Porti i Vlorës ka pritur në orët e para të mëngjesit 1019 pasagjerë dhe 267 automjete nga trageti i linjës Brindisi–Vlorë. Raportohet ndërkohë se autoritetet portuale presin një fluks edhe më të madh gjatë pasdites.
Sipas informacioneve, e sotmja shënon ditën me numrin më të lartë të pasagjerëve për këtë sezon, duke kaluar shifrën e 2000 udhëtarëve të mbërritur brenda ditës.
Fluksi më i madh regjistrohet zakonisht gjatë fundjavave, kur shumë shqiptarë që punojnë dhe jetojnë në vendet e Bashkimit Europian zgjedhin të kthehen në atdhe për pushimet verore. /tpz
Struktura e Posaçme Anti Korrupsion (SPAK) po heton koncesionin e Aeroportit të Vlorës. Informacioni u konfirmua nga regjistri i kërkesave për të drejtë informimi, publikuar në faqen e institucionit.
Më 20 qershor, SPAK rezulton të ketë administruar një kërkesë për informacion në lidhje me ekzistencën ose jo të një hetimi mbi kontratën koncesionare të Aeroportit të Vlorës dhe nëse po, në çfarë faze ndodhej ai.
Në përgjigjen zyrtare, referuar më 7 korrik, SPAK deklaron se “ka regjistruar procedim penal në lidhje me kontratën dhe ky procedim ndodhet në fazën e hetimeve paraprake”.
Hetimi po ndodh teksa aeroporti ka kryer testet e para të fluturimeve nën një valë të shtuar kontestimesh nga organizatat mjedisore për mënyrën se si u konceptua në një zonë të mbrojtur.
Më herët, ka pasur pretendime për mënyrën se si u dha ky koncesion duke nxitur dyshime për favorizime.
Në maj, teksa u kryen fluturimet testuese, Citizens.al përmblodhi pretendimet dhe historikun e kësaj çështjeje në artikullin:
Aeroporti në Vlorë është ide e hershme e qeverisë Rama. Që në fillim ajo u shoqërua me dritëhije ndikimesh dhe favorizimesh politike.
Zyrtarisht për këtë ide u mësua në tetor 2017 kur ministria e Infrastrukturës shpalli fituesin e tenderit për studimin e fizibilitetit nga një studio arkitekture e lidhur ngushtë me projektet e urbanistike të qeverisë: kompaninë Seed Consulting, asokohe në pronësi të ortakëve të Atelier 4, vëllezërit Alban, Andi dhe Olsi Efthimi (Eftimi).
Pista e Aeroportit të Vlorës gjatë testimit, maj 2025/Facebook.
Në janar 2018, kryeministri Rama deklaroi se kishte marrë kërkesë zyrtare për ndërtimin e aeroportit dhe se ai do të niste brenda qershorit të atij viti. Deklarata u bë ende pa u publikuar studimi i fizibilitetit dhe pa u shpallur ndonjë procedurë tenderimi.
Kërkesa në fjalë ishte nga konsorciumi turk i tre kompanive: “Cengiz Constr.” (Mehmet Cengiz), “Kalyon Constr.” (Ömer Faruk Kalyoncu) dhe “Kolin Constr.” (Celal Koloğlu) – të njohura për lidhjet e tyre të ngushta me Presidentin turk Recep Tayyip Erdoğan.
Kjo kërkesë pasoi një vizitë të Ramës në Turqi, ku ai bëri të ditur se Erdoğan kishte premtuar ndihmë për krijimin e një kompanie ajrore shqiptare – Air Albania dhe se selia e saj do të ishte pikërisht Aeroporti i Vlorës.
Megjithatë, në prill 2019, konsorciumi turk u tërhoq nga koncesioni pa shpjegime dhe ministria njoftoi hapjen e një gare tjetër. Më herët Komisioneri përgjegjës për zgjerimin në BE qe shprehur se do ta shqyrtonte nëse kishte pasur shkelje të Marrëveshjes së Stabilizim-Asociimit (MSA) në rastin e kësaj ujdie.
Në shtator 2019, kryeministri njoftoi se projekti i ri ishte hartuar nga studioja Archea e arkitektit italian Marco Casamonti – edhe ky i lidhur ngushtë me projektet e urbanistike të qeverisë – dhe një ditë më pas, e prezantoi atë në qytetin e Vlorës.
Qeveria e dha përfundimisht me koncesion 35-vjeçar projektimin, ndërtimin dhe operimin e Aeroportit të Vlorës në dhjetor 2019.
Sipërmarrësit Behgjet Pacolli (Mabetex, Mabco Constructions) dhe Valon Ademi (2A Group) u shpallën fitues me një ofertë prej rreth 104 milionë eurosh. Në garë ishte dhe kompania e Aldi Çelit (AL-DE Corporation Ltd), por ajo u skualifikua pasi “nuk paraqiti ofertë”, argumentim që u kundërshtua nga përfaqësuesit e Çelit, të cilët ngritën pretendime për favorizime.
Në ofertën fituese të sipërmarrësve Pacolli dhe Ademi ishte edhe dyshja e sipërmarrësve turq Cuneyt dhe Huseyin Arslan (YDA Insaat Sanayi Ve Ticaret Anonim Sirketi) – të cilët njihen gjithashtu për afërsinë me Presidentin turk Recep Tayyip Erdoğan pasi me urdhër të tij ata ndërtuan Spitalin Rajonal Memorial të Fierit – por që në shtator 2022 ata ia shitën kuotat (40%) Pacollit për vetëm 4,450 euro.
Punimet për aeroportin nisën me një ceremoni solemne më 28 nëntor 2021, pavarësisht se projekti nuk kishte marrë ende leje mjedisi dhe ndërtimi – zyrtarisht qe miratuar vetëm “Leja e zhvillimit” dhënë nga qeveria në nëntor të atij viti, leja e mjedisit u dha një muaj më vonë dhe ajo e ndërtimit pas 15 muajsh të tjerë, më 9 nëntor 2022.
Shqetësimet për ndikimet në mjedis
Aeroporti i Vlorës nisi të ndërtohej pranë fshatit Akërni në lagunën e Nartës – një zonë e mbrojtur dhe vendbanim për më shumë se 62 lloje shpendësh të listuar në Direktivën e Shpendëve të BE-së.
Organizatat mjedisore denoncuan se si projekti shkelte ligjet kombëtare dhe konventat ndërkombëtare teksa rrezikonte dëme të rënda në ekosistemin e zonës dhe në rrugët migratore të shpendëve.
Master-Plani i Aeroportit të Vlorës ku bie në sy zhvillimi masiv me ndërtime në zonën mes Hidrovorit dhe grykëderdhjes së Vjosës.
Qeveria mohoi shkeljet dhe në të gjitha rastet e mbrojti investimin duke u zotuar se ky aeroport është konform planit strategjik për zhvillimin e ekonomisë dhe turizmit, se ai do të jetë ndërkombëtar dhe se do të presë avionë të mëdhenj.
Por mjedisorët druajnë se zhurmat e mëdha dhe fluturimet e avionëve të mëdhenj do të dëmtojnë shpendë të rrezikuar si pelikanët kaçurrelë. Për këtë Konventa e Bernës ka kërkuar disa herë ndalimin e punimeve dhe rishikimin e projektit.
Ndërkohë masterplani i botuar nga ministria gjatë garës zbuloi se funksioni i vërtetë i aeroportit do të jetë për të pritur flukset e turistëve që parashikohet t’i drejtohen zonës së lagunës, e cila prezantohet me ndryshime rrënjësore me ndërtime resortesh, mjedisesh sportive, agrikulture dhe një porti jahtesh.
Përmasat e mëdha të aeroportit të Vlorës marrin kuptim edhe nga projektet e tjera me zhvillime kolosale në dëm të mjedisit që parashikohen në zonat përreth si derdhja e Vjosës, Hidrovori, Zvërneci dhe Sazani, dy të fundit, të prezantuara bujshëm vitin e shkuar nga dhëndri i Presidentit amerikan, Donald Trump, Jared Kushner. Ky fitoi statusin e investitorit strategjik në janar 2025.
Në prill 2025, Bashkia e Mynihut njoftoi tërheqjen nga përfshirja e saj si këshilltare në projektin e Aeroportit të Vlorës, pas presionit të vazhdueshëm nga organizatat mjedisore. Komiteti Ekonomik përgjegjës për ekonominë e qytetit gjerman u distancua kështu nga ndikimi negativ mjedisor që paraqet projekti.
Në Akërni të Vlorës, mes grykëderdhjes së Vjosës dhe lagunës së Nartës, aty ku tingujt e natyrës kryqëzohen me rrugët migratore të shpendëve, sot u ulën dy avionë.
Prej më shumë se dy vitesh, përballjet mbi shkeljet në ndërtimin e Aeroportit të Vlorës janë zhvilluar jo vetëm në sallat e gjyqit, por edhe në hapësirat publike dhe diplomacinë ndërkombëtare.
Që nga padia e parë në vitin 2022 nga qendra “Për ruajtjen dhe mbrojtjen e mjedisit natyror në Shqipëri” (PPNEA) dhe Shoqata Ornitologjike e Shqipërisë (AOS), mbështetur nga EuroNatur, kundër koncesionit të qeverisë, e deri te ndërhyrja e Gjykatës së Lartë që ende nuk ka zbardhur vendimin e saj më shumë se një vit pas dhënies, saga e këtij projekti është kthyer në kauzë kryesore të mbrojtjes së trashëgimisë natyrore në Shqipëri.
Ndërtimi i nisur pa leje të plotë, procedurat e paqarta të tenderimit, dhe lidhjet me projekte për resorte të mëdha rreth zonës kanë ngjallur shqetësime serioze për të ardhmen.
Mjedisorët paralajmërojnë pasoja të rënda në biodiversitet me dëme direkte për shpendët migratorë dhe në ekosistemin e mbrojtur nga konventa ndërkombëtare.
Bashkia e Mynihut nuk e rinovoi bashkëpunimin me aeroportin e Vlorës, ndërsa përplasja e mëhershme për tjetërsimin e zonës së Divjakë-Karavastasë tregon se kjo histori nuk është vetëm për aeroportin, por për vizionin urban të tërë zonës së bregdetit.
Në horizont ndërhyrje të tjera parashikohen në Sazan, Zvërnec, Darëzezë dhe sërish në Divjakë-Karavasta, pjesët kryesore të të cilave janë zona të mbrojtura.
Dy avionët që u ulën sot në Aeroportin e Vlorës, me një prej të cilit udhëtoi Pacolli.
Kalvari i çështjeve gjyqësore
Nëntor 2022 – Me mbështetje të organizatës ndërkombëtare EuroNatur, PPNEA dhe AOS paditën qeverinë në Gjykatën Administrative. Përmes studios ligjore “Meçi” dhe qendrës “Res Publica” ata kërkuan pezullimin e punimeve, anulimin e koncesionit, shfuqizimin e lejes së zhvillimit dhe ndërtimit lëshuar nga KKT-ja dhe ministria e Infrastrukturës si dhe shfuqizimin e vendimeve të ministrisë së Mjedisit dhe AKBN-së dhënë në favor të projektit.
Dhjetor 2022 – Gjykata Administrative e Shkallës së Parë nuk i legjitimoi organizatat mjedisore si palë për të nisur procesin gjyqësor. Ajo arsyetoi se organizatat nuk mund t’i ngrenë padi akteve administrative dhe për rrjedhojë vendosi të mos e vijojë shqyrtimin e çështjes. Vendimi u apelua.
Qershor 2023 – Gjykata e Apelit i konsideroi palë legjitime organizatat mjedisore, por gjykoi se nuk ka kompetencë për të shqyrtuar ajo çështjen dhe vendosi kthimin e çështjes për gjykim në Shkallën e Parë me trup tjetër gjykues. Organizatat bënë rekurs në Gjykatë të Lartë.
Mars 2024 – Kolegji Administrativ i Gjykatës së Lartë, me trupë gjykuese Enkelejda Metaliaj-Softa, Asim Vokshi dhe Arbena Ahmeti, prishi vendimin e Gjykatës Administrative të Apelit duke e dërguar çështjen për rishqyrtim në këtë gjykatë me të njëjtën trupë gjykuese.
Në një përgjigje me shkrim, Gjykata e Lartë tha për Citizens.al se vendimi nuk është zbardhur ende pavarësisht se ka kaluar më shumë se një vit.
“[Duke]… marrë në konsideratë ngarkesën e gjyqtares relatore [Arbena Ahmeti], aktualisht jemi në pritje të përfundimit të arsyetimit të tij. Sapo të përfundojë, Gjykata do ta publikojë vendimin në përputhje me procedurat e parashikuara,” tha Ida Vodica-Laska nga Drejtoria e Marrëdhënieve me Publikun në Gjykatën e Lartë.
“Gjykata e Lartë është e vetëdijshme për rëndësinë e çëshjes dhe sikundër për çdo rast tjetër, garanton trajtimin e saj në përputhje me përgjegjësinë institucionale,” theksoi Vodica-Laska.
Master-Plani i Aeroportit të Vlorës ku bie në sy zhvillimi masiv me ndërtime në zonën mes Hidrovorit dhe grykëderdhjes së Vjosës.
Turqi, Itali, Kosovë – Historia e projektit
Aeroporti i Vlorës është një ide e hershme e qeverisë Rama, e cila që në fillim u shoqërua me dritëhije ndikimesh dhe favorizimesh politike nga Turqia.
Zyrtarisht për këtë ide u mësua në tetor 2017 kur ministria e Infrastrukturës shpalli fituesin e tenderit për studimin e fizibilitetit – kompaninë Seed Consulting, asokohe në pronësi të ortakëve të Atelier 4, vëllezërit Alban, Andi dhe Olsi Efthimi (Eftimi) – nga një studio arkitekture e lidhur ngushtë me projektet e urbanistike të qeverisë.
Në janar 2018, kryeministri Rama deklaroi se kishte marrë një kërkesë zyrtare për ndërtimin e aeroportit dhe se ndërtimi do të niste brenda qershorit. Deklarata u bë ende pa u publikuar studimi i fizibilitetit dhe pa u shpallur ndonjë procedurë tenderimi.
Kërkesa në fjalë ishte nga konsorciumi turk i tre kompanive: “Cengiz Constr.” (Mehmet Cengiz), “Kalyon Constr.” (Ömer Faruk Kalyoncu) dhe “Kolin Constr.” (Celal Koloğlu) – të njohura për lidhjet e tyre të ngushta me Presidentin turk Recep Tayyip Erdoğan.
Kjo kërkesë pasoi një vizitë të Ramës në Turqi, ku ai bëri të ditur se Erdoğan kishte premtuar ndihmë për krijimin e një kompanie ajrore shqiptare – Air Albania dhe se selia e saj do të ishte pikërisht Aeroporti i Vlorës.
Megjithatë, në prill 2019, konsorciumi turk u tërhoq nga koncesioni pa shumë shpjegime dhe ministria njoftoi hapjen e një gare tjetër. Më herët Komisioneri përgjegjës për zgjerimin në BE qe shprehur se do të shqyrtonte nëse kishte pasur shkelje të Marrëveshjes së Stabilizim-Asociimit (MSA) në rastin e kësaj ujdie.
Master-Plani i Aeroportit të Vlorës ku bie në sy zhvillimi masiv me ndërtime në zonën mes Hidrovorit dhe grykëderdhjes së Vjosës.
Në shtator 2019, kryeministri njoftoi se projekti i ri ishte hartuar nga studioja Archea e arkitektit italian Marco Casamonti – edhe ky i lidhur ngushtë me projektet e urbanistike të qeverisë – dhe një ditë më pas, e prezantoi atë në qytetin e Vlorës.
Qeveria e dha përfundimisht me koncesion 35-vjeçar projektimin, ndërtimin dhe operimin e Aeroportit të Vlorës në dhjetor 2019.
Sipërmarrësit Behgjet Pacolli (Mabetex, Mabaco Constructions) dhe Valon Ademi (2A Group) u shpallën fitues me një ofertë prej rreth 104 milionë eurosh. Në garë ishte dhe kompania e Aldi Çelit (AL-DE Corporation Ltd), por ajo u skualifikua pasi “nuk paraqiti ofertë”, argumentim që u kundërshtua nga përfaqësuesit e Çelit, të cilët ngritën pretendime për favorizime.
Në ofertën fituese të sipërmarrësve Pacolli dhe Ademi ishte edhe dyshja e sipërmarrësve turq Cuneyt dhe Huseyin Arslan (YDA Insaat Sanayi Ve Ticaret Anonim Sirketi) – të cilët njihen gjithashtu për afërsinë me Presidentin turk Recep Tayyip Erdoğan pasi me urdhër të tij ata ndërtuan Spitalin Rajonal Memorial të Fierit – por që në shtator 2022 ata ia shitën kuotat (40%) Pacollit për vetëm 4,450 euro.
Punimet për aeroportin nisën me një ceremoni solemne më 28 nëntor 2021, pavarësisht se projekti nuk kishte marrë ende leje mjedisi dhe ndërtimi – zyrtarisht qe miratuar vetëm “Leja e zhvillimit” dhënë nga qeveria në nëntor të atij viti, leja e mjedisit u dha një muaj më vonë dhe ajo e ndërtimit pas 15 muajsh të tjerë, më 9 nëntor 2022.
Shqetësimet për ndikimet në mjedis
Aeroporti i Vlorës nisi të ndërtohej pranë fshatit Akërni në lagunën e Nartës – një zonë e mbrojtur dhe vendbanim për më shumë se 62 lloje shpendësh të listuar në Direktivën e Shpendëve të BE-së.
Organizatat mjedisore denoncuan se si projekti shkelte ligjet kombëtare dhe konventat ndërkombëtare teksa rrezikonte dëme të rënda në ekosistemin e zonës dhe në rrugët migratore të shpendëve.
Qeveria mohoi shkeljet dhe në të gjitha rastet e mbrojti investimin duke u zotuar se ky aeroport është konform planit strategjik për zhvillimin e ekonomisë dhe turizmit, se ai do të jetë ndërkombëtar dhe se do të presë avionë të mëdhenj.
Por mjedisorët druajnë se zhurmat e mëdha dhe fluturimet e avionëve të mëdhenj do të dëmtojnë shpendë të rrezikuar si pelikanët kaçurrelë. Për këtë Konventa e Bernës ka kërkuar disa herë ndalimin e punimeve dhe rishikimin e projektit.
Ndërkohë masterplani i botuar nga ministria gjatë garës zbuloi se funksioni i vërtetë i aeroportit do të jetë për të pritur flukset e turistëve që parashikohet t’i drejtohen zonës së lagunës, e cila prezantohet me ndryshime rrënjësore me ndërtime resortesh, mjedisesh sportive, agrikulture dhe një porti jahtesh.
Përmasat e mëdha të aeroportit të Vlorës marrin kuptim edhe nga projektet e tjera me zhvillime kolosale në dëm të mjedisit që parashikohen në zonat përreth si derdhja e Vjosës, Hidrovori, Zvërneci dhe Sazani, dy të fundit, të prezantuara bujshëm vitin e shkuar nga dhëndri i Presidentit amerikan, Donald Trump, Jared Kushner. Ky fitoi statusin e investitorit strategjik në janar 2025.
Vlen të thuhet se zhvillimi për turizëm në zonën mes kripores dhe grykëderdhjes së Vjosës qe parashikuar edhe nga qeveria e Sali Berishës.
Qindra hektarë qenë caktuar për zhvillimin e turizmit bazuar në një studim urbanistik për bregun në hapësirën “Derdhja e Vjosës-Hidrovor, Novoselë-Vlorë”, i miratuar më pas me vendim të ish-Këshillit të Rregullimit të Territorit (sot Këshilli Kombëtar i Territorit dhe Ujit, vendimi Nr.19 dt.14/07/2009).
Faksemile e vendimit të qeverisë Berisha, 2009.
Në prill 2025, Bashkia e Mynihut njoftoi tërheqjen nga përfshirja e saj si këshilltare në projektin e Aeroportit të Vlorës, pas presionit të vazhdueshëm nga organizatat mjedisore. Komiteti Ekonomik përgjegjës për ekonominë e qytetit gjerman u distancua kështu nga ndikimi negativ mjedisor që paraqet projekti.
Nga ana tjetër, për investitorin kryesor të aeroportit, Behgjet Pacollin, ky nuk është rasti i parë i një projekti të diskutueshëm në raport të keq me mjedisin në Shqipëri.
Më herët, ai pati shfaqur interes për zhvillimin e një kompleksi pallatesh, hotelesh dhe 370 vilash turistike në Parkun Kombëtar Divjakë-Karavasta. Propozimi, i quajtur “Divjaka Resort”, premtonte investim prej 1 miliard eurosh, por gjithashtu tjetërsim rrënjësor të zonës së mbrojtur. Për këtë u kundërshtua ashpër nga organizatat mjedisore dhe më vonë, në nëntor 2019, u refuzua nga qeveria Rama.
Megjithatë Divjaka nuk mbetet paqtë, pasi sikurse Citizens ka raportuar më parë, një projekt tjetër – sikurse “Kingscoast Divjaka” nga sipërmarrësi turkoaustriak Cevdet Caner – e rrezikon atë.
Rezoluta më e fundit e Parlamentit Europian lidhur me procesin e zgjerimit – specifikisht mbi progresin e vendeve të Ballkanit Perëndimor – dërgoi një sinjal të qartë lidhur me masat për mbrojtjen e mjedisit dhe biodiversitetit në Shqipëri, të cilat sipas BE-së janë të panegociueshme kur bëhet fjalë për procesin e integrimit. Sipas eurodeputetëve, Shqipëria […]
Projekti kontrovers i Aeroportit të Vlorës, i cili pritet t’u kushtojë taksapaguesve rreth 138 milionë euro ndërsa rrezikon në mënyrë thelbësore zonën natyrore të mbrojtur të Lagunës së Nartës, është vendosur nën hetim nga SPAK, bëhet e ditur nga regjistri i kërkesave dhe përgjigjeve për të drejtë informimi publikuar nga ky institucion së fundmi. Në […]
Prokuroria e Posaçme (SPAK) ka regjistruar një procedim penal për koncesionin e aeroportit të Vlorës, i konsideruar si një aferë korruptive. Ky fakt është konfirmuar nga vetë SPAK, pasi e ka publikuar në faqen zyrtare, pas pyetjeve nga të interesuarit. “A ka nisur hetim Prokuroria e Posaçme kundër Krimit të Organizuar dhe Korrupsionit për kontratën […]
Nga Klodian Tomorri Pasi fali portin ekzistues të Vlorës për 1 euro tek kompania Brunes e Gerond Çelës, për të ndërtuar aty një resort dhe port jahtesh, në gusht të vitit 2021, qeveria shqiptare shpalli tenderin për të dhënë me koncesion ndërtimin e portit të ri tregtar të Vlorës. Zona e caktuar për ndërtimin e […]
Sezoni turistik në Vlorë ka hyrë në kulmin e tij, ndërsa fundjavat po shënojnë një rritje të ndjeshme të numrit të pushuesve dhe vizitorëve. Përveç turistëve vendas dhe të huaj, këtë vit bie në sy një prani e madhe e emigrantëve shqiptarë, kryesisht nga Italia, të cilët kanë zgjedhur të kalojnë pushimet pranë familjeve të tyre në atdhe.
Vetëm gjatë mëngjesit të 6 korrikut, në portin e Vlorës mbërritën mbi 600 pasagjerë me tragete nga portet italiane. Sipas autoriteteve portuale, lëvizjet nga Italia drejt Shqipërisë janë rritur ndjeshëm krahasuar me një vit më parë, ndërsa pritet një fluks i qëndrueshëm përgjatë korrikut dhe gushtit.
Shumë prej këtyre pasagjerëve janë emigrantë që jetojnë prej vitesh në Itali, të cilët këtë verë kanë zgjedhur të vizitojnë vendlindjen, për të qenë pranë të afërmve, por edhe për të shijuar bregdetin, natyrën dhe ofertat turistike që ofron Vlora dhe rrethinat e saj.
Operatorët turistikë dhe bizneset lokale shprehen optimistë për ecurinë e sezonit, ndërsa strukturat akomoduese, si hotelet, resortet dhe shtëpitë me qira, po regjistrojnë një nivel të lartë rezervimesh, veçanërisht gjatë fundjavave.
Plazhet e Vlorës, Orikumit, Zvërnecit dhe përgjatë gjithë Rivierës po frekuentohen çdo ditë e më shumë. Ndërkohë, në mbrëmje qyteti gjallërohet nga shëtitjet në Lungomare, aktivitetet kulturore dhe frekuentimi i lokaleve dhe restoranteve.
Autoritetet vendore dhe strukturat e rendit kanë shtuar masat për të garantuar sigurinë, pastërtinë dhe rendin publik, me qëllim që pushuesit të gëzojnë një sezon sa më të qetë dhe të këndshëm.
Aeroporti i Vlorës do të përdoret edhe për qëllime ushtarake. Lajmin e jep kreu i Aviacionit Civil Maksim Ethemaj, duke folur mbi planet e qeverisë në këtë drejtim. Sipas tij me hapjen e shkollave ushtarake dhe civile, ky sektor do të operojë si një industri duke zgjeruar aviacionin civil në vend dhe lehtësuar aksesin. ”Nuk ka të bëjnë me faktin që do e ketë aeroporti i Vlorës apo i Rinasit…
Një sasi eurosh të padeklaruara janë gjetur dhe sekuestruar në një furgon gjatë kontrollit të automjeteve që kanë mbërritur sot në Portin e Vlorës nga Italia. Sipas policisë kufitare të Vlorës, në mjetin tip Mercedes Benz tip Vito janë gjetur të fshehura 45 mijë euro. Policia është duke marrë në pyetje drejtuesin e furgonit, Kreshnik […]
Përforcohen masat në vijë të parë dhe të dytë të portit të Vlorës me kontrolle të imtësishme. Këto masa vijnë pas aksionit të Antimafias italiane, në bashkëpunim me autoritetet shqiptare, ku nga hetimet rezultoi se nëpërmjet portit të Vlorës dhe të Durrësit, kishte kalime të vlerave monetare të paligjshme nëpërmjet shoqërive të transportit. Në kuadër të operacionit në Vlorë u ndaluan dy persona
Në konferencën për mediat, prokurorë italianë së bashku me ato të SPAK bënë me dije se ishte goditur një prej grupeve më të fuqishme kriminale në Durrës, si edhe dy nëngrupe të tjera me qendër në Bari të Italisë.
GJKKO dhe Gjykata e Barit konfirmuan 52 masa sigurie, 49 prej të cilave arrest me burg. Në Shqipëri u sekuestruan edhe miliona euro pasuri.
29 dhjetor 2024. Një Boeing 737-800 i kompanisë low cost Jeju Air, që fluturonte nga Bangkoku për në Muan të Koresë së Jugut, u rrëzua gjatë uljes, duke vrarë 179 persona dhe duke plagosur 2 të tjerë. Ajo që në fillim ishte vetëm një hipotezë për shkaqet e aksidentit nga një “BIRD STRIKE” apo një “goditjeje zogjsh”, domethënë përplasja e një tufe shpendësh me motorët apo pjesë të tjera të avionit sot është një siguri.
Analizat e ADN-së, puplat zogjve, njollat e gjakut dhe mbetjet e gjetura në motorët e aeroplanit Jeju Air i përkisnin ROSËS KËRRE të Baikalit, një shpendi shtegtar që fluturon në dimër nga vendet e shumimit në Siberi drejt Koresë.
Përplasje katastrofike të këtij lloji nuk janë të pazakonta. Por ato kanë nisur të shpeshtohen edhe për faktin se njerëzit nisën të pushtojnë hapësira që më parë ishin pronë ekskluzive e zogjve, si në rastin e zonave të mbrojtura.
Zakonisht të tilla aksidente janë fatkeqësi por në disa raste edhe pasojë e vendime të papërgjegjshme për të ndërtuar, aty ku natyra thotë JO! Si në rastin e mrekullisë së fundit infrastrukturore të Rilindjes, Aeroportit të Vlorës që gjoja u përurua sot. Ky Aeroport i jashtëligjshëm, ndërtimi i të cilit nisi pa leje dhe meriton të hetohet nga SPAK-u, prek zonën Vjosë-Nartë që sipas ligjit 81/2017 kishte statusin “Peizazh i Mbrojtur”.
Por kjo qeveri grabitqare e pronave publike dhe habitateve natyrore, më 26 nëntor 2022 vendosi ndryshimin e kësaj sipërfaqeje dhe krijimi i një zonë të re, të quajtur “Peizazh i Mbrojtur Pishë Poro-Nartë”, duke hequr nga zona e mbrojtur një territor prej 310 ha. Ky krim mjedisor që tani ngjan bukur në letër, në fjalimet propagandistike të pushtetit në fushatë dhe në intervistat e banorëve injorantë me gjasë mund tẽ shndërrohet në një tragjedi njerëzore, (ndonëse nuk do ta uroja kurrë ), si ajo që përmenda më lart në Korenë e Jugut. PO, sepse aeroporti i Vlorës është ngritur jashtë çdo parametri mjedisor, duke shpërfillur të gjitha argumentet shkencore dhe zërat kundër, të studiuesve, ornitologëve dhe ekspertëve të mjedisit.
Laguna e Nartës dhe zonat rreth saj, që shtrihen në një sipërfaqe prej 19 mijë hektarësh, zona më të madhe dhe e rëndësishme për ekosistemit e ligatinave jo vetëm në Shqipëri, por në të gjithë zonën e Mesdheut, është hapësira kyçe e biodiversitetit ku fluturojnë mbi 200 lloje shpendësh, që nga pelikani e flamengo dhe deri tek sqepbiza, kalorësi apo pulëbardha e mesdheut. Të gjithë këta ekspertë nga sot janë SERIOZISHT TË SHQETËSUAR për këtë situatë që rrezikon shpendët dhe biodiversitetin por mbi të gjitha jetën e pasagjerëve që do të fluturojnë në mes të kësaj hapësire.
Mirjan Topi, ornitolog i njohur i pranishëm sot në zonë për të parë nga afër sjelljen dhe reagimin e shpendëve gjatë zbritjes së atij që ishte një xhet privat dhe jo një avion linje i përmasave të mëdha, më tha se zhurmat nga ulja e avionit, edhe pse i përmasave shumë të vogla shkaktuan ngritjen e menjëhershme dhe të çoroditur në ajër të shpendëve shtegtarë dhe rezidentë të zonës.
Flamingot dhe tufa të mëdha të pulëbardhës së mesdheut, me rreth 800 individë reaguan keq dhe të frikësuara duke u ngritur në fluturim në mënyrë të çrregullt afër perimetrit të aeroportit.
Edhe avioni sipas Topit u rrotullua disa herë në ajër para se të ulej, siç u dëshmua edhe nga radarët. Nga fluturimet e pakontrolluara të shpendëve gjithmonë ekziston rreziku i perplasjes me to.
Sigurisht, tani qeveria dhe kryeministri Edi Rama kanë nevoja emergjente votash dhe jo largpamësinë për pasojat katastrofike për sigurinë ajrore apo largqoftë mbrojtjen e habitatit natyror të Lagunës dhe shpendëve të saj.
E nëse Aeroporti i Kukësit falimentoi nga dritëshkurtësia e ideatorit të saj, uroj me shpirt që ky i Vlorës të dështojë nga përgjegjshmëria e kompanive ajrore serioze që nuk do të ndërmarrin aventura të rrezikshme me kosto njerëzore në habitate të shenjta si ai i Nartës, ku “pronarët” e ajrit dhe tokës i cakton natyra dhe jo qeveria me klientët e saj!
TIRANË, 8 maj /ATSH/ Kryeministri Edi Rama deklaroi sot gjatë fjalës së mbajtur në ceremoninë e organizuar me rastin e kryerjes së fluturimit të parë certifikues në aeroportin ndërkombëtar të Vlorës, se ky aeroport nisi me një objektiv të caktuar, por ambicia u rrit me kalimin e kohës, sepse turizmi, imazhi dhe interesi për Vlorën dhe gjithë jugun e Shqipërisë janë rritur shumë këto kohë.
Rama tha se sot aeroporti ka përmasën e kësaj ambicieje të rritur në këto vite. Nga ana tjetër, Kryeministri foli edhe për punësimin e mbi një mijë njerëzve brenda perimetrit të aeroportit, por ai nënvizoi se punësimi shkon përtej qarkut të Vlorës dhe Fierit, sepse do ketë kërkesë për krahë të kualifikuar pune.
“Këtu do të bëhet mirëmbajtje avionësh, kargo për herë të parë në Shqipëri. Ne kemi pasur shprehje interesi për Tiranën dhe Vlorën, nga kompani të mëdha që merren me logjistikën e transporteve postare dhe rrotull do të ketë zhvillime të tjera të turizmit, por edhe të logjistikës dhe përballë do të kemi një zhvillim të jashtëzakonshëm nga pikëpamja e imazhit dhe e cilësisë për të cilën është folur shumë, por tani po merr formë”, tha Rama.
Sipas Kryeministrit, ambicia është që ky zhvillim, transformim mos të jetë një zhvillim më tepër në hartën e industrisë së turizmit, por një zhvillim që të udhëheq si model me një forcë tërheqëse të atillë që të vendoset në majë të nivelit të të gjithë Mesdheut.
“Ambicia është që në ishullin e Sazanit dhe gjithë territorit përballë të krijojë një magnet me një fuqi të jashtëzakonshme për Vlorën dhe gjithë Shqipërinë dhe të na japë një mjet të ri për të tërhequr turistët që konsumojnë shumë, që sjellin shumë të ardhura, por që vijnë edhe me sytë hapur për të parë se ç’mund të bëjnë tjetër në këtë vend”, pohoi Rama.
“E ardhmja është shumë premtuese për Vlorën dhe ky aeroport është pasqyra më kuptimplotë e këtij premtimi që e ardhmja mbart për Vlorën. Air Albania pati një fazë të vështirë tranzicioni dhe tani ka hyrë në një rrugë të re. Do të vijnë dy avionë të tjerë dhe numri i avionëve do shkojë në pesë siç ka qenë plani. Do të kemi shtatë avionë dhe po ashtu Air Albania është duke punuar për krijimin e një flote të dedikuar të avionëve të biznesit që është një vlerë e madhe e shtuar për industrinë e turizmit dhe aviacionit tonë”, tha Kryeministri.
Rama pohoi faktin se siç është Vlora sot, edhe Tirana po bëhet gati për të pritur avionët që vijnë përtej oqeanit duke siguruar që në fund të ditës e gjithë kjo përkthehet në një shtysë të fortë për rritjen ekonomike të Shqipërisë, teksa u ndal edhe te Prodhimi i Përgjithshëm Kombëtar që është rritur tre herë, nga 10 miliardë kur qeveria socialiste mori detyrën në 25 miliardë euro.
“Është vetëm fillimi i një rritjeje edhe më të fuqishme dhe parashikimi ynë për Shqipërinë 2030 është 35 miliardë euro, është minimumi i asaj që do të arrijmë”, përfundoi Rama. /j.p/
TIRANË, 8 maj /ATSH/ Në aeroportin Ndërkombëtar të Vlorës u krye sot fluturimi i parë certifikues, ndërsa me certifikimin e pistës së aeroportit, punimet do të vijojnë për ta bërë operacional me të gjitha shërbimet gjatë verës.
Kryeministri Edi Rama, në fjalën e tij gjatë ceremonisë së dorëzimit të veprës u ndal tek rritja e flukseve të pasagjerëve me rrugë ajrore në vend.
Rama tha se aeroporti Ndërkombëtar i Tiranës se ka pësuar një transformim shumë të madh, ku nga më i shtrenjti në rajon është kthyer në aeroportin me rritjen më të lartë për disa vite rresht në gjithë Evropën.
Rama tha se në Tiranë po përpunohen më shumë pasagjerë se në Beograd.
“Numri i fluturimeve ishte shumë i kufizuar, biletat ishin tmerrësisht të shtrenjta transformimi ndodhi me një plan të shumanshëm, një plan të shumanshëm që ne e vumë në jetë hap pas hapi duke e transformuar aeroportin e Tiranës nga aeroportin më të shtrenjtë, më të vështirë, më të lodhshëm për të gjithë, në aeroportin me rritjen më të lartë për disa vite rresht në të gjithë Evropën dhe në aeroportin më të madh të rajonit, jo në raport me vetveten dhe as thjesht dhe më të madhin si rritje, por për numër pasagjerësh. Në Tiranë ne përpunojmë më shumë pasagjerë se në Beograd. Kjo është diçka e paimagjinueshme dhe para pak viteve më parë ndërkohë që numri i fluturimeve ka arritur në një pikë të pabesueshme. Aeroporti i Tiranës punon ditën dhe natën, në të rajonit jeta mbaron pasdite”, tha Rama.
Rama tha se “jemi duke shtyrë para ngritjen e kategorisë për fluturimet transoqeanike, ndërsa shtoi se aeroporti i Tiranës është në bisedime për të shtuar disa linja prestigjioze si “Qatar Airways”.
“Jemi duke shtyrë përpara qoftë ngritjen e kategorisë për fluturimet transoqeanike, ndërkohë që tanimë ka filluar bashkëbisedimi me Federal Aviation të SHBA-së që kërkon një kohë të caktuar për të gjitha inspektimet. Ata kanë ardhur, kanë inspektuar aeroportin, kanë identifikuar gjërat që do të donin të shihnin dhe nga ana tjetër aeroporti është në bisedime serioze për të shtuar disa linja shumë prestigjioze duke filluar nga Qatar Airways. Unë kam bërë takim vetë personalisht me kompanitë, i kam lutur kompanitë vetë që të vijnë dhe vitet e para ka qenë e pamundur. Kur erdhi Ryanair u duk, se atë ditë mësoi për Tiranën. I jemi qepur me bukë me trastë kur i thonë, por nuk bindej se Tirana dhe Shqipëria kishin biznes për të bërë. Sot Ryanair është i lumtur me Shqipërinë”, tha Rama. /j.p/
Këto janë pamjet e pistës së përfunduar të aeroportit të ri në Vlorë. Kryeministri Edi Rama i ka publikuar këtë të hënë në rrjetet sociale, duke njoftuar se aeroporti po i afrohet fazës së testimeve finale.
Sipas Ramës, vetëm 3 ditë na ndajnë nga ulja e avionit të parë në pistën e re, e cila është kodifikuar me inicialet VLO.
Sipas Ramës, në ditët në vijim do të nisë edhe fillimi i testeve të hapjes graduale, për çertifikimin përfundimtar të aeroportit.
“Edhe 3 ditë nga ulja e avionit të parë në pistën e kodifikuar me inicialet VLO dhe për fillimin e testeve të hapjes graduale, për çertifikimin përfundimtar,” shkruan Rama krahas pamjeve të postuara.
8 maji do të jetë dita kur në pistën e aeroportit të Vlorë do të ulet avioni i parë.
Kjo është konfirmuar nga zv/kryeministrja Belinda Balluku, e cila ka inspektuar sot punimet që po shkojnë drejt fundit në pistën e aeroportit ndërkombëtar të Vlorës.
“Kulla duket e përfunduar, por ka akoma skela. Edhe terminali duket disi i përfunduar, por duhet të dimë që po flasim për një sipërfaqe tepër të madhe. Unë jam besimplotë që ne do të përmbushim afatet që jo vetëm Vlora të ketë një aeroport fluturimesh, por që e gjithë Shqipëria të ketë një aeroporti tjetër ndërkombëtar. Atëherë shihemi 8 maj”, përfundoi Balluku.
Ministria e Infrastrukturës dhe Energjisë nga kantieri tha se po punohet me tre turne për të plotësuar afatet e përfundimit të aeroportit të Vlorës, i cili do të ofrojë 1200 vende pune dhe do të jetë i dyti në vend pas aeroportit “Nënë Tereza” në Tiranë.
“Gëlon ky kantier, këtu punohet dhe me tre turne. Nuk është një kantier dosido, është pista e një aeroporti ndërkombëtar. Puna që bëhet këtu është një punë që kërkon shumë kujdes dhe që duhen të plotësohen të gjitha standardet. Kemi ngritjen e logjistikës, magazinat. Nuk do të kryhen vetëm fluturime me pasagjerë, por dhe me mallra. Kemi një komponent tjetër që është Akademia e Aviacionit Civil. Ky aeroport i ri hap 1200 vende pune. Kjo është industria e parë shqiptare që është në përputhje me të gjitha kërkesat e vendeve evropiane. Do të jetë një nga pikat e zhvillimit ekonomik dhe të truizmit më të madh të të gjithë vendit. Duhet thënë që kemi partnerë shumë të mirë nga Italia”, tha Balluku, raporton A2CNN.
Dikur në opozitë, Edi Rama deklaronte me gojën plot se ata që u thonë se do ngremë aeroporte të reja në një vend aq të vogël sa Shqipëria iu gënjejnë, ndërsa tani po e përdor të njëjtën fabul për fushatë elektorale. Njësoj siç u veprua katër vite më parë me aeroportin e Kukësit sot po […]
Një ngjarje tragjike ka ndodhur dje në kantierin e ndërtimit të aeroportit në Vlorë, ku një punëtor humbi jetën pas rrëzimit nga lartësia. Viktima, shtetasi D. H., 38 vjeç, ishte punonjës i një kompanie ndërtimi që po punon në projektin e aeroportit.
Pas hetimeve të kryera nga specialistët për Hetimin e Krimeve të Komisariatit të Policisë Vlorë, është arrestuar në flagrancë shtetasi D. N., 45 vjeç, banues në Tiranë, i cili mban detyrën e administratorit të kompanisë së ndërtimit.
Gjithashtu, ka nisur procedimi penal ndaj shtetasit U. S., 41 vjeç, po nga Tirana, me funksion përgjegjës i punimeve. Sipas Policisë, këta dy persona dyshohet se kanë shkelur detyrimet ligjore për masat e sigurisë në punë, duke sjellë si pasojë vdekjen e punonjësit.
Për shkak të kushteve atmosferike të paqëndrueshme dhe erës së fortë, Kapiteneria e Portit në Vlorë ka njoftuar këtë të enjte se ka pezulluar për shkaqe sigurie lundrimin e mjeteve të vogla lundruese dhe anijeve të peshkimit.
Megjithatë, në njoftim theksohet se kjo masë nuk vlen për anijet e transportit ndërkombëtar detar të pasagjerëve dhe automjeteve në linjën Vlorë–Brindisi–Vlorë, të cilat do të vazhdojnë të operojnë normalisht, sipas destinacioneve përkatëse.
“Në bazë të parashikimit për situatën hidrometeorologjike të përkeqësuar brenda dhe jashtë gjirit të Vlorës, gjatë datës 17.04.2025, duke filluar nga ora 08:00, në drejtimin Jug–Juglindje, me forcë deri në 6 ballë, erë me shpejtësi deri në 15–20 m/s dhe lartësi dallgësh nga 1.5 deri në 2.0 metra, ndalohet pajisja me leje për mjetet e vogla lundruese dhe ato të peshkimit që nga orët e para të mëngjesit të sotëm,” thuhet në njoftimin e Kapitenerisë së Portit të Vlorës.
“Anijet e transportit ndërkombëtar për pasagjerë dhe automjete në linjën Vlorë–Brindisi–Vlorë do të vazhdojnë operimin normalisht ndërsa përmirësimi i motit pritet në orët e mbrëmjes së sotme”, shtohet në njoftim.
Këtë të mërkurë, kreu i Partisë Demokratike, Sali Berisha, ka zhvilluar një takim me shoqatat e turizmit, ku tha se me ardhjen e tij në pushtet, ai do të formalizojë turizmin.
Sakaq, Berisha nuk kurseu kritika për qeverinë.
Ai akuzoi ministren Belinda Balluku, për vjedhje në aeroportin e Vlorës.
“Aeroportin e Vlorës e kanë bërë burim vjedhjesh dhe pasurimi , sa herë shkon Lubia thotë që ky është aeroporti më i madh i Ballkanit duke mos kuptuar që në të njëjtën kohë thotë se ajo është hajdutja më e madhe e Ballkanit sepse të pretendosh të ndërtosh ti në një qytet me 80 mijë banorë dhe në një zonë që ka maksimumi 20 mijë shtretër, të ndërtosh aeroportin më të madh të Ballkanit do të thotë që je e çmendur pas hajnisë. Aeroporti ndërtohet me etapa”, tha Berisha.
Login
