuluan për shkak të gabimeve në dokumentacionin e tenderit, duke reflektuar mangësi serioze në përgatitjen dhe menaxhimin e tyre”.

Po ashtu, në proceset e tenderimit vihet re nivel i ulët i konkurrencës, me një mesatare prej 1.37 operatorësh ekonomikë për procedurë.

Diferencat midis fondit limit dhe ofertave fituese për secilin lot janë minimale sipas raportit, duke ngritur shqetësime mbi mungesën e konkurrencës efektive dhe kriteret që kanë ndikuar në këtë rezultat.

Në përfundim raporti sugjeron disa rekomandime që fokusohen në rritjen e shpenzimeve publike për shëndetësinë, përmirësimin e transparencës dhe publikimit të të dhënave, rritjen e konkurrencës në tendera, forcimin e mekanizmave të monitorimit dhe auditimit dhe rishikim të kuadrit ligjor.

The post Qytetarët paguajnë nga xhepi, fondet për shëndetësinë në nivelin e 2017-ës appeared first on Citizens.al.

Ish-ministri i Shëndetësisë Ilir Beqaj, prej disa ditësh ndodhet i shtruar në QSUT. Sipas burimeve brenda spitalit, Beqja ka shkuar me temperaturë të lartë dhe alergji në lëkurë, ndërsa gjendja aktualisht paraqitet e mirë.

Që prej ditës së shtunë ndodhet i shtruar në shëbimin e alergologjisë në QSUT, prej alergjisë që i është shkaktuar. Sjellim ndërmend se Beqaj mbahet prej 1 viti në paraburgimin e Durrësit për dosjen SASPAC të abuzimit me donacionet e huaja ndërsa po gjykohet me procedurë të zakonshme për dosjen e sterilizimit./abcnews.al

TIRANË, 9 korrik /ATSH/ Spitali “Dr. Stefan Gjoni” në Krujë ka pësuar një transformim të plotë nga rikonstruksioni që është kryer në të pas dëmtimeve që pësoi nga tërmeti i 26 nëntorit 2019.

Kryeministri Edi Rama ndau në rrjetet sociale pamjet nga punimet që janë bërë për rikonstruksionin e spitalit, duke theksuar se transformimi sjell një qendër moderne për mbi 85 mijë banorë.

“Transformimi në Spitalin “Stefan Gjoni” në Krujë sjell një qendër moderne për mbi 85 mijë banorë, me infrastrukturë të re, shërbime më efikase dhe urgjencë me teknologji bashkëkohore. Një tjetër hap drejt Shëndetësia 2030 me kujdes cilësor dhe pranë qytetarëve”, shkruan Rama.

Spitali i ri i Krujës do të ketë një kapacitet prej 124 shtretërish, ndërsa risi e këtij investimi është shtimi i shërbimit të kontingjencës dhe rehabilitimit.

Në spitalin e ri të Krujës do të ofrohen edhe shërbimet e poliklinikës.

/m.q/j.p/

The post Rama: Spitali i Krujës transformim në qendër moderne për mbi 85 mijë banorë appeared first on Agjencia Telegrafike Shqiptare.

Kandidatja e Partisë Socialiste për deputete në qarkun e Vlorës, Ina Majko, është emëruar zëvendësministre e Shëndetësisë dhe Mbrojtjes Sociale. Ky emërim i saj në Qeveri vjen, pasi ajo nuk arriti të merrte mandatin e deputetit më 11 Maj. Këtë gjë ia kishte premtuar vetë Edi Rama para zgjedhjeve, ku deklaroi publikisht, se nëse ajo […]

The post Ja premtoi para zgjedhjeve, Rama bën pjesë të Qeverisë vajzën nga komuniteti rom appeared first on BoldNews.al.

Kur Gigi Calesso lexoi në gazeta për rritjen e kostos së qendrave për emigrantët e Italisë në Shqipëri, ai u trondit shumë. Si një aktivist i së majtës për çështjet mjedisore dhe të drejtat e njeriut, administratori bankar gjashtëdhjetëvjeçar nga Treviso, afër Venecias në verilindje të Italisë, e kishte ndjekur me kujdes sagën që nga […]

The post Eksperiment i kushtueshëm: Italia peshon kostot e qendrave për emigrantët në Shqipëri appeared first on Reporter.al.

Gazetari Osman Stafa ka dorëzuar një kallëzim në SPAK ndaj drejtuesve të QSUT, ministres së Shëndetësisë Albana Koçiu dhe zv/ministrat përgjegjës për mosfunksionimin e pajisjes për “brakiterapi” e cila është jetike për çdo grua që po lufton me kancerin gjinekologjik.

Sipas Stafës, pajisja për brakiterapi, një trajtim jetik për pacientët me kancer, është lënë pa mirëmbajtje dhe nuk funksionon. Gazetari thotë se kallëzimi është vetëm hapi i parë në një betejë për të sjellë drejtësi dhe për të marrë përgjegjësitë për këtë situatë të rëndë.

Postimi:

E bëra këtë kallëzim jo për veten time. E bëra për çdo grua që po lufton me kancerin gjinekologjik dhe që ka nevojë për brakiterapi, një trajtim i domosdoshëm që nuk bëhet aktualisht në Shqipëri, sepse pajisja është lënë pa mirëmbajtje.
Nuk është thjesht një pajisje. Është një mundësi jete. Dhe kur shteti harron të mirëmbajë një pajisje që shpëton jetë, kjo nuk është më neglizhencë, është krim. Ky kallëzim është vetëm hapi i parë. E vërteta nuk do fshihet më. Heshtja nuk është më opsion.

The post Mungesa e brakiterapisë për gratë me kancer, gazetari Osman Stafa kallëzon në SPAK ministren e Shëndetësisë appeared first on Sot News | Lajme.

Një total prej 287 personash me lëndime të ndryshme u shtruan në spitale pas sulmeve të reja raketore iraniane ndaj Izraelit, njoftoi shërbimi për shtyp i Ministrisë së Shëndetësisë izraelite.

Të paktën një person u shtrua në spital me lëndime kritike, 13 persona pësuan lëndime të moderuara dhe 240 të tjerë morën lëndime të lehta, tha ministria. 11 persona të tjerë kërkuan ndihmë mjekësore për shkak të shokut, dhe më shumë se 20 pacientë aktualisht po i nënshtrohen ekzaminimeve mjekësore, ashpërsia e gjendjes së tyre ende nuk është konfirmuar.

Ministria e shëndetësisë nuk dha të dhëna për viktimat nga sulmet e natës. Sipas shifrave të fundit të publikuara nga faqja e internetit e lajmeve Ynet, të paktën tetë persona janë vrarë deri më tani.

LEXONI GJITHASHTU:

• Parandalohet sulmi terrorist ndaj disa zyrtarëve në Ukrainë, ndalohet shtetasi rus
• Raporti sekret: Netanyahu kërkoi leje për vrasjen e liderit iranian, Trump e refuzoi

The post Ministria e Shëndetësisë izraelite: Të paktën 287 persona u plagosën gjatë natës appeared first on Euronews Albania.

TIRANË, 1 qershor /ATSH/ Në kuadër të festimeve për Ditën Ndërkombëtare të Fëmijëve, ministrja e Shëndetësisë dhe Mbrojtjes Sociale Albana Koçiu festoi së bashku me fëmijët përfitues të programeve sociale të qeverisë.

Ministrja së bashku me fëmijët ishin të pranishëm në një fermë ku zhvilluan aktivitete të ndryshme si gatimi i ëmbëlsirave, njohja më kafshët, vjelja e perimeve, vizatime si dhe u shpërndanë edhe dhurata.

Ministrja ndau në rrjetet sociale momente nga aktiviteti me fëmijët ku shkruan se “1 Qershorin e festuam mes natyrës, kafshëve dhe shumë buzëqeshjeve, së bashku me fëmijët përfitues të programeve tona sociale”.

“Një ditë ndryshe, plot lojë, argëtim dhe dashuri, sepse çdo fëmijë meriton të ndihet i veçantë dhe i lumtur”, shkruan më tej ministrja.

Dita Ndërkombëtare e Fëmijëve u shpall më 1925-ën nga Konferenca Botërore e Mirëqenies së Fëmijëve, në Zvicër.

Kjo ditë synon t’u kujtojë të rriturve të mbrojnë fëmijët nga çdo lloj abuzimi dhe t’u krijojë atyre mundësitë për të ngritur të ardhme të paqtë.

Dita Ndërkombëtare e Fëmijëve kremtohet në fillim të qershorit, kryesisht në vendet e ish- bllokut komunist, ndërsa shumë vende të tjera të botës e kremtojnë në 20 nëntor, që përkon me Deklaratën e të Drejtave të Fëmijëve nga Asambleja e Kombeve të Bashkuara.

Në disa shtete nuk ka një ditë feste, por plot një javë festime, duke e quajtur Java e Fëmijëve. /j.p/

The post Lojëra dhe dhurata për 1 qershorin, Koçiu me fëmijët përfitues të programeve sociale appeared first on Agjencia Telegrafike Shqiptare.

Në Shqipëri, mbi 100 mijë diabetikë luftojnë çdo ditë me një sëmundje që kërkon monitorim dhe trajtim të vazhdueshëm. Ndërkohë që qeveria paguan miliona euro për koncesione private dhe shërbime të pakryera, ajo nuk arrin dot të mbulojë as 120 lekë në ditë për fishat e diabetit, duke lënë pensionistët në një betejë të heshtur […]

The post Rimbursimi në letër, shpenzime nga xhepi! Realiteti i diabetikëve shqiptarë appeared first on BoldNews.al.

Qeveria Rama po vijon të shtrëngojë edhe më shumë fondet për shëndetësinë edhe pse jemi një nga vendet që financon më pak këtë sektor. Të dhënat zyrtare tregojnë se vitin e kaluar, shpenzimet publike për shëndetësinë u ulën me 9 milionë euro krahasuar me një vit më parë. Sipas të dhënave, vitin e kaluar qeveria […]

The post Qeveria Rama shkurtoi shpenzimet për shëndetësinë në 2024-ën appeared first on BoldNews.al.

Vendimi për unifikimin e çmimeve të barnave, që hyri në fuqi më 1 shkurt të këtij viti, synon unifikimin e çmimeve në të gjitha barnatoret, duke ulur koston për qytetarët.

Sipas Ministrisë së Shëndetësisë, ky vendim do të sillte ulje të ndjeshme të çmimeve për mbi 2900 produkte medicinale, në disa raste 5-10 fish.

Ky ligj parashihet të jetë funksional nga fundi i vitit, ndërkohë që janë depoistët që bëjnë thirrje për jetësim sa më të shpejtë.

Lista e Çmimeve të Barnave me detyrim të zbatimit në tregun vendor, nga data 1 shkurt i këtij viti, edhe më tej mbeten sfida të farmacistëve dhe distributorëve farmaceutik, raporton RTK.

Farmacistët vënë në pah se kanë humbje ekonomike, për shkak të stokut ekzistues të blerë me çmime të larta. Mospajtimet mbesin në pikën 6 të paragrafit 11,që i obligon vendosjen e çmimit në banderolë.

Ndërkohë sipas shoqatës së distributorëve të produkteve farmaceutik edhe medicinale, marzha e fitimit prej 7.5 për qind, e përcaktuar nga vendimi është më e ulët se shpenzimet e tyre operative, të cilat variojnë nga 12 deri në 20 për qind .

Pavarësisht, pakënaqësisë dhe ankesave, Ministria e Shëndetësisë ka paraparë që nga fundi i vitit ligji të jetë funksional.

Moszbatimi i çmimores së barnave, ka ngecur në zbatim për shkak të humbjeve financiare nga stoku i barnave me çmime të vjetra, marzhave të pamjaftueshme të fitimit, mungesës së mbikëqyrjes efektive shtetërore, rezistencës së sektorit privat, dhe mungesës së qartësisë dhe përgatitjes në terren.

Kjo ka krijuar një hendek mes vendimit formal dhe realitetit në farmacitë e vendit, duke e lënë qytetarin ende pa përfitimin e plotë të uljes së çmimeve.

The post Unifikimi i çmimeve të barnave do të sillte ulje për mbi 2900 produkte appeared first on Telegrafi.

Shkurtimet masive të buxhetit dhe një marrëveshje për të luftuar kërcënimet shëndetësore në nivelin e pandemisë së COVID-19 janë në qendër të vëmendjes këtë javë në Gjenevë, ku përfaqësues nga pothuajse çdo vend i botës janë mbledhur për Asamblenë Botërore të Shëndetësisë.

Asambleja, që zhvillohet çdo maj, përcakton politikat dhe buxhetin e Organizatës Botërore të Shëndetësisë (OBSH) për vitin e ardhshëm. Tema e këtij viti është “Një Botë për Shëndetin”, por përballë një klime financiare sfiduese, atmosfera në Gjenevë mbetet e tensionuar.

Për vitin 2025, OBSH përballet me një mungesë prej 600 milionë dollarësh, ndërsa për periudhën 2026–2027 është propozuar një shkurtim buxheti në 4.2 miliardë dollarë, nga 5.3 miliardë dollarë të planifikuar më parë.

Shumë programe globale po pësojnë reduktime për shkak të mungesës së fondeve nga donatorët kryesorë si SHBA, Mbretëria e Bashkuar, Franca dhe Holanda.

OBSH u ka kërkuar shteteve një rritje prej 20% të kontributeve vjetore për të reduktuar varësinë nga financimi vullnetar.

Për shkak të shkurtimeve, janë prekur struktura të ndryshme të stafit dhe zyrave rajonale, ndërsa agjencia po fokusohet vetëm tek nevojat më urgjente globale shëndetësore.

Një ndër çështjet kryesore është miratimi i një traktati për pandeminë, për të përmirësuar gatishmërinë dhe reagimin ndaj pandemive të ardhshme. Traktati synon forcimin e mbikëqyrjes së sëmundjeve, ndarjen më të shpejtë të të dhënave dhe përfitimeve, si dhe qasjen më të barabartë në vaksina dhe ilaçe.

Një pjesë ende e papërfunduar është sistemi PABS (akses dhe ndarje e përfitimeve të patogjenëve), për të cilin negociatat do të vazhdojnë edhe një vit pas miratimit të traktatit.

Në rendin e ditës janë edhe sfida të tjera, si sëmundjet jo-ngjitëse dhe shëndeti mendor. Këto tema pritet të diskutohen më tej në takimin e nivelit të lartë të OKB-së në shtator, por Asambleja është një mundësi për të shtyrë përpara angazhime politike në këtë drejtim.

Shtetet do të shqyrtojnë rezoluta për sëmundjet e veshkave, kancerin e qafës së mitrës, verbërinë dhe dëmtimin e dëgjimit.

Ndryshimet klimatike janë një tjetër pikë kyçe. Asambleja pritet të votojë një plan që lidh shëndetin me angazhimet ndaj klimës në kuadër të Marrëveshjes së Parisit, por organizatat mjedisore kanë shprehur pakënaqësi për masat e dobëta që adresojnë rolin e karburanteve fosile.

Një tjetër çështje që kërkon vëmendje është strategjia globale për demencën. OBSH propozon zgjatjen e planit deri në vitin 2031, ndërkohë që aktualisht vetëm 26% e vendeve anëtare kanë miratuar plane kombëtare për përballimin e kësaj sëmundjeje.

Ekspertët shprehen se rezultatet e kësaj asambleje do të varen kryesisht nga zbatimi konkret i vendimeve, në një kohë kur mungesa e fondeve përbën pengesën kryesore për progres real.

LEXONI GJITHASHTU:

• Rekomandimet e OBSH-së: Të shpëtojmë jetë duke ulur konsumin e kripës
• Aksidentet rrugore, si e vlerëson OBSH sigurinë e çiklistëve dhe këmbësorëve

The post “Shkurtime dhe mungesë fondesh”, OBSH në vështirësi përballë sfidave shëndetësore appeared first on Euronews Albania.

Që nga funksionalizimi në qershor të vitit të kaluar, Reparti i Kardiologjisë Invazive pranë Spitalit të Përgjithshëm të Prizrenit ka realizuar rreth 640 koronarografi, nga të cilat 230 kanë përfunduar me vendosje stenti në zemër.

Ky repart, i cili posedon një nga infrastrukturat më moderne në rajon, po trajton pacientët jo vetëm të regjionit të Prizrenit, por edhe të sëmurëve nga pjesa tjetër e Kosovës.

Për të gjithë prizrenasit dhe jo vetëm që kanë telashe me zemrën në këtë repart ata mund t’i nënshtrohen tipit të ndërhyrjeve si koronarografi dhe stentime në zemër.

Shefi i repartit, Fazli Berisha, thekson se puna në këtë repart ka nisur me vetëm dy ditë në javë, por tashmë operacionet dhe trajtimet kryhen pesë ditë në javë.

“Kardiologjia Invazive në Spitalin e Prizrenit kemi filluar punën nga 14 qershori i vitit 2024. Nga 14 qershor deri më 9 janar kemi punuar dy herë në javë ku janë punuar raste elektive dhe rastet akute që kanë ardhur brenda 24 orëve. Ndërsa, nga 9 dhjetori i vitit të kaluar kemi filluar  pesë ditë në javë ku kemi punuar me listë elektive nga QKUK na kanë dërguar Klinika e  Kardiologjisë ne kemi bërë përgatitjen, përpunimin e pacientëve dhe bashkë me ekipin nga QKUK janë punuar. Nga 1 janari i këtij viti kemi filluar po ashtu pesë herë në javë dhe çdo të shtunë mbahet kujdestari 24 orë për rastet akute stemi dhe nënstemi”, thotë ai.

Të gjitha ndërhyrjet e kryera në këtë repart të Kardiologjisë Invazive në Spitalin e Prizrenit janë kryer pa asnjë komplikim.

“Deri tani nga qershori i vitit të kaluar janë punuar  diku 640 koronarografi prej tyre diku 230 PCI stentime, deri tani nuk kemi pas asnjë komplikim të vogël gjithçka ka shkuar pa komplikime… Deri para një muaji kemi punuar me listë të pritjes të regjionit të Dukagjinit ku kemi pasur pacientë nga Peja, Klina, Istogu kurse muajt e fundit kemi pacientë edhe nga Podujeva, Gjilani, Prishtina, Kaçaniku pothuajse nga të gjitha komunat e Kosovës”, thekson ai.

Reparti i Kardiologjisë Invazive në Prizren ka në dispozicion gjithsej pesë dhoma për pacientët që i nënshtrohen ndërhyrjeve kardiologjike.

Ndërsa, pajisjet në këtë repart janë ndër më të avancuara në rajon.

“Pajisja është e fjalës së fundit – angiografi, fillimisht është bërë përgatitja e sallës… Mund të themi se në nivel të Kosovës, por edhe në nivel ballkanik jemi konkurrent sa i përket pajisjeve dhe kushteve të punës… E kemi sallën e kateterizimit, i kemi pesë shtretër për pacientë… Në shërbimin e Kardiologjisë Invazive këtu në Spital të Prizrenit kryhet procedura e koronarografisë dhe PSI stentimi, nëse ka nevojë pacientë ekipi vendos nëse ka nevojë për stentim realizohet”, thotë kardiologu Berisha.

Investimet në infrastrukturë dhe blerja e pajisjeve është bërë nga Ministria e Shëndetësisë në bashkëpunim me Agjencinë e Luksemburgut për Bashkëpunim Zhvillimor. /Kosovapress/

The post Reparti i Kardiologjisë Invazive në Spitalin e Prizrenit me mbi 600 koronarografi appeared first on Telegrafi.

Etleva* ishte vetëm 20 vjeç kur u diagnostikua me një sëmundje autoimunitare të pashërueshme të quajtur Skleroza Multiple. Në vitin 2001, kur ishte studente në Itali, ajo përfundoi në spital për shkak të dhimbjeve të forta të kokës, mpirjes në njërën anë të trupit dhe disa episodeve të humbjes së ekuilibrit. Lajmi që mori nga mjekët […]

The post Pacientët me sklerozë multiple lëngojnë nga qasja e kufizuar në barna appeared first on BoldNews.al.

Emisioni Investigativ ‘Tak Fak’, u ndal këtë të hënë te një premtim që nuk është realizuar nga Ministria e Shëndetësisë, që daton në vitin 2023 dhe vazhdon ende të jetë në letër. Bëhet fjalë për kabinetet e fizioterapisë në 17 Qendra Shëndetësore, kryesisht në Qarkun e Tiranës dhe të Durrësit. Kamera e fshehtë e ‘Tak […]

The post “Si furrikë…”, ja si duken kabinetet e premtuara të fizios brenda Qendrave Shëndetësore appeared first on BoldNews.al.

TIRANË, 11 mars /ATSH/ Ministrja e Shëndetësisë dhe Mirëqenies Sociale, Albana Koçiu bashkë me ministrin e Shëndetësisë së Italisë, prof. Orazio Schillaci, zhvilluan sot një takim me stafin akademik dhe studentët e Universitetit të Mjekësisë, organizuar nga Rektori i Universitetit, Prof. Dr. Xheladin Draçini.

Ministrja Koçiu thekson se gjatë takimit u zhvillua një “bisedë e hapur mbi angazhimin e dy vendeve tona në forcimin e bashkëpunimit akademik dhe shkencor, përmes projekteve të përbashkëta, zgjerimit të programeve të studimit dhe krijimit të mundësive të reja për specializime dhe kërkim shkencor”.

Konkretisht sipas Koçiut, gjatë takimit u diskutua për “konsolidimin e programeve të formimit profesional për studentët e mjekësisë; Zhvillimin e projekteve kërkimore në fushën e shëndetësisë për të nxitur inovacionin dhe shkëmbimin e eksperiencave si dhe rritjen e mundësive për mobilitet akademik për studentët dhe pedagogët mes dy vendeve”.

”Të angazhuar të forcojmë më tej lidhjet mes Shqipërisë dhe Italisë në fushën e shëndetësisë”, shkruan Koçiu.

The post Koçiu dhe Schillaci në Universitetin e Mjekësisë: Bashkëpunim akademik dhe shkencor me Italinë appeared first on Agjencia Telegrafike Shqiptare.

TIRANË, 11 mars/ATSH/ Ministrja e Shëndetësisë dhe Mbrojtjes Sociale, Albana Koçiu së bashku me ministrin e Shëndetësisë të Italisë, Orazio Schillaci, në vijim të vizitës së tij dyditore në Tiranë, kanë parë nga afër shërbimin e neonatologjisë dhe kujdesin që ofrohet për nënat dhe foshnjat në Spitalin Universitar Obstetrik Gjinekologjik “Koço Gliozheni”.

Kjo vizitë u zhvillua në kuadër të Deklaratës së Mirëkuptimit nënshkruar një ditë më parë mes MSHMS dhe Agjencisë Italiane të Bashkëpunimit për Zhvillim në Tiranë.

Koçiu dhe Schillaci panë nga afër ambientet e pavionit të shërbimit neonatal, i cili falë marrëveshjes  së re ndërmjet dy vendeve do të përmirësojë më tej infrastrukturat shëndetësore dhe aftësitë teknike e profesionale  për menaxhimin e shëndetit të nënës-fëmijës dhe të të porsalindurve.

Ministrja Koçiu bëri me dije se vizioni i Programit të Transformimit të Maternitetit është përmirësimi i kujdesit për nënat dhe foshnjat.

“Në kuadër të Deklaratës së Mirëkuptimit të nënshkruar mes dy vendeve, Shqipëri-Itali, do të vijojmë përmirësimin e shërbimeve neonatale në maternitetet e Tiranës, Fierit dhe Dibrës, duke forcuar infrastrukturën dhe rritur aftësitë profesionale të stafit mjekësor”, nënvizoi ajo.

Si pjesë e këtij programi, në Maternitetin “Koço Gliozheni” ka filluar rinovimi i dhomave të lindjes dhe sallave të operacionit, me mbështetjen e qeverisë, si dhe do të vijohet më tej me ndërtimin e një hapësirë të dedikuar për kujdesin neonatal.

“Kjo hapësirë jo vetëm do të ofrojë kujdes shëndetësor të specializuar, por do të shërbejë edhe si qendër kombëtare reference për rastet komplekse, duke përfshirë foshnjat me dëmtime të lindjes, anomali kromozomike, sëmundje të zemrës, ekspozim ndaj substancave, infeksione dhe prematuritet”, – nënvizoi Ministrja e Shëndetësisë.

Koçiu dhe Schillaci panë nga afër edhe Qendrën e Riprodhimit të Asistuar (FIVET) ku shërbimi i fertilizimit in vitro ofrohet falas për çiftet që duan të kenë fëmijë, falë Paketës së Fertilitetit të financuar nga buxheti i shtetit.

“Po punojmë që brenda vitit 2025 të hapim Qendrën e Dytë Kombëtare të Riprodhimit të Asistuar pranë Spitalit “Mbretëresha Geraldinë”, duke zgjeruar më tej mundësitë e trajtimit për çiftet që kanë nevojë për këtë shërbim”, deklaroi ajo.

Ministrja e Shëndetësisë dhe Mbrojtjes Sociale, Albana Koçiu nënvizoi se “ky bashkëpunim me Italinë është një hap i rëndësishëm për të garantuar shërbime më cilësore dhe të aksesueshme për të gjitha gratë dhe foshnjat”.

Nënshkrimi i Deklaratës së Mirëkuptimit shënon një tjetër moment të rëndësishëm për rritjen dhe forcimin e mëtejshëm të bashkëpunimit në fushën e shëndetësisë mes Shqipërisë dhe Italisë për shkëmbimin e praktikave dhe njohurive më të mira në sektorin e shëndetit të nënës-fëmijës dhe të porsalindurve.

Nëpërmjet asistencës teknike dhe projekteve të përbashkëta shëndetësore synohet rritja e cilësisë së shërbimeve dhe e përkujdesit neonatal në katër spitale, në maternitetet “Koço Gliozheni” dhe “Mbretëresha Geraldinë” në Tiranë, si dhe në spitalet e Fierit dhe Dibrës. /j.p/

Nga vizita e ministres së Shëndetësisë dhe Mbrojtjes Sociale, Albana Koçiu dhe ministrit të Shë...

1 nga 10

The post Koçiu dhe Schillaci vizitojnë maternitetin “Koço Gliozheni”: Hapësirë e re moderne dedikuar kujdesit neonatal appeared first on Agjencia Telegrafike Shqiptare.