Ligjvënësit e Bashkimit Europian organizojnë të enjten votëbesim kundër shefes së bllokut europian, Ursula von der Leyen, teksa kryeministri hungarez, Viktor Orban është në krye të thirrjeve për rrëzimin e saj.

Ky votim, i pari i këtij lloji në Parlamentin Europian në mbi një dekadë, është organizuar nga ligjvënës të ekstremit të djathtë. Për të kaluar nevojiten dy të tretat e votave të shumicës.

Von der Leyen mund të detyrohet të japë dorëheqje nëse humb, ndonëse fitoren e ka pothuajse të garantuar pasi shumica e grupeve politike kanë dhënë sinjale se do të votojnë kundër. Ajo nuk pritet të marrë pjesë në votimin që zhvillohet në Strasburg të Francës.

Mocioni përbëhet nga një mori dyshimesh kundër von der Leyenit, përfshirë mesazhet private me shefin e fabrikës Pfizer që ka prodhuar vaksina kundër koronavirusit, për keqpërdorim të fondeve të BE-së dhe për ndërhyrje në zgjedhjet në Gjermani dhe Rumani.

Orbani ka thënë përmes një postimi në Facebook se votimi “do të jetë moment i së vërtetës, në njërën anë do të jetë elita imperialiste e Brukselit, në tjetrën patriotët. Është thelbësore të bëhet një zgjidhje. Zonja presidente, thelbi i udhëheqës tuaj është përgjegjësia. Është koha të largoheni!”.

Shefja e BE-së ka pasur shpesh mospajtime me Orbanin për shkak të veprimeve të tij në Budapest që kanë dëmtuar demokracinë. Prandaj, Komisioni Europian ia ka ngrirë qasjen në miliarda euro në fonde të BE-së.

Ky votim ka hapur rrugën për shumë kritika ndaj von der Leyenit – e cila ka qenë në krye të nismës së BE-së për të gjetur vaksina për gati 450 milionë banorë gjatë pandemisë – por edhe për Partinë e saj Popullore Europiane, e cila përbën grupin më të madh politik në parlament./ REL

The post Ursula von der Leyen përballet me votëbesim, Orban thirrje për rrëzimin e saj appeared first on Lapsi.al.

BRUKSEL, 2 korrik /ATSH-DPA/ – Komisioni Evropian nën drejtimin e presidentes, Ursula von der Leyen do të përballet me një votë mosbesimi në Parlamentin Evropian.

Presidentja e Parlamentit, Roberta Metsola i informoi krerët e grupeve parlamentare për zhvillimin e pasdites së sotme.

Mocioni i mosbesimit u paraqit nga ligjvënësi rumun i krahut të djathtë të BE-së, Gheorghe Piperea.

Iniciativa akuzon komisionin për mungesë transparence dhe keqmenaxhim, veçanërisht në lidhje me trajtimin e pandemisë Covid-19.

Mocioni kishte nevojë për mbështetjen e 1/10 së ligjvënësve të BE-së, ose të paktën 72 nënshkruesve, në mënyrë që të debatohej dhe votohej gjatë seancës plenare të javës së ardhshme në Strasburg.

Nëse miratohet, komisioni do të duhet të japë dorëheqjen në tërësi me presidenten e saj dhe 26 komisionerët e BE-së.

Megjithatë, një skenar i tillë konsiderohet i pamundur, pasi do të kërkonte një shumicë të dyfishtë që përbëhet nga dy të tretat e votave të hedhura dhe që përfaqëson shumicën e 720 vendeve të parlamentit./  a.jor.

The post BRUKSEL – Komisioni i BE-së i Von der Leyen do të përballet me votë mosbesimi appeared first on Agjencia Telegrafike Shqiptare.

PARIS, 1 korrik /ATSH-AFP/ – Qeveria e pakicës në Francë i mbijetoi një vote mosbesimi të sjellë nga socialistët në Asamblenë Kombëtare.

Mocioni kundër kabinetit të qendrës së djathtë, i cili ishte paraqitur nga socialistët për shkak të pakënaqësisë së tyre me qasjen e kryeministrit François Bayrou ndaj çështjes së pensioneve, nuk arriti të siguronte shumicën në Dhomën e Ulët të parlamentit.

Qeveria e pakicës ka humbur një burim të rëndësishëm mbështetjeje tek socialistët, i cili më parë e kishte penguar atë të mbështetej te nacionalistët e ekstremit të djathtë të udhëhequr nga Marine Le Pen.

Sfondi përfshin konsultimet e iniciuara nga Bayrou në lidhje me një ndryshim në reformën kontroverse të pensioneve të vitit 2023.

Kjo fillimisht i siguroi Bayrousë tolerancën e socialistëve.

Megjithatë, konsultimet dështuan dhe si rezultat, socialistët paraqitën një mocion për një votë mosbesimi.

Ata akuzojnë Bayrou se e ka shkelur fjalën e tij për këtë çështje dhe nuk i qëndron më premtimit se parlamenti do të kishte fjalën e fundit për çdo ndryshim të mundshëm në reformën e pensioneve.

Reforma e pensioneve shkaktoi protesta masive në Francë në fillim të vitit 2023.

Thelbi i reformës kryesore të presidentit Emmanuel Macron ishte rritja graduale e moshës së daljes në pension nga 62 në 64 vjeç.

Kjo do të ruhet edhe me një amendament.

Megjithatë, do të ketë lëshime për nënat dhe njerëzit në profesione kërkuese.

Edhe para votimit të mbrëmjes së sotme, pritej që përpjekja e socialistëve për të rrëzuar qeverinë të dështonte.

Ndërsa partitë e tjera të krahut të majtë donin të tërhiqnin besimin e tyre nga qeveria, blloku i Le Pen kishte deklaruar se nuk do ta bënte këtë.

Situata mbetet e pasigurt për Bayrounë.

Në vjeshtë, qeveria mund të përballet me një tjetër votë mosbesimi gjatë negociatave të buxhetit, në të cilat nacionalistët e krahut të djathtë mund të tërhiqnin besimin e tyre.

Pa tolerancën e socialistëve, qeveria e pakicës mund të bjerë./ a.jor.

The post FRANCË – Qeveria i mbijeton një mocioni mosbesimi appeared first on Agjencia Telegrafike Shqiptare.

TIRANË, 1 korrik/ATSH/ Treguesi i ndjesisë ekonomike (TNE) shënoi një rënie prej 2.2 pikësh gjatë muajit qershor, ndikuar kryesisht nga dobësimi i besimit në sektorin e shërbimeve dhe atë të industrisë. Megjithatë, TNE-ja mbetet ende në nivele të larta, duke qëndruar 6.4 pikë përqindje mbi mesataren historike.

Në sektorin e industrisë, treguesi i besimit ra me 2.3 pikë përqindje, duke reflektuar vlerësime më pak optimiste për prodhimin industrial dhe pritje në rënie për porositë nga eksportet.

Aktualisht, ky tregues ndodhet 6 pikë përqindje mbi mesataren historike. Ndërkohë, pritjet për punësimin në të ardhmen janë ulur, ndërsa çmimet e pritshme të produkteve pritet të mbeten të pandryshuara.

Ndërsa besimi në sektorin e ndërtimit regjistroi një rritje prej 1.6 pikësh përqindje, duke e çuar këtë tregues 15.4 pikë përqindje mbi mesataren afatgjatë. Rritja u ndihmua nga vlerësime më pozitive për aktivitetin aktual në këtë sektor. Megjithatë, pritjet për punësimin dhe çmimet në të ardhmen janë ulur.

Sektori i shërbimeve pati një rënie më të theksuar të besimit, me 5 pikë përqindje, krahasuar me muajin e kaluar. Pavarësisht kësaj, niveli i këtij treguesi qëndron ende rreth 11 pikë përqindje mbi mesataren historike. Rënia pasqyroi vlerësime më pak optimiste për aktivitetin aktual dhe kërkesën, si dhe pritje më të ulëta për punësimin.

Ndërkohë, janë rishikuar për lart çmimet në të ardhmen.

Treguesi i besimit në tregti mbeti thuajse i pandryshuar, me një nivel rreth 6 pikë përqindje mbi mesataren historike. Rritja e vlerësimeve për ecurinë aktuale të biznesit u shoqërua me pritje më të ulëta për punësimin dhe për ecurinë e ardhshme të biznesit, si dhe për çmimet.

Edhe treguesi i besimit konsumator mbeti pothuajse në të njëjtin nivel me muajin e kaluar, duke qëndruar 2.5 pikë përqindje mbi mesataren historike.

Rritje u shënuan në vlerësimet për situatën ekonomike në të ardhmen dhe për blerjet aktuale në shuma të mëdha, ndërkohë që pritjet për situatën financiare dhe blerjet e ardhshme ishin më pak optimiste. Pritjet për nivelin e përgjithshëm të çmimeve në të ardhmen janë rishikuar lehtësisht në rritje. /j.p/

The post Bie besimi në ekonomi në qershor appeared first on Agjencia Telegrafike Shqiptare.

VARSHAVË, 11 qershor /ATSH/- Qeveria polake i mbijetoi sot një votëbesimi në parlament, ndërsa kryeministri Donald Tusk kërkon të rivendosë autoritetin e tij pas humbjes së aleatit të tij – në zgjedhjet e fundit presidenciale, sipas AP.

Ligjvënësit votuan me 210 vota në favor të qeverisë në Sejmin me 460 vende, Dhoma e Ulët. Nuk pati abstenime.

“Polonia është në një realitet të ri dhe unë po kërkoj një mundësi të re, pas humbjes më 1 qershor të kryetarit të bashkisë së Varshavës, Rafal Trzaskowski”, tha Tusk më herët – duke iu referuar – aleatit të tij të ngushtë – historianit nacionalist, Karol Nawrocki.

“Po kërkoj një votëbesim me bindje të plotë se kemi një mandat për të qeverisur, për të marrë përgjegjësi të plotë për atë që po ndodh në Poloni”, tha Tusk.

I mbështetur nga presidenti i SHBA-së Donald Trump, Nawrocki do të zëvendësojë presidentin në largim Andrzej Duda, një tjetër konservator – i cili bllokoi vazhdimisht përpjekjet e Tusk për reforma.

Pjesa më e madhe e pushtetit në sistemin parlamentar të Polonisë i takon parlamentit të zgjedhur dhe qeverisë së zgjedhur nga parlamenti.

Megjithatë, presidenti mund të vërë veton në legjislacion dhe ta përfaqësojë vendin jashtë vendit.

Tusk kishte kohë që mbështetej në një fitore të Trzaskowski për “të thyer” bllokimin institucional të krijuar nga vetot e Duda-s.

Në vend të kësaj, ai tani përballet me një president të ardhshëm të lidhur me opozitën nacionaliste dhe armiqësor ndaj prioriteteve legjislative të qeverisë së tij.

Rezultati i zgjedhjeve ka tronditur koalicionin qeverisës tashmë të pasigurt, i cili shtrihet nga qendra e majtë në qendrën e djathtë – dhe ka luftuar për të përmbushur premtimet kryesore të fushatës, duke përfshirë liberalizimin e ligjit të abortit të Polonisë dhe legalizimin e bashkimeve civile të të njëjtës gjini. //a.i/

 

 

The post POLONI – Tusk i mbijeton votëbesimit ndërsa përpiqet të rivendosë kontrollin appeared first on Agjencia Telegrafike Shqiptare.

The post Kryeministri polak Donald Tusk përgatitet për votëbesim appeared first on Euronews Albania.

VARSHAVË, 3 qershor /ATSH/- Kryeministri i Polonisë, Donald Tusk tha sot se parlamenti do të mbajë një votëbesim për qeverinë e tij më 11 qershor, ndërsa vendi përballet me një realitet të ri politik, sipas AP.

Tusk bëri thirrje për votim pasi aleati i tij politik, kryetari liberal i Varshavës, humbi zgjedhjet presidenciale të Polonisë në fundjavë kundrejt konservatorit Karol Nawrocki.

“Po e fillojmë seancën në një realitet të ri politik”, tha Tusk, në fillim të mbledhjes së kabinetit në Varshavë.

“Realiteti politik është i ri, sepse kemi një president të ri. Por kushtetuta, detyrimet tona dhe pritjet e qytetarëve nuk kanë ndryshuar. Në Poloni, qeveria qeveris, gjë që është një detyrim dhe nder i madh”, tha Tusk.

Qeveria e Tusk drejton shumicën e çështjeve të përditshme në Poloni.

Ajo gjithashtu ekziston veçmas nga presidenca, por presidenti ka fuqinë për të vënë veton ndaj ligjeve dhe për të ndikuar në politikën e jashtme – dhe fitorja e Nawrocki do ta bëjë jashtëzakonisht të vështirë për Tusk të avancojë me axhendën e tij pro-evropiane.

Tashmë ka pikëpyetje nëse koalicioni i Tusk mund të mbijetojë deri në zgjedhjet e ardhshme parlamentare të planifikuara në fund të vitit 2027. Disa nga kundërshtarët e tij politikë po bëjnë thirrje që ai të japë dorëheqjen.

Vendimi për të thirrur një votëbesim është me sa duket një përpjekje e Tusk për të rivendosur autoritetin në një situatë politike në ndryshim – ku disa nga partnerët e tij të koalicionit mund të kenë më pak gjasa për të qëndruar me të.

Tusk mbikëqyr një koalicion prej disa partish. Koalicioni i ndarë nuk ka arritur të bjerë dakord për disa çështje dhe qeveria nuk ka arritur të përmbushë disa nga premtimet kryesore të Tusk, duke përfshirë liberalizimin e ligjit kufizues të abortit.

Nawrocki – i cili u mbështet nga presidenti i SHBA-së Donald Trump, fitoi 50,89% të votave në një garë të ngushtë kundër kryetarit të Bashkisë së Varshavës, Rafal Trzaskowski, i cili mori 49,11% të votave.

Zgjedhjet zbuluan përçarje të thella në vend përgjatë krahut lindor të NATO-s dhe Bashkimit Evropian.

Nawrocki, i cili pritet të marrë detyrën më 6 gusht, pritet të formësojë politikën e brendshme dhe të jashtme të vendit – në mënyra që mund të tendosin lidhjet me Brukselin – duke e afruar më shumë vendin e Evropës Qendrore me gati 38 milionë banorë me administratën Trump.

Nawrocki do të zëvendësojë Duda, mandati i dytë 5-vjeçar i të cilit përfundon më 6 gusht. Kushtetuta polake i kufizon presidentët në dy mandate.

Duda e ka ftuar Nawrocki në një takim sot në mbrëmje për të ndarë përvojat e tij, kryesisht në fushën e politikës së sigurisë dhe politikës ndërkombëtare. //a.i/

The post KOMENT – Tusk cakton votëbesimin ndaj qeverisë më 11 qershor, shkak realiteti i ri politik appeared first on Agjencia Telegrafike Shqiptare.

VATIKAN, 9 maj /ATSH-DPA/ – Në meshën e tij të parë sot si udhëheqësi i ri i Kishës Katolike, papa Leone XIV paralajmëroi se humbja e besimit mund të ketë “efekte anësore dramatike”.

”Midis këtyre, vërejtja se kuptimi i jetës është humbur, mëshira është harruar, dinjiteti njerëzor është shkelur në mënyrat më dramatike, familja ka qenë në krizë dhe shumë plagë të tjera janë shtuar, nga të cilat shoqëria jonë vuan ndjeshëm”, tha ai duke folur në italisht.

Komentet erdhën një ditë pasi kardinali Robert Francis Prevost u shpall si papa i parë amerikan, ndërsa tym i bardhë doli nga oxhaku i Kapelës Sistine pas katër raundeve të votimit në konklavën papnore.

Sot në mëngjes, Papa Leone XIV kryesoi meshën e parë që nga zgjedhja e tij, i shoqëruar nga kardinalë në Kapelën Sistine në Vatikan.

69-vjeçari tha se ”besimi konsiderohet diçka absurde dhe diçka e rezervuar për njerëzit e dobët dhe jointeligjentë”.

”Besimi shpesh zëvendësohet nga gjëra të tjera si teknologjia, paratë, suksesi, pushteti dhe kënaqësia”, theksoi ai./   /os/

The post VATIKAN – Papa Leone XIV: Kuptimi i jetës pa besim humbet appeared first on Agjencia Telegrafike Shqiptare.

Më 29 prill 1999, kur forcat e armatosura serbe sulmuan fshatin Zhazhë, Besim Kadriu u godit me plumb dum-dum, që i shkatërroi pjesën më të madhe të fytyrës.

Në 26 vjetorin e kësaj ngjarjeje tmerri, Kryeministri Kurti ka nderuar Besim Kadriun, ku edhe ka potencuar se plagët e tij  pasqyrojnë historinë e dhembjes sonë kolektive.

“Besimi është mishërim i qëndresës së popullit tonë. Në plagët e tij pasqyrohet historia e dhembjes sonë kolektive, e cila nuk mund të harrohet kurrë.

Krahas dëshmorëve dhe martirëve, nderojmë të gjithë që sfiduan vdekjen dhe jetojnë me plagët e lirisë”, ka shkruar Kryeministri Kurti.

Më poshtë gjeni shkrimin e plotë të Kryeministrit Kurti:

Më 29 prill 1999, kur forcat e armatosura serbe sulmuan fshatin Zhazhë, Besim Kadriu u godit me plumb dum-dum, që i shkatërroi pjesën më të madhe të fytyrës. Menduan që kishte vdekur. Por pas 24 orësh në gjendje kome, Besimi u rikthye në jetë.

Pa hundë dhe pa syrin e djathtë, ai mbijetoi për shtatë javë nëpër pyjet përreth Mitrovicës, me kujdesin e Jeton Pecit, të asistuar nga Ganimete dhe Nehat Peci, derisa erdhën në ndihmë ushtarët e KFOR-it.

Besimi u dërgua në Mbretërinë e Bashkuar nga Forcat Ajrore Mbretërore (RAF) në shtator, ku në nëntor 1999 iu nënshtrua një ndërhyrjeje të madhe kirurgjike.

“Kurrë nuk kam hasur dikë që është ende gjallë me një plagë kaq të tmerrshme si Besimi,” i kishte thënë doktori Dan Clay revistës Time, e cila më 6 mars 2000 publikoi një shkrim për Besimin.

Ai vazhdon të jetojë në Mbretërinë e Bashkuar, bashkë me familjen e tij.

Besimi është mishërim i qëndresës së popullit tonë. Në plagët e tij pasqyrohet historia e dhembjes sonë kolektive, e cila nuk mund të harrohet kurrë.

Krahas dëshmorëve dhe martirëve, nderojmë të gjithë që sfiduan vdekjen dhe jetojnë me plagët e lirisë.

Ylli italian i muzikës pop, Laura Pausini ka ndarë me ndjekësit se si ka arritur të zhdukë kilogramët e tepërta nga trupi i saj.

Fillova një dietë me një dietolog në prill. Kam ngrënë për 5 muaj, duke peshuar gjithçka dhe nuk e neglizhova kurrë.

Fillova të bëja gjimnastikë 3 herë në javë për një vit të tërë dhe nisa një turne 3 orë në mbrëmje në skenë, ku nuk e kurseva veten fizikisht.

Peshohesha një herë në muaj për të kuptuar nëse ajo që po bëja po funksiononte. Vazhdoja me përpjekje dhe këmbëngulje për të hequr kilogramët që nuk më linin të ndihesha e qetë në skenë dhe jashtë saj.

Nuk kam bërë asnjë injeksion dhe nuk kam përdorur metodat që janë në modë sot për të humbur peshë shpejt.

Të gjithë ma kanë rekomanduar dhe meqë ra fjala nuk jam mjeke por përpara se të fus diçka në trup preferoj të njoh mundësitë pozitive, por edhe negative të çdo gjëje.

Për të humbur peshë (të paktën për mua) ju duhet mbi të gjitha vullneti dhe sakrifica dhe nëse e bëni këtë ngadalë do të përfitojë edhe lëkura dhe humori juaj për të qenë i mirë.

The post Mund ta PROVONI edhe ju/Laura Pausini tregon se si arriti të zhdukë kilogramët e tepërt në vetëm pak muaj! appeared first on Albeu.com.

Afrimi i sezonit turistik të verës  ka përmirësuar pritshmëritë e biznesve për  ecurinë e aktivitetit dhe si rezultat dhe të ardhurat e tyre.Treguesi i besimit në ekonomi ka  marë një kthesë gjatë muajit shkurt duke iu rikthyer rritjes me 0.9.Ky vlerësim më I larte  u përcaktua nga rritja e besimit në sektorët e industrisë, tregtisë dhe atij konsumator. Nga ana tjetër, besimi në sektorin e ndërtimit dhe të shërbimeve regjistruan rënie.

Treguesi i besimit në tregti  u rrit me 3.2 % në muajin shkurt, pas rënies në dy muajt e mëparshëm. Aktualisht, vlerësimiqëndron rreth 7.5  % mbi  mesataren  historike  dhe ndikim kanë dhënë vlerësimet më pozitive në ecurinë aktuale të biznesit dhe pritjet për nivelin  e  punësimit në  të  ardhmen.

Po ashtu në shkurt më optimist për ecurinë kanë qenë edhe bizneset që operojnë në sektorin e industrisë. Treguesi  i  besimit  të  industrisë  u  zgjerua  me  1.1 %  në  muajin shkurt, duke iu rikthyer rritjes së treguesit pas tkurrjeve të katër muajve të kaluar. Niveli i tij qëndron rreth 4 pikë përqindje mbi mesataren historike

dhe vlerësimet kanë ardhur si pasojë e pritshmërive pozitive për prodhimin  industrial  aktual  si  dhe për  porositë  nga  eksportet.Nga ana tjetër një ngadalësim ka pasur sektori ndërtimit  e ndikuar nga  vlerësimet  më  pak  optimiste  për  aktivitetin  aktual  ndërtues.

Treguesi  i  besimit  konsumator  regjistroi  rritje  me  2%në  muajin shkurt, duke ndërprerë prirjen rënëse të dy muajve të fundit. Kjo pritshmëri ka ardhur si pasoje e planifikimit të blerjeve  në  shuma  të  mëdha që u  rritën  këtë  muaj  ndërkohë  që  edhe  pritjet për situatën ekonomike dhe atë financiare ishin gjithashtu mëmë të mira./abcnews.al

Selena Gomez magjepsi ndjekësit e saj me një dukje elegante teksa parakaloi në tapetin e kuq të SAG Awards 2025 të dielën mbrëma.

E veshur me një fustan të gjatë Celine me një të çarë të thellë deri te kofshët, 32-vjeçarja shkëlqeu me buzëkuq të kuq dhe një grim magjepsës.

Pamja e saj e re bëri që ndjekësit të mbushin rrjetet sociale me reagime, disa duke e komplimentuar dhe të tjerë duke spekuluar mbi humbjen e peshës, shkruan DailyMail.

Disa fansa përmendën mundësinë e përdorimit të Ozempic, ndërsa të tjerë theksuan se Selena ka folur më parë për SIBO, një sëmundje e zorrëve që ndikon në peshën e saj.

Në të kaluarën, ajo ka treguar se ilaçet për lupusin shkaktojnë luhatje në peshë dhe ka inkurajuar ndjekësit e saj të pranojnë trupin e tyre.

Edhe pse nuk ishte e nominuar individualisht, Gomez garonte për çmimin e ansamblit më të mirë në një serial komedi për rolin e saj në “Only Murders in the Building”.

Ndërkohë, ajo vazhdon të promovojë pozitivitetin trupor, duke theksuar se shëndeti është më i rëndësishëm se pamja e jashtme.

The post Humbja dramatike e peshës së Selena Gomez në SAG Awards 2025 trondit fansat appeared first on Albeu.com.

Një studim i fundit nga Universiteti i Oksfordit ka treguar se përdorimi i tepërt i rrjeteve sociale mund të ndikojë negativisht në vetëvlerësimin dhe mirëqenien emocionale, sidomos tek të rinjtë. Hulumtimi, i cili analizoi sjelljen e mbi 5,000 adoleshentëve dhe të rriturve të rinj, zbuloi se ata që shpenzonin më shumë se tre orë në ditë në platforma si Instagram, TikTok dhe Facebook kishin më shumë gjasa të ndiheshin të pakënaqur me veten.

Sipas studiuesve, krahasimi i vazhdueshëm me jetën e kuruar të të tjerëve në rrjetet sociale krijon një perceptim të shtrembëruar të realitetit, duke çuar në ndjenja pasigurie dhe stres. “Truri ynë nuk është i programuar për të përpunuar kaq shumë informacione dhe krahasime sociale në një kohë kaq të shkurtër,” shpjegon Dr. Michael Roberts, një nga autorët e studimit.

Ekspertët këshillojnë përdoruesit të kufizojnë kohën e kaluar në rrjetet sociale dhe të angazhohen më shumë në aktivitete që nxisin vetëvlerësimin, si aktiviteti fizik, meditimi dhe ndërveprimet e drejtpërdrejta me njerëzit. Studimi nënvizon rëndësinë e një marrëdhënieje të shëndetshme me teknologjinë për një mirëqenie më të mirë mendore.

The post Studim: Të kalosh shumë kohë në rrjete sociale lidhet me ulje të vetëbesimit! appeared first on iconstyle.al.

Kryeministri francez François Bayrou i mbijetoi votimit të tretë të mosbesimit në më pak se një muaj këtë të mërkurë. Votimi erdhi pasi kreu i qeverisë i emëruar së fundmi përdori një mjet kushtetues të diskutueshëm të njohur si neni 49.3 për të shtyrë planin e buxhetit të vendit të vonuar prej kohësh për vitin […]

The post Kryeministri francez Bayrou i mbijeton votimit të tretë të mosbesimit appeared first on BoldNews.al.

TIRANË, 3 shkurt/ATSH/ Treguesi i Ndjesisë Ekonomike (TNE) ra me 0,8 pikë në janar. Pavarësisht ngadalësimit, niveli i tij aktual qëndron rreth 6 pikë mbi mesataren afatgjatë.

Sipas raportit të Bankës së Shqipërisë, në rënien e TNE-së ndikoi dobësimi i besimit në të gjithë sektorët, me përjashtim të sektorit të shërbimeve.

Ky i fundit dha një kontribut pozitiv në treguesin e agreguar të ekonomisë për muajin janar.

Treguesi i Besimit të Industrisë (TBI) vijoi prirjen ngadalësuese që nga tremujori i tretë i vitit të kaluar, duke shënuar rënie me 4,7 pikë përqindje në muajin janar. Pavarësisht këtij zhvillimi, niveli i tij vijon të qëndrojë 2 pikë përqindje mbi mesataren historike.

Rënia e TBI-së në janar u përcaktua nga vlerësimet më pesimiste për kontratat porositëse të bizneseve, veçanërisht ato nga eksportet.

Situata e prodhimit industrial aktual vlerësohet pothuaj e pandryshuar kundrejt një muaji më parë. Bizneset vlerësojnë në rënie të lehtë gjendjen e inventarëve, pasi kishin raportuar për rritje të tyre dy tremujorët e mëparshëm.

Pritjet për çmimet në të ardhmen kanë shënuar rënie të lehtë krahasuar me muajin e kaluar.

Treguesi i besimit në ndërtim (TBN) u ul me 4,1 pikë përqindje në janar. Megjithatë niveli i tij vijon të qëndrojë ndjeshëm mbi mesataren historike. Rënia e TBN-së u përcaktua nga rishikimi për poshtë i vlerësimeve të bizneseve për aktivitetin aktual ndërtues. Nga ana tjetër, vlerësimet e bizneseve për kontratat porositëse shënuan rritje të lehtë këtë muaj. Pritjet për punësimin dhe për çmimet në të ardhmen u rritën.

Treguesi i besimit në shërbime (tBSh) u rrit me 4,4 pikë përqindje në janar. Ky tregues qëndron 13 pikë përqindje mbi nivelin e mesatares historike. Në rritjen e TBSH-së kontribuuan vlerësimet më pozitive të bizneseve për ecurinë aktuale të aktivitetit të tyre dhe për nivelin aktual të kërkesës. Po ashtu, pritjet për nivelin e punësimit në të ardhmen janë rritur.

Treguesi i besimit në tregti (TBT) u ul me 2,9 pikë përqindje në muajin janar. Niveli i TBT-së është rreth 4,1 pikë mbi mesataren historike. Në rënien e TBT-së ndikoi vlerësimi më pesimist për ecurinë aktuale të biznesit. Nga ana tjetër, pritjet për nivelin e punësimit në të ardhmen kanë vijuar të rriten edhe këtë muaj. Pritjet për çmimet në të ardhmen janë rishikuar me rritje.

Treguesi i besimit konsumator (TBK) ra me 3 pikë përqindje në muajin janar, duke e çuar nivelin e këtij treguesi nën mesataren historike, për herë të parë nga muaji qershor 2024. Rënia e TBK-së këtë muaj ka reflektuar zhvillime më të dobëta në të gjithë komponentët përbërës të tij.

Kështu, pritjet për situatën e përgjithshme të ekonomisë, pritjet për gjendjen e tyre financiare në të ardhmen dhe për blerjet në shuma të mëdha janë rishikuar për poshtë. Pritjet e konsumatorëve për çmimet në të ardhmen janë rritur në janar.

/r.e/j.p/

The post Treguesi i besimit në ekonomi ra me 0,8 pikë në janar, ende mbi mesataren afatgjatë appeared first on Agjencia Telegrafike Shqiptare.

Drejtuesi politik i PD-së në Qarkun e Vlorës, Bujar Leskaj ka dalë kundër kryetarit të partisë Sali Berisha në lidhje me deklaratën e tij, se kushdo prej kryetarëve të degëve të PD-së që kërkon të marrë pjesë në procesin e Primareve dhe të jetë kandidat për deputet, fillimisht duhet të japë dorëheqjen nga posti që […]

The post Leskaj kundër Berishës: Primaret të nisin me drejtuesit e Qarqeve, kryetarët e degëve të mos dorëhiqen appeared first on BoldNews.al.

“Të Ndjesh Pamjen” titullohet ekspozita personale e Besim Tulës që është hapur në galerinë FAB. “Vdekja e Nënës”, një pikturë e artistit në vitin 1990 është ajo që çeli ekspozitën me rastin e 75-vjetorit të lindjes së artistit.

Ekspozita e kuruar nga e bija e artistit Era Tula, sjell një përzgjedhje të veprave të Besim Tulës.

 “Ekspozitën e kam menduar të hapet me ‘Vdekjen e nënës’, që sipas kritikut Gëzim Qendro ishte një nga veprat e fundit të viteve ’80-të, që shënjoi kufirin ndarës midis epokës së realizimit socialist dhe periudhës paskomuniste, një vepër ku dallohej më shumë koha që po vinte se ajo që po lihej pas”. Ekspozita do të mbyllet më pas me veprën “Vrasësit me pagesë” (2020), e cila është dhe puna e fundit që babi ekspozoi”,- thotë Era Tula.

Ajo që është veçanërisht e fuqishme në këtë vepër, është vendimi i artistit për të vendosur veten në pozicionin e viktimës, për të krijuar kështu një lidhje të identifikueshme midis saj dhe publikut.

 “Ka qenë një autor që kam pasur gjithmonë kuriozitetin për ta parë në retrospektivë. Jam i lumtur që jemi mbledhur të gjithë bashkë, për ta kujtuar Besimin, por edhe për ta parë në shkëlqimin e tij maksimal. Është një autor që në këto 30 vite ka lënë gjurmë artistike dhe është një artist që identifikohet shumë lehtë nëpërmjet dy elementësh: shumë ngjyra dhe e dyta, gjurma bashkëkohore, që i vendoset çdo ngjarje të së përditshmes”,-tha studiuesi Ermir Hoxha.

Ekspozita paraqet 30 vitet e fundit të rrugëtimit artistik të Besim Tulës, duke i lejuar vizitorët të dëshmojnë evolucionin e artistit.

Ekspozita, e cila do të qëndrojë e hapur deri më 31 janar,  për të reflektuar mbi kompleksitetin e natyrës njerëzore./euronews/ KultPlus.com

 Kolegji i Posaçëm i Apelimit, KPA, shpalli të enjten me 19 dhjetor vendimin për shkarkimin nga detyra të prokurorit të Krujës, Florian Bonjaku. Vendimi u mor pas shqyrtimit të ankimit të Komisionerit Publik, Florian Ballhysa që e kundërshtoi si të pabazuar vendimarrjen e Komisionit të Pavarur të Kualifikimit, KPK për konfirmimin në detyrë të Bonjakut. […]

The post Kolegji largon nga detyra prokurorin Florian Bonjaku appeared first on Reporter.al.

BERLIN, 16 dhjetor /ATSH-DPA/ – Kancelari gjerman Olaf Scholz ka humbur një votë besimi në qeverinë e tij të pakicës në parlament duke i hapur rrugën zgjedhjeve të parakohshme në ekonominë më të madhe të Evropës.

Scholz humbi një votëbesim dhe më 23 shkurt Gjermania shkon në zgjedhje të parakohshme, pas rënies së koalicionit të tij të qendrës së majtë, muajin e kaluar.

”Nga 717 ligjvënës të pranishëm, 394 votuan kundër Scholzit, 207 pro dhe 116 abstenuan”, tha presidenti i Bundestagut, Barbel Bas.

Kjo do të thotë se kancelari tani do t’i kërkojë presidentit Frank-Walter Steinmeier të shpërndajë parlamentin dhe të thërrasë zgjedhje të reja rreth shtatë muaj më herët se sa ishte planifikuar fillimisht.

Rezultati i votimit nuk ishte befasi pasi qeveria e Scholzit nuk ka më shumicën në parlament.

Scholz, një socialdemokrat, paraqiti mocionin e besimit, tre vjet pasi koalicioni i tij qeverisës trepartiak mori detyrën në 2021.

Lëvizja pason muaj të tëra luftimesh të ashpra mbi politikën ekonomike dhe buxhetin e vitit 2025, veçanërisht me partnerin e vogël të koalicionit, Demokratët e Lirë (FDP) pro biznesit.

Pasi kancelari vendosi të shkarkojë ministrin e atëhershëm të Financave, Christian Lindner nga FDP në fillim të nëntorit, partia doli nga koalicioni, duke e lënë Scholzin në një qeveri të pakicës me të gjelbrit./ a.jor.

The post GJERMANI – Scholz humbet votëbesimin dhe i hap rrugën zgjedhjeve të parakohshme appeared first on Agjencia Telegrafike Shqiptare.

Të hënën Bundestagu vendos për çështjen e votëbesimit që shtron kancelari, Olaf Scholz. Zgjedhjet e parakohshme janë planifikuar më 23 shkurt. Për zgjedhjet e parakoshme të planifikuara më 23 shkurt debatohet kudo në Gjermani. Por zhvillimi i tyre kërkon ndjekjen e procedurave të caktuara të lidhura me kuadrin ligjor zgjedhor të Gjermanisë. Hapat kryesorë: Kancelari […]

The post Zgjedhjet e parakohshme më 23 shkurt, Bundestagu vendos sot për çështjen e votëbesimit të Scholz appeared first on BoldNews.al.