Për herë të parë në tre dekada, socialistët po shkojnë drejt një shumice të cilësuar në parlament me 82-84 mandate. Përballë një opozite të fragmentarizuar rezultati i jep asaj mundësinë për një kontroll të gjerë mbi proceset legjislative dhe institucionale në vend. Nisur nga përvoja politike, ekspertët e shohin me shqetësim këtë përqendrim pushteti.

Ashtu si në zgjedhjet parlamentare të 25 prillit 2021, edhe në zgjedhjet e 11 majit 2025, opozita dështoi të paraqiste në fletën e votimit një koalicion gjithëpërfshirës, teksa partitë e reja sfiduan ndjeshëm “status-quo”-në e saj.

Ky polarizim i la rrugë një rezultati të thellë të Partisë Socialiste, e cila megjithëse mori thuajse të njëjtin numër votash me zgjedhjet e shkuara, siguroi numër më të lartë mandatesh.

Për herë të parë që prej vitit 1997, socialistët po shkojnë drejt një shumice të cilësuar në parlament. Asokohe në një parlament me 155 deputetë PS e drejtuar nga Fatos Nano siguronte 101 mandate përballë PD-së së Sali Berishës, e cila u ndëshkua me votë për krizën piramidale të periudhës janar-gusht.

Duke parë prirjen e votave të 11 majit 2025, legjislatura e XI-të mund të shohë rikthimin e PS-së në një “supermaxhorancë” të tillë – edhe pse jo fiks në numër për të përbërë 3/5 e Kuvendit për atë që konsiderohet si shumicë e cilësuar.

Sidoqoftë, për Lutfi Dervishin, gazetar dhe njohës i mirë i politikës, rikthimi i një situate të tillë në pushtetin legjislativ mund të ketë ndikim të madh për demokracinë e vendit.

“Kjo shumicë e madhe i jep qeverisë avantazh në miratimin e reformave dhe ligjeve, por gjithashtu, vë në pikëpyetje forcimin e institucioneve dhe cilësinë e demokracisë,” tha ai për Citizens.al.

Ngjashëm mendon dhe Afrim Krasniqi, studiues dhe drejtues i Institutit të Studimeve Politike (ISP). Sipas tij me një situatë të tillë mund të vihen në diskutim ligje apo reforma, të cilat janë miratuar apo kërkojnë shumicë të cilësuar në Kuvend.

“Ky është rasti i parë pas 20 viteve kur një parti politike ka numrin e nevojshëm të votave për të ndryshuar ligje specifike, siç quhen ligjet organike të tilla, me votat e saj, ose me aleatë siç mund të jetë rasti i PSD-së, e cila voton gjithmonë për PS-në,” komentoi Krasniqi.

Partia Socialdemokrate, e drejtuar nga Tom Doshi, rezultoi e para në Vaun e Dejës, teksa siguroi 2 mandate në qarkun e Shkodrës duke thyer raportet mes partive kryesore. Së bashku me një mandat në qarkun e Tiranës, PSD mund të përsërisë rezultatin e zgjedhjeve të vitit 2021 ku fitoi 3 mandate.

Zakonisht, për ligjet bazë kërkohet shumicë e thjeshtë. Ndërsa për të ndryshuar kodet, ligjet që organizojnë pushtetin gjyqësor, prokurorinë apo dhe institucione të tjera nevojitet shumica e cilësuar.

Ngjashëm kërkohet shumicë e cilësuar për të emëruar anëtarët e Gjykatës Kushtetuese, Këshillit të Lartë Gjyqësor, Inspektoratin e Lartë të Drejtësisë, Prokurorin e Përgjithshëm, Avokatin e Popullit, Kontrollin e Lartë të Shtetit etj.

Thënë këtë, një “supermaxhorancë” mundet t’i ndryshojë ligjet kyçe dhe të zgjasë kontrollin mbi institucionet më të larta të shtetit, pa pasur nevojë për gjetjen e një dakordësie me opozitën.

Këtë pikë, Dervishi e sheh me shqetësim, pasi rrezikohen balancat. Ai thotë në mënyrë figurative se “me gërshërën e madhe që mori më 11 maj, shumica socialiste mundet t’i presë më lehtë thonjtë SPAK-ut.”

Pas arrestimit të kryebashkiakut të Tiranës, Erion Veliaj, përpara fushatës zgjedhore, Kryeministri Rama, mbajti një qasje të ashpër ndaj SPAK-ut duke paralajmëruar ndërhyrje për të ndryshuar kompetencat apo mënyrën se si kjo strukturë vepron.

Krasniqi sheh te ky paralajmërim ndërhyrjen në sistemin legjislativ për të hequr nga vlerësimi si vepër penale të “shpërdorimit të detyrës” nga zyrtarët.

“[Rama] nuk e ka fshehur asnjëherë prirjen për të larguar përgjegjësitë publike që vijnë nga zyrtarët e lartë, në lidhje me këtë vepër penale që është objekt i SPAK-ut,” thekson Krasniqi, sipas së cilit nëse PS ndërhyn për ta ndryshuar kuadrin ligjor do të deformonte të gjitha aktet që lidhen me funksionimin e SPAK-ut.

Një mazhorancë kaq e fortë numerikisht e ka më të lehtë edhe të ndryshojë Kushtetutën, e cila kërkon “2/3-at e votave”, pra 93 vota. Numrat e bëjnë më të lehtë për të negociuar duke ulur ndikimin e opozitës në situata të tilla.

Në këtë perspektivë, nisur nga përvoja e shkuar në zgjedhje ku PS është forcuar, prej 2017 qeveris e vetme, Krasniqi është i mendimit se rezultati tregon një cenim të besimit se vota mund të ndryshojë qeverisjen në Shqipëri.

“Është një lloj zhvillimi anti-historik në aspektin e qeverisjes dhe në aspektin e sovranitetit qytetar”, analizon Krasniqi, ndërsa shpjegon se kjo tregon që problemi është sistemi dhe se PS-ja ka krijuar “një lloj sistemi patronazhist që kontrollon gjithë territorin, kontrollon votën, kontrollon burimet shtetërore dhe si të tilla i përkthen këto në vota”.

Ndarja e mandateve në 34 vite sistem pluralist në Shqipëri

Zgjedhjet e para pluraliste në Shqipëri u zhvilluan në vitin 1991. PS, e cila ishte ende e organizuar si Partia e Punës e Shqipërisë (PPSH), fitoi 169 nga 250 mandate që kishte asokohe në total të Kuvendi – PD mori 75 mandate.

Mirëpo në zgjedhjet e parakohshme të vitit 1992, për Kuvendin e riformatuar me 140 mandate, PD fitoi bindshëm duke siguruar 92 deputetë, ndërsa PS u tkurr në 38, partitë e tjera: PSD 7, Partia Republikane 1, Partia Bashkimi për të Drejtat e Njeriut 2.

Zgjedhjet e vitit 1996, u shoqëruan me bojkot të pjesshëm të PS-së dhe aleatëve të saj, pasi PD kishte miratuar një kuadër ligjor që kufizonte pjesëmarrjen e ish-funksionarëve të sistemit komunist në proces. Për rrjedhojë, PD fitoi 122 mandate, por procesi, i cili u shoqërua me parregullsi, u kontestua ashpër.

Për shkak edhe të krizës politike dhe piramidale që pasoi këto zgjedhje, vendi shkoi në zgjedhje të parakohshme në vitin 1997 ku PS u kthye në pushtet duke fituar 101 mandate nga 155 të Kuvendit që u riorganizua.

Në zgjedhjet e vitit 2001, me mbështetjen e aleatëve të saj, PS ruajti pushtetin duke siguruar 73 nga 140 mandate.

Në vitin 2005, pushteti kaloi në duart e PD-së, e cila fitoi 56 mandate, ndërsa Partia Socialiste mori vetëm 42 mandate. PR fitoi 11, PSD 7 dhe Lëvizja Socialiste për Integrim fitoi 5.

Në zgjedhjet e vitit 2009, PS rriti numrin e mandateve në 65, por PD qëndroi në pushtet përmes një koalicioni me LSI, pasi asnjëra prej tyre nuk kishte shumicën e nevojshme për të qeverisur.

Ky koalicion u përmbys në zgjedhjet e vitit 2013, kur PS fitoi sërish 65 mandate, por arriti të formojë qeverinë përmes aleancës me LSI-në, duke çuar numrin e përgjithshëm të mandateve në 83.

Në vitin 2017, PS fitoi e vetme shumicën në Kuvend me 74 mandate dhe të njëjtin rezultat e përsëriti edhe në zgjedhjet e vitit 2021.

Rreziku i përqendrimit të pushtetit

Një parti që zotëron një shumicë kaq të gjerë në Kuvend e ka të lehtë të anashkalojë debatet parlamentare dhe të përjashtojë opozitën nga procesi vendimmarrës duke vënë kështu në rrezik sistemin demokratik.

Paralelisht “supermaxhoranca” mund të zbehë rolin e Presidentit, mund të çojë përpara reforma të njëanshme dhe të kthejë opozitën në një “lloj dekori”.

“Një shumicë prej 3/5 në Kuvend mund të jetë një shpatë me dy tehe. Njëra anë ofron stabilitet dhe efikasitet në qeverisje, ana tjetër përbën rrezik për minimin e institucioneve të pavarura,” shpjegon Lutfi Dervishi.

Në shumë raste, Kuvendi ka fuqinë të rrëzojë dekretet e Presidentit me shumicën prej 3/5, duke e reduktuar rolin e Kreut të Shtetit në një funksion kryesisht ceremonial.

Në këto kushte, reforma të rëndësishme si ato në drejtësi, procesin zgjedhor apo ndryshimet kushtetuese, mund të kalojnë pa dakordësi të gjerë dhe pa konsensus me opozitën.

Ky përqendrim i pushtetit krijon një realitet, ku shumica qeverisëse kontrollon edhe Kuvendin, duke e kthyer atë në një mekanizëm miratues të vendimeve të saj duke i zhbërë rolin kontrollues që ka parlamenti. Sipas Dervishit një situatë e tillë do ta kthente parlamentin “në noter të qeverisë dhe ndoshta zeron dhe debatet e brendshme”.

Për Afrim Krasniqin, një mazhorancë e tillë është “gati vrasëse” për konceptin e demokracisë.

“Edhe në kuadër integrimi, një numër i tillë votash, tregon që maxhoranca nuk do të ketë nevojë për opozitën. Ose do të ketë nevojë për një opozitë fasadë, që do të thotë nuk do të ndjejë asnjë lloj presioni për të pasur dakordësi politike për çdo lloj nisme që ajo mund të marrë në kuadër të procesit të integrimit dhe në përfaqësimin e Shqipërisë,” analizon Krasniqi.

Edhe Dervishi shpreh gjithashtu shqetësimin për dekurajimin e alternativave të reja politike dhe dobësimin e demokracisë pluraliste.

“Në kuadër të përafrimit me legjislacionin e BE-së, shumica nuk ka më nevojë për konsensus me opozitën,” thotë ai.

Në mungesë të balancave dhe kontrollit të vërtetë opozitar, një përqendrim i tillë i pushtetit mund të çojë në kapjen e institucioneve dhe në dobësimin e sistemit demokratik.

“Pyetja është ‘A do ta përdorë PS/Rama këtë fuqi për të forcuar institucionet demokratike, apo për të konsoliduar më tej kontrollin mbi to?’ Druaj se do të ndodhë kjo e dyta,” përmbyll Dervishi.

The post PS drejt kontrollit të plotë legjislativ, çfarë do të thotë kjo për demokracinë? appeared first on Citizens.al.

TIRANË, 11 korrik /ATSH/ Ministri i Drejtësisë Ulsi Manja kërkoi nga Inspektori i Lartë i Drejtësisë dhe Këshilli i Lartë i Drejtësisë, të veprojnë me vendosmëri për të garantuar integritetin ligjor të veprimeve apo mosveprimeve të prokurores së Shkodrës Elsa Gjeli, e cila nuk nisi hetimet për ndërtimet pa leje në Theth. Në një deklaratë për mediet, Manja tha se vendimi i prokurores minon Reformën në Drejtësi.

“Shqipëria 2030 në BE ndërtohet çdo ditë në çdo institucion dhe institucione si Prokuroria e Shkodrës, që marrin në mbrojtje publike mosveprimin e një prokuroreje ndaj një vepre të rëndë penale si ndërtimi i një fshati të tërë turistik në zemër të një zone të mbrojtur si Thethi, nuk janë në lartësinë e misionit të madh kombëtar të anëtarësimit evropian të Shqipërisë”, tha Manja.

Manja tha se Thethi është Park Kombëtar dhe që mbrohet nga disa ligje, ndërsa shtoi se prokurorja duhej të merrte edhe mendimin e organeve kompetente që kanë të bëjnë me zonat e mbrojtura.

“Vendimi tregon nxitim, paaftësi profesionale dhe tendenca të qarta për të mos ushtruar funksionin e ndjekjes penale. Ka edhe pasaktësi të tjera ligjore që e bëjnë të cenueshëm këtë vendim. Thethi është Park Kombëtar që mbrohet nga disa ligje. Nëse punimet do të lejoheshin me një deklaratë paraprake, do duhej të merrej mendimi i organeve kompetente që kanë të bëjnë me zonat e mbrojtura”, tha Manja.

Manja shtoi se prokurorja Gjeli i është referuar një ligji që është i shfuqizuar.

“Absurdi qëndron se prokurorja Elsa Gjeli kur përligj vendimin, i referohet një ligji të shfuqizuar që nuk është më në fuqi në Republikën e Shqipërisë. Tani në Shqipëri vepron ligji 20/20. I është referuar një ligji të vdekur juridikisht”, tha Manja.

“Shqipëria 2030 në BE nuk ndërtohet duke lejuar paligjshmërinë apo me justifikime teknike”, tha Manja.

Duke iu referuar deklaratës së Prokurorisë së Shkodrës në lidhje me rastin, Manja tha se “refuzimi për të hetuar një vepër të tillë penale, por edhe përpjekjet e Prokurorisë Shkodër për të mbrojtur këtë vendim, bien ndesh me frymën e Reformës në Drejtësi dhe pritshmëritë e qytetarëve për drejtësinë”.

“Prokuroria si institucion duhet të japë dhe llogari para qytetarëve, të Shkodrës në rastin konkret, për mbrojtjen e territorit. Drejtësia nuk mund të qëndrojë e heshtur përballë dëmeve mjedisore”, tha Manja.

Manja kërkoi që “ILD dhe KLP të veprojnë pa vonesë e të hetojnë rastin në përputhje me përgjegjësitë që u ngarkon ligji. Më shumë sesa një rast i vendimit të mosfillimit të hetimit, organet e drejtësisë kanë përgjegjësi për të garantuar integritetin, ligjshmërinë dhe besimin e publikut te drejtësia, që me vendime të tilla minojnë Reformën në Drejtësi, tek kjo drejtësi që po përpiqemi prej 10 vitesh në Shqipëri. Është cenim i shtetit të së drejtës dhe misionit tonë evropian”.

Rasti, sipas Manjës, “krijon precedentë të rrezikshëm në ushtrimin e funksionit të ndjekjes penale dhe i hap rrugës paligjshmërisë në territor”.

/m.q//r.e//a.f/

The post Manja: ILD dhe KLP të veprojnë pa vonesë ndaj prokurores Gjeli, vendimi minon Reformën në Drejtësi appeared first on Agjencia Telegrafike Shqiptare.

TIRANË, 19 qershor /ATSH/ Nënkryetarja e Partisë së Lirisë Erisa Xhixho deklaroi sot se “raporti i Komisionit Europian analizon në detaje ecurinë e reformës në drejtësi, por anashkalon një element shumë të rëndësishëm: ndikimin e kësaj reforme te qytetarët”.

Nëpërmjet një postimi në rrjetin sociale Facebook, deputetja e PL-së theksoi se “raporti nuk thotë asgjë për aksesin e qytetarëve në drejtësi, nëse ajo e ka arritur apo jo qëllimin për të cilin u krijua”.

Sipas Xhixhos, “e vërteta është se qytetarët shqiptarë nuk kanë akses në drejtësi, kjo si pasojë e hartës së re gjyqësore që uli numrin e gjykatave në vend, rriti stokun e dosjeve dhe shtoi mungesën e gjyqtarëve”.

Xhixho nënvizoi më tej se “në të gjithë vendin janë mbi 150 mijë dosje në pritje të shqyrtimit”, ndërsa shtoi se “rreth një e treta e popullsisë preket direkt nga ky ngërç i sistemit”.

“Për një çështje duhet katërfishi i kohës që kërkohej para implementimit të reformës në drejtësi. Për të kaluar të tri shkallët e gjyqësorit, një çështjeje i duhen 12 -15 vjet. Nëse çështja kthehet për rigjykim, pritja për drejtësi trashëgohet te brezi tjetër. Qytetarët ndërrojnë jetë në pritje të një drejtësie që nuk vjen kurrë”, theksoi Xhixho.

Deputetja shkruan se “reforma në drejtësi ka dështuar në qëllimin e saj kryesor: drejtësi brenda një afati të arsyeshëm, drejtësi cilësore dhe e shpejtë për qytetarët”.

“Janë qytetarët shqiptarë ata që duhej të ishin përfituesit direkte të reformës në drejtësi. Për sa kohë, drejtësia e re nuk përmirëson jetën e tyre, ajo është e dështuar”, e përmbyll reagimin Xhixho.

/m.q//a.f/r.e/

The post PL: Reforma në drejtësi ka dështuar për sa kohë nuk përmirëson jetën e qytetarëve appeared first on Agjencia Telegrafike Shqiptare.

Nënkryetarja e Partisë së Lirisë Erisa Xhixho, thotë se raporti i Komisionit Europian analizon në detaje ecurinë e reformës në drejtësi, por anashkalon një element shumë të rëndësishëm: ndikimin e kësaj reforme te qytetarët. Nëpërmjet një postimi në rrjetin sociale Facebook, ajo nënvizon edhe se raporti nuk thotë asgjë për aksesin e qytetarëve në drejtësi, nëse ajo e ka arritur apo jo qëllimin…

Source

Deputeti Fatmir Xhafaj, u shpreh projekt rezoluta e Komisionit të Jashtëm ishte mbështetëse dhe inkurajuese për procesin e integrimit evropian të vendit.

Ai tha se janë të vetëdijshëm se duhet të bëhet më shumë punë për luftën kundër krimit dhe korrupsionit.

Gjithashtu, Xhafaj tha se shpreson që edhe opozita të vlerësojë arritjet përmes reformës në drejtësi, ndërsa e ftoi që të ulen dhe të diskutojmë mbi rekomandimet e dhëna nga BE.

“Rekomandimet e kësaj projekt rezolute lidhur me sundimin e ligjit, luftën kundër krimit dhe korrupsionit mbeten sfida të rëndësishme që duhen adresuar me shumë përgjegjësi nga të gjithë faktorët politikë dhe institucional në vend, dhe sidomos nga institucionet përgjegjëse të shtetit shqiptar nga të tre pushtetet ekzekutivi, gjyqësori dhe vetë kuvendi. Përbëjnë sfida të rëndësishme ku jemi të fokusuar dhe jemi të vetëdijshëm se nevojiten përpjekje shumë të forta për të ecur përpara në adresimin e tyre. Vlerësojmë me angazhim theksin e vënë në këtë rezolutë për sfidat lidhur me cilësinë dhe efikasitetin e sistemit të drejtësisë si dhe kërkesën për vazhdimin e kornizës ligjore, veçanërisht Kodit Penal me të drejtën e BE në luftën kundër krimit dhe korrupsionit.

Ne vlerësojmë seriozisht thirrjen drejtuar aktorëve që të shmangin veprimet që minojnë punën e institucioneve të pavarura si SPAK, gjë që dobëson besimin publik dhe rrezikon sundimin e ligjit dhe procesin e integrimit në BE. Ne si maxhorancë rikonfirmojmë se i qëndrojmë fort reformës kushtetuese të vitit 2016, dhe shtyllat e asaj reforme i konsiderojmë të paprekshme. Shpresojmë shumë që edhe opozita të ndajë të njëjtin vlerësim me ne lidhur me vlerësimet pozitive për institucionet e reja të drejtësisë, sidomos për SPAK si dhe me gjetjet e projekt rezolutës në këto fusha, të ulemi dhe të reflektojmë për të punuar në rekomandimet e BE dhe nën asistencën e tyre të adresojmë masat dhe rekomandimet përkatëse për konsolidimin e reformës në drejtësi me standartet më të mira evropiane”, u shpreh Xhafaj.

Xhafaj tha se Komisioni i posaçm parlamentar ka nisur punën për hartimin e dy ligjeve të reja, atë për konfliktin e interesave dhe atë për financimin e partive politike.

“Komisioni i posacëm parlamentar, përmes një procesi transparent, ka miratuar një dokument analitik, analizë të detajuar prej 700 faqe, me gjetjet problematikat dhe rekomandimet. Ka përfunduar dhe miratuar në parim draft planin kombëtar të veprimit duke propozuar masa konkrete që synojnë përmbushjen e detyrave dhe përgjegjësive të parlamentit në kuadër të negociatave me BE si dhe thellimin e reformave me hapa konkrete në luftën kundër korrupsionit. Draft plani i veprimit përfshin 55 fusha tematike dhe 253 masa specifike të përbëra nga 75 nisma legjislative dhe 123 veprime institucionale për të tre shtyllat. Janë në fazën e konsultimit dhe vlerësimit me ekspertët ndërkombëtarë dhe grupin shqiptar negociator. Faza e tretë e planifikuar përfshin hartimin e ligjeve që do të zbatojnë masat e përcaktuara në këtë plan kombëtar të veprimit. Kemi filluar punën për hartimin e dy ligjeve të reja, lidhur me konfliktin e interesave dhe atë për financimin e partive politike”.

The post Xhafaj-opozitës: Reforma në drejtësi e paprekshme, të ulemi dhe të punojmë me rekomandimet e BE appeared first on Albeu.com.

Eksperti i kriminalistikës, Ervin Karamuço, ka ngritur alarmin për një krizë të thellë besimi në drejtësi, duke deklaruar në emisionin “Real Story” se “97-98% e shtetasve vuajnë ende simptomat e rënda që nuk i zgjidhi dot reforma në drejtësi”.

Ai theksoi se, ndonëse SPAK po bën një punë të mirë, nuk mund të mjaftohemi me hetime nga platformat Sky ECC dhe Enco Chat, ndërkohë që gjyqtarë e prokurorë “marrin lekë ditën për diell”.

Karamuço paralajmëroi se kalimi i vetting-ut po keqinterpretohet si një formë imuniteti nga disa funksionarë të korruptuar, të cilët po “kalbin sistemin” dhe po rrënojnë çdo shpresë të qytetarëve te drejtësia.

“Sigurisht që nuk i mohohet puna e mirë SPAK-ut, por ashtu siç e përmendën edhe kolegët vetëm 2-3% e dhënies së drejtësisë, përfshirë Gjykatën e Posaçme dhe Prokurorinë përgjigjen për shtetasin, gati 97-98% vuajnë këto simptomat e rënda që nuk i zgjidhi dot reforma në drejtësi.

Kemi nga ata që kanë kaluar ‘vetting-un’ dhe po korruptohen më shumë nga sa janë korruptuar më përpara, sepse mendojnë se kalimi i ‘vetting-ut’ është një imunitet që nuk më hyn më asnjë gjemb në këmbë edhe kjo duhet parë.

Sepse SPAK po shikon vetëm këto Sky ECC dhe Enco Chat, ku del ndonjë gjyqtarë, ndonjë prokuror. Por ke sot gjyqtarë dhe prokurorë që të marrin ‘ditën për diell’ lekë. Këtyre çfarë do u bësh?! Sepse këta po kalbin dhe po humbin besimin e qytetarëve”, tha Karamuço./abcnews.al

Eksperti i kriminalistikës, Ervin Karamuço, në emisionin “Real Story” në ABC News, komentoi mbi ngadalësimin e proceseve hetimore dhe sfidat në zbatimin e reformës në drejtësi, duke reflektuar shqetësimet e ngritura edhe në raportin e fundit të Komisionit Europian për Shqipërinë. Raport i cili nga njëra anë  lavdëroi punën e SPAK, por nga ana tjetër kritikoi sistemin në KLP dhe në KLGJ.

Sipas Karamuços, pas një periudhe të karakterizuar nga arrestime dhe operacione të mëdha, ka një ngecje të dukshme, veçanërisht që nga muaji shkurt, e cila u thellua gjatë fushatës zgjedhore, ndonëse ishte premtuar e kundërta.

Ai theksoi se ende mungon një qasje efektive për hetimin e krimeve zgjedhore dhe kërkoi mënyra të reja për përgjim në kohë reale, ndërsa nënvizoi se problemi nuk qëndron vetëm te institucionet, por edhe te infrastruktura e munguar dhe pengesat strukturore që kanë sjellë një ngërç në funksionimin e drejtësisë.

“Ka humbur pak atë që ne herë pa here ishim mësuar që ne të kishim arrestime apo operacione të mëdha, ka ngecur në disa gjëra, por mendoj se do të dalin edhe ato nga vera. Do të zëvendësojnë kohën që nuk pati lëvizje, sidomos nga shkurti.

Thanë që nuk do të ndalohemi as një fushatë dhe as në zgjedhje, dhe ndodhi krejt e kundërti e cila më pas u cilësua si një heshtje zgjedhore. Gazetarët shpesh thonë se do të ketë arrestime për krimet zgjedhore, por unë ende nuk shikoj dritë në fund të tunelit.  Duhet gjetur një gjejnë mënyra të reja për të përgjuar bisedat në kohë reale. Duhet të ecin më shumë përpara.

Ka një çështje që duhen zgjidhur, pasi ne po shikojmë që disa gjëra nuk po ecin në reformën në drejtësi. Kemi probleme edhe infrastrukturore, të drejtësisë së munguar që kanë çuar në ngërç, duhet të kompromis”, tha Karamuço./abcnews.al

Një draft konfidencial i raportit të Komisionit Evropian për Shtetin e së Drejtës në Shqipëri, i siguruar nga Euronews Albania, analizon ecurinë e vendit në kuadër të kapitujve themelorë të negociatave për anëtarësim në Bashkimin Evropian.

Dokumenti vlerëson përparimet në sistemin gjyqësor dhe në luftën kundër korrupsionit, por paralajmëron për sfida të mëdha të pazgjidhura, përfshirë presionet politike dhe nevojën për forcimin e efikasitetit institucional.

Progres në drejtësi, por nevojë për më shumë efikasitet

Sipas dokumentit, Shqipëria ka vijuar zbatimin e reformës në drejtësi, duke forcuar pavarësinë e gjyqësorit dhe prokurorisë, si dhe duke reduktuar ndikimin politik në emërime. Procesi i rivlerësimit (vetting) në shkallën e parë është përmbyllur, ndërsa ankimet janë në rrugë për t’u përmbyllur deri në qershor 2026.

Megjithatë, raporti thekson nevojën për përmirësim në cilësinë e drejtësisë, përfshirë ritmin e ngadaltë të vlerësimeve të magjistratëve dhe mungesën e gjyqtarëve në nivelet më të larta. Vetëm 57% e pozicioneve gjyqësore dhe 64% e atyre të prokurorisë janë të mbuluara aktualisht.

Presion mbi SPAK, shqetësime për pavarësinë e institucioneve

Një çështje që ngre alarm në raport është presioni i vazhdueshëm mbi institucionet e drejtësisë. Hetimi dhe arrestimi i një zyrtari të zgjedhur në shkurt 2025 shkaktoi reagime publike nga ekzekutivi dhe legjislativi, të cilat Komisioni i konsideron si tentativa për të ndikuar në punën e SPAK.

SPAK raportoi për mungesë sigurie gjatë protestave para zyrave të tij, duke kërkuar ndërhyrje nga Policia e Shtetit. Gjashtë magjistratë janë vënë nën mbrojtje gjatë periudhës raportuese për shkak të kërcënimeve të mundshme.

Lufta kundër korrupsionit: Rezultate, por jo të mjaftueshme

Struktura e Posaçme Antikorrupsion (SPAK) ka konsoliduar punën e saj, me 106 dënime përfundimtare të dhëna në vitin 2024, përfshirë zyrtarë të lartë si ish-ministra dhe ish-kryetarë bashkish. Janë goditur rastet e inceneratorëve të Elbasanit dhe Fierit, ndërsa janë në vazhdim hetime për zyrtarë të tjerë të lartë.

Megjithatë, përdorimi i mekanizmave të parandalimit mbetet i dobët. Ligji për sinjalizuesit dhe konfliktin e interesit ende nuk është në përputhje me standardet e BE-së, dhe verifikimi i pasurive nuk është mjaftueshëm transparent apo efektiv.

Kritika për presionin politik dhe vonesat në reforma

Komisioni shpreh shqetësim për presionet politike mbi gjyqësorin dhe për mungesën e respektimit të disa vendimeve të Gjykatës Kushtetuese nga Parlamenti. Kërkohet që Shqipëria të rrisë transparencën në emërime, të përmirësojë aksesin në drejtësi dhe të përforcojë sistemin e trajnimeve dhe burimeve njerëzore.

Çfarë pritet më tej?

Dokumenti i Komisionit do t’i shërbejë Këshillit të BE-së për të vlerësuar ritmin e përgjithshëm të negociatave me Shqipërinë. Deri në përmbushjen e treguesve të ndërmjetëm në kapitujt 23 dhe 24, asnjë kapitull nuk mund të mbyllet.

Më poshtë pjesë nga raport i plotë

Bruksel, 15 Maj 2025 Dokument jozyrtar për Parimet Themelore për Shqipërinë

Në përputhje me Kuadrin Negociues për negociatat e anëtarësimit në BE me Shqipërinë, qëllimi i këtij dokumenti jozyrtar është që Komisioni t’i japë Këshillit një pasqyrë mbi përparimin e Shqipërisë në grupin e Parimeve Themelore. Ky fokus është kryesisht tek kapitujt 23 “Sistemi gjyqësor dhe të drejtat themelore” dhe 24 “Drejtësia, liria dhe siguria”, duke marrë parasysh zhvillimet faktike që nga data e prerjes në Raportin Vjetor të Komisionit për Shqipërinë 2024 (shtator 2024).

Përparimi në grupin e Parimeve Themelore do të përcaktojë ritmin e përgjithshëm të negociatave. Kjo kërkon veçanërisht përmbushjen e treguesve të ndërmjetëm nën kapitujt 23 dhe 24, të cilët u vendosën në Konferencën Ndërqeveritare që hapi grupin e Parimeve Themelore më 15 tetor 2024. Sipas Kuadrit Negociues, asnjë kapitull nuk mund të mbyllet para se Shqipëria të arrijë këtë objektiv. Ky dokument jozyrtar jep një pasqyrë faktike të situatës së përgjithshme në Parimet Themelore dhe identifikon çështjet që kanë mbetur dhe ku Shqipëria duhet të përparojë për të përmbushur treguesit e ndërmjetëm për kapitujt 23 dhe 24.

---

Përparimet dhe Zbatimi

Gjatë periudhës së raportimit që nga shtatori 2024, Shqipëria ka vazhduar zbatimin e treguesve të ndërmjetëm për kapitujt 23 dhe 24 dhe po ashtu ka vazhduar zbatimin e Plani të Veprimit për Sundimin e Ligjit, si dhe dokumente të tjera strategjike në këtë fushë. Nevojiten përpjekje të mëtejshme dhe angazhim politik për të thelluar reformat, për të garantuar konsolidimin e mëtejshëm të arritjeve dhe për të adresuar mangësitë, veçanërisht në fusha kyçe si sistemi gjyqësor, lufta kundër korrupsionit dhe krimit të organizuar, menaxhimi i migracionit, liria e medias dhe të drejtat themelore të tjera.

Janë vërejtur zhvillime edhe në aspekte të tjera, përfshirë forcimin e institucioneve demokratike, reformën e administratës publike, si dhe kriteret ekonomike dhe kapitujt për prokurimin publik, statistikat dhe kontrollin financiar.

Shqipëria mbajti zgjedhjet parlamentare më 12 maj 2025, për rezultatin e të cilave Përfaqësuesja e Lartë Kallas dhe Komisioneri Kos lëshuan një deklaratë të përbashkët.

---

Sistemi Gjyqësor

Reforma në Drejtësi

Sa i përket sistemit gjyqësor, Shqipëria ka vazhduar zbatimin e reformës në drejtësi, duke forcuar pavarësinë e gjyqësorit dhe autonominë e prokurorisë. Është nxitur integriteti dhe profesionalizmi në të gjithë sektorin, përfshirë përmes procesit të rivlerësimit (vetting), është reduktuar ndikimi politik gjatë gjithë procesit të emërimeve, duke kontribuar në një sistem karriere më të bazuar në meritë. Procesi i rivlerësimit është përfunduar në shkallën e parë, duke forcuar më tej llogaridhënien, ndërsa ankimimet janë në rrugën e përmbushjes së afateve kushtetuese.

Megjithatë, duhet bërë përpjekje të mëtejshme për të përmirësuar cilësinë dhe efikasitetin e drejtësisë dhe pavarësinë e saj, veçanërisht lidhur me vlerësimet profesionale në kohë dhe cilësore, emërimet, promovimet dhe transferimet e magjistratëve, emërimet e anëtarëve jo-magjistratë në Këshillin e Lartë Gjyqësor dhe Këshillin e Lartë të Prokurorisë, aksesin në drejtësi, një sistem modern të integruar elektronik të menaxhimit të çështjeve, trajnimet gjyqësore, burimet njerëzore dhe financiare, konsistencën dhe arsyetimin e praktikës së gjykatave, kohëzgjatjen e proceseve dhe numrin e çështjeve të prapambetura.

Zbatimi i Reformës në Drejtësi, Dokumentet Strategjike dhe Organet Drejtuese

Shqipëria ka vijuar zbatimin e reformës në drejtësi, duke forcuar pavarësinë e gjyqësorit dhe autonominë e prokurorisë. Ka vazhduar zbatimi i Strategjisë së Përgjithshme për Drejtësinë dhe në dhjetor 2024 është miratuar një strategji e re për periudhën 2024-2030. Megjithatë, gjatë zbatimit duhet të sigurohet një mekanizëm më efektiv drejtues, koordinimi dhe konsultimi mes të gjitha institucioneve të drejtësisë.

Shqipëria duhet të sigurojë rinovimin në kohë dhe me meritë të pozicioneve të larta në sistemin gjyqësor gjatë vitit 2025, veçanërisht emërimet në Gjykatën Kushtetuese dhe Strukturën e Posaçme Kundër Krimit të Organizuar dhe Korrupsionit (SPAK).

Organet vetëqeverisëse të gjyqësorit kanë vazhduar të ushtrojnë funksionet e tyre. Koordinimi midis Këshillit të Lartë Gjyqësor (KLGJ) dhe Këshillit të Lartë të Prokurorisë (KLP) duhet të forcohet më tej. KLP dhe KLGJ duhet të miratojnë rregullat e nevojshme të funksionimit të brendshëm për të kryer efektivisht funksionet e tyre, përfshirë adresimin e konflikteve të interesit.

Nuk ka pasur zhvillime, dhe sfidat vazhdojnë lidhur me përafrimin e dispozitave për kontrollin e sfondit dhe deklarimin e pasurive për emërimet e anëtarëve jo-magjistratë të KLGJ dhe KLP me rregullat për magjistratët. Prokurori i Përgjithshëm dhe Këshilli i Lartë i Prokurorisë duhet të demonstrojnë një koordinim më efektiv në menaxhimin e zyrave të prokurorisë dhe karrierën e prokurorëve.

Gjykata Kushtetuese ka vazhduar të funksionojë në mënyrë efektive, ndërsa mosrespektimi nga Parlamenti i disa vendimeve të saj dhe pasiguria ligjore për kohëzgjatjen e mandateve të anëtarëve të saj mbeten shqetësime.

---

Pavarësia, Paanshmëria dhe Llogaridhënia

Ndërsa rezistenca e gjyqësorit është përmirësuar në përgjithësi, tentativat e shtuar nga zyrtarë publikë apo politikanë për të ushtruar ndikim të papërshtatshëm dhe presion mbi sistemin gjyqësor kanë shtuar shqetësimet. Hetimi dhe arrestimi i një zyrtari të zgjedhur, i konfirmuar nga Gjykata e Strukturës së Posaçme Kundër Krimit të Organizuar dhe Korrupsionit (SPAK) në shkurt 2025, ka shkaktuar reagime publike të paprecedentë nga ekzekutivi dhe legjislativi, përfshirë tentativa për të ushtruar presion mbi SPAK dhe institucionet gjyqësore. Kjo ngre shqetësime serioze.

SPAK ka publikuar dy letra ankesash drejtuar Ministrisë së Brendshme dhe Policisë së Shtetit për mosforcimin e sigurisë dhe mungesën e garancisë për sigurinë e personelit të SPAK gjatë një proteste jashtë ambienteve të SPAK.

Gjatë periudhës së raportimit, gjashtë magjistratë janë vënë nën mbrojtje, përfshirë dy gjyqtarë dhe katër prokurorë. Zyra e Prokurorit të Posaçëm ka nisur një hetim penal për tentativën e ushtrimit të presionit ndaj një magjistrati në një çështje që përfshin një anëtar të Parlamentit.

Institucionet drejtuese të gjyqësorit kanë qenë të zëshme në denoncimin e presionit politik mbi gjyqësorin, duke lëshuar deklarata publike.

---

Procesi i Rivlerësimit (Vetting)

Procesi i rivlerësimit të gjithë gjyqtarëve dhe prokurorëve u përfundua në shkallën e parë në nëntor 2024, duke forcuar më tej llogaridhënien, ndërsa masat për të ruajtur standardet e larta të vendosura gjatë këtij procesi ende duhet të miratohen. Operacioni Ndërkombëtar i Monitorimit (IMO) ka vijuar mbikëqyrjen e plotë të të gjitha aspekteve të procesit të rivlerësimit.

Rezultati i përgjithshëm i vendimeve në shkallën e parë, dhe ku ka pasur ankesa, në shkallë të dytë, ka qenë:

• 282 shkarkime dhe përfundime marrëveshjesh pune (56 %);

• 350 konfirmime në detyrë (44 %);

• dhe katër masa pezullimi me detyrimin për t’u trajnuar (0.49 %).

Janë ende në pritje 110 ankesa. Dhoma e Apelit ka rritur ritmin e shqyrtimit të anketimeve, përfshirë edhe emërimin e katër stafesh shtesë, dhe është në rrugë për të finalizuar procesin e rivlerësimit brenda afatit kushtetues në qershor 2026.

Vazhdojnë të mungojnë vëzhgime efektive gjyqësore në 19 rastet e rivlerësimit që u referuan prokurorisë në shtator 2024.

Për të ruajtur llogaridhënien e sistemit gjyqësor pas procesit të rivlerësimit, Këshilli i Lartë Gjyqësor (KLGJ), Këshilli i Lartë i Prokurorisë (KLP), Inspektori i Lartë i Drejtësisë dhe Inspektorati i Lartë i Deklarimit dhe Kontrollit të Pasurive dhe Konfliktit të Interesit, duhet të përditësojnë procedurat e tyre të brendshme dhe të sigurojnë mjaftueshëm staf dhe burime për të vazhduar kontrollin e integritetit dhe aftësive në përputhje me standardet e rivlerësimit.

Inspektori i Lartë i Drejtësisë (ILD) është operacional, por ka ende sfida për shkak të numrit të madh të vendeve vakante për inspektorë magjistratë, gjë që ndikon në funksionimin efektiv të tij. ILD ka trajtuar katër kërkesa për procedura disiplinore gjatë periudhës korrik-dhjetor 2024. Ndryshimet ligjore vazhdojnë të jenë të nevojshme për të rritur tërheqjen e pozicionit për inspektorët magjistratë. Procedura e rekrutimit është në vazhdim për përzgjedhjen e katër inspektorëve jo-magjistratë.

KLGJ dhe KLP duhet të forcojnë transparencën në promovimet dhe transferimet. Ndajimi i rastësishëm i çështjeve duhet të garantohet plotësisht në praktikë në të gjitha gjykatat dhe zyra të prokurorisë.

---

Cilësia e Drejtësisë

KLP ka përfunduar 9 vlerësime nga 70 të planifikuara për vitin 2025. KLGJ ka përfunduar 11 vlerësime. Ritmi i ngadaltë i vlerësimeve cilësore dhe prapambetja e madhe vazhdojnë të pengojnë emërimet bazuar në meritë dhe zhvillimin e karrierës, dhe praktika e transferimeve si alternativë ndaj promovimeve mbetet shqetësuese.

Janë të nevojshme përpjekje për të forcuar profesionalizmin dhe arsyetimin e praktikës gjyqësore, si dhe për të përmirësuar trajnimet e magjistratëve.

---

Efikasiteti dhe Burimet

Numri i magjistratëve në detyrë mbetet shumë i ulët (rreth 579), krahasuar me numrin e vendeve të punës të aprovuar (970), gjë që krijon një mungesë të madhe burimesh njerëzore dhe ndikon negativisht në efikasitetin dhe kohëzgjatjen e proceseve gjyqësore.

Sistemi elektronik i menaxhimit të çështjeve dhe dokumenteve është në përdorim, por ende nuk është plotësisht i integruar në të gjitha nivelet dhe institucionet.

---

Përfundime dhe Rekomandime Kryesore

• Reforma në drejtësi vazhdon, me fokus në forcimin e pavarësisë, autonomisë dhe llogaridhënies së sistemit gjyqësor.

• Është përfunduar faza e parë e rivlerësimit të magjistratëve, por duhet të përshpejtohet shqyrtimi i ankimeve dhe të sigurohet mbikëqyrja e mëtejshme.

• Është i domosdoshëm përmirësim i koordinimit mes institucioneve dhe transparencës në proceset e promovimeve dhe transferimeve.

• Duhet përballur presioni politik dhe ndikimi i jashtëm mbi gjyqësorin.

• Rritja e numrit të magjistratëve dhe përmirësimi i burimeve njerëzore dhe teknologjike është jetike për efikasitetin.

• Shpallja dhe respektimi i standardeve të larta të integritetit dhe profesionalizmit duhet të vazhdojë të jetë në qendër të reformës.

Lufta kundër korrupsionit

SPAK ka konsoliduar më tej kapacitetin e tij në goditjen e korrupsionit, duke arritur rezultate pozitive dhe përparim të prekshëm drejt krijimit të një bilanci të fortë në luftën kundër korrupsionit, veçanërisht në nivelet e larta, ndërsa përdorimi i hetimeve financiare dhe konfiskimeve të pasurive është përmirësuar. Sa i përket parandalimit, megjithëse janë ndërmarrë disa hapa drejt përmirësimit të rrjetit të parandalimit të korrupsionit, legjislacioni mbetet i ndërlikuar dhe i paplotë, dhe institucionet përgjegjëse për parandalimin e korrupsionit duhet të rrisin më tej kapacitetin, efektivitetin dhe rezultatet e tyre, si dhe të përmirësojnë koordinimin me organet e zbatimit të ligjit. Efektiviteti dhe transparenca e verifikimeve të deklaratave të pasurive dhe interesave duhet të forcohen ndjeshëm.

Kapaciteti operacional dhe institucional për luftën kundër korrupsionit

SPAK, i përbërë nga Zyra e Prokurorisë së Posaçme (ZPP), Zyra Kombëtare e Hetimit (ZKH) dhe gjykatat kundër korrupsionit dhe krimit të organizuar (gjykatat SPAK), ka vijuar të arrijë rezultate pozitive në hetimin, ndjekjen penale dhe gjykimin e rasteve të korrupsionit. Strukturat e tjera represive kundër korrupsionit vazhdojnë të përballen me sfida në zbulimin dhe hetimin efektiv të korrupsionit, ndërsa policia e shtetit mbetet shumë e ndjeshme ndaj korrupsionit.

Kapaciteti i SPAK-ut për të kryer hetime financiare është rritur dhe përdorimi sistematik i hetimeve financiare dhe konfiskimeve të pasurive është përmirësuar. Konfiskimi i pasurive për krimet që lidhen me korrupsionin ka pësuar një rënie. Numri i referimeve për SPAK nga autoritetet e tjera mbetet në përgjithësi i ulët dhe duhet të rritet. Aksesimi i SPAK-ut në bazat e të dhënave shtetërore është zgjeruar. SPAK duhet të vazhdojë përparimin në krijimin e sistemit të menaxhimit të rasteve, të rrisë personelin dhe infrastrukturën, dhe të adresojë ngarkesën në rritje të punës.

Bilanci i rezultateve

SPAK ka bërë përparim të prekshëm drejt krijimit të një bilanci të fortë në luftën kundër korrupsionit, veçanërisht në nivele të larta. Në vitin 2024, Gjykata e Posaçme e Apelit për Korrupsion dhe Krim të Organizuar (gjykata e apelit SPAK) ka dhënë 24 dënime përfundimtare me 106 persona të dënuar me vendime përfundimtare në raste korrupsioni, duke përfshirë 13 dënime në raste të nivelit të lartë.
(duke përfshirë ish-ministra, ish-kryetarin e Gjykatës Kushtetuese, ish-kryetarë bashkish dhe zyrtarë të tjerë). Në nëntor 2024, gjykata e apelit SPAK dha vendimin përfundimtar në lidhje me “Rastin e Inceneratorit të Elbasanit”, duke ashpërsuar dënimet për një ish-ministër të Mjedisit dhe një ish-anëtar të Parlamentit. Në dhjetor 2024, gjykata e apelit SPAK pranoi kërkesën e SPAK-ut për të rishqyrtuar vendimin e pafajësisë për tre individë të akuzuar në atë që njihet si “Rasti i Inceneratorit të Fierit”. Gjykata Speciale për Korrupsion dhe Krim të Organizuar (gjykata e parë e SPAK) dënoi 93 persona në raste korrupsioni, përfshirë ish-kryetarin e Bashkisë së Durrësit me katër vite burg për veprime të paligjshme në procedurën e dhënies së lejes së ndërtimit dhe keqpërdorim të fondeve publike. SPAK vazhdoi të japë rezultate të mira në hetim, ndjekje penale dhe operacione të përbashkëta, përfshirë edhe në kuadër të bashkëpunimit ndërkombëtar. Sa i përket korrupsionit në nivele të larta, gjatë periudhës janar 2024 – shtator 2024, shtatë procedime penale u dërguan në gjykim, duke përfshirë 10 zyrtarë të lartë. Deri më 30 shtator 2024, u nisën gjashtë hetime shtesë në raste korrupsioni në nivele të larta, lidhur me 14 persona.

---

Parandalimi i korrupsionit

Shqipëria miratoi në dhjetor 2024 Strategjinë e re Kundër Korrupsionit për periudhën 2024-2030 dhe planin e veprimit për 2024-2026. Projekti i strategjisë përqendrohet te sektorët vulnerabël (si pronësia, shëndetësia, arsimi, doganat, tatimet dhe prokurimi publik), me theks në edukimin për integritetin e të rinjve dhe adresimin e rekomandimeve të mëparshme relevante. Zbatimi efektiv, i fokusuar te rezultatet, me mekanizma të fortë monitorimi dhe koordinim institucional, ende mbetet për t’u demonstruar.
Janë ndërmarrë disa hapa paraprakë për përmirësimin e përputhshmërisë së ligjeve mbi konfliktin e interesit dhe mbrojtjen e sinjalizuesve me standardet evropiane dhe acquis-në e BE-së, megjithëse legjislacioni për parandalimin e korrupsionit mbetet kompleks dhe i paplotë. Pritet punë e mëtejshme për përputhjen e ligjeve mbi lobimin, donacionet dhe financimin e partive politike me standardet evropiane.
Janë bërë disa hapa drejt forcimit të rrjetit të parandalimit të korrupsionit. Megjithatë, kuadri institucional për parandalimin vazhdon të ketë ndikim të kufizuar. Efektiviteti dhe transparenca e verifikimeve të deklaratave të pasurive dhe interesave nga HIDAACI, përfshirë profilizimin e rrezikut të lartë, duhet të rritet ndjeshëm. Koordinimi me organet e zbatimit të ligjit duhet të përmirësohet më tej.

---

Liria e shprehjes dhe media

Sa i përket lirisë së shprehjes dhe lirisë së medias, pritet që Shqipëria të miratojë një reformë të thellë të kuadrit ligjor dhe rregullator, në veçanti për forcimin e pavarësisë dhe efikasitetit të Autoritetit të Mediave Audiovizive (AMA) dhe pavarësisë së transmetuesit publik, që mbeten çështje shqetësuese. Duhet miratuar gjithashtu ndryshime ligjore për:
Për të adresuar shqetësimet lidhur me përqendrimin e lartë të tregut mediatik, duhet të forcohet pavarësia redaktuese, transparenca në financimin dhe pronësinë e mediave, të vendosen rregulla për ndarjen e reklamave shtetërore dhe burimeve të tjera shtetërore, të dekriminalizohet shpifja dhe të përputhen aspektet civile të saj me standardet evropiane, të shkurtohen afatet për aksesin e gazetarëve në informacion, të zbatohet një matje transparente dhe e paanshme e audiencës, në përputhje me acquis-në e BE-së dhe standardet evropiane, bazuar në dialog gjithëpërfshirës me komunitetin mediatik. Në këtë drejtim, janë ndërmarrë disa hapa paraprakë me nisjen e një dialogu me komunitetin mediatik në janar 2025. Ekzekutivi duhet të sigurojë pjesëmarrje të fortë dhe angazhim në këtë proces. Ndryshimet ligjore pritet të ndahen me Komisionin e Venecias para miratimit.
Largimi nga Parlamenti i të gjithë anëtarëve të Këshillit Drejtues të transmetuesit publik dhe përzgjedhja dhe emërimi më pas i anëtarëve të rinj rriti edhe më shumë shqetësimet lidhur me pavarësinë e transmetuesit publik, përfshirë rrezikun e ndikimit politik në emërime. Për më tepër, respektimi i të drejtës për akses në informacion, që ka ndikuar në mënyrë disproporcionale mbi gazetarët, duhet të forcohet më tej.

---

Të drejtat e pronësisë

Sa i përket të drejtës së pronësisë, janë ndërmarrë disa hapa për digjitalizimin e titujve të pronësisë dhe me krijimin e një grupi pune të posaçëm, por zbatimi ende mbetet i fragmentuar dhe i dobët, veçanërisht në zonat rurale. Problemi i pronësisë së tokave në zonat e përmbytura nga hidrocentrali i Vaut të Dejës vazhdon të mbetet i pazgjidhur. Një grup i posaçëm i ngritur nga Ministria e Drejtësisë ka ofruar rekomandime për një plan zgjidhjeje dhe menaxhimi më të mirë të pronësisë në zonën e përmbytur.

---

Polarizimi politik dhe institucionet demokratike

Në fushën e politikës dhe demokracisë, vazhdojnë të ekzistojnë sfida në reduktimin e polarizimit politik dhe rritjen e funksionimit demokratik të institucioneve, përfshirë përmirësimin e transparencës dhe përgjegjshmërisë së deputetëve, si dhe forcimin e institucioneve të kontrollit parlamentar.

Mbikëqyrja Parlamentare mbi Ekzekutivin

• Mbikëqyrja e parlamentit mbi ekzekutivin mbeti e dobët.

• Kuvendi vazhdoi të mos emërojë drejtues dhe anëtarë në disa institucione kyçe.

• Mungon një dialog politik konstruktiv dhe gjithëpërfshirës për të përmirësuar këtë situatë.

Reforma e Administratës Publike (RAP)

• Shqipëria ka miratuar strategjitë për luftën kundër korrupsionit dhe për menaxhimin e financave publike, si dhe Strategjinë Afatmesme të të Ardhurave në dhjetor 2024.

• Po vazhdojnë përgatitjet për miratimin e Strategjisë së Re të Reformës së Administratës Publike 2025-2030.

• Masa kryesore të ndërmarra:

  • Rishikimi i kuadrit të Menaxhimit të Investimeve Publike.

  • Futja e orareve të punës fleksibël për punonjësit civilë.

  • Vazhdimi i reformës së pagave, me rritje të ndjeshme veçanërisht për personelin lokal (kryebashkiakë, drejtorë, specialistë, etj).

• Vlerësimi SIGMA i Administratës Publike për 2024 konstaton që kuadri ligjor dhe institucional ekziston kryesisht, por ka mungesa në zbatim dhe rezultate.

• Në dhjetor 2024 u miratua Strategjia Anti-korrupsion që plotëson Strategjinë e Menaxhimit Financiar Publik të miratuar në qershor 2024.

• Po vazhdojnë përgatitjet për miratimin e Strategjisë së Reformës së Administratës 2025-2030, ku konsultimet publike u përmbyllën në pranverën e 2025.

• Po punohet për të përmirësuar koordinimin e politikave dhe zgjerimin e vlerësimeve të ndikimit të rregulloreve dhe konsultimeve publike në ligjet dytësore.

• Në gusht 2024 u vendos futja e orareve më fleksibël dhe pushimeve për punonjësit civilë.

• Reforma e pagave, e nisur në 2023, u zgjat edhe për personelin lokal duke përfshirë të gjitha nivelet e stafit.

• Po përgatitet rishikimi i ligjit të shërbimit civil për të rishikuar procedurat e rekrutimit në nivelet e larta menaxheriale.

• Po punohet për rishikimin e Ligjit të Administratës Shtetërore për të qartësuar tipologjinë dhe kriteret për krijimin e organeve të varësisë.

Menaxhimi i financave publike

• Shqipëria po zbatoi Strategjinë për Menaxhimin Financiar Publik (2023-2030), miratuar në qershor 2024, me qëllim përmirësimin e transparencës, përgjegjësisë, disiplinës fiskale dhe efikasitetit në përdorimin e burimeve publike.

• Në dhjetor 2024, u miratua Strategjia Afatmesme e të Ardhurave për të rritur të ardhurat qeveritare, duke përfshirë masa për administrimin tatimor dhe reformë në politikën tatimore, si dhe fillimin e një vlerësimi të përjashtimeve tatimore.

• Reforma në Menaxhimin e Investimeve Publike vazhdon, duke përfshirë miratimin e një pipelinë kombëtare të projekteve të vetme në shkurt 2025, pjesë e Dokumentit Kombëtar Prioritar 2026-2028 që përcakton prioritetet për ciklin e buxhetimit 2026-2028.

• Kuadri Afatmesëm Buxhetor 2026-2028 pritet të miratohet së shpejti.

• Nevojiten përmirësime në thellimin e vlerësimeve të mundshmërisë së projekteve të investimeve.

• Në mars 2025, qeveria miratoi udhëzime të rishikuara për menaxhimin e investimeve publike, përfshirë lehtësira për përfshirjen e projekteve PPP në pipelinë kombëtare, duke i përjashtuar nga disa kërkesa për vlerësim të mundshmërisë.

• Raportimi për rreziqet fiskale (borxhet, PPP, ndërmarrjet shtetërore) vazhdoi të përfshihet në dokumentet buxhetore.

• U krijua një drejtoratë e dedikuar për menaxhimin e rreziqeve fiskale, por ende duhet të plotësohet me stafin e duhur.

• Shqipëria nuk ka ende një Këshill të Pavarur Fiskal, por janë nisur punë përgatitore.

Kritere Ekonomike

• Shqipëria ka bërë përparim në funksionimin e ekonomisë së tregut.

• Ekonomia mbajti një ritëm të fortë rritjeje me 4% zgjerim të GDP-së në 2024, falë kërkesës së fortë të brendshme, performancës së mirë në turizëm dhe ndërtimit.

• Pozicioni i jashtëm përmirësohet, me deficitin e llogarisë së tanishme që arriti në nivel historikisht të ulët në 2023, dhe pak u zgjerua në 2.4% të GDP-së në 2024.

• Stabiliteti makroekonomik dhe zhvillimet pozitive mbështeten në politikën e mirë.

• Konsolidimi fiskal u përshpejtua në 2024, me deficit fiskal në 0.7% të GDP-së dhe borxhin publik nën 55% të GDP-së.

• Në dhjetor 2024, u miratua strategjia afatmesme e të ardhurave për të mbështetur rritjen e të ardhurave qeveritare përmes përmirësimit të administrimit tatimor dhe doganor.

• Në 2025, filloi vlerësimi i përjashtimeve tatimore ekzistuese.

• Politika monetare mbeti e kujdesshme, me dy ulje të normave të politikës për shkak të uljes së shpejtë të inflacionit (nga 4.8% në 2023 në 2.2% në 2024).

• Mbikëqyrja financiare ishte vigjilente, duke rritur bufferin e kapitalit kundër cikleve dy herë.

• Që nga viti 2022, valuta shqiptare po ndjek një trend të qëndrueshëm përforcimi (i nxitur nga flukset e forta të turizmit, investimeve të huaja direkte dhe remitancave), ndërsa Banka e Shqipërisë ndërhyn në tregun e këmbimit valutor për të kufizuar ritmin e përforcimit.

• Sektori financiar, i dominuar nga bankat, mbeti stabil, mirëkapitalizuar dhe fitimprurës.

• Shteti mban një rol të kufizuar në ekonomi.

• Në lidhje me mjedisin e biznesit, Shqipëria vazhdon procesin e regjistrimit të titujve të pronës dhe ka në plan të fusë një taksë mbi pronën.

• Ekonomia e errët mbetet e përhapur, duke dëmtuar mbrojtjen sociale dhe konkurrencën e ndershme ndërmjet bizneseve, si dhe duke ulur bazën tatimore.

• Përmirësimet në qeverisjen dhe mbikëqyrjen e ndërmarrjeve shtetërore ende janë të nevojshme.

• Shqipëria vazhdon të forcojë kapacitetet e saj për t’u përballur me presionin konkurrues në BE, megjithatë në mënyrë më të kufizuar.

• Tregu i punës dhe sistemi arsimor përballen me probleme strukturore.

• Emigracioni, veçanërisht i punonjësve të kualifikuar, thellon mungesat në sektorët kyç, duke kontribuar në largimin e trurit dhe duke penguar rritjen ekonomike dhe inovacionin.

• Mungesa e aftësive është një sfidë e madhe, ndërsa papunësia e të rinjve dhe grupi NEET (nuk janë në punë, arsim apo trajnim) mbetet shqetësuese.

• Investimet u rritën në 2024, dhe pati disa përparime në projektet e infrastrukturës.

• Megjithatë, shpenzimet kapitale mbeten nën buxhetin e planifikuar, duke penguar modernizimin e infrastrukturës dhe ngadalësuar rritjen e kapitalit të vendit.

• Në kuadër të Planit të Rritjes, Shqipëria ka angazhuar të zbatojë reforma të rëndësishme në kuadër të Axhendës së Reformave.

• Shqipëria mbetet konkurruese si destinacion turistik, me një gamë gjithnjë e më të gjerë shërbimesh të ofruara.

• Industria dhe bujqësia vazhdojnë të jenë sektorë me produktivitet të ulët dhe kanë pësuar tkurrje.

• Edhe pse eksportet e shërbimeve kanë pasur performancë të mirë, eksportet e mallrave ranë gjatë periudhës 2023-2024, duke treguar probleme konkurruese.

• Eksportet prodhuese janë shumë të ndjeshme ndaj përforcimit të kursit të këmbimit për shkak të vlerës së ulët të shtuar dhe fuqisë së ulët të çmimeve nga bizneset.

Kapitulli 5 – Prokurimi Publik

• Në lidhje me prokurimin publik, Shqipëria ka vazhduar të përputhet me acquis-në e BE-së, duke forcuar kapacitetet administrative të autoriteteve kontraktuese përmes trajnimeve të organizuara dhe rritjes së përdorimit të kritereve më ekonomikisht të favorshme për dhënien e kontratave publike.

• Në aspektin ligjor, Shqipëria ka bërë përparim në përafrimin e legjislacionit të saj mbi prokurimin publik me acquis-në e BE-së.

• Në këtë kuadër janë miratuar ndryshime dhe plotësime në Ligjin për Prokurimin Publik, që kanë përmirësuar procedurat dhe zbatimin e legjislacionit në këtë fushë.

Pragjet e Prokurimit Publik

• Në maj 2024, qeveria miratoi një vendim që afron pragun e prokurimit me atë të përcaktuar në Direktivat 2014/24/EU.

• Për shkak të formulimit në valutën lokale, pragu vazhdon të jetë i ndryshëm nga ai i direktivës për shkak të luhatjeve të këmbimit valutor.

Dispozita Tranzitore për Negociatat Direkte

• Ligji i ndryshuar përmban një dispozitë tranzitore që lejon Këshillin e Ministrave të autorizojë negociata direkte për kontrata shërbimesh në “fusha me interes strategjik” për një periudhë trevjeçare.

• Kjo ngre shqetësime për përputhshmërinë me acquis-në e BE-së.

• Çështja duhet të ndiqet me kujdes dhe të mblidhen të dhëna për ndikimin e saj në prokurim dhe mbi sasinë e kontratave të tilla të lidhura çdo vit.

Transparenca dhe Raportimi

• Në gusht 2024, u miratua legjislacioni dytësor që kërkon që përfundimi i çdo kontrate nën këtë procedurë të raportohet te Agjencia e Prokurimit Publik (APP).

• Kjo siguron një transparencë të kufizuar në këto procedura.

---

Kontrolli Financiar

Kontrolli i Brendshëm

• Ka përmirësime graduale në zbatimin e kuadrit të kontrollit të brendshëm, por sistemi vlerësohet si pjesërisht efektiv.

• Më shumë përmirësim kërkohet në pushtetin vendor dhe në kompanitë publike.

• Ekzistojnë rregullat për delegimin menaxherial, por zbatimi pengohet nga centralizimi i vendimmarrjes.

• Njësitë e auditimit të brendshëm janë krijuar sipas rregullave, por ka mangësi në staf dhe kapacitete.

• Numri i certifikimeve të auditorëve të brendshëm mbetet i mirë.

Kuadri Strategjik

• Kuadri strategjik për kontrollin e brendshëm financiar publik (PIFC) është pjesë e Strategjisë së Menaxhimit Financiar Publik (miratuar në qershor 2024).

• Forcimi i delegimit menaxherial përfshihet edhe në Strategjinë e Reformës në Administratën Publike.

Auditimi i Jashtëm

• U krijua një nën-komision parlamentar për auditin publik në verën e 2024, i cili ka nisur funksionimin.

• Qëllimi është që Parlamenti të diskutojë më shumë mbi raportet e Kontrollit të Lartë të Shtetit.

• Kontrolli i Lartë i Shtetit vazhdoi me raportimet e rregullta dhe të gjitha auditimet janë publike.

---

Mbrojtja e Interesave Financiare të BE-së

• Shqipëria ka bërë përparim drejt harmonizimit me acquis-në e BE-së për mbrojtjen e interesave financiare të BE-së.

• Ende kërkohet punë për harmonizimin e plotë me Direktivën e BE-së për luftimin e mashtrimit kundër interesave financiare të BE-së përmes ligjit penal.

• Rrjeti AFCOS (Zyra për Koordinimin Kundër Mashtrimit) ka nevojë të forcohet më tej për të përmbushur detyrimet.

• Po përgatitet një Strategji Kombëtare Kundër Mashtrimit.

• Konsultimi publik për draft-strategjinë filloi më 11 mars 2025.

• Bashkëpunimi me Komisionin Evropian për hetime është përmirësuar në një farë mase, por Shqipëria duhet të shtojë përpjekjet për ndërtimin e një praktike të qëndrueshme në bashkëpunim për hetime dhe raportimin e parregullsive.

---

Lufta kundër falsifikimit të euros

• Nuk ka ndonjë zhvillim të veçantë për të raportuar në lidhje me luftën kundër falsifikimit të euros.

LEXONI GJITHASHTU:

• Raporti i OECD-së: Aftësitë e punonjësve në Shqipëri shumë larg standardeve të BE-së
• Berisha: Spiropali gënjeu për raportin e PE, është kundër Ramës

The post Reforma në drejtësi, korrupsioni e politika, çfarë thotë raporti i KE për Shqipërinë appeared first on Euronews Albania.

Padia e Unionit të Gjyqtarëve, që i kërkon Gjykatës Kushtetuese të shpallë sërish si antikushtetues nenin që përcakton pagën referuese të magjistratëve në ligjin “Për statusin e gjyqtarëve dhe prokurorëve në Republikën e Shqipërisë”, solli të mërkurën reagimin e ashpër të kryeministrit Edi Rama. Në një postim në X, Rama, siç ka bërë edhe më […]

The post Rama përplaset me gjyqësorin për pagat appeared first on Reporter.al.

Në teatrin që u luajt në Tiranë paraditen e kësaj të hëne mes ministrit të Drejtësisë Ulsi Manja dhe bashkëpatriotit të tij në SPAK, Altin Dumani, u duk sikur palët u përfshinë në një konflikt për orientimet e institucioneve të drejtësisë, pasi mazhoranca që sapo mori mandatin e qeverisjes për 4 vitet e ardhshme kërkoi zbutjen e goditjes ndaj korrupsionit ndaj një prokurori, që për 3 vitet e shkuara ka qenë simboli i asaj goditjeje.

Propozimet e Ulsi Manjës

Me një listë të gjatë rekomandimesh, Manja artikuloi kërkesat e mazhorancës që e “zbusin” SPAK, e fusin atë në një trajektore të re, që e bën më pak agresiv, më të kujdesshëm në përdorimin e masave ekstreme dhe më të orientuar drejt “reformimit”, se sa goditjes me bujë të zyrtarëve të lartë.

Ministri i Drejtësisë e vuri theksin tek “respektimi i prezumimit të pafajësisë”, “respektimi i të drejtave procedurale të të pandehurve dhe viktimave”, dhe sidomos tek “shmangia e vonesave të pajustifikuara në hetime dhe përdorimin proporcional të masave të sigurimit”.

Në thelb, kjo ishte një thirrje për të frenuar arrestimet spektakolare, kontrollet e befasishme në shtëpi apo kërkesat për paraburgim si mjete për t’i ndëshkuar politikisht zyrtarët që hetohen për korrupsion, mjete të cilat deri tani u kanë shërbyer socialistëve për t’u mburrur me reformën në drejtësi.

Më tej, Manja kërkoi që prokurorët e SPAK të promovojnë përdorimin e “procedurave të posaçme, si marrëveshjet për pranimin e fajësisë dhe gjykimet e shkurtuara”, veçanërisht për të miturit, por jo vetëm. Ai sugjeroi edhe zgjerimin e përdorimit të “alternativave efektive të ndëshkimit”, që në përkthim praktik nënkupton më pak burg dhe më shumë marrëveshje të buta me zyrtarët e korruptuar që hetohen nga SPAK.

Nëpërmjet kësaj liste të gjatë rekomandimesh (të plota më poshtë) që flasin për etikë, integritet dhe bashkëpunim institucional, mazhoranca po kërkon t’i heqë SPAK-ut atë tipar që deri më tani, e kishte shndërruar në një prokurori të paparashikueshme: fuqia për të kryer arrestime pa paralajmërim.
E gjithë struktura e rekomandimeve që lexoi Ulsi Manja është ndërtuar pikërisht për ta zhveshur nga ky lloj agresiviteti, që institucionit iu shtua me drejtimin e Altin Dumanit.

Pëshpërimat e Dumanit si “përplasje”

Që kur u preantua në krye të SPAK, Altin Dumani ka folur gjithnjë për një luftë pa kompromis kundër korrupsionit, ka bërë thirrje për hetime të thella financiare ndaj zyrtarëve të korruptuar dhe ka firmosur prangosjen për disa ish-ministra, deputetë e kryebashkiakë të lidhur me qeverinë dhe për emrat kryesorë të opozitës, duke nxitur shpesh debate për shërbimet politike që i bënte njërës apo tjetrës palë.

Dumani mban disa rekorde në urdhër-arrestet që ka firmosur, nëpërmjet të cilave u shndërrua në faktor për zgjedhjet e 11 Majit me deformimin që i bëri skenës politike.

Duhen kujtuar këtu, arrestimi i Sali Berishës që u mbajt për gati një vit në arrest shtëpie, arrestimi i dhëndrit të tij Jamarbër Malltezi në aeroportin e Rinasit, kontrollet e befasishme në shtëpitë e Arben Ahmetajt dhe urdhër-arresti për ish-zv.kryeministrin, arrestimi i dhunshëm i ish-presidentit Ilir Meta dhe së fundmi, prangosja e beftë dhe izolimi në qeli i kryebashkiakut ende në detyrë, Erjon Veliaj.

Pas shumë vitesh, Dumani riktheu edhe hetimin, përgjimin dhe kontrollet e gazetarëve, si në rastin e Artan Hoxhës dhe të Elton Qynos në dosjen e hetimit të krimeve në Elbasan.

Pritej që një prokuror kaq i vendosur në bindjet e tij, kaq i bindur për metodat e tij hetimore dhe kaq i ashpër ndaj kujtdo që i del para, të kundërshtonte me forcë këtë kthesë që po i kërkohet të bëjë në mënyrë të papritur. Rekomandimet e qeverisë që lexoi Ulsi Manja përbëjnë një ndryshim rrënjësor të profilit, me të cilin ai ka udhëhequr SPAK në këto dy vite e gjysëm. Supozohet që Dumani do t’i hidhte poshtë kërkesat e Ministrit të Drejtësisë, duke mohuar faktin që SPAK nuk ka marrë parasysh prezumimin e pafajësisë, nuk ka vendosur masa ekstreme paraburgimi dhe se nuk ka respektuar të drejtat proceduriale të të hetuarve.

Në fakt, ajo që tha Dumani ishte një ankesë e thjeshtë se kërkesat e Ulsi Manjës do t’i shtonin burokracitë punës së prokurorëve, a thua se çështja më e rëndësishme që iu kërkua ishin disa orë pune më shumë.

“SPAK është tashmë subjekt i mbikëqyrjes nga KLP dhe ILD. Krijimi i strukturave të reja të vlerësimit dhe integritetit, pa analizë të mekanizmave ekzistues, rrezikon të sjellë një mbingarkesë burokratike”, tha Dumani, në një ton më të butë dhe më të tërhequr se zakonisht.

Rama para dhe pas 11 Majit

Kryeministri Edi Rama u ankua disa muaj më parë për mënyrën se si funksionon drejtësia pas arrestimit të Erion Veliajt. Përmes një deklarate të gjatë në media, Rama tha atëherë se do të vijonte me kritikat konstruktive të drejtësisë për t’i dhënë asaj standartet europiane: “Nuk do të mbaj më për vete opinionet e mia kur ta shoh të arsyeshme që duhen ndarë me publikun në të gjitha rastet që drejtësia do të bëjë punën e saj… Ajo që u mungon është kritika konstruktive… që të mos lejojmë individë të caktuar t’i japin vetes të drejtën e shpërdorimit të detyrës si prokuror apo gjyqtar…”.

Megjithatë në fushatën e 11 Majit, kryeministri Rama u mburr me bashkëpunimin që kishte pasur me Altin Dumanin, të cilit i kishte dorëzuar “shpatën e ndëshkimit”.

“Keni edhe drejtuesin e SPAK-ut këtej, Altin Dumani meqë është i zonës po e përmend këtu në miting, ka qenë prokuror shumë vite. Edhe po ky ka qenë! Nga Dibra, i ndershëm, i zoti, i papërzier përvecse me punën e vet, po e keni dëgjuar të thërriste ndonjëherë ndonjë person të njohur ta merrte në pyetje. Po si u bë kaq i fortë Altin Dumani? Sepse ne bëmë atë që s’e ka bërë asnjë forcë që ka sunduar në këtë vend që nga 1912-a. Ne i dorëzuam drejtësisë shpatën e ndëshkimit. Nëse sot ju të gjithë po shihni se në Shqipëri mund të ketë barazi para ligjit, këtë e bëri Partia Socialiste!”, u shpreh Rama.

Por tani ajo që ka ndryshuar është se zgjedhjet kanë përfunduar. Tani që Edi Rama ka siguruar mandatin e katërt, SPAK nuk i nevojitet më. Administrata po hyn në një fazë të re, qeverisë i duhet të rifillojë ciklin e zakonshëm të tenderave dhe të mobilizojë drejtorët e saj për “projekte” të reja.

Mesazhi që Rama jep për të vetët është i qartë: nuk do të ketë tronditje të papritura, nuk do të ketë më aksione të paparashikuara nga SPAK, nuk do të ketë më ministra, drejtorë apo kryebashkiakë që arrestohen si qentë në rrugë, SPAK s’ka nevojë të jetë më ai që ishte dhe drejtësia do të hyjë në një fazë tjetër.

Për pasojë, as Altin Dumani nuk do të jetë ai që ka qenë, pasi misionin e tij e ka kryer dhe për këtë Ulsi Manja ka dalë me planin e ri në dorë./Lapsi.al

Rekomandimet e Ministrit të Drejtësisë, Ulsi Manja

Fjala e Ministrit:

Rekomandimet janë në 8 fusha

Fusha e parë është respektimi i të drejtave të njeriut që duhet jetë në qendër të punës së prokurorisë. Kërkohet respektimi i prezumimit të pafajësisë. Respektimi i të drejtave procedurale të të pandehurve dhe viktimave. Shmangia e vonesave të pajustifikuara në hetime dhe përdorimi proporcional i masave të sigurimit.

Shteti i së drejtës nis nga një hetim korrekt dhe i paanshëm, prokuroria orientohet të promovojë përdorimin e procedurave të posaçme, si marrëveshje për pranimin e fajësisë dhe gjykimet e shkurtuara, veçanërisht për të miturit dhe në rastet kur ndëshkimi mund të jepet nëpërmjet alternativave efektive.

Fusha e dyta, është forcimi i luftës kundër kriminalitetit. Kërkohet rritja e hetimeve të nisura kryesisht, ndjekje penale efektive për korrupsionin, veçanërisht në nivele të larta dhe hetimi financiare me origjinë kriminale. Duhet forcuar bashkëpunimi ndërkombëtar veçanërisht në luftën kundër trafikimit  dhe krimit të organizuar.

Fusha e tretë është integriteti, transparenca dhe përgjegjshmëria. Prokuroria duhet të forcojë mekanizmat për kontrollin e brendshëm dhe llogaridhënien përtej procesit të vetting. Duhet trajtuar seriozisht çdo ankese për sjellje të papërsheshme dhe të rritet transparenca për qytetarët.

Fusha e katërt është eficenca dhe ngritja e kapaciteteve funksionale. Nevojitet krijimi i strukturave të specializuara për çështjet komplekse, investim në teknologji dhe burime njerëzore, si dhe  zhvillim i trajnimeve të vazhdueshme.

Fusha e pestë është përdorimi i metodave bashkëkohore të hetimit, sugjerohet përdorimi i inteligjencës artificiale, teknologjisë digjitale dhe analizës së të dhënave. Të intensifikohen metodat proaktive të hetimit përfshirë përgjimet, mjetet financiare dhe mbikëqyrjen elektronike dhe bashkëpunimi me policinë e shtetit dhe policinë gjyqësore.

Fusha e gjashtë është bashkëpunimi me ministrinë e Drejtësisë. Ne jemi të gatshëm të bashkëpunojë ngushtësisht për hartimin e politikave penale, shkëmbimin e statistikave, përmirësimin e  ndihmës juridike ndërkombëtare. Dua të konfirmoj se bashkëpunimi i ministrisë së Drejtësisë më Prokurorinë e Përgjithshme dhe SPAK sa i takon ndihmës juridike ndërkombëtare, por edhe shkëmbimit të të dhënave statistikore është në nivel të kënaqshëm.

Fusha e shtatë ka të bëjë me bashkëpunimin ndërinstitucional. Orientohet hartimi i një strategjie të koordinuar mes Prokurorisë së Përgjithshme, SPAK, policisë së shtetit dhe institucioneve të tjera publike. Marrëveshjet për shkëmbimin e të dhënave, përcaktimi i pikave të kontaktit dhe transparenca ndërinstitucionale janë kyçe për suksesin në përballjen me krimin.

Fusha e tetë është bashkëpunimi ndërkombëtar. Pjesëmarrja aktive në Eurojast, Europol dhe Empact është thelbësore për trajtimin e krimeve ndërkufitare. Krijimi i skuadrave të përbashkëta hetimore është mjeti më efektiv për ndarjen në kohe reale të provave dhe për të ndjekur penalisht krimin ndërkufitar.

The post Mandati i katërt/ Qeveria i vendos zinxhirin Altin Dumanit appeared first on Lapsi.al.

TIRANË, 9 maj /ATSH/ Kryeministri, njëherësh kryetari i Partisë Socialiste, Edi Rama deklaroi sot se, reformën në drejtësi e ka bërë PS ekzaktësisht që të bëhet një institucion, një instrument drejtësia që të godasë majtas dhe djathtas.

Në një intervistë televizive Rama duke folur për hyrjet në universitet, u shpreh se, “që kur ne bëmë ndërhyrjen dhe bëmë transformimin e procesit të hyrjes, nuk ka më ankesa, s’ka pasur më ankesa kush po hyn dhe kush s’po hyn. Bëheshin me rrëmujë dhe korrupsion, nuk ankohet më njeri. Bëhet me platformë, hyn”.

“Rekrutimi i mësuesve ka qenë një problem i madh korruptiv, me lekë. Mësues, mjekë, infermierë me lekë, nuk ndodh më, nuk i shkon më mendja njeriu që mund të paguash lekë të futesh mësues, të bëhesh infermier. Tani të gjitha këto janë sistem, nuk janë muhabete. Janë të gjitha sistem”, tha Rama.

I pyetur lidhur me zyrtarët e burgosur, Rama tha se, “ky është rezultati i “gijotinave mediatike” dhe i faktit që të gjitha mexheliset e debatit mediatik qofshin studio, qofshin portale, merren 95% me këtë punë. Ndërkohë që e vërteta e fakteve është ndryshe, shumë ndryshe”.

“Nga njëra anë është e qartë dhe nuk diskutohet, sepse ky ka qenë qëllimi ynë, reformën në drejtësi e kemi bërë dhe e kemi bërë ekzaktësisht për këtë gjë, që të bëhet një institucion, një instrument drejtësia që të godasë majtas dhe djathtas. Dhe fakti që ka goditur majtas dhe djathtas është vlerë e krijuar nga reforma që ne kemi bërë. Nuk është për të pasur ndonjë shqetësim”, tha Rama.

Duke folur për inceneratorët, Rama tha se, “projekti është absolutisht i duhuri, plani është absolutisht legjitim, dhe pikërisht pse brenda gjithë procesit të projektit ka pasur individë të cilët kanë nxjerrë përfitimet e tyre, është dhe pjesa që ka të bëjë me korrupsionin”.

Rama nënvizoi se, “nuk është paguar asgjë, zero për të bërë inceneratorët. Për Tiranën flasim këtu. Të tjerat dy inceneratorët e tjerë nuk janë bërë me paratë e shtetit, janë bërë me paratë e privatit. Inceneratorët e Fierit dhe Elbasanit janë ndërtuar nga privatët dhe shteti në mënyrë periodike ka paguar për vite të tëra, deri sa tani i ka marrë në pronësi”.

Për inceneratorin e Tiranës, Rama tha se, “nuk është paguar për incenerator, është paguar një kontratë në një partneritet me një privat, i cili duhet të garantonte sistemimin e landfillit që ishte në një moment bombe dhe duhet të fillonte të investonte”.

/a.f/r.e/

The post Rama: Reformën në drejtësi e ka bërë PS që drejtësia të godasë majtas dhe djathtas appeared first on Agjencia Telegrafike Shqiptare.

Nga Andi Bushati  Sali Berisha ka bërë sërish atë që di të bëjë më mirë: të denoncojë. Këtë radhë në daljen e tij përpara derës së SPAK, lapsi i ka rënë gjykatëses star të reformës në drejtësi, asaj që ka marrë mbi supe shumë prej proceseve të bujshme. Berisha ka dëshmuar me dokumentat origjinale të […]

The post Irena Gjoka si turpi i drejtësisë së rilindur appeared first on BoldNews.al.

Kryeministri Edi Rama ishte këtë të diel i ftuar në “Review” në Eruonews Albania ku ka folur ndër të tjerat edhe për reformën në drejtësi.

I pyetur se çfarë do ndodh pas 11 majit me reformën në drejtësi, kryeministri Rama u përgjigj se reforma në drejtësi nuk do preket, por do të përmirësohet në bazë të standardeve të Bashkimit Europian.

“57% e detyrave të procesit të negociatave lidhen me drejtësinë. 57% e detyrave të atij procesi që bëjmë ne në Bruksel,  lidhen më këtë gjë. Nuk do ndryshohet drejtësia. Drejtësia nuk do të preket. Arkitektura është ngritur dhe ajo nuk preket. Ama duhet të fuqizohet, duhet përmirësuar, sipas standardeve të Bashkimit Europian.

Janë të gjitha të shkruara, hapini librat e negociatave. Drejtësia e re është bebeja e Partisë Socialiste, Drejtësia e re është pjellë e drejtpërdrejtë e Partisë socialiste dhe për mirërritjen dhe qëndrueshmërinë e asaj bebeje ne jemi të vetmit që jemi interesuar. Edhe një pjesë e atyre burrave që do shkojnë në kënetë e duan drejtësinë”,-tha kryeministri Rama.

LEXONI GJITHASHTU:

• “Isha artist”, Rama: U bëra kryeministër sepse bëra atë që të tjerët s’e bënë dot
• Fushata e 10-të elektorale, Kryeministri Rama në Euronews: Ja çfarë ka ndryshuar

The post “Reforma në drejtësi nuk preket”- Rama: Çdo hap sipas negociatave të BE appeared first on Euronews Albania.

TIRANË, 3 maj /ATSH/ Kryeministri Edi Rama deklaroi sot se Partia Socialiste është e vetmja garante për barazinë para ligjit.

Raportet me drejtësinë, Rama i cilëson të rëndësishme për mandatin e katërt, që Partia Socialiste synon të fitojë në zgjedhjet e 11 majit.

Rama tha në një intervistë në A2 CNN se media e interpreton marrëdhënien e tij me SPAK në mënyrë të ngushtë, por e sigurtë është që PS është garantja e drejtësisë së re.

“Ajo që ka rëndësi sot është se gjithë shqiptarët duhet ta kuptojnë që, më 11 maj, të gjithë shqiptarët duhet të votojnë PS, duhet të bashkohen te PS, për një arsye shumë të thjeshtë përtej gjithë të tjerave, por për një arsye themelore: Për momentin ne jemi të vetmit garant të përpjekjes së parë në histori për barazi përpara ligjit. Nuk ka ndodhur ndonjëherë në historinë tonë. Këto ndodhin sot vetëm për një arsye, për vendosmërinë dhe përkushtimin e PS në raport me besimin e marrë nga populli se ata që merren me komente, ata i reduktojnë shumë unë them apo i reduktojnë shumë edhe simbolikat e fushatave të mia”, tha Rama.

Më tej, kryeministri nënvizoi se pushteti që u kërkoi shqiptarëve në 2013 për të reformuar drejtësinë, u provua që ishte një fjalë e mbajtur.

“Kur unë thosha më jepni timonin që të mos kem të tjerë në prehër për të garantuar reformën në drejtësi, sepse dua një drejtësi që të godasë majtas dhe djathtas, koha tregoi se ata bënë shumë mirë që ma dhanë timonin pa të tjerë në prehër dhe sot kemi një drejtësi që godet majtas dhe djathtas, kjo është e vërteta”, deklaroi Rama.

Por që drejtësia të garantohet një herë e mirë, theksoi Rama, nuk duhet lënë në duart e atyre që qeverisin, apo që do të qeverisin në Shqipëri në të ardhmen, por duhet kyçur Shqipëria brenda në sallonin kryesor të Bashkimit Europian sepse vetëm aty nuk ka ku lëviz askush që qeveris këtu, për të bërë lojëra me drejtësinë.

Kapitullin e SPAK, drejtësisë dhe luftës ndaj korrupsionit, Rama e mbylli duke nënvizuar se kjo është arsyeja përse i duhet një mandat i katërt.

“Vendosja në dukje e problematikave nuk është gjë tjetër veç se një kontribut në funksion të një qëllimi të madh, që është ky qëllim. Por ajo që ka rëndësi është që, paprekshmëria dhe pavarësia e institucioneve të drejtësisë nuk mund të diskutohet dhe garantët e vetëm për të jemi ne, PS dhe unë në krye të saj. Lufta ndaj korrupsionit është shumë e rëndësishme dhe ne po e bëjmë me një vullnet të jashtëzakonshëm. Dhe pikërisht pse po e bëjmë me vullnet të jashtëzakonshme na ka hapur derën Bashkimi Europian. Dhe hapim me një shpejtësi që nuk ka ndodhur më parë për vende të tjera. Jemi me diferencë të parët në rajon për integritetin e prokurimeve publike, sipas Komisionit Europian. Kemi bërë kapërcim historik në menaxhimin e financave publike dhe jemi të parët në rajon në menaxhimin e financave publike, sipas Komisionit Europian. Kemi bërë kapërcim historik në administratën publike dhe prandaj edhe aty kemi vlerësim të lartë nga Komisioni Europian. Patjetër që ka akoma për të bërë. Pikërisht për këtë dua dhe mandatin e katërt për PS, sepse ka akoma për të bërë”, u shpreh Rama.

Duke folur për pensionet, Rama tha se, pensioni mesatar në mandatin e katërt do të jetë 400 euro.

Ai shtoi se reforma e pensioneve që PS ka aplikuar, ka rezultuar efektive dhe në më shumë përfitime për këtë shtresë të shoqërisë.

Sipas Ramës nëse njëri bllok i pensionistëve e di pse përfiton më pak se sa blloku tjetër për të njëjtat vite pune, “ata e kanë për faj të kënetës”.

Ndërkohë fakti që dikush tjetër i ka më të larta përfitimet, sipas Ramës është pikërisht “për shkak të reformës që kemi bërë ne”.

“Është e suksesshme sepse kemi dy blloqe pensionistësh, njëri bllok, ai që ka dalë pas reformës, ka pensione shumë më të larta se ai që ka dalë para reformës. Dhe me ata që kanë dalë para reformës, kemi qenë shumë të qartë, që kemi ndryshuar të gjithë sistemin që gjenerata tjetër të mos bjerë në gropë. Por ama jemi po ashtu të vetëdijshëm që edhe atyre duhet t’iu gjendemi më pranë. Pikërisht tani, sepse tani ekonomia ka filluar të xhirojë me një ritëm që nuk do të ndalet as në katër vitet e ardhshme. Dhe duke pasur të ardhura më të larta, do të rrisim pensionin minimal. Dhe ndërkohë do të shkojmë, sipas analizave që kemi bërë, në 400 euro pension mesatar, për ata me sigurime të plota”, deklaroi Rama.

Për kryeministrin, pensionistët janë të vetmit që “nuk jetojnë në guaskën e botës mediatike, por jetojnë në jetën reale”.

Rama thotë se për të gjitha këto arsye kjo shtresë e popullsisë më 11 maj do të votojë Partinë Socialiste.

“Pensionistët janë më të mirët në aritmetikë. Se këtu ka nisur edhe një kontestim i madh i aritmetikës. 7×7 bëjnë 42, tani doli që nuk bëjnë 42, bëjnë 6 milionë. Ndërsa ata nuk kalkulojnë vetëm pensionet e tyre, ata ndryshe nga të tjerë u mbeten sytë te bufi ndjekin edhe çfarë themi ne për ta dhe për këtë arsye, ata në shumicë do të votojnë Partinë Socialiste sepse e dinë që ne jemi seriozë”, tha Rama.

The post Rama: PS, e vetmja garante për pavarësinë e institucioneve të drejtësisë appeared first on Agjencia Telegrafike Shqiptare.

“Mes Shqipërisë me BE-në zonjë në Europë apo Shqipërisë me Bufin e Kënetës prapë në gropë… kush zgjedh të parën Shqipërinë, voton 5”, kështu u shpreh kryeministri Edi Rama në takimin e  zhvilluar me vajzat dhe gratë në Elbasan.

Kryeministri bëri thirrje që më 11 maj qytetarët të tregohen të kujdesshëm dhe të votojnë për PS për t’i dhënë mundësinë shqiptarëve që të marrin pasaportën europiane të Shqipërisë.

“Në 11 maj do të votojmë për të mbyllur negociatat brenda 2027 dhe për t’i dhënë pasaportën europiane të gjithë fëmijëve të Shqipërisë. Nuk mund t’i bëjmë fëmijëve tanë asnjë nder më të madh, asnjë dhuratë më të çmuar. Nuk mund t’i lëmë asnjë më të shtrenjtë se sa dinjitetin e barabartë me bashkëmoshatarët e tyre në të gjithë Europën. Atë që rilindësit e morën dhe e kthyen në amanet të shkruar. Për ne Shqiptarët dielli lind andej nga perëndon. Një popull që doli në rrugë nga dëshira për liri dhe formuloi thirrjen e Duam Shqipërinë si gjithë Europa. Atë sot e kemi ne në dorë , sepse dera është hapur. Por duhet të jemi të vetëdijshëm se ajo derë nuk rri hapur. Dhe më e rëndësishmja është siguria…Të gjitha nënat shqiptare duhet ta kuptojnë se duke e futur Shqipërinë në BE e bëjmë më të sigurt Shqipërinë, i bëjmë më të sigurta familjet tona. Dera është hapur dhe duhet ta shfrytëzojmë këtë moment. BE është gati për ne, ama duhet të bëjmë negociatat dhe për këtë na duhet fuqia që populli shqiptar duhet të na e japë më 11 maj. Jo 71 mandate se 71 mandate as nuk diskutohet, por na duhet fuqi më e madhe sepse negociatat zhvillohen në Bruksel, vendimet merren në Tiranë. Pa mbetur në dorën e askujt, por duke pasur fuqinë që t’i bëjmë”, tha Rama.

Më tej kryeministri u ndal edhe tek Reforma në Drejtësi, për të cilën tha se drejtësia e re u bë vetëm falë mbështetjes së Partisë Socialiste.

Megjithatë, Rama shtoi se garantët e një drejtësia që do të vazhdojë të bëjnë punën e vet, pavarësisht gabimeve, garant për këtë është PS.

“Por që nesër të mos dalë dikush tjetër që t’i marrë koka erë dhe ta kthejë rrotën e historisë aty ku ishte, duhet të merrni në dorë fatin e drejtësisë. Duke e bërë Shqipërinë anëtare të BE e bëjmë Shqipërinë një zonjë. Dhe nuk ka më forcë të brendshme që prek barazinë para ligjit”, tha ai.

/abcnews.al/

Kryeministri Edi Rama ka nisur edhe sot komunikimin me qytetarët në rubrikën “Sy m’Sy”.

“Thonë Rama bën fushatë me timon, tepsi, e tani me pasaportat.

Reformën në drejtësi e bëri timoni sepse nuëse nuk do të ishim forca e vetme në qeveri me vendosmëri nuk do të bëhej, sepse palët e tjera nuk e duan atë që po ndodh me drejtësinë.

Thonë pastaj gjysma e qeverisë është në burg. Kjo nuk është e vërtetë. Pastaj ata që kanë probleme me drejtësinë janë anëtarë kabinetesh të mandateve të mëparshme, rëndësi ka fakti që ne jemi në mbështetje të procesit, nuk i vëmë pushtetin politik si karrocën para kalit drejtësisë.

Thonë fushata e PS është tallava e tallje. Si është e mundur? Këta nuk dinë çfarë është tallavaja, janë përbuzës të kulturës shqiptare”, tha ai.

The post Zgjedhjet e 11 majit/ Rama ironizon opozitën: Nuk dinë çfarë është tallavaja, janë përbuzës të kulturës shqiptare appeared first on Sot News | Lajme.

TIRANË, 23 prill/ATSH/ Kryeministri Edi Rama, njëherësh edhe Kryetari i Partisë Socialiste tha sot se Shqipëria është në pragun e derës së Bashkimit Evropian dhe fati i vendit tonë është përputhur me atë të familjes evropiane.

Kryeministri Rama, gjatë takimit elektoral me qytetarë të Skraparit, u shpreh se ka zëra që thonë se pse nuk mjaftuan tre mandate për ta futur Shqipërinë në BE, por kërkohet edhe një mandat i katërt.

Rama tha se Mali i Zi i ka hapur negociatat përpara se ai të bëhej kryeministër dhe nuk është futur akoma në BE, në vitin 2012, gjithashtu Serbia i ka hapur në 2014-ën përpara se Shqipëria të bëhej vend kandidat dhe akoma nuk është vend anëtar i BE-së.

“Po si ka mundësi që Maqedonia ndërroi dhe emrin dhe nuk është futur në BE dhe është bërë kandidat në vitin 2005? Atëherë, ka një shpjegim: sepse ti nuk futesh në BE se do ti, as se ti i bën të gjitha detyrat që ata thonë se duhet të bësh. Dera e BE-së që të hyhet brenda nuk hapet kur vendet thjesht trokasin, por kur 27 anëtarët e asaj familjeje bien dakord që të hapin derën. Dhe sot, ata kanë rënë dakord që të hapin derën për Shqipërinë. Dhe kjo derë e hapur për Shqipërinë do të thotë që ne e kemi kaluar detin në këmbë, ata na kishin bezdi edhe kur na takonin dhe na dëgjonin sa për të kaluar radhën”, tha Rama.

Sipas kryeministrit Rama, “sot Shqipëria ka arritur aty ku s’ka qenë kurrë dhe flamuri shqiptar sot respektohet, vlerësohet dhe dinjiteti i Shqipërisë është vënë në vend. E kanë hapur derën edhe për interesin e tyre, se bota është e trazuar dhe duan të zgjerojnë BE-në, kush është më pranë që ata ta marrin ta fusin brenda, ja që është Shqipëria te pragu. Dhe ne na kanë dhënë tre vjet për të mbaruar negociatat. Bëni detyrat deri në 2027-ën, t’i mbyllim dhe ju jeni anëtarë të BE-së. Kujt i kanë zgjatur tre vjet negociatat, askush nga vendet komuniste. Fati ynë e ka dashur që të jemi ne që të përmbushin profecinë e Gjergj Kastriotit që kur i vuri murin Perandorisë (Osmane) dhe i vuri gjoksin Evropës e përcaktoi që fati i shqiptarëve ishte në Evropë”, theksoi Rama, ndërsa shtoi se edhe rilindasit ishin ata që e lanë me shkrim se dielli për Shqipërinë lind andej nga perëndon, e më pas ata që dolën për të përmbysur regjimin komunist me thirrjet “E duam Shqipërinë si gjithë Evropa”. Borxhi që u kemi fëmijëve tanë është që t’u lëmë pasaportën evropiane”.

Kreu i qeverisë u ndal edhe te diskutimet në studiot televizive dhe sondazhet që bëhen në prag të zgjedhjeve të 11 majit, ndërsa nënvizoi edhe rezultatet e sondazhistit të Donald Trump që u shfaqën në një ekran shqiptar. Rama tha se sipas sondazhit, shumica mendon se Shqipëria po shkon në drejtimin e duhur.

“Ata habiten dhe thonë po kjo do të thotë që populli është i sëmurë. Pra, ju jeni të sëmurë ata janë normalë! Jo! Ata janë çyrykë, ju dhe populli shqiptar jeni fuqia që na ndihmon të shkojmë përpara. Ju ndiqni politikën dhe unë sot nëse ju pyes cili është Altin Dumani, të gjithë e njihni apo jo? Altin Dumani nuk erdhi dje nga materniteti, as nuk e sollën nga Hëna, ishte këtu prokuror. Po ky njeri me integritet, me kurajë, profesionist, pse nuk i doli emri, pse nuk thirri ndonjë drejtor policie dhe t’i thoshte çfarë problemi ke me ligjin?”, pohoi Rama.

Sipas kreut të PS, Dumani dhe “të gjithë prokurorët dhe gjykatësit e tjerë ishin nën hyqmin, nën çizmen e pushtetit politik, ndërsa shpatën që sot Altin Dumani e ka në dorë dhe pret majtas e djathtas, e kishte “bufi” në zyrë kur ishte përpara meje ku nga dritarja e zyrës shikonte se si njerëz të armatosur brenda zyrës vrisnin protestues”.

Sipas Ramës, asokohe kur Prokurorja e Përgjithshme kërkonte të thërriste në pyetje drejtorët e Policisë, “bufi” e sulmonte drejtuesin e Prokurorisë.

Rama nënvizoi faktin se atë shpatë që ishte në zyrën e të parit të qeverisë që nga viti 1912 që e kishte përdorur po njësoj mbreti, diktatori e të tjerët, PS ia dorëzoi drejtësisë. Dhe sipas Kryeministrit, nëse ka një arsye të madhe për ta votuar PS është pikërisht kjo për të cilën të gjithë armiqtë e drejtësisë së pavarur, të gjithë ata që mezi presin ta përmbysin atë që mezi është nxjerrë nga kthetrat e kontrollit 100 e ca-vjeçar.

“Arsyeja kryesore për ta votuar PS është se gjeti forcën, kurajën, që të jetë partia e popullit dhe jo e të pushtetshme, partia që e pranon ligjin si e barabartë me këdo qoftë. Dhe kjo është një arsye shumë e fortë për të shkuar bashkë në BE. Ata e kanë me mua, sepse mes tyre dhe jush unë jam pengesa”, cilësoi Rama.

/r.e//a.f/

The post Rama: Sondazhisti i Trump, shqiptarët mendojnë se vendi është në drejtimin e duhur appeared first on Agjencia Telegrafike Shqiptare.

TRANË, 18 prill /ATSH/ Drejtuesi i Prokurorisë së Posaçme Kundër Korrupsionit dhe Krimit të Organizuar (SPAK), Altin Dumani, mori pjesë sot në konferencën e organizuar nga Fakulteti i Shkencave Politiko-Juridike pranë Universitetit “Aleksandër Moisiu” Durrës.

Gjatë fjalës së tij Dumani tha se “pa drejtësi nuk mund të këtë paqe dhe pa llogaridhënie nuk mund të ketë demokraci”.

“Shteti i së drejtës mund të realizohet vetëm me kontributin e të gjithëve dhe ne po përpiqemi të garantojmë që ligji të lexohet njësoj, pa privilegjuar disa dhe harruar disa të tjerë”, u shpreh Dumani.

Dumani shtoi se “Reforma në Drejtësi e mbështetur dhe koordinuar edhe me partnerët tanë ndërkombëtar u realizua me ndryshimet thelbësore kushtetuese. Qëllimi i kësaj reformë është rritja e pavarësisë nga sistemit veçanërisht nga ndikimi politik dhe çlirimi i tij nga korrupsioni dhe paaftësia”.

Dumani tha se “SPAK dhe BKH u krijuan për të goditur këto dy fenomene që lëndojnë një shtet e pengojnë të ecë para dhe stepin shpresën për një të ardhme më të mirë”.

“SPAK ishte një ndër produktet e reformës në drejtësi dhe ka treguar se është i aftë të ushtrojë ndjekjen penale ndaj çdo subjekti pavarësisht fuqisë politike, ekonomike apo lidhjeve që mund të ketë me botën e krimit dhe këtu kryesisht me botën e krimit të organizuar”, u shpreh Dumani.

Kreu i SPAK tha se “ka shumë sfida ende për të çrrënjosur korrupsionin e zyrtarëve të lartë, krimin e organizuar”.

“Shkëmbimi ndërmjet praktikës dhe teorisë juridike është themelor. Jurisprudenca që zhvillojmë si institucion duhet të pasurohet dhe udhëhiqet nga reflektimi teorik, analiza kritike dhe vlerësimi akademik që ju si studiues dhe pedagogë ofroni”, tha Dumani.

Dumani nënvizoi se “shpresat për një drejtësi më të drejtë dhe të përgjegjshme lidhen drejtpërdrejt me formimin e brezit të ri të juristëve, ky brez duhet të pajiset jo vetëm me njohuri, por me etikë, guxim dhe ndjenjë shërbimi”.

/r.e//a.f/

The post Dumani: SPAK, i aftë të ushtrojë ndjekjen penale ndaj çdo subjekti pavarësisht fuqisë politike dhe ekonomike appeared first on Agjencia Telegrafike Shqiptare.

TIRANË, 17 prill/ATSH-Maela Marini/ Kryeministri Edi Rama, njëherësh kryetar i Partisë Socialiste deklaroi sot nga Dibra se “fuqia morale, politike e qytetare e PS-së është që u ngrit mbi veten duke qenë e gatshme për të pranuar edhe goditjet e drejtësisë kur ato vijnë brenda shtëpisë sonë”.

Në një takim me gratë e vajzat e qarkut Dibër, Rama u ndal te Reforma në Drejtësi, ndërsa shtoi se PS ka bërë atë që nuk e ka bërë asnjë forcë politike në qeverisje që nga viti 1912.

“Altin Dumani ka qenë prokuror shumë vite. Ky ka qenë nga Dibra, i ndershëm, i zoti, i papërzier me asnjë gjë tjetër përveçse me punën e vet, por e kishit dëgjuar ndonjëherë të merrte në pyetje ndonjë person të njohur? Po si u bë kaq i fortë Altin Dumani. Dumani u bë i fortë sepse ne bëmë atë që nuk e ka bërë asnjë forcë që ka qeverisur vendin nga vitit 1912. Ne i dorëzuam drejtësisë shpatën e ndëshkimit që i takon drejtësisë”, tha Rama.

Rama u shpreh se nëse sot ka barazi para ligjit në Shqipëri këtë e bëri PS.

“Është për të vënë duart në kokë kur çohen e thonë ‘si mund të votoni PS-në ku gjysma janë në burg, gjysma janë për burg’. Është për të vënë duart në kokë sepse nëse sot ju të gjithë po shihni që mund të ketë barazi para ligjit në Shqipëri këtë e bëri PS. Kur unë thosha që ne duam një drejtësi që mos të shohë majtas e djathtas, por të shohë drejt dhe të godasë majtas e djathtas për kë e kisha? Për ne, ne jemi majtas”, shtoi Rama.

Rama theksoi se kjo nuk është arsye për të ulur kokën

“Fuqia jonë morale, karakteriale, politike, qytetare, patriotike për t’u ngritur mbi veten dhe për të qenë të gatshëm për të pranuar edhe goditjet e drejtësisë kur ato vijnë brenda shtëpisë sonë dhe kur brenda shtëpisë sonë ka njerëz të padenjë është jo një arsye që ne të ulim kokën, por është arsye të jemi krenar se po i japim Shqipërisë një gjë që nuk e ka pasur kurrë”, tha Rama.

Ndërkohë kryeministri theksoi se “bufi i kënetës” thotë se do të shkrijë SPAK në 12 maj, sepse ka hallin e vet”. /j.p/

The post Rama: Si u bë kaq i fortë Altin Dumani, barazinë para ligjit e solli PS appeared first on Agjencia Telegrafike Shqiptare.

TIRANË, 17 prill/ATSH/ Kryeministri Edi Rama deklaroi se sot ka një drejtësi të pavarur nga pushteti politik.

Në rubrikën “Sy m’Sy”, duke iu përgjigjur drejtpërdrejt ndjekësve në rrjetet sociale, Rama tha se “qeveria ime është e gjitha në detyrë. Në procese me drejtësinë kanë qenë dhe janë ish-ministra dhe nuk janë as sa çereku i qeverisë që unë kam sot në numër pa harruar që unë kam pasur mbi 60 ministra”.

“Ndërkohë, nëse sot ka ish-ministra, kryetarë bashkie, personalitete ose figura zyrtare etj., në probleme të hapura me drejtësinë, si erdhi kjo ditë? E solli Zoti këtë ditë vetë, pa ndihmën tonë, e solli Amerika me aeroplanë këtë ditë, apo e solli BE-ja me anije? Se BE dhe Amerika aty kanë qenë që në 1991”, theksoi Rama.

Duke iu përgjigjur qytetarit Rama tha se “ti nuk e ke parë kurrë në jetën tënde një ministër apo kryetar bashkie, nuk e ke parë kurrë që një individë të fortë të lidhur me pushtetin qoftë edhe kriminelët e botës së krimit nga ata me damkë që të jenë nën goditjen e shpatës së drejtësisë”.

Kryeministri Rama kujtoi gjithashtu ngjarjen e 11 Janarit 2011 ku pranë Kryeministrisë u vranë katër persona.

“Ti ke parë gjëra krejt të kundërta me këtë, ti ke parë qeveri, kryeministra që vrasin njerëz. Këtu, poshtë dritares, janë vrarë njerëz të pafajshëm, qytetarë që erdhën të protestojnë poshtë dritares, që është Kryeministria, u bënë frëngji nga ku dolën pushkët e shtetit. Ti ke parë qeveri që hedhin në erë zona të banuara dhe vrasin njerëz dhe plagosin njerëz e shkatërrojnë prona jo në film, në realitet këtu në Tiranë, apo s’e ke pas mendjen, dhe nuk u ka hyrë gjemb në këmbë? Jo nuk u ka hyrë gjembë në këmbë, dhe nuk po shkoj më tutje, dhe duhet të kesh parë në Tiranë presidentë që kanë hedhur Shqipërinë në erë, kanë provokuar vrasjen e katër mijë njerëzve duke nxitur popullin të fusë lekët në piramida”, nënvizoi Rama.

Nuk po të çoj, shtoi Rama, as kur vinin me armë edhe me ato mortajat që mbajnë në krah këtu para Kryeministrisë për të marrë pushtetin.

Më tej Kryeministri u ndal tek reforma në drejtësi dhe tek kreu i SPAK, Altin Dumani duke theksuar se “asnjëherë nuk ke parë më një prokuror që t’i thërrasë këta e t’u thotë: “Quo Vadis Domine” deri përpara pak vitesh. Altin Dumanin kur e ke dëgjuar ti, se me siguri e ke dëgjuar para 5, 10, 15 apo 20 vjetësh. Dumani ka qenë prokuror në detyrë në ato vite që unë po flas po ti nuk ia ke dëgjuar emrin. Prokuror i zoti, i përkushtuar, i ndershëm patjetër, i vendosur, s’ka thirrur ndonjë që t’i thotë hajde këtu si ti vrave katër veta. Sepse nuk e kishte “shpatën” të thërriste”.

Rama u shpreh se “më përfytyron dot mua ti që të dal e të them kush vjen proteston poshtë penxheres do ta vras”.

“E përfytyron dot ti që të dalë të çojë lera Dumani për të thirrur kërkuar llogari për këtë punë e unë të dal në televizor t’i them popullit që ai është një lavire, i përfytyron dot këto ti? Në asnjë mënyrë, janë të paimagjinueshme, sepse ky që shikon ti këtu bashkë me PS-në që sipas teje s’duhet t’i flasësh, e kanë sjellë ditën për shqiptarët që shqiptarët se kanë parë që nga 1912”, tha Rama, duke shtuar se PS ka dorëzuar tek drejtësia “shpatën e ndëshkimit” që i takon drejtësisë.

Rama vuri në dukje se drejtësinë e pavarur nga pushteti politik e solli në këtë vend Partia Socialiste.

“Shqipëria e ka të burgosurin e fundit politik në demokraci Fatos Nanon, u fut në burg me urdhër nga i pari. Sot këto janë të paimagjinueshme sepse ajo që kam bërë unë me PS-në është e paimagjinueshme hidhu përpjetë ti bashkë me të gjithë kukumjaçkat dhe insektet e kënetës nën ritmin e bufit, por e vërteta është vetëm kjo. Nëse sot ka një SPAK dhe Duman që meriton respekt dhe solidaritet për të gjithë ato sulme barbare që i janë bërë atij dhe familjes kjo ndodh se sot ka një drejtësi të pavarur nga pushteti politik. Drejtësinë e pavarur nga pushteti politik e solli në këtë vend PS me mua në krye.”

Nëse, vijoi Rama, “ne e hodhëm këtë hap, ose i hyjmë detit me këmbë, ti mendon që nuk e dinin që një drejtësi e pavaruar do të godiste brenda nesh?”.

“I ke dëgjuar ti kur unë kërkoja reformën më drejtësi dhe kur këtu më ishin ngujuar në çadra Luli e kompani dhe vinte “bufi” herëpashere dhe përkëdhelte Lulin këtu dhe ia jepte klithmave kundër penxhereve lart. Më ke dëgjuar kur kam thënë që dua një drejtësi që mos të shohë majtas dhe djathtas, por vetëm drejt”, tha Rama.

/k.s/r.e/a.f/

 

The post Rama: Sot ka drejtësi të pavarur nga pushteti politik, e solli Partia Socialiste appeared first on Agjencia Telegrafike Shqiptare.