Sërish kërkesë KQZ, që t’i dërgojë informacion në lidhje me qarqet ku është certifikuar rezultati.

“Subjekti zgjedhor, koalicioni Partia Demokratike–Aleanca për Shqipërinë Madhështore (PD–ASHM), për efekt të ushtrimit efektiv të së drejtës së ankimit të saj, ndaj vendimeve tuaja për miratimin e tabelave të rezultateve të miratuara nga ana juaj, kërkon nga KQZ – për secilin Qark që KQZ ka miratuar rezultatet – vënien urgjentisht në dispozicion të provave, si më poshtë vijon:

1. Raporti i kryqëzimit të të dhënave të PEI për të gjitha Qendrat e Votimit në secilin Qark – Zonë Zgjedhore.

2. Dokumenti i shkruar dhe/ose Regjistri i nënshkruar personalisht nga çdo zgjedhës në Diasporë, që vërteton marrjen personalisht të zarfit me materialet zgjedhore nga secili zgjedhës në adresën e regjistruar nga ai si fundore në KQZ (ose, në të kundërt, dokumentacionin që vërteton se zarfi, i cili nuk është dorëzuar personalisht te zgjedhësi, është kthyer nga DHL pranë KQZ-së)

3. Raportin e Audituesit Teknicien lidhur me problematikën e listave të zgjedhësve në secilin Qark – Zonë Zgjedhore.

4. Kopje e të gjitha Regjistrave të Posaçëm e çdo QV në secilin Qark – Zonë Zgjedhore.

5. Kopje e të gjitha Proces-Verbaleve në çdo QV për secilën KZAZ, në secilin Qark – Zonë Zgjedhore”, theksohet në kërkesën e PD.

The post “Na vini urgjentisht në dispozicion provat”/ Certifikimi i rezultatit në qarqe, PD kërkesë KQZ… appeared first on Sot News | Lajme.

Një ditë përpara se shqiptarët t’u drejtoheshin kutive të votimit, Komisioneri Shtetëror i Zgjedhjeve, Ilirjan Celibashi nxorri një urdhër të prerë për partitë politike: ‘ndaloni fushatën’. “Komisioneri Shtetëror i Zgjedhjeve urdhëron respektimin e plotë të heshtjes zgjedhore, e cila ndalon çdo lloj fushate apo thirrjeje elektorale, përfshirë edhe atë në rrjetet sociale,” shkroi KQZ në […]

The post Kandidatët për deputetë shkelën heshtjen zgjedhore me reklama politike në Facebook appeared first on Reporter.al.

Mandatet e kandidatëve në zgjedhjet parlamentare të 11 majit nuk janë certifikuar ende. Megjithatë, sipas rezultateve të deritanishme, në parlamentin e ardhshëm pritet të hyjnë deputetë nga tre parti të reja – Partia “Mundësia”, Lëvizja Bashkë dhe koalicioni Nisma – Shqipëria Bëhet. Së bashku, këto tre grupime politike morën mbi 112 mijë vota brenda vendit, […]

The post Media online ‘injoroi’ fushatën e partive të reja në zgjedhjet parlamentare appeared first on Reporter.al.

Të dielën e 11 majit, shqiptarët votuan për zgjedhjet parlamentare.  Korridoret e shkollave apo palestrave të përshtatura në qëndra votimi për qytetin e Tiranës ishin të tejmbushura me votues kryesisht gjatë orëve të paradites, pasuar nga një rënie e fluksit të votuesve gjatë orëve të mesditës dhe pasdites. Pavarësisht se fillimisht u duk se pjesëmarrja […]

The post Zgjedhjet parlamentare të 11 majit në foto appeared first on Reporter.al.

Në pamje të parë, mbulimi i medias audiovizive gjatë fushatës elektorale që u hodh pas krahëve duket i balancuar.  Të dhënat e Autoritetit të Mediave Audiovizve tregojnë se gjatë edicioneve informative në 18 televizionet kryesore të vendit, Aleanca për Shqipërinë Madhështore e udhëhequr nga Partia Demokratike mori 51% të kohës televizive, ndërsa Partia Socialiste e […]

The post Kontrolli mbi mediat shtroi rrugën për mandatin e katërt të Partisë Socialiste appeared first on Reporter.al.

Të dielën në mengjes qendrat e votimit u hapën anembanë vendit, ndërsa qytetarët shqiptarë pritet t’i drejtohen kutive të votimit për të zgjedhur 140 deputetët e Kuvendit të Shqipërisë. Në garë për 140 ulëset e Kuvendit janë 2046 kandidatë, nga të cilët 1259 burra (61.53%) dhe 787 gra (38.47%) në listat e 11 subjekteve zgjedhore […]

The post Shqipëria voton me sytë nga diaspora dhe partitë e reja appeared first on Reporter.al.

“Të tjerët ju premtojnë e nuk bëjnë, ndërsa unë bëj pa premtuar,” – është slogani i përdorur nga Eduard Shalsi, kryesues i listës së Partisë Socialiste për qarkun e Kukësit. Por në fshatin Mamëz të Kukësit, banorët janë në protestë për premtimin e pambajtur të ndërtimit të rrugës. Në takimin elektoral të zhvilluar në Mamëz, […]

The post Atraksion turistik? Banorët në qarkun e Kukësit vuajnë ende për rrugë dhe ujë appeared first on Reporter.al.

Pllumb Dungajn e njohin të gjithë në kafenenë përballë pallateve sociale në periferi të Tiranës, ku jeton një numër i madh familjesh të komunitetit rom dhe egjiptian. Pllumbi i përket komunitetit rom, është rritur në jetimoret e Shqipërisë nga Lezha në Korçë deri në moshën 18 vjeç dhe falë një burse, studioi më pas në […]

The post ‘Sy më sy’ me komunitetin rom, që politika e kujton vetëm për vota appeared first on Reporter.al.

Qarku i Fierit numëron mbi 400 mijë votues dhe zgjedh 16 deputetë, pra është qarku i dytë më i madh në vend pas Tiranës. Dhe për shkak të përmasave, në zgjedhjet e 11 majit në këtë qark duket se janë aktive dhe shpresojnë për të marrë mandate edhe partitë e vogla, të tilla si Partia […]

The post Fieri, “faktori çam” dhe partitë e vogla mund të jenë përcaktuese për mandate appeared first on Reporter.al.

Qarku i Vlorës dërgon 12 deputetë në Kuvendin e Shqipërisë dhe, prej tragjedisë së vitit 1997, ka votuar në shumicë të madhe Partinë Socialiste. Kulmi për Partinë Socialiste u shënua në vitin 2017, kur ata fituan 66 mijë vota, ose 60% ndërsa rezultati më i mirë për opozitën u shënua në vitin 2009, kur koalicioni […]

The post Beteja për Vlorën, gara mbetet e hapur për një mandat appeared first on Reporter.al.

Në një studim të realizuar në vitin 2024 mbi mekanizmat publikë të financimit për artet pamore, shqetësimet kryesore të artikuluara nga komuniteti artistik ishin: niveli i ulët i financimit, mungesa e transparencës në menaxhimin e fondeve dhe centralizimi i vendimmarrjes. Buxheti i vitit 2024 për “Artin dhe Kulturën” ishte rreth 2.9 miliardë lekë ose gati […]

The post Kultura në hije: Sa dhe si po flitet gjatë fushatës zgjedhore? appeared first on Reporter.al.

Pasi i ngjitesh një të përpjete të thiktë në kodrën e lagjes “Gurra” mbi Lezhë, e para dhe e vetmja shenjë e fushatës është një zyrë elektorale e kandidatit të Partisë Demokratike, ish-gjyqtarit Gjin Gjoni. Por dyert janë të kyçuara dhe nuk duket se dikush qëndron aty. Pak metra më poshtë, edhe zyra e Partisë […]

The post Zgjedhjet në Lezhë: Mes zhgënjimit, presionit dhe llogarive pragmatike appeared first on Reporter.al.

TIRANË, 27 prill/ATSH/ Kryetari i Partisë Demokratike, Sali Berisha gjatë një takimi sot pasdite në Kuçovë me mbështetës të Aleancës për Shqipërinë Madhështore, e cilësoi këtë projekt politik si më të mirin dhe më të madhin që i është ofruar ndonjëherë Shqipërisë në 32 vitet e fundit.

Në prani të kandidatëve për deputetë të ASHM-së, Berisha theksoi rëndësinë e përfaqësimit të denjë dhe të ndershëm për të ardhmen e vendit.

Berisha theksoi se e ardhmja do të ndërtohet mbi mbështetjen për të rinjtë dhe se programi i PD-së ka në thelb këtë prioritet.

Ai premtoi se shkollimi modern dhe cilësor do të jetë në fokus të qeverisë së re, me dyfishim të buxhetit për arsimin dhe hapje të universiteteve për të gjithë, duke hequr mesataren si kriter penalizues.

Ai garantoi gjithashtu se çdo sipërmarrës që punëson të rinj do të përfitojë mbulim të sigurimeve shoqërore për një vit nga qeveria.

“Ne garantojmë të rejat dhe të rinjtë, fëmijët se shkollimi i tyre në një arsim modern, në shkolla të pajisura me teknologji më të mira, me cilësi më të lartë do të jetë objektiv kryesor, duke dyfishuar buxhetin për arsimin dhe se nuk do të ketë më mesatare si “shpatë Demokleu” që të pengojë ata të hyjë në universitete. Përkundrazi dyert e universiteteve do të jenë të hapura dhe pas përfundimit, qeveria do të paguajë çdo sipërmarrës që punëson të rinjtë, 1 vit sigurime shoqërore për çdo të ri të punësuar”, deklaroi ai.

Një tjetër premtim ishte mbështetja financiare për startup-et dhe bizneset e të rinjve, si dhe lehtësirat për blerjen e banesave nga çiftet e reja.

Qeveria, sipas Berishës, do të mbulojë deri në 30 mijë euro interes për çdo kredi banese dhe do të shlyejë të gjithë kredinë për familjet që bëhen me fëmijën e tretë.

Berisha përcolli edhe një mesazh për rikthimin e të rinjve nga emigracioni dhe për mbështetjen e çdo emigranti që dëshiron të kthehet në Shqipëri.

Sipas tij, prova e vërtetë e vizionit dhe forcës politike është që vendi të kthehet në “moshën e rinisë” së tij, si një garanci për zhvillim, begati dhe të ardhme të sigurt.

“Prova e jetës sonë, prova e forcës tonë, e vizionit tonë, është të kthejmë kombin në moshën e rinisë së tij. Ky është qëllimi ynë. Kombi, vetëm kombi në moshën e rinisë, është komb me të ardhme, është komb që zhvillohet është komb që begatohet gjithnjë e më shumë”, deklaroi kryedemokrati.

Ai u ndal edhe te punonjësit e administratës që, sipas tij, janë të detyruar të marrin pjesë në aktivitetet e mazhorancës, duke premtuar se kjo praktikë do të marrë fund më 11 maj. Sipas tij, sheshet do t’i përkasin qytetarëve të lirë dhe jo atyre që shkojnë me detyrim në tubime politike.

Berisha foli për takimin që zhvilloi sot me bashkatdhetarë në Selanik.

“11 maji do të shënojë ndryshimin e madh për vendin, duke e ndarë Shqipërinë nga “një e keqe që po i rrëmben të ardhmen dhe rininë e saj””, tha ai.

1 nga 2

/r.e/

The post Berisha: Prova e jetës sonë, ta kthejmë kombin në moshën e rinisë appeared first on Agjencia Telegrafike Shqiptare.

Një hulumtim mbi jetëshkrimet e vetëdeklaruara të kandidatëve të zgjedhjeve të 11 majit, sugjeron se në radhët e partisë në pushtet garojnë njerëz që në shumicën dërrmuese janë drejtorë në administratën publike dhe më pak politikanë në profesion. Në listë dallojnë drejtorët e punëve thellësisht teknike, të cilat, logjikisht vështirë se mund të prodhojnë ide […]

The post Makineria elektorale: Drejtorët e PS përballë ish-drejtorëve apo njerëzve të zakonshëm appeared first on Reporter.al.

Chris LaCivita i është përgjigjur nga studio e emisionit Opinion, ironive të kryeministrit Edi Rama ndaj tij, duke thënë se ka ardhur tek PD vetëm për të “fituar ca para”.

Përgjigja e LaCivita ka qenë me akuza, duke u shprehur se kreu i qeverisë bën ironi të tilla pasi nuk mbulon dot dështimin e qeverisë së tij prej 12 vitesh.

Po ashtu, LaCivita thotë se nuk përfaqëson SHBA, por thekson se kurrë nuk do të punonte kundër agjendës së administratës Trump.

Pjesë nga intervista

Fevziu: Ka qenë vetë Kryeministri që tha se keni ardhur për të fituar ca para e më pas do të ktheni në Shtetet e Bashkuara.

LaCivita: Edi Rama e thotë këtë gjë sepse nuk mbron dot 12 vitet e fundit si Kryeministër që ka shkartuar çdo gjë. Nuk ka asgjë për të folur përveç se dështimeve të tij.

Fevziu: Do ju pyes pyetjen e dytë të ndjeshme. A keni folur me administratën amerikane për praninë tuaj këtu?

LaCivita: Jo. Nuk përfaqësoj Shtetet e Bashkuara. Jam një individ privat. Nuk punoj për qeverinë. Janë në dijeni. Kurrë nuk do të punoja kundër agjendës së Presidentit nëpër botë. Por nuk kam nevojë për lejen e ndokujt për të bërë atë që jam duke bërë. Jam këtu për një pikëpamje politike. Angazhimi im dhe aftësitë e mija që të sigurohemi që partia demokratike do të fitojë.

Fevziu: Nëse do të përballeshit me Edi Ramën, çfarë do të thonit?

LaCivita: Gjëja e parë që do ti thosha është që Shqipëria është një shtet shumë i bukur dhe do e përshëndesja. Është politikan, kam respekt për krerët e shteteve, edhe ju duhet të keni. Kaq mendoj.

Fevziu: Zoti LaCivita, cila është marrëdhënia juaj me administratën e re të Shteteve të Bashkuara?

LaCivita: Shikoni, kam shumë miq aty dhe ka qenë kënaqësi të jem pjesë e një fushate historike si ajo në Amerikë. Një prej gjërave të mira të kësaj fushate ishte se takova dhe krijova shumë miqësi të reja me kaq shumë njerëz të mirë të cilët vërtet duan të bëjnë ndryshim në jetët e njerëzve. Ka qenë shumë e bukur.

Fevziu: Po marrëdhënia juaj me Presidentin Trump?

LaCivita: Është shumë e mirë.

Fevziu: Shumë e mirë?

LaCivita: Po.

Fevziu: Prej sa kohësh e njihni?

LaCivita: 3 vitet e fundit i kalova duke punuar për Presidentin Trump. E ndihmova…

Fevziu: Keni punuar ngushtë me të?

LaCivita: Gjatë fushatës gjatë këtyre 3 viteve të fundit kam qenë bashkëmenaxheri i fushatës, ka qenë Susie Wiles dhe unë. Çdo ditë fluturonim në të njëjtin avion me Presidentin.

Fevziu: Së bashku me Presidentin.

LaCivita: Çdo ditë.

Fevziu: Si është Trump-i? Jo, si president. Si një zotëri jashtë kamerave…

LaCivita: Është i njëjtë.

Fevziu: Është i njëjtë?

LaCivita: Është i njëjtë. Ka një sens humori shumë të mirë. Është shumë i motivuar dhe i vendosur. Gjithmonë çuditesha nga energjia e tij e pastër që gjithmonë ka pasur Presidenti. Në fund të një dite 18 orëshe ajo që unë doja të bëja ishte të shkoja te avioni e të flija, të dremisja, ndërkohë ai bënte telefonata e fliste me njerëz.

Fevziu: Është kaq energjik?

LaCivita: Është shumë energjik! Është jashtëzakonisht shumë energjik. Është i pareshtur. Po ashtu, Presidenti Trump është në nxitim. Është shumë në nxitim që ti bëj gjërat…

Fevziu: Megjithatë ai nuk është Presidenti i zakonshëm. Është President i pazakontë. Kështu ka qenë që prej 2016…

LaCivita: Është krejtësisht ndryshe.

Fevziu: Krejtësisht ndryshe? Pse?

LaCivita: Sepse ai i shikon gjërat nga një perspektiv tjetër ngaqë nuk ka dal nga një sistem politik.

Fevziu: Vjen nga jashtë.

LaCivita: Vjen nga jashtë. Qytetarët amerikan e shikojnë Donald Trump-in dhe…

Fevziu: Edhe Obama në një farë mënyre vinte nga jashtë sistemit politik.

LaCivita: Barack Obama ka qenë po ashtu senator në Ilinois dhe u bë ai që u bë duke kaluar procesin. Megjithatë Obama kishte një vizion dhe kishte ndjekës. Donald Trump ka një vizion dhe ka ndjekës. Agjenda e tij vendos në krye Amerikën. Po ashtu ama dëshiron që ti jap një fund shumë problemeve të ndryshme nëpër botë po ashtu.

Fevziu: Kur e kam ndjekur në televizor dhe nëpër deklarata të ndryshme që ka bërë, përshtypja ime e parë ka qenë se puna më e vështirë në botë është të merresh me marrëdhëniet me publikun të Trump-it. Është e vërtetë?

LaCivita: Jo, nuk është e vërtetë. E dini pse?

Fevziu: Më thoni. Është sekret?

LaCivita: Sepse e bën vetë Donald Trump-i.

Fevziu: Ndonjëherë, konsultohet me ju..?

LaCivita: Sigurisht…

Fevziu: Cili do të jetë roli juaj në këtë fushatën zgjedhore gjatë këtyre 30 ditëve?

LaCivita: Këshilloj kandidatët. Flas me doktor Berishën. Diskutojmë për strategjinë, diskutojmë për mesazhin dhe rëndësinë e mesazhit dhe rëndësinë e të qenit aktiv në terren e të folurit me votuesit në mënyrë që të sigurohesh që njerëzit do të votojnë. Në Shtetet e Bashkuara, Edi Rama dilte dhe i thoshte njerëzve që mos të votonin. E bën diçka të tillë sepse nuk e përballon dot votën e qytetarëve. Po përpiqemi që ti inkurajojmë njerëzit që të shkojnë të votojnë sepse ndjejmë që kjo do të ndihmoj doktor Berishën.

Fevziu: Stafi juaj është këtu? Do të qëndroj këtu gjatë fushatës zgjedhore?

LaCivita: Do të vij e do të iki…

Fevziu: Jo ju, por stafi juaj…

LaCivita: Unë do të vij e do të iki e do të vij sërish. Është një vend shumë i bukur, më duhet ta them…

Fevziu: Sidomos kur ka ditë me diell…

LaCivita: Është shumë e vërtetë…

Fevziu: Por ju nuk keni vizituar asgjë nga Shqipëria përveç Tiranës…

LaCivita: Saktë. Mezi po pres që të dal.

Fevziu: Duhet të jeni një turist i vërtetë siç tha Kryeministri… Por ndoshta pas zgjedhjeve…

LaCivita: Do të jem një turist i vërtetë pasi të fitojë doktor Berisha.

Fevziu: Pas fitores… Cila është pika më e dobët e Partisë Demokratike gjatë kësaj fushate zgjedhore? Sepse Partia Demokratike po del nga një luftë e ashpër brenda saj që ka zgjatur nga 2021 e deri më tani. Cila është pika më e dobët e Partisë Demokratike në këto zgjedhje? ….. Sepse strategët asnjëherë nuk flasin për këtë gjë…

LaCivita: Asnjëherë nuk flas për këtë gjë. Një prej gjërave që më ka bërë përshtypje është fakti që efektivisht bëhet fjalë një koalicion të ri. Megjithatë është një koalicion shumë i unifikuar dhe shumë i fokusuar tek gjërat që do të arrij. Mendoj se kjo është shumë e mirë. Çdo gjë që është e mirë dhe që mund të bëj gjëra, qoftë kjo në politik apo në qeverisje, kërkon pak kohë që rregullohet megjithatë kanë bërë një punë vërtetë shumë të mirë këtu.

Fevziu: Sipas sondazheve që ju keni, cili është problemi më i madh me të cilin përballen shqiptarët?

LaCivita: Ekonomia.

Fevziu: Ekonomia?

LaCivita: Ekonomia. Mundësitë ekonomike, punët, qëndrueshmëria ekonomike, kostoja e jetesës, të gjitha këto janë pjesë e ekonomisë.

Fevziu: Pse mendoni se Berisha dhe ekipi i tij do ta zgjidhin këtë problem të Shqipërisë?

LaCivita: Mendoj se kanë një program shumë solid. Jo vetëm që flasim për pagën minimale, flasim për minimum jetik, flasim për vëmendjen që duhet kushtuar në mënyrë që familjet shqiptare të mos copëtohen ngaqë të rinjtë largohen duke shkuar në Itali, në Shtetet e Bashkuara apo në Greqi për të gjetur punë. Mund të qëndrojnë këtu. Familja është shumë e rëndësishme. Të siguruarit që familja do të qëndroj së bashku. Edhe një herë, ka të bëj me ofrimin e shpresës dhe mundësive dhe votuesit e rinj… votuesit e ri në Shqipëri kanë një mundësi shumë të mirë për të vendosur të ardhmen e tyre e si kanë për të ecur gjërat. Më kanë lënë shumë mbresa.

Fevziu: Në këto zgjedhje do të kemi një element të ri, votën e diasporës. Deri më tani janë diku te 250 mijë njerëz të cilët janë regjistruar për të votuar…

LaCivita: Nga jashtë Shqipërisë…

Fevziu: Jashtë Shqipërisë. Mundet që ky numër njerëzish të ndryshoj pushtetin në Shqipëri?

LaCivita: Patjetër.

Fevziu: Kështu mendoni?

LaCivita: Janë mjaftueshëm vota. Dua të them që janë shumë njerëz.

Fevziu: Është çereku i parlamentit pak a shumë.

LaCivita: Po, janë shumë vota. Mendoj që angazhimi i tyre është shumë i rëndësishëm. Është atdheu i tyre dhe janë ende qytetarë. Është shumë e rëndësishme që në shtetet demokratike njerëzit të ushtrojnë të drejtën e tyre, të drejtën e dhënë nga Zoti për të votuar. Përndryshe nuk bëhet fjalë për demokraci po për diktaturë.

Fevziu: Sipas sondazheve të publikuar në mediat shqiptare, është përpara me më shumë se 10% nga Partia Demokratike. Çfarë mendoni? Si mund ta përmbysni këtë diferencë të madhe midis dy partive?

LaCivita: Si fillim, këto sondazhe nuk janë të vërteta.

Fevziu: Pse mendoni që nuk janë të vërteta?

LaCivita: Kam 35 vite përvoje politike në të gjithë botën dhe sondazhet mediatike…

Fevziu: Nuk besoni tek sondazhet e mediave?

LaCivita: Sigurisht që jo. Jo nuk besoj. Ka pasur kam shumë sondazhe që tregonin që Donald Trump-i nuk do të fitonte. E kam jetuar, e kam parë, e kam përjetuar. Të gjitha sondazhet tregonin që Donald Trump do të humbiste me 8-10%. Të vetmet sondazhe që ne besojmë janë ato për të cilat ne paguajmë. Sigurisht që nuk mbështetemi te media…

Fevziu: Por ju keni sondazhet tuaja…

LaCivita: Kemi dhe nuk flas për to.

Fevziu: Po, patjetër. Nga ana tjetër ama, në 3 zgjedhjet e fundit Rama merr të njëjtën numër votash, diku te 800 mijë, 820 mijë ose 800 mijë vota.

LaCivita: Do të shohim.

Fevziu: Ky është një fillim i mbarë për të. Si mundet që Partia Demokratike të shkatërroj numrin kaq të madh të votave të Edi Ramës?

LaCivita: Siç ju thash nuk besoj në këto sondazhe por…

Fevziu: Nuk janë sondazhe, janë realiteti i zgjedhjeve të fundit…

LaCivita: Realiteti i zgjedhjeve të kaluara… Mënyra është shumë e thjeshtë. Është shumë e thjeshtë. Ka të bëj me përcaktimin e këtyre 12 viteve të fundit. Ka të bëj me përcaktimin e dështimeve të Edi Ramës dhe qeverisë së tij. Jo vetëm te korrupsioni por edhe te mënyra se ku e ka çuar ekonominë, e cila është shumë e paqëndrueshme. Njerëzit nuk ndihen shumë mirë për të ardhmen e tyre dhe ka të bëj jo vetëm me të folurit se çfarë është por po ashtu me të ofruarin e mundësisë për ti rregulluar gjërat. Doktor Berisha ka në plan ti bëj të dyja.

Fevziu: Megjithatë kemi 2 probleme këtu. Numri i njerëzve të cilët janë kundër Ramës janë më shumë se 50% të votuesve, diku te 52-53% sipas zgjedhjeve të fundit. Megjithatë, njerëzit që votojnë për opozitën e sidomos për Partinë Demokratike është gjysma e këtyre njerëzve. Pse ekziston ky hendek midis atyre nuk e kanë qejf Ramën dhe atyre që votojnë opozitën?

LaCivita: Sistemi me partitë dhe sistemi në vetvete është një prej truqeve të zgjedhjeve parlamentare. I bën gjërat pak të vështira. Megjithatë unë mendoj se duke i motivuar njerëzit të votojnë jo vetëm për të ndryshuar por po ashtu për një ardhme më të mirë, është një arsye shumë e mirë motivuese dhe do e sjellë Partinë Demokratike, aty ku duhet të jetë, te fitorja.

Fevziu: Ka shumë njerëz që mendojnë se Rama punon shumë keq, etj, por nga ana tjetër Berisha është 81 vjeç, 20 vite më i madh se Rama, e ka mbyllur ciklin e tij 1991 në 2013. Pse të votosh për dikë që është 80 vjeç në krahasim me dikë që është 61 vjeç?

LaCivita: Doktor Berisha ka më shumë energji dhe gjallëri se Edi Rama që rri ulur dhe shikon ekranin e kompjuterit dhe flet para kompjuterit të tij gjatë gjithë ditës. Ndërkohë që doktor Berisha është vazhdimisht rrugës duke u takuar me qytetar dhe duke u angazhuar me to. Sinqerisht, gjithë ajo eksperiencë që ai mbart ndryshon gjithçka. Po ashtu mendoj se zgjedhjet kanë të bëjnë me atë që ka politikat më të mira për të ardhmen. Qartazi, këto janë të doktor Berishës. /Opinion.al

The post “Ka ardhur për të bërë para”/ LaCivita u përgjigjet deklaratave ironike të Ramës appeared first on Lapsi.al.

Ditën e sotme, Kryedemokrati Sali Berisha, u ka bërë thirrje shqiptarëve që t’i bashkohen çeljes së fushatës elektorale të PD dhe Aleancës për Shqipërinë Madhështore, më 11 Prill në sheshin ‘Nënë Tereza’ në Tiranë.

Me moton: “Mblidhemi në shehsin Nënë Tereza për një Shqipëri Madhështore”, lideri demokrat fton të gjithë shqiptarët të mbushin sheshin, për të nisur një rrugëtim të ri, nën qeverisjen e demokratëve.

“Për të nesërmen e sigurt të atdheut”, Berisha fton bashkëkombasit, që të premten e 11 prillit, ora 19:00, të mblidhemi të gjithë bashkë në sheshin “Nënë Tereza” për Shqipërinë Madhështore!”.

The post Sali Berisha fton shqiptarët në çeljen e fushatës: Të mbidhemi për Shqipërinë Madhështore, për të nesërmen e sigurt të atdheut (VIDEO) appeared first on Albeu.com.

Sali Berisha, 80 vjeç, garon në zgjedhjet e 11 majit si kandidat për kryeministër duke kërkuar një rikthim për herë të tretë në pushtet, pasi shërbeu si president i vendit në vitet 1992-1996 dhe si kryeministër nga 2005-2013-ën. Partia Demokratike përjetoi një përçarje të fortë gjatë viteve të fundit dhe Berisha, një themelues i saj, […]

The post “Shqipëria Madhështore”: A do të mbledhë vota trumpizmi në Tiranë? appeared first on Reporter.al.

Sekretari i Partisë së Lirisë Tedi Blushi në një deklaratë për mediat tha se pensionistët shqiptarë janë më të varfërit e kontinentit. Blushi u shpreh se sot pensionistët shqiptarët janë më të varfër edhe se në vitin 2013 kur erdhi rilindja në pushtet.

Sipas tij tij qeveria i ka borxh në muaj secilit pensionist në qytet mesatarisht 104 euro në muaj dhe në fshat 42 euro. Blushi nënvizoi se vota e pensionistëve me 1 maj do të jetë ndëshkuese për Edi Ramën dhe pë varfërinë që solli në 12 vite.

“Vota më 11 maj për koalicionin fitues “PD-Aleanca për Shqipërinë Madhështore” është gjithashtu votë për miratimin me ligj të pensionit të 13-të.

Ne i jemi përulësisht mirënjohës brezit, që ka bërë kaq shumë për Shqipërinë ndaj dhe nesër në qeverisje, prioriteti ynë madhor do të jetë indeksimi i plotë i masës së pensioneve duke e llogaritur indeksimin mbi bazën e inflacionit të artikujve ushqimorë.

Indeksimin e shpeshtë brenda vitit të masës së pensioneve në rastet e krizave apo pandemive për shkak të rritjes së shpejtë të çmimeve. Mbulimin e plotë financiar të të gjithë barnave, që përdoren nga pensionistet dhe të përshkruara me recetë mjekësore.

Mbulimin e të gjitha shërbimeve mjekësore dhe të infermierisë në banesë për të pensionistët me probleme shëndetësore. Dhënien e shërbimit mjekësor me prioritet për pensionistët për evitimin e pritjeve të gjata në qendra shëndetësore apo spitale.

Sigurimin e shërbimeve mjekësore pa pagesë për rehabilitimin dhe fizioterapinë për pensionistët me sëmundje invalidizuese. Sigurimin pa pagesë të materialeve mjekësore të trajtimit të pacienteve pensionistë në banesë si dhe artikujve mjekësore, që mundësojnë lëvizjen dhe pavarësimin jetësor të pensionistëve.

Vota e pensionistëve shqiptarë për koalicionin “PD-Aleanca për Shqipërinë Madhështore” është votë për rritjen e mirëqenies së tyre!”, tha Blushi.

The post Zgjedhjet e 11 majit/ Tedi Blushi: Vota e pensionistëve shqiptarë për PD, rritje për mirëqenien e tyre appeared first on Sot News | Lajme.

Kryetari i Partisë Republikane, Fatmir Mediu, ka konfirmuar se strategu politik amerikan Criss LaCivita dhe ekipi i tij do të jenë pjesë e fushatës së opozitës për zgjedhjet e ardhshme. Në një intervistë televizive, Mediu deklaroi se LaCivita ka qenë në kontakt të vazhdueshëm me ish-kryeministrin Sali Berisha, si dhe me strukturat e Partisë Demokratike dhe koalicionit opozitar.

Ai sqaroi se nga fillimi i prillit, ekipi i LaCivita do të jetë i pranishëm në Shqipëri deri në përfundim të zgjedhjeve, duke ofruar mbështetje strategjike dhe konsulencë për fushatën elektorale. Edhe pse LaCivita nuk do të qëndrojë gjatë gjithë kohës, ai do të mbajë kontakte të rregullta me opozitën dhe do të ketë prani fizike në fushatë.

Sipas Mediut, janë realizuar sondazhe nga e njëjta kompani që ka punuar për fushatën e Donald Trump në SHBA, dhe rezultatet tregojnë se opozita ka shanse për fitore.

“Opozita ka nevojë për një organizim të mirë dhe një mesazh të qartë për qytetarët. Nuk është vetëm çështje e strategjisë së LaCivita, por e gjithë opozita duhet të angazhohet në të gjitha nivelet për të përcjellë mesazhin e duhur,” tha Mediu.

The post ‘Opozita në kontakt me LaCivita’, Mediu: Sondazhet tregojnë mundësi për fitore appeared first on Sot News | Lajme.

Shorti për Partinë Demokratike ishte shumë bujar. Koalicioni i drejtuar nga Sali Berisha “Aleanca për Shqipërinë Madhështore”, do të renditet e para në fletën e votimit në 11 maj. Këtë të hënë në ambientet e Komisionit Qendror të Zgjedhjeve u hodh shorti për renditjen e partive politike në fletën e votimit, ku lista nis me […]

The post KQZ miraton renditjen e partive politike në fletën e votimit për zgjedhjet e 11 majit appeared first on Reporter.al.