Një zjarr i madh ka përfshirë kodrat e Selitës në Tiranë, ku flakët dallohen nga larg në disa lagje të kryeyqytetit. Në pamjet e publikuara nga mediat, shihet se flakët janë përhapur në një sipërfaqe të madhe. Nuk dihet ende nëse zjarrëfikëset janë në vendngjarje. Ndërsa ende nuk ndonjë njoftim zyrtar nga policia për zjarrin […]
Fotografia që e sjell si ilustrim është një imazh i rrallë dhe jashtëzakonisht domethënës, një grua shkodrane, e veshur me kostum tradicional, e ulur me një qasje të lirshme e vetbesuese, pozon duke pirë një cigare, një ikonografi që thyen shumë nga normat gjinore të kohës. Kjo pamje, e kapur me mjeshtëri në studion Marubi, përfaqëson më shumë se një pozë fotografike, është një manifest i qetë por i fuqishëm i ndryshimit të rolit të gruas në shoqërinë shqiptare të fillimshekullit XX.
Në një kohë kur pjesa tjetër e Shqipërisë po përpiqej ende të dilte nga errësira e analfabetizmit dhe izolimit, Shkodra shndërrohej në vatër të emancipimit, qytet i mendimit, artit dhe gruas së vetëdijshme për rolin e saj në shoqëri.
Qysh në vitin 1919, Shkodra thyen tabu, në dramën “Eminia e vorfën”, për herë të parë në historinë e skenës shqiptare, një grua, dhe jo një burrë i veshur si femër, siç ishte zakon, ngjitet në skenë për të interpretuar një rol femëror. Ky ishte një akt i guximshëm artistik dhe emancipues, që hodhi themelet e një mendësie të re në kulturën shqiptare. Akti nuk ishte vetëm estetik apo teatral, por simbolik, ishte vetë zëri i gruas që për herë të parë fliste me zërin e vet në publik.
Konkretizim: Më 11 gusht të vitit 1919, në Teatrin e Shoqnisë “Vllaznia” në Shkodër, u vu në skenë drama me tri akte “Erminia e vorfën”, e shkruar nga Kolë Gurakuqi. Kjo shfaqje shënon një moment historik në skenën teatrore shqiptare: për herë të parë, roli kryesor i një gruaje u interpretua nga një grua e vërtetë — Roza Sovaria Shoshi.
Roza, e cila më vonë do të njihej edhe si nëna e Tonin Topallajt (i burgosur me grupin e studentëve të Gjimnazit “28 Nëntori”), pati guximin të thyejë një rregull të pathënë të kohës, ku rolet femërore interpretoheshin ekskluzivisht nga burra të maskuar si gra. Me interpretimin e saj të Erminisë, Roza jo vetëm që solli një realizëm të ri në artin skenik, por u bë edhe simbol i një emancipimi të hershëm, duke i hapur rrugën grave të tjera drejt skenës dhe zërit të tyre të merituar në artin shqiptar.
Në vitet që pasuan, konkretisht më 1921-1922, Shkodra njohu një lulëzim artistik me shfaqje si “Katër caqet themelore” dhe “E tradhtuemja”, të interpretuara tërësisht nga aktore femra, Tina e Gjon Ashikut, Kristina e Zef Gjonej, Ida e Kel Kodhelit, Marta e Logorecit, dhe shumë të tjera. Këto vajza dhe gra, me guximin e tyre, shkelën në skenën teatrore me zërin e zemrës dhe me vetëdijen se po ndryshonin përjetësisht rolin e gruas në art dhe në shoqëri.
Por ky emancipim nuk ishte rastësor. Ai ishte fryt i vetë Shkodrës, qytet i konsullatave, i misioneve katolike e shkollave laike, i Gjuhadolit dhe Sarreqit që zienin nga librat, ideologjitë dhe përplasjet kulturore të një Evrope që derdhej përmes artit, gazetës dhe mendimit tek qytetarët. Ishte një qytet ku kultura e huaj nuk ishte kërcënim, por frymëzim; ku fjala e shkruar, muzika dhe arti ishin mjet për të ngritur vetëdijen, edhe atë të grave. Një mënyrë e qasshme e jetes perëndimore në një realitet ku ende ishin të dukshme orientalizmat dhe ndikimi i thellë që ishte pleksur nën trysninë e sundimit kohëgjatë dhe një asimilimi asgjësues.
Në një Shqipëri ku zëri i gruas dëgjohej rrallë, Shkodra kishte gra me veshje elegante, me libra në dorë, me këngë në buzë, ëndrra në dëshirime, histori dashurie në zemra, dhe me një qëndrim kritik ndaj shoqërisë patriarkale. Ato nuk ishin vetëm të bukura, por të mençura dhe të zëshme. Ato e morën hapësirën që iu mohua brezave të mëparshëm, dhe këtë e bënë me dinjitet dhe pasion.
Fotografia që sjell këtë histori, një grua shkodrane, e ulur lirshëm, me cigaren në dorë e vështrimin sfidues, është portreti i një kohe që ndryshoi. Është një dëshmi vizuale e vetëbesimit, e sfidimit të normave, e një feminizmi të heshtur por rrënjësor që Shkodra e përqafoi shumë përpara se fjala “feminist” të bëhej pjesë e fjalorit tonë kulturor./ KultPlus.com
Gazetarja Klodiana Lala e ftuar në emisionin “Të Paekspozuarit” ka folur për aksionin e prishjes së ndërtimeve pa leje në Theth dhe më gjerë, duke theksuar se e gjithë Shqipëria është e prekur nga ndërtimet ilegale. Lala fajëson autoritetet lokale dhe shtetërore, duke përmendur bashkinë e Shkodrës, IMT-në dhe Policinë që nuk kanë vepruar si duhet. […]
Mediat kanë publikuar emrin e ndërtuesit të fshatit turistik në Theth që u denoncuan nga kryeministri Edi Rama si ndërtim pa leje dhe që pasuan një përplasje me Prokurorinë e Shkodrës. Kabinat thuhet se janë në pronësi të Prek Kodrës, një personazh i njohur për drejtësinë.
Në vitin 2021 në një dokument të Njësisë Kundër Terrorizmit të Kosovës, rezulton se ai kishte planifikuar vrasjen me snajper kryeministrin e Kosovës, Albin Kurti dhe 2 politikanë të tjerë të njohur në Prishtinë.
Ai është shpallur në kërkim për dy nga dosjet më të bujshme të SPAK, njëra si pjesëtar i organizatës kriminale të Suel Çelës në Elbasan që e përfshiu në atentatin ndaj Ardian Çapjas. Masa e dytë për Kodrën në kuadër të dosjes “Metamorfoza”, në akuzë për disa ngjarje kriminale.
Kuvendi i Kosovës nisi sot me kërkesën e kryesuesit Avni Dehari për dhënien e emrave nga partitë politike për Komisionin Zgjedhor që do të mundësonte votim të fshehtë për kryetarin e Kuvendit.
Deputetja e PDK-së, Blerta Deliu Kodra pasi doli në foltore kërkoi nga Dehari të respektojë Kushtetutën.
“Kryesues po të bëjmë tirrje edhe njëherë respektoni Kushtetutën…”, tha Deliu.
“Regjia të lutem ndërpritja mikrofonin”, tha Dehari.
“Kryesues ju lutem zbatoni vendimin e Gjykatës Kushtetuese, kthehuni në rend dite”, tha më pas deputeti i LDK-së, Armend Zemaj.
Ndërkaq, pas kësaj reagoi sërish kryesuesi Dehari “Regjia, ju lutem le të ndërpritet”.
Ndërkaq, Time Kadrijaj nga AAK me ironi propozoi për anëtar të Komisionit, Albin Kurtin.
“Ne si Aleancë kemi ndryshua qëndrim, na vjen keq.. e kemi një emër për Komision… dhe për komision e propozojmë deputetin Albin Kurti”, tha ajo me ironi.
Ndryshe, për të 40-në herë dështoi sot konstituimi i Kuvendit. /Telegrafi/
Një person me inicialet Gj.M i moshës 42 vjeç është arrestuar pas një operacioni “Precedenti”, për armëmbajtje pa leje në fshatin Kryebushat të Shkodrës.
Përmes një postimi në rrjetin social në Facebook të Policisë së Shtetit bëhet e ditur se janë sekuestruar 110 kapsolla detonatore, 2 armë zjarri pistoleta, 1 silenciator, municion luftarak dhe doza Kokaine, në posedim të një shtetasi me precedent për armëmbajtje pa leje në Kryebushat të Shkodrës.
“Gjatë operacionit u arrestua në flagrancë, në fshatin Kryebushat, shtetasi Gj. M., 42 vjeç. Nga kontrolli në automjet, iu gjet një sasi lënde narkotike Kokainë, e ndarë në doza, ndërsa nga kontrolli në banesë iu gjetën 110 kapsolla detonatore, 2 armë zjarri pistoleta, 1 silenciator dhe municion luftarak. Këto u sekuestruan me cilësinë e provës materiale, së bashku me automjetin dhe celularin e të arrestuarit. Materialet procedurale iu referuan Prokurorisë së Shkodrës, për veprime të mëtejshme”, thuhet në njoftim. /Telegrafi/
Të huajt kanë interes për të mësuar rreth historisë së Shqipërisë. Në muzeun që i kushtohet vuajtjeve të të burgosurve politik gjatë regjimit komunist në Shkodër vizitorët janë shtuar.
Turistët janë nga shtete të ndryshme, por sipas drejtuesit të muzeut numër më të lartë vizitorësh ka pasur nga Polonia dhe Izraeli. Nuk kanë munguar as ata nga Shtetet e Bashkuara të Amerikës dhe Australia.
Vendi i dëshmisë dhe kujtesës vizitohet nga mosha të ndryshme. Të huajt shkojnë kryesisht në grupe të organizuara që ndërsa vizitojnë Shkodrën ndalojnë në dhe në këtë muze për t’u njohur me të shkuarën e Shqipërisë./abcnews.al
Mos më thuaj që nuk të kam dashur, o lule e livadhit të virgjër! Thuamë që është shuar dielli, thuamë që toka është në flakë, thuamë që hëna është ngjethur, thuamë që qielli është në gjëmë, thuamë që s’ka më agshole, por mos më thuaj që nuk të kam dashur…/ KultPlus.com
TIRANË, 18 qershor/ATSH/ Klubi “KF Vllaznia” ndeshjen e parë të turit të parë të Conference League do ta luaj në “Elbasan Arena”. Ndeshja është parashikuar të luhet në të enjten e datës 10 korrik 2025, ndërsa përballë do të jetë skuadra nga Letonia “BFC Daugavpils”. Ndeshja e kthimit pritet të luhet më 17 korrik, në Letoni.
Klubi Shkodran njofton vendimin në faqen e saj zyrtare në rrjetet sociale, duke i dhënë fund kështu diskutimeve se ku kuqeblutë do ta zhvillojnë sfidën e parë evropiane të sezonit të ri futbollistik. Më herët klubi shkodran kishte arritur marrëveshje dhe me “Teutën” e Durrësit, që ndeshja të zhvillohej në “Niko Dovana”.
Megjithëse aktualisht ekziston vetëm si emër, shkolla “Gjergj Kastrioti” në Durrës, gjatë vitit të fundit, është vënë në qendër të vëmendjes së qytetarëve dhe institucioneve. E ardhmja e saj po diskutohet gjerësisht për shkak të zbulimit të një siti të rëndësishëm arkeologjik, përfshirë edhe një vilë të periudhës romake, pikërisht në themelet ku ishte planifikuar […]
Çifti shkodran Alda e Bepin Shtylla janë rikthyer në Shkodër pas 35 vitesh emigrim.
Ata kanë sjellë në qytetin e tyre të lindjes eksperiencën e përfituar në baret dhe restorantet italiane ku kanë hapur një biznes .Alda thotë se vendosën të kthehen në Shkodër pas 3 dekadash e gjysmë pasi janë shumë të lidhur me qytetin e lindjes .
Në restorantin që kanë hapur kanë ekspozuar njëkohësisht antikuarë, të cilat i kanë koleksionuar ndër vite.
Bepin Shtylla tregon se ka pasur gjithmonë pasion të koleksionoj objekte sidomos orët, por edhe magnetofonat. Ndërsa ka mësuar që ti riparoj ato duke I bërë funksionale. Thotë se biznesin e ngritën me fitimet e mbledhura gjatë punës së tyre në shtetin italian .
Përvojat e fituara në Itali dhe antikuarët e grumbulluara për mbi tre dekada kanë shtyrë çiftin Shkodran që ashtu si 35 vite më parë kur u larguan nga Shqipëria, vendosin që të rikthehen për të përjetuar sërish “fillimin e ri”, por kësaj here në shtëpinë e tyre, në Shkodër./abcnews.al
Çdo 12 qershor është ditë gëzimi për ata që ende shohin tek Partia Socialiste një bashkësi njerëzish, të lidhur nga vlerat, historia apo bindjet politike. Në këtë ditë përvjetori të ndryshimit të emrit të partisë, anëtarët e saj, aktivistë, deputetë dhe të tjerë ish-drejtues marrin ftesë që të mblidhen në oborrin përballë selisë në qendër të Tiranës për një gotë vere të kuqe apo të bardhë, sipas rastit.
Aty gjejnë rastin të konfirmojnë përkatësinë politike përmes thirrjeve “o shokë” dhe “o shoqe”, rikthejnë me nostalgji histori të shkuara, trokasin gotat dhe presin t’i urojë nga afër edhe kryetari. Ndonjëri madje, që konsiderohet me fat edhe shkëmben edhe ndonjë batutë me Ramën, ndonjë arrin të bjerë në sy kur merr ndonjë rrahje shpatullash apo një përqafim atëror.
Kuptohet se këtë vit, 12 qershori ishte dy herë festë. Edhe përvjetori i partisë, po edhe mandati i katërt.
Pushteti sjell me vete mirëqënien, tenderat, vendet e punës për familjarët, rrogat, dietat, tollonat e naftës dhe lloj lloj privilegjesh që ua bëjnë jetën më të mirë.
Në këtë dolli kolektive, Ramën e prisnin krahëhapur tryezë më tryezë, teksa ai kryen ritualin e përvitshëm; hedh romuze për njërin, dhuron buzëqeshje për tjetrin dhe krijohet ajo atmosferë shlodhjeje dhe pajtimi, që ta imponon t’i lësh mënjanë hatërmbetjet e vjetra e t’i kthehesh me dëshirë një solidariteti që vetëm familja e madhe politike ta dhuron sipas motos “i joti mishin ta ha, po kockën ta ruan”.
Vetëm se prej disa ditësh, qarkulloi një pëshpërimë se festa do të anulohej. Ftesat u vonuan. Dhe paraditen e 12 qershorit konfimimi erdhi; festa është shtyrë për të enjten tjetër. Kryetari ka ikur në SHBA. Gëzimin e familjes së madhe socialiste e ka lënë për një sebep tjetër, të një familjeje tjetër akoma më të madhe; familjen sorosiste.
Dasma e Aleksit me Huma Abedin
Janë të rrallë ato shokë e shoqe socialiste që kanë dëgjuar për Huma Abedin, një amerikane e njohur si njeriu në hije pas Hillari Klinton, ndihmësja e saj më e besuar dhe më e heshtur. Huma, 49 vjeçe ka qenë e martuar me ish-kongresmenin Anthony Ëiener, që u përfshi në një skandal seksual me një të mitur 15-vjeçare, ngacmim që e çoi në burg, i dogji karrierën politike dhe i shkatërroi martesën.
E mbetur fillikat pas zhgënjimit nga ish-bashkëshorti, Huma gjeti shërim në krahët e Aleks Soros, të birin e bilionerit me origjinë hungareze Xhorxh Soros. Lidhja mes tyre u konsolidua shpejt dhe ata vendosën ta kurorëzojnë dashurinë me një dasëm në datën 14 qershor të këtij viti.
Aty ku “bilionerët e vjetër” takojnë “fuqinë politike”, është përshkrimi që mediat amerikane i japin në faqet e tyre kurorëzimit të çiftit që përbën sensacion për të dyja motivet. Detajet e dasmës kanë bërë kureshtarë mediat gossip, por jo vetëm.
Festë në pronat e miliarderit Soros
Screenshot
Është nga ato ngjarje që bën zhurmë edhe para se të ndodhë: dasma e Alex Soros dhe Huma Abedin të enjten, më 14 qershor në pronat e familjes Soros në Hamptons, po konsiderohet që tani qendra e një spektakli politik, social dhe mediatik që nuk ndodh çdo vit.
Huma Abedin, e cila e përshkruan marrëdhënien me Alex si “pak surrealiste”, ka thënë për Neë York Magazine: “Nuk kisha imagjinuar ndonjëherë se do të takoja dikë që i përshtatet kaq mirë me jetën time. Nuk kam nevojë t’i shpjegoj asgjë – dhe as ai mua.”
Ndërsa Soros ka reflektuar për periudhën e tij të beqarisë, kohën kur ka eksperimentuar dhe jep një deklaratë që e shpjegon afeksionin për bashkëshorten e ardhshme: “Nuk kisha qenë në një lidhje për një kohë të gjatë, thuajse 10 vjet apo diçka e tillë që nuk kisha një lidhje më shumë se 3-mujore. Dhe është hera e parë që kuptoj se kisha ngatërruar epshin me dashurinë”.
Prona e tyre, Hamptons është një megavillë 30,000+ metra katrorë në rrugën Old Toën. Siç përshkruan Galavante, ambienti është “çdo grimë aq luksoz sa tingëllon, me kopshte të rregulluara, pishinë, fushë tenisi, biblioteka private dhe një bodrum vere që do i bënte zili çdo somelieri”.
Vlera e pronës është rreth 14.5 milionë dollarë dhe ndodhet në Southampton. Ka dymbëdhjetë dhoma, një bibliotekë private, pishinë olimpike dhe një bodrum vere me standarde Michelin, çdo lëvizje është simbol i një tjetër niveli shoqëror.
“Me gjithë pemët e gjata dhe energjinë e qetë, kjo nuk është thjesht një shtëpi – është një deklaratë” shkruan portali. Ceremonia do të jetë private, por aspak modeste. Page Six shkruan se disa të ftuar do të vijnë me helikopterë privatë nga Manhattan, për të shmangur trafikun e lodhshëm për në Hamptons.
Lista e të ftuarve është e pakonfirmuar, por raportohet se do të ketë mbi 200 emra, përfshirë ambasadorë, senatorë, drejtorë fondacionesh globale dhe një numër të përzgjedhur personazhesh të famshëm.
Një burim për Daily Mail tha se shumë të ftuar do të qëndrojnë në hotele private dhe resort-e të rezervuara enkas, ndërsa një pjesë tjetër do të udhëtojë menjëherë pas ceremonisë drejt Europës për të vijuar festën në brigjet italiane të Positanos dhe Gjenevës.
Nga lista e të ftuarve është e konfirmuar që vjen Hillary, Bill dhe Chelsea Clinton me bashkëshortin e saj Marc Mezvinsky.
Nuk do të mungojë as Anna Wintour, drejtoresha legjendare e Vogue, që – sipas burimeve të Pagesix – ka ndihmuar personalisht Huma-n të zgjedhë fustanin e saj të dasmës.
Një mik i çiftit ka pohuar për Vogue se “është më shumë se një dasmë – është një moment politik”.
Dhe meqë përmendet Vogue, revista prestigjioze do të mbulojë në mënyrë ekskluzive të gjithë ceremoninë, nga ambientet e zbukuruara me lule sezonale te rruga e Abedinit drejt altarit. Do të jenë edhe Nicky Hilton dhe James Rothschild, që konsiderohen si “mblesët”, ata që kanë prezantuar çiftin Soros–Abedin në një festë në 2023.
Ende nuk është bërë publik dizenjuesi i fustanit të Huma-s, por thuhet se ai është “personalizuar me ndihmën direkte të Anna Wintour” dhe kushton mbi 250,000 dollarë.
Sipas burimeve për People, pas dasmës, çifti do të udhëtojë për një “muaj mjalti të dyfishtë” në Portofino dhe në Positano, ndërsa një festë e dytë më e përqendruar tek rrethi diplomatik dhe investitorë të fondacionit Open Society do të organizohet në Gjenevë.
Në rrjetet sociale, kritikët e familjes Soros e kanë cilësuar ceremoninë si “hipokrizi me fustan Oscar de la Renta”, ndërsa vetë Alex Soros është vënë në qendër të vëmendjes për deklaratat e tij për Izraelin, të cilat kanë ngjallur reagime të kundërta mes mbështetësve dhe kritikëve.
Përtej shkëlqimit të luksit, dasma është edhe një moment i shumëpritur për figurat kryesore të Partisë Demokrate, të cilët do të jenë të pranishëm jo vetëm për të festuar, por edhe për të diskutuar prapaskenat e një partie që po kërkon të kapë ritmin përballë presidencës Trump.
“Abedin, Clinton dhe Clooney janë kthyer në një triumvirat të ri të Partisë Demokrate,” raportoi Neë York Post, duke përmendur një takim të fundit të tyre në The Polo Bar në Manhattan, që është konsideruar një mini-samit strategjik me verë të bardhë.
Kuptohet se dasma shkon përtej ceremonisë martesore. Të ftuarit përbëjnë në vetvete janë një shfaqje force e të majtës amerikane, ndaj kush dëshiron t’i ruajë këto lidhje nuk do të guxonte të mungonte, as Edi Rama që me Sorosin ka një histori të gjatë bashkëpunimi në rrugën e pushtetit.
Konteksti politik për Edi Ramën
Rama mund të jetë nga të rrallët në dasmën e Aleks Soros që ka qenë edhe në dasmën e babait, Xhorxh Soros. Prania e tij në vitin 2013, në ceremoninë e bilionerit 83-vjeçar bëri bujë dhe koha tregoi se Soros ishte një mentor i konsolidimit të pushtetit të Ramës në vendin tonë.
Një rol shumë të rëndësishëm, bilioneri hungarez e luajti gjatë hartimit të reformës në drejtësi. Fondacionet e financuara prej tij u imponuan me një nuancë “amerikane” teksa hartoheshin ligjet e reja, duke e detyruar opozitën ta votojë në bllok në parlament.
Në një intervistë të vitit 2017, Rama i hodhi poshtë akuzat se pas dorës së zgjatur të bilionerit Xhorxh Soros tek reforma në drejtësi, ishte në fakt dora e tij që synonte kontrollin e drejtësisë së re.
“Në dijeni time Fondacioni Soros ka kontribuar me një mbështetje financiare për mbarëvajtjen e punës së Komisionit Parlamentar të Reformës në Drejtesi. Kjo padyshim ka qenë diçka pozitive sepse ka lehtësuar disa shpenzime jo të vogla për ekspertizë. Ndërsa sa për “dorën e Sorosit” ndjej neveri kur shoh se si e kafshojne ata që deri dje e kane puthur jo një herë atë dore, Saliu in primis!” deklaronte Rama.
Megjithatë nga marrëdhënia me Soros, Rama nuk pati vetëm përfitime. Në vitin 2016, ai bëri një hap fals dhe u ofrua si kamikaz duke sulmuar publikisht në mes të fushatës kandidatin republikan Donald Trump në një intervistë në CNN.
Gafa, në të cilën Rama e quajti Trump “turp i civilizimit” i dedikohej kryesisht lidhjeve politike në radhët e Partisë Demokratike në SHBA dhe marrëdhënies me Xhorxh Soros, një armik i shpallur i Trump në fushatë.
Screenshot
Pas largimit të Trump nga Shtëpia e Bardhë, demokratët u rikthyen në Shtëpinë e Bardhe me Joe Biden, që i dhuroi një mbështetje të pakursyer pushtetit të Ramës, kryesisht përmes sulmeve të Yuri Kim ndaj opozitës, përmes shpalljes non grata të Sali Berishës apo me vlerësimet që mori publikisht nga ish-sekretari i shtetit, Entoni Blinken, i cili e quajti Edi Ramën një “udhëheqës të shquar” pas skandalit McGonigal.
Gjithsesi, gabimet e së shkuarës e mësuan të mbajë një pozicion të baraslarguar nga lufta politike në SHBA.
Në rrugën e Trump për t’u rikthyer në Shtëpinë e Bardhë, Rama jo vetëm nuk u ofrua më si kamikaz, por bëri një përpjekje për të ndërtuar një marrëdhënie biznesi me Jared Kushner, dhëndrin e Trump dhe vajzën e tij, Ivanka për ndërtimin e një resorti luksi në ishullin e Sazanit.
Në fushatën e 11 Majit Partia Demokratike i bëri jehonë lidhjeve të Ramës me Soros dhe fijet që tërhoqi në administratën amerikane për të kapur drejtësinë në Shqipëri. Efektet e kësaj u ndjenë në marrëdhëniet me Aleks Soros, me të cilin u duk sikur pati një krisje, një distancim që mund të shpjegohej vetëm me erërat e reja që po fryjnë në SHBA.
Shembulli më flagrant i këtij ngërçi ishte fakti se Edi Rama fshiu nga rrjetet sociale fotot me Aleks Soros, njeriun që deri dje e quante “vëllaçko”. Burgosja e Erion Veliajt shënoi një tjetër prapakthehu, por dëmet nuk paskan qenë të pariparueshme.
Ftesa për në dasëm ka mbërritur në Tiranë dhe Rama nuk e ka menduar dy herë për të shtyrë festimet e Partisë Socialiste.
Në një kontekst tjetër socialistët e përdhosur dhe të braktisur mund të ishin ndjerë të fyer, të irrituar, të revoltuar nga kjo ikje e kryetarit në dasëm.
Por pas 12 vitesh në pushtet, vlerat dhe bindjet politike të asaj që dikur ishte një parti me aspirata të majta janë kalbur. Historia, simbolikat, traditat ruhen ende si fasadë, por për të maskuar një organizate tjetër, që funksionon sipas një kodi apolitik. Kjo organizatë fshihet pas petkut të PS dhe nuk mbahet me bindje ideologjike, por vetëm me veprime pragmatike, për të arritur pushtetin, mirëqënien, tenderat, vendet e punës, rrogat etj./Lapsi.al
Nga Shkodra ka nisur edicioni i 21-të i Rally Albania. Ngjarja më e madhe e garave motorike në vend dhe një nga më të njohurit në Ballkan.
Për shtatë ditë me radhë, pilotë nga vende të ndryshme të botës do të përshkojnë terrenet më të vështira dhe panoramat më të bukura që ofron Shqipëria, në një sfidë që bashkon adrenalinën me aventurën.
Me dhjetëra automjete dhe motorë të specializuar për gara në terrene të thyer, “Rally Albania” këtë vit ka zgjedhur pikërisht Shkodrën si pikënisje simbolike të këtij udhëtimi sfidues, duke promovuar jo vetëm sportin ekstrem, por edhe turizmin në Shkodër.
Pjesëmarrësit do të kalojnë nëpër qytete, male dhe zona të thella të vendit, përpara se të përmbyllin garën në Tiranë. Organizatorët theksojnë se ky edicion do të ketë më shumë etapa, më shumë kilometra dhe një rritje të konsiderueshme të pjesëmarrësve nga jashtë.
“Rally Albania” nuk është vetëm një garë, por një aktivitet që gjallëron jetën ekonomike dhe turistike të zonave ku kalon, duke promovuar Shqipërinë si destinacion për sportet motorike./abcnews.al
Nxënës dhe mësues të shkollave profesionale nga Shkodra, Tirana dhe Elbasani, përmes përkushtimit dhe krijimtarisë sollën një spektakël unik veshjesh frymëzuar nga xhubleta, veshja e lashtë shqiptare e shpallur nga UNESCO si pjesë e trashëgimisë kulturore botërore.
Në aktivitetin përmbyllës, ku tradita u bë frymëzim dhe zanati u kthye në art, të rinjtë dëshmuan se aftësimi profesional është një rrugë e fortë drejt vetërealizimit dhe inovacionit kulturor.
Ministria e Ekonomisë, Kulturës dhe inovacionit shprehu mirënjohjen e veçantë për të gjithë nxënësit dhe mësuesit e shkollave profesionale nga Shkodra, Tirana dhe Elbasani.
Xhubleta, me formën e saj të veçantë që daton që nga epoka e bronzit, u bë pikënisja për interpretimet moderne të stilit dhe identitetit, një shembull i gjallë sesi trashëgimia jonë e pasur mund të jetojë nëpërmjet brezave të rinj.
MEKI falënderoi për organizimin e këtij aktiviteti fondacionin “TRE MARIAT”, Qendra Antropologjike XHUBLETA, AKPA – për koordinimin me shkollat profesionale, SDC/S4J – për mbështetjen dhe besimin e treguar, Drejtorinë e Pronësisë Industriale – për ndërgjegjësimin mbi mbrojtjen ligjore të krijimeve, Mësuesit dhe drejtuesit e shkollave, që i japin jetë dijes çdo ditë dhe Albanian Night – një shtëpi e madhe e artit dhe mikpritjes shqiptare.
Ky projekt është dëshmi se kur rinia, kultura dhe edukimi bashkëpunojnë, rrënjët dhe krahët ecin bashkë.
Xhubleta shqiptare katërmijëvjeçare u pranua në 28 nëntor 2022 në listën e Trashëgimisë Kulturore Jomateriale nën mbrojtjen e UNESCO-s. Veshja simbol e trashëgimisë tonë është tashmë pasuri e gjithë njerëzimit.
Xhubleta njihet si veshje tradicionale e grave të Malësisë. Dosja e dijebërjes artizanale të xhubletës u dorëzua në UNESCO, për shkak se veshja tradicionale unike po rrezikonte të humbiste./atsh/KultPlus.com
Shkodra është një prej qyteteve më të kahershme të Shqipërisë, me një histori banimi mijëvjeçare në qytet dhe krahinë. Po ashtu Shkodra gjatë viteve të tëra, ka qenë një vend ku është zhvilluar kultura dhe jeta artistike, shkruan KultPlus.
Një fotografi e postuar nga Vinceś Mudroū, dëshmon se këtë qytet e kanë vizituar edhe artistë kinezë, në vitin 1955. Derisa ata parakalojnë përmes rrugëve të këtij qyteti, qytetar të shumtë kanë dalë për të pritur ardhjen e tyre.
KultPlus, ju sjellë këtë fotografi që tregon një atmosferë të këndshme në këtë qytet, derisa me buzëqeshje, e duartrokitje artistët kinez përshëndeten me banorët e qytetit të Shkodrës./ KultPlus.com
Zgjedhjet parlamentare të 11 majit 2025 në qarkun e Shkodrës u zhvilluan në një klimë të pasigurt për Partinë Demokratike, e cila për herë të parë pas 35 vitesh garoi pa kontrollin e Bashkisë Shkodër.
Humbja e pushtetit vendor kishte dobësuar ndjeshëm influencën tradicionale të PD-së mbi administratën dhe rrjetet sociale lokale, duke e bërë mobilizimin elektoral më të vështirë se kurrë më parë.
PD ruan mandatet
Megjithë këtë disavantazh, PD arriti të ruajë 5 mandatet parlamentare, një rezultat që në kushtet aktuale vlerësohet si fitore e rëndësishme morale. PD arriti të rikthejë në politikën qendrore, përmes listave të hapura, një nga figurat me influencë në radhët e saj ish-kryebashkiakun Bardh Spahia. Nëpërmjet sistemit të listave të hapura, Spahia mori afro 10 mijë vota nominative.
Spahia u votua drejtpërdrejt nga qytetarët, pavarësisht humbjes së kontestuar nga opozita së bashkisë në vitin 2023.
PS, fitore e pamjaftueshme
Partia Socialiste, me gjithë fuqinë e pushtetit qendror dhe lokal, arriti të marrë 4 mandate, një më shumë se në vitin 2021. Për gazetarin Bepin Kolvataj, ky rezultat nuk përfaqëson rritje reale të mbështetjes popullore.
“Mandati i katërt u sigurua falë transferimit politik të ish-deputetit të LSI-së, Agron Çela, dhe kandidimit të vajzës së tij në listat e PS-së, Xhenis Çela. Dhe kjo është tërësisht e provuar bazuar mbi shifrat.
Në zgjedhjet parlamentare të vitit 2021, Partia Socialiste në Bashkinë Shkodër dhe rrethinat e saj mori 15,848 vota, ndërsa Agron Çela, asokohe kandidat i LSI-së, arriti të merrte 7,880 vota. Në këto zgjedhje të dyja së bashku në këtë bashki kanë marrë 24,115 vota, pra shumatorja e 2021-shit me një plus minimal prej vetëm 387 votash,” përfundon gazetari Kolvataj.
Tashmë që rezultati i mandateve është definitiv, mund të thuhet se nga 11 mandate që prodhon Qarku i Shkodrës, 5 mandate i ka marrë PD, duke tejkaluar me një mandat listën e mbyllur, 4 PS dhe 2 PSD e Tom Doshit.
Malësia e Madhe votë për PS
Në bashkitë Pukë, Fushë-Arrëz dhe Shkodër ka fituar Partia Demokratike; në bashkinë Vau i Dejës PSD doli forcë e parë, ndërsa PS doli forcë e tretë. E vetmja fitore e plotë e PS-së u regjistrua në Malësinë e Madhe, e cila u “blindua” nga Partia Socialiste me një prezencë të fortë organizative, katër kandidatë të pozicionuar fort në listë dhe bashki me pushtet të majtë.
Arsyet
Ergys Kavaja, gazetar në Shkodër, thotë se shpërndarja e 11 mandateve në Shkodër ka treguar se partitë politike në këtë qark nuk kanë arritur të dalin jashtë kuadratit të mbështetësve tradicionalë të forcave politike.
“Kjo fushatë tregoi që kandidatët, kryesisht ata të listave të hapura, nuk dolën jashtë kuadratit të subjektit politik, ku PS, PD dhe PSD kanë numër më të ulët mbështetësish në raport me 2021, ku edhe pjesëmarrja është më e ulët, si një ndëshkim për besimin ndaj politikës”
PSD
Partia Socialdemokrate e Tom Doshit konfirmoi fuqinë e saj si faktor, duke mbajtur sërish 2 mandate, një rezultat identik me atë të zgjedhjeve të mëparshme. PSD vazhdoi të ushtrojë ndikim të fortë në zonat rurale dhe në segmentet sociale të pakënaqura, duke ruajtur pozicionin e saj si vendimmarrëse në lojën e mandateve.
Megjithatë, raportet e tensionuara me PS-në, veçanërisht pas akuzave të drejtpërdrejta të Doshit ndaj kryebashkiakut Benet Beci dhe aksionit të bujshëm të SPAK pak ditë para zgjedhjeve, treguan qartë se PSD ka dalë nga “hija” e bashkëpunimeve të dikurshme dhe synon të mbajë një pavarësi të theksuar në lojën politike.
Mbështetësit
Një ndër mbështetësit e hershëm të Tom Doshit e sheh rezultatin e tij të pritshëm, por tregon se ndjen keqardhje për përçarjen dhe luftën e brendshme me PS Shkodër:
“Ne kemi ardhur në 2013 tek Partia Socialiste me Tom Doshin, ai ka qenë përherë ‘gjenerali’ i fitoreve të socialistëve dhe nuk ka lëshuar kurrë njerëzit e tij. Nuk mund të shihemi nga PS si armiq,” thotë ai, i cili nuk e feston fitoren me të njëjtin entuziazëm si herët e tjera.
Nga ana tjetër, deputetja Greta Bardeli, teksa përmbyllet procesi, shprehet e zhgënjyer nga rezultati i zgjedhjeve në gjithë Shqipërinë, por ngre kokën lart kur flitet për Shkodrën:
“Duhet t’i puthim dorën çdo shkodrani dhe t’i falënderojmë me zemër. 12 vite nuk kemi pasur ne si deputetë asgjë për t’u ofruar dhe tashmë ata mbajnë presionin e ‘bukës së gojës’ mbi supe. Me gjithë faktorët dhe tentativat për shit-blerje të votës, ata sërish na besuan,” thotë ajo e përlotur.
Fitore “me pishman”
Demokratët e thjeshtë sërish nuk gjejnë paqe. Një nga numërueset e PD-së, në përfundim të numërimit të votës preferenciale, thotë:
“Po të kishim qenë aq garues me PS-në sa u treguam në garën e brendshme, sot do të kishim 6 deputetë. Na mungojnë 6 mijë vota të demokratëve, të cilat i morën partitë e vogla, pasi ne nuk ditëm të krijonim besim. Dhe kjo është humbja jonë sot,” thotë ajo, teksa dorëzon procesverbalin e fundit.
Kryebashkiaku
Kryebashkiaku i Shkodrës dhe njëkohësisht drejtuesi politik i këtij qarku, Benet Beci, në përmbyllje të procesit, shkroi në një status në Facebook:
“Në Qarkun e Shkodrës, edhe pse nuk jemi forcë e parë, kemi arritur objektivin tonë kryesor: sigurimin e një mandati shtesë deputeti dhe kemi qenë shumë pranë mandatit të dytë shtesë. Kemi ruajtur epërsinë dhe fitoren në Malësinë e Madhe, ndërsa kemi shënuar një rritje spektakolare të votave në Bashkinë Shkodër, një dëshmi që qytetarët po e mbështesin gjithnjë e më shumë betejën tonë për zhvillimin e këtij qyteti.
Fitorja më e madhe padyshim është qetësia, qytetaria dhe pozitiviteti që i dhamë Shkodrës gjatë kësaj periudhe të gjatë gare, si rrallëherë më parë. Dhe këtë hap e bëmë bashkë me të gjithë qytetarët e qarkut tonë.”
Diaspora ruajti bastionin
Edhe pse procesi i votimit në diasporë u shoqërua me problematika të shumta, përfshirë vonesa në shpërndarjen e zarfeve dhe kontestime procedurale, rezultati përfundimtar në 13,523 zarfa të ardhura për qarkun e Shkodrës konfirmoi edhe një herë dominimin e Partisë Demokratike. Ky rezultat tregon qartë se, pavarësisht sfidave organizative dhe përpjekjeve për të ndikuar votën jashtë vendit, diaspora mbetet besnike ndaj bindjeve tradicionale dhe ndihmoi në ruajtjen e bastionit historik të së djathtës në Shkodër, qoftë edhe simbolikisht.
Megjithatë, ky proces është parë me mosbesim edhe nga vetë emigrantët, të cilët i frikësoheshin manipulimit të votës.
Arben dhe Lucie Gjeloshi, një çift që prej vitesh jetojnë në Itali, kanë udhëtuar posaçërisht për të votuar në Shkodër:
“Ne jemi demokratë në shpirt, nuk u regjistruam hiç në Itali se nuk kishim besë. Ishalla këtu nuk na bëjnë filma, por ne ndihemi më të lehtësuar kështu,” thonë ata për Faktoje.
Partitë e vogla
Votat e partive të vogla në këtë qark tregojnë një përpjekje për diversifikim politik, por vetëm PSD arriti të marrë dy mandate ndërsa të tjerat mbeten të papërfillshme në ndikimin politik të qarkut.
Rezultatet tregojnë se në votën e diasporës është evidentuar një mbështetje më e gjerë për partitë e vogla, krahasuar me prirjet brenda vendit. Elvis Deda, i riu kandidat i partisë “Mundësia”, thotë për Faktoje: “Unë kam qenë gjithmonë demokrat, kam qenë vëzhgues dhe mbështetës i kësaj force politike në shtabet e tyre në Shkodër. Zgjodha partinë ‘Mundësia’ sepse vërtet më dha ‘mundësinë’ në një eksperiencë që më rriti shumë në përballjen direkte me qytetarët e Shkodrës. Këtë herë isha në vijë të parë të fushatës dhe munda të njoh shumë njerëz, të njihja më nga afër qoftë mentalitetin, qoftë qasjen e tyre ndaj politikës.
Më vinte keq teksa shpërndanim broshura me programin e partisë dhe të parët që na sulmonin ishin kandidatët e rinj të Partisë Demokratike në listën e deputetëve. Si unë dhe ata e dinim që nuk do arrinim të futeshim në Kuvend, por e di që misioni im nuk përfundon me një garë elektorale. Jam idealist dhe jam i lumtur pasi shkodranët na votuan për aq sa na njohën,”, tha ai
Pjesëmarrje e ulët
Sipas të dhënave të INSTAT, nga viti 2011 deri në 2023, popullsia e Qarkut Shkodër ka rënë me 28.3%, kryesisht për shkak të emigracionit masiv dhe tkurrjes demografike.
Kjo rënie e ndjeshme e popullsisë ka reflektuar drejtpërdrejt në këto zgjedhje, me ulje të numrit real të banorëve rezidentë dhe, si rrjedhojë, edhe të votuesve aktivë.
Pavarësisht rritjes së peshës së votës së diasporës, ajo nuk ka mjaftuar për të kompensuar këtë rënie të thellë në pjesëmarrjen lokale. Por kjo mund të përkthehet edhe si një sinjal i qartë i pakënaqësisë, indiferencës ose mosbesimit ndaj ofertës politike
SPAK
Kur procesi i numërimit të votave ishte në kutitë e fundit, SPAK zbarkoi në Shkodër. SPAK dhe BKH ndërmorën një tjetër aksion në Shkodër, ku u shoqëruan disa persona për krime zgjedhore. Gjithashtu ka pasur edhe një aksion për kontroll personal dhe të automjeteve me vendim të GJKKO.
Më 8 maj, vetëm 3 ditë para zgjedhjeve të 11 majit, SPAK, BKH dhe Policia e Shkodrës kryen kontrolle dhe veprime hetimore në Malësi të Madhe, Barbullush, Bushat dhe Mjedë, gjithashtu në kuadër të parandalimit të krimeve zgjedhore.
BKH dhe policia kryen kontrolle në disa banesa, zyra e automjete që, sipas burimeve, i përkisnin anëtarëve të shtabit të PSD.
Një ndër lajmet më të bujshme ishte se SPAK kishte sekuestruar celularin e kryebashkiakut socialist të Vaut të Dejës, Kristian Shkreli.
Kryebashkiaku reagoi të nesërmen nga terreni, duke konfirmuar se ishte në detyrë, por pa mohuar ose pohuar lajmin për sekuestrimin e telefonit personal.
Në lidhje me këtë ngërç politik në Kosovë, analistja Magbule Shkodra shprehet se fatura për këtë krizë i shkon Lëvizjes Vetëvendosje. Deputetët e Kuvendit të Kosovës dështuan të dielën (25 maj) për herë të 21-të radhazi ta konstituojnë përbërjen e nëntë parlamentare, të dalë nga zgjedhjet e shkurtit.
“Kosova është në një krizë politike për shkak të moskonstituimit të Kuvendit. Ne kemi ngecur në zgjidhjen e kryetarit. Lëvizja Vetëvendosje ka edhe 47 deputetë të tjerë që mund të propzojë”, tha Shkodra.
Më tej analistja nënvizon se çështja e votimit të fshehtë sipas LVV është që deputetët të votojnë Albulena Haxhiun.
“Në lidhje me votimin e fshehtë ka spekulime se 4 deputetët të Listës Serbe janë gati të votojnë Haxhiun”, shtoi analistja ndërsa theksoi se çelësi për zgjidhjen e kësaj situate është Gjykata Kushtetuese.
Shkodra nënvizoi dhe se kjo krizë po sjell shumë probleme për Kosovën dhe për këtë çështje ishte dakord me deklaratën e shpreh ish-presidenti Fatmir Sejdiu në rrjetet sociale ku ndër të tjera ky ngërç do të sjell edhe dëmtimin e imazhit ndërkombëtar të Kosovës.
“Ka shumë marrëveshje që duhet të ratifikohen. Jemi duke shkuar drejt dështimit. LVV nuk duhet të jenë kokëfortë, por të japin një propozim të ri. Kurti thotë se situata është e mirë, por nuk është kështu. Nesër kemi shfaqjen e 22-të, dhe ata po mundohen të maskojë situatën përmes votimit të fshehtë”, tha Shkodra.
Nga Albert Vataj Në një ditë të shënuar, 24 majin, ditëlindjen e Agim Radës, një prej skulptorëve më të spikatur të artit shqiptar, qyteti i Shkodrës, kjo fortifikatë e kujtesës dhe qëndresës, mirëpriti në gjirin e saj sipërmarrësin e guximshëm dhe mikun e tij besnik, Gjergj Luca. Ishte një kthim simbolik, një homazh i heshtur dhe i thellë në vendin që i ngjan shpirtit të Radës. Shkodra…
Në dosjen e SPAK për operacionin “Ura” zbardhet edhe roli i efektivit të kufirit në portin e Durrësit Naim Beluli, i cili akuzohet se ka kaluar në mënyrë të paligjshme drejt Italisë një prej trafikantëve të drogës Edison Gjoka alias Cukaj, ndërsa ndërmjetësi është Ervis Deti. Në emër të tij, është personi Bexhet Mema që […]
Investimi për projektin restaurues të Muzeut Arkeologjik të Durrësit ka hyrë në fazën e tij të fundit, megjithëse nuk dihet nëse ekspozita do të jetë gati për sezonin e ri turistik. Restaurimi i Muzeut të Durrësit po realizohet me një fond prej 348 milionë lekë të dhuruar nga Bashkimi Europian, por periudha e ndërhyrjeve i […]
Login
